From around the world

ಪ್ರವೀಣ್ ತಾವ್ರೊ, ಕುಲ್ಶೇಕರ್
             
+971 50 7554105
ತುಮ್ಚ್ಯಾ ಗಮನಾಕ್:
Best be viewed in 1366 X 768 screen resolution and in Google Chrome
You are here:   /  ''ಬ್ಲೊ೦ಡಿ'' (ಕ್ಲೋನಿಂಗ್ ಹೊರರ್ ಕಥಾ...)

6  -  ''ಬ್ಲೊ೦ಡಿ'' (ಕ್ಲೋನಿಂಗ್ ಹೊರರ್ ಕಥಾ...)

Saturday, February 18, 2017  /  By Admin

ಬರಯ್ಣಾರಾ ವಿಶಿಂ ಜಾಣಾ ಜಾ...

90.0
User Rating


ಸಭಾಸಾಲಾ೦ತ್ಲೊ ಜಮೊ ಕಾವ್ಜೆಣೇನ್ ಆನಿ ಭಿರಾ೦ತೆನ್ ಭಾಯ್ರ್ ವೆತಾನಾ ಕಾರ್ಲೊಸ್ ಪೆರೆಜಾನ್ ಎಕ್ ವಿ೦ಚವ್ಣ್ ಪಯ್ಲಿಚ್, ಭಿತರ್ ಯೆ೦ವ್ಚ್ಯಾ ಪಯ್ಲೆ೦ಚ್, ಬ್ಲೊ೦ಡಿಚೆ೦ ಪ್ರಕರಣ್ ಜಾ೦ವ್ಚ್ಯಾ ಪಯ್ಲೆ೦ಚ್ ಕರುನ್ ಜಾಲ್ಲಿ.

ಹೆಚ್ ರಾತಿ೦ ಆಪುಣ್ ಟೆ೦ಪ್ಲರ್ ರಿಸರ್ಚ್ ಸೆ೦ಟರಾಚಿ ಪರಿಪೂರ್ಣ್ ತಫ್ತೀಶ್ ಕರ್ತೊಲೊ೦.

ಸೆ೦ಟರಾಚ್ಯಾ ಕ್ಯಾ೦ಪಸಾಕ್ ಉಬಾರ್ ಪಾಗೊರ್ ಆಸ್‌ಲ್ಲೆ ಆನಿ ಹ್ಯಾ ಪಾಗೊರಾವಯ್ರ್ ಆಸ್‌ಲ್ಲ್ಯಾ ಸರಿಯಾ೦ಚ್ಯಾ ವೊಯೆ೦ತ್ಲ್ಯಾನ್ ವೀಜ್ ಚರ್ತಾಲಿ. ಹಿ೦ವಾಳ್ ತೊ, ಸಾ೦ಜೆಚೊ ಕಾಳೊಕ್ ವೆಗಿ೦ಚ್ ಪಡ್ತಾಲೊ. ಕೊನ್ಫರೆನ್ಸಾಚೊ ವೇಳ್ ಸಾ೦ಜೆಚಿ ಸಾತ್ ಆನಿ ಸ ವ್ಹೊರಾ೦ಚೆರ್‌ಚ್ ತೊ ಸೆ೦ಟರಾಚ್ಯಾ ಭಾಯ್ರ್ ಆಪ್ಲ್ಯಾ ಫೊಕ್ಸ್‌ವ್ಯಾಗನ್ ಕಾರಾಚೆರ್ ಪಯ್ಶಿಲ್ಯಾನ್ ಭೊ೦ವಾಡೆ ಕಾಡ್ತಾಲೊ. ತಾಕಾ ಜಾಯ್ ಆಸ್‌ಲ್ಲೊ ಎಕ್ ಘುರ್ತ್ ಜಾಚಿ ವಳಕ್ ಕ್ಯಾ೦ಪಸಾ ಭಿತರ್ಲ್ಯಾನ್ ಧರು೦ಕ್ ಜಾ೦ವ್ಚೆ ತಸಲಿ.

ರೂಕ್ ಆಸ್‌ಲ್ಲೆ ಪುಣ್ ವೋಯೆಚ್ಯಾ ಬೋವ್ ಪಯ್ಶಿಲ್ಯಾನ್. ದುಸ್ರೊ ಭೊ೦ವಾಡೊ ಕಾಡ್ತಾನಾ ಹಿ೦ವಾಳಾನ್  ಪುರ್ತೊ ವಿಣ್ಗೊ ಜಾಲ್ಲ್ಯಾ ರುಕಾಚಿ ಬಯ್ತಾಡಾ೦ ದಿಸ್ಲಿ೦. ತಾಣೆ ಕಾರ್ ರಾವಯ್ಲೆ೦ ಆನಿ ಚಾಮ್ಡ್ಯಾಚೆ೦ ಎಕ್ ಲ್ಹಾನ್ ಪೊತೆ೦ ಘೆವ್ನ್ ತೊ ಭಾಯ್ರ್ ಆಯ್ಲೊ; ಬೋವ್ ಚತ್ರಾಯೆನ್ ಹೆಣೆತೆಣೆ೦ ಪಳೆವ್ನ್ ತಾಣೆ೦ ತೆ೦ ಪೊತೆ೦, ಜಾ೦ತು೦ ತಾಚಿ ಡಿಜಿಟಲ್ ಕೆಮರಾ ಆನಿ ಬೈನೊಕ್ಯುಲರ್ ಆಸ್‌ಲ್ಲೊ, ತ್ಯಾ ಬೋರ್ ರುಕಾಚೆ ದಿಶೆನ್ ಕ್ಯಾ೦ಪಸಾ ಭಿತರ್ ಉಡಯ್ಲಿ. ಪಾಟಿ೦ ಯೆವ್ನ್ ಕಾರಾ೦ತ್ ಬಸ್ತೆಚ್ ತಾಣೆ ಥೊಡಿ೦ ಮಿನುಟಾ೦ಬರ್ ಕಾನ್ ದೀವ್ನ್ ಕಸಲೆ೦ ಪುಣಿ ಸೆಕ್ಯುರಿಟಿ ಸಾಯ್ರನ್/ಬಿಗಿಲ್ ಜಾತಾಗಿ ಮ್ಹಣ್ ತೊ ರಾಕ್ಲೊ. ತಶೆ೦ ಕಾ೦ಯ್ ಜಾಲೆ೦ ನಾ.

ಉಪ್ರಾ೦ತ್, ಎಕಾ ಪಬ್ಬಾಕ್ ವಚುನ್ ತಾಣೆ ದೋನ್ ಡ್ರಾಫ್ಟ್ ಬಿಯರ್ ಸೆವ್ಲ್ಯೊ, ಎಕ್ ಕ್ವಾರ್ಟರ್ ಪೌ೦ಡರ್ ಹೆಮ್‌ಬರ್ಗರ್ ಖೆಲೆ೦ ಆನಿ ಆಪ್ಲ್ಯಾ ಚಾಮ್ಡ್ಯಾಚ್ಯಾ ಜಾಕೆಟಿಚೊ ಕೊಲ್ಲರ್ ವಯ್ರ್ ಕರುನ್ ತೊ ಕಾರಾ೦ತ್ ಬಸ್ಲೊ, ತೆ೦ ಚಾಲು ಕರ್ತೆಚ್ ತಾಣೆ ಹೀಟರ್ ಲಾಗಯ್ಲೊ ಆನಿ ವೆಳಾರ್ ಸೆ೦ಟರಾಚ್ಯಾ ಮುಕ್ಯ್ ಆನಿ ಎಕ್‌ಚ್ಚ್ ಗೇಟಿಲಾಗಿ೦ ಪಾವ್ಲೊ.

ಸೆ೦ಟರಾಚಿ ಸೆಕ್ಯುರಿಟಿ ಆಧುನಿಕ್ ಆನಿ ಶಕ್ತ್. ತ್ಯಾ ಸಾ೦ಜೆಚ್ಯಾ ಮುಕಾಮುಕಿ ಆಪಯಿಲ್ಲ್ಯಾ೦ಚೆ ಗೇಟ್‌ಪಾಸ್ ತಾ೦ಚ್ಯಾ ತಾ೦ಚ್ಯಾ ತಸ್ವೀರೆ೦ ಸಮೇತ್ ತಯಾರ್ ಆಸ್‌ಲ್ಲೆ.
ಆಯಿಲ್ಲ್ಯಾ೦ಚ್ಯಾ ದಿರುಸಾ೦ಚಿ, ಕುಡಿ೦ಚಿ ಆನಿ ತಾ೦ಚ್ಯಾ ಬ್ರೀಫ್‌ಕೇಜ್, ಹ್ಯಾ೦ಡ್‌ಬೆ೦ಗಾ೦ಚಿ ಜಪ್ತಿ ಕರ್ತಾನಾ ಸೆಕ್ಯುರಿಟಿ ಮಾನಾಯಾ೦ನಿ ಸಾ೦ಗ್ಲೆ೦ಕಿ ಪಾಟಿ೦ ವೆತಾನಾ ತೆ ಗೇಟ್‌ಪಾಸ್ ಸೆಕ್ಯುರಿಟಿ ಕ೦ಪ್ಯೂಟರಾಚ್ಯಾ ಫಲಾಣ್ಯಾ ಖಾ೦ಚಿ೦ತ್ ಘಾಲಿಜೆ ಮ್ಹಣ್; ಭಿತರ್ ಆಯಿಲ್ಲೆ/ಆಯಿಲ್ಲಿ೦ ಸರ್ವ್ ಭಾಯ್ರ್ ಗೆಲ್ಯಾ೦ತ್ ಮ್ಹಳ್ಳೆ೦ ಖಚಿತ್ ಕರು೦ಕ್.....

ಆನಿ ಆತಾ೦ ಬ್ಲೊ೦ಡಿಚ್ಯಾ ಭಿಯಾನ್ ಯಾ ತ್ಯಾ ಸೆ೦ಟರಾಚ್ಯಾ ಸಗ್ಳ್ಯಾ ವಾತವರಣಾನ್ ಉಬ್ದೆಸಿತ್ (ಆನಿ ಕಸಲೊ ರಾಕ್ಕೊಸ್ ಭಾಯ್ರ್ ಯೇತ್ ಕೊಣ್ಣಾ ಮ್ಹಳ್ಳ್ಯಾ ಭಿಯಾನ್ ಜಾ೦ವ್ಕ್‌ಯಿ ಪುರೊ) ಜಾಲ್ಲೊ ಜಮೊ ಸೆಕ್ಯುರಿಟಿ ಗೇಟಿಲಾಗಿ೦ ಧಾ೦ವ್ ಮಾರ್ತಾನಾ ಕಾರ್ಲೊಸ್ ಪೆರೆಜಾಚ್ಯಾ ಮತಿ೦ತ್ ಲಟ್ಟ್ ಕರುನ್ ಎಕ್ ಉಪಾವ್ ಸುಸ್ತಾಲೊ:

ತಾಚ್ಯಾ ಬರಾಬರ್ ತುರ್ತಾಯೆನ್ ಮೆಟಾ೦ ಕಾಡ್ತಾಲೊ ತೊ ಕಾತೊಲಿಕ್ ಜೊ ಡೊ| ಹೇಜಲಾಚ್ಯಾ ಉತ್ರಾ೦ಚೆ ಗರಮ್ ಜಾಲ್ಲೊ -
''ಹೆ೦ ಎಕ್ ಯೆಮ್ಕೊ೦ಡ್ ನ್ಹಯ್?'' ಪೆರೆಜಾನ್ ತಾಕಾ ವಿಚಾರ್ಲೆ೦. ''ಹಾಣಿ೦ ಭಾವಾರ್ಥಾಚಿ೦ ಅಶಿ೦ ಖ್ಹೆಳ್ಕುಳಾ೦ ಕರ್ಚಿ ಬರಿ೦ ನ್ಹಯ್...''
''ಹಾ೦! ತು೦ ತೊ ಜರ್ನಲಿಸ್ಟ್,'' ತ್ಯಾ ಕಾತೊಲಿಕಾನ್ ತಾಚಿ ವಳಕ್ ಧರ್ಲಿ. ''ಭಾರಿ ಭಾರಿ ಉಲಯ್ಲೊಯ್? ಎಕಾ ಪೆಟ್ಯಾನ್ ತುಜ್ಯಾ ಖಾ೦ದಾರ್ ಪಾ೦ಯ್ ದವರ್ಲೆ ಮ್ಹಳ್ಳ್ಯಾಕ್ ಆತಾ೦ ಕುಲ್ಯಾ೦ಕ್ ಪಾ೦ಯ್ ಲಾಯ್ತಾಯ್?''
''ಹಾ೦ಗಾಸರ್ ರಾ೦ವ್ಚೊ ಅವ್ಕಾಸ್ ಮೆಳತ್ ತರ್ ಹ್ಯಾ ಸೆ೦ಟರಾಚೆ೦ ಭಾ೦ಡೆ ಹಾ೦ವ್ ಫುಟಯ್ತಾ೦.''
''ಫುಟಯ್ ತರ್.''
ತೆ ಸೆಕ್ಯುರಿಟಿ ಗೇಟಿಕ್ ಲಾಗಿ೦ ಸರ್ತಾಲೆ. ''ಮ್ಹಾಕಾ ಕ್ಯಾ೦ಪಸಾ೦ತ್ ರಾವೊ೦ಕ್ ತು೦ ಮಜತ್ ಕರ್ಶಿ ತರ್?''
''ಹಾ೦ವ್...ಕಶೆ೦?''
''ಥ೦ಯ್‌ಸರ್ ಕಿತ್ಲಿ ಗಡ್ದಿ ಆಸಾ ಪಳೆ,'' ಮ್ಹಣಾಲೊ ಕಾರ್ಲೊಸ್ ಜಾಕೆಟಿಕ್ ಖ್ಹೊವಯಿಲ್ಲೊ ಗೇಟ್ ಪಾಸ್ ಕಾತೊಲಿಕಾಕ್ ದೀವ್ನ್. ''ಹೊ ಪಾಸ್ ತು೦ ತ್ಯಾ ಸೆಕ್ಯುರಿಟಿ ಕ೦ಪ್ಯುಟರಾ೦ತ್ ಘಾಲ್... ಇತ್ಲಿ ಗಡ್ದಿ ಆಸಾಕಿ..... ಹಾ೦ವ್‌ಯಿ ಭಾಯ್ರ್ ಗೆಲೊ೦ ಮ್ಹಣ್ ತೆ ಚಿ೦ತೆಲೆ.....''
''It is dangerous, man!''
''ತುಜ್ಯಾ ಜೆಜುಕ್ರಿಸ್ತಾ ಖಾತಿರ್!'' ಪೆರೆಜಾನ್ ಉತ್ರಾ೦ ವಿ೦ಚ್ಲಿ೦. ''Praise the Lord!''
''Praise the Lord,'' ಕಾತೊಲಿಕಾನ್ ಸೈ ಘಾಲುನ್ ಪೆರೆಜಾಚೊ ಗೇಟ್‌ಪಾಸ್ ಘೆತ್ಲೊ.

ಉಪ್ರಾ೦ತ್ ಪೆರೆಜಾಚೆ೦ ಕಾಮ್ ಸಲೀಸ್ ಜಾಲೆ೦; ತೊ ಬಯ್ತಾಡ್ ರೂಕ್ ಸೊಧುನ್ ಕಾಡು೦ಕ್ ತಾಕಾ ಕಶ್ಟ್  ಜಾಲೆನಾ೦ತ್. ತಾಚಿ ಡಿಜಿಟಲ್ ಕೆಮರಾ ಆನಿ ಬೈನೊಕ್ಯುಲರ್ ಸುರಕ್ಶಿತ್ ಆಸ್‌ಲ್ಲೆ. ಕ್ಯಾ೦ಪಸಾ೦ತ್ ಜಾಯ್‌ತಿತ್ಲಿ೦ ರೂಕ್ ಝಡಾ೦ ಆಸ್‌ಲ್ಲ್ಯಾನ್ ತಾ೦ಚೆ ಸಾವ್ಳೇ೦ತ್ ಸಾವ್ಳಿ ಜಾವ್ನ್ ತೊ ಲಿಪೊನ್ ಲಿಪೊನ್ ಸೆ೦ಟರಾಚ್ಯಾ ಪ್ರಮುಕ್ ಬ್ಲೊಕಾಕ್ ಲಾಗಿ೦ ಸರ್ಲೊ. ಥ೦ಯ್ಸರ್, ಎಕಾ ರುಕಾ ಪಾಟ್ಲ್ಯಾನ್ ಆಪ್ಲೊ ಥಿರೊ ಕರುನ್ ತಾಣೆ ಆಪ್ಲೆ ಬೈನೊಕ್ಯುಲರ್ ದೊಳ್ಯಾ೦ಕ್ ಲಾಯ್ಲೆ.

ಕ್ಯಾ೦ಪಸಾ೦ತ್ ಥ೦ಯ್-ಹಾ೦ಗಾ೦ ನಿಯೊನ್ ಲಾಯ್ಟ್ ಆಸ್‌ಲ್ಲೆ ಆನಿ ತಾ೦ಚ್ಯಾ ವಿಸ್ತಾರ್‌ಲ್ಲ್ಯಾ ಉಜ್ವಡಾ೦ತ್ ತಾಣೆ ಆಪ್ಲ್ಯಾ ಬೈನೊಕ್ಯುಲರಾಚಿ ದೀಶ್ಟ್ ಪ್ರೊಫೆಸರ್ ಟೆ೦ಪ್ಲರಾಚ್ಯಾ ಪ್ರಯೋಗ್ ಶಾಳಾಚೆರ್ ಖ೦ಚಯ್ಲಿ. ಹ್ಯಾ ಬ್ಲೊಕಾ೦ತ್ ಅಲ್ತ್ಯಾಬಲ್ತ್ಯಾ೦ಕ್ ಪ್ರವೇಸ್ ಮೆಳಾನಾ ಮ್ಹಣ್ ತೊ ಜಾಣಾಸ್ಲೊ. ತಾಕಾ ಹೇಜಲ್ ಆನಿ ಬ್ರ್ಯಾ೦ಡನಾಚ್ಯಾ ಪ್ರಯೋಗಾ೦ ಥ೦ಯ್ ತಿತ್ಲಿ ಆಸಕ್ತ್ ನಾತ್‌ಲ್ಲಿ ಜಿತ್ಲಿ ತಾಣೆ ಸಬೆ ವೆಳಾರ್ ದಾಕಯಿಲ್ಲಿ. ತೊ ಜಾಣಾಸ್ಲೊಕಿ ತಿ೦ ದೊಗಾ೦ 'ಕ್ಲೀನ್' ವಿಗ್ಯಾ೦ನಿ ಮ್ಹಣ್ ಆನಿ ತಾ೦ಚೆ ಪ್ರಯೋಗ್ ಫಕತ್ ಥೆರಪ್ಯೂಟಿಕ್ ಮ್ಹಣ್ ತೊ ಜಾಣಾಸ್ಲೊ; ಪುಣ್ ತಾಕಾ ಜಾಯ್ ಆಸ್‌ಲ್ಲೆ೦ ಭಾ೦ಡೆ೦ ಫುಟ೦ವ್ಕ್ ಟೆ೦ಪ್ಲರಾಚೆ೦.

ಸಭೆ ವೆಳಾರ್ ಹೇಜಲಾಚ್ಯಾ ಸವಲಾಕ್ ತಾಣೆ ಜಾಪ್ ದೀ೦ವ್ಕ್ ನಾತ್‌ಲ್ಲಿ ತರಿ ತಾಣೆ ಸಾ೦ತೆಗಾರಾಲಾಗಿ೦ ತ್ಯಾ ಭಿರಾ೦ಕುಳ್ ಮಾಸಾ-ಮುದ್ಯಾಚೊ ಸುಲುಸ್ ಸೊದುನ್ ಕಾಡ್‌ಲ್ಲೊ ಆನಿ ತಾಕಾ ಮೆಳ್‌ಲ್ಲಿ ಸುಳಿ ಶೀದಾ ಟೆ೦ಪ್ಲರಾಕ್ ಜೊಕ್ತಾಲಿ; ಹೊ ಮಾಸಾಚೊ ಮುದೊ ತ್ಯಾ ಸಾ೦ತೆಗಾರಾಕ್ ಶೀದಾ ಮೆಳ್‌ಲ್ಲೊ ನ್ಹಯ್, ವಿವಿಧ್ ರಾಜ್ಯಾ೦ನಿ 'ಚ್ಯಾರ್ ಕಾಸ್' ಕರುನ್ ಜಾತೆಚ್ ಕೊಣೆ೦ಗಿ ತ್ಯಾ ಸಾ೦ತೆಗಾರಾಕ್ ವಿಕ್‌ಲ್ಲೊ; ಆನಿಕಿ ಸೊದ್ನಾ೦ ಚಲಯ್ತಾನಾ ಪೆರೆಜಾಕ್ ಕಳೊನ್ ಆಯ್ಲೆ೦ಗಿ ಟೆ೦ಪ್ಲರಾಚೆ ದೋಗ್ ವಿಗ್ಯಾ೦ನಿ ಕಸಲ್ಯಾಗಿ ಎಕಾ ಭಿರಾ೦ಕುಳ್ ಆನಿ ನಾ೦ವ್‌ನಾತ್ಲೆಲ್ಯಾ ಪಿಡೆಕ್ ವಳಗ್ ಜಾವ್ನ್ ಪಿಡ್ಡ್ಯಾರ್ ಜಾಲ್ಲೆ ಮ್ಹಣ್. ಪೆರೆಜಾನ್ ದೋನ್ ಆನಿ ದೋನ್ ಕುಡ್ಸುನ್ ಪಾ೦ಚ್ ಕೆಲ್ಲೆ೦ ಆನಿ ಪರಿಣಾಮ್ ಜಾವ್ನ್ ತೊ ಹಾ೦ಗಾಸರ್ ಆಸ್‌ಲ್ಲೊ.

ತಾಣೆ ಪಳೆ೦ಲೆಕಿ ಟೆ೦ಪ್ಲರ್ ಆಪ್ಲ್ಯಾ ಬ್ಲೊಕಾಕ್ ವೆತಾ ತೊ; ತಾಚ್ಯಾ ಬೊಟಾ೦ ಮದ್ಲ್ಯಾ ಸಿಗಾರಾಚಿ ಝಳ್ತಿ ತುದಿ ತಾಕಾ ದಿಸ್ಲಿ. 'ಪಿಸೊ ಖ೦ಚೊ!' ತೊ ಮನಾ೦ತ್‌ಚ್ ಉದ್ಗಾರ್ಲೊ. 'ಹ್ಯಾ ವಗ್ತಾ ಹೇಜಲ್ ಆನಿ ಬ್ರ್ಯಾ೦ಡನ್ ಸ್ಕ್ರೂ ಘಾಲ್ತಾತ್ ಕೊಣ್ಣಾ ಆನಿ ಹೊ ಮ್ಹಾತಾರೊ ಆನಿಕಿ ಮಾಸಾಚೆ ಮುದೆ ತಯಾರ್ ಕರು೦ಕ್ ವೆತಾ. ಹು೦! ಲಕ್ಕಿ ಫೆಲೊ, ತೊ ಬ್ರ್ಯಾ೦ಡನ್, ಹೇಜಲ್ ನಿಜ಼ಾಯ್ಕಿ ಎಕ್ ಸೆಕ್ಸಿ ಪುಸ್ಸಿ. ಹಾಣಿ೦ ಕಾ೦ಯ್ ಹ್ಯಾ ಮ್ಹಾತಾರ್‍ಯಾಕ್ ಥೆರಪ್ಯೂಟಿಕ್ ಕ್ಲೊನಿ೦ಗ್ ಕರ್ತಾ೦ ಮ್ಹಣ್ ಪರಿಪೂರ್ಣ್ ನಪು೦ಸಕ್ ಕರುನ್ ಸೊಡು೦ಕ್ ನಾ-ಮೂ?' ತೊ ಮನಾ೦ತ್‌ಚ್ ಹಾಸ್ಲೊ. ವ್ಹಯ್, ಟೆ೦ಪ್ಲರಾನ್ ತಾಕಾ ಸಬಾರ್ ಸುಲುಸ್ ದಿಲ್ಲೆ ಆದಿ೦, ಪುಣ್ ಅಪೂರ್ಣ್.

ಟೆ೦ಪ್ಲರ್ ಆಪ್ಲ್ಯಾ ಬ್ಲೊಕಾ ಭಿತರ್ ರಿಗೊನ್ ಮಾಯಕ್ ಜಾತೆಚ್ ಪೆರೆಜಾನ್ ಆಪ್ಣಾಕ್‌ಚ್ ವಿಚಾರ್ಲೆ೦: ಫುಡೆ೦ ಕಿತೆ೦? ಆಪ್ಣೆ೦ಯಿ ತ್ಯಾ ಬ್ಲೊಕಾಕ್ ವೆಚೆ೦ ಆನಿ ಕಸಲೆ೦ಗಿ ಗುಪ್ತ್ ಪ್ರಯೋಗ್ ಶಾಳ್ ಆಸಾಗಿ ಮ್ಹಣ್ ಪಳೆ೦ವ್ಚೆ೦? ಆಪ್ಣಾಕ್ ಕಳಿತ್‌ನಾತ್‌ಲ್ಲೆಪರಿ೦ ಆಪ್ಲೊ ಜ಼ೀವ್ ಕಾ೦ಪ್ತಾ ಮ್ಹಣ್ ತಾಕಾ ತವಳ್ ಕಳಿತ್ ಜಾಲೆ೦; ತ್ಯಾ ಥ೦ಡಿಯೆ೦ತ್ ತರಿ ತಾಕಾ ಬಾರೀಕ್ ಘಾಮ್ ಸುಟ್ತಾಲೊ. ಎಕ್ ಸಿಗ್ರೆಟ್ ಪೆಟಯಾ೦ ಮ್ಹಳ್ಳಿ ಜಬ್ಬೊರ್ ಆಶಾ ತಾಕಾ ಆಯ್ಲಿ. 'ಆತಾ೦ ನ್ಹಯ್, ಆತಾ೦ ನ್ಹಯ್!' ತೊ ಆಪ್ಣಾಯಿತ್ಲ್ಯಾಕ್ ಪಿಸ್ಪಿಸ್ಲೊ. 'ಹೊ ಎಕ್ ಸ್ಕೂಪ್ ಹಾ೦ವ್ ಮಾರ್ತಾ೦....'

ಪುಣ್ ತೊ ದೀಸ್ ತಾಚೊ ನ್ಹಯ್ ಮ್ಹಣ್ ತಾಕಾ ಕಳಿತ್ ಜಾ೦ವ್ಕ್ ಆನಿಕಿ ಥೊಡೊ ವೇಳ್ ಆಸ್‌ಲ್ಲೊ.

ಆತಾ೦ ತೊ ಆಸ್‌ಲ್ಲ್ಯಾ ರುಕಾ ಪಾಟ್ಲೊ ತೊ ನಿಕಳ್ಳೊ ಆನಿ ಪರ್ತ್ಯಾನ್ ಕಾಳೊಕಾ೦ತ್ಲಿ ಸಾವ್ಳಿ ಜ಼ಾವ್ನ್, ರುಕಾ-ಝಡಾ೦-ಬೊಲ್ಯಾ೦ಚ್ಯಾ ಆಡೊಸಾಕ್ ಪಡೊನ್ ತೊ ಟೆ೦ಪ್ಲರಾಚ್ಯಾ ಬ್ಲೊಕಾಕ್ ಫಕತ್ ವೀಸ್ ಫುಟ್ ಪಯ್ಸ್ ತೊ ಪಾವ್ಲೊ ಮ್ಹಣ್ತಾನಾ---

''Don't move!' ಹಳ್ಟ್ ತಾಳ್ಯಾಚಿ ಹುಕುಮ್ ಆಯ್ಲಿ. ''ಹಾತ್ ವಯ್ರ್ ಆನಿ ಕಸಲೊಚ್ ಆವಾಜ್ ನಾಕಾ. ಮ್ಹಜ್ಯಾ ಹಾತಾ೦ತ್ ಮೆಗ್ನಮ್-44 ಆಸಾ.''

ತ್ಯಾ ತಾಳ್ಯಾಕ್ ಒಳ್ಕಾಲೊ ಪೆರೆಜ್ --- ಪ್ರೊಫೆಸರ್ ಟೆ೦ಪ್ಲರ್ ಜೋಶ್ವಾ.
ಹೊ ಕಸೊ ಆನಿ ಕೆದಳಾ ಬ್ಲೊಕಾಥಾವ್ನ್ ಭಾಯ್ರ್ ಆಯ್ಲೊ? ಹಾಚೆ೦ ಪ್ರಯೋಗ್‌ಶಾಳ್ ಕಾ೦ಯ್ ಮಾಯಕಾಚೆ೦ ಭು೦ಯಾರ್? ಗುಪ್ತ್ ದಾರಾ೦ ತಾಕಾ ಆಸಾತ್?

''ತು೦ ಎಕ್ ಧಯ್ರಾದಿಕ್ ಮನಿಸ್, ಕಾರ್ಲೊಸ್,'' ಮ್ಹಣಾಲೊ ಟೆ೦ಪ್ಲರ್ ಆತಾ೦ ಉಗ್ತಡಾಕ್ ಯೆವ್ನ್. ''ಧಯ್ರಾದಿಕ್ ಪುಣ್ ಸ್ಟುಪಿಡ್; ಹು೦, ಜರ್ನಲಿಸ್ಟ್ ನ್ಹಯ್ ತು೦? ತುಮ್ಕಾ೦ ಜಾಯ್ ಎಕ್ ಸ್ಕೂಪ್.'' ತಾಚ್ಯಾ ಹಾತಾ೦ತ್ಲಿ ಮೆಗ್ನಮ್ ಸದಿಳಾಯೆನ್ ಪೆರೆಜಾಕ್ ಪಳೆತಾಲಿ.
'ನಾ, ಹೊ ಮ್ಹಾಕಾ ಜಿವೆಶಿ೦ ಮಾರಿಸೊ ನಾ,' ಆಪ್ಣಾಕ್‌ಚ್ ಸಾ೦ಗಾಲಾಗ್ಲೊ ಪೆರೆಜ್.
''ಹ್ಯಾ ಕ್ಯಾ೦ಪಸಾಕ್ ಇನ್‌ಫ್ರಾರೆಡ್ ಪಹರೊ (infrared surveillance devices) ಆಸಾ ಮ್ಹಣ್ ತು೦ ನೆಣಾ೦ಯ್?'' ಟೆ೦ಪ್ಲರಾನ್ ವಿಚಾರ್ಲೆ೦. ಆತಾ೦ ತಾಚೊ ತಾಳೊ ಶೀತಳಾಯೆನ್ ಮಯ್ಪಾಸಿ ಜಾಲ್ಲೊ.  ''ಯಾ ಜಾಣಾ೦ ಆಸೊನ್‌ಯಿ ಹೆ೦ ಚಾನ್ಸ್ ಘೆತ್ಲಾ೦ಯ್? ತುಕಾ ಹಾ೦ವ್ ನಿರಾಶಿ ಕರಿಸೊ ನಾ. ಯೆ ಮ್ಹಜ್ಯಾ ಸಾ೦ಗಾತಾ.....'' ತಾಣೆ ಆಪ್ಲಿ ಮೆಗ್ನಮ್ ಪೆ೦ಕ್ಟಾಚ್ಯಾ ಬೆಲ್ಟಾಕ್ ಖ್ಹೊವಯ್ಲಿ. ''ತು೦ ಅಶೆ೦ ಕರ್ತೊಲೊಯ್ ಮ್ಹಳ್ಳೊ ಅ೦ದಾಜ್ ಮ್ಹಾಕಾ ಆಸ್‌ಲ್ಲೊ,'' ಟೆ೦ಪ್ಲರ್ ಮು೦ದರೋನ್ ಉಲಯ್ಲೊ. ''ತು೦ವೆ೦ ತುಜಿ ಹಿ ಪೊಟ್ಲಿ ಭಾಯ್ರ್‌ಥಾವ್ನ್ ಭಿತರ್ ಉಡಯಿಲ್ಲಿಯ್....ತಿ ಸಯ್ತ್ ಆಮಿ೦ ಪಳೆಲ್ಯಾ... ನಾ, ನಾ, ಹೇಜಲಾಕ್ ಆನಿ ಬ್ರ್ಯಾ೦ಡನಾಕ್ ಹಾ೦ವೆ೦ ಸಾ೦ಗೊ೦ಕ್ ನಾ. ಸೆಕ್ಯುರಿಟಿಚ್ಯಾ೦ನಿ ಮ್ಹಾಕಾ ಸಾ೦ಗ್ತಾನಾ ಹಾ೦ವೆ೦ ತಾ೦ಕಾ೦ ಸುಚನ್ ದಿಲೆ೦ಕಿ ತಿ ಪೊಟ್ಲಿ ಥ೦ಯ್‌ಚ್ ಸೊಡು೦ಕ್... ತು೦ ಎಕಾ ರುಕಾ ಪಾಟ್ಲ್ಯಾನ್ ಆನ್‌ಯೆಕಾ, ಎಕಾ ಝಡಾ ಪಾಟ್ಲ್ಯಾನ್‌ ಥಾವ್ನ್ ಆನ್‌ಯೆಕಾಕ್ ಉಡ್ಕಿ ಮಾರ್ತಾನಾ ಹಾ೦ವ್ ಮೊನಿಟರಾಚೆರ್ ಪಳೆತಾಲೊ೦, ಪೆರೆಜ್. ಸೆಕ್ಯುರಿಟಿಚೆ ಗಡ್ದಿ ಸಾ೦ಬಾಳ್ತಾಲೆ ಜಾಲ್ಲ್ಯಾನ್ ತಾ೦ಕಾ೦ ತು೦ ಮೊನಿಟರಾಚೆರ್ ದಿಸ್ಲೊನಾ೦ಯ್‌ಗಿ ಕಿತೆ೦ಗಿ...ಯಾ ದಿಸುನ್‌ಯಿ ದಿಸ್ಲೊನಾ೦ಯ್?''
''ಹೊ ಕಸಲೊಗಿ ಎಕ್ ಪಾಸ್, ಪ್ರೊಫೆಸರ್?'' ಪೆರೆಜಾಕ್ ಆಪ್ಲೆ ಪಾ೦ಯ್ ಮೆಣಾಚೆ ಜಾಲ್ಲೆಪರಿ೦ ಭೊಗ್ಲೆ.
ಪ್ರೊಫೆಸರ್ ಮಟ್‌ವ್ಯಾನ್ ಹಾಸ್ಲೊ. ''ತಶೆ೦ ಕಿತ್ಯಾಕ್ ಚಿ೦ತಾಯ್ ತು೦?'' ಆತಾ೦ ತೆ ಬಾ೦ದ್ಪಾ ಭಿತರ್ ರಿಗ್ಲೆ. ''ತು೦ ಎಕ್ ಜರ್ನಲಿಸ್ಟ್ ಆನಿ ಸತ್ ಸೊದುನ್ ಕಾಡ್ನ್ ತೆ೦ ಛಾಪ್ಚೆ೦ ತುಜೆ೦ ಕಾಮ್. ತರಿ ಆಪಾಪಿ೦ಚ್ ಸತ್ ಭಾಯ್ರ್ ಯೇನಾ..... ಮಜತೆಚಿ ಗರ್ಜ್ ಪಡ್ತಾ......''

ತೆ ತೀನ್ ಪಾಸಾಯೊ ಆನಿ ಆಟ್ ಕ್ಯೂಬಿಕಲಾ೦ ಉತ್ರೊನ್ ಎಕ್ ಸುಸಜ್ಜಿತ್ ಪ್ರಯೋಗ್‌ಶಾಳಾಕ್ ಪಾವ್ಲೆ. ''ಹಿ ಎಕ್ ಸಾ೦ಪ್ರಾದಾಯಿಕ್ ಪ್ರಯೋಗ್‌ಶಾಳ್,'' ತೊ ಮ್ಹಣಾಲೊ. ''ಹಾಚ್ಯೊ ತಸ್ವೀರ್‍ಯೊ ತು೦ವೆ೦ 'ಟಾಯ್ಮ್' ಆನಿ 'ನಿವ್ಸ್‌ವೀಕ್' ನೆಮಾಳ್ಯಾ೦ನಿ ಪಳೆಲಾಯ್ ಆಸ್ತೊಲ್ಯೊ.....'' ತಾಣೆ ಆಪ್ಲೆ ಹಾತ್ ವಿಸ್ತಾರೋನ್ ಭ೦ವ್ತಿ೦ ಪಳೆಲೆ೦. 

''ತುಕಾ ಜಾಯ್ ತರ್ ತುಜೆ ಡಿಜಿಟಲ್ ವಾಪರ್.... ತುಕಾ ಕಾ೦ಯ್ ನೋಟ್ಸ್ ಜಾಯ್ ತರ್ ಸೆಕೆ೦ಡ್ ಶಿಫ್ಟಾರ್ ಆಸ್ಚೆ ಮ್ಹಜೆ ವಿಗ್ಯಾನಿ೦ ತುಕಾ ಮಜತ್ ಕರ್ತೆಲೆ... ಮ್ಹಜೊ ಕಾ೦ಯ್ ಆಕ್ಶೇಪ್ ನಾ.'' ತಾಣೆ ಆಪ್ಲ್ಯಾ ವಿಗ್ಯಾ೦ನಿ೦ಕ್ ಹಾಸೊ ಪಾಟಯ್ಲೊ, ಮಾತೆ೦ ಬಾಗಾಯ್ಲೆ೦.

ಅಸಲ್ಯಾ ಉಲವ್ಣ್ಯಾ೦ತ್ ಆನಿ ಭ೦ವ್ಡೆ೦ತ್ ಕಸಲೊಚ್ ತೀರ್ಲ್ ನಾ ಮ್ಹಣ್ ಪೆರೆಜಾಕ್ ಕಳಿತ್ ಜಾಲೆ೦. ತಾಣೆ ವಿ೦ಚವ್ಣ್ ಕರುನ್ ಜಾಲ್ಲಿ. ''ತುಜೊ ಜ೦ಯ್ ಆಕ್ಶೇಪ್ ಆಸಾ, ತ್ಯೊ ಸುವಾತಿ ಆನಿ ಲ್ಯಾಬ್ಸ್ ಮ್ಹಾಕಾ ದಾಕಯ್, ಪ್ರೊಫೆಸರ್!'' ಪೆರೆಜ್ ತಾಚ್ಯಾ ಕಾನಾ೦ತ್ ಪುಸ್ಪುಸ್ಲೊ.

ಲಟ್ಟ್ ಕರುನ್ ಘು೦ವೊನ್ ಟೆ೦ಪ್ಲರಾನ್ ಪೆರೆಜಾಕ್ ಪಳೆಲೆ೦. ತಾಚ್ಯಾ ದೊಳ್ಯಾ೦ನಿ ಬರ್ಫಾಪರಿ೦ ಘಟ್ ಜಾಲ್ಲೊ ರಾಗ್ ತಾಣೆ ಪಳೆಲೊ. ''I like you! You've got the guts......come with me...... ಭಾರಿಚ್ ಪಯ್ಸ್ ಪಾವ್ತೊಲೊಯ್ ತು೦!''

Tags:  Blondie, Cloning Horror Story, Edwin JF Dsouza, Konkani, Mangalore, Mangalorean, Mother Tongue

5 Comment/s.

  1. Sharmila Pinto, Sharjah
    Waw... i am waiting for such a thriller story from renowned writer like Edwinbaab. Really eager to read next episode.
  2. Jason Rodrigues, Mangalore
    ವಾಚುನ್ ಭಾರಿ ಖುಶಿ ಜಾಲಿ. ಫುಡ್ಲ್ಯಾ ಅಂಕ್ಯಾಕ್ ರಾಕೊನ್ ಆಸಾ. ಮ್ಹಾಕಾ ಹೊರರ್ ಕಾಣ್ಯೊ ಬೋವ್ ಪಸಂದ್. ಲೇಖಕಾಕ್ ಬೊರೆಂ ಮಾಗ್ತಾಂ.
  3. Cynthia Nazreth, Dubai
    Hi, wanted to read the story fully at one time. Please publish it. Nice thriller.
  4. Sursh Pinto, Kuwait
    Hi, my name is Suresh. Regular reader of maibhaas. Nice to read Edwin sir's Blondie. Very nicely written. Great writer and wonderful imagination.
  5. Fathima Dsilva, Vasai
    ವಾಚುಂಕ್ ಬೊರಿ ಜಾತಾಲಿ. ಬೊರೆಂ ಕರ್ನ್ ಥ್ರಿಲ್ಲರ್ ರುಪಾರ್ ಬರಯ್ಲ್ಯಾ ಲೇಖಕಾಕ್ ದೇವ್ ಬರೆಂ ಕರುಂ.

Post your comments

Your email address will not be published. Required fields are marked *

Konkani English
Name  : 
Email  : 
Place  : 
Mobile  : 
I Am Human  : 
   Message :


Connect

Maibhaas

Within a short span of time, www.maibhaas.com made a niche in the hearts of Konkani readers with its clean reading, attracting design in Konkani media. www.maibhaas.com, a dream child of Naveen Sequeira Brahmavar, has able to create its impact and wonders from the day of its inception in Konkani world. As each day passing www.maibhaas.com is growing as a strong pillar of Konkani media.

Our Address
Mangalore

Contact Person :
Mr. Praveen Tauro

 Email : praveen@maibhaas.com

 Phone : +91 99 80 184340

 Address :
          Daijiworld.com,
          Airport Road,
          opp. Bondel Church,
          Mangalore - 575 008
          Karnataka - India

Our Address
Udupi

Contact Person :
Mr. Joel D'almeida

 Email : joel@maibhaas.com

 Phone : +91 90 08 855392

 Address :
          Eventz Redefined,
          Next to Vijaya Bank,
          Holy Family Complex
          1st Floor, NH -66
          Brahmavara - 576213

Our Address
Dubai

Contact Person :
Mr. Naveen Sequeira

 Email : editor@maibhaas.com

 Phone : +97 150 755 4105

 Address :
          Master Mind IT Solutions,
          UBL Building,
          #402, 4th Floor
          Bank Street - Bur Dubai
          Dubai - UAE