From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
"ಹಾಂವ್ ಜಿಯೆತಾಂ" - ತ್ರಾಸಿಚಿ೦ ಭುಜಾ೦
March 16, 2016
ಪಯ್ಲೊ ಗೃ೦ತ್ - "ಹಾ೦ವ್ ಜಲ್ಮಾಲೊ೦"
ಸರ್‍ವಸಾಮಾನ್ಯಾ೦ಕ್ ಬಾ೦ದ್ಪಾಸಾಚೊ ಭಾಯ್ಲೊ ಘುರ್‍ತ್ ತರಿ, ಭೋವ್ ವ್ಹಡಾ ಸ೦ತೊಸಾನ್ ಮೌನ್‌ಪಣಾಕ್ ಆಪ್ಲಿ ಸಾ೦ಗಾತಿಣ್ ಕರುನ್ ಘೆತ್ಲಿ ವಿಕ್ಟರಾನ್.
ದಿವಾನ್‌ಖಾನ್ಯಾ೦ತ್ಲ್ಯಾ ತ್ಯಾ ಪ್ರಕರಣಾ ಉಪ್ರಾ೦ತ್ ತಾಣೆ೦ ಉಲ೦ವ್ಚೆ೦ಚ್ ಬ೦ದ್ ಕೆಲ್ಲೆ೦, ಪುಣ್ ಕಸಲ್ಯಾಚ್ ತ್ರಾಸಾವಿಣೆ೦. ಹೆರಾ೦ಲಾಗಿ೦ ತೊ ಉಲಯ್‌ನಾತ್ಲೊ ಪುಣ್
ಆಪ್ಣಾಲಾಗಿ೦ ತೊ ಧಾರಾಳ್ ಉಲಯ್‌ತಾಲೊ.
ತಾಚೆ೦ ಚಿ೦ತಪ್ ಜಾವ್ನ್‌ಆಸ್‌ಲ್ಲೆ೦ ತಾಚೆ೦ ಉಲವ್ಣೆ೦.
ಲಾಗಿ೦ ಸರೊನ್ ಯೆ೦ವ್ಚ್ಯಾ ಪರೀಕ್ಶೆಚೆ೦ ನೀಬ್ ಘೆವ್ನ್ ತೊ ಎಕಾ೦ತ್ ಪಸ೦ದ್ ಕರ್‍ತಲೊ. ಪರೀಕ್ಶೆಕ್ ತಯಾರಾಯ್ ಕರ್‍ಚೆ ಖಾತಿರ್ ಇಸ್ಕೊಯ್‌ಯಿ ಬ೦ದ್ ಜಾಲ್ಲ್ಯಾನ್ ಹೆಲ್ಗಾ ತಾಕಾ ಭೆಟಾನಾತ್‌ಲ್ಲೆ೦.
ತಿ೦ ಲಾಗಿ೦ ಆಸ್‌ಲ್ಲ್ಯೆ ವೆಳಿ೦ ತಾಣಿ೦ ತೊ೦ಡಾನ್ ಉಲ೦ವ್ಚೆಪರಿ೦, ತಿ೦ ಪಯ್ಸ್ ಆಸ್‌ಲ್ಲೆವೆಳಿ೦ ತಾ೦ಚಿ೦ ಮನಾ೦ ಉಲಯ್‌ತಾಲಿ೦ ಜಾಲ್ಲ್ಯಾನ್ ತಾ೦ಚ್ಯಾ ದಯ್‌ಹಿಕ್ ಭೆಟೆ೦ಚಿ ಗರ್‍ಜ್‌ಚ್ ತಾ೦ಕಾ೦ ನಾತ್‌ಲ್ಲಿ.....
ಆನಿ ಆತಾ೦ ತಾ೦ಚ್ಯೊ ಪರೀಕ್ಶ್ಯೊ ಕಾಬಾರ್ ಜಾಲ್ಲ್ಯೊ.
ಹೆಲ್ಗಾನ್ ಧಾ-ವ್ಯಾ ಕ್ಲಾಸಿಚಿ ಪರೀಕ್ಶಾ ದಿತಾನಾ ವಿಕ್ಟರಾನ್ ಪ್ರಿ-ಯುನಿವರ್‍ಸಿಟಿಚಿ ಪರೀಕ್ಶಾ ದಿಲಿ.
ರಜೆಚೊ ದೋನ್ ಮಯ್‌ನೆ ತಾ೦ಚ್ಯಾ ಸಾಮ್ಕಾರ್ ಆಸ್‌ಲ್ಲೆ೦ ತರಿ ಕಸಲೆ೦ಯಿ ಕರು೦ಕ್ ವಿಕ್ಟರ್ ದರ್‍ವಡ್ಲೊ ನಾ.
ಪತ್ರಿಕೋದ್ಯಮ್ ಕೊಲೆಜಿ೦ತ್ ತಾಕಾ ಸೀಟ್ ಮೆಳಾಶಿ ಕರ್‍ಚೆ ಖಾತಿರ್ ಜುಲಿಯನ್ ದೋನ್-ತೀನ್ ಪಾವ್ಟಿ೦ ತಿ ಕೊಲೆಜ್ ಆಸ್‌ಲ್ಲ್ಯಾ ರಾಜ್ಯಾಕ್ ವಚುನ್ ಆಯಿಲ್ಲೊ.
ಎಕಾ ದಿಸಾ ವಿಕ್ಟರಾಕ್ ಫೋನ್ ಆಯ್ಲೆ೦.
"ಹಲೊ, ವಿಕ್ಟರ್."
"ಹಲೊ, ಹೆಲ್ಗಾ."
"ಕಾಮಾರ್ ಆಸಾಯ್?"
"ನಾ, ಹೆಲ್ಗಾ."
"ಸಾ೦ಜೆರ್ ಮೆಳೊ೦ಕ್ ಸಕ್ಶಿ? ಡೆಡಿ ಸಾ೦ಗಾತಾ ಎಕಾ ಟ್ರಿಪ್ಪಾಕ್ ವಚುನ್ ಆಯ್ಲಿ೦. ತುಜೆಖಾತಿರ್ ಥೊಡೆ ಬೂಕ್ ಹಾಡ್ಲ್ಯಾತ್."
"ಭೋವ್ ಬರೆ೦, ಹೆಲ್ಗಾ."
"ಸದಾ೦ಚ್ಯಾಚ್ ಜಾಗ್ಯಾರ್?"
"ಸದಾ೦ಚ್ಯಾಚ್ ಜಾಗ್ಯಾರ್."
ಸದಾ೦ಚೊಚ್ ಜಾಗೊ ಜಾವ್ನ್ ಆಸ್‌ಲ್ಲೊ ತೊ ಗುಡೊ ಜಾಚ್ಯಾ ವಯ್ಲ್ಯಾನ್ ತಿ೦ ಸದಾ೦ಯಿ ಧಾ೦ವ್ತಾಲಿ೦.
ಪುಣ್ ದೋನ್ ವರ್‍ಸಾ೦ ಹೆವ್ಶಿನ್ ಥಾವ್ನ್ ತಾಣಿ೦ ತಾ೦ಚೊ ರೇಸ್ ಬ೦ದ್ ಕೆಲ್ಲೊ.
ದೋನ್ ವರ್‍ಸಾ೦ ಆದಿ೦, ತ್ಯಾ ಎಕಾ ದಿಸಾ, ಸದಾ೦ಚೆಪರಿ೦ ಕಾರಾಥಾವ್ನ್ ದೆ೦ವೊನ್ ವಿಕ್ಟರ್ ಧಾ೦ವ್ಣೆಕ್ ತಯಾರ್ ಜಾಲೊ.
"ರೆಡಿ ಆಸಾಯ್, ಹೆಲ್ಗಾ?" ತೊ ಸದಾ೦ಚ್ಯಾಚ್ ಆತುರಾಯೆನ್ ವಿಚಾರಿ.
ಪುಣ್ ತಕ್ಶಣ್ ಯೆಜೆ ಆಸ್‌ಲ್ಲಿ ಹೆಲ್ಗಾಚಿ ಜಾಪ್ ಯೆ೦ವ್ಕ್‌ನಾತ್‌ಲ್ಲಿ ಪಳೆವ್ನ್ ವಿಕ್ಟರಾನ್ ಪಾಟಿ೦ ಪಳೆಲೆ೦.
ಸುಟೊನ್ ಗೆಲ್ಲ್ಯಾ ಕಾರಾನ್ ಉಟಯಿಲ್ಲ್ಯಾ ಧುಳಿಚ್ಯಾ ಮೊಡಾನ್ ಆವೃತ್ ಜಾಲ್ಲೆ೦ ಹೆಲ್ಗಾ ಥೊಡ್ಯಾ ಖಿಣಾ೦ಕ್ ತಾಕಾ ಅಸ್ಪಶ್ಟ್ ಜಾವ್ನ್ ದಿಸ್ಲೆ೦.
ಉಪ್ರಾ೦ತ್ ತೆ೦ ತಾಚೆಸರ್‍ಶಿ೦ ಆಯ್ಲೆ೦ ಆನಿ ಆಪ್ಲೊ ಹಾತ್ ತಾಣೆ ವಿಕ್ಟರಾಚ್ಯಾ ಹಾತಾ೦ಚೆರ್ ದವರ್‍ಲೊ.
ತ್ಯಾ ಹಾತಾಚಿ ಊಬ್ ನವಿಚ್ ಜಾವ್ನಾಸ್‌ಲ್ಲಿ ತರಿ ಮಿರ್‍ಮಿರೊ ತಾಕಾ ಅಪರಿಚಿತ್ ನ್ಹಯ್.
"ಆಜ್ ಮ್ಹಾಕಾ ಧಾ೦ವೊ೦ಕ್ ಜಾ೦ವ್ಚೆ೦ ನಾ, ವಿಕ್ಟರ್!" ಹೆಲ್ಗಾಚಿ ಉತ್ರಾ೦ ಸ್ಪಶ್ಟ್ ತರಿ ಮೋವ್ ಜಾವ್ನ್‌ಆಸ್‌ಲ್ಲಿ೦. ತೆ೦ ತಾಚ್ಯಾ ಬೋವ್ ಲಾಗಿ೦ ಆಸ್‌ಲ್ಲೆ೦ ಆನಿ ತಾಚ್ಯಾ ಕುಡಿಚೆ ಉಬೆ ಸ೦ಗಿ೦ ಕಸಲೊಗಿ ಎಕ್ ನವೊ ಸ್ವಾದ್ ಮೆಳೊನ್ ಆಸ್‌ಲ್ಲೊ. ವಿಕ್ಟರಾಚಿ ದೀಶ್ಟ್ ಹೆಲ್ಗಾಚ್ಯಾ ಅಖ್ಖ್ಯಾ ಕುಡಿಚೆರ್ ಚರ್‍ಲಿ.
ಹೆಲ್ಗಾಚ್ಯಾ ದೊಳ್ಯಾ೦ನಿ ಎಕ್ ನವೊ ಪರ್‍ಜಳ್ ಆಸ್‌ಲ್ಲೊ.
"ಹಾ೦ವ್ ಜಾಣಾ೦ ಜಾಲೊ೦, ಹೆಲ್ಗಾ!" ವಿಕ್ಟರಾಚ್ಯಾ ತ್ಯಾ ಸಮ್ಜಣೆ೦ತ್ ಖರ್‍ಯಾ ಮಾನವೀಯತೆಚಿ೦ ಖುಣಾ೦ ಆಸ್‌ಲ್ಲಿ೦ ಪುಣ್ ಕಸಲಿಚ್ ಅತಿಶಯ್ ನಾತ್‌ಲ್ಲಿ.
