From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಆಸ್ತ್ .....
Sunday, December 6, 2020ಬರಯ್ಣಾರಾ ವಿಶಿಂ ಜಾಣಾ ಜಾ...
ಆಜ್‌ಕಾಲ್ಚ್ಯಾ ಸಂಸಾರಾಂತ್ ಆಸ್ತ್ ಆನಿ ದುಡ್ವಾಕ್ ಉಂಚ್ಲೆ ಸ್ಥಾನ್. ಮನ್ಶ್ಯಾ ಜಿವಿತಾಂತ್ ಆಸ್ತ್ ಪ್ರಮುಖ್ ಸ್ಥಾನ್ ಘೆತಾ. ಆಸ್ತ್ ಆಸ್‍ಲ್ಲೊ ಸಮಾಜೆಂತ್ ಅನ್ಕೂಲ್‌ವಂತ್ ಮ್ಹಣ್ ಲೋಕ್ ವಳ್ಕಾತಾತ್. ಕಾರ್ಯಾಂತ್ ತಾಂಕಾ ಪಯ್ಲಿ ಬಸ್ಕಾ ದಿತಾತ್. ಲೋಕ್ ತಾಕಾ ಏಕ್ ಜಯ್ತೆವಂತ್ ಮಾನಾಯ್ ಮ್ಹಣ್ ಮಾನ್ ದಿತಾತ್. ಥೊಡೆ ತಾಂಚ್ಯಾ ಸ್ವಸಮರ್ಥೆನ್ ಗ್ರೇಸ್ತ್ ಜಾತಾತ್ ತರ್ ಹೆರ್ ಸಮಾಜೆಂತ್ ನಾಂವ್ ಆನಿ ಪಯ್ಶೆ ಜೊಡ್ಚೆ ಖಾತಿರ್ ದುಬ್ಳ್ಯಾಂಕ್ ಆನಿ ನಿರ್ಗತಿಕಾಂಕ್ ಮೋಸ್ ಕರ್ನ್ ಗ್ರೇಸ್ತ್ ಜಾತಾತ್. ಪುಣ್, ಮ್ಹಾಕಾ ಏಕ್ ಸವಾಲ್ ಧೊಸ್ತಾ... ಆಮಿಂ ಸರ್ವಾಂ ವೆತಾನಾ ಆಮ್ಚಿ ಸರ್ವ್ ಆಸ್ತ್‌ಬದಿಕ್ ಸೊಡ್ನ್ ರಿತ್ಯಾ ಹಾತಾಂನಿ ವೆತಾಂವ್. ತರ್ ಇತ್ಲ್ಯಾ ಕಷ್ಟಾಂನಿ ಕೆಲ್ಲ್ಯಾ ಆಸ್ತಿಚೆಂ ಮೋಲ್ ಕಿತೆಂ?
ಭಗವತ್ ಗೀತಾ ಅಶೆಂ ಮ್ಹಣ್ತಾ, ''ಮನ್ಶ್ಯಾ, ತುಂವೆಂ ಯೆತಾನಾ ಕಾಂಯ್ ಹಾಡ್‍ಲ್ಲೆ ನಾಂ ಆನಿ ವೆತಾನಾ ಕಾಂಯ್ ವ್ಹರಿನಾಯ್, ತುಂವೆಂ ರಡುಂಕ್ ತುಜೆಂ ಮ್ಹಳ್ಳೆಂ ಕಿತೆಂ ಆಸಾ? ಕಿತೆಂಯ್ ತುಂವೆಂ ಜೊಡ್ಲ್ಯಾಂಯ್ ತರ್ ಹ್ಯಾ ಮಾತಿಯೆ ಥಾವ್ನ್... ಹ್ಯಾ ಧರ್ತೆ ಥಾವ್ನ್... ತುಂವೆಂ ವೆತಾನಾ ಹಾಂಗಾಸರ್ ಸರ್ವ್ ಸೊಡುಂಕ್ ಆಸಾ....''
ಆಸ್ತ್ ಏಕ್ ತಾತ್ಕಾಲಿಕ್ ಠಿಕಾಣೊ. ಪುಣ್ ಆತಾಂಚ್ಯಾ ಕಾಳಾರ್ ಆಮಿಂ ವಾಚ್ತಾಂವ್, ಆಯ್ಕಾತಾಂವ್ ವ ಆಮ್ಚ್ಯಾಚ್ ಲಾಗ್ಶಿಲ್ಯಾ ವಠಾರಾಂತ್ ಆಮಿ ಪಳೆತಾಂವ್, ಹ್ಯೆಚ್ ಆಸ್ತಿ ಖಾತಿರ್ ಕಿತ್ಲೆಶೆ ಜೀವ್ ಉಬ್ಲ್ಯಾತ್, ಕಿತ್ಲಿಶಿ ಕುಟ್ಮಾಂ ದೆಸ್ವಾಟ್ ಜಾಲ್ಯಾತ್!! ಲ್ಹಾನ್ ಥಾವ್ನ್ ಮೊಗಾನ್ ಆಸ್‍ಲ್ಲೆ ಭಾವ್ ಭಯ್ಣಿಂ ವ್ಹಡ್ ಜಾತಾನಾ ಆಸ್ತಿ ಖಾತಿರ್ ವಾಂಟೆ ಫಾಂಟೆ ಜಾಲ್ಲೆ ಆಸಾತ್. ಕಿತ್ಯಾಕ್ ಅಶೆಂ ಜಾತಾ? ಆಮ್ಚೆ ಮ್ಹಳ್ಳೆಂ ಹಾಡ್‍ಲ್ಲೆಂ ಕಾಂಯ್ ನಾ ಆನಿ ವೆತಾನಾ ವ್ಹರುಂಕ್ ಕಾಂಯ್ ನಾಂ ಮ್ಹಣ್ತಾಂವ್ ತರೀ ಆಮ್ಚೊ ಹರ್ಬೊಸ್ ಕಿತ್ಯಾಕ್ ಸುಟಾನಾ? ಮಾತೆಂ ಧಾಂಪುಂಕ್ ಆನಿ ಪಾಟ್ ತೆಂಕುಂಕ್ ಖಾಲಿ ಪಾಕೆಂ ಆಸ್ಲ್ಯಾರ್ ಪಾವಾನಾಂಗಿ? ಇತ್ಲಿ ಆಸ್ತ್ ಜೊಡುನ್ ಪಾಲ್ಯಾಂ ಸಕಾಳಿಂ ತುಕಾ ಖಾಂವ್ಕ್ ಫಾವೊ ಜಾಯ್ನಾ ತರ್ ಕೊಣಾ ಖಾತಿರ್? ಸಬಾರ್ ಆಪ್ಲೆಂ ಜಿವಿತ್ ಭರ್ ದುಡ್ವಾ ಖಾತಿರ್ ಅನಿ ಆಸ್ತಿ ಖಾತಿರ್ ಪೊಟಾಕ್ ಸಾರ್ಕೆಂ ಘಾಲಿನಾಸ್ತಾಂ ವಾಂವ್ಟ್ ಕಾಡ್ತಾಂವ್ ಪುಣ್ ತಾಂಕಾ ಖಾಂವ್ಕ್ ಫಾವೊ ಜಾಯ್ನಾ!
ಆಮಿ ಆಸ್ತಿಚೆ ಸೆಕ್ಯುರಿಟಿ ಗಾರ್ಡ್ ಮಾತ್ರ್. ಕಿತ್ಯಾಕ್ ಮ್ಹಳ್ಯಾರ್ ಮ್ಹಜ್ಯಾ ಆಬಾನ್ ಆಸ್ತ್ ಮ್ಹಜ್ಯಾ ಬಾಬಾಕ್ ದಿಲಿ ಆನಿ ಬಾಬಾನ್ ತಾಚ್ಯಾ ಪುತಾಕ್ ದಿಲಿ. ಪುತಾನ್ ನಾತ್ವಾಕ್ ದಿಲಿ ಆನಿ ಆಮಿ ತಾಕಾ ದುಸ್ರ್ಯಾನ್ ಮಧೆಂ ಯೇಂವ್ಕ್ ನಜೊ ಮ್ಹಣ್ ವೋಂಯ್ ಆನಿ ಆಕಾಡೊ ಘಾಲೊ. ಆನಿ ವ್ಹಡ್ ಪಾಗೊರ್ ಬಾಂಧ್ಲೊ. ಹ್ಯಾ ಮಧೆಂ ಭಾಭಾವಾಂ ಭಿತರ್ ಆಸ್ತಿಚಿ ತಕ್ರಾರ್ ಉದೆಲೆ, ಮಾರಾಫಾರ್ ಜಾಲಿ. ಭಾವಾಂಕ್ ಭೊಗ್ಸುಂಕ್ ಜಾಯ್ನಾಸ್ತಾ, ಭಾಭಾವ್ ಕೋರ್‍ಟಾಕ್ ಗೆಲೆಂ, ಚಾಳೀಸ್ ಪನ್ನಾಸ್ ವರ್ಸಾಂ ಕೋರ್ಟ್ ವಕೀಲ್ ಮ್ಹಣ್ ಪಯ್ಶೆಯೀ ಹೊಗ್ಡಾಯ್ಲೆ. ಆನಿ ಭಾಭಾವ್ ಎಕಾಮೆಕಾಚ್ಯಾ ಮೊರ್‍ನಾಕ್ ಪಾವಾನಾಂತ್, ಕುಟ್ಮಾಂತ್ ಬರೆಂ ಫಾಲೆಂ ಜಾತಾನಾ ಎಕಾಮೆಕಾಚೆಂ ತೋಂಡ್ ಸಯ್ತ್ ಪಳೆನಾಂತ್, ಆಬಾ ಕಾಳಾ ಥಾವ್ನ್ ಉಬ್ಜಾಲ್ಲಿ ದುಸ್ಮಾನ್ ಕಾಂಯ್ ಪುತಾಚ್ಯಾ ಕಾಳಾ ಮ್ಹಣಾಸಾರ್ ವಿಸ್ತಾರ್ಲಿ. ಆನಿ ಆಕ್ರೇಕ್ ಆಬಾಚೊ ಎಕ್ಲೊ ನಾತು, ದುಡ್ವಾಚ್ಯಾ ಆಶೆ ಖಾತಿರ್ ತಿ ಆಸ್ತ್ ದುಸ್ರ್ಯಾಚ್ ಸಮುದಾಯಾಚ್ಯಾಕ್ ಬೊಲ್ತ್ಯಾಕ್ ವಿಕ್ತಾ, ತರ್ ಆಮಿ ಚಾಳೀಸ್ ಪನ್ನಾಸ್ ವರ್ಸಾಂ ಕೋರ್ಟ್ ವಕೀಲ್ ಮ್ಹಣ್ ವೇಳ್, ದುಡು, ವಿಭಾಡ್ಲೊಚ್ ಆಯ್ಲೊ! ಆನಿ ದುಸ್ಮಾನ್‍ಕಾಂಯ್, ಮನಾಸ್ತಾಪ್ , ಮೊಸೊರ್ ಮ್ಹಣ್ ಆಮಿ ಎಕಾಮೆಕಾಕ್ ವೆಗ್ಳಿ ಜಾಲ್ಯಾಂವ್. ತರ್ ಆಮಿ ಇತ್ಲಿ ವರ್ಸಾಂ ಝಗ್ಡೆಂ, ರಾಗ್ ಮೊಸೊರ್ ಕರ್ನ್, ಆಮಿ ಸಮಾಧಾನ್ ಹೊಗ್ಡಾವ್ನ್ ವಿಂಗಡ್ ಜಾಲ್ಲೆ... ಸಗ್ಳೆಂ ವ್ಯರ್ಥ್ ನಹಿಂಗೀ!
ವ್ಹಯ್ ಆಮಿಂ ಕ್ರೀಸ್ತಾಂವ್, ಕ್ರಿಸ್ತಾಚೆ ಪಾಟ್ಲಾವ್ದಾರಿ. ಮಾಗ್ಣೆಂ ರಜಾರ್, ರೆತಿರ್‍ಯೊ ಕರುಂಕ್ ಆಮಿ ಮುಕಾರ್. ವ್ಹಯ್ ಸಗ್ಳೆಂ ಬರೆಂಚ್ ಪುಣ್ ಭೊಗ್ಸುಚಾಂತ್ ಆಮಿಂ ಏಕ್ ಮೇಟ್ ಪಾಟಿಂ. ಆಮಿ 'ಆಮ್ಚ್ಯಾ ಬಾಪಾ' ಮಾಗ್ಣೆಂ ಹರ್ಯೆಕ್ ದೀಸ್ ಮ್ಹಣ್ತಾಂವ್, ಕಾಂಯ್ ನಾಂ ತರಿ ಸಬಾರ್ ವರ್‍ಸಾಂನಿಂ ಮಿಸಾಚಾ ಬಲಿದಾನಾಂತ್ ವಾಂಟೊ ಘೆತ್‍ಲ್ಲ್ಯಾ ವೆಳಾರ್ ತರೀ ಮ್ಹಳ್ಳಾಂ ಆಸ್ತೆಲೆಂ ಆನಿ ಆಮಿ 'ಆಮ್ಚೆರ್ ಚುಕ್ಲೆಲ್ಯಾಂಕ್ ಭೊಗ್ಸಿತಾಂವ್. ತಶೆಂ ಆಮ್ಚಿ ಪಾತ್ಕಾಂ ತುಂ ಭೊಗೊಸ್' ಮ್ಹಣ್ ಮಾಗ್ತಾಂವ್. ಆಮಿ ಆಮ್ಕಾಂ ಆನಿ ಆಮ್ಚ್ಯಾ ಮೊಗಾಚ್ಯಾಂಕ್ ಮಾಫಿ ಮೆಳೊಂಕ್ ಆಶೆತಾಂವ್, ಪುಣ್ ಹೆರಾಂಕ್ ಶಿಕ್ಶ್ಯಾ ಮೆಳಾಜಾಯ್ ಮ್ಹಣ್ ಮಾಗ್ತಾಂವ್. ಹೆಂ ವಿಚಿತ್ರ್ ತರಿ ಸತ್.
ಆಯ್ಲೆವಾರ್ ಮ್ಹಜ್ಯಾ ಎಕಾ ಈಶ್ಟಾ ವಕೀಲಾಕ್ ಭೆಟ್ಲೊ. ತೊ ಮ್ಹಣಾಲೊ, ಕೊಡ್ತಿಂತ್ ಆಸ್ತಿಚೊ ದಾವೊ ಆಸ್ಚೊ ಯಾ ಜಾಗ್ಯಾ ತಕ್ರಾರಾಂತ್ ಕೊಡ್ತಿಚಿ ಕೇಸ್ ಆಸ್ಚಿ ಚಡವಾತ್ ಕ್ರಿಸ್ತಾಕ್ ಪಾತೆಂವ್ಚ್ಯಾ ಕ್ರೀಸ್ತಾಂವಾಚೊ.
ವಾಟ್ಸಾಪ್ ಯುನಿವೆರ್ಸಿಟಿಂತ್ ಅಶಿ ಎಕ್ ಮೆಸೆಜ್ ಹಾಂವೆಂ ವಾಚ್ಲಿ, 'ಮ್ಹನ್ಶ್ಯಾ ತುಕಾ ಪಯ್ಲೆಂ ನ್ಹಾಣ್ ನ್ಹಾಣಯ್ಲೆಂ ದುಸ್ರ್ಯಾನ್, ಆಕ್ರೇಚೆ ನ್ಹಾಣ್ ದುಸ್ರೊ ನ್ಹಾಣಯ್ತಾ ತರ್, ಚಾರ್ ದಿಸಾಚಾ ಸಂಸಾರಾಂತ್ ಹಂಕಾರ್ ಕಿತ್ಯಾಕ್?'
ಆಜ್ ಸಂಸಾರ್ ಕೊರೊನಾ ಪಿಡೆಚ್ಯಾ ಕಶ್ಟಾಂತ್ ಸಾಂಪಡ್ಲಾ, ದುಬ್ಳ್ಯಾಂಕ್ ಆನಿ ಗ್ರೇಸ್ತಾಂಕ್ ಮ್ಹಣ್ ಲೆಕಿನಾಸ್ತಾಂ ಸರ್ವಾಂಕ್ ಗ್ರಾಸುಂಕ್ ಲಾಗ್ಲಾ. ಹಾಂಗಾಸರ್ ಪಯ್ಶೆ, ದುಡು ಲೆಕಾಕ್ ಯೇನಾಂ ವ ಪಯ್ಶೆಂ ಕಾಂಯ್ ಉಪ್ಕಾರ್‍ನಾ ಮ್ಹಣ್ ರುಜು ಜಾಲೆಂ.
ಆಜ್ ಆಮಿ ನತಾಲಾಚ್ಯಾ ಕಾಳಾರ್ ಆಸಾಂವ್. ಕಾಂಯ್ ತರಿ ಬರಿಂ ಕರ್‍ನಿ ಕರುಂಕ್ ಪಯತನ್ ಕರ್‍ಯಾಂ. ದುಬ್ಳ್ಯಾ ಧಾಕ್ಟಾಚ್ಯಾ ಗರ್ಜೆಂಕ್ ಪಾವ್ಯಾಂ. ವಾಂಜೆಲಾಂತ್ ಸಾಂಗ್‌ಲ್ಲ್ಯಾ ಪರ್ಮಾಣೆ ಸಾಧ್ಯ್ ತರ್ ಕೊಡ್ತಿಚ್ಯಾ ವಾಟೆರ್ ಆಸ್ತಾನಾಂಚ್ ಭಾವಾಕಡೆಂ ಯಾಂ ಕುಟ್ಮಾಕಡೆಂ ಯಾ ಸೆಜಾರ್‍ಯಾ ಕಡೆಂ ರಾಜಿ ಜಾವ್ಯಾ ನಾಂ ತರ್ ಕೋಡ್ತ್ ನಿತಿಕರ್‍ತಾ ಅಧಿನ್ ಕರ್‍ತಾ. ತಶೆಂ ಜಾಂವ್ಚೆ ನಾಕಾ ಆಮಿಂ ಉದಾರಿ ಜಾವ್ಯಾಂ, ಕಿತ್ಲಿಂ ವರ್ಸಾಂ ಆಮ್ಕಾಂ ದೆವಾನ್ ದಿಲ್ಯಾಂತ್ ತಿ ಬರ್‍ಯಾನ್ ಆನಿ ಮೊಗಾನ್ ಜಿವಿತ್ ಸಾರ್‍ಯಾಂ. ಹ್ಯಾ ನತಲಾಂ ವೆಳಾರ್ ಎಕ್ ಬರೊ ಹಾಸೊ ದೀವ್ನ್ ಭೊಗ್ಸುಂಚೆ ಪ್ರಯತ್ನ್ ಕರ್‍ಯಾಂ. ಆಮಿಂ ದೊರೊ ಬಾಂಧ್ಚೆಂ ಕ್ರೀಸ್ತಾಂವ್ ಜಾಂವ್ಚೆ ನಾಕಾ, ಬಗಾರ್ ಸಾಂಕೊವ್ ಬಾಂಧ್ಚೊ ಕ್ರೀಸ್ತ್ ಜಾವ್ಯಾಂ. ಕುಟ್ಮಾಚಿ ಆಸ್ತ್, ಆಕಾಡೊ, ವೋಂಯ್ ಮ್ಹಣ್ ಆಮಿ ಮುನ್ಶ್ಯಾ ಜಿವಿತಾಕ್ ಆಕಾಡೊ ಬಾಂದ್ಚೊ ನಾಕಾ. ಆಮಿಂ ಕ್ರಿಸ್ತಾಚೆ ಪಾಟ್ಲಾವ್ದಾರಿ ಮ್ಹಣ್ ತಾಕಾ ಸಾಕ್ಸ್ ಜಾವ್ನ್ ಜಿಯೆಯಾ, ಆನಿ ಆಮ್ಚ್ಯಾ ಭಾವಾ ಭಯ್ಣಿಂಕ್, ಇಶ್ಟಾಂಕ್, ಸೆಜಾರ್‍ಯಾಂಕ್ ಭೊಗ್ಸುಂಚೆ ಉದಾರ್ ಮ್ಹಣ್ ದಾಕೊವ್ಯಾಂ, ಆನಿ ಹ್ಯಾ ನತಾಲಾ ಫೆಸ್ತಾಂಕ್ ಖರೊ ಆನಿಂ ಬರೊ ಅರ್ಥ್ ದಿವ್ಯಾಂ. ತುಮ್ಕಾ ಸರ್ವಾಂಕ್ ಖಾವ್ಣೆರ್‍ ಆಸ್‍ಲ್ಲೊ ಬಾಳೊಕ್ ಜೆಜು ಆಶೀರ್ವಾದಾನ್ ಭರೊಂದಿ ಆನಿ ತಾಚ್ಯಾ ಮುಕಾಮಳಾಚೊ ಪ್ರಕಾಸ್ ತುಮ್ಚೆರ್ ಆನಿ ತುಮ್ಚ್ಯಾ ಕುಟ್ಮಾಂಚೆರ್ ಫಾಂಕೊಂದಿ. ತುಮ್ಕಾಂ ಸರ್ವ್ ಅನ್ವಾರಾಂತ್ಲೆ ವಾಯ್ಟಾ- ವಿಘ್ನಾಂತ್ಲೆ ರಾಕೊನ್ ವ್ಹರೊಂದಿ ಆನಿ ತಶೆಂಚ್ ಜಾಂವ್.
ಸರ್ವಾಂಕ್ ಬರೆಂ ನತಾಲಾಂ ಪರಬ್ ಮಾಗ್ತಾ.
Tags:
Praveen Tauro, Property, Money, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
2/27/2021 ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...
-
12/20/2020 ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...
-
12/6/2020 ಆಸ್ತ್ ........
-
11/25/2020 ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...
-
11/9/2020 ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...
-
10/17/2020 ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...
-
-
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
0 Comment/s.