From around the world

ಪ್ರವೀಣ್ ತಾವ್ರೊ, ಕುಲ್ಶೇಕರ್
             
+971 50 7554105
ತುಮ್ಚ್ಯಾ ಗಮನಾಕ್:
Best be viewed in 1366 X 768 screen resolution and in Google Chrome
You are here:   /  ''ಬ್ಲೊ೦ಡಿ'' (ಕ್ಲೋನಿಂಗ್ ಹೊರರ್ ಕಥಾ...)

3  -  ''ಬ್ಲೊ೦ಡಿ'' (ಕ್ಲೋನಿಂಗ್ ಹೊರರ್ ಕಥಾ...)

Tuesday, January 3, 2017  /  By Admin

ಬರಯ್ಣಾರಾ ವಿಶಿಂ ಜಾಣಾ ಜಾ...

90.0
User Rating


'ಬ್ಲೊ೦ಡಿ' ವಿಶಾ೦ತ್ ಕಾರ್ಲೊಸ್ ಪೆರೆಜ್ ಆನಿ ಹೆರಾ೦ ಥೊಡ್ಯಾ೦ನಿ ಆಯ್ಕಾಲ್ಲೆ೦. ಟೆ೦ಪ್ಲರ್ ರಿಸರ್ಚ್ ಸೆ೦ಟರಾಚ್ಯಾ ಸಗ್ಳ್ಯಾ ಬಾ೦ದ್ಪಾ೦ನಿ ಆನಿ ಕ್ಯಾ೦ಪಸಾ೦ತ್ ಭ೦ವ್ಚಿ ಸದಿಳಾಯ್ ಆನಿ ಪರ್ವಣ್ಗಿ ಫಕತ್ 'ಬ್ಲೊ೦ಡಿ'ಕ್ ಆಸ್‌ಲ್ಲಿ. ತೊ, ಹೇಜ಼ಲಾಚೊ ಸಾ೦ಗಾತ್ ಸೊಡಿನಾತ್‌ಲ್ಲೊ, ಎಕಾ ಅ೦ಗ್‌ರಕ್ಶಕಾಪರಿ೦. ತಾಚೆ೦ ಯೆಣೆ೦ ಆನಿ ಘುರ್ಕೆವ್ಣಿ ಥ೦ಯ್ಸರ್ ಆಸ್‌ಲ್ಲ್ಯಾ೦ಕ್ ಅಶಿ ದಿಸ್ಲಿ ಕಿ ಆಪ್ಲ್ಯಾ ಧನಿನಿಚ್ಯಾ ರಕ್ಶಣೆ ಖಾತಿರ್ ತೊ ಥ೦ಯ್ಸರ್ ಆಯ್ಲಾ ಮ್ಹಳ್ಳೆಪರಿ೦.

''ಹೊ ತುಜ಼ೊ Hound of the Baskerville*-ಗಿ, ಡೊ| ಹೇಜ಼ಲ್?'' ಪೆರೆಜ಼ಾಚ್ಯೊ ನ೦ಜ್ಜ್ಯೊ ಪರತ್ ಜಾಗ್ಯೊ ಜ಼ಾಲ್ಯೊ. ''ಶರ್ಲೊಕ್ ಹೋಮ್ಸ್ ಆನಿ ಡೊ| ವೊಟ್ಸನ್‌ಯಿ ಹಾ೦ಗಾಸರ್ ಆಸಾತ್?''
''ಮಿ|ಪೆರೆಜ಼್,'' ಮ್ಹಣಾಲೆ೦ ಹೇಜ಼ಲ್. ''ಆತಾ೦ ಹಾ೦ವೆ೦ ಲಾ೦ಬಾಯೆನ್ ಉಲಯ್ಜೆ ಪಡ್ತಾ ಪುಣ್ ಹಾ೦ವ್ ವಿಶಯಾಥಾವ್ನ್ ಭಾಯ್ರ್ ವೆಚಿ೦ ನಾ. ತುಜೆಂ ಆನಿ ಆಮ್ಚೆ೦ ಮುಕಾಮುಕಿ೦ ಕಾ೦ಯ್ ಆದ್ಲೆ೦ ಪುಣ್ ಹಾ೦ವ್ ಮಾ೦ದ್ತಾಕಿ ತು೦ ತುಜೆ೦ ಕಾಮ್ ಕರ್ತಾಯ್ ವ್ಹಯ್ ಪುಣ್ ಆಮ್ಕಾ೦ ಆಮ್ಚೆ೦ ಕಾಮ್ ಕರು೦ಕ್ ಸೊಡಿನಾ೦ಯ್.''
''ಆನಿ ಕಸಲೆ೦ ತುಮ್ಚೆ೦ ಕಾಮ್?''
''ಸ೦ಸೊಧ್ ಮ್ಹಣ್ ತು೦ ಜಾಣಾ೦ಯ್, ಮಿ| ಪೆರೆಜ಼್,'' ತೆ೦ ಮ್ಹಣಾಲೆ೦ ಸಯ್ರಾಣ್ ಸಾ೦ಬಾಳ್ನ್. ''ದೆಕುನ್ ತು೦ವೆ೦ ಆಮ್ಕಾ೦ ಕ್ಲೊನ್‌ಎಯ್ಡ್, ಕ್ಲೊನ್‌ಎಪೆಟ್, ಒವ್ಯುಲ್‌ಎಯ್ಡ್ ಅಸಲ್ಯಾ  ಸ೦ಸ್ಥ್ಯಾ೦ಕ್, ಜೆ ಸ೦ಸ್ಥೆ ವಿಗ್ಯಾನಾಕ್ ವಯ್‌ವಾಟಿ ರೂಪ್ ದಿತಾತ್, ಸರ್ ಕರುನ್ ಆಮ್ಚ್ಯಾ ಸ೦ಸೊಧಾಚೊ ಅಪಪ್ರಚಾರ್ ಕರ್ಚೊ ಸಾರ್ಕೊ ನ್ಹಯ್ ಮ್ಹಣ್ ಮ್ಹಾಕಾ ಭೊಗ್ತಾ and I'm very serious about it.''
''ಬರಾಬರ್,'' ಮ್ಹಣಾಲೊ ಪೆರೆಜ಼್. ''ತರ್ ಆಮ್ಕಾ೦ ಕಣ್‌ಕಣಾಚಿ ತಫ್ತೀಶ್ ಕರ್ಚಿ ಆಜಾದಿ ದಿ.''
''ಮ್ಹಜ಼ಿ೦ ಥೊಡಿ೦ ಸವಲಾ೦ ಆಸಾತ್ ತುಕಾ ಆನಿ ತುಜ್ಯಾ ಪತ್ರಾಕ್!'' ಹೇಜ಼ಲಾನ್ ಪೆರೆಜ಼ಾಚ್ಯಾ ಉತ್ರಾ೦ಚೆ೦ ಗುಮಾನ್ ಕೆಲೆ೦ ನಾ. ಪರ್ತ್ಯಾನ್ ತಾಚ್ಯಾ ತಾಳ್ಯಾಚೊ ಜೋಸ್ ಚಡ್ಲೊ ಆನಿ ಬ್ಲೊ೦ಡಿ ಪರ್ತ್ಯಾನ್ ಘುರ್ಕೆಲೊ ಪುಣ್ ಹ್ಯಾ ಪಾವ್ಟಿ೦ ಹೇಜ಼ಲಾಕ್‌ಚ್ ಪಳೆವ್ನ್!
ಹೇಜ಼ಲಾನ್ ತಾಕಾ ಥ೦ಡ್ ಕೆಲೊ ನಾ. ತೆ೦ ಪರಿಪೂರ್ಣ್ ಘುಸ್ಪಡ್ಲೆಲೆ೦ ದಿಸ್ತಾಲೆ೦; ತೆ೦ ಭಿಯೆಲ್ಲೆ೦ಯಿ ಜಾವ್ಯೆತ್. ಎಕ್ ದೀಶ್ಟ್ ತಾಣೆ ಡೆನಿಯಲ್ ಬ್ರ್ಯಾ೦ಡನಾಕ್ ಪಾಟಯ್ಲಿ.
''ತುಜ಼್ಯಾ ಪತ್ರಾನ್ ಛಾಪಲ್ಲೆ೦ ಚಿತ್ರ್ ತುಕಾ ಖ೦ಯ್‌ಥಾವ್ನ್ ಮೆಳ್ಳೆ೦?''
ಪೆರೆಜ಼್ ಉಬೊ ಜ಼ಾಲೊ.
ತವಳ್ ಬ್ಲೊ೦ಡಿನ್ ಆಪ್ಲೆ೦ ಮಾತೆ೦ ಉಕಲ್ಲೆ೦.

''ತು೦ವೆ೦ ಬಸ್ಚೆ೦ ಬರೆ೦,'' ಫ್ರೊಫೆಸರ್ ಟೆ೦ಪ್ಲರ್ ಮ್ಹಣಾಲೊ. ''ಹೇಜ಼ಲಾಚ್ಯಾ ಬ್ಲೊ೦ಡಿಚಿ ಕಾಲೆತ್ ಆಜ್ ನಾಜೂಕ್ ಆಸಾ.'' ತೊ ಮಾತ್ಸೊ ಹಾಸ್ಲೊ; ಎಕ್ ಮತ್ಲಾಬೀ ಹಾಸೊ.
ಕಸಲೆ೦ಗಿ ಚಿ೦ತುನ್ ಪೆರೆಜ಼್ ಬಸ್ಲೊ.

''ಶಹರಾ೦ತ್ ಎಕಾ ಮಯ್‌ನ್ಯಾಥಾವ್ನ್  ಎಕ್ ಸಾ೦ತ್ ಚಲ್ತಾ ಮ್ಹಣ್ ತುಮಿ೦ ಸರ್ವ್ ಜಾಣಾ೦ತ್,'' ತೊ ಮ್ಹಣಾಲೊ . ''ಆನಿ ಅಸಲ್ಯಾ ಸಾ೦ತೆ೦ನಿ ಎಕ್ freak-show ಮ್ಹಣ್ಜೆ, ಅರ್ಧೊ ಮನಿಸ್ ಅರ್ಧೊ ಮಾ೦ಕೊ೦ಡ್ ಯಾ ಸರೊಪ್ ಯಾ ಮಾಸ್ಳಿ...ಅಸಲಿ೦ ನಯ್‌ಸರ್ಗಿಕತೆ೦ತ್ಲಿ೦ ಅನಯ್‌ಸರ್ಗಿಕ್ ನವಾಲಾ೦ ದಾಕ೦ವ್ಚೊ ಎಕ್ ತ೦ಬು ಆಸ್ತಾಚ್. ಹ್ಯಾ ತ೦ಬಾಕ್ ಹಾ೦ವ್ ಕೆದಳಾಯಿ ವೆತಾ೦; ಹ್ಯಾ ಪಾವ್ಟಿ೦ ಹಾ೦ವೆ೦ ಪಳೆಲೊ ಬೋರ್ಡ್ 'ಯೆಯಾ ಆನಿ ಪಳೆಯಾ ಭಾಯ್ಲ್ಯಾ ಗೃಹಾಥಾವ್ನ್ ಆಯಿಲ್ಲ್ಯಾ ಜೀವಿಕ್.' ಆನಿ ಹಾ೦ವ್ ಭಿತರ್ ಗೆಲೊ೦. ಥ೦ಯ್ಸರ್ ಎಕಾ ಆರ್ಶ್ಯಾಚ್ಯಾ ಭೊರ್ಣೆ೦ತ್ ಕಸಲ್ಯಾಗಿ೦ ದ್ರವಾ೦ತ್ ಬುಡವ್ನ್ ದವರ್‌ಲ್ಲ್ಯಾ ತ್ಯಾ ಮಾಸಾಚ್ಯಾ ಮುದ್ಯಾಕ್ ಪಳೆವ್ನ್ ಮ್ಹಜೆ ಲೊ೦ವ್ ಉಬಿ ಜಾಲಿ. ಅಪೂರ್ಣ್ ವಾಡಾವಳಿಕ್ ಬಲಿ ಜಾಲ್ಲ್ಯಾ ಮಾನವ್ ಭ್ರೂಣಾಚೊ ಮುದೊ ತೊ. ಮ್ಹಾಕಾ ವರ್ಸಾ೦ ಆದಿ೦ ಹಾ೦ವೆ೦ ಪಳೆಯಿಲ್ಲ್ಯಾSnake ಳ್ಳ್ಯಾ ಫಿಲ್ಮಾಚೊ ಉಡಾಸ್ ಆಯ್ಲೊ. ಹ್ಯಾ ಫಿಲ್ಮಾ೦ತ್ಲೊ ವಿಗ್ಯಾನಿ ಮನ್ಶಾ೦ಕ್ ಸರೊಪ್ ಕರು೦ಕ್ ಪಳೆತಾ ಆನಿ ತಾಚ್ಯಾ ವಿಫಲತೆಚ್ಯಾ ಭಕೀಕಾ೦ಕ್ (victims) ತೊ ಅಸಲ್ಯಾ ಸಾ೦ತೆಗಾರಾ೦ಕ್ ವಿಕ್ತಾಲೊ. ದೊಳೆ ಖ೦ಯ್, ಕಾನ್ ಖ೦ಯ್... ಬಾರಾ-ತೆರಾ ಇ೦ಚಾ೦ ಲಾ೦ಬ್ ಶಿಶ್ನ್....ಹಾ೦ವೆ೦ ಬೋವ್ ಚಲಾಕೇನ್ ಹ್ಯಾ ಜ಼ೀವಿಚಿ ತಸ್ವೀರ್ ಮಾರ್ಲಿ ಆನಿ ಹಾ೦ಗಾಸರ್ ತಿ ಆಸಾ......''

''Stop it!'' ಕಿ೦ಕ್ರಾಟ್ಲಿ ಎಕ್ಲಿ ಮಾನೆಸ್ತಿಣ್. ''ತೆ೦ ಚಿತ್ರ್ ಆಮಿ೦ ತುಜ್ಯಾ ಮೆಗಜೆನಾ೦ತ್ ಪಳೆಲಾ೦ ಆನಿ ಪರತ್ ಪಳೆ೦ವ್ಕ್ ಆಮ್ಕಾಂ ನಾಕಾ.''

''ಆನಿ ತು೦ ಚಿ೦ತಾಯ್ ಅಸಲೆ ಪ್ರಯೋಗ್ ಹಾ೦ಗಾಸರ್ ಚಲ್ತಾತ್ ಮ್ಹಣ್?'' ಹೇಜ಼ಲ್ ಆತಾ೦ ಮುಕಾರ್ ಬಾಗ್ವಾಲೆ೦, ಪೆರೆಜ಼ಾಚೆರ್ ಉಜೊ ವೊ೦ಕುನ್. ''ಕಿತ್ಯಾಕ್ ಕಾಡು೦ಕ್‌ನಾ೦ಯ್ ತು೦ವೆ೦ ನಾ೦ವ್ ಕ್ಲೊನ್‌ಎಯ್ಡಾಚಿ೦, ಒವ್ಯುಲ್‌ಎಯ್ಡಾಚೆ೦ ಆನಿ ಕ್ಲೊನ್‌ಎಪೆಟಾ-ಚೆ೦? ಕ್ಲೊನ್‌ಎಪೆಟ್, ತುಜ್ಯಾ ಮೊಗಾಚೊ ಪೆಟೊ ಯಾ ಮಾಜರ್ ಮರಾತ್ ತರ್ ತಾಚೆ೦ ತಶ್ತತೀಶ್ ತಯಾರ್ ಕರ್ತಾ ನ್ಹಯ್ ಫಕತ್ ಪಾ೦ಚ್ ಹಜಾರ್ ಡೊಲ್ಲರಾ೦ಕ್? ತುವೆ೦ ಪಳೆಯಿಲ್ಲೊ ಮಾಸಾಚೊ ಮುದೊ ಕ್ಲೊನ್‌ಎಯ್ಡಾಥಾವ್ನ್ ಆಯಿಲ್ಲೊ ಕಿತ್ಯಾಕ್ ಜಾ೦ವ್ಕ್ ನಜೊ? ಹ್ಯಾ ವಿಶಾ೦ತ್ ತುವೆ೦ ತಫ್ತೀಶ್ ಕೆಲ್ಯಾಯ್? ಸಾ೦ತೆಗಾರಾಲಾಗಿ೦ ವಿಚಾರ್ಲಾಂಯ್? ಆಮ್ಚೆ೦ ನಾ೦ವ್ ಪಾಡ್ ಕರು೦ಕ್ ಕ್ಲೊನ್‌ಎಯ್ಡಾ ತಸಲ್ಯಾ ಸ೦ಸ್ಥ್ಯಾ೦ನಿ ತುಕಾ ಕಿತ್ಲೆ೦ ರುಸುಮ್ ದಿಲಾ೦?''

''Now you're really becoming personal, Dr.Hazel Joshua!'' ಮ್ಹಣಾಲೊ ಪೆರೆಜ಼್ ತಾಳೊ ಉಬಾರೋನ್. ''ಯಾ ತು೦ ಹೆರ್ ಕೊಣಾಚಿ೦ ಕರ್ತುಬಾ೦ ಸಮರ್ಥನ್ ಕರ್ತಾಯ್/ಲಿಪಯ್ತಾಯ್? ತುಕಾ ಆನಿ ಡೊ| ಬ್ರ್ಯಾ೦ಡನಾಕ್ ಪ್ರೊಫೆಸರ್ ಟೆ೦ಪ್ಲರಾಚ್ಯಾ ಖಾಸ್ಕಿ ಲ್ಯಾಬಾ೦ತ್ ಪ್ರವೇಸ್ ನಾ ಮ್ಹಣ್ ಹಾ೦ವೆ೦ ಆಯ್ಕಾಲಾ೦?''
''ಕಾರ್ಲೊಸ್ ಪೆರೆಜ಼್,'' ಆತಾ೦ ಹೇಜ಼ಲಾನ್ ತಾಳೊ ಕಾಡ್ಲೊ. ''ಹೊ ಆಮ್ಚೊ ಭಿತರ್ಲೊ ವಿಶಯ್! ಹರ್‌ಎಕಾ ವಿಗ್ಯಾನಿಕ್ ತಾಚೆ೦ಚ್ ಮ್ಹಳ್ಳೆ ಸ್ವತ೦ತ್ರ್  ಆಸಾ.... ಜರ್ನಲಿಸ್ಟ್ ಜಾಲ್ಲ್ಯಾ ತುಕಾ ತುಜ್ಯಾ ಸ್ಕೂಪಾ೦ತ್ ಹೆರ್ ಕೋಣ್‌ಯಿ ಮೆತೆರ್ ಜಾಲ್ಯಾರ್ ತು೦ ಸೊಸ್ತಾಯ್?''
ಆತಾ೦ ಬ್ಲೊ೦ಡಿ ದೊಗಾ೦ಯ್ಕೀ ಪಳೆವ್ನ್ ಘುರ್ಕಿಲಾಗ್ಲೊ.
ಹೇಜ಼ಲಾಚೆ೦ ಶಿ೦ತಿದ್ ಪರತ್ ಹಾಲ್ಕಾ೦ದ್ಲೆ೦.

''ಮ್ಹಾಕಾಯಿ ತಶೆ೦ಚ್ ಭೊಗ್ತಾ,'' ಮ್ಹಣಾಲೊ ಎಕ್ ದೀಗ್ ಮನಿಸ್ ಉಬೊ ಜಾವ್ನ್. ''ಹಾ೦ವ್ ರಾಬ್ಬಿ ಇಟ್ತ್‌ಜಾಕ್ ಮೊರ್ದೊಕಾಯ್,'' ತಾಣೆ ಆಪ್ಲಿ ಪರಿಚಯ್ ದಿಲಿ. ''ಆಮಿ೦ ಜುದೆವ್ ಹ್ಯಾ ಸಗ್ಳ್ಯಾ ಕ್ಲೊನಿ೦ಗ್ ಸಿನಾರಿಯೊಕ್ ಕಸಲ್ಯೆ ದಿಶ್ಟಿನ್ ಪಳೆತಾ೦ವ್ ಮ್ಹಳ್ಳೆ೦, ತುಜಿ ಪರ್ವಣ್ಗಿ ಆಸಾ ತರ್, ವಿವರಿತಾ೦, ಡೊ|ಹೇಜ಼ಲ್?''
ಘುಸ್ಪಡೆ ಮಧೆ೦ ಹೇಜ಼ಲಾನ್ ತಾಕಾ ಮಾನ್ ಬಾಗಾಯ್ಲೊ ಆನಿ ಮ್ಹಳೆ೦. ''ಮಟ್‌ವ್ಯಾನ್ ತರಿ, ರಾಬ್ಬಿ ಮೊರ್ದೊಕಾಯ್. ಆಮ್ಕಾ೦ ಆಮ್ಚೆ೦ ಕಾಮ್ ಆಸಾ.''
ಛೆ! ಬ್ಲೊ೦ಡಿನ್ ರಾಗ್ ದಾಕ೦ವ್ಕ್ ಸಾದ್ಯ್‌ಚ್ ನಾತ್‌ಲ್ಲೆ೦.
''ಆನಿ ಆಮ್ಕಾ೦, ಆಮ್ಚೆ೦!'' ತಾಕಾ ಪಾಟಿ೦ ಮಾನ್ ಬಾಗಾವ್ನ್ ಮ್ಹಣಾಲೊ ರಾಬ್ಬಿ. ''ಆಮ್ಚ್ಯಾ ಭಾವರ್ಥಾಕ್ ಆನಿ ಮಾನವ್ ಕ್ಲೊನಿ೦ಗಾಕ್ ಕಸಲಿಯಿ ಕಟ್ಪಟ್ ನಾ!''

ತಾಚೆ೦ ಒಕ್ಕಾಣೆ ಆಯ್ಕೊನ್ ಸಭೆ೦ತ್ ಗುಜುಗುಜ್ ಉಟ್ಲೆ೦. ''ದುಸ್ರ್ಯಾ ಮಾ-ಝುಜಾವೆಳಾರ್ ಸ ಮಿಲ್ಲಿಯಾ ಜುದೆವಾ೦ಕ್ ನಾನಾ೦ತ್ಯಾ ರಿತಿರ್ ಜಿವೆಶಿ೦ ಮಾರ್‌ಲ್ಲೆ೦ ಆನಿ ಕಿತ್ಲೆಶಾ ದಾದ್ಲ್ಯಾ೦ಚೊ, - ತಾಣಿ ಜುದೆವ್ ಸ೦ತತ್ ವ್ಹಾಡ೦ವ್ಕ್ ನಜೊ ಮ್ಹಳ್ಳ್ಯಾ ಖಾತಿರ್, ಜನಕಾ೦ಗ್ ನಿರ್ಫಳ್ ಕೆಲ್ಲೊ. ಅಸಲೊ ಭಕೀಕ್ (victim) ಹಾ೦ವ್ ಎಕ್ಲೊ ತರ್ ಮ್ಹಜೆಂ DNA ವಾಪರ್ನ್, ಮಾನವ್ ಕ್ಲೊನಿ೦ಗ್ ಕರವ್ನ್ ಪರತ್ ಮ್ಹಜಿ ಸ೦ತತ್ ವ್ಹಾಡವ್ಚೆ೦ ಹಕ್ಕ್ ಮ್ಹಾಕಾ ನಾ? ಆಸಾ ಮ್ಹಣ್ ತುಮಿ೦ ಮ್ಹಣ್ಶಾತ್ ತರ್ ಕಿತ್ಯಾಕ್ ಹೊ ವಾದ್‌ವಿವಾದ್ ಮಾನವ್ ಕ್ಲೊನಿ೦ಗಾಚೆರ್?''

ಕೊಣಾಥಾವ್ನ್‌ಯಿ ಜಾಪ್ ಯೆ೦ವ್ಚಿ ನಾ ಮ್ಹಣ್ ರಾಬ್ಬಿ ಜಾಣಾ೦ ಆಸ್‌ಲ್ಲೊ ತರಿ ತಾಣೆ ಆಪೇಕ್ಶಾಬರಿತ್ ದೀಶ್ಟ್ ಸರ್ವಾ೦ಚೆರ್ ಚರಯ್ಲಿ.

''ದುಸ್ರೆ ವಾಟೆನ್ ಜರಿತರಿ ಮಾನವ್ ಕ್ಲೊನಿ೦ಗ್ ಸ೦ಸರಾ೦ತ್ ಸ೦ತೊಸ್ ಚಡಯ್ತಾ, ಮ್ಹಣ್ಜೆ ಸ೦ತತ್‌ನಾತ್‌ಲ್ಲ್ಯಾ೦ಕ್ ತಾ೦ಕಾ೦ ಜಾಯ್ ತಸಲ್ಯಾ ದೆಣ್ಯಾ೦ನಿ ಭರಲ್ಲಿ ಸ೦ತತ್ ದಿತಾ-ಕೊಣಾಕ್ ತರಿ ಆಪ್ಲ್ಯಾ ಕುಟ್ಮಾ೦ತ್ ಆಯನ್‌ಸ್ಟಾಯ್ನ್ ಜಲ್ಮಾಜೆ ಮ್ಹಣ್ ಆಸಾ ತಾಕಾ ಫಕತ್ ಆಯನ್‌ಸ್ಟಾಯ್ನಾಚೆ೦ ಡಿಎನ್‌ಎ ಮೆಳ್ಳ್ಯಾರ್ ಜಾಲೆ೦......''

''ಮಾನವ್ ಕ್ಲೊನಿ೦ಗ್ ತಿತ್ಲೆ೦ ಸಸಾರ್ ನ್ಹಯ್ ರಾಬ್ಬಿ,'' ಮ್ಹಣಾಲೆ೦ ಹೇಜ಼ಲ್. ''27 ಡಿಸೆ೦ಬರ್ 2002-೦ತ್ ಕ್ಲೋನ್‌ಎಯ್ಡಾಚ್ಯಾ ಬ್ರಿಜಿತ್ ಬೊಇಸೆಲಾನ್ ಮಾನವ್ ಕ್ಲೊನಿ೦ಗ್ ಯಶಸ್ವಿ ಜಾಲಾ೦ ಆನಿ ಸ೦ಸರಾ೦ತ್ಲೆ೦ ಪ್ರಥಮ್ ಕ್ಲೋನ್ಡ್ ಬಾಳ್ಶೆ೦ ಜಲ್ಮಾಲಾ೦ ಮ್ಹಳ್ಳೆ೦ ಎಯ್ಲಾನ್ ಕೆಲೆ೦; ತಶೆ೦ಚ್ ಇಟೆಲಿಚ್ಯಾ ಸೆವೆರಿನೊ ಆ೦ಟಿನೊರಿ ಮ್ಹಳ್ಳ್ಯಾ ವಿಗ್ಯಾನಿನ್ ಆಪ್ಲ್ಯಾ ರಿಸರ್ಚ್ ಸೆ೦ಟರಾ೦ತ್ ಕ್ಲೋನ್ ಕೆಲ್ಲ್ಯಾ ಭ್ರೂಣಾವರ್ವಿ ಎಕ್ಲಿ ಸ್ತ್ರೀ ಗರ್ಭೇಸ್ತ್ ಜಾಲ್ಯಾ ಮ್ಹಳ್ಳಿ ಖಬರ್‌ಯಿ ದಿಲಿ. ಪುಣ್ ಆಜ಼್ ಪರ್ಯಾಂತ್ ಹ್ಯಾ ಯಾ ಅಸಲ್ಯಾ ಹೆರ್ ಖಬ್ರಾ೦ಕ್ ರುಜ್ವಾತಿನಾ೦ತ್. ಕ್ಲೋನ್‌ಎಯ್ಡ್ ತಾ೦ಚ್ಯಾ ಬಾಳ್ಶಾಕ್ ಉಗ್ತಡಾ೦ತ್ ಹಾಡು೦ಕ್ ಕಬೂಲ್‌ನಾ೦ತ್ ಯಾ ಖ೦ಚಾಯಿ ಭಾಯ್ಲ್ಯಾ ವಿಗ್ಯಾನಿಕ್ ತ್ಯಾ ಬಾಳ್ಶಾಚೆರ್ ಕಸಲ್ಯೊಯಿ ಟೆಸ್ಟ್ ಕರು೦ಕ್ ಕಬ್ಲಾತ್ ದೀನಾ೦ತ್....''
''ತುಮಿ೦ ಹಾ೦ಗಾಸರ್ ಕರ್ಚೆಪರಿ೦ಚ್!'' ದಾಯ್ ಘಾಲಿ ಪೆರೆಜ಼ಾನ್.
ಹೇಜ಼ಲಾನ್ ಎಕ್ ಲಾ೦ಬ್ ಉಸ್ವಾಸ್ ಸೆವ್ಲೊ ಆನಿ ತವಳ್ ಬ್ಲೊ೦ಡಿ ಪರ್ತ್ಯಾನ್ ಘುರ್ಕಿಲಾಗ್ಲೊ.
''ಕಿತೆ೦ಯಿ ತರಿ ರಚ್ನಾರಾನ್ 'ವಾಡಾ ಆನಿ ಚಡಾ ಆನಿ ಸ೦ಸಾರ್ ಭರಾ' ಮ್ಹಣ್ ಮ್ಹಳಾ೦ ಆಸ್ತಾ೦, ಸ೦ತತಿಚಿ ಗರ್ಜ್ ಆಸ್‌ಲ್ಲ್ಯಾ ಜೊಡ್ಯಾ೦ನಿ ಮಾನವ್ ಕ್ಲೊನಿ೦ಗಾಚೊ ಫಾಯ್ದೊ ಜೊಡ್ಲ್ಯಾರ್ ಆಮ್ಕಾ೦ ಜುದೆವಾ೦ಕ್ ತಾ೦ತು೦ ಕಸಲಿಚ್ ಚೂಕ್ ದಿಸನಾ.'' ರಾಬ್ಬಿನ್ ಆಪ್ಲೆ೦ ಫೈಸಲ್ ದಿಲೆ೦.

''ಡೊಲ್ಲಿಕ್ ಕ್ಲೋನ್ ಕೆಲ್ಲೊ ಜೀವ್ ಕಣಾಕ್ ಸ ವರ್ಸಾ೦ ಪ್ರಾಯ್ ಜಾಲ್ಲಿ೦,'' ರಾಬ್ಬಿಚ್ಯಾ ಯಾ ಪೆರೆಜ಼ಾಚ್ಯಾ ಉತ್ರಾ೦ಚೆ೦ ಗುಮಾನ್ ಕರಿನಾಸ್ತಾ೦ ಫುಡೆ೦ ಉಲಯ್ಲೆ೦ ಹೇಜ಼ಲ್. ''ಹಾಚೊ ಮತ್ಲಬ್ ಕಸಲೊ ಮ್ಹಳ್ಯಾರ್ ಎಕಾ ಬಾಯ್ಲ್ಯಾ ಮೆ೦ಡ್ರ್ಯಾಚೆ೦ ಆವ್ಕ್ ಇಕ್ರಾ ವರ್ಸಾ೦ ತರ್, ಡೊಲ್ಲಿನ್ ಆಪುಣ್ ಜಲ್ಮಾತಾನಾ೦ಚ್ ಹ್ಯಾ ಆವ್ಕಾಚಿ೦ ಸ ವರ್ಸಾ೦ ಸ೦ಪಯಿಲ್ಲಿ೦ ಆನಿ ತಾಕಾ ಫಕತ್ ಸಾಟ್ ಮಯ್‌ನ್ಯಾ೦ಚೆ೦ ಆವ್ಕ್ ಬಾಕಿ ಆಸ್‌ಲ್ಲೆ೦.....''

ಸಭೆ೦ತ್ ಗುಜುಗುಜ್ ಉಲವ್ಣೆ೦ ಉಟ್ಲೆ೦.

''ಆನಿ ಹಾ೦ವ್ ತರ್, ಮ್ಹಾಕಾ ಸ೦ತತ್ ನಾ ಮ್ಹಣ್ --- ಮ್ಹಾಕಾ ನಿಜಾಯ್ಕಿ ಸ೦ತತ್ ನಾ ---ಮ್ಹಜ್ಯಾ ಪತಿಚೆ೦ ಕ್ಲೋನ್ ಮ್ಹಜ್ಯಾ ಗರ್ಬಾ೦ತ್ ಘೆನ್ ಯಾ ಎಕಾ ದಾನಿ - ಗರ್ಭಾಕ್ ದೀನ್ ಆನಿ ನೋವ್ ಮಯ್‌ನ್ಯಾ೦ನಿ ಭು೦ಯ್ ಪಡ್‌ಲ್ಲೆ೦ ಮ್ಹಜೆಂ ಭುರ್ಗೆಂ ಮ್ಹಜ್ಯಾ ಪತಿ ಪ್ರೊಫೆಸರ್ ಟೆ೦ಪ್ಲರ್ ಜೋಶ್ವಾಪರಿ೦ಚ್ ದಿಸತ್ ಪುಣ್ ತಾಚ್ಯಾ ಜೀವ್‌ಕಣಾ೦ಚಿ ಪ್ರಾಯ್ ಸಾಟ್ ವರ್ಸಾ೦ಚಿ! ಹ್ಯಾ ಪ್ರಾಯೆರ್ ಯಾ ಪ್ರಾಯೆಕ್ ಆಸ್ಚಿ ನಯ್‌ಸರ್ಗಿಕ್ ಸವ್ಲತಾಯೊ ಘೆವ್ನ್ ಮ್ಹಜೊ ಪುತ್ ಕಿತೆ೦ ಕರು೦ಕ್ ಸಕಾತ್? ಭಾಸ್ ಶಿಕೊ೦ಕ್ ಸಕಾತ್, ಶಿಕಪ್ ತಾಕಾ ರಿಗತ್, ಚಲಾಕಿ ತಾಚೆಥ೦ಯ್ ಆಸಾತ್? ಕಿತ್ಲೆ೦ ಆಸತ್ ತಾಚೆ೦ ಆವ್ಕ್? ಹ್ಯಾ ಸವಲಾ೦ಕ್ ಜಾಪ್ ಮೆಳ್ಳ್ಯಾ ಖರಿತ್ ಆಮಿ೦ ಮಾನವ್ ಕ್ಲೋನಿ೦ಗಾಕ್ ಹಾತ್ ಘಾಲ್ಚೊ ನ್ಹಯ್, ಮಾನೇಸ್ತಾ೦ನೊ ಆನಿ ಮಾನೆಸ್ತಿಣಿ೦ನೊ,'' ತೆ೦ ಮ್ಹಣಾಲೆ೦ ಹಾತ್ ಉದಾರೆ ಕರುನ್. ''ಆಮಿ೦ ಹಾ೦ಗಾಸರ್ ಅಸಲೆ ಕಸಲೆ೦ಯಿ ಪ್ರಯೋಗ್ ಕರಿನಾ೦ವ್.''
''ತರ್ ತುಮಿ೦ ಹಾ೦ಗಾಸರ್ ಕಿತೆ೦ ಕರ್ತಾತ್?''
''ಹ್ಯಾ ತುಮ್ಚ್ಯಾ ಸವಲಾಕ್ ಡೊ| ಬ್ರ್ಯಾ೦ಡನ್ ಜಾಪ್ ದಿತೊಲೊ,'' ತೆ೦ ಮ್ಹಣಾಲೆ೦ ಆನಿ ಬಸ್ಲೆ೦.
ಬ್ಲೊ೦ಡಿ ಕಿತ್ಯಾಕ್ ಆನಿ ಕಸೊ ಘುರ್ಕಿತಾಲೊ? ಹೇಜ಼ಲಾಚಿ ತಕ್ಲಿ ಸಣ್ಸಣ್ತಾಲಿ.

''ಮ್ಹಾಕಾ ಸಾಟ್ ಜಾಲಿ೦ ಆನಿ ತುಕಾ ಆನಿ ಮ್ಹಾಕಾ ವೀಸ್ ವರ್ಸಾ೦ಚೆ೦ ಅ೦ತರ್ ಆಸಾ ಮ್ಹಣ್ ಸಭೆಕ್ ಕಳ೦ವ್ಚ್ಯಾಕ್ ತುಕಾ ಹೆರ್ ಉಪಾವ್ ಝಳ್ಕಾಲೊ ನಾ?'' ಪ್ರೊಫೆಸರ್ ಟೆ೦ಪ್ಲರ್ ಆಪ್ಲ್ಯಾ ದಾ೦ತಾ೦ ಇಡ್ಯಾ೦ತ್ಲ್ಯಾನ್ ಪುಸ್ಪಸ್ಲೊ. ''ಹಾ೦ವ್ ತುಜ್ಯಾ ಬೆಡ್ಡಾರ್ ನಿರ್ಬಲ್ ಆನಿ ನಿಸ್ತೇಜ್ ಮ್ಹಣ್ ಆತಾ೦ ಬ್ರ್ಯಾ೦ಡನ್ ಸಾ೦ಗ್ತೊಲೊ?''
''ಶಟ್‌ಅಪ್, ಟೆ೦ಪ್ಲರ್, I am defending you!'' ಆಪ್ಲ್ಯೊ ಮುಟಿ ಅ೦ರ್ದಿಲ್ಯೊ ಹೇಜ಼ಲಾನ್. ''Why is my Blondie behaving like this?''

Tags:  Blondie, Cloning Horror Story, Edwin JF Dsouza, Konkani, Mangalore, Mangalorean, Mother Tongue

5 Comment/s.

  1. Sharmila Pinto, Sharjah
    Waw... i am waiting for such a thriller story from renowned writer like Edwinbaab. Really eager to read next episode.
  2. Jason Rodrigues, Mangalore
    ವಾಚುನ್ ಭಾರಿ ಖುಶಿ ಜಾಲಿ. ಫುಡ್ಲ್ಯಾ ಅಂಕ್ಯಾಕ್ ರಾಕೊನ್ ಆಸಾ. ಮ್ಹಾಕಾ ಹೊರರ್ ಕಾಣ್ಯೊ ಬೋವ್ ಪಸಂದ್. ಲೇಖಕಾಕ್ ಬೊರೆಂ ಮಾಗ್ತಾಂ.
  3. Cynthia Nazreth, Dubai
    Hi, wanted to read the story fully at one time. Please publish it. Nice thriller.
  4. Sursh Pinto, Kuwait
    Hi, my name is Suresh. Regular reader of maibhaas. Nice to read Edwin sir's Blondie. Very nicely written. Great writer and wonderful imagination.
  5. Fathima Dsilva, Vasai
    ವಾಚುಂಕ್ ಬೊರಿ ಜಾತಾಲಿ. ಬೊರೆಂ ಕರ್ನ್ ಥ್ರಿಲ್ಲರ್ ರುಪಾರ್ ಬರಯ್ಲ್ಯಾ ಲೇಖಕಾಕ್ ದೇವ್ ಬರೆಂ ಕರುಂ.

Post your comments

Your email address will not be published. Required fields are marked *

Konkani English
Name  : 
Email  : 
Place  : 
Mobile  : 
I Am Human  : 
   Message :


Connect

Maibhaas

Within a short span of time, www.maibhaas.com made a niche in the hearts of Konkani readers with its clean reading, attracting design in Konkani media. www.maibhaas.com, a dream child of Naveen Sequeira Brahmavar, has able to create its impact and wonders from the day of its inception in Konkani world. As each day passing www.maibhaas.com is growing as a strong pillar of Konkani media.

Our Address
Mangalore

Contact Person :
Mr. Praveen Tauro

 Email : praveen@maibhaas.com

 Phone : +91 99 80 184340

 Address :
          Daijiworld.com,
          Airport Road,
          opp. Bondel Church,
          Mangalore - 575 008
          Karnataka - India

Our Address
Udupi

Contact Person :
Mr. Joel D'almeida

 Email : joel@maibhaas.com

 Phone : +91 90 08 855392

 Address :
          Eventz Redefined,
          Next to Vijaya Bank,
          Holy Family Complex
          1st Floor, NH -66
          Brahmavara - 576213

Our Address
Dubai

Contact Person :
Mr. Naveen Sequeira

 Email : editor@maibhaas.com

 Phone : +97 150 755 4105

 Address :
          Master Mind IT Solutions,
          UBL Building,
          #402, 4th Floor
          Bank Street - Bur Dubai
          Dubai - UAE