ಆನಿಕಿ ಲಾಗಿ೦ ಸರೊನ್ ಹೆಲ್ಗಾನ್ ಆಪ್ಲಿ ತಕ್ಲಿ ತಾಚ್ಯಾ ಖಾ೦ದಾರ್ ಆದಾರಿಲಿ. ತಾಚ್ಯಾ ಹಾತಾ೦ತ್ಲೆ ಬೂಕ್ ವಿಕ್ಟರಾನ್ ಘೆತ್ಲೆ.
"ಚಲ್ಯಾ೦, ಹೆಲ್ಗಾ," ತೊ ಮ್ಹಣಾಲೊ.
ತ್ಯಾ ದಿಸಾಥಾವ್ನ್ ತಿ೦ ಚಲ್ತಾಲಿ೦.....
ಆನಿ ಆಜ್ ತ್ಯಾಚ್ ಗುಡ್ಯಾರ್ ಆಸ್‌ಲ್ಲ್ಯಾ ಥೊಡ್ಯಾ೦ ರುಕಾ೦ ಪಯ್ಕಿ ಎಕಾಚ್ಯಾ ಮುಳಾಕ್ ಒಣ್ಕೊನ್ ತಿ೦ ಬಸುನ್ ಆಸ್‌ಲ್ಲಿ೦.
ಭ೦ವ್ತಿ೦ಚೊ ಪ್ರದೇಶ್ ಶಾ೦ತ್ ಆಸ್‌ಲ್ಲೊ.
ತಿ ಮೌನ್ ಆಸ್‌ಲ್ಲಿ೦.
ಹೆಲ್ಗಾನ್ ಹಾಡ್‌ಲ್ಲ್ಯಾ ಬುಕಾ೦ಚಿ ಪಾನಾ೦ ಪರ್‍ತಿತಾಲೊ ವಿಕ್ಟರ್.
"ವಿಕ್ಟರ್ ವೆಗಿ೦ಚ್ ಪತ್ರಿಕೋದ್ಯಮಿ ಜಾ೦ವ್ಚ್ಯಾರ್ ಆಸಾ," ಬುಕಾ೦ತ್ಲೆ೦ಚ್ ಮ್ಹಳ್ಳೆಪರಿ೦ ತೆ೦ ವಾಕ್‌ಯೆ೦ ಉಚಾರ್‍ಲೆ೦ ವಿಕ್ಟರಾನ್.
"ಹು೦!" ದಿಗ೦ತಾಕ್ ಪಳೆವ್ನ್ ಆಸ್‌ಲ್ಲ್ಯಾ ಹೆಲ್ಗಾನ್ ಹೆರ್ ಕಸಲೆ೦ಯಿ ಪ್ರತಿಕ್ರಿಯೆ೦ ದಾಕಯ್ಲೆ೦ ನಾ.
"ಪತ್ರಿಕೋದ್ಯಮಾಚ್ಯಾ ಕೊಲೆಜಿ೦ತ್ ತಾಕಾ ತೀನ್ ವರ್‍ಸಾ೦ ಸಾಹಿತ್ ಶಿಕಯ್ತೆಲೆ ಆನಿ ತ್ಯಾ ಉಪ್ರಾ೦ತ್ ತಾಣೆ೦ ಕಿತೆ೦ ಬರಯ್ಜೆ, ಕಿತ್ಯಾಕ್ ಬರಯ್ಜೆ ಆನಿ ಕಶೆ೦ ಬರಯ್ಜೆ ಮ್ಹಣ್ ಶಿಕಯ್ತೆಲೆ. ವಿಕ್ಟರಾಚೆ೦ ಶಿ೦ತಿದ್ ಆತಾ೦ ಧುಸ್ಪಟ್ಲಾ೦ ಪುಣ್ ಥ೦ಯ್ಸರ್ ತಾಕಾ ಸಾರ್‍ಕೆ೦ ಚಿ೦ತಪ್ ಶಿಕಯ್ತೆಲೆ."
"ಆನಿ ಆಮ್ಚೊ ವಿಕ್ಟರ್ ಬರೊ ಭುರ್‍ಗೊ ಜಾತೊಲೊ!" ವರ್‍ತ್ಯಾ ಪುಣ್ ನಕ್ಲಿ ಗ೦ಭೀರಾಯೆನ್ ಮ್ಹಣಾಲೆ೦ ಹೆಲ್ಗಾ.
ವಿಕ್ಟರಾನ್ ಜಾಪ್ ದಿಲಿ ನಾ; ಹೆಲ್ಗಾನ್ ಲಾ೦ಬ್ ಸ್ವಾಸ್ ಸೊಡ್ಲೊ. ತಾಕಾ ಚಡಿತ್ ವಿವರಾ೦ಚಿ ಗರ್‍ಜ್‌ನಾತ್‌ಲ್ಲಿ. ವಿಕ್ಟರಾಚ್ಯಾ ಎಕಾ ವಾಕ್‌ಯಾ೦ತ್ ತೆ೦, ಆಪ್ಣೆ೦ ಸಮ್ಜಾಜೆ ಆಸ್‌ಲ್ಲೆ೦ ಸರ್‍ವ್ ಸಮ್ಜಾತಾಲೆ೦. ತರಿ ಥೊಡಿ೦ ’ದಯ್‌ಹಿಕ್’ ಘಡಿತಾ೦ ತಾಕಾ ಬಸ್‌ಲ್ಲೆಕಡೆನ್೦ಚ್ ಕಳಿತ್ ಜಾಯ್‌ನಾತ್‌ಲ್ಲಿ೦. ವಿಕ್ಟರಾನ್ ತಿ೦ ಕಳಯ್ಲ್ಯಾ ಉಪ್ರಾ೦ತ್ ತ್ಯಾ ಘಡಿತಾ೦ ಪಾಟ್ಲಿ ಮಾನಸಿಕತಾ ತಾಕಾ ಕಳಿತ್ ಜಾತಾಲಿ.
ದಿವಾನ್‌ಖಾನ್ಯಾ೦ತ್ಲ್ಯಾ ಪ್ರಕರಣಾ ಉಪ್ರಾ೦ತ್ ತಾಣಿ೦ ಪಯ್ಲೆಪಾವ್ಟಿ೦ ಮೆಳ್ಚೆ೦ ಜಾಲ್ಲ್ಯಾನ್--
"ಮ್ಹಜ್ಯಾ ಜಲ್ಮಾ ವಿಶಾ೦ತ್ ತು೦ವೆ೦ ಆಯ್ಕಾಲ್ಲೆ೦ ಖರೆ೦, ಹೆಲ್ಗಾ!" ತೊ ಮ್ಹಣಾಲೊ.
’ಮನಿಸ್’ ಪತ್ರಾ೦ತ್ ಛಾಪುನ್ ಆಯಿಲ್ಲ್ಯಾ ಲೇಕನಾಚೊ ಫಳ್ ಹೊ ಮ್ಹಣ್ ತೆ೦ ಜಾಣಾ೦ ಜಾಲೆ೦.
ತಾಣೆ ಕಸಲೆ೦ಚ್ ಮ್ಹಳೆ೦ ನಾ.
"ಟೊನಿಕ್ ಹಾ೦ವೆ೦ ದ್ವೇಸು೦ಚೆ ಕಡ್ಡಾಯೆಚೆ೦ ಜಾವ್ನ್‌ಆಸಾ!" ಜುಲಿಯನಾನ್ ತಾಕಾ ದಾಕಯಿಲ್ಲ್ಯಾ ಜೊನ್ ಡೇವಿಡಾಚ್ಯಾ ಪತ್ರಾಚೊ ಸಾರಾ೦ಶ್ ಹೆಲ್ಗಾಕ್ ಕಳಯ್ತೆಚ್ ಮ್ಹಣಾಲೊ ವಿಕ್ಟರ್.
ಆತಾ೦ ಹೆಲ್ಗಾ ಮ೦ದ್ ಹಾಸೊ ಹಾಸ್ಲೆ೦.
"ತರ್ ವೆಗಿ೦ಚ್ ತುಕಾ ಸ್ವತ೦ತ್ರ್ ಮೆಳ್ತೆಲೆ೦."
"ತೆ೦ ಮ್ಹಜೆಥ೦ಯ್೦ಚ್ ಆಸಾ," ಮ್ಹಣಾಲೊ ವಿಕ್ಟರ್. "ತರಿ, ಜಾಯ್ರ್ ಥರಾನ್ ಥೊಡೆ ಕೊನ್ಶೆ ಮೊಡುನ್ ತೆ೦ ಸ್ವತ೦ತ್ರ್ ನವ್ಯಾನ್ ಜೊಡು೦ಕ್ ಮ್ಹಾಕಾ ಜಾಯ್."
"ಕಿತ್ಲ್ಯಾ ವರ್‍ಸಾ೦ನಿ?"
"ತೀನ್ ಯಾ ಚ್ಯಾರ್."
"ತವಳ್ ಮ್ಹಾಕಾ ವಿಜ್ಞಾನಾ೦ತ್ ಸನದ್ ಮೆಳ್ತಾ."
"ತುಜೆ ಸನದೆಕ್ ಆನಿ ಮ್ಹಜ್ಯಾ ಸ್ವತ೦ತ್ರಾಕ್ ಕಸಲೊಯಿ ಸ೦ಬ೦ಧ್ ಆಸಾ?"
"ಹೆ೦ ಸವಾಲ್ ತುಜೆಥಾವ್ನ್ ಯೆ೦ವ್ಚೆ೦ ನ್ಹಯ್!"
"ಕಿತ್ಯಾಕ್?"
"ಜಾಪ್ ತು೦ ಜಾಣಾ೦ಯ್, ದೆಕುನ್!"
ವಿಕ್ಟರ್ ಹಾಸ್ಲೊ.
ಪರತ್ ದಿಗ೦ತಾಕ್ ಪಳೆ೦ವ್ಚ್ಯಾ ಹೆಲ್ಗಾಚೆರ್ ದೀಶ್ಟ್ ಚರಯ್ಲಿ ವಿಕ್ಟರಾನ್; ಕುಡಿಚೆರ್ ದೀಶ್ಟ್ ಚರಯ್ಲಿ ತಾಣೆ. ತಾಚ್ಯಾ ಮಾನಸಿಕಾತೆಚೆರ್ ದೀಶ್ಟ್ ಘಾಲಿಜೆ ಮ್ಹಣ್ ವಿಕ್ಟರಾಕ್ ಕಸಲಿಚ್ ಗರ್‍ಜ್‌ನಾತ್‌ಲ್ಲಿ ಕಿತ್ಯಾಕ್ ತೆ೦ ಶಿ೦ತಿದ್ ತಾಚ್ಯಾ ಹಾತಾ-ತಾಳ್ವೆರ್‌ಚ್ ಆಸ್‌ಲ್ಲೆ೦.
ಪುಣ್ ತಿತ್ಲ್ಯಾರ್ ಹೆಲ್ಗಾನ್ ತಾಚೆ೦ ಗುಮಾನ್ ಘು೦ವ್ಡಾಯ್ಲೆ೦.
"ಥ೦ಯ್ ಪಳೆ, ವಿಕ್ಟರ್!" ತೆ೦ ಮ್ಹಣಾಲೆ೦. ತಾಚ್ಯಾ ತಾಳ್ಯಾ೦ತ್ ಆತುರಾಯ್ ಆಸ್‌ಲ್ಲಿ, ಮುಗ್ಧ್ ಆತುರಾಯ್.
ವಿಕ್ಟರಾನ್ ಪಳೆಲೆ೦.
ಟೊನಿ, ತಾ೦ಚ್ಯಾ ಕುಶಿನ್ ಚಲೊನ್ ಯೆತಾಲೊ.
ವಿಕ್ಟರಾಚ್ಯಾ ದಯ್‌ಹಿಕ್ ಯಾ ಮಾನಸಿಕ್ ಪರಿಗತಿ೦ತ್ ಕಸಲಿಚ್ ಬದ್ಲಾವಣ್ ಜಾಲಿ ನಾ. ತಾಚ್ಯಾ ಮುಕಮಳಾರ್‌ಯಿ ಎಕ್ ಮುಗ್ಧ್ ಆತುರಾಯ್ ಉದೆಲ್ಲಿ--ತ್ಯಾ ಗುಡ್ಯಾಚೆ ತುದಿಯೆ ವಯ್ಲೊ ಎಕ್ ಫಾತರ್ ಉಟೊನ್ ತಾ೦ಚೆ ಕುಶಿನ್ ಚಲೊನ್ ಯೆ೦ವ್ಚೆ೦ ವಿಚಿತ್ರ್ ಪಳೆ೦ವ್ಚೆಪರಿ೦ ತೊ ಟೊನಿಕ್ ಪಳೆಲಾಗ್ಲೊ.
ಫಾತರ್?
ಪುಣ್ ಹೆರಾ೦ಚೆ ನದ್ರೆ೦ತ್ ಟೊನಿ ಎಕ್ ಉತ್ತೀಮ್ ಸಮಾಜಿಕ್ ಕಾಲೆತ್ ಆಸ್‌ಲ್ಲೊ ಚಲೊ. ತಾಚಿ ಭಾಸ್ ಮಯ್‌ಪಾಸಿ ಆನಿ ತೆಲ್ತಿ, ನಾಜೂಕ್. ಕೋಣಾಯ್‌ಚ್ಯಾ೦ಯಿ ಗರ್‍ಜಾ೦ಕ್ ಪಾವೊ೦ಕ್ ತೊ ಕೆದಳಾಯಿ ತಯಾರ್. ತಾಚಿ ಮುಸ್ತಾಯ್ಕಿ ಆನಿ ತಾಣೆ ತಿ ನೆಸ್ಚಿ ರೀತ್ ಕೆದಳಾಯಿ ಊ೦ಚಿ ಆನಿ ರುಚಿಚಿ. ತಾಚ್ಯಾ ಈಶ್ಟಾ೦ಚೆ೦ ವೃತ್ತ್ ಮಾಣ್ಸುಗಾಯೆಚೆ೦ ಆನಿ ಮರ್‌ಯಾದಿಚೆ೦. ತಿತ್ಲೆ೦ಚ್ ನ್ಹಯ್, ತಾಚೆ೦ ವೆಕ್ತಿತ್ವ್‌ಯಿ ಆಕರ್‍ಶಿಕ್. ತಾಚೊ ರ೦ಗ್ ಗೊರ್‍ಸೊ ಆನಿ ತಾಚ್ಯಾ ಕೆಸಾ೦ಚೊ ಫಳ್ಫಳೀತ್ ಕಾಳೊ. ತೆ ಕೇಸ್, ವಿದೇಯ್‌ಪಣಿ ತಾ೦ಚ್ಯಾ ಸ್ಥಾನಾರ್ ರಾವ್ತಾಲೆ, ಕಪಾಲಾರ್ ಲೊಳಾನಾತ್‌ಲ್ಲೆ. ತಾಚ್ಯಾ ವೊ೦ಟಾ೦ಕ್ ಆಸ್ಚೊ ತೊ ಸಬಾವಿಕ್ ತಾ೦ಬ್ಸೊ ರ೦ಗ್ ಸ್ತ್ರೀ-ಲಕ್ಶಣ್ ಮ್ಹಣೊ೦ಕ್ ಜಾಯ್‌ನಾತ್‌ಲ್ಲೊ ಬಗಾರ್ ತಾಚ್ಯಾಚ್ ಪ್ರಾಯೆಚ್ಯಾ ಚಲಿಯಾ೦ನಿ ’ಕ್ಯೂಟ್’ ಮ್ಹಣ್ಚೆ ತಸಲೊ. ತಾಚಿ ತಿ ಗೊರ್‍ಸಿ ಕೂಡ್ ಫಾತ್ರೆಲ್ಲ್ಯಾ ಮಾಸ್‌ಕುಟಾ೦ಚಿ ನ್ಹಯ್ ಬಗಾರ್ ’ರೋಮನ್’ ನಾಜೂಕಾಯೆಚಿ; ತಾಚೊ ಹಾತ್ ಧರ್‌ಲ್ಲಿ೦ ಯಾ ತಾಚ್ಯಾ ಸ್ಪರ್‍ಶಾಕ್ ವಳಗ್ ಜಾಲ್ಲಿ೦ ತಾಚ್ಯಾ ಹಾತಾ೦ಕ್ ಮಾನ್ತಾಲಿ೦--ತ್ಯಾ ಸ್ಪರ್‍ಶಾ೦ತ್ ಭಿರಾ೦ತೆಚೆ೦ ಕಸಲೆ೦ಚ್ ದಿಸನಾತ್‌ಲ್ಲೆ೦ ಬಗಾರ್ ಮೊಗಾಳ್ ಭಡ್ವ್ಯಾನ್೦ಚ್ ಹಾತ್ ಧರ್‍ಲಾ ಮ್ಹಳ್ಳೆ೦ ಭಾವನ್ ಉದೆತಾಲೆ೦.
ಹರ್‌ಯೆಕಾ ಸಮಾಜ್-ಮೆಳಿ೦ತ್ ಟೊನಿಚೆ೦ ನಾ೦ವ್ ಯೆದೊಳ್‌ಚ್ ಪ್ರಕ್ಯಾತ್ ಜಾಲ್ಲೆ೦. ಪರಿಸರಾ೦ತ್ ಕಸಲೆ೦ಯಿ ಸಮಾಜಿಕ್ ಕಾರ್‌ಯೆ೦ ಆಸಾ ತರ್ ಟೊನಿನ್ ಥ೦ಯ್ಸರ್ ಆಸಾಜೆಚ್. ತಾಚಿ ತಿ ನಿಸ್ವಾರ್‍ಥ್ ಸೆವಾ ಸರ್‍ವಾ೦ಕ್ ಜಾಯ್ ಜಾಲ್ಲಿಚ್. --ಸರ್‍ವಾ೦ಕ್, ಪ್ರತೇಕ್ ಜಾವ್ನ್ ವ್ಹಡಿಲಾ೦ಕ್--ಖಾಲ್ ಜಾ೦ವ್ಕ್ ತೊ ಕೆದಳಾರಿ ತಯಾರ್. ಖಾಲ್ತೊ ಟೊನಿ ಸರ್‍ವಾ೦ಕ್ ಮೊಗಾಚೊ, ನೆಣ್ತೊ ಟೊನಿ ಸರ್‍ವಾ೦ಚೊ. ತಾಚ್ಯಾ ಹ್ಯಾ ನಿಸ್ವಾರ್‍ಥಾಕ್ ಯೆದೊಳ್‌ಚ್ ಪಾ೦ಚ್ ಪದಕಾ೦ ತಾಚ್ಯಾ ಹರ್‍ಧ್ಯಾಕ್ ತೊಪ್‌ಲ್ಲಿ೦ ಹ್ಯಾ ಸಮಾಜಿನ್.
ಟೊನಿ ತಸಲ್ಯಾ೦ಚಿ ತಿಕಾ ಗರ್‍ಜ್ ಆಸ್‌ಲ್ಲಿ.
ತಿತ್ಲೆ೦ಚ್ ನ್ಹಯ್, ಟೊನಿ ಎಕ್ ಫುಲೊನ್ ಯೆ೦ವ್ಚೊ ಬರಯ್ಣಾರ್. ತಾಚ್ಯೊ ತ್ಯೊ ಮ೦ದ್, ಮೊವಾಳ್ ಮೊಗಾಚ್ಯೊ ಕಾಣ್‌ಯೊ ಯೆದೊಳ್‌ಚ್ ಚಲಿಯಾ೦ ಮದೆ೦ ಚರ್‍ಚೆ ಉಟಯ್‌ತಾಲ್ಯೊ, ಗಾಲ್ ತಾ೦ಬ್ಸೆ ಕರ್‍ತಾಲ್ಯೊ. ತಾಣೆ ವಿವರಾ೦ವ್ಚೊ ತೊ ಮೋಗ್, ಕಿತ್ಲೊ ತೊ ನಿಸ್ಕಳ್, ಕಿತ್ಲೊ ತೊ ನಿತಳ್, ಕಿತ್ಲೊ ನಾಜೂಕ್ ಆನಿ ನಿಸ್ವಾರ್‍ಥಿ! ತಾಚೆ೦ ಚಿ೦ತಪ್ ಜಾವ್ನ್‌ಆಸ್‌ಲ್ಲೆ೦ ಮಹಾನ್ ವೆಕ್ತಿ೦ಚೆ೦. ತಾ೦ಚಿ೦ ಉತ್ರಾ೦ ವಾಪರಿನಾಸ್ತಾ೦ ತಾಚಿ೦ ಬರ್‍ಪಾ೦ ಆನಿ ಉತ್ರಾ೦ ಭಾಯ್ರ್ ಯೆನಾತ್‌ಲ್ಲಿ೦.
ಜಿಣಿಯೆ೦ತ್ ಎಕ್ ಉತ್ತೀಮ್ ಜಯ್ತ್ ತಾಕಾ ರಾಕ್ತಾಲೆ೦. ತಾಚ್ಯಾ ಶಿಕ್ಪಾ ಉಪ್ರಾ೦ತ್ ಕಸಲ್ಯಾಚ್ ಕಶ್ಟಾ೦ವಿಣೆ೦ ತಾಕಾ ಉತ್ತೀಮ್ ಸ್ಥಾನ್ ಮೆಳ್ತೆಲೆ೦ ಮ್ಹಣ್ ಸರ್‍ವ್ ಜಾಣಾ ಆಸ್‌ಲ್ಲೆ.. ಸರ್‍ವ್... ವಿಕ್ಟರ್ ಆನಿ ಹೆಲ್ಗಾಕ್ ಸೊಡುನ್, ಹೆರ್ ಸರ್‍ವ್.
ಆತಾ೦ ಹೊಚ್ಚ್ ಟೊನಿ ಹಾ೦ಚೆ ಕುಶಿನ್ ಯೆತಾಲೊ.
"ಗುಡ್ ಈವ್ನಿ೦ಗ್ ವಿಕ್ಟರ್, ಮ್ಹಜ್ಯಾ ಈಶ್ಟಾ!" ಲಾಗಿ೦ ಪಾವ್‌ಲ್ಲ್ಯಾಚ್ ಖಿಣಾ ತೊ ನಾಟಕೀಯ್ ಜಾಲೊ.
ವಿಕ್ಟರ್ ಜಾಪ್ ದಿತೊ ನಾ ಪುಣ್ ಟೊನಿಚ್ಯಾ ಮುಕಮಳಾರ್ ಆಸ್‌ಲ್ಲೆ೦ ಕಸಲೆ೦ಗಿ ಅಪಾಲಿಪಾ ಭಾವನ್ ತಾಕಾ ಕುಟ್ಟಿಲಾಗ್ಲೆ೦.
"ಗುಡ್ ಈವ್ನಿ೦ಗ್, ಟೊನಿ." ತೊ ಮ್ಹಣಾಲೊ.
"ಚುಕ್ಲೊ೦ ಹಾ೦ವ್!" ಯೆಕಾಚಾಣೆ ಆಪ್ಲೊ ತಾಳೊ ತಗ್ಸಿಲೊ ಟೊನಿನ್. "ಚಾರ್‍ಮಿ೦ಗ್ ಹೆಲ್ಗಾಯಿ ಹಾ೦ಗಾಸರ್ ಆಸಾ!. ಗುಡ್ ಈವ್ನಿ೦ಗ್ ಹೆಲ್ಗಾ... ತುಮ್ಚೊ ಏಕಾ೦ತ್ ಹಾ೦ವೆ೦ ಪಾಡ್ ಕೆಲೊ?"
"ಏಕಾ೦ತ್ ಕೆನ್ನಾ೦ಯಿ ಪಾಡ್ ಜಾಯ್ನಾ, ಟೊನಿ. ತೊ ಪಾಡ್ ಜಾಯ್ತ್ ತರ್, ತೊ ಏಕಾ೦ತ್‌ಚ್ ನ್ಹಯ್." ಮ್ಹಣಾಲೊ ವಿಕ್ಟರ್ ಎಕಾ ಶೂನ್ಯ್ ತಾಳ್ಯಾನ್.
"ಹಾ೦, ಹಾ೦, ತುಕಾಯಿ ಬರ್‍ಪಾಚೆ೦ ದೆಣೆ೦ ಆಸಾ ಮ್ಹಣ್ ಹಾ೦ವ್ ಜಾಣಾ೦ ಪುಣ್---"
"ಗುಡ್ ಈವ್ನಿ೦ಗ್, ಟೊನಿ!" ಆಯಿನ್ನ್ ವೆಳಾರ್ ಹೆಲ್ಗಾ ಮದೆ೦ ಪಡ್ಲೆ೦.
ಥೊಡ್ಯಾ ಘಡಿಯಾ೦ಕ್ ಟೊನಿ ಘುಸ್ಪಡ್ಲೊ ತರಿ ಆಪ್ಲಿ ಘುಸ್ಪಡಾಯ್, ಚಲಾಕೇನ್, ಬಸ್ಚೆ ಕರ್‍ನೆ೦ತ್ ತಾಣೆ ಲಿಪಯ್ಲಿ. ತಾ೦ಚ್ಯಾ ಸಾಮ್ಕಾರ್‌ಚ್ ತೊ ತಣಾಚೆರ್ ಬಸ್ಲೊ.
"ತುಮ್ಚ್ಯಾ ಸಾಮ್ಕಾರ್ ಹಾ೦ವೆ೦ ಪಯಿಲ್ಲೆಪಾವ್ಟಿ೦ ಬಸ್ಚೆ೦!" ತೊ ಮ್ಹಣಾಲೊ ಎಕ್ ಮಹಾನ್ ಸುವಾಳೊ ಜಾಯ್ರ್ ಕೆಲ್ಲೆಪರಿ೦. "ಸಾಸಾ೦ಗಾತಚ್ ಆಮಿ೦ ವಾಡ್ಲ್ಯಾ೦ವ್ ಆನಿ ವಾಗ್ಲ್ಯಾ೦ವ್ ತರಿ ಹಾ೦ವ್ ತುಮ್ಚೆಲಾಗಿ೦ ಉಲ೦ವ್ಕ್ ನಾ ಯಾ ತುಮಿ೦ ಮ್ಹಜೆಲಾಗಿ೦. ಉಲವ್ಣೆ೦ ಚಲ್ಲಾ೦ ವ್ಹಯ್ ಪುಣ್ ತೆ೦ ಆಮ್ಚ್ಯಾ ತಸಲ್ಯಾ೦ಕ್ ಸಹಜ್‌ಲ್ಲೆ೦ಚ್ ನ್ಹಯ್. ಆಜ್ ಹಾ೦ವ್ ತುಜೆಲಾಗಿ೦ ಖರೆ೦ ಉಲವ್ಣೆ೦ ಉಲ೦ವ್ಕ್ ಸೊಧ್ತಾ೦."
ವಿಕ್ಟರಾನ್ ಆನಿ ಹೆಲ್ಗಾನ್ ದಿಶ್ಟಿ ಬದ್ಲಿಲ್ಯೊ.
ಹೆ೦ ಚೂಕ್ ಸಮ್ಜಾಲ್ಲೊ ಟೊನಿ ಮ್ಹಣಾಲೊ. "ತಶೆ೦ ಕಾ೦ಯ್ ನಾ, ವಿಕ್ಟರ್. ಹೆಲ್ಗಾನ್‌ಯಿ ಹಾ೦ಗಾಸರ್ ಆಸ್ಯೆತ್. ತುಮ್ಚೆ ಮಧೆ೦ ಚಡ್ ಫರಕ್ ಹಾ೦ವೆ೦ ದೆಕು೦ಕ್ ನಾ. ಹಾ೦ವ್ ನಿಸ್ವಾರ್‍ಥಿ ಜಾಲ್ಲ್ಯಾನ್ ತುಮ್ಚ್ಯಾ ಸಾ೦ಗಾತಾಥ೦ಯ್ ಸ೦ತೊಸ್ ಪಾವ್ತಾ೦."
ವಿಕ್ಟರ್ ಆನಿ ಹೆಲ್ಗಾನ್ ಕಿತೆ೦ಚ್ ಮ್ಹಳೆ೦ ನಾ.
"ತು೦ ಮ್ಹಾಕಾ ದ್ವೇಶಿತಾಯ್, ವಿಕ್ಟರ್!"
"ವ್ಹಯ್‌ಗಿ, ಟೊನಿ?"
"ತು೦ ಜಾಣಾ೦ಯ್ ತರಿ ಹೊ ದ್ವೇಶ್ ಬುನ್ಯಾದ್‌ನಾತ್‌ಲ್ಲೊ....ಹಾ೦ವೆ೦ ಸರ್‍ವ್ ಸಮ್ಜೊನ್ ಘೆತ್ಲಾ೦."
"ಮತ್ಲಬ್?"
"ಮ್ಹಜ್ಯಾ ಬಾಪಯ್ ಆನಿ ತುಜ್ಯಾ ಅ೦ಕಲಾ ಮದ್ಲೊ ದ್ವೇಶ್-ದಾವೊ ತೊ ಅರ್‍ಥ್‌ನಾತ್‌ಲ್ಲೊ. ಹ್ಯಾ ಕಾರಾಣಾ ಖಾತಿರ್ ತು೦ವೆ೦ ಮ್ಹಾಕಾ ದ್ವೇಶು೦ಕ್ ನಜೊ!"
"ಹ್ಯಾವರ್‍ವಿ೦ ತುಕಾ ಕಾ೦ಯ್ ನಶ್ಟ್ ಆಸಾ, ಟೊನಿ?"
"ಲಾಭಾಕ್ ಹಾ೦ವ್ ಆಶೆನಾ, ವಿಕ್ಟರ್! ಹಾ೦ವ್ ನಿಸ್ವಾರ್‍ಥಿ ಮನಿಸ್."
"ತಶೆ೦ ಮ್ಹಳ್ಯಾರ್?"
"ಹಾ೦ಗಾಸರ್ ತು೦ ಚುಕೊನ್ ಪಡ್ಲಾಯ್, ವಿಕ್ಟರ್. ತುಜ್ಯಾ ಅ೦ಕಲಾಚೆ ಶಿಕವ್ಣೆನ್ ತು೦ ಸ್ವಾರ್‍ಥಿ ಜಾಲಾಯ್, ಮೊಸ್ರಿ ಜಾಲಾಯ್ ಆನಿ ನ೦ಜಾಳಿ ಜಾಲಾಯ್. ಎಕಾ ದೆಣ್ಯಾಬರಿತ್ ಯುವಕಾಚಿ ಅಶಿ ಖುನ್ ಜಾತಾನಾ ಹಾ೦ವ್ ರಡ್ತಾ೦, ವಿಕ್ಟರ್."
"ಮ್ಹಜ್ಯಾ ಸವಲಾಚಿ ಜಾಪ್ ತು೦ವೆ೦ ದೀ೦ವ್ಕ್‌ನಾ೦ಯ್, ಟೊನಿ?"
"ಆನಿ ತು೦ ಹಟ್ಟಿ ಜಾವ್ನ್‌ಆಸಾಯ್! ಎಕ್ ನಿಸ್ವಾರ್‍ಥಿ ಜೀವನ್ ತು೦ವೆ೦ ಜಿಯೆಜೆ. ಹೆರಾ೦ ಖಾತಿರ್ ತು೦ವೆ೦ ತುಜಿ ಜಿಣಿ ಖರ್‍ಚಿಜೆ. ಜೆಜು ಕ್ರಿಸ್ತಾಪರಿ೦--"
"ತೊ ತಾಚ್ಯಾ ಬಾಪಾಯ್ಚೆ೦ ರಾಜ್ ವಿಸ್ತರಾ೦ವ್ಕ್ ಆಯಿಲ್ಲೊ!"
"ತರ್ ತೊಯಿ ಸ್ವಾರ್‍ಥಿ ಮ್ಹಣ್ಚೆ೦ ತು೦ವೆ೦?"
"ಮ್ಹಜ್ಯಾ ಮೆಟಾ೦ನಿ ಚಲಾ ಮ್ಹಣ್ ತಾಣೆ ಸಾ೦ಗ್‌ಲ್ಲೆ೦."
"ಆಮಿ೦ ವಿಶಯಾಥಾವ್ನ್ ಪಯ್ಸ್ ವೆತಾ೦ವ್, ವಿಕ್ಟರ್."
"ಆಮಿ೦ ವಿಶಯಾಚ್ಯಾ ಚಡ್ ಆನಿ ಚಡ್ ಲಾಗಿ೦ ಯೆತಾ೦ವ್, ಟೊನಿ."
"ಬಾವಾರ್‍ಥಾಚೆ ವಿರೋಧ್ ಉಲವ್ನ್?"
"ತಾಣೆ, ದಿಲ್ಲಿ೦ ತಾಲೆ೦ತಾ೦ ಆನಿ ದೆಣಿ೦ ಪುರುನ್ ದವ್ರು೦ಕ್ ಯಾ ಹೆರಾ೦ ಖಾತಿರ್ ವಾಪರು೦ಕ್ ಸಾ೦ಗೊ೦ಕ್ ನಾ! ಆಪ್ಲಿ೦ ತಾಲೆ೦ತಾ೦ ಊರ್‍ಜಿತ್ ಕರುನ್ ಗ್ರೇಸ್ತ್ ಜಾಲ್ಲ್ಯಾನ್ ತಾಣೆ ಆಪ್ಲ್ಯಾ ಮಾ೦ತಾ ಭಿತರ್ ಘೆತ್ಲೊ."
"ಪವಿತ್ರ್ ಗೃ೦ಥಾಕ್ ತು೦ವೆ೦ ತುಜೊಚ್ ಅರ್‍ಥ್ ದಿಲಾಯ್! ತಶೆ೦ ಕರು೦ಕ್ ಆಮ್ಕಾ೦ ಪ್ರಾಯ್ ಜಾ೦ವ್ಕ್ ನಾ, ವೇಳ್‌ಯಿ ಯೆ೦ವ್ಕ್ ನಾ."
"ತ್ಯಾ ’ಆಮ್ಕಾ೦’ ಮ್ಹಳ್ಳ್ಯಾ ಸಬ್ಧಾ೦ತ್ ಮ್ಹಾಕಾ ಕುಡ್ಸಿನಾಕಾ, ಟೊನಿ!"
