From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇನಿ ಡಿಸೋಜಾ
Saturday, October 17, 2020
ಹಾತಾಕ್ಶರ್ ಆನಿ ಹಾತ್ ಬರ್ಪಾ ಶಾಸ್ತಿರ್ ಮನ್ಶಾಚೆಂ ಹಣೆಬರಪ್ ಬದ್ಲುಂಕ್ ಸಕ್ತಾವೇ?
ಆಜ್ ಆಮಿ ಡಿಜಿಟಲ್ ಯುಗಾಂತ್ ಜಿಯೆವ್ನ್ ಆಸಾಂವ್. ಕಂಪ್ಯೂಟರ್, ಮೊಬಾಯ್ಲ್ ಆನಿ ವಾಟ್ಸಪಾಚೊ ಚಡಿತ್ ಮಾಪಾನ್ ಉಪ್ಯೋಗ್ ಕರುನ್ ಆಸಾಂವ್. ತಶೆಂ ಜಾಲ್ಲ್ಯಾನ್ ಹಾತ್ ಬರ್‍ಪಾಕ್ ಆಮಿ ಸಂಪೂರ್ಣ್ ಥರಾನ್ ವಿಸ್ರಲ್ಯಾಂವ್. ಬರಪ್ ನಾತ್‌ಲ್ಲೆಂ ಜಿವಿತ್, ಜಿವಿತ್‌ಚ್ ನ್ಹಂಯ್ ಮ್ಹಣ್ತಾತ್. ಬರಪ್ ನಾತ್‌ಲ್ಲ್ಯಾ ಜಿವಿತಾಂತ್ ಸಬಾರ್ ಸಮಸ್ಯಾ ಆಸ್ತಾತ್.
ಹಾತ್ ಬರ್‍ಪಾಚಿ ಗರ್ಜ್
ಹಾತ್ ಬರ್‍ಪಾಚಿ ಕಲಾ ನಪಂಯ್ಚ್ ಜಾಯಿತ್ತ್ ಯೆತಾ. ಕ್ಲಾಸಿಂತ್ ಶಿಕ್ಶಕಾಂ ಸರ್ವ್ ವಿದ್ಯಾರ್‍ಥಿಂಕ್ ಎಕ್‌ಚ್‌ಲೆಕ್ ಬರಪ್ ಶಿಕಯ್ತಾತ್. ಜಾಲ್ಯಾರ್‌ಯಿ ಸಕ್ಕಡ್ ವಿದ್ಯಾರ್‍ಥಿಂಚೆಂ ಹಾತ್ ಬರಪ್ ಎಕ್‌ಚ್‌ಲೆಕ್ ಆಸಾನಾ. ಹಾತ್ ಬರಪ್ ತಾಂತಾಂಚ್ಯಾ ಸ್ವಬಾವಾ ಪರ್‍ಮಾಣೆ ಉದೆವ್ನ್ ಯೆತಾ. ಸ್ವಬಾವ್ ಬದ್ಲಲ್ಲೆಬರಿಂ ಹಾತ್ ಬರಪ್‌ಯಿ ಬದಲ್ತಾ. ತಶೆಂಚ್ ಬರಪ್ ಬದ್ಲಲ್ಲೆಬರಿಂ ಸ್ವಬಾವ್ ಸಯ್ತ್ ಬದಲ್ತಾ. ಬರಪ್ ಆನಿ ಸ್ವಬಾವ್ ಎಕಾಮೆಕಾ ಪೂರಕ್ ಜಾವ್ನಾಸಾತ್.
ಹಾತ್ ಬರಪ್ ಮ್ಹಳ್ಯಾರ್ ಪಳೆಂವ್ಚೆಂ, ಸಾಂಗ್ಚೆಂ ಆನಿ ಸ್ಪರ್ಶ್ ಕರ್‍ಚೆಂ (Visual, Canashetic,Auditory) ದೆಕುನ್ ಹ್ಯೊ ತಿನ್‌ಯಿ ಸಂಗ್ತಿ ಗರ್‍ಜೆಚ್ಯೊ. ತಶೆಂ ಜಾಲ್ಲ್ಯಾನ್ ವಾಚ್ಚ್ಯಾ ಪ್ರಾಸ್ ಬರೊಂವ್ಚೆಂ ಚಡ್ ಫಾಯ್ದ್ಯಾಚೆಂ. ಧಾ ಪಾವ್ಟಿಂ ವಾಚ್ಚ್ಯಾ ಪ್ರಾಸ್ ಏಕ್ ಪಾವ್ಟಿಂ ಬರೊಂವ್ಚೆಂ ಬರೆಂ. ಆಮ್ಚಾ ಹಾತಾಚಾ ಹೆಬ್ಬೆಟಾಚಿ ತುದಿ ಮ್ಹಳ್ಳಿ ತಿ 'ಸ್ವಿಚ್ ಪೋಂಯ್ಟ್' ಆಸ್‌ಲ್ಲೆಬರಿಂ. ಹಾತ್ ಆಮಿ ಮೆಂದ್ವಾಮದೆಂ ಸಂಪರ್ಕ್ ಆಸಾ. ದೊನ್‌ಯಿ ಸಾಂಗಾತಾಚ್ ಕಾಮ್ ಕರ್‍ತಾತ್.
ಸಾಹಿತಿಂಚೆಂ ಆವ್ಕ್ ಲಾಂಬ್
ಸಾಹಿತಿ, ಲೇಖಕ್ ಆನಿ ಕವಿ ಲಾಂಬ್ ಕಾಳ್ ಜಿಯೆತಾತ್. ದಾಕ್ಲ್ಯಾಕ್ ಕಯ್ಯಾರ ಕಿಂಜಣ್ಣ ರೈ -102 ವರ್‍ಸಾಂ, ವೆಂಕಟ ಸುಬ್ಬಯ್ಯ - 105 ವರ್‍ಸಾಂ, ಖುಶ್ವಂತ್ ಸಿಂಗ್ - 99 ವರ್‍ಸಾಂ ಶಿವಾಯ್ ಮಾಸ್ತಿ, ಕುವೆಂಪು ಆನಿ ಹೆರ್ ಸಬಾರ್ ಸಾಹಿತಿ 80 ವರ್‍ಸಾಂ ಪ್ರಾಸ್ ಚಡ್ ಜಿಯೆಲ್ಯಾತ್. ಸಾಹಿತಿಂಚಾ ಲಾಂಬ್ ಆವ್ಕಾಚೊ ಘುಟ್ ಕಸಲೊಗೀ ಮ್ಹಳ್ಯಾರ್ ತಾಣಿಂ ಬರಯ್ತಾನಾ ತಾಂಚೊ ಮೆಂದು 'ಎಕ್ಟಿವೇಟ್' ಜಾತಾ. ಹೆಬ್ಬೆಟ್ಟಾಕ್ ಕಾಮ್ ದಿತಲೆ ಕ್ರಿಯಾಳ್ ಜಾವ್ನ್ ಆಸ್ತಾತ್. ಅಶಿಕ್ಪಿ ಸಯ್ತ್ ಬೊಟಾಂಚಾ ತುದಿಯೆಂಕ್ ಕಾಮ್ ದಿಂವ್ಚೆ ತಸಲಿ ರಂಗೋಲಿ, ತೇರ್ಸ್ ತಶೆಂಚ್ ವಾತಿ ಕರ್‍ಚೆಂ, ದೊರಿ, ಸುಂಬ್ ವೊಳ್ಚೆಂ ಕಾಮ್ ಕರ್‍ತಾತ್ ಆನಿ ಜಿಣಿಯೆಂತ್ ಕ್ರಿಯಾಳ್ ಆಸ್ತಾತ್. ಯುವಜಣಾಂಕ್ ಅಸಲ್ಯಾ ಕಾಮಾಂಥಂಯ್ ಆಸಕ್ತ್ ನಾತ್‌ಲ್ಲ್ಯಾನ್ ತಾಂಕಾಂ ಹಾತ್ ಬರಪ್ ಉಪ್ಕಾರ್‍ತಾ. ಆನಿ ತಾಂಚೊ ಮೆಂದು ಕ್ರಿಯಾಳ್ ಜಾತಾ.
ಗ್ರಾಫೊಲೊಜಿಚಿ ಸುರ್‍ವಾತ್
ಗ್ರಾಫೊಲೊಜಿಚಿ ಸುರ್‍ವಾತ್ ಜಾಲ್ಲಿಚ್ ಭಾರತಾಂತ್. ದಕ್ಶಿಣ್ ಭಾರತಾಂತ್ ಆರಂಬ್ ಜಾವ್ನ್ ಗ್ರಾಫೊಲೊಜಿ ಕ್ರಮೇಣ್ ಚೀನಾ, ಗ್ರೀಸ್, ರೋಮ್ ಆನಿ ಹೆರ್ ದೇಶಾಂಕ್ ವಿಸ್ತಾರ್‍ತಾ. ಶಿವಾಜಿಚೊ ಗುರು ಸಂತ ಸಮರ್‍ಥ ರಾಮದಾಸ್ ಹಾಣೆಂ ಆಪ್ಲೆಂ ಹಾತ್ ಬರಪ್ ಬದ್ಲುನ್ ವ್ಯಕ್ತಿತ್ವ್ ಬದ್ಲಿಲ್ಲೆ ಧಾಕ್ಲೆ ಆಸಾತ್.
ಗ್ರಾಫೊಲೊಜಿ ಮ್ಹಳ್ಳೊ ಏಕ್ ಭೋವ್ ವ್ಹಡ್ ವಿಶಯ್. ಹಾತ್ ಬರ್ಪಾ ವಿಶಯ್ ಸಯ್ತ್ ಹಾಂತ್ಲೊ ಏಕ್ ವಿಬಾಗ್ ಮಾತ್ರ್. ಆನಿ ಏಕ್ ವಿಬಾಗ್ ಆಸಾ ಗ್ರಾಫೊ ಥೆರಾಪಿ. ಹಾತ್ ಬರಪ್ ಬದ್ಲುನ್ ವ್ಯಕ್ತಿತ್ವ್ ಬದ್ಲುಂಚೆಂ. ಚಡುಣೆ 300 ಪ್ರಾಸ್ ಚಡ್ ವ್ಯಕ್ತಿತ್ವಾಂ ಹಾತ್ ಬರ್ಪಾ ಮುಕಾಂತ್ರ್ ಸಾಂಗುಯೆತಾ. ಹಾತ್ ಬರಪ್ ಪಳೆವ್ನ್ ಭಲಾಯ್ಕೆವಿಶಿಂ ಸಾಂಗ್ಯೆತ್.
ಕಾಗ್ದಾರ್ ಮಾರ್‍ಜಿನ್ ನಾಸ್ತಾಂ ಸೊಡಿನಾಸ್ತಾಂ ಬರೊಂವ್ಚೆಂ ತೆಂ ಮರ್‍ಣಾಚೆಂ ಭ್ಯೆಂ ದಾಕಯ್ತಾ. ಭುರ್‍ಗ್ಯಾಂಕ್ ಥೆರಾಪಿ ಮಾತ್ರ್ ಪಾವ್ತಾ. ಪುಣ್ ವ್ಹಡಾಂಕ್ ವಿಶ್ಲೇಶಣ್‌ಯಿ ಬರೆಂಚ್.
ಬರ್ಪಾಂತ್ ಬದ್ಲಾವಣ್
ಗ್ರಾಫೊಲೊಜಿ ಮಾರಿಫತ್ ಮನ್ಶಾನ್ ವಿವಿದ್ ಫಾಯ್ದೆ ಜೊಡುನ್ ಘೆವ್ಯೆತ್. ಹಾತ್ ಬರಪ್ ಬದ್ಲಿ ಕರಿತ್ತ್ ಭ್ಯೆಂ ಭಿರಾಂತ್ ಪಯ್ಸ್ ಕರ್ಯೆತ್. ಹಾತ್ ಬರ್‍ಪಾಚಿ ಬದ್ಲಾವಣ್ ಫಕತ್ ವಿದ್ಯಾರ್‍ಥಿಂಕ್ ಮಾತ್ರ್ ಸೀಮಿತ್ ನ್ಹಂಯ್. ಕೂಡ್ ಪಿಡಾ ಯೆನಾತ್‌ಲ್ಲೆಬರಿಂ ಆಡಾಯ್ತಾ.
ಹಾತ್ ಬರ್ಪಾ ಥೆರಾಪಿ ಸುರು ಕೆಲ್ಯಾರ್ ದಿಸ್ಪೊಡ್ತೆಂ ಉಣ್ಯಾರ್ ಉಣೆಂ 20 ಮಿನುಟಾಂ ತರೀ ಬರಯ್ಜೆಚ್. ಹಾತ್ ಬರ್‍ಪಾಚಿ ಬದ್ಲಾವಣ್ ಕರ್‍ಚೆ ಮ್ಹಳ್ಯಾರ್ ಫಕತ್ ಅಕ್ಶರಾಂಚಿ ಬದ್ಲಾವಣ್ ಕರ್‍ಚಿ ಮಾತ್ರ್ ನ್ಹಂಯ್, ಅಕ್ಶರಾಂ ಬರೊಂವ್ಚಿ ರೀತ್, ಪೆನ್ನ್ ವ ಪೆನ್ಸಿಲ್ ಧರ್‍ಚಿ ರೀತ್‌ಯಿ ಆಟಾಪುನ್ ಆಸಾ.
ಬರೊಂವ್ಚಾ ವಿಧಾನಾಂತ್ ಬಸ್ಚಿ ರೀತ್, ಖಂಚ್ಯಾ ರಂಗಾಚೆಂ ಪೆನ್ನ್, ಬೊಟಾಂ ಮದೆಂ ಪೆನ್ನ್ ಧರ್‍ಚಿ ರೀತ್ ಇತ್ಯಾದಿ ಪಾಳುಂಕ್ ಆಸಾ. ಶಿವಾಯ್ ಮಾರ್‍ಜಿನಾಚಾ ದೆಗೆನ್ ಥಾವ್ನ್ಂಚ್ ಬರೊಂವ್ಚಿ ಸವಯ್ ಕರಿಜಾಯ್. ಮಾರ್‍ಜಿನ್ ಆಸುನ್ ಇಲ್ಲೊಸೊ ಜಾಗೊ ಸೊಡ್ನ್ ಬರಯ್ಲ್ಯಾರ್ ಹಂಕಾರಿ ಸ್ವಭಾವಾಚೆ ಜಾತಾತ್. ಹಾತಾಚೆಂ ದುಸ್ರೆಂ ಬೋಟ್ ಮುಕಾರ್ ಹಾಡ್ನ್ ಬರಯ್ಲ್ಯಾರ್ ಹೆರಾಂಕ್ ಬೋಟ್ ಜೊಕುನ್ ಉಲೊಂವ್ಚ್ಯಾ ವ್ಯಕ್ತಿತ್ವಾಚೆ ಜಾತಾತ್.
ಹೆಬ್ಬೆಟ್ ಆಪುಣ್ ಮ್ಹಳ್ಳೊ ಅರ್‍ಥ್ ದಾಕಯ್ತಾ. ಹೆಬ್ಬೆಟ್ ಮುಕಾರ್ ಹಾಡ್ನ್ ಹಂಕಾರ್ ದಾಕೊಂವ್ಚೆಂ ಮದ್ಲೆಂ ಬೋಟ್ ಪಂದಾ ಹಾಡ್ನ್ ಬರಯ್ಲ್ಯಾರ್ ಸ್ವಬಾವ್ ಬದಲ್ತಾ. ಬರಯ್ತಾನಾ ಬೊಟಾಂ ದಾಂಬುನ್ ಧರುನ್ ಬರಯ್ನಾಯೆ.
ಆತ್ಮ್‌ಹತ್ಯಾಕ್ ಪ್ರಯತನ್ ಕೆಲ್ಲೆಂ ಆಸಾ ತರ್ ಹಾಣಿಂ ಹೆಂ ಶಾಸ್ತಿರ್ ಅಭ್ಯಾಸ್ ಕರ್ನ್ ಆತ್ಮ್‌ಹತ್ಯಾ ಪ್ರವೃತ್ತಿ ಬದ್ಲಿಯೆತ್. ಏಕ್ ಪಾವ್ಟಿಂ ಬರಯಿಲ್ಲೆಂ ಮಾರ್‍ಚೆಂ ಸ್ವತಾಕ್ ದುಕಯಿಲ್ಲೆಬರಿಂ ಮ್ಹಳ್ಳೊ ಅರ್‍ಥ್. ಹಠ್, ಹಗೆಂ, ಜಿದ್ದ್ ಇತ್ಯಾದಿ ರಾವೊವ್ಯೆತ್. ಆನಿ ಆತ್ಮ್‌ವಿಶ್ವಾಸ್ ಜೊಡಿಶೆಂ ಕರ್ಯೆತ್. ಶಿವಾಯ್ ಮತಿಚಿ ಏಕಾಗ್ರತಾ ಚಡೊವ್ಯೆತ್. t ಅಕ್ಶರಾಚೊ ಆಡ್ ಗೀಟ್ ವಯ್ರ್ ಗೆಲ್ಲೆತಿತ್ಲೊ ಆತ್ಮ್‌ವಿಶ್ವಾಸ್ ಚಡ್ತಾ. i ಅಕ್ಶರಾವಯ್ರ್ ಆಸ್ಚೊ ಬಿಂದು ಫಕತ್ ಬಿಂದು ಜಾವ್ನಾಸೊಂಕ್ ಜಾಯ್ ಶಿವಾಯ್ ವೃತ್ತ್ ವ ಹೆರ್ ಕಿತೇಂಯಿ ಆಸಾನಾಯೆ. ಬಿಂದು ಘಾಲ್ಯಾರ್ ಮತಿಚಾ ಏಕಾಗೃತೆಕ್ ಬರೆಂ. ಬರಯ್ತಾನಾ ಮದೆಂಚ್ ಉಟೊನ್ ವೆತಲ್ಯಾಂನಿ ಬಸ್ಕಿ ಕಾಡ್ಲ್ಯಾರ್ ಏಕಾಗೃತಾ ಯೆತಾ.
ಎಕಾ ವ್ಯಕ್ತಿಚೆಂ ಹಾತಾಕ್ಶರ್ ವ ದಸ್ಕತ್ ವಿಶ್ಲೇಶಣ್ ಕರುನ್ ತಾಚೆಂ ಆದ್ಲೆಂ, ಆತಾಂಚೆಂ ಆನಿ ಫುಡ್ಲೆಂ ಭವಿಶ್ಯ್ ಸಮ್ಜುಂಕ್ ಸಾದ್ಯ್‌ವೇ? 'ಹಿ ದಸ್ಕತ್ ಘಾಲ್ಲ್ಯಾ ವ್ಯಕ್ತಿಚೊ ಸ್ವಭಾವ್ ಅಸಲೊಚ್' ಮ್ಹಣ್ ಸಾಂಗುಂಕ್ ಸಾದ್ಯ್‌ವೇ? ಹಾತಾಕ್ಶರಾಚಿ ವಿದ್ಯಾ ಆರ್‍ವಿಲ್ಯಾ ವರ್‍ಸಾಂನಿ ಥೊಡಿ ಆಸಕ್ತ್ ಉಬ್ಜಂವ್ಕ್ ಸಕ್ಲ್ಯಾ.
ಮನ್ಶಾಚಾ ಮನಾಶಾಸ್ತಿರಾಕ್ ಸಂಬಂದ್ ಜಾಲ್ಲೆಬರಿಂ ಹಾತಾಕ್ಶರಾಚಾ ಅಧ್ಯಯನಾಕ್ ಆನಿ ವಿಶ್ಲೇಶಣಾಕ್ ಹಾತಾಕ್ಶರಾಚಿ ವಿದ್ಯಾ (ಗ್ರಾಫೊಲೊಜಿ) ಮ್ಹಣ್ತಾತ್. ವಯ್ಜಕೀಯ್ ಶಾಸ್ತಿರಾಂತ್ ಮೆಂದು ಆನಿ ಶಿರಾಂಚಾ ವ್ಯವಸ್ಥೆಕ್ ಸಂಬಂಧ್ ಜಾಲ್ಲ್ಯಾ ಪಿಡೆಂಚೊ ಪಾತ್ತೊ, ವಿಶ್ಲೇಶಣ್ ಆನಿ ಚಿಕಿತ್ಸೆಕ್ ಹಾತಾಕ್ಶರ್ ವಿದ್ಯಾ, ಮೊಸ್ತು ಉಪ್ಕಾರಾಕ್ ಪಡ್ಲ್ಯಾ ಮ್ಹಣ್ತಾತ್ ಹಾತಾಕ್ಶರ್ ಶಾಸ್ತಿರಾಚೆ ತಜ್ನ್.
ಹಾತಾಕ್ಶರ್ ಆನಿ ಹಾತ್ ಬರಪ್ ಎಕಾ ವ್ಯಕ್ತಿಚೆ ಸರ್ವ್ ಗೂಣ್ ಸಮ್ಜುಂಕ್ ಉಪ್ಕಾರ್‍ತಾ. ಹಾತ್ ಬರಪ್ ಎಕಾ ವ್ಯಕ್ತಿಚಾ ಕಾಲೆತಿಚಿ, ಭೊಗ್ಣಾಂಚಿ ಆನಿ ಭಲಾಯ್ಕೆಚಾ ಪರಿಗತೆಚಿ ಏಕ್ ಸಂಪೂರ್ಣ್ ನಕ್ಶಾ ಮ್ಹಣ್ಯೆತ್. ಮದ್ಲ್ಯಾ ಯುಗಾಂತ್ ಮೊಠ್ವಾಸಿ ಆನಿ ಫ್ರಾದ್ ಮಾತ್ರ್ ಹಾತ್ ಬರ್‍ಪಾಚಿ ಕಲಾ ಆನಿ ವಿಗ್ಯಾನ್ ಅಧ್ಯಯನ್ ಕರ್‍ತಾಲೆ. ಎಜಿಪ್ತ್‌ಗಾರ್ ಬರೊವ್ಣಿ ದೆವೊತ್ ಮ್ಹಣ್ ಲೆಕ್ತಾಲೆ. ಮನ್ಶಾಚಾ ಚಿಂತ್ಪಾ ಪ್ರಾಸ್ ಬರಪ್ ಉಂಚ್ಲೆಂ ಮ್ಹಳ್ಳಿ ತಾಂಚಿ ಪಾತ್ಯೆಣಿ.
