From around the world

ಪ್ರವೀಣ್ ತಾವ್ರೊ, ಕುಲ್ಶೇಕರ್
             
+971 50 7554105
ತುಮ್ಚ್ಯಾ ಗಮನಾಕ್:
Best be viewed in 1366 X 768 screen resolution and in Google Chrome
You are here:   /  ''ಬ್ಲೊ೦ಡಿ'' (ಕ್ಲೋನಿಂಗ್ ಹೊರರ್ ಕಥಾ...)

4  -  ''ಬ್ಲೊ೦ಡಿ'' (ಕ್ಲೋನಿಂಗ್ ಹೊರರ್ ಕಥಾ...)

Saturday, January 21, 2017  /  By Admin

ಬರಯ್ಣಾರಾ ವಿಶಿಂ ಜಾಣಾ ಜಾ...

90.0
User Rating


ಟೆ೦ಪ್ಲರಾನ್ ತಾಚ್ಯಾ ಸವಲಾಚೆ೦ ಗುಮಾನ್ ಕೆಲೆ೦ ನಾ.
''ಆನಿ ತುಜ್ಯಾ ಥೆರಪ್ಯೂಟಿಕ್ ಕ್ಲೊನಿ೦ಗಾ೦ತ್ ಮ್ಹಜೆಂ ಪುರುಶತ್ವ್ ಪಾಟಿ೦ ಹಾಡಯ್ತಾ೦ ಮ್ಹಣ್ ತುಮಿ೦ ದೊಗಾ೦ನಿ ಮ್ಹಾಕಾ ಪರಿಪೂರ್ಣ್ ನಪು೦ಸ೦ಕ್ ಕರು೦ಕ್ ನಾ?'' ತಾಣೆ ವಿಚಾರ್ಲೆ೦.
''ತಶೆ೦ ಮ್ಹಣ್ ಹ್ಯಾ ಸಭೆಕ್ ಸಾ೦ಗೊನ್ ಸೊಡಿನಾ೦ಯ್  ಪೆಲ್ಯಾನ್?''
''ವಿ೦ಚುನ್ ಕಾಡ್ಲೆಲ್ಯಾ ಥೊಡ್ಯಾ೦ಕ್ ಕಾಲ್ದೆ೦ ಮಿಲಿಯಾ ಡೊಲ್ಲರ್ ಘೆವ್ನ್ ತಾ೦ಚಿ ಲ೦ಯ್ಗಿಕ್ ಸಕತ್ ಪಾಟಿ೦ ದಿವಯ್ತಾ೦ ಮ್ಹಣ್ ತುಮಿ೦ ಫಟ೦ವ್ಕ್ ನಾ?''
''ಹೆ೦ ಸತ್ ನ್ಹಯ್! ಅಸಲೆ ಚಿಕಿತ್ಸಾ ಪ್ರಯೋಗ್ ಕೆದಳಾರಿ ಯಶಸ್ವಿ ಜಾಯ್ನಾ೦ತ್ ಮ್ಹಣ್ ತು೦ ಜಾಣಾ೦ಯ್, ಟೆ೦ಪ್ಲರ್. ಹೆ೦ ಉಲವ್ಣೆ೦ ಆಮಿ೦ ಆಮ್ಚ್ಯಾ ಖಾಸ್ಕಿ ಕಮ್ರ್ಯಾ೦ತ್ ಚಲವ್ಯೆತ್ ನ್ಹಯ್?'' ಹೇಜಲಾನ್ ಆಪ್ಲ್ಯಾ ಪತಿಕ್ ಎಕ್ ಪರ್ಜಳೀಕ್ ಪುಣ್ ನಕ್ಲಿ ಹಾಸೊ ಪಾಟಯ್ಲೊ ಕಿತ್ಯಾಕ್ ಸಭಿಕಾ೦ಚೆ೦ ಗಮನ್ ಹಾ೦ಚ್ಯಾ ಪುಸ್ಪುಸಿತ್ ಉಲವ್ಣ್ಯಾಚೆರ್ ಪಡೊ೦ಕ್ ಸುರು ಜಾಲ್ಲೆ೦.

ಬ್ರ್ಯಾ೦ಡನ್ ಉಲಯ್ತಾಲೊ---
''ಆಮಿ೦ ಹಾ೦ಗಾಸರ್ ಥೆರಪ್ಯೂಟಿಕ್ ಕ್ಲೋನಿ೦ಗ್ ಮಾತ್ರ್ ಕರ್ತಾಂವ್ ಆನಿ ಆಮ್ಚಿ ಯಶಸ್ವಿ ಶೆ೦ಬರಾ೦ತ್ ನೊವೊದ್ ಠಕ್ಕೆ ಮ್ಹಣ್ ಮ್ಹಣ್ ಆಮಿ೦ ಧಯ್ರಾನ್ ಸಾ೦ಗ್ತಾ೦ವ್. ಪುಣ್ ಆಮ್ಚ್ಯಾ ಪೇಶೆ೦ಟಾ೦ಚಿ ನಾ೦ವಾ೦ ಆನಿ ಒಳಕ್ ಮಾತ್ರ್ ತುಮ್ಕಾ೦ ದೀ೦ವ್ಕ್ ಆಮಿ೦ ಸಕಾನಾ೦ವ್. ಹೆ೦ ಆಮ್ಚ್ಯಾ ಸೆ೦ಟರಾಚ್ಯಾ ethics -೦ಕ್ ವಿರೋಧ್ ವೆತಾ ಜಾಲ್ಲ್ಯಾನ್.''

''ಕಸಲ್ಯಾ ಜಿನ್ಸಾಚಿ ಯಶಸ್ವಿ ಡೊ| ಬ್ರ್ಯಾ೦ಡನ್?'' ಪರ್ತ್ಯಾನ್ ತೊ ಪೆರೆಜ್.
''ಆಮಿ೦ ವಿಫಲ್ ಜಾಲ್ಲೆ೦ ಲಿವರ್, ಆನಿ ಕಿಡ್ನಿ ಥೆರಪ್ಯೂಟಿಕ್ ಕ್ಲೋನಿ೦ಗಾವರ್ವಿ೦ ರಿಪೆರಿ ಕೆಲಾ೦.''
''ಆನಿ ಲ೦ಯ್ಗಿಕ್ ವಿಶ್ವೊ ಯಾ ಲ೦ಯ್ಗಿಕತಾ?'' ಪೆರೆಜ್ ಘಟ್ ರಾವ್ಲೊ.
''ತುಜ್ಯಾ ಪತ್ರಾ ತಸಲ್ಯಾ ಪತ್ರಾ೦ನಿ ಯೆ೦ವ್ಚಿ೦ ಬನಾವಟಿ ಜಾಯ್ರಾತಾ೦ ಮಾ೦ದ್ಚ್ಯಾ ಬದ್ಲಾಕ್ ಅಕ್ಕಲ್ ಆಸ್‌ಲ್ಲೆ ಹಾ೦ಗಾಸರ್ ಯೆ೦ವ್ಚೆ೦ ಪಸ೦ದ್ ಕರ್ತಾತ್!''
''Very well said!'' ಮ್ಹಣಾಲೊ ಪೆರೆಜ್.
''ತುಮ್ಚ್ಯಾ ಟ್ರೀಟ್‌ಮೆ೦ಟಾಚಿ ಯಶಸ್ವಿ ಪರಿಪೂರ್ಣ್ ರಿತಿರ್?''
''ನೊವೊದ್ ಠಕ್ಕೆ ಮ್ಹಣ್ ಹಾ೦ವೆ೦ ಮ್ಹಳೆ೦.''
''ತರ್ ಉರ್‌ಲ್ಲೆ ಪಾ೦ಚ್ ಠಕ್ಕೆ ಪೇಶೆ೦ಟ್ ಮೆಲೆ?''
''ಮಿ| ಕಾರ್ಲೊಸ್ ಪೆರೆಜ್,'' ಮ್ಹಣಾಲೊ ಡೊ| ಬ್ರ್ಯಾ೦ಡನ್. ''ನಾಯಶಸ್ವಿ ಮ್ಹಳ್ಯಾರ್ ಪೇಶೆ೦ಟ್ ಮೆಲೊ ಮ್ಹಳ್ಳೊ ಅರ್ಥ್ ನ್ಹಯ್.'' ತಾಣೆ ಟೆ೦ಪ್ಲರಾಕ್ ಎಕ್ ದೀಶ್ಟ್ ದಿಲಿ.
''ವಾ೦ಚ್ಲಾ ತರ್ ಕಸಲ್ಯಾ ಪರಿಗತಿ೦ತ್ ತೊ ಆಸಾ ಮ್ಹಳ್ಳೆ೦ಯಿ ಸವಾಲ್?''
''ತೆ೦ ತುಜೆ೦ ಸವಾಲ್ ಮಿ| ಪೆರೆಜ್!'' ಮ್ಹಣಾಲೊ ಡೊ| ಬ್ರ್ಯಾ೦ಡನ್. ''ಜಾಪ್ ತು೦ಚ್ ಸೊಧುನ್ ಕಾಡ್. ಹಾ೦ಗಾಸರ್ ಖ೦ಚೇಯಿ ಪೇಶೆ೦ಟ್ ಸ್ವಖುಶೇನ್ ಯೆತಾತ್ ಆನಿ ಆಮಿ೦ ತಾ೦ಚೆಲಾಗ್ಚೆ ಬೊ೦ಡ್ ಬರವ್ನ್ ಘೆತಾ೦ವ್.''
''ಹ್ಯಾ ಪೆಟ್ಯಾನ್‌ಯಿ ಬೊ೦ಡ್ ಬರವ್ನ್ ದಿಲಾ?''
ಡೊ| ಹೇಜಲ್ ಯೆಕಾಚಾಣೆ ಆಪ್ಲ್ಯಾ ಪಾ೦ಯಾರ್ ಉಭೆ೦ ಜಾಲೆ೦. ''ಮ್ಹಜೊ ಬ್ಲೊ೦ಡಿ ಎಕ್ ಪೆಟೊ ನ್ಹಯ್!'' ತೆ೦ ಖೆ೦ಚ್ಲೆ೦. ''ತೊ ಎಕ್ ಸುಣೆವಾಗಟ್ ಆನಿ ತಾಚೆ೦ ಕ್ಲೋನಿ೦ಗ್ ಎಕಾ ಬಾಯ್ಲ್ಯಾ ಗೋಲ್ಡನ್ ರಿಟ್ರೀವರ್ ಕೊಲ್ಗ್ಯಾಕ್ surrogate mother ಜಾವ್ನ್ ಘೆವ್ನ್ ಆಮಿ೦ ಕೆಲ್ಲೆ೦...''

''ಪುಣ್ ಬ್ಲೊ೦ಡಿಕ್ ಆವಯ್ಚಿ೦ ಲಕ್ಶಣಾ೦ ಕಶಿ೦ ಆಯ್ಲಿ೦?''
''ಹಾ! ಮಿ| ಕಾರ್ಲೊಸ್ ಪೆರೆಜ್,'' ಮ್ಹಣಾಲೆ೦ ಹೇಜಲ್. ''ಹೆ೦ ಸವಾಲ್ ತು೦ ವಿಚಾರ್ತೊಲೊಯ್ ಮ್ಹಣ್ ಹಾ೦ವ್ ಜಾಣಾ೦ ಆಸ್‌ಲ್ಲಿ೦. ಬ್ಲೊ೦ಡಿ ಜಲ್ಮಾತಾನಾ ಆಪ್ಲ್ಯಾ ಸುಣೆವಾಗಟ್ ಬಾಪಾಯ್‌ಪರಿ೦ಚ್ ಆಸ್‌ಲ್ಲೊ. ಪುಣ್ ತಾಚ್ಯಾ ಮಾನಸಿಕತೆ ಥಾವ್ನ್ ಆಮಿ೦ ಸುಣೆವಾಗಟಾಚಿ೦ ಸರ್ವ್ ಲಕ್ಶಣಾ೦ ಕಾಡ್ಲ್ಯಾ೦ತ್, ಸಾಸ್ಣಾಕ್ ಪುಸುನ್ ಕಾಡ್ಲ್ಯಾ೦ತ್. ಬ್ಲೊ೦ಡಿಕ್ ಪರಿಪೂರ್ಣ್ ಸಾದು ಆಮಿ೦ ಕೆಲಾ. ಬ್ಲೊ೦ಡಿಚಿ ಹಿ ಮಾನಸಿಕ್ ಸ್ಥಿತಿ ಆನಿ ಬ್ಲೊ೦ಡಿಕ್ ಆತಾ೦ ಆಸ್ಚಿ ಭಾ೦ಗ್ರಾಳಿ ಗೋಲ್ಡನ್ ರಿಟ್ರೀವರಾಚಿ ಲೊ೦ವ್ ಆಮ್ಚ್ಯಾ ಥೆರಪ್ಯೂಟಿಕ್ ಕ್ಲೊನಿ೦ಗಾಚೊ ಫಳ್...''
''ಮ್ಹಣ್ಜೆ?'' ಹೆ೦ ಸವಾಲ್ ಫಕತ್ ಪೆರೆಜಾಚೆ೦ ನ್ಹಯ್, ಸರ್ವ್ ಸಭಿಕಾ೦ಚೆ೦ ಮ್ಹಣ್ ಹೇಜಲ್ ಜಾಣಾ೦ ಆಸ್‌ಲ್ಲೆ೦.
''ಮ್ಹಣ್ಜೆ ಮ್ಹಜೊ ಬ್ಲೊ೦ಡಿ ಕೊಣಾಯ್ಚೆರ್‌ಯಿ ಹಮ್ಲೊ ಕರು೦ಕ್ ಶಕ್ತ್ ನ್ಹಯ್, ರಾಗಾರ್ ಜಾ೦ವ್ಕ್ ಶಕ್ತ್ ನ್ಹಯ್......Blondie is absolutely harmless. ಮ್ಹಣ್ಜೆ ಇತ್ಲೆ೦ಚ್‌ಕಿ ಕೊಣಾಯ್ಕಿ ಆವಯ್ಚ್ಯಾ ಗರ್ಭಾಕ್ ಪಾಟಿ೦ ಧಾಡಿನಾಸ್ತಾ೦ ತಾಚ್ಯಾ ಜೀವ್‌ಕಣಾ೦ಚೆ೦ ಪುನರ್‌ವೆವಸ್ಥಾಪನ್ ಕರುನ್ ತಾಕಾ ನವೊ ಜೀವ್.....''
''ಮ್ಹಾಕಾ ಸಮ್ಜಾಲ್ಲ್ಯಾ ಪ್ರಕಾರ್ ತುಮಿ೦ ಫಕತ್ ಬ್ಲೊ೦ಡಿಕ್ ಗೋಲ್ದನ್ ರಿಟ್ರೀವರಾಚ್ಯಾ ಲೊ೦ವೆ೦ಚೆ೦ ಮಾತ್ರ್ ಕ್ಲೊನಿ೦ಗ್ ಕೆಲೆ೦?''
''ವ್ಹಯ್. ಆನಿ ತಾಚ್ಯಾ ಮೆ೦ದ್ವಾಚಿ ಪುನರ್‌ವೆವಸ್ಥಾ ತಾಚ್ಯಾಚ್ ಮೆ೦ದ್ವಾಚ್ಯಾ ತಟಸ್ತ್ ಕಣಾ೦ಕ್ ವಾಪರ್ನ್ ಕೆಲಿ.''
''ಹೇಜಲ್!'' ಟೆ೦ಪ್ಲರ್ ಆನಿ ಬ್ರ್ಯಾ೦ಡನಾನ್ ಸಾಸಾ೦ಗಾತಾಚ್ ಉದ್ಗಾರ್ ಸೊಡ್ಲೊ. ''ಹೆ ಆಮ್ಚೆ ಭಿತರ್ಲೆ ಘುಟ್.'' ತೆ ಹೆರಾ೦ಕ್ ಆಯ್ಕಾನಾಶೆ೦ ಪುಸ್ಪುಸ್ಲೆ.
''ಸ್ಪಶ್ಟೀಕರಣಾ ಖಾತಿರ್ ಆನ್ಯೇಕ್ ಸವಾಲ್?'' ಆತಾ೦ ಖಚಿತಾಯೆನ್ ಉಬೊ ಜಾಲೊ ಪೆರೆಜ್. 
''ಹಾ೦ಗಾಸರ್ ಲೊ೦ವೆ೦ಚೆ೦ follical ಯಾ ಲೊ೦ವೆಮುಳಾಚೊ ಜೀವ್ ಕಣ್  ವಾಪರ್ಲಾ ಜಾವ್ಯೆತ್ ಆನಿ ಮೆ೦ದ್ವಾಚ್ಯಾ ರಿಸೆಟ್ಟಿ೦ಗಾಕ್ ತಟಸ್ತ್ ಆಸ್ಚೆ ಮೆ೦ದ್ವಾಕಣ್. ಮ್ಹಜೆ೦ ಸವಾಲ್ ಹೆ೦ ಕಿ ಮೆ೦ದ್ವಾಚ್ಯಾ ಕಣಾ೦ಚೊ stem culture ಕರುನ್ ಎಕ್ಲ್ಯಾಚೊ, ಮನ್ಶಾಚೊ,  ಜಿನೊಸ್ ಬದ್ಲು೦ಕ್ ಜಾತಾ? ಯಾ, ಗಾವ್ಪ್ಯಾಚೊ ತಾಳೊ ನಾತ್‌ಲ್ಲ್ಯಾ ಎಕ್ಲ್ಯಾಕ್ ಗಾವ್ಪ್ಯಾಚೊ ತಾಳೊ ದೀ೦ವ್ಕ್ ಜಾತಾ? ಮೊಗಾಳ್ ಮನ್ಶಾಕ್ ರಾಗಿಶ್ಟ್ ಕರು೦ಕ್ ಜಾತಾ? ಮ್ಹಾಕಾ, ಸದ್ದಾಮ್ ಕರು೦ಕ್ ಜಾತಾ, ಖ್ಹೊಮೆನಿ ಕರು೦ಕ್ ಜಾತಾ? ಪಾಲೆಸ್ತಿನಿ ಕಮಾ೦ಡೊ ಸ್ತ್ರೀ ಲೈಲಾ ಜಾಫರಾಕ್ ಮದರ್ ತೆರೆಜಾ ಕರು೦ಕ್ ಜಾತಾ? ಮದರ್ ತೆರೆಜಾ ತಸಲ್ಯಾ ದಯಾಳ್‌ಸಾಗೊರಾಕ್ ಭಾರತಾ೦ತ್ಲಿ  ಫೂಲನ್ ದೇವಿ ಕರು೦ಕ್ ಜಾತಾ?'' ಪೆರೆಜಾಚೊ ತಾಳೊ ವ್ಹಡ್ ಜಾಯಿತ್ತ್ ಯೆತಾಲೊ.

''ರಾಯೆಲಾನ್ ಸಾ೦ಗ್ಚ್ಯಾ ಪ್ರಕಾರ್ ಅಶೆ೦ ಕರು೦ಕ್ ಸಾದ್ಯ್ ಆಸಾ!'' ಮ್ಹಣಾಲೊ, ಪ್ರೊಫೆಸರ್ ಟೆ೦ಪ್ಲರ್ ಜೋಶ್ವಾ ಪಯ್ಲ್ಯೆ ಪಾವ್ಟಿ೦ ಸಕ್ರೀಯ್ ರಿತಿರ್ ಉಲವ್ನ್. ''ತಾಣೆ ಮ್ಹಣ್ಚ್ಯಾ ಪ್ರಕಾರ್ ಪರಿಪಿಕಾಯೆಕ್ ಪಾವ್‌ಲ್ಲ್ಯಾ ಜೀವಿಚೆರ್ ಅಸಲೆ೦ ಕ್ಲೊನಿ೦ಗ್ ಕೆಲ್ಯಾ ಉಪ್ರಾ೦ತ್ ತೊ ಎಕಾ ಬರ್‍ಯಾ ನಿದೆ೦ತ್ಲೊ ಉಟ್‌ಲ್ಲೆಪರಿ೦ ಉಟ್ತೊಲೊ; ಕ್ಲೊನಿ೦ಗಾಚೊ ಪರಿಣಾಮ್ ಜಾವ್ನ್ ತಾಚೆ ಥ೦ಯ್ ನವ್ಯೊ ಸವ್ಲತಾಯೊ ಆಸ್ತೊಲ್ಯೊ, ಮಾನಸಿಕ್ ದೆಣಿ೦ ಆಸ್ತೆಲಿ೦. ಕೋಣ್ ಜಾಣಾ೦, ತೊ ಕಾ೦ಯ್ ಜಿಮ್ ರೀವ್ಸಾಪರಿ೦ ಗಾ೦ವ್ಕ್‌ಯಿ ಸಕ್ತೊಲೊ?'' ಆಪ್ಲ್ಯಾ ಫೊಕಣಾಚೆರ್ ತೊ ಖುದ್ದ್ ಹಾಸ್ಲೊ. ''ರಾಯೆಲಾಚೆ೦ ಸ್ಟೇಟ್‌ಮೆ೦ಟ್ ಆಸಾ ತಶೆ೦ ಹಾ೦ವ್ ವಾಚ್ತಾ೦,'' ತೊ ಮ್ಹಣಾಲೊ ಮೆಜಾವಯ್ಲಿ ಎಕ್ ಫೊಲಿ ವಿ೦ಚುನ್. ''Next step to the successful replication of a human will be to directly clone an adult person without having to go through the process and to transfer memory and personality in this person. The person will wake up after 'death'' in a brand new body just like after a good night's sleep. Since the person will remember all his past he will keep on accumulating knowledge one 'birth' after another for eternity.''

''ತರ್ ಬ್ಲೊ೦ಡಿಚಿ ಲೊ೦ವ್ ಬದ್ಲು೦ಕ್ ಸಕ್‌ಲ್ಲ್ಯಾ, ತಾಕಾ 'ಬೊಕ್ರೊ' ಕರು೦ಕ್ ಸಕ್‌ಲ್ಲ್ಯಾ ತುಮ್ಕಾ೦ ತಾಣೆ ಉಲಯ್ಶೆ೦ ಕರ್ಚಿ ಶಾಥಿಯಿ ಆಸಾ ಮ್ಹಣ್ ಹಾ೦ವ್ ಸಮ್ಜು೦?''

ಹೆ೦ ಸವಾಲ್ ಆಯ್ಕೊನ್ ಹೇಜಲಾಚ್ಯಾ ಆ೦ಗಾ೦ತ್ಲ್ಯಾನ್ ಎಕ್ ಶಿರ್ಶಿರೊ ಧಾ೦ವ್ಲೊ. ಹೊ ಪೆರೆಜ್ ಆಪ್ಲಿ೦ ಸವಲಾ೦ ವಾರ್‍ಯಾಥಾವ್ನ್ ವಿ೦ಚಿನಾತ್‌ಲ್ಲೊ. ತಾಕಾ ಕಸಲೊಗಿ ಸುಲುಸ್ ಮೆಳ್‌ಲ್ಲೊ ಯಾ ಸೆ೦ಟರಾ೦ತ್ಲೊ ಘುಟ್ ಕೋಣ್‌ಗಿ ಭಾಯ್ರ್ ದಿತಾಲೊ/ದಿತಾಲೆ೦. ಸುಮಾರ್ ಶೆ೦ಬರಾಲಾಗಿ೦ ವಿಗ್ಯಾನಿ ಆನಿ ತಾ೦ಚೆ ಸಹಯಕ್/ಸಹಯಕಾ೦ ಸೆ೦ಟರಾ೦ತ್ ಆಸ್ತಾನಾ ಕೊಣಾಚೆರ್ ಮ್ಹಣ್ ದುಬಾವ್ ಕರ್ಚೊ?
ಬ್ರ್ಯಾ೦ಡನಾಚೊ? ಪ್ರೊಫೆಸರಾಚೊ?
ಪುಣ್ ಕಿತ್ಯಾಕ್?
ಬ್ಲೊ೦ಡಿ ಉಲ೦ವ್ಕ್ ಸಕ್ತೊಲೊ?
ಹೇಜಲಾಚೆ೦ ಆ೦ಗ್ ಪರ್ತ್ಯಾನ್ ಕಾ೦ಪ್ಲೆ೦.

''ಮ್ಹಾಕಾ ಜಾಪ್ ದಿ, ಡೊ| ಹೇಜಲ್?'' ಆತಾ೦ ಪೆರೆಜಾಚೊ ತಾಳೊ ಗಡ್ ಮಿರ್ವಾಲ್ಲೊ.

ಉಪ್ರಾ೦ತ್ ಥ೦ಯ್ಸರ್ ಘಡ್‌ಲ್ಲ್ಯಾಕ್ ಕೋಣ್‌ಯಿ ತಯಾರ್ ನಾತ್‌ಲ್ಲಿ೦.

Tags:  Blondie, Cloning Horror Story, Edwin JF Dsouza, Konkani, Mangalore, Mangalorean, Mother Tongue

5 Comment/s.

  1. Sharmila Pinto, Sharjah
    Waw... i am waiting for such a thriller story from renowned writer like Edwinbaab. Really eager to read next episode.
  2. Jason Rodrigues, Mangalore
    ವಾಚುನ್ ಭಾರಿ ಖುಶಿ ಜಾಲಿ. ಫುಡ್ಲ್ಯಾ ಅಂಕ್ಯಾಕ್ ರಾಕೊನ್ ಆಸಾ. ಮ್ಹಾಕಾ ಹೊರರ್ ಕಾಣ್ಯೊ ಬೋವ್ ಪಸಂದ್. ಲೇಖಕಾಕ್ ಬೊರೆಂ ಮಾಗ್ತಾಂ.
  3. Cynthia Nazreth, Dubai
    Hi, wanted to read the story fully at one time. Please publish it. Nice thriller.
  4. Sursh Pinto, Kuwait
    Hi, my name is Suresh. Regular reader of maibhaas. Nice to read Edwin sir's Blondie. Very nicely written. Great writer and wonderful imagination.
  5. Fathima Dsilva, Vasai
    ವಾಚುಂಕ್ ಬೊರಿ ಜಾತಾಲಿ. ಬೊರೆಂ ಕರ್ನ್ ಥ್ರಿಲ್ಲರ್ ರುಪಾರ್ ಬರಯ್ಲ್ಯಾ ಲೇಖಕಾಕ್ ದೇವ್ ಬರೆಂ ಕರುಂ.

Post your comments

Your email address will not be published. Required fields are marked *

Konkani English
Name  : 
Email  : 
Place  : 
Mobile  : 
I Am Human  : 
   Message :


Connect

Maibhaas

Within a short span of time, www.maibhaas.com made a niche in the hearts of Konkani readers with its clean reading, attracting design in Konkani media. www.maibhaas.com, a dream child of Naveen Sequeira Brahmavar, has able to create its impact and wonders from the day of its inception in Konkani world. As each day passing www.maibhaas.com is growing as a strong pillar of Konkani media.

Our Address
Mangalore

Contact Person :
Mr. Praveen Tauro

 Email : praveen@maibhaas.com

 Phone : +91 99 80 184340

 Address :
          Daijiworld.com,
          Airport Road,
          opp. Bondel Church,
          Mangalore - 575 008
          Karnataka - India

Our Address
Udupi

Contact Person :
Mr. Joel D'almeida

 Email : joel@maibhaas.com

 Phone : +91 90 08 855392

 Address :
          Eventz Redefined,
          Next to Vijaya Bank,
          Holy Family Complex
          1st Floor, NH -66
          Brahmavara - 576213

Our Address
Dubai

Contact Person :
Mr. Naveen Sequeira

 Email : editor@maibhaas.com

 Phone : +97 150 755 4105

 Address :
          Master Mind IT Solutions,
          UBL Building,
          #402, 4th Floor
          Bank Street - Bur Dubai
          Dubai - UAE