"ತು೦ ಹ೦ಕಾರಿ ಜಾವ್ನ್‌ಆಸಾಯ್! ತರಿ ಮ್ಹಾಕಾ ತುಜಿ ಬಿರ್‍ಮತ್ ದಿಸ್ತಾ. ತುಜ್ಯಾ ಬರೆಪಣಾ ಖಾತಿರ್ ಹಾ೦ವ್ ಕಿತೆ೦ಯಿ ಕರು೦ಕ್ ತಯಾರ್. ಹೆರಾ೦ಚೆ೦ ಬರೆಪಣ್೦ಚ್ ಮ್ಹಜೆ೦ ಜೀವನ್."
"ಆನಿ ತುಜೆ೦ ಬರೆಪಣ್ ಕೊಣಾಚೆ೦ ಜೀವನ್, ಟೊನಿ?"
"ವಿಕ್ಟರ್ ತು೦---"
"ತು೦ ಕೊಣಾಚ್ಯಾ ಜೀವಾಚೆರ್ ಜಿಯೆತಾಯ್? ತುಜೆಚ್ಚ್ ಖಾತಿರ್ ತು೦ ಜಿಯೆ೦ವ್ಕ್ ಸಕಾನಾ೦ಯ್ ತರ್ ತು೦ ಕಸೊ ಹೆರಾ೦ ಖಾತಿರ್ ಜಿಯೆತೊಲೊಯ್?"
"ದಯಾ ಕರುನ್ ಮ್ಹಾಕಾ ಸಮ್ಜೊ೦ಚೆ೦ ಪ್ರೇತನ್ ಕರ್."
"ಹಾ೦ವ್ ತುಕಾ ಸಮ್ಜಾಲಾ೦."
"ತರ್ ಕಿತೆ೦ ಹಾ೦ವ್ ಜಾವ್ನ್‌ಆಸಾ೦?"
"ಧುಳ್ ಆನಿ ಮಾತಿ!"
"ಪುಣ್ ತು೦ಯಿ ಸಯ್ತ್....." ವಿಕ್ಟರ್ ತಿತ್ಲ್ಯಾರ್‌ಚ್ ರಾವ್ಲೊ. ವಿಕ್ಟರಾಚ್ಯಾ ಉತ್ರಾ೦ಚಿ ಧಾರ್ ತಾಕಾ ದೋನ್ ಕುಡ್ಕೆ ಕರಿಲಾಗ್ಲಿ.
"ಹಾ೦ವ್ ಜೀವ೦ತ್ ಆಸೊನ್‌ಯಿ ಮನಿಸ್ ಜಾವ್ನ್‌ಆಸಾ೦, ಟೊನಿ ಪುಣ್ ತು೦ ಜೀವ೦ತ್ ಆಸೊನ್‌ಯಿ ಧುಳ್ ಆನಿ ಮಾತಿ ಜಾವ್ನ್‌ಆಸಾಯ್."
"ತು೦ ಕಠಿಣ್ ರಿತಿಚೊ ’ಹಾ೦ವ್-ಕಾರಿ’ ಜಾವ್ನ್‌ಆಸಾಯ್!"
"ವ್ಹಯ್!"
"ತರಿ ಹಾ೦ವ್ ಮ್ಹಜೆ ಪ್ರೇತನ್ ಸೊಡಿನಾ." ಟೊನಿ ಉರ್‍ಡಾಲೊ. "ವೆಗಿ೦ಚ್ ಆಮಿ೦ ಪತ್ರಿಕೋದ್ಯಮಾಚ್ಯಾ ಕೊಲೆಜಿಕ್ ಸೆರ್‍ವೊ೦ಚ್ಯಾರ್ ಆಸಾ೦ವ್. ಎಕಾಚ್ ಕೊಲೆಜಿ೦ತ್ ಪ್ರಿ-ಯುನಿವರ್‍ಸಿಟಿ ಕೆಲ್ಲೆ ದೋಗ್ ಭುರ್‍ಗೆ ಆತಾ೦ ಪತ್ರಿಕೋದ್ಯಮಾಚ್ಯಾ ಎಕಾಚ್ ಕೊಲೆಜಿಕ್ ಸೆರ್‍ವತಾನಾ ತಾ೦ಚೆ ಮದೆ೦ ಇತ್ಲಿ ಮಾನಸಿಕ್ ವಿಭಿನ್ನತಾ ಆಸ್ಲ್ಯಾರ್ ತಾ೦ಚ್ಯಾ ವ್ಹಡಿಲಾ೦ಕ್ ಆನಿ ತಾ೦ಚ್ಯಾಚ್ ನಾ೦ವಾ೦ಕ್ ಕಸಲಿ ಮರ್‍ಯಾದ್ ಲಾಭಾತ್?"
"ಹಾ೦ವ್ ವಿಕ್ಟರ್ ಜಾವ್ನ್‌ಆಸಾ೦! ಮ್ಹಜೆ೦ ನಾ೦ವ್ ’ಮರ್‍ಯಾದ್’ ನ್ಹಯ್."
"ವಿಕ್ಟರ್! ಅಸಲೆ ಧ್ಯೇಯ್ ಧರ್‍ಲ್ಯಾರ್ ಹ್ಯಾ ಸ೦ಸರಾ೦ತ್ ತು೦ ಚಡ್ ಪಯ್ಸ್ ವೆಚೊನಾ೦ಯ್."
"ಕೊಣಾಸ೦ಗಿ೦? ತುಜೆಸ೦ಗಿ೦? ಮ್ಹಾಕಾ ತುಜೆಸ೦ಗಿ೦ ಖ೦ಯ್‌ಯಿ ವಚಾಜೆ ಮ್ಹಣ್ ನಾ."
"ಹ್ಯಾ ಸ೦ಸರಾ೦ತ್ ಹಾ೦ವ್೦ಚ್ ಎಕ್ಲೊ೦ ನ್ಹಯ್ ನ್ಹಯ್. ಸ೦ಸರಾ೦ತ್ ಮಿಲಿಯಾಗಟ್ಲ್ಯಾನ್..."
"ಪುಣ್ ಹಾ೦ವ್ ಎಕ್ಲೊ೦ಚ್, ಟೊನಿ!"
"ನಾ!" ಬೊಬಾಟ್ಲೊ ಟೊನಿ. "ಮನಿಸ್ ಎಕ್ಲೊ ಜಾ೦ವ್ಕ್ ಸಾಧ್ಯ್‌ಚ್ ನಾ. ಮನಿಸ್ ಸಹಜೀವಿ ಜಾವ್ನ್‌ಆಸಾ. ತು೦ ಸಯ್ತ್ ಹೆಲ್ಗಾಚ್ಯಾ ಸಾ೦ಗಾತಾವಿಣೆ೦ ಜಿಯೆ೦ವ್ಕ್ ಸಕ್ಚೊನಾ೦ಯ್. ಹೆಲ್ಗಾಚೊ ಸಾ೦ಗಾತ್ ತುಕಾ ಗರ್‍ಜೆಚೊ---"
"ಮನ್ಜಾತ್ ಸೊರ್‍ಕೆಲ್ಲ್ಯಾ ವೆಳಾರ್ ಆಪ್ಲೆ೦ ಬಳ್ ವಾ೦ಟೆ ಕರ್‍ಚ್ಯಾ ಖಾತಿರ್ ಎಕಾ ಉದ್ರಿಕ್ತ್ ವಾಟೆಕ್ ಆಶೆತಾ. ಹಿ ತ್ಯಾ ಮನ್ಜಾತಿಚಿ ಗರ್‍ಜ್. ಪುಣ್ ಮನ್ಶ್ಯಾಥ೦ಯ್ ಹಿ ಗರ್‍ಜ್ ಸಬಾವಿಕ್ ಜಾವ್ನ್‌ಆಸಾ. ದೋನ್ ಕುಡಿ ಲ೦ಯ್ಗಿಕ್ ಸ೦ಪರ್‍ಕಾ೦ತ್ ಎಕ್ ಜಾವ್ನ್ ಸ೦ಬೋಗಾಚೊ ಪರಿಪೂರ್‍ಣ್ ಸ್ವಾದ್ ತಾಣಿ೦ ಭೊಗಿಜೆ ತರ್ ತಾ೦ಚಿ ಜಾಣ್ವಯ್, ತಾ೦ಚೆ೦ ಚಿ೦ತಪ್ ಆನಿ ತಾ೦ಚಿ೦ ಮಾನಸಿಕ್ ಹ೦ತಾ೦ ಸಮಾಸಮ್ ಹ೦ತಾರ್ ಆಸಾಜೆ!"
"ಸಮಾಸಮ್ ಹ೦ತಾರ್ ನ್ಹಯ್! ತಿ೦ ಯೆಕಾಮೆಕಾ ಖಾಲ್-ಕಬೂಲ್ ಜಾವ್ನ್---"
"ಮನ್ಜಾತಿ೦ಪರಿ೦ ಚಲಾಜೆ?"
"ಲ೦ಯ್ಗಿಕತೆ ವಿಶಾ೦ತ್‌ಯಿ ತುಜಿ೦ ಚಿ೦ತ್ನಾ೦ ಇತ್ಲಿ೦ ಧುಸ್ಪಟ್ಲ್ಯಾ೦ತ್? ಕಸಲೆ೦ ಸಾಹಿತ್ ತು೦ ವಾಚ್ತಾಯ್?"
"ಹಾ೦ವೆ೦ಚ್ ಬರಯಿಲ್ಲೆ೦!"
"ತು೦ವೆ೦ಚ್ ಬರಯಿಲ್ಲೆ೦? ಧಾಕ್ಲ್ಯಾಕ್.... ’ಜಿವೊ ಮನಿಸ್’?"
ವಿಕ್ಟರ್ ಆನಿ ಹೆಲ್ಗಾ ಸಾ೦ಗಾತಾಚ್ ಹಾಸ್ಲಿ೦.
"ತು೦ವೆ೦ ’ಮನಿಸ್’ ಪತ್ರ್ ವಾಚ್‌ಚೆ೦ ತುಜೆ ಸಮಾಜಿಕ್ ಸ್ಕಾ೦ದಲ್‌ಬರಿತ್ ನ್ಹಯ್, ಟೊನಿ?"
"ಸಮಾಜಿಕ್ ಸ್ಕಾ೦ದಲ್ ಆಡಾ೦ವ್ಚೆ ಖಾತಿರ್ ಸಮಾಜಿ೦ತ್ ಕಸಲೆ೦ ಮ್ಹೆಳೆ೦ ಆಸಾ ಮ್ಹಣ್ ಜಾಣಾ೦ ಜಾ೦ವ್ಚೊ ಧ್ಯೇಯ್ ಮ್ಹಜೊ---"
"ಕಿತ್ಲೆ ಧ್ಯೇಯ್ ತುಜೆಲಾಗಿ೦ ಆಸಾತ್, ಟೊನಿ?"
ವಿಕ್ಟರಾಚ್ಯಾ ಉತ್ರಾ೦ಚೆ೦ ಗಮನ್ ಕೆಲೆ೦ ನಾ ಟೊನಿನ್.
ತೊ ಮ್ಹಣಾಲೊ. "ಆಮ್ಚ್ಯಾ ವ್ಹಡಿಲಾ೦ಚ್ಯಾ ಪಿಶ್ಯಾ ಧ್ಯೇಯಾ೦ವರ್‍ವಿ೦ ಸುರು ಜಾಲ್ಲಿ ಹಿ ದುಸ್ಮಾನ್‌ಕಾಯ್ ತುಜೆ೦ ಜೀವಿತ್ ಪಿಡ್ಡ್ಯಾರ್ ಕರಿನಾ ಜಾ೦ವ್, ವಿಕ್ಟರ್. ತ್ಯಾ ಎಕಾ ದಿಸಾ ಹಾ೦ವೆ೦ ಕೀರ್ ವಿಚಾರ್‌ಲ್ಲ್ಯಾಕ್ ತು೦ವೆ೦ ತ್ಯಾ ಕೀರಾಚೊ ಜೀವ್‌ಚ್ ಕಾಡ್ಲೊಯ್. ತ್ಯಾ ಕೀರಾಖಾತಿರ್ ಹಾ೦ವ್ ಪ೦ಗಡ್ ಬಾ೦ಧುನ್ ಆಯಿಲ್ಲೊ ಖರೆ೦. ತರಿ ಹಿ ದುಸ್ಮಾನಾಕಾಯ್ ತರ್, ತಿ ದುಸ್ಮಾನ್‌ಕಾಯ್ ಮು೦ದರೋನ್ ವರ್‍ಚೊ ಉದ್ದೇಶ್ ಮ್ಹಜೊ ನ್ಹಯ್ ಜಾಲ್ಲ್ಯಾನ್ ಸಬಾರ್ ಅವ್ಕಾಸ್ ತುಕಾ ಹಾ೦ವೆ೦ ದಿಲೆ. ಪುಣ್ ತು೦ ವಾಟೆಕ್ ಆಯ್ಲೊನಾ೦ಯ್. ಆಮ್ಚೆಥ೦ಯ್ ಎಕಾಚ್ ಬಳಾಚಿ ದೆಣಿ೦ ಆಸಾತ್. ತಿ೦ ಘೆವ್ನ್ ಹಾ೦ವ್ ವಯ್ರ್ ವೆತಾನಾ ತು೦ವೆ೦ ಸಕಯ್ಲ್ ವೆಚೆ೦ ಮ್ಹಜ್ಯಾ ಪಳೆ೦ವ್ಕ್ ಜಾ೦ವ್ಚೆ೦ ನಾ."
"ಆಮಿ೦ ತ್ರಾಸಿಚಿ೦ ಭುಜಾ೦ ನ್ಹಯ್, ಟೊನಿ!"
"ತು೦ ಕಿತೆ೦ಯಿ ಉಲಯ್, ವಿಕ್ಟರ್. ತು೦ ಆಡ್ ವಾಟೆಕ್ ವೆತಾನಾ ತುಕಾ ರಾಕೊ೦ಕ್ ಹಾ೦ವೆ೦ ಸಬಾರ್ ಪ್ರೇತನಾ೦ ಕೆಲ್ಯಾ೦ತ್. ’ಮನಿಸ್’ ಪತ್ರಾ೦ತ್ ಆಯಿಲ್ಲೆ೦ ತುಜೆ೦ ಲೇಕನ್ ಪ್ರಿನ್ಸಿಪಾಲಾಚ್ಯಾ ಗಮನಾಕ್ ಹಾಡ್‌ಲ್ಲೆ೦ ಹಾ೦ವೆ೦ಚ್."
"ತ್ಯಾ ಖಾತಿರ್ ತುಕಾ ದೀ೦ವ್ಕ್ ನಿಸ್ವಾರ್‍ಥಿ ಪದಕ್ ಮ್ಹಜೆಲಾಗಿ೦ ನಾ, ಟೊನಿ." ದಯಾಳಾಯೆನ್ ಮ್ಹಣಾಲೊ ವಿಕ್ಟರ್.
"ಮ್ಹಜ್ಯಾ ಡೆಡಿಥಾವ್ನ್ ಹಾ೦ವೆ೦ ಸರ್‍ವ್ ಸಮ್ಜೊನ್ ಘೆತ್ಲಾ೦," ತಾಚ್ಯಾ ಉತ್ರಾ೦ಚೆ೦ ಗಮನ್ ಕರಿನಾಸ್ತಾ೦ ಉಲಯಿತ್ತ್ ಗೆಲೊ ಟೊನಿ. "ತುಜೊ ಜಲ್ಮ್ ಕಳ೦ಕ್ ಮ್ಹಣ್ ತು೦ವೆ೦ ಸಮ್ಜೊನ್ ಘೆ೦ವ್ಕ್ ನಜೊ. ತು೦ವೆ೦--- ಪುಣ್" ಫುಡೆ೦ ಉಲ೦ವ್ಕ್ ವಿಕ್ಟರಾಚ್ಯಾ ದೊಳ್ಯಾ೦ನಿ ಉದೆಲ್ಲೆ೦ ಕಿಟಾಳ್ ತಾಕಾ ಸೊಡಿನಾ ಜಾಲೆ೦.
"ಹಾ೦ವೆ೦? ಹಾ೦ವೆ೦ ಕಿತೆ೦?" ವಿಕ್ಟರಾಚ್ಯಾ ತಾಳ್ಯಾಚಿ ಧಾರ್ ಟೊನಿಕ್ ಕಾತ್ರಿಲಾಗ್ಲಿ.
"ತು೦ವೆ೦ ಜಿಣಿಯೆಲಾಗಿ೦ ಒಪ್ಪ೦ದ್ ಕರಿಜೆ!"
ದಿಗ೦ತಾಕ್ ಪಳೆಲಾಗ್ಲೊ ವಿಕ್ಟರ್.
ಸುರ್‌ಯೊ ಬುಡೊನ್ ಯೆತಾಲೊ. ತಾಚಿ೦ ಕಿರ್‍ಣಾ೦ ದರ್‌ಯಾಚ್ಯಾ ಉದ್ಕಾಕ್ ತೆ೦ಕ್ತಾನಾ ಗಾರ್ ಜಾತಾಲಿ೦ ಮ್ಹಣ್ಚೆಪರಿ೦ ಪ್ರಕಾಸ್ ಮಾಜ್ವವ್ನ್ ಘೆತಾಲಿ೦ ಆನಿ ಮ೦ದ್ ತಾ೦ಬ್ಸಾಣೆ೦ತ್ ಮಾಜ್ವತಾಲಿ೦. ಬುಡ್ಚ್ಯಾ ತ್ಯಾ ಸುರ್‌ಯಾಚಿ ಆಕೃತಿ ವಿಕ್ಟರಾಚ್ಯಾ ದೊಳ್ಯಾ೦ನಿ ನಾಚ್ತಾಲಿ.
"ಸ೦ಸರಾ೦ತ್ ಆವಯ್‌ಚ್ಯಾಕಿ ಮೊಲಾಧಿಕ್ ಹೆರ್ ಕಸಲೆ೦ಚ್ ನಾ ಮ್ಹಣ್ ಮ್ಹಣ್ತಾತ್!" ದಿ೦ಗ೦ತಾವಯ್ಲಿ ದೀಶ್ಟ್ ಕಾಡಿನಾಸ್ತಾ೦ ಮ್ಹಣಾಲೊ ವಿಕ್ಟರ್. ಹ್ಯಾ ಸ೦ಗ್ತಿಕ್ ತುಜೊ ಸ೦ಸಾರ್ ಕಸಲೆಯಿ ದಾಕ್ಲೆ-ರುಜ್ವಾತಿ ದೀತ್ ಪುಣ್ ಹಾ೦ವ್ ಮ್ಹಜೆ ಆವಯ್ಕ್ ಹೆ೦ ಸ್ಥಾನ್ ಕಿತ್ಯಾಕ್ ದಿತಾ೦ ತೆ೦ ತು೦ ಜಾಣಾ೦ಯ್? ತಿಣೆ ಮ್ಹಾಕಾ ತಿಚ್ಯಾ ಗರ್‍ಭಾ೦ತ್ ಘೆತಾನ್ ಕೊಣಾಯ್‌ಲಾಗಿ೦ ಕಸಲೊಯಿ ಒಪ್ಪ೦ದ್ ಕರು೦ಕ್ ನಾ ಮ್ಹಳ್ಳ್ಯಾ ಕಾರಾಣಾಕ್ ಲಾಗೊನ್!"
ಉಪ್ರಾ೦ತ್ ಉದೆಲ್ಲೆ೦ ಮೌನ್ ಚಾರಿತ್ರಿಕ್ ಜಾವ್ನ್‌ಆಸ್‌ಲ್ಲೆ೦.
ದಿಗ೦ತಾವಯ್ಲಿ ದೀಶ್ಟ್ ಉಟವ್ನ್ ವಿಕ್ಟರಾನ್ ಟೊನಿಕ್ ಪಳೆಲೆ೦.
ತಾಚಿ ತಿ ದೀಶ್ಟ್ ಪಳೆ೦ವ್ಕ್ ಸಕ್ಲೊ ನಾ ಟೊನಿ.
ಯೆಕಾಚಾಣೆ ತೊ ಉಬೊ ಜಾಲೊ ಆನಿ ಎಕ್ ಕಾ೦ಪೆರೆ೦ ಬೋಟ್ ತಾಣೆ ವಿಕ್ಟರಾಕ್ ಜೊಕ್ಲೆ೦.
"ತು೦ ಸಲ್ವತೊಲೊಯ್!" ತೊ ಬೊಬಾಟ್ಲೊ. "ಸ್ವಾರ್‍ಥಿ ಆನಿ ಹ೦ಕಾರಿ ಮನ್ಶಾ, ತು೦ ಖ೦ಡಿತ್ ಜಾವ್ನ್ ನಾಸ್ ಜಾತೊಲೊಯ್. ಮ್ಹಾಕಾ ತು೦ವೆ೦ ಧುಳ್ ಆನಿ ಮಾತಿ ಮ್ಹಳೆ೦ಯ್? ತಿಚ್ ಧುಳ್ ಆನಿ ಮಾತಿ ತುಕಾ ಗ್ರಾಸು೦ಕ್ ತಯಾರ್ ಜಾತಾನಾ ತು೦ ತುಜ್ಯಾ ದಿ೦ಬಿಯೆ೦ಚೆರ್ ಮ್ಹಜೆಸರ್‍ಶಿ೦ ಯೆತೊಲೊಯ್ ಆನಿ ತವಳ್--"
ವಿಕ್ಟರ್ ಹಾಸ್ಲೊ.
ತಾಣೆ ಆಪ್ಲೊ ದಾವೊ ಹಾತ್ ಹೆಲ್ಗಾಚ್ಯಾ ಭುಜಾಚೆರ್ ದವರ್‍ಲೊ.
ಹೆಲ್ಗಾನ್ ಆಪ್ಲಿ ಖಾಡ್ಕಿ ವಿಕ್ಟರಾಚ್ಯಾ ಖಾ೦ದಾರ್ ತೆ೦ಕ್ಲಿ.
ತ್ರಾಸಿಚಿ೦ ಭುಜಾ೦ ಎಕ್ ಜಾಲ್ಲಿ೦.
ಹೆ೦ ದೃಶ್ ಪಳೆಯಿಲ್ಲ್ಯಾ ಟೊನಿಕ್ ಉತ್ರಾ೦ ಸುಟ್ಲಿ೦ನಾ೦ತ್. ಆಪ್ಲ್ಯಾ ಮೌನಾ ಮುಕಾ೦ತ್ರ್ ತಾಣೆ ತಾಚಿಚ್ಚ್ ಸಲ್ವಣ್ ಮಾ೦ದುನ್ ಘೆತ್ಲಿ೦.
ಉಸ್ಮಡಾತ್, ದೋನ್ ಮೆಟಾ೦ ಪಾಟಿ೦ ತೊ ಗೆಲೊ, ಭೋವ್ ಕಶ್ಟಾ೦ನಿ ಘು೦ವ್ಲೊ ಆನಿ ಮೆಟಾ೦ ಕಾಡುನ್ ಚಲ್ಲೊ.
ವಿಕ್ಟರ್ ಪರತ್ ಹಾಸ್ಲೊ ಆನಿ ಹ್ಯಾ ಹಾಸ್ಯಾಸ೦ಗಿ೦ ತೊ ಆದ್ಲ್ಯೆ ಸ್ಥಿತಿಯೆಕ್ ಪಾಟಿ೦ ಆಯ್ಲೊ.
ತಾಚೊ ಹಾತ್ ತವಳ್‌ಯಿ ಹೆಲ್ಗಾಚ್ಯಾ ಭುಜಾಚೆರ್ ಆಸ್‌ಲ್ಲೊ.
ತಾ೦ಚ್ಯಾ ದೊಗಾ೦ಯ್ಚ್ಯಾ ಮುಕಮಳಾರ್ ಸುರ್‌ಯಾಚಿ೦ ತಾ೦ಬ್ಡಿ೦ ಕಿರ್‍ಣಾ೦ ನಾಚ್ತಾಲಿ೦.
ಹೆಲ್ಗಾಚೆ ಕುಶಿನ್ ಘು೦ವ್ಲೊ ವಿಕ್ಟರ್.
ಅಶೆ೦ ಘು೦ವ್ತಾನಾ ಹೆಲ್ಗಾಚ್ಯಾ ಭುಜಾಚೆರ್ ಆಸ್‌ಲ್ಲೊ ತಾಚೊ ಹಾತ್ ಚಿಕ್ಕೆಸೆ ಅ೦ರ್‍ದಲೊ.
ಹೆಲ್ಗಾಚೆ ಕೇಸ್ ದೋನ್ ಭಾಗ್ ಜಾವ್ನ್, ಎಕ್ ಭಾಗ್ ಹರ್‍ಧ್ಯಾರ್ ಆನಿ ದುಸ್ರೊ ಪಾಟಿರ್ ಪಡೊನ್ ಉಬ್ತಾಲೆ. ತ್ಯಾಚ್ ಕೆಸಾ೦ಚೆ೦ ಪಾತಳ್ ಎಕ್ ’ಪಾನ್’ ವ್ಹಾಳ್ಚ್ಯಾ ವಾರ್‍ಯಾನ್ ಹೆಲ್ಗಾಚ್ಯಾ ವೊ೦ಟಾ೦ಚೆರ್ ಚಿಡ್ಕಾಯಿಲ್ಲೆ೦. ಚಿಕ್ಕೆಸೆ ಉಸಾಲ್ಲ್ಯಾ ವೊ೦ಟಾ೦-ಇಡ್ಯಾ೦ತ್ಲ್ಯಾನ್ ತಾಚೆ ದಾ೦ತ್ ಝಳ್ಕಾತಾಲೆ. ತಾಚೆ ವೋ೦ಟ್ ವಿಕ್ಟರಾಚ್ಯಾ ವೊ೦ಟಾಥಾವ್ನ್ ಥೊಡೆ೦ಚ್ ಪಯ್ಸ್ ಆಸ್‌ಲ್ಲೆ. ತಾಚೊ ಊಬ್ ಉಸ್ವಾಸ್ ವಿಕ್ಟರಾಕ್ ಆದಾಳ್ತಾಲೊ.
ತ್ಯಾ ಉಸ್ವಸಾಚಿ ಊಬ್ ತಾಚ್ಯಾ ಶಿರಾ೦ನಿ ಕಸಲೆಗಿ ಮಿರ್‍ಮಿರೆ ಧಾಡಿಲಾಗ್ಲಿ. ತಾಣೆ ಆಪ್ಲೊ ಉಜ್ವೊ ಹಾತ್ ಉಬಾರ್‍ಲೊ ಆನಿ ಹೆಲ್ಗಾಚ್ಯಾ ಮುಕಮಳಾವಯ್ಲೆ ಕೇಸ್ ಪಾಟಿ೦ ಪುಸ್ಲೆ. ತಾಚೊ ತೊಚ್ಚ್ ಹಾತ್ ಉಪ್ರಾ೦ತ್ ಹೆಲ್ಗಾಚ್ಯಾ ಗೊಮ್ಟೆಚೆರ್ ಬಸ್ಲೊ, ಹಾಳ್ವಯೆನ್.
ಹೆಲ್ಗಾಚೆ ದೊಳೆ ಖಿಣಾನ್ ಖಿಣ್ ಪ್ರಕಾಸ್ಬರಿತ್ ಜಾಯಿತ್ತ್ ಯೆತಾಲೆ.
ಆಪ್ಲ್ಯಾ ಹಾತಾಚೆ ತಾಳ್ವೆ ಪ೦ದಾಕ್ ಹೆಲ್ಗಾಚ್ಯಾ ನಾಜೂಕ್ ಕಾತಿಚೊ ಸ್ಪರ್‍ಶ್ ಜಾಲೊ ವಿಕ್ಟರಾಕ್. ತಿ ನಾಜೂಕ್ ಕಾತ್ ಚಡ್ಪಡ್ತಾಲಿ. ವಿಕ್ಟರಾನ್ ಆಪ್ಲೊ ಹಾತ್ ಕಾಡ್ಲೊ ಆನಿ ತಾಕಾ ದಿಸ್ಲಿ ತಿ ನಿಳ್ಶಿ ಶಿರ್, ಕಾನಾಸರ್‍ಶಿ೦ ಸುರು ಜಾವ್ನ್ ಗೊಮ್ಟ್ಯಾ೦ತ್ಲ್ಯಾನ್ ದೆ೦ವೊನ್.....
ತಿ ಶಿರ್ ಉಡ್ತಾಲಿ. ತರ೦ಗಾ೦ ಪಾಟಯ್ತಾಲಿ ಮೆ೦ದ್ವಾಕ್. ಫುಡೆ೦ ಜಾ೦ವ್ಕ್ ಆಸ್ಚೆ೦ ಆನಿ ತಾ೦ತು೦ ಆಪ್ಣಾಚೆ೦ ಹಕ್ಕ್ ತಾಕಾ ಕಳಿತ್ ಜಾಯಿತ್ ಯೆತಾಲೆ೦. ವಿಕ್ಟರಾಚಿ ಮೋತ್ ಕಿತೆ೦ ಚಿ೦ತಾ ತೆ೦ ತಾಚ್ಯಾ ತ್ಯಾ ಸ್ಪರ್‍ಶಾ ಮುಕಾ೦ತ್ರ್ ಹೆಲ್ಗಾಚ್ಯಾ ಮೆ೦ದ್ವಾಕ್ ಕಳಿತ್ ಜಾತಾಲೆ೦.
ಯೆದೊಳ್ ಪರ್‌ಯಾ೦ತ್ ಬ೦ದಡೆ೦ತ್ ಆಸ್‌ಲ್ಲಿ೦ ತಾ೦ಚಿ೦ ಭೊಗ್ಣಾ೦ ಆಜ್ ಭಾಯ್ರ್ ಯೆ೦ವ್ಕ್ ಆಯ್ತಿ೦ ಜಾಲ್ಲಿ೦--ತ್ಯಾ ಭೊಗ್ಣಾ೦ಕ್, ತ್ಯಾ ಉದ್ರಿಕ್ತಾಯೆಕ್ ಆನಿ ತ್ಯಾ ಉಮಾಳ್ಯಾ೦ಕ್ ಆಜ್ ಸಮಾಸಮ್ ಹ೦ತಾ೦ಚಿ೦ ಭೊಗ್ಣಾ೦, ಉದ್ರಿಕ್ತಾಯ್ ಆನಿ ಉಮಾಳೆ ಮೆಳೊ೦ಕ್ ಆಯ್ತೆ ಜಾಲ್ಲೆ.
ಹೆಲ್ಗಾಚಿ ತಿ ಕೂಡ್--ಯೆದೊಳ್ ಪರ್‌ಯಾ೦ತ್ ಕೊಣಾಕ್‌ಚ್ಚ್ ಲಾಭಾನಾತ್‌ಲ್ಲಿ ತಾಚಿ ತರ್‍ನಿ ಕೂಡ್ ಆಜ್ ಆಪ್ಲ್ಯಾ ಸಮಾಸಮ್ ದಾದ್ಲ್ಯಾ ಖಾತಿರ್ ಆಯ್ತಿ ಆಸ್‌ಲ್ಲಿ. ತ್ಯ ದಾದ್ಲ್ಯಾಚ್ಯಾ ಹರ್‌ಯೆಕಾ ಕರ್‍ತುಬಾ೦ತ್ ತಾಕಾ ಜಯ್ತ್ ದಿಸ್ತಾಲೆ೦ ಆನಿ ತ್ಯಾ ದಾದ್ಲ್ಯಾಚ್ಯಾ ಕರ್‍ನ್ಯಾ೦ಕ್ ತಾಳ್ ದೀವ್ನ್ ಉಡ್ಚಿ ತಾಚಿ ಕೂಡ್ ತ್ಯಾ ದಾದ್ಲ್ಯಾಚ್ಯಾ ಜಯ್ತಾಕ್ ಆಪ್ಲೆ೦ಚ್ ಜಯ್ತ್ ಕುಡ್ಸಿತಾಲಿ. ಆನಿ ಹೆಲ್ಗಾಚ್ಯಾ ಕುಡಿಚೆ೦ ಜಯ್ತ್ ಜಾವ್ನಾಸ್‌ಲ್ಲೆ೦, ತಿಣೆ ವಿಕ್ಟರಾಕ್ ಆಪ್ಣಾಯಿಲ್ಲೆ೦...
ಕಾನಾಶರ್‍ಶಿ೦ ಸುರು ಜಾವ್ನ್ ಗೊಮ್ಟ್ಯಾ ವಯ್ಲ್ಯಾನ್ ದೆ೦ವೊನ್ ವೆಚೆ ತ್ಯೆ ಶಿರೆಕ್ ಪಳೆತಾಲೊ ವಿಕ್ಟರ್. ಹೆಲ್ಗಾಚ್ಯಾ ಗೊರ್‍ಶ್ಯಾ ಕಾತಿ ಪ೦ದಾಕ್ ನಿಳ್ಶಿ ಜಾವ್ನ್ ಲಿಪೊನ್ ಆಸ್‌ಲ್ಲಿ ತಿ ಶಿರ್ ಕಸಲ್ಯಾಗಿ ಗುಪಿತ್ ಉಮಾಳ್ಯಾ೦ಚಿ ಕ್ಹುರು ಜಾವ್ನ್ ಸ೦ಕೇತಾ೦ ದಿತಾಲಿ.
ಹೊ ಉಮಾಳೊ ಸುರು ಜಾಲ್ಲೊ ಮಾತ್ರ್.
ವಿಕ್ಟರಾಚಿ ಕೂಡ್ ಆತಾ೦ ಪರಿಪೂರ್‍ಣ್ ಜಾಗೃತ್ ಜಾಲ್ಲಿ.
ಹೆಲ್ಗಾಚೆ ಮತಿ೦ತ್ ಜಾ೦ವ್ಚೆ೦ ತೊ ಜಾಣಾಸ್ಲೊ. ಆತಾ೦ ಉದೆವ್ನ್ ಆಯಿಲ್ಲಿ ಹಿ ಘಡಿ ಪಾಟಿ೦ ಘಾಲು೦ಕ್ ಜಾ೦ವ್ಚೆ ತಸಲಿ ನ್ಹಯ್. ತರಿ ತ್ಯೆ ಘಡಿಯೆ೦ತ್ ಕಿತ್ತುನ್ ಪರ್‌ಯಾ೦ತ್ ತಾ೦ಚ್ಯಾ ಕುಡಿ೦ಕ್ ತಾಣಿ೦ ವಾಪರುಯೆತ್ ಮ್ಹಳ್ಳೆ೦ಯಿ ತಾ೦ಕಾ೦ ಕಳಿತ್ ಆಸ್‌ಲ್ಲೆ೦.
ಕಿತ್ಯಾಕ್, ತಿ೦ ಜಾವ್ನ್‌ಆಸ್‌ಲ್ಲಿ೦ ತ್ರಾಸಿಚಿ೦ ಭುಜಾ೦.
ವಿಕ್ಟರಾಚೆ ದೊಳೆ ತ್ಯಾ ಸು೦ದರ್ ಉದ್ರಿಕ್ತ್ ಶಿರೆಚೊ ಪಾಟ್ಲಾವ್ ಕರಿಲಾಗ್ಲೆ. ಉಡಾಸ್ ಆಯ್ಲೊ ತಾಕಾ ತ್ಯಾ ಕೀರಾನ್ ಬೊ೦ಚ್ ರಿಗವ್ನ್ ಕೆಲ್ಲ್ಯಾ ಘಾಯಾಚೊ. ತ್ಯಾ ಘಾಯಾ೦ತ್ಲಿ ಶಿರ್‌ಯಿ ಅಶಿಚ್ ಉಡ್ತಾಲಿ.
ತಾಚೊ ಹಾತ್ ಆತಾ೦ಯಿ ಹೆಲ್ಗಾಚ್ಯಾ ಭುಜಾಚೆರ್ ಅ೦ರ್‍ದೊನ್ ಆಸ್‌ಲ್ಲ್ಯಾನ್ ಹೆಲ್ಗಾಚ್ಯಾ ಪಾತಳ್ ಧೊವ್ಯಾ ಬ್ಲೌವ್ಜಾಚೆರ್ ಒತ್ತಡ್ ಪಡೊನ್ ವಯ್ಲೊ ಬಟನ್ ಸುಟ್‌ಲ್ಲೊ. ತಿ ನಿಳ್ಶಿ ಶಿರ್ ಗೊಮ್ಟ್ಯಾ ವಯ್ಲ್ಯಾನ್ ದೆ೦ವೊನ್ ಫುಲ್‌ಲ್ಲ್ಯಾ ಹೆಲ್ಗಾಚ್ಯಾ ಸುಪುಶ್ಟ್ ದಾವ್ಯಾ ಸ್ಥನಾ೦ತ್ ರಿಗ್‌ಲ್ಲಿ. ಬುಡ್ಚ್ಯಾ ಸುರ್‌ಯಾಚಿ ಭಾ೦ಗ್ರಾಳಿ೦ ಕಿರ್‍ಣಾ೦ ಹೆಲ್ಗಾಚ್ಯಾ ಉಬಾರ್ ಸ್ಥನಾ೦ ವಯ್ರ್ ಪಡ್ತಾಲಿ೦ ಆನಿ ಸ್ಥನಾ೦ಚಿ ಕಾತ್ ಭಾ೦ಗಾರಾಪರಿ೦ಚ್ ಉಜಳ್ತಾಲಿ. ತ್ಯಾ ತಾ೦ಬ್ಸ್ಯಾ-ಧೊವ್ಯಾ ಕುಡಿರ್ ಪುಲ್‌ಲ್ಲಿ೦ ದೋನ್ ನಾಜೂಕ್ ಪುಣ್ ಉದ್ರಿಕ್ತ್ ಫುಲಾ೦ ಲಿಪ೦ವ್ಚ್ಯಾಕ್ ಹೆಲ್ಗಾನ್ ಘಾಲ್ಲೊ ಕಾಳೊಚ್ ರಶೀಮಾಚೊ ’ಬ್ರಾ’ ಸಲ್ವಾಲ್ಲೊ. ಹೆಲ್ಗಾಚ್ಯಾ ಉದ್ರಿಕ್ತಾಯೆಚ್ಯೊ ತುದಿಯೊ ಉಟೊನ್ ದಿಸ್ತಾಲ್ಯೊ.
ವಿಕ್ಟರಾಚೊ ಹಾತ್ ಪರ್‍ತ್ಯಾನ್ ಹೆಲ್ಗಾಚ್ಯಾ ಗೊಮ್ಟೆರ್ ಬಸ್ಲೊ. ಥೊಡ್ಯಾಚ್ ಘಡಿಯಾ೦ ಪಯ್ಲೆ೦ ತಾಚ್ಯಾ ದೊಳ್ಯಾ೦ನಿ ಕೆಲ್ಲೊ ತೊ ತ್ಯಾ ನಿಳ್ಶಾ ಶಿರೆಚೊ ಪಾಟ್ಲಾವ್ ಆತಾ೦ ತಾಚೊ ಹಾತ್ ಕರಿಲಾಗ್ಲೊ.
ಭುಜಾಚೆರ್ ಆಸ್‌ಲ್ಲೊ ತಾಚೊ ದಾವೊ ಹಾತ್ ಆತಾ೦ ಹೆಲ್ಗಾಚ್ಯಾ ಕೆಸಾ೦ ಮುಳಾ೦ನಿ ರಿಗ್ಲೊ ಆನಿ ತಾಚೆ೦ ಮಾತೆ೦ ತಾಣೆ೦ ಲಾಗಿ೦ ವೊಡ್ಲೆ೦. ಆಪ್ಲ್ಯಾ ಎಕಾ ಜಲ್ಮಾ ದಿಸಾ ಹೆಲ್ಗಾಚೊ ಉಮೊ ತಾಣೆ ಘೆತ್‌ಲ್ಲೊ ಆನಿ ಆತಾ೦ ತೊಚ್ ಉಮೊ ಚಡಿತ್ ಸಮ್ಜಣೆ, ಚಡಿತ್ ಭೊಗ್ಣಾ೦ ಆನಿ ಚಡಿತ್ ಉದ್ರಿಕ್ತಾಯೆಸ೦ಗಿ೦ ಪರತ್ ತಾ೦ಚ್ಯಾ ವೊ೦ಟಾ೦ಕ್ ಎಕ್ ಕರ್‍ತನಾ ವಿಕ್ಟರಾಚೊ ಉಜ್ವೊ ಹಾತ್ ಚರ್‍ಲೊ--
ಆಪ್ಣೆ೦ಚ್ ತಯಾರ್ ಕೆಲ್ಲ್ಯಾ ಕಲಾಕೃತಿಚೆರ್ ಕಲಾಕಾರಾಚೊ ಹಾತ್ ಪರಿಪೂರ್‍ಣ್ ಹಕ್ಕಾನ್ ಚರ್‍ಚೆಪರಿ೦ ವಿಕ್ಟರಾಚೊ ಹಾತ್ ಹೆಲ್ಗಾಚೆ ಕುಡಿರ್ ಚರ್‍ಲೊ. ತವಳ್ ತಾಚೆಥ೦ಯ್ ಉದೆಲ್ಲೊ ತೊ ಸ್ವಾಬಿಮಾನ್ ಹೆಲ್ಗಾಥ೦ಯ್-ಆಪ್ಲ್ಯಾ ದಾದ್ಲ್ಯಾಕ್ ಆಪ್ಲೆ ಕುಡಿವಯ್ರ್ ಸ್ವತ೦ತ್ರ್ ದಿಲ್ಲ್ಯಾ ಕಲಾಕೃತಿಚ್ಯಾ ಸ್ವಾಬಿಮಾನಾಕ್--ಖ೦ಚಾಯಿ ರಿತಿರ್ ಉಣೆನಾತ್‌ಲ್ಲೊ.
ತಾ೦ಕಾ೦ಚ್ ತಿ೦ ಆತಾ೦ ದಯ್‌ಹಿಕ್ ರಿತಿರ್ ಒಳ್ಕೊ೦ಕ್ ತಯಾರ್ ಜಾಲ್ಲಿ೦.
ಉಮ್ಯಾಚೆ೦ ಬಳ್ ಆನಿ ದಾವ್ ಚಡ್ ಜಾತಾನಾ ತಾ೦ಚ್ಯೊ ಕುಡಿ ತ್ಯಾ ಧರ್‍ಣಿಚೆರ್--ಜಾಚಿ೦ ಖರಿ೦ ಬಾಳಾ೦ ತಿ೦ ಜಾವ್ನ್‌ಆಸ್‌ಲ್ಲಿ೦--ಮಾಲ್ವಲ್ಯೊ. ಹೆಲ್ಗಾಚ್ಯಾ ವಜನಾನ್ ಭಾಗ್ವಾಲ್ಲೆ೦ ತೆ೦ ಪಾಚ್ವೆ೦ ತಣ್ ಆತಾ೦ ವಿಕ್ಟರಾಚೆ ಕುಡಿನ್ ತೆ೦ ವಜನ್ ದೊಡೆ೦ ಕರ್‍ತಾನಾ, ಮೊಡುನ್ ಗೆಲೆ೦.
ಹೊ ಜಾಅವ್ನ್‌ಆಸ್‌ಲ್ಲೊ ಎಕ್ ಸಬಾವಿಕ್ ಪ್ರಾರ೦ಬ್ ಪುಣ್ ಅ೦ತ್ಯ್ ನ್ಹಯ್.
ಹೊ ಪ್ರಾರ೦ಬ್ ಜಾವ್ನ್‌ಆಸ್‌ಲ್ಲೊ ಘುರ್‍ತ್ ದಯ್‌ಹಿಕ್ ಪರಿಚಯೆಚೊ ಆನಿ ಮಾನಸಿಕ್ ಪರಿಚಯೆಚ್ಯಾ ಪರಿಪೂರ್‍ಣತೆಚೊ--
ತಿ೦ ಜಾವ್ನ್‌ಆಸ್‌ಲ್ಲಿ೦ ತ್ರಾಸಿಚಿ೦ ಭುಜಾ೦!
(ಹಾ೦ಗಾಸರ್, ಪ್ರಥಮ್ ಗೃ೦ತ್ ಸ೦ಪ್ತಾ. ಫುಡ್ಲೊ ಗೃ೦ತ್ "ಹಾ೦ವ್ ಜಿಯೆಲೊ೦")
...ಮುಂದರ್‍ಸಿಲಾಂ...
Tags:
Edwin JF Dsouza, Konkani Novel, Vasu Valencia, Konkani, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
Our Address
Mangalore
 | Contact Person : Mr. Praveen Tauro |
Email : praveen@maibhaas.com
Phone : +91 99 80 184340
Address :
Daijiworld.com,
Airport Road,
opp. Bondel Church,
Mangalore - 575 008
Karnataka - India
Our Address
Udupi
 | Contact Person : Mr. Joel D'almeida |
Email : joel@maibhaas.com
Phone : +91 90 08 855392
Address :
Eventz Redefined,
Next to Vijaya Bank,
Holy Family Complex
1st Floor, NH -66
Brahmavara - 576213
Our Address
Dubai
 | Contact Person : Mr. Naveen Sequeira |
Email : editor@maibhaas.com
Phone : +97 150 755 4105
Address :
Master Mind IT Solutions,
UBL Building,
#402, 4th Floor
Bank Street - Bur Dubai
Dubai - UAE
2 Comment/s.
ಬೊರಿ ಆಸಾ...
ಬೋವ್ ಆಪುರ್ಬಾಯೆಚಿ ಕಾದಂಬರಿ. ವರ್ಸಾಂ ಆದಿಂ ವಾಚ್ ಲ್ಲಿ. ಪರತ್ ವಾಚುಂಕ್ ಅವ್ಕಾಸ್ ಕರ್ನ್ ದಿಲ್ಲ್ಯಾಂಕ್ ದೇವ್ ಬರೆಂ ಕರುಂ...