ಹಾತ್ ಬರ್ಪಾ ಚಿಕಿತ್ಸಾ
ಮನ್ಶಾಚಿ ಜಿಣಿ ಬದ್ಲುಂಕ್ ಜಾಯಿತ್ತ್ಯೊ ವಾಟೊ ಆಸಾತ್. ಹಾಂಚೆಪಯ್ಕಿ ಏಕ್ ಆಸಾ - ಗ್ರಾಫೊ ಥೆರಪಿ ವ ಹಾತ್ ಬರ್ಪಾ ಚಿಕಿತ್ಸಾಯಿ ಏಕ್ ಮ್ಹಳ್ಳೆಂ ರುಜು ಜಾಲಾಂ. ಶಿವಾಯ್ ಹಿ ಏಕ್ ಭೋವ್ ಸುಲಭಾಯೆಚಿ ವಾಟ್. ಹಾತ್ ಬರ್‍ಪಾಚಾ ರಿತಿಂತ್ಲಿ ಬದ್ಲಾವಣ್ ಮನ್ಶಾಚಿ ಜಿಣಿ ಬದ್ಲುಂಕ್ ಸಕ್ತಾ. ಹಾತ್‌ಬರ್‍ಪಾ ರಿತಿಂತ್ ಥೊಡಿಚ್ ಬದ್ಲಾವಣ್ ಕರ್ನ್ ಜಿಣಿಂಚ್ ಬದ್ಲುಂಚೆಂ ಏಕ್ ವಿಗ್ಯಾನ್ ಜಾವ್ನಾಸಾ. ಗ್ರಾಫೋ ಥೆರಾಪಿ ಮಾರಿಫತ್ ಹಾತ್ ಬರ್ಪಾ ರಿತಿಂತ್ ಥೊಡ್ಯೊ ಬದ್ಲಾವಣ್ಯೊ ಹಾಡ್ಚೆವರ್‍ವಿಂ ಸ್ವನದ್ರೆಂತ್ ಉದರ್‍ಗತ್, ಚಡಿತ್ ಆತ್ಮ್ ವಿಶ್ವಾಸ್, ಬರೊ ಉಡಾಸ್, ಗುಮಾನಾಸಕ್ತೆಂತ್ ಬರೆಂಪಣ್, ಆಸಕ್ತ್, ಉರ್‍ಬಾ, ಮತಿಚಾ ದಬಾವಾಚೆರ್ ನಿಯಂತ್ರಣ್ ಶಿವಾಯ್ ಮುಕೆಲ್ಪಣಾಚಾ ಚಿಂತ್ಪಾಂತ್ ಖಂಡಿತ್ ಜಾವ್ನ್ ಸುದಾರಣ್ ಹಾಡುಂಕ್ ಸಾದ್ಯ್ ಆಸಾ.
ಆಮ್ಚಿ ಹಾತ್ ಬರ್ಪಾ ರೀತ್ ಆಮ್ಚ್ಯೊ ಥೊಡ್ಯೊ ಪಾಡ್ ಸವಯೊ ಉಗ್ತಾಡಾಕ್ ಹಾಡ್ತಾತ್. ಆಮಿ ಬರೊಂವ್ಚೆ ರಿತಿಂತ್ ಬದ್ಲಾವಣ್ ಹಾಡ್ಚೆವರ್‍ವಿಂ ಆಮಿ ಆಮ್ಚಾ ಪಾಡ್ ಸವಯಾಂಚೆರ್ ಜಯ್ತ್ ವ್ಹರ್‍ಯೆತ್. ಮಾತ್ರ್ ನ್ಹಂಯ್ ತ್ಯೊ ಸರ್ವ್ ಪಾಡ್ ಸವಯೊ ಹುಮ್ಟುನ್ ಕಾಡ್ನ್ ಉಡೊಂವ್ಕ್ ಸಯ್ತ್ ಹಾತ್ ಬರ್ಪಾ ಚಿಕಿತ್ಸಾ ಆಮ್ಕಾಂ ಉಪ್ಕಾರ್‍ತಾ. ಹಿ ಬರ್ಪಾ ಚಿಕಿತ್ಸಾ ಮನ್ಶಾಚಾ ಜಿವಿತಾಂತ್ಲ್ಯೊ ವ್ಹಡ್ ವ್ಹಡ್ ಚೂಕಿ ತಿದ್ವುಂಕ್ ಸಕ್ತಾ ಮಾತ್ರ್ ನ್ಹಂಯ್, ಮನ್ಶಾಚೆಂ ವ್ಯಕ್ತಿತ್ವ್ ಬಳಿಶ್ಟ್ ಕರುಂಕ್‌ಯಿ ಸಕ್ತಾ. ಹಿ ಚಿಕಿತ್ಸಾ ಮನ್ಶಾಚಾ ಸುಪ್ತ್ ಮತಿಕ್ ವಚುನ್ ಮತಿಚೆರ್ ಪ್ರಭಾವ್ ಘಾಲ್ತಾ. ಬರ್ಪಾ ಚಿಕಿತ್ಸೆಂತ್ ಶಿರಾಂ ಶಾಸ್ತ್ರ್ ಆನಿ ಮನೋಶಾಸ್ತ್ರಾಚಿಂ ತತ್ವಾಂ ಆಟಾಪುನ್ ಆಸಾತ್.
ಹಾತ್ ಬರ್ಪಾ ವಿಶ್ಲೇಶಣ್
ಹಾತ್ ಬರ್‍ಪಾಚ್ಯಾ ವಿಶ್ಲೇಶಣಾದ್ವಾರಿಂ ಮನ್ಶಾ ಥಂಯ್ ಆಸ್ಚೆ ವಿಶೇಸ್ ಗೂಣ್ ಪಾರ್‍ಕುಂಕ್ ಸಾದ್ಯ್ ಜಾತಾ. ಖಂಚ್ಯಾಯಿ ಎಕಾ ವಿಂಚ್ಣಾರ್ ವ್ಯಕ್ತಿವಿಶಿಂ ಜಾಣಾಂ ಜಾಂವ್ಚ್ಯಾಕ್ ಥೊಡೆಪಾವ್ಟಿಂ ಖೂಬ್ ವೇಳ್ ಖರ್‍ಚಿಜಾಯ್ ಪಡ್ತಾ ಮ್ಹಳ್ಳೆಂ ಆಯ್ಕುಂಕ್ ಮೆಳ್ತಾ. ಪುಣ್ ಥೊಡ್ಯಾಚ್ ಸೆಕುಂದಾಂನಿ ಎಕಾ ವ್ಯಕ್ತಿಚೆ ಗೂಣ್ ಪಾರ್‍ಕುಂಕ್ ಸಾದ್ಯ್ ಆಸಾ ಮ್ಹಳ್ಯಾರ್ ಸಹಜ್ ಜಾವ್ನ್ ಆಮ್ಕಾಂ ಅಜಾಪ್ ಭೊಗ್ತಾ. ಹೊ ಜಾವ್ನಾಸಾ ವಿಶೇಸ್ ಘುಟ್ ಹಾತ್ ಬರ್ಪಾ ಫೊಡ್ಣಿಚೊ ವ ವಿಶ್ಲೇಶಣಾಚೊ. ಹಾಕಾ ಇಂಗ್ಲಿಶಾಂತ್ Handwriting Analysis ಮ್ಹಣ್ತಾತ್.
ಚಿಕಿತ್ಸೆಚೊ ಪ್ರಭಾವ್
ಹಾತ್ ಬರ್‍ಪಾಚಾ ಚಿಕಿತ್ಸೆಚೊ ಪ್ರಬಾವ್ ಕಾಜಾರಿ ಜೊಡ್ಯಾಂಚಾ ಜಿಣಿಯೆರ್‌ಯಿ ಪಡ್ತಾ. ಕಾಜಾರಿ ಜಿವಿತಾಂತ್ ವಿವಿದ್ ಕಾರಣಾಂಕ್ ಲಾಗುನ್ ಪತಿ ಆನಿ ಪತಿಣೆಮದೆಂ ಮನಾಸ್ಥಾಪ್ ಉಬ್ಜೊನ್ ಎಕಾಮೆಕಾಚೊ ಸಾಂಗಾತ್ ಸೊಡುನ್ ಪಯ್ಸ್ ಸರ್‍ಚೆ ವ ವೆಗ್ಳಾಚಾರ್ ಜೊಡ್ಚೆ ಸಂದರ್ಭ್ ಹಾತ್ ಬರ್ಪಾ ಚಿಕಿತ್ಸೆ ಮಾರಿಫತ್ ಆಡಾವ್ಯೆತ್. ಹ್ಯಾ ಚಿಕಿತ್ಸೆ ಮಾರಿಫತ್ ವಿಪ್ರೀತ್ ಮೊಟಾಯ್, ಖಿನ್ನತಾ, ಪಾಟ್ ದೂಕ್, ಮೈಗ್ರೇನ್ ಆನಿ ಹೆರ್ ಪಿಡೆಂವಯ್ರ್ ನಿಯಂತ್ರಣ್ ಹಾಡುಂಕ್ ಜಾತಾ.
ಹಾತಾಕ್ಶರ್ ಶಾಸ್ತಿರ್ ವೈಜ್ಞಾನಿಕ್‌ವೇ?
ವಿಸಾವ್ಯಾ ಶತಮಾನಾಚಾ ಮದ್ಲ್ಯಾ ಭಾಗಾ ಪರ್‍ಯಾಂತ್ ಹಾತಾಕ್ಶರ್ ವ ಹಾತ್ ಬರ್ಪಾ ಶಾಸ್ತಿರಾಕ್ ಥೊಡೆಂ ತರಿ ವೈಜ್ಞಾನಿಕ್ ಮಾನ್ಯತಾಯ್ ಆಸ್‌ಲ್ಲಿ. ಪುಣ್ ತಾಚಾ ಉಪ್ರಾಂತ್ ಸಬಾರ್ ವೈಜ್ಞಾನಿಕ್ ಸಮೀಕ್ಶಾಂನಿ 'ವ್ಯಕ್ತಿತ್ವ್ ವಿಶ್ಲೇಶಣ್ ಆನಿ ಉದ್ಯೋಗ್ ಸಾಧನಾಕ್ ಸಂಬಂದ್ ಜಾವ್ನ್ ಹಾತಾಕ್ಶರ್ ಶಾಸ್ತಿರ್ ಉಪ್ಕಾರಾಕ್ ಪಡನಾತ್‌ಲ್ಲೆಂ ಮ್ಹಳ್ಳಿ ಅಭಿಪ್ರಾಯ್ ಆಯ್ಕುಂಕ್ ಮೆಳ್ಳಿ.
ಸುರ್‍ವಿಲ್ಯಾ ವರ್‍ಸಾಂನಿ ಯೆರೊಪಾಚಾ ಉದ್ಯೋಗ್ ಶೆತಾಂತ್ ಹಾತಾಕ್ಶರ್ ಶಾಸ್ತಿರಾಕ್ ಮಾನ್ಯತಾಯ್ ಆಸ್‌ಲ್ಲಿ. ನಿತಳ್ ಆನಿ ಸೊಬಿತ್ ಹಾತ್ ಬರ್‍ಪಾಚೆ ತಾಂಚಾ ಕಾಮಾಂತ್‌ಯಿ ತಿತ್ಲಿಚ್ ಶೃದ್ದಾ ಆನಿ ಸುಡ್ಸುಡಾಯ್ ದಾಕಯ್ತಲೆ ಮ್ಹಳ್ಳಿ ಪಾತ್ಯೆಣ್ ಆಸ್‌ಲ್ಲಿ. ಪುಣ್ ತಾಚಾ ಉಪ್ರಾಂತ್ ಚಲ್‌ಲ್ಲ್ಯಾ ಸಬಾರ್ ವೈಜ್ಞಾನಿಕ್ ವಿಶ್ಲೇಶಣಾಂ ಪರ್‍ಮಾಣೆ ಹೆಂ ಸಾರ್‍ಕೆಂ ನ್ಹಂಯ್ ಮ್ಹಳ್ಳಿ ಅಬಿಪ್ರಾಯ್ ವ್ಯಕ್ತ್ ಜಾಲಿ. ಸೊಬಿತ್ ಹಾತ್ ಬರ್‍ಪಾಚ್ಯಾನ್ ಅಶಿಸ್ತೆನ್ ಕಾಮ್ ಕರ್‍ಚೆಂ, ಆನಿ ಆಮ್ಸೊರಾನ್ ಅನಾಕರ್‍ಶಕ್ ಹಾತಾಕ್ಶರ್ ಘಾಲ್ಚಾನ್ ಶೃದ್ದೆನ್ ಕಾಮ್ ಕರುಂಕ್ ಸಾದ್ಯ್ ಮ್ಹಣ್ ದಿಸೊನ್ ಆಯ್ಲೆಂ.
ಕ್ರಿಸ್ತ ಪೂರ್‍ವ ತಿಸ್ರ್ಯಾ ಶತಮಾನಾ ಥಾವ್ನ್ಂಚ್ ಹಾತಾಕ್ಶರಾವಿಶಿಂ ಅದ್ಯಯನ್ ಚಲೊನ್ ಆಯ್ಲಾಂ. 1872-oತ್ ಆಬ್ಬಿ ಮಿಚಾನ್ ಮ್ಹಳ್ಳ್ಯಾನ್ ಪಯ್ಲೆಪಾವ್ಟಿಂ 'ಗ್ರಾಫೊಲೊಜಿ' ಮ್ಹಳ್ಳೊ ಸಬ್ದ್ ವಾಪರುಂಕ್ ಸುರು ಕೆಲೊ. ತಾಚಾ ಉಪ್ರಾಂತ್ ಆಮೇರಿಕಾ ಆನಿ ಹೆರ್ ಸಬಾರ್ ರಾಶ್ಟ್ರಾಂನಿ ಹಾತಾಕ್ಶರ್ ಮ್ಹಣ್ಜೆ ಗ್ರಾಫೊಲೊಜಿ ವಿಶ್ಯಾಂತ್ ನಿರಂತರ್ ಆದ್ಯಯನಾಂ ಚಲೊನ್ ಆಯ್ಲ್ಯಾಂತ್.
ನಿಮಾಣೆಂ ಇತ್ಲೆಂಚ್ ಉಡಾಸ್ ದವರಾ ಕೀ ತುಮ್ಚಿ ಯಶಸ್ವಿ ತುಮ್ಚೆಚ್ ಹಾತಿಂ ಆಸಾ!
ಹಾತ್ ಬರಪ್ ವಿಶ್ಲೇಶಕ್ - ಸ್ಟೇನಿ ಡಿಸೋಜಾ
ಸ್ಟೇನಿ ಡಿಸೋಜಾ ಮುಳಾನ್ ಬೊರಿಮಾರ್ (ಸೂರಿಕುಮೇರ್) ಫಿರ್‍ಗಜಿಚೊ. 1963 ಅಕ್ಟೋಬರ್ 3ವೆರ್ ತಾಚೊ ಜಲ್ಮ್. ಸುರ್‍ವಿಲೆಂ ಶಿಕಪ್ ಬಂಟ್ವಾಳ್ - ಮೊಡಂಕಾಪ್ ಹಾಂಗಾಸರ್. ಮಂಗ್ಳುರ್‌ಚಾ ಕರ್‍ನಾಟಕ ಪೊಲಿಟೆಕ್ನಿಕಾಥಾವ್ನ್ ಮೆಕ್ಯಾನಿಕಲ್ ಇಂಜಿನಿಯರಿಂಗಾಂತ್ ಡಿಪ್ಲೊಮಾ. 7 ವರ್‍ಸಾಂ ಐಟಿಐ ಆನಿ ಕೆಪಿಟಿಂತ್ ಶಿಕ್ಶಕ್ ಜಾವ್ನ್ ವೃತ್ತಿ ಆರಂಬ್. ಆನಿ ಸಾಂ. ಲುವಿಸ್ ಸಾಂಜೆಚಾ ಕೊಲೆಜಿಥಾವ್ನ್ ಬಿ.ಕೊಮ್. ಪದ್ವೆಚೆಂ ಶಿಕಪ್. ಉಪ್ರಾಂತ್ ಬಿಸ್ನೆಸ್ ಎಡ್ಮಿನಿಸ್ಟ್ರೇಶನಂತ್ ಡಿಪ್ಲೊಮಾ.
ಸ್ಟೇನಿ ಏಕ್ ಭೋವ್ ಯಶಸ್ವಿ ಎಲ್.ಐ.ಸಿ. ಪ್ರತಿನಿದಿ ಆನಿ ಫೈನಾನ್ಶಿಯಲ್ ಕನ್ಸಲ್ಟೆಂಟ್. ಎಲ್.ಐ.ಸಿ.0ತ್ ತಾಚಾ ಸಾಧನಾಖಾತಿರ್ ಎಮ್.ಡಿ.ಆರ್.ಟಿ.೦ತ್ ತಾಕಾ ಉಂಚ್ಲಿ ಗ್ರೇಡ್ ಫಾವೊ ಜಾಲ್ಯಾ. ಶಿವಾಯ್ ಚೆಯರ್‌ಮೆನ್ ಕ್ಲಬ್ಬಾಚೊ ಸಾಂದೊಯಿ ಜಾಲಾ ತೊ. ಲೊಕಾಮೊಗಾಳ್ ಕಾರ್‍ಯೆಂ ನಿರ್‍ವಾಹಕ್ ತೊ. ಕೊಂಕ್ಣಿ, ಇಂಗ್ಲಿಶ್, ಕನ್ನಡ ಆನಿ ತುಳು ಭಾಶೆಂನಿ ತಾಣೆಂ ಜಾಯ್ತಿಂ ಕಾರ್‍ಯಿಂ ಚಲಯ್ಲ್ಯಾಂತ್. ಪಾಟ್ಲ್ಯಾ ಸಬಾರ್ ವರ್‍ಸಾಂ ಥಾವ್ನ್ ಮಂಗ್ಳುರಾಂತ್ 'ವಿನ್‌ಸಮ್ ಸೇಲ್ಸ್ ಕೊರ್‍ಪೊರೇಶನ್' ಚಲೊವ್ನ್ ಆಸಾ. 1995-ಂತ್ ಲೊಕಾಮೊಗಾಳ್ ಕಾರ್‍ಯೆಂ ನಿರ್‍ವಾಹಕಿ ಇವ್ಲಿನ್ ಮೊರಾಸ್ ಹಿಚೆಲಾಗಿಂ ಸ್ಟೇನಿಚೆಂ ಲಗ್ನ್ ಜಾಲೆಂ. ಎಲ್.ಐ.ಸಿ. ಪ್ರತಿನಿಧಿ ಜಾವ್ನ್ ಎಮ್.ಡಿ.ಆರ್.ಟಿ. ದರ್‍ಜೊಆಪ್ಣಾಯಿಲ್ಲಿ ತಿ ಚೆಯರ್‌ಮೆನ್ ಕ್ಲಬ್ಬಾಚೊ ಸಾಂದೊ.
ಹ್ಯಾ ಜೊಡ್ಯಾಕ್ ದೋಗ್ ಜಣ್ ಚೆರ್‍ಕೆ ಭುರ್‍ಗೆ- ಸ್ಟ್ಯಾಲಿನ್ ಆನಿ ಶರ್‍ವಿನ್. ಸ್ಟ್ಯಾಲಿನ್ ಇಂಜಿನಿಯರಿಂಗ್ ಕರ್ತಾ. ವಿವಿದ್ ಸಂಗೀತ್ ವ್ಹಾಜಂತ್ರಿ ಆನಿ ಡಿಜೆ. ಬ್ಯಾಂಡ್ ಸಿಟಿಲೈಟ್ಸ್ ಮ್ಹಳ್ಳೊ ಸಂಗೀತ್ ಪಂಗಡ್ ತಾಣೆಂ ಸುರು ಕೆಲಾ. ಶಿವಾಯ್ ಸಂಗೀತ್ ಕ್ಲಾಸಿಯಿ ತೊ ಚಲಯ್ತಾ. ಶರ್‍ವಿನ್ ಸಾಂ. ಲುವಿಸ್ ಕೊಲೆಜಿಂತ್ ಬಾರಾವಿ ಶಿಕ್ತಾ. ತೊ ಬರೊ ಡ್ರಮ್ಮರ್. ಟ್ರಂಪೆಟ್ ಫುಂಕ್ತಾ , ಡಿಜೆ ಕರ್ತಾ. ಫುಡೆಂ ಪೈಲಟ್ ಜಾಂವ್ಚಿ ಆಶಾ ತಾಚಿ.
Tags:
ಹಾತ್ ಬರ್‍ಪಾಚಾ ಚಿಕಿತ್ಸೆಚೊ ಪ್ರಬಾವ್ ಕಾಜಾರಿ ಜೊಡ್ಯಾಂಚಾ ಜಿಣಿಯೆರ್‌ಯಿ ಪಡ್ತಾ. ಕಾಜಾರಿ ಜಿವಿತಾಂತ್ ವಿವಿದ್ ಕಾರಣಾಂಕ್ ಲಾಗುನ್ ಪತಿ ಆನಿ ಪತಿಣೆಮದೆಂ ಮನಾಸ್ಥಾಪ್ ಉಬ್ಜೊನ್ ಎಕಾಮೆಕಾಚೊ ಸಾಂಗಾತ್ ಸೊಡುನ್ ಪಯ್ಸ್ ಸರ್‍ಚೆ ವ ವೆಗ್ಳಾಚಾರ್ ಜೊಡ್ಚೆ ಸಂದರ್ಭ್ ಹಾತ್ ಬರ್ಪಾ ಚಿಕಿತ್ಸೆ ಮಾರಿಫತ್ ಆಡಾವ್ಯೆತ್., Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
2/27/2021 ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...
-
12/20/2020 ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...
-
12/6/2020 ಆಸ್ತ್ ........
-
11/25/2020 ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...
-
11/9/2020 ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...
-
10/17/2020 ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...
-
-
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
1 Comment/s.
ಹಾತ್ ಬರ್ಪಾಂತ್ ಎಕ್ಲ್ಯಾಚೆಂ ವ್ಯಕ್ತಿತ್ವ್ ಪಾರ್ಕಿವ್ಯೆತ್ ಮ್ಹಣ್ ಆಯ್ಕಾಲ್ಲೆಂ ತರೀ ಹಾತ್ ಬರ್ಪಾಚೆಂ ಮಹತ್ವ್ ತಶೆಂ ಹಾತ್ ಬರಪ್ ಬದ್ಲಿ ಕರ್ನ್ ವೆಕ್ತಿತ್ವ್ ಯೀ ಬದ್ಲಿ ಕರ್ಯೆತ್ ಮ್ಹಣೊನ್ ಆಯ್ಕೊನ್ ಅಜ್ಯಾಪ್ ಜಾಲೆಂ. ಸೊಬಿತ್ ಬರಂವ್ಚೆ ದಾಕ್ತೆರ್ ಆಸಾತ್ ತರೀ ಕಿತೆಂ ಬರಯ್ತಾತ್ ಮ್ಹಣೊನ್ ಆಮ್ ಮ್ಹನ್ಶಾಂಕ್ ಕಳಾನಾತ್ಲೆ ಬರಿಂ ಬರಂವ್ಚೆ ದಾಕ್ತೆರಚ್ ಚಡ್ ಆಸಾತ್! ಗ್ರಾಫೋಲೊಜಿಸ್ಟ್ ಸ್ಟೇನಿ ಡಿಸೋಜಾಕ್ ತಶೆಂ ತಾಚಿ ವಳಕ್ ಕರ್ನ್ ದೀವ್ನ್ ಜಾಣ್ವಾಯ್ ವಾಂಟ್ ಲ್ಲ್ಯಾ ಸಿಜ್ಯೆಸಾಕ್ ಅಭಿನಂದನ್.