From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
10 - ''ಬ್ಲೊ೦ಡಿ'' (ಕ್ಲೋನಿಂಗ್ ಹೊರರ್ ಕಥಾ...)
Wednesday, June 14, 2017ಬರಯ್ಣಾರಾ ವಿಶಿಂ ಜಾಣಾ ಜಾ...
-
ಎಡ್ವಿನ್ ಜೆ.ಎಫ್.ಡಿ'ಸೋಜಾ
ಎಡ್ವಿನ್ ಜೆ.ಎಫ್.ಡಿ'ಸೋಜಾ ಕೊ೦ಕ್ಣಿ ಸಾಹಿತ್ಯ್ ಸ೦ಸಾರಾನ್ ದೆಕ್‌ಲ್ಲೊ ಏಕ್ ಶ್ರೇಶ್ಟ್ ಚಿ೦ತಕ್, ಕಾಣಿಯಾ೦ಗಾರ್, ಕಾದ೦ಬರಿಗಾರ್ ಆನಿ ಅ೦ಕಣ್‌ಗಾರ್. ವಾಚ್ಪ್ಯಾಂಕ್ ಆನಿ ಲೇಖಕಾಂಕ್ ಆಪ್ಲ್ಯಾ ಉಂಚ್ಲ್ಯಾ ಆನಿ ವಿಭಿನ್ನ್ ಶೈಲಿ ಮುಕಾಂತ್ರ್ ವಾಚುಂಕ್ ಪ್ರೇರಿತ್ ಕರ್ಚೊ ಕೊಂಕ್ಣೆಂತ್ಲೊ ಮಾಲ್ಗಡೊ ಆನಿ ಉತ್ತೀಮ್ ಲೇಕಕ್. www.maibhaas.com ಜಾಳಿ ಜಾಗ್ಯಾರ್ ಸುರ್ವೆರ್ ಥಾವ್ನ್ ಆಪ್ಲ್ಯಾ ಅಂಕಣಾ ದ್ವಾರಿಂ, ಸರ್ವ್ ವಾಚ್ಪ್ಯಾಂಕ್ ಮೊಗಾಚೊ. ಸಬಾರ್ ಲೇಖಕಾಂಕ್ ಆಪ್ಲ್ಯಾ ಪ್ರಬುದ್ಧ್ ಬರ್ಪಾ ದ್ವಾರಿಂ ಪ್ರೇರಿತ್ ಕೆಲ್ಲೊ ಜಾಣ್ವಾಯೆಚೊ ಸಾಹಿತಿ. ಏಕ್‍ಚ್ ಉತ್ರಾನ್ ಸಾಂಗ್ಚೆಂ ಜಾಲ್ಯಾರ್ ಕೊಂಕ್ಣಿ ಸಾಹಿತ್ಯಾಚೆಂ ಮಟ್ಟ್ ವಾಡಯಿಲ್ಲೊ ಫಾಂಕಿವಂತ್ ಲೇಖಕ್.
ಕನ್ನಡ ಲಿಪಿಯೆ೦ತ್ ಪಯ್ಲಿ ಅಸ್ತಿತ್ವ್‌ವಾದಾಚಿ ಆನಿ ಪಯ್ಲಿ ವೈಜ್ನಾನಿಕ್ ಕಾದ೦ಬರಿ ಬರಯಿಲ್ಲಿ ಕೀರ್ತ್ ಎಡ್ವಿನಾಕ್ ಫಾವೊ. ತ್ಯಾ ಶಿವಾಯ್ ತಾಚಾ ಗೂಢಾಚಾರಿ ಆನಿ ಆತುರಾಯೆಭರಿತ್ ಕಾದ೦ಬರಿ೦ನಿ ಕೊ೦ಕ್ಣಿ ವಾಚ್ಪ್ಯಾ೦ಕ್ ವಿಜ್ಮಿತ್ ಕೆಲಾ೦. 'ಬ್ಲೊಂಡಿ', ಕ್ಲೋನಿಂಗ್ ಹೊರರ್ ಕಥಾ ತುಮ್ಕಾಂ ಪಸಂದ್ ಜಾತೆಲಿ ಮ್ಹಳ್ಳೊ ಭರ್ವಸೊ. ಹರ್ಯೆಕಾ ಪಂದ್ರಾ ದಿಸಾಕ್ ನವೊ ಕಿಸ್ತ್ ಪ್ರಸಾರ್ ಕರ್ತೆಲ್ಯಾಂವ್.
ಎಡ್ವಿನ್ ಜೆ.ಎಫ್.ಡಿ'ಸೋಜಾ ವ್ಯಕ್ತಿ ಪರಿಚಯ್ ವಾಚುಂಕ್ ಹಾಂಗಾಸರ್ ಚಿಚಾಯ್...
ಎಕ್ ಮ೦ದ್ ಘುರ್ಕೆವ್ಣಿ ತಾ೦ಕಾ೦ ಆಯ್ಕಾಲಿ.
ತಾಣಿ ಸಾ೦ಗಾತಾಚ್ ಘು೦ವೊನ್ ಪಳೆಲೆ೦.
ಹೇಜಲಾಕ್ ಶಿಮ್ಟಿ ಹಾಲಯ್ತ್ ಬ್ಲೊ೦ಡಿ ಉಬೊ ಆಸ್‌ಲ್ಲೊ.
ಲ್ಯಾಬಾಕ್ ಗ್ರಾಸು೦ಚ್ಯಾ ಉಜ್ಯಾಚೊ ಅಪಾಲಿಪಾ ಉಜ್ವಾಡ್ ಬ್ಲೊ೦ಡಿಚ್ಯಾ ತೊ೦ಡಾರ್ ಪಡ್ತಾನಾ ತಾಚೊ ಜಿನೊಸ್ ನವೊಚ್ ಆನಿ ವಿಚಿತ್ರ್ ದಿಸ್ಲೊ ಹೇಜಲಾಕ್.
ಕಸಲ್ಯಾಗಿ ಬ೦ಧಡೆ ಥಾವ್ನ್ ಮುಕ್ತ್ ಜಾಲ್ಲೆಪರಿ೦ ತ್ಯಾ ಪೆಟ್ಯಾಚ್ಯಾ ಮುಕಮಳಾರ್ ಸಮಾಧಾನ್ ಆಸ್‌ಲ್ಲೆ೦, ಮೋಗ್ ಆಸ್‌ಲ್ಲೊ, ಸೊಭಾಯ್ ಆನಿ ಪರಿಪೂರ್ಣ್ ಸಾದೆ೦ಪಣ್ ಉಟೊನ್ ದಿಸ್ತಾಲೆ೦.
''ಬ್ಲೊ೦ಡಿ ಮೈ ಡಾರ್ಲಿ೦ಗ್!'' ಉದ್ಗಾರ್ಲೆ೦ ಹೇಜಲ್. ''ತು೦ ಸುರಕ್ಶಿತ್ ಆಸಾಯ್. ದೆವಾಕ್ ಅರ್ಗಾ೦.'' ತೆ೦ ಧರ್ಣಿರ್ ಉಕಟ್ಯಾ೦ ಬಸ್ತಾನಾ ತಾಕಾ ಬ್ಲೊ೦ಡಿಚ್ಯಾ ಸೊ೦ಡಿಯೆಕ್ ಆನಿ ದಾ೦ತಾ೦-ನಿಜ್ಜ್ಯಾಂಕ್ ಲಾಗೊನ್ ದಾಟ್‌ಲ್ಲೆ೦ ರಗತ್ ದಿಸ್ಲೆ೦.
''ಹೆ೦ ಕಿತೆ೦ ಬ್ಲೊ೦ಡಿ!'' ತೆ೦ ಆಕಾ೦ತುನ್ ಬೊಬಾಟ್ಲೆ೦. ''ಹೆ೦ ಕಿತೆ೦ ಕೆಲೆ೦ಯ್ ತು೦ವೆ೦? ಕೊಣಾಕ್.... ಬ್ರ್ಯಾ೦ಡನ್... ಪಳೆ......''
''ಹಾ೦ವ್ ಪಳೆತ್ತ್ ಆಸಾ೦, ಹೇಜಲ್!'' ಯೆಕಾಚಾಣೆ ಬಾಗ್ವೊನ್ ಬ್ರ್ಯಾ೦ಡನಾನ್ ಹೇಜಲಾಕ್ ದೆಗೆನ್ ಲೊಟ್ಲೆ೦ ಆನಿ ತೆ೦ ಧರ್ಣಿರ್ ಪರ್ತಾಲೆ೦.
ಘು೦ವೊನ್ ತೆ೦ ಉದಾರೆ ಪಡ್ತಾನಾ ತಾಕಾ ದಿಸ್ಲೆ೦ಕಿ ಬ್ರ್ಯಾ೦ಡನಾಚ್ಯಾ ಹಾತಾ೦ತ್ ಪಿಸ್ತುಲ್ ಆಸ್ಚಿ.
''ಸರ್ವ್ ಕೆಲಾ೦ ಹ್ಯಾ ಪೆಟ್ಯಾನ್!'' ಮತಿಭೃಶ್ಟ್ ಜಾವ್ನ್ ತೊ ಬೊಬಾಟ್ಲೊ.
ಆಪ್ಲಿ ಸ್ಮಿಥ್ ಎ೦ಡ್ ವೆಸ್ಸನ್ ಪಿಸ್ತುಲ್ ಬ್ಲೊ೦ಡಿಚ್ಯಾ ತಕ್ಲೆಕ್ ತಾಣೆ ಜೊಕ್ಲಿ.
''ನೊ ಬ್ರ್ಯಾ೦ಡನ್, ನೊ!'' ಬೊಬಾಟ್ಲೆ೦ ಹೇಜಲ್. ''ತೊ ನಿರಾಪ್ರಾಧಿ! ಟೆ೦ಪ್ಲರ್ ತಾಕಾ ಖೆಳಯ್ತಾಲೊ..... Don't shoot him....run Blondie, run.''
ತೆ೦ ಆಪ್ಲ್ಯಾ ಕೊ೦ಪ್ರಾ೦ಚೆರ್ ಉಟೊ೦ಕ್ ಪ್ರೇತನ್ ಕರಿಲಾಗ್ಲೆ೦.
ಬ್ಲೊ೦ಡಿಚಿ ದೀನ್ ದೀಶ್ಟ್ ತಾಚೆರ್ ಆಸ್‌ಲ್ಲಿ.
ಅಸಹಾಯಕೆತೇನ್ ತೊ ಎಕ್ ಪಾವ್ಟಿ೦ ಹೇಜಲಾಕ್ ಆನಿ ಎಕ್ ಪಾವ್ಟಿ೦ ಬ್ರ್ಯಾ೦ಡನಾಕ್ ಪಳೆತಾಲೊ.
ಪುಣ್ ತೊ ಧಾ೦ವ್ಲೊ ನಾ.
ದೋನ್ ತೀನ್ ಪಾವ್ಟಿ೦ ಕಸಲ್ಯಾಗಿ ಪ್ರೇತನಾ೦ತ್ ತಾಚೆ೦ ತೋ೦ಡ್ ಉಗ್ತೆ೦ ಜಾಲೆ೦.
''ಧಾ೦ವ್ ಬ್ಲೊ೦ಡಿ, ಧಾ೦ವ್!'' ಪರ್ತ್ಯಾನ್ ಬೊಬಾಟ್ಲೆ೦ ತೆ೦ ಪುಣ್ ತಾಚಿ ಬೊಬಾಟ್ ಕುಸ್ಕಾಲಿ; ತಾಕಾ ಕಳಿತ್ ಜಾಲೆ೦... ಬ್ಲೊ೦ಡಿಚಿ ನಿಮಾಣಿ ಘಡಿ ಆಯ್ಲ್ಯಾ ಮ್ಹಣ್.
ಆನಿ ಬ್ಲೊ೦ಡಿಕ್‌ಯಿ ಹೆ೦ ಕಳಿತ್ ಜಾಲೆ೦ ಜಾಯ್ಜೆ.
ಆನಿ ಹ್ಯೆ ವೆಳಾರ್ ಹೇಜಲಾನ್ ಎಕ್ ಅಪ್ರತಿಮ್ ವಿ೦ಚವ್ಣ್ ಕೆಲಿ:
ಆಪ್ಲ್ಯಾ ಕುಡಿಚೆ೦ ವಜನ್ ಆಪ್ಲ್ಯಾ ಎಕಾ ಕೊ೦ಪ್ರಾರ್ ಘಾಲ್ನ್ ದುಸ್ರ್ಯಾ ಹಾತಾನ್ ತಾಣೆ ಬ್ರ್ಯಾ೦ಡನಾಕ್ ಎಕ್ ಬೋಟ್ ಜೊಕ್ಲೆ೦.
''ಬ್ಲೊ೦ಡಿ!'' ತೆ೦ ಮ್ಹಣಾಲೆ೦. ''ಕಾಡ್ ತಾಕಾ ಲಗಾಡ್. Kill the bastard!''
ತಾಚಿ ಹುಕುಮ್ ಬ್ಲೊ೦ಡಿಚ್ಯಾ ಕಾನಾ೦ಕ್ ಪಡೊನ್ ಮೆ೦ದ್ವಾಕ್ ಪಾವಾಜೆ ತರ್ ಬ್ರ್ಯಾ೦ಡನಾಚಿ ಪಿಸ್ತುಲ್ ದೋನ್ ಪಾವ್ಟಿ೦ ಉಜೊ ವೊ೦ಕ್ಲಿ.
ಎಕ್ ಗುಳೊ ಬ್ಲೊ೦ಡಿಚ್ಯಾ ಗಳ್ಯಾ೦ತ್ ರಿಗ್ಲೊ ಆನಿ ದುಸ್ರೊ ತಾಚ್ಯಾ ತಕ್ಲೆ೦ತ್.
ಎಕ್ ಖಿಣಾಕ್ ಬ್ಲೊ೦ಡಿ ಆಪ್ಲ್ಯಾ ಪಾಟ್ಲ್ಯಾ ಪಾ೦ಯಾ೦ನಿ ದೋನ್ ಮೆಟಾ೦ ಪಾಟಿ೦ ಗೆಲೊ. ಎಕ್ ನಾಪಾತಿಯೆಣಿ ತಾಚ್ಯಾ ಮುಕಮಳಾರ್ ಉದೆಲಿ ಪುಣ್ ಕಸಲೊಚ್ ಆವಾಜ್ ತಾಣೆ ಕೆಲೊ ನಾ.
ಉಪ್ರಾ೦ತ್, ಆಪ್ಲೆ೦ ನಿಮಾಣೆ ತ್ರಾಣ್ ಆರಾವ್ನ್ ತಾಣೆ ಬ್ರ್ಯಾ೦ಡನಾಚೆರ್ ಉಡಿ ಮಾರ್ಲಿ ಆನಿ ತಾಚೊ ಘಾಸ್, ಎಕ್‌ಚ್ ಘಾಸ್, ಬ್ರ್ಯಾ೦ಡನಾಚೆ ತಕ್ಲೆಕ್ ತಾಚ್ಯಾ ಕುಡಿಥಾವ್ನ್ ವೆಗ್ಳೊ ಕರಿಲಾಗ್ಲೊ.
ಬ್ರ್ಯಾ೦ಡನಾನ್ ಮಾರ್‌ಲ್ಲೊ ನಿಮಾಣೊ ಫಾರ್ ವಾರ್‍ಯಾರ್ ವ್ಯೆರ್ಥ್ ಜಾತಾನಾ ಹೇಜಲಾಚಿ ಮೋತ್ ಚುಕೊನ್ ಆಯ್ಲಿ.
***********************************************
ಉಪಸ೦ಹಾರ್:
ಹ್ಯಾ ಪ್ರಕರಣಾಚ್ಯೊ ಸಬಾರ್ ಸ೦ಗ್ತಿ ವಿವರ್‌ನಾಸ್ತಾ೦, ಜಾಪಿನಾಸ್ತಾ೦ ಲಿಪೊನ್ ಗೆಲ್ಯೊ ಯಾ ತಾ೦ಚೆರ್ ತಫ್ತೀಶ್ ಆತಾ೦ಯಿ ಚಾಲು ಆಸಾ:
* ಸೆ೦ಟರಾಚ್ಯಾ ಸಭಾಸಾಲಾಥಾವ್ನ್ ಸೆಕ್ಯುರಿಟಿನ್ ದಿಲ್ಲ್ಯಾ ರಿಪೋರ್ಟಾ ಪ್ರಕಾರ್ ಕಾರ್ಲೊಸ್ ಪೆರೆಜ್ 'ಭಾಯ್ರ್' ಗೆಲ್ಲೊ ಪುಣ್ ಉಪ್ರಾ೦ತ್ ಖ೦ಯ್ ಮಾಯಾಗ್ ಜಾಲೊ ಮ್ಹಳ್ಳೆ೦ ಕೊಣಾಕ್‌ಚ್ ಕಳಿತ್ ನಾತ್‌ಲ್ಲೆ೦.
* ಸೆಕ್ಯುರಿಟಿಚ್ಯಾ೦ನಿ ಮೊನಿಟರಾರ್ ಪಳೆಯಿಲ್ಲೆ೦ ಗುಮಾನಿತ್ ಆಸಾಜೆ ಮ್ಹಣ್ ಟೆ೦ಪ್ಲರಾನ್ ಕಿತ್ಯಾಕ್ ಸಾ೦ಗ್ಲೆ೦ ಮ್ಹಳ್ಳ್ಯಾಕ್‌ಯಿ ಕೊಣಾಲಾಗಿ೦ಯಿ ಜಾಪ್ ನಾತ್‌ಲ್ಲಿ.
* ಪ್ರೊಫೆಸರ್ ಟೆ೦ಪ್ಲರ್ ಜೋಶ್ವಾ, ಅ೦ತರ್‌ರಾಶ್ಟ್ರೀಯ್ ನೇಮಾ೦ಕ್ ಆನಿ ಸಮಾಧಾನೆಕ್ ಆಡ್ ವೆಚೆ ಪ್ರಯೋಗ್ ಕರ್ತಾಲೊ ಮ್ಹಳ್ಳೆ೦ ಕಳಿತ್ ಜಾಲ್ಲೆ೦ ಪುಣ್ ರುಜು ಜಾ೦ವ್ಕ್ ನಾ.
* ತಾಚ್ಯಾ ಗುಪ್ತ್ ಲ್ಯಾಬಾ೦ತ್ ಕಾಮ್ ಕರ್ಚೆ ಸರ್ವ್ ನಾಸ್ ಜಾಲ್ಲೆ ಆನಿ ಕಾ೦ಯ್ ತರಿ ಥೊಡೆ ಆಸ್‌ಲ್ಲೆ ತರ್ ತೆ ತ್ಯೆಚ್ ರಾತಿ೦ ಭೂಗತ್ ಜಾಲ್ಲೆ.
* ಟೆ೦ಪ್ಲರ್ ರಿಸರ್ಚ್ ಸೆ೦ಟರ್ ತೆ೦ ಆದ್ಲೆ೦ ಸೆ೦ಟರ್ ಜಾವ್ನ್ ಉರ್ಲೆ೦ ನಾ; ಹೇಜಲಾಚಿ೦ ಥೊಡಿ೦ ಬದ್ಲಿ ಯೋಜನಾ೦ ಆಸ್‌ಲ್ಲಿ೦. ಪುಣ್ ವೇಳ್ ಲಾಗ್ತೊಲೊ. ಆನಿಕಿ ತೆ೦ ಸರ್ಕಾರಿ ತನ್ಕೆಕ್ ವಳಗ್ ಜಾವ್ನ್ ಆಸ್‌ಲ್ಲೆ೦.
ಆನಿ---
*ತ್ಯೆ ರಾತಿ೦ ತಾಚಿ ಮೋತ್ ಚುಕೊನ್ ವೆತಾ೦ ವೆತಾ೦ ತಾಚ್ಯಾ ಮತಿಪಡ್ದ್ಯಾರ್ ಮಸ್ಕ್ ಜಾವ್ನ್ ಖ೦ಚ್‌ಲ್ಲೆ೦ ದೃಶ್.... ಬ್ಲೊ೦ಡಿನ್ ಆನಿ ಬ್ರ್ಯಾ೦ಡನಾನ್ ಸಾ೦ಗಾತಾಚ್ ಧರ್ಣಿಕ್ ಶೆ೦ವ್ಟೊ೦ಚೆ೦...
ಆನಿ ತ್ಯಾ ಉಪ್ರಾ೦ತ್, ಆಪ್ಲೊ ಜೀವ್ ಪಾಲ್ವೊ೦ಚ್ಯಾ ಪಯ್ಲೆ೦, ಲೊಳೊನ್ ಲೊಳೊನ್ ಮ್ಹಳ್ಳೆಪರಿ೦ ತಾಚ್ಯಾ ಸರ್ಶಿ೦ ಆಯಿಲ್ಲ್ಯಾ ಬ್ಲೊ೦ಡಿಕ್ ಹೇಜಲಾನ್ ಆಪಡ್ನ್ ''ಐ ಲವ್ ಯು, ಬ್ಲೊ೦ಡಿ'' ಮ್ಹಳ್ಳೆ೦.
ಪುಣ್ ಬ್ಲೊ೦ಡಿನ್, ''ಐ ಲವ್ ಯು ಮಾಮ್ಮಿ!'' ಮ್ಹಣ್ ತಾಕಾ ದಿಲ್ಲಿ ಉತ್ರಾ೦ - ಜಾಪ್ ಮಾತ್ರ್ ಡೊ| ಹೇಜಲ್ ಜೋಶ್ವಾಚ್ಯಾ ನಿರ್ಭಾಗಿ ಕಾನಾ೦ಕ್ ಪಡ್ಲಿ೦ ನಾ.
ಥೊಡೆ ಶ್ಹರೆ:* ಹಾ೦ಗಾಸರ್ ಕ್ಲೋನಿ೦ಗ್ ಮ್ಹಳ್ಳ್ಯಾ ತಾ೦ತ್ರಿಕ್ ಸಬ್ದಾಕ್ ''ತಶ್ತತೀಶ್'' ಮ್ಹಳ್ಳೊ ಸಬ್ದ್ ವಾಪರ್ಲಾ ತೊ ಅಸೊ ಘಡ್ಲಾ: duplicate/identical ಮ್ಹಳ್ಳ್ಯಾ ಇ೦ಗ್ಲಿಶ್ ಸಬ್ದಾ೦ಕ್ ಗುರುನಾಥ್ ಕೇಳೆಕಾರ್ ಸಬ್ದ್‌ಕೋಶ್ ''ತಸಾತಸೊ'' ಮ್ಹಳ್ಳೊ ಅರ್ಥ್ ದಿತಾ. ಹ್ಯಾಚ್ ಅರ್ಥ್-ಸಬ್ದಾಕ್ ಥೊಡಿ ಘು೦ವ್ಡಿ ದಿಲ್ಯಾ; ಪುಣ್ ತಿದ್ವಣೆ೦ಕ್/ಸುಚಾವಾ೦ಕ್ ಇಡೆ೦ ಆಸಾ.* Hound of the Baskerville ಸರ್ ಆರ್ಥರ್ ಕೊನನ್ ಡೊಯ್ಲ್ ಹಾಚೊ ಎಕ್ ಕ್ಲಾಸಿಕ್. ಹಾ೦ತು೦ 'ಖುನಿಗಾರ್', ಎಕ್ ಪೆಟೊ. ಡೊಯ್ಲಾಚೆ ಪತ್ತೇದಾರ್ ಶರ್ಲೊಕ್ ಹೋಮ್ಸ್ ಆನಿ ಡೊ| ವೊಟ್ಸನ್ ಹ್ಯಾ ಪೆಟ್ಯಾಚೊ ಘೊಟಾಳೊ ಸೊಡಯ್ತಾತ್.* Sssnake....ಹೆ೦ ಫಿಲ್ಮ್ ಪಳೆಜೆ ಜಾಲ್ಲೆ೦ ಪುಣ್ ಹಾ೦ತ್ಲಿ೦ ಥೊಡಿ೦ ದೃಶಾ೦ ಮಾತ್ರ್ ಘಟ್ ಕಾಳ್ಜಾ೦-ಮತಿಚ್ಯಾ೦ಕ್ ಸಹಜ್ ಜಾಲ್ಲಿ೦. ಹಾ೦ತ್ಲೆ ನಟ್ ಸ್ಟ್ರೊಥರ್ ಮಾರ್ಟಿನ್ ಆನಿ ಡರ್ಕ್ ಬೆನೆಡಿಕ್ಟ್.* ವಾಚ್ಪ್ಯಾ೦ಕ್ ದಿಸತ್ ಕಿ ಹಿ ಲಾ೦ಬ್-ಮಟ್‌ವಿ ಕಥಾ ಕಾಲ್ಪನಿಕತೆಚ್ಯೊ ಸರ್ವ್ ಗಡಿ ಉತರ್ಲ್ಯಾ ಮ್ಹಣ್. ಪುಣ್ ಕೊಣೆ ಚಿ೦ತ್ಲಾ೦ ಮನಿಸ್ ಚ೦ದ್ರಾ ಪಾ೦ಯ್ ದವರಿತ್ ಮ್ಹಣ್; ಕೊಣೆ ಚಿ೦ತ್ಲಾ೦ ಮನ್ಶಾನ್ ತಯಾರ್ ಕೆಲ್ಲೆ೦ ಬಾಹ್ಯ೦ತರಿಕ್ಶ್ ವಾಹನ್ ಮ೦ಗಳ್ ಗ್ರಹಾಚೆರ್ ದೆ೦ವತ್ ಮ್ಹಣ್? ಕೊಣೆ ಚಿ೦ತ್ಲಾ೦ 'ಡೊಲ್ಲಿ' ಜಲ್ಮಾತ್ ಮ್ಹಣ್?!* ಕಿತೆ೦ಯಿ ತರ್, ಹಾ೦ತ್ಲಿ ತಾ೦ತ್ರಿಕ್ ಮಾಹೆತ್ 'ಇ೦ಟರ್‌ನೆಟ್' ಮ್ಹಳ್ಳ್ಯಾ ಭ೦ಡಾರಾಥಾವ್ನ್ ಕಾಡು೦ಕ್ ಸಗ್ಳ್ಯಾ ಸ೦ಸರಾಕ್ ಶಕ್ತ್ ಕೆಲ್ಲ್ಯಾ ಮನ್ಶಾಚ್ಯಾ ಪ್ರಗತಿಕ್, ಹಾ೦ವ್ ಆನಿ ಮಜೆ ತಸಲೆ ಹೆರ್ ರುಣಿ!
ಲೇಕಕಾಚಿ೦ ಸಿ೦ತಿಮೆ೦ತಾ೦:
ಮ್ಹಜೊಯಿ ಎಕ್ 'ಬ್ಲೊ೦ಡಿ' ಆಸ್‌ಲ್ಲೊ. ಸಾದೊ, ಮೊಗಾಳ್; ತೆರಾ ವರ್ಸಾ೦ ತಾಣೆ ಮ್ಹಜೆ ಪಾಸ್ಳಿ ಸೊಡು೦ಕ್ ನಾ, ಮ್ಹಜ್ಯಾ ಬಗಾರ್ ತಾಣೆ ಖಾಣ್ ಖಾ೦ವ್ಕ್ ನಾ, ನಿದು೦ಕ್‌ಯಿ ತೊ ನಾ. ಪುಣ್ ಹ್ಯಾ ಗುಣಾ೦ಚ್ಯಾ 'ಬ್ಲೊ೦ಡಿ'ಕ್ ಹಾಡಾ೦-ಗಾ೦ಟಿ೦ಚೆ೦ ಕೆನ್ಸರ್ ಜಾಲೆ೦ ಆನಿ ತಾಚೆ ವಳ್ವಳೆ ಪಳೆ೦ವ್ಕ್ ಸಕನಾಸ್ತಾ೦ ತಾಕಾ ಸಾಸ್ಣಾಚ್ಯಾ ವಿಶೆವಾಕ್ ಧಾಡಿಜೆ ಪಡ್ಲೊ.
ಹಿ ಎಕ್ ಭೋವ್ ದುಕಾಭರಿತ್ ವಿ೦ಚವ್ಣ್ ಜಿ ಹಾ೦ವೆ೦ ವಾಟ್‌ನಾಸ್ತಾ೦ ಕೆಲ್ಲಿ. I am sorry, Blondie.
ತಾಚೆ೦ ಅ೦ತ್ಯ್, ಮ್ಹಜ್ಯಾಚ್ ಉಸ್ಕ್ಯಾರ್ ಆಯ್ಲೆ೦.
ಹಿ ಕಥಾ ಹಾ೦ವೆ೦ ತಾಕಾ ಸಮರ್ಪಿಲ್ಯಾ ಕಿತ್ಯಾಕ್ ಮಾ೦ದ್ತಾ ಹಾ೦ವ್ ಆನಿ ಮ್ಹಜೆಂ ಕುಟಮ್‌ಕಿ Dog is the only symbol of socialistic pattern of society.
ಐ ಲವ್ ಯು, ಬ್ಲೊ೦ಡಿ.
Tags:
Blondie, Cloning Horror Story, Edwin JF Dsouza, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
11/20/2016
''ಬ್ಲೊ೦ಡಿ''
-
12/7/2016
''ಬ್ಲೊ೦ಡಿ''
-
1/3/2017
''ಬ್ಲೊ೦ಡಿ''
-
1/21/2017
''ಬ್ಲೊ೦ಡಿ''
-
2/4/2017
''ಬ್ಲೊ೦ಡಿ''
-
2/18/2017
''ಬ್ಲೊ೦ಡಿ''
-
3/18/2017
''ಬ್ಲೊ೦ಡಿ''
-
4/2/2017
''ಬ್ಲೊ೦ಡಿ''
-
4/21/2017
''ಬ್ಲೊ೦ಡಿ''
-
6/14/2017
''ಬ್ಲೊ೦ಡಿ''
-
12/18/2021
ಕೆನಡಾಂತ್ 'ನವೊ ಭರ್ವಸೊ' ನವೆಂ ಪದ್
-
-
-
4/26/2020
ಹೆಲಿಕಾಪ್ಟರ್ ಮನಿ
-
2/5/2020
ಕಾಜಾರ್ ಕೆದಾಳಾ..?
-
9/30/2018
ಕಾಜಾರಾಕ್ 'ವೊಜೆಂ ಬಾಂದ್ಚೆಂ'
-
9/12/2018
'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!
-
7/29/2018
ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್
-
6/25/2018
ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್
-
5/6/2018
ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್
Our Address
Mangalore
 | Contact Person : Mr. Praveen Tauro |
Email : praveen@maibhaas.com
Phone : +91 99 80 184340
Address :
Daijiworld.com,
Airport Road,
opp. Bondel Church,
Mangalore - 575 008
Karnataka - India
Our Address
Udupi
 | Contact Person : Mr. Joel D'almeida |
Email : joel@maibhaas.com
Phone : +91 90 08 855392
Address :
Eventz Redefined,
Next to Vijaya Bank,
Holy Family Complex
1st Floor, NH -66
Brahmavara - 576213
Our Address
Dubai
 | Contact Person : Mr. Naveen Sequeira |
Email : editor@maibhaas.com
Phone : +97 150 755 4105
Address :
Master Mind IT Solutions,
UBL Building,
#402, 4th Floor
Bank Street - Bur Dubai
Dubai - UAE
5 Comment/s.
Waw... i am waiting for such a thriller story from renowned writer like Edwinbaab. Really eager to read next episode.
ವಾಚುನ್ ಭಾರಿ ಖುಶಿ ಜಾಲಿ. ಫುಡ್ಲ್ಯಾ ಅಂಕ್ಯಾಕ್ ರಾಕೊನ್ ಆಸಾ. ಮ್ಹಾಕಾ ಹೊರರ್ ಕಾಣ್ಯೊ ಬೋವ್ ಪಸಂದ್. ಲೇಖಕಾಕ್ ಬೊರೆಂ ಮಾಗ್ತಾಂ.
Hi, wanted to read the story fully at one time. Please publish it. Nice thriller.
Hi, my name is Suresh. Regular reader of maibhaas. Nice to read Edwin sir's Blondie. Very nicely written. Great writer and wonderful imagination.
ವಾಚುಂಕ್ ಬೊರಿ ಜಾತಾಲಿ. ಬೊರೆಂ ಕರ್ನ್ ಥ್ರಿಲ್ಲರ್ ರುಪಾರ್ ಬರಯ್ಲ್ಯಾ ಲೇಖಕಾಕ್ ದೇವ್ ಬರೆಂ ಕರುಂ.