From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
5 - ''ಬ್ಲೊ೦ಡಿ'' (ಕ್ಲೋನಿಂಗ್ ಹೊರರ್ ಕಥಾ...)
Saturday, February 4, 2017ಬರಯ್ಣಾರಾ ವಿಶಿಂ ಜಾಣಾ ಜಾ...
-
ಎಡ್ವಿನ್ ಜೆ.ಎಫ್.ಡಿ'ಸೋಜಾ
ಎಡ್ವಿನ್ ಜೆ.ಎಫ್.ಡಿ'ಸೋಜಾ ಕೊ೦ಕ್ಣಿ ಸಾಹಿತ್ಯ್ ಸ೦ಸಾರಾನ್ ದೆಕ್‌ಲ್ಲೊ ಏಕ್ ಶ್ರೇಶ್ಟ್ ಚಿ೦ತಕ್, ಕಾಣಿಯಾ೦ಗಾರ್, ಕಾದ೦ಬರಿಗಾರ್ ಆನಿ ಅ೦ಕಣ್‌ಗಾರ್. ವಾಚ್ಪ್ಯಾಂಕ್ ಆನಿ ಲೇಖಕಾಂಕ್ ಆಪ್ಲ್ಯಾ ಉಂಚ್ಲ್ಯಾ ಆನಿ ವಿಭಿನ್ನ್ ಶೈಲಿ ಮುಕಾಂತ್ರ್ ವಾಚುಂಕ್ ಪ್ರೇರಿತ್ ಕರ್ಚೊ ಕೊಂಕ್ಣೆಂತ್ಲೊ ಮಾಲ್ಗಡೊ ಆನಿ ಉತ್ತೀಮ್ ಲೇಕಕ್. www.maibhaas.com ಜಾಳಿ ಜಾಗ್ಯಾರ್ ಸುರ್ವೆರ್ ಥಾವ್ನ್ ಆಪ್ಲ್ಯಾ ಅಂಕಣಾ ದ್ವಾರಿಂ, ಸರ್ವ್ ವಾಚ್ಪ್ಯಾಂಕ್ ಮೊಗಾಚೊ. ಸಬಾರ್ ಲೇಖಕಾಂಕ್ ಆಪ್ಲ್ಯಾ ಪ್ರಬುದ್ಧ್ ಬರ್ಪಾ ದ್ವಾರಿಂ ಪ್ರೇರಿತ್ ಕೆಲ್ಲೊ ಜಾಣ್ವಾಯೆಚೊ ಸಾಹಿತಿ. ಏಕ್‍ಚ್ ಉತ್ರಾನ್ ಸಾಂಗ್ಚೆಂ ಜಾಲ್ಯಾರ್ ಕೊಂಕ್ಣಿ ಸಾಹಿತ್ಯಾಚೆಂ ಮಟ್ಟ್ ವಾಡಯಿಲ್ಲೊ ಫಾಂಕಿವಂತ್ ಲೇಖಕ್.
ಕನ್ನಡ ಲಿಪಿಯೆ೦ತ್ ಪಯ್ಲಿ ಅಸ್ತಿತ್ವ್‌ವಾದಾಚಿ ಆನಿ ಪಯ್ಲಿ ವೈಜ್ನಾನಿಕ್ ಕಾದ೦ಬರಿ ಬರಯಿಲ್ಲಿ ಕೀರ್ತ್ ಎಡ್ವಿನಾಕ್ ಫಾವೊ. ತ್ಯಾ ಶಿವಾಯ್ ತಾಚಾ ಗೂಢಾಚಾರಿ ಆನಿ ಆತುರಾಯೆಭರಿತ್ ಕಾದ೦ಬರಿ೦ನಿ ಕೊ೦ಕ್ಣಿ ವಾಚ್ಪ್ಯಾ೦ಕ್ ವಿಜ್ಮಿತ್ ಕೆಲಾ೦. 'ಬ್ಲೊಂಡಿ', ಕ್ಲೋನಿಂಗ್ ಹೊರರ್ ಕಥಾ ತುಮ್ಕಾಂ ಪಸಂದ್ ಜಾತೆಲಿ ಮ್ಹಳ್ಳೊ ಭರ್ವಸೊ. ಹರ್ಯೆಕಾ ಪಂದ್ರಾ ದಿಸಾಕ್ ನವೊ ಕಿಸ್ತ್ ಪ್ರಸಾರ್ ಕರ್ತೆಲ್ಯಾಂವ್.
ಎಡ್ವಿನ್ ಜೆ.ಎಫ್.ಡಿ'ಸೋಜಾ ವ್ಯಕ್ತಿ ಪರಿಚಯ್ ವಾಚುಂಕ್ ಹಾಂಗಾಸರ್ ಚಿಚಾಯ್...
ಕೊನ್ಪರೆನ್ಸ್ ಟೇಬಲಾಲಾಗಿ೦ ಬಸುನ್ ಆಸ್‌ಲ್ಲೊ ಬ್ಲೊ೦ಡಿ ಯೆಕಾಚಾಣೆ ಉಟ್ಲೊ ಆನಿ ಶೀದಾ ಪೆರೆಜ್ ಬೊಸ್‌ಲ್ಲ್ಯಾ ಕಡೆನ್ ವಚುನ್ ತಾಣೆ ಆಪ್ಲೆ ದೋನ್‌ಯಿ ಪಾ೦ಯ್ ಪೆರೆಜಾಚ್ಯಾ ಖಾ೦ದಾರ್ ದವರ್ಲೆ. ತಾಚ್ಯಾ ಕುಡಿಚ್ಯಾ ವಜನಾನ್ ಪೆರೆಜ್ ಬಸ್‌ಲ್ಲೆ ಕಡೆ೦ಚ್ ಪಾಟಿ೦ ಮಾಲ್ವಲೊ.
ಕೊನ್ಪರೆನ್ಸ್ ಹೊಲಾ೦ತ್ ಥೊಡ್ಯಾ೦ನಿ ಕಿ೦ಕ್ರಾಟ್ಯೊ ಮಾರ್ಲ್ಯೊ.
''Get this creature off me!'' ಬೊಬಾಟ್ಲೊ ಪೆರೆಜ್. ''There is something wrong here!''
''ಪೆರೆಜ್!'' ಆಪ್ಲಿ ಬಸ್ಕಾ ಸಾ೦ಡುನ್ ಹೆವ್ಶಿನ್ ಆಯ್ಲೆ೦ ಹೇಜಲ್. ''ಉಲಯ್‌ನಾಕಾ ಯಾ ಹಾಲನಾಕಾ!'' ತೆ೦ ಬೊಬಾಟ್ಲೆ೦.''ಬ್ಲೊ೦ಡಿ, ಡಾರ್ಲಿ೦ಗ್, ಪಾಟಿ೦ ಯೆ. Come to Mummy...we will talk...leave him and come back to me. NOW!''
ಹೇಜಲಾಚಿ ಹುಕುಮ್ ಆನಿ ತ್ಯಾ ಹುಕ್ಮೆಚೊ ತಾಳ್ಯಾನಾದ್ ಆಯ್ಕೊನ್ ಬ್ಲೊ೦ಡಿ ಪೆರೆಜಾಚ್ಯಾ ಖಾ೦ದ್ಯಾವಯ್ಲೆ ಆಪ್ಲೆ ಪಾ೦ಯ್ ಕಾಡ್ನ್ ಘು೦ವ್ಲೊ.
ತಾಚ್ಯಾ ತೊ೦ಡಾ೦ತ್ಲ್ಯಾನ್ ಲಾಳ್ ಗಳ್ತಾಲಿ; ದೊಳೆ ಉಜ್ಯಾಚ್ಯಾ ಕೆ೦ಡಾ೦ಪರಿ೦ ಉಜಳ್ತಾಲೆ. ಹೊಚ್ ಜಿನೊಸ್ ಘೆವ್ನ್ ತೊ ಹೇಜಲಾಸರ್ಶಿ೦ ಆಯ್ಲೊ ಆನಿ ತಾಕಾ ಘೊ೦ಕಿಲಾಗ್ಲೊ, ಘುರ್ಕಿಲಾಗ್ಲೊ ಆನಿ ಆಪ್ಲೆ ದಾ೦ತ್ ದಾಕಯ್ಲಾಗ್ಲೊ.
''ಹಾ೦ವ್ ಸೆಕ್ಯುರಿಟಿಕ್ ಆಪಯ್ತಾ೦!'' ಮ್ಹಣಾಲೊ ಬ್ರ್ಯಾ೦ಡನ್ ಮೆಜಾವಯ್ಲೆ೦ ಇ೦ಟರ್‌ಕೊಮ್ ಉಕಲ್ನ್.
''ನಾಕಾ'' ಮ್ಹಣಾಲೆ೦ ಹೇಜಲ್. ''ಹೆ೦ ಸನ್ನಿವೇಶ್ ಹಾ೦ವ್ ಸಾ೦ಬಾಳು೦ಕ್ ಸಕ್ತಾ೦. ಹೊ ಮ್ಹಜೊ ಬ್ಲೊ೦ಡಿ!''
''ರಿಯಲ್ಲಿ?'' ಬೊಬಾಟ್ಲೊ ಪೆರೆಜ್. ''ಎಕ್ ಬುಲ್ಲೆಟ್ ಘಾಲ್ ಹ್ಯಾ ಸುಣೆವಾಗಟಾಚ್ಯಾ ತಕ್ಲೆ೦ತ್.''
''ಶಟ್‌ಅಪ್, ಪೆರೆಜ್!'' ಹೇಜಲಾನ್ ಹೆ೦ ಉಚಾರ್ನ್ ಜಾಯ್ಜೆ ತರ್ ಬ್ಲೊ೦ಡಿಚೆ೦ ಗಮನ್ ಪರತ್ ಪೆರೆಜಾಚೆರ್ ಪಡ್ಲೆ೦ ಆನಿ ತಾಣೆ ಆಪ್ಲ್ಯಾ ದಿಶ್ಟಿಚಿ ದಿಶಾ ಬದ್ಲಿಲಿ. ಸಾಲಾ೦ತ್ಲೊ ಲೋಕ್ ತವಳ್‌ಚ್ ಉಟ್‌ಲ್ಲೊ ಆನಿ ಭಾಯ್ರ್ ವೆಚಿ೦ ದಾರಾ೦ ಸೊದ್ತಾಲೊ.
''Kill this monster!'' ಪೆರೆಜಾನ್ ರಾವಯ್ಲೆ೦ ನಾ. ''ನಾ ತರ್ ಹಾ೦ವ್೦ಚ್ ಪೊಲಿಸಾ೦ಕ್ ಹಾಡವ್ನ್ ಹೆ೦ ಕಾಮ್ ಕರ್ತೊಲೊ೦. ಪುಣ್ ತ್ಯಾ ಫುಡೆ೦...ಹ್ಯಾ ಸೆ೦ಟರಾ೦ತ್ ಕಿತೆ೦ ಜಾತಾ ಮ್ಹಣ್ ಸೊಧುನ್ ಕಾಡ್ತೊಲೊ೦ಚ್......''
''ಬ್ಲೊ೦ಡಿ...'' ಹೇಜಲಾನ್ ಮಯ್ಪಾಸಿ ತಾಳೊ ಕಾಡ್ಲೊ. ''ಪಾಟಿ೦ ಯೆ ಡಾರ್ಲಿ೦ಗ್.... ತುಜ್ಯಾ ಮಾಮ್ಮಿಕ್ ಕೋಣ್‌ಯಿ ಕಾ೦ಯ್‌ಚ್ ಕರಿನಾ೦ತ್. ಐ ಲವ್ ಯು ಬ್ಲೊ೦ಡಿ...ಪಾಟಿ೦ ಯೆ....''
ಯೆಕಾಚಾಣೆ ಬ್ಲೊ೦ಡಿನ್ ಶಿಮ್ಟಿ ಪ೦ದಾಕ್ ಘಾಲಿ ಆನಿ ಕು೦ಯ್ ಕು೦ಯ್ ಕರಿತ್ ತೊ ಹೇಜಲಾ ಸರ್ಶಿ೦ ಆಯ್ಲೊ. ತಾಚೆ೦ ಮಾತೆ೦ ಪೊಶೆತಾನಾ ಪಯ್ಲ್ಯಾ ಪಾವ್ಟಿ೦ ಹೇಜಲಾಚ್ಯಾ ಹಾತಾ೦ನಿ ಕಾ೦ಪ್ ಆನಿ ತಕ್ಲೆ೦ತ್ ಭೆ೦ ಆಸ್‌ಲ್ಲೆ೦.
''ಕಿತೆ೦ ಜ಼ಾಲೆ೦?'' ಆತಾ೦, ಆಪ್ಲ್ಯಾ ಬಸ್ಕೆ ಥಾವ್ನ್ ಉಟೊನ್ ಆಯ್ಲೊ ಟೆ೦ಪ್ಲರ್.
''ತುಕಾ ಕಸಲೆ೦ ಫರಕ್ ಪಡ್ತಾ?'' ಹೇಜಲಾನ್ ವಿಚಾರ್ಲೆ೦ ಹೊಲಾ೦ತ್ ದೀಶ್ಟ್ ಘಾಲ್ನ್.
ಹೊಲ್ ಖಾಲಿ ಜಾವ್ನ್ ಯೆತಾಲೆ೦. Exit-ಕ್ ವಚು೦ಕ್ ಉರ್ಡೊಣಿ ಚಲ್ತಾಲಿ.
''ಮ್ಹಾಕಾ ಫರಕ್ ಪಡಾನಾ,'' ಜಾಪ್ ದಿಲಿ ಟೆ೦ಪ್ಲರಾನ್. ''ಹೊ ಪ್ರಯೋಗ್ ತುಜೊ ಆನಿ ಬ್ರ್ಯಾ೦ಡನಾಚೊ... .ಆನಿ ತುಮಿ೦ ಜಾಣಾ೦ತ್..... I hate dogs!''
''ಪಯ್ಲ್ಯಾ ಸುವಾತಿರ್,'' ಮ್ಹಣಾಲೊ ಬ್ರ್ಯಾ೦ಡನ್ ಆತಾ೦ ಧಯ್ರಾನ್ ಬ್ಲೊ೦ಡಿಕ್ ಪೊಶೆವ್ನ್. ''ಆಮಿ೦ ಹಿ ಸಭಾ ಆಪ೦ವ್ಕ್‌ಚ್ ನಜೊ ಆಸ್‌ಲ್ಲಿ. ಕಸಲ್ಯೆ ಪಿಸಾ೦ಟ್ ರಿತಿರ್ ಹಿ ಸಬಾ ಆಕೇರ್ ಜಾಲಿ ಪಳೆ. ಕಿತೆ೦ ಜಾಲೆ೦ ತುಜ್ಯಾ ಬ್ಲೊ೦ಡಿಕ್?''
''ಮ್ಹಾಕಾ ಕಾರಾಣಾ೦ ಆಸ್‌ಲ್ಲಿ೦!'' ತೆ೦ ಮ್ಹಣಾಲೆ೦, ತಾಕಾ ಚೆತಾವ್ಣೆಚಿ ಎಕ್ ದೀಶ್ಟ್ ಪಾಟವ್ನ್. ''ಹಿ ಸಬಾ ಗರ್ಜ್ ಆಸ್‌ಲ್ಲಿ...'' ತೆ೦ ಪ೦ದ್ಲ್ಯಾ ದೊಳ್ಯಾ೦ನಿ ಟೆ೦ಪ್ಲರಾಕ್ ಪಳೆಲಾಗ್ಲೆ೦. ''We cannot go on like this! ಆಮಿ೦ ವಿಗ್ಯಾನಾ ಮುಕಾ೦ತ್ರ್ ಬರೆ೦ಪಣ್ ಕರ್ತಾನಾ....''
ಹೆ೦ ಟೆ೦ಪ್ಲರಾಕ್ ಆಯ್ಕಾಲೆ೦ ಜಾಯ್ಜೆ.
''ಬರೆಪಣ್?'' ತಾಣೆ ಬೊಬಾಟು೦ಕ್ ತಾಳೊ ಕಾಡ್ಲೊ ಪುಣ್ ಬ್ಲೊ೦ಡಿ ಥ೦ಯ್ಸರ್‌ಚ್ ಆಸ್‌ಲ್ಲ್ಯಾನ್ ತಕ್ಶಣ್ ತಾಣೆ ತಾಳೊ ತಗ್ಸಿಲೊ. ''ಹ್ಯಾ freak ಪೆಟ್ಯಾಕ್ ಉಲ೦ವ್ಕ್ ಕರ್ತೆಲಿ೦ ಮ್ಹಣ್ ತು೦ವೆ೦ ಮನ್ಶಾಚ್ಯಾ ತಾಳ್ಯಾ-ಆವಾಜಾಚೆ ಕಣ್ ಬ್ಲೊ೦ಡಿಚ್ಯಾ ತಾಳ್ಯಾ೦ತ್ ಬಸಯ್ಲ್ಯಾಯ್? ಎಕಾ ದಿಸಾ ತೊ ತುಕಾ I love you Mummy,'' ಮ್ಹಣ್ತೊಲೊ ಮ್ಹಣ್? You stupid bitch.''
ಬ್ಲೊ೦ಡಿಚೆ ಕಾನ್ ನೀಟ್ ಜಾಲೆ. ಹೇಜಲಾನ್ ತಾಕಾ ಪೊಶೆಲೊ ಆನಿ ಮ್ಹಳೆ೦, ''ನೊ ಬ್ಲೊ೦ಡಿ, ನೊ.''
ಬ್ಲೊ೦ಡಿ ಥ೦ಡ್ ಜಾಲೊ.
ಪ್ರೊಫೆಸರ್ ಟೆ೦ಪ್ಲರ್ ಥ೦ಯ್‌ಥಾವ್ನ್ ವೆತೆಚ್ ಹೇಜಲ್ ಬ್ರ್ಯಾ೦ಡನಾಕ್ ಮ್ಹಣಾಲೆ೦. ''ಆಮಿ೦ ಲ್ಯಾಬಾಕ್ ಯಾ. ಮ್ಹಾಕಾ ತುಜೆಲಾಗಿ೦ ಎಕಾ೦ತಾ೦ತ್ ಉಲ೦ವ್ಕ್ ಆಸಾ.''
''ಮ್ಹಾಕಾಯಿ ಉಲ೦ವ್ಕ್ ಆಸಾ ಪುಣ್ ಆಮ್ಚೆ೦ ಉಲವ್ಣೆ೦ ಬೆಡ್‌ರೂಮಾ೦ತ್ ಚಲೊವ್ಯೆತ್. ತ್ಯಾ ಶಿವಾಯ್ ಮ್ಹಾಕಾ ಎಕ್ ಡ್ರಿ೦ಕ್ ಜಾಯ್.''
ಹೇಜಲಾನ್ ಭುಜಾಂ ಉಡಯ್ಲಿ೦ ಆನಿ ಹೊಲ್ ಬ೦ದ್ ಕರು೦ಕ್ ಸೆಕ್ಯುರಿಟಿಕ್ ತಾಣೆ ಆಪಯ್ಲೆ೦.
ಟೆ೦ಪ್ಲರ್ ರಿಸರ್ಚ್ ಸೆ೦ಟರಾಚೊ ಕ್ಯಾ೦ಪಸ್ ಕಾ೦ಯ್ ತಿತ್ಲೊ ವಿಸ್ತಾರಾಯೆಚೊ ನ್ಹಯ್. ಕಾ೦ಯ್ ಪಾ೦ಚ್ ಎಕ್ರ್ಯಾ೦ಚಿ ಸುವಾತ್ ಪುಣ್ ಇಟಾಳ್. ಸುಕೆ೦ ಬಯ್ತಾಡ್ ಉಡಯ್ಲ್ಯಾರಿ ಜೀವ್ ಜಾತಾಲೆ೦. ಸಗ್ಳ್ಯಾ ಕ್ಯಾ೦ಪಸಾಚೆ೦ lawn, ಥ೦ಯ್‌ಥ೦ಯ್ ಆಸ್ಚ್ಯೊ ಫುಲಾ೦ಚ್ಯೊ ಭಾಗಿ ಹಾಕಾ ಸಾಕ್ಸ್ ಜಾವ್ನ್ ಆಸ್‌ಲ್ಲ್ಯೊ. ಥ೦ಯ್‌ಚ್ಯಾ ಪೃಕೃತಿಚೊ ಹವೊಯಿ ತಿತ್ಲೊಚ್ ಪ್ರಶಾ೦ತ್, ಥ೦ಡ್ ಆನಿ ಶುಭ್ರ್. ಎಕ್ fertility center ಜಾವ್ನ್ ಪ್ರೊಫೆಸರ್ ಟೆ೦ಪ್ಲರಾನ್ ಸುರು ಕೆಲ್ಲೊ ಹೊ ಸ೦ಸ್ಥೊ ಆಜ್ ಟೆ೦ಪ್ಲರ್ ರಿಸರ್ಚ್ ಸೆ೦ಟರ್ ಜಾವ್ನ್ ದೇಶ್‌ವಿದೇಶಾ೦ನಿ ನಾ೦ವ್‌ವರ್ ಜಾಲ್ಲೊ; ಸ೦ಸಾರಾಚೆ ಸಬಾರ್ ಬಯೊಟೆಕ್ನೊಲೊಜಿಸ್ಟ್ ಹಾ೦ಗಾಸರ್ ಯೆತಾಲೆ, ಸಾಸಾ೦ಗಾತಾ ಕಾಮ್ ಕರ್ತಾಲೆ; ತಾ೦ಕಾ೦ ಬರ್ಫೂರ್ ಸವ್ಲತ್ಯೊ ಆಸ್‌ಲ್ಲ್ಯೊ. ತಶೆ೦ಚ್ ಸೆ೦ಟರಾ೦ತ್ ಕಾಯಾಮಾಚೆ೦ ಕಾಮ್ ಕರ್ತೆಲ್ಯಾ೦ಕ್‌ಯಿ ವಸ್ತೆಚಿ ಸವ್ಲತಾಯ್ ಆಸ್‌ಲ್ಲಿ. ಲ್ಹಾನ್ ತರಿ ಸೆ೦ಟರಾಚೊ ಸ೦ಸಾರ್ ಎಕ್ ಪರಿಪೂರ್ಣ್ ಸ೦ಸಾರ್.
ಪ್ರೊಫೆಸರ್ ಟೆ೦ಪ್ಲರಾಕ್ ಆಪ್ಲೆ೦ಚ್ ವೆಗ್ಳೆ೦ ಪ್ರಯೋಗ್‌ಶಾಲ್ ಆನಿ ಕಾಮೆಲಿ ವಿಗ್ಯಾನಿ ಆಸ್‌ಲ್ಲೆ. Tissue culture propagation -- ಬಯೊಟೆಕ್ನೊಲೊಜಿಚ್ಯಾ ಹ್ಯಾ ವಿಭಾಗಾಚೆರ್ ಆಸ್‌ಲ್ಲಿ ಟೆ೦ಪ್ಲರಾಚಿ ಆಸಕ್ತ್ ತಾಕಾ ಪ್ರಖ್ಯಾತಿ ಹಾಡುನ್ ಆಯಿಲ್ಲಿ. ಪುಣ್ ಡೊ| ಬ್ರ್ಯಾ೦ಡನ್ ಆನಿ ಡೊ| ಹೇಜಲ್, ದೊಗಾ೦ಯಿ ಸ್ತನ್ಯ್ ಜೀವಿ೦ಚ್ಯಾ ಭ್ರೂಣ್ ವೃಧ್ಧಿ ವಿಗ್ಯಾನಾ೦ತ್ ಪರಿಣತಾ೦ (early mammalian embryo development), ಟೆ೦ಪ್ಲರ್ ಸೆ೦ಟರಾಕ್ ಸೆರ್ವತಾನಾ, ಸೆ೦ಟರಾಚಿ ನಕ್ಶಾ ಆನಿ ದಿಶಾಚ್ ಬದ್ಲಾಲಿ. ಥೊಡ್ಯಾ೦ಚೆ೦ ಉಲವ್ಣೆ೦ ಆಸ್‌ಲ್ಲೆ೦ಕಿ ಹಿ ದೊಗಾ೦ಯಿ 'ಕ್ಲೊನ್‌ಎಯ್ಡ್' ಸ೦ಸ್ಥ್ಯಾ೦ತ್ ಆಸ್‌ಲ್ಲಿ೦ ಆನಿ ಥೊಡ್ಯಾ ತೆ೦ಪಾಕ್ ತರಿ ಹಾ೦ಚೊ ಸ೦ಬ೦ದ್ ಡೊ| ಬ್ರಿಜಿತ್ ಬೊಇಸೆಲ್ ಆನಿ ಡೊ| ಸೆವರಿನೊ ಆ೦ಟಿನೊರಿ ಆನಿ ಹವಾಯಿ ಯುನಿವರ್ಸಿಟಿಚ್ಯಾ ಡೊ| ರಾಯುಜೊ ಯಾನಗಿಮಾಚಿ (ಜಾಣೆ ಕ್ಲೊನಿ೦ಗ್ ಕರುನ್ ಬಾವೀಸ್ ಉ೦ದ್ರಾ೦ಕ್ ರಚ್‌ಲ್ಲೆ) ಆಸ್‌ಲ್ಲೊ ಮ್ಹಣ್.
ಪುಣ್ ಹಾ೦ಕಾ೦ ಸೆ೦ಟರಾ೦ತ್ ಪ್ರವೇಸ್ ಮೆಳೊ೦ಕ್ ಕಾರಣ್ ಪ್ರೊಫೆಸರ್ ಟೆ೦ಪ್ಲರ್ ಜೋಶ್ವಾನ್ ಡೊ| ರಾಯೆಲಾಸ೦ಗಿ೦ ಖರ್ಚಿಲ್ಲೆ೦ ಎಕ್ ವರ್ಸ್ ಮ್ಹಣ್ ಸರ್ವಾ೦ಯಿ ಜಾಣಾಸ್ಲಿ೦. ಸೆ೦ಟರಾಕ್ ಸೆರ್ವಾಲ್ಲ್ಯಾ ಹೇಜಲಾಕ್ ಟೆ೦ಪ್ಲರಾನ್ ಪ್ರಥಮ್ ಜಾವ್ನ್ ಆಪ್ಲ್ಯಾ ಪ್ರಯೋಗ್ ಶಾಳೆ೦ತ್ ಘೆತ್ಲೆ೦ ಆನಿ ಸ ಮಯ್‌ನ್ಯಾ ಭಿತರ್ ತಾ೦ಚಿ ಚ೦ಗಾಯ್ ಆನಿ ಚಲವ್ ಬೊಳ್ ಜಾಲೊ ಜಾಲ್ಲ್ಯಾನ್ ಪ್ರಾಯೆಚೆ೦ ಅ೦ತರ್ ಪಳೆನಾಸ್ತಾ೦ ತಿ೦ ಲಗ್ನ್ ಜಾಲಿ೦.
ಹೆ೦ ಸರ್ವ್ ಜಾತಾನಾ ಡೊ| ಡೆನಿಯಲ್ ಬ್ರ್ಯಾ೦ಡನ್ ಭ್ರೂಣ್ ವೃಧ್ಧಿ ಪ್ರಯೋಗ್‌ಶಾಳೆ೦ತ್ ಆಪ್ಲೊ ಸ೦ಸೊಧ್ ಚಲಯ್ತಾಲೊ.
''ಡೊಲ್ಲಿ''ಚ್ಯಾ ರಚನಾ ಪಾಟಾಪಾಟ್, ''ಈವಾ'' ನಾ೦ವಾ೦ಚೆ೦ ಕ್ಲೋನ್ ಕೆಲ್ಲೆ೦ ಪ್ರಥಮ್ ಬಾಳ್ಶೆ೦ ಜಲ್ಮಾಲಾ೦ ಮ್ಹಣ್ 'ಕ್ಲೋನ್‌ಎಯ್ಡ್ ಹ್ಯೂಮನ್ ಕ್ಲೊನಿ೦ಗ್ ಸೊಸಾಯಿಟಿ'ನ್ ಖಬರ್ ಫಯ್ಲಾಯ್ತಾನಾ ಸ೦ಸರಾಚೆರ್ ಆನಿ ಭ್ರೂಣ್ ವಿಗ್ಯಾನಾಚೆರ್ ಜಾಲ್ಲೊ ಪರಿಣಾಮ್, ಭಾಯ್ರ್ ಉಗ್ತಡಾ೦ತ್ ಆಯಿಲ್ಲ್ಯೊ ಸ೦ಗ್ತಿ, ಧಾರ್ಮಿಕ್ ಮುಕೆಲಿ೦ಚಿ ಉಟ್ಣಿ, ಹೆ೦ ತೆ೦ ಮ್ಹಣ್ತಾನಾ ಸರ್ಕಾರಾನ್ ಆಪ್ಲ್ಯಾ ದೇಶಾ೦ತ್ ಮಾನವ್ ಕ್ಲೋನಿ೦ಗಾಕ್ ಬ೦ದಡ್ ಘಾಲಿ ಆನಿ ಸೆ೦ಟರಾ ತಸಲ್ಯಾ ಸ೦ಸ್ಥ್ಯಾ೦ಕ್, ಹೆ ಸ೦ಸ್ಥೆ ಮಾನವ್ ಕ್ಲೊನಿ೦ಗಾಚೆ ಪ್ರಯೋಗ್ ಕರು೦ದಿತ್ ಯಾ ನಾ ಕರು೦ದಿತ್, ಅನುದಾನ್ ದಿ೦ವ್ಚೆ೦ ಬ೦ದ್ ಕೆಲೆ೦. ಅಶೆ೦ ಆಸ್ತಾನಾ೦ಯಿ ಟೆ೦ಪ್ಲರ್ ರಿಸರ್ಚ್ ಸೆ೦ಟರ್ ಕಶೆ೦ ಬಾಳ್ವತಾ ಆನಿ ಮಝೇನ್ ಚಲೊನ್೦ಚ್ ಆಸಾ ಮ್ಹಳ್ಳೆ೦ ಸವಾಲ್ ಉದೆತಾನಾ ಕಾರ್ಲೊಸ್ ಪೆರೆಜಾ ತಸಲೆ ಜರ್ನಲಿಸ್ಟ್ ಜಾಗೆ ಜಾಲ್ಲೆ.
ಪೆರೆಜಾಚೆ೦ ಆಕುಡ್‌ಪಣ್ ತ್ಯೆ ಸಾ೦ಜೆರ್ ಸಭಾಸಾಲಾ೦ತ್ ಜಾಹೀರ್ ಜಾಲ್ಲೆ೦.
ಬ್ರ್ಯಾ೦ಡನ್ ಆನಿ ಹೇಜಲ್, ಕಾರ್ಪೆಟಿ ತಸಲ್ಯಾ ತಣಾಕಾ೦ಬ್ಳಿಚೇರ್ ಸಾಸಾ೦ಗಾತಾಚ್ ಮೆಟಾ೦ ಕಾಡುನ್ ಬ್ರ್ಯಾ೦ಡನಾಚ್ಯಾ ಲ್ಹಾನ್ ಕೋಟೆಜಿಕ್ ವೆತಾಲಿ೦.
ಬ್ಲೊ೦ಡಿ, ತಾ೦ಚ್ಯಾ ಸಾ೦ಗಾತಾ ಆಸ್‌ಲ್ಲೊ ಆನಿ ತಾ೦ಚ್ಯಾ ಪಾಟ್ಲ್ಯಾನ್೦ಚ್ ಚಲೊನ್ ಯೆತಾಲೊ.
''Something has gone wrong somewhere, Brandon!'' ಹೇಜಲಾಚ್ಯಾ ತಾಳ್ಯಾ೦ತ್ ದಾಟ್ ಕಾವ್ಜೆಣಿ ನಿಶೆತಾಲಿ. ''ಪುಣ್ ಹೆ೦ ಕಶೆ೦ ಜಾ೦ವ್ಚೆ೦? ಬ್ಲೊ೦ಡಿ ಎಕಾ ಘಡಿಯೆಕ್ ಪುಣ್‌ಯಿ ಮ್ಹಜ್ಯಾ ಲಕ್ಶೆಥಾವ್ನ್ ಭಾಯ್ರ್ ಪಡ್‌ಲ್ಲೊ ನಾ......''
''ಮ್ಹಣ್ಜೆ....'' ಚಿಕ್ಕೆಸೆ ಲಾ೦ಬಯ್ಲೆ೦ ಬ್ರ್ಯಾ೦ಡನಾನ್. ''ಬ್ಲೊ೦ಡಿ ತುಜೆ ಲಕ್ಶೆಥಾವ್ನ್ ಟೆ೦ಪ್ಲರಾಚ್ಯಾ ಹಾತಾ೦ಕ್ ಪಡ್‌ಲ್ಲೊ ನಾ ಮ್ಹಣ್ ತು೦ವೆ೦ ಮ್ಹಣ್ಚೆ೦?''
''ಹಾ೦ವ್ ಕಿತೆ೦ ಚಿ೦ತಾ೦, ಕಿತೆ೦ ಮ್ಹಣ್ತಾ೦.... oh Brandon, I am lost.''
ಬ್ರ್ಯಾ೦ಡನಾಚ್ಯಾ ಕೊಟೆಜಿಕ್ ತಿ೦ ಪಾವ್ಲಿ೦ ಆನಿ ತಾಣೆ ದಾರ್ ಉಗ್ತೆ೦ ಕೆಲೆ೦. ''ಚೀ೦ತ್ ಹೇಜಲ್, ಚೀ೦ತ್,'' ತೊ ಮ್ಹಣಾಲೊ. ''ಖಂಯ್ಸರ್'ಗೀ ಆಮಿ೦ ನಿಸರ್ಲ್ಯಾ೦ವ್, ಖ೦ಯ್ಸರ್'ಗೀ ಆಮಿ೦ ಎಕ್ ಖಾ೦ಚ್ ಉಗ್ತಿ ಸೊಡ್ಲ್ಯಾ.......''
''ಪುಣ್ ಬ್ಲೊ೦ಡಿಕ್ ಆತಾ೦ ಪಾ೦ಚ್ ವರ್ಸಾ೦ ಪ್ರಾಯ್ ಜಾಲಿ, ಬ್ರ್ಯಾ೦ಡನ್....ಆಮ್ಚೊ ಪ್ರಯೋಗ್ ವಿಫಲ್ ಜಾಲ್ಲೊ ತರ್ ಯೆದೊಳ್‌ಚ್ ಕಳಾಜೆ ಆಸ್‌ಲ್ಲೆ೦.''
''ಪ್ರಯೋಗ್ ಯಶಸ್ವಿ ಜಾಲಾ ಮ್ಹಣ್‌ಯಿ ಸಾ೦ಗೊ೦ಕ್ ಜಾತಾ, ಹೇಜಲ್?'' ಭಿತರ್ ಸರ್‌ಲ್ಲ್ಯಾ ಹೇಜಲಾಚ್ಯಾ ಖಾ೦ದಾರ್ ಆಪ್ಲೆ ಹಾತ್ ದವರ್ಲೆ ಬ್ರ್ಯಾ೦ಡನಾನ್. ''ಬ್ಲೊ೦ಡಿ ಉಲಯ್ತೊಲೊ ಮ್ಹಣ್ ತು೦ ರಾಕೊನ್ ಆಸಾಯ್ ನ್ಹಯ್? ಹೆ ದಿಶೆನ್ ತುಜೊ ಪ್ರಯೋಗ್ ಚಾಲು ಆಸಾ.'' ಬ್ರಾ೦ಡನಾನ್ ತಾಕಾ ಆಪ್ಲ್ಯಾ ಗೊಪಾ೦ತ್ ಘೆತ್ಲೆ೦ ಆನಿ ತಾಚೆ ವೋ೦ಟ್ ಹೇಜಲಾಚ್ಯಾ ಗೊಮ್ಟ್ಯಾರ್ ಬಸ್ಲೆ ಆನಿ ಚರ್ಲೆ.
''ಬ್ರ್ಯಾ೦ಡನ್, ಪ್ಲೀಜ್!'' ತೆ೦ ಮ್ಹಣಾಲೆ೦. ''ಹಾ೦ವ್ ತ್ಯಾ ಮೂಡಾರ್ ನಾ.''
''ಪುಣ್ ಹಾ೦ವ್ ಆಸಾ೦!'' ತೊ ಮ್ಹಣಾಲೊ ಆಪ್ಲೊ ಹಾತ್ ಹೇಜಲಾಚ್ಯಾ ಉಜ್ವ್ಯಾ ಸ್ಥನಾಚೆರ್ ಬಸವ್ನ್. ''ಅಸಲ್ಯಾ ಸ೦ಧಿಗ್ದ್ ಪರಿಗತಿ೦ನಿ ಮ್ಹಾಕಾ ಕುಡಿ-ಮತಿಚಿ ಸದಿಳಾಯ್ ಫಕತ್ ಹಿ ಕರ್ನಿ ದೀ೦ವ್ಕ್ ಸಕ್ತಾ.'' ತಾಚೊ ದಾವೊ ಹಾತ್ ಜೊ ಹೇಜಲಾಚ್ಯಾ ಕುಲ್ಯಾ೦ಚೆರ್ ಚರ್ತಾಲೊ ಆತಾ೦ ಸ್ಕರ್ಟಾ ಭಿತರ್ ರಿಗ್ಲೊ.
''ಸ್ಟೊಪ್ ಇಟ್, ಬ್ರ್ಯಾ೦ಡನ್!'' ತೆ೦ ಮ್ಹಣಾಲೆ೦ ತಾಚ್ಯಾ ಬಳಿಶ್ಟ್ ಬ೦ದನಾಥಾವ್ನ್ ಸುಟ್‌ಚೆ೦ ಪ್ರೇತನ್ ಕರುನ್. ''ಬ್ಲೊ೦ಡಿ ಪಳೆತಾ.''
ಯೆಕಾಚಾಣೆ ಬ್ರ್ಯಾ೦ಡನಾಚೊ ಜೋಸ್ ದೆ೦ವ್ಲೊ. ''Oh shit!'' ತೊ ಮ್ಹಣಾಲೊ. ''ಕೆದಳಾಯಿ ಬ್ಲೊ೦ಡಿ, ಬ್ಲೊ೦ಡಿ, ಬ್ಲೊ೦ಡಿ. ಪಳೆತಾ ಮಾತ್ರ್ ನ್ಹಯ್? ಮಧೆ೦ ರಿಗಾನಾ ನ್ಹಯ್?''
''ಕಸಲೆ೦ ಉಲವ್ಣೆ೦ ಬ್ರ್ಯಾ೦ಡನ್?'' ಆಪ್ಲಿ ಜಾಕೆಟ್ ಆನಿ ಸ್ಕರ್ಟ್ ಸಾರ್ಕೊ ಕರಿತ್ ತೆ೦ ದುರ್ಸಾಲೆ೦. ''ಟೆ೦ಪ್ಲರಾ ಥಾವ್ನ್ ಮ್ಹಾಕಾ ವೆಗಿ೦ಚ್ ಡಿವೊರ್ಸ್ ಮೆಳ್ಚೊ ಆಸಾ ನ್ಹಯ್?''
''ಕಸಲೊ ಫರಕ್ ಪಡ್ತಾ? ತಾಕಾ ಪರಿಪೂರ್ಣ್ ನಪು೦ಸಕ್ ಆಮಿ೦ಚ್ ಕೆಲಾ ಮ್ಹಣ್ತಾ ನ್ಹಯ್ ತೊ?''
''ಹು೦! ಆನಿ ಪೆರೆಜಾನ್ ಚಿತ್ರಿತ್ ಕೆಲ್ಲೊ ತೊ ಮಾಸಾಚೊ ಮುದೊ?'' ಹೇಜಲ್ ಮ್ಹಣಾಲೆ೦ ಆ೦ಗ್ ಹಿ೦ವ್ಳಾವ್ನ್. ''ಟೆ೦ಪ್ಲರಾಚೆ೦ ಕರ್ತುಬ್ ನ್ಹಯ್ ತರ್ ಕೊಣಾಚೆ೦? ತಾಚ್ಯಾ ಖಾಸ್ಕಿ ಪ್ರಯೋಗ್‌ಶಾಲಾಕ್ ಆಮ್ಕಾ೦ ಸಯ್ತ್ ಪ್ರವೇಸ್ ನಾ ನ್ಹಯ್? ಸ೦ಸರಾ೦ತ್ಲೆ೦ ಪ್ರಥಮ್ ಕ್ಲೋನ್ಡ್ ಬಾಳ್ಶೆ೦ ಆಪುಣ್೦ಚ್ ಕರ್ತೊಲೊ೦ ಮ್ಹಳ್ಳೊ ಗುಪಿತ್ ಪ೦ಥ್ ತಾಚೊ.''
''ಪುಣ್ ತಾಚೆ ಪ್ರಯೋಗ್ ಕಸಲೆ ಮ್ಹಣ್ ನಕ್ಕಿ ಕಳಿತ್‌ನಾಸ್ತಾ೦ಯಿ ತು೦ ತಾಕಾ defend ಕರ್ತಾಲೆ೦ಯ್......''
''ಪುಣ್ ತಾಚ್ಯಾ ತ್ಯಾ ನಾಯಶಸ್ವಿ ಪ್ರಯೋಗಾಚೊ ಅವಶೇಸ್ ತಾಣೆ ಭಾಯ್ರ್ ಕಿತ್ಯಾಕ್.....''
''ತಾಣೆ ನ್ಹಯ್, ತಾಚ್ಯಾ ಸಾ೦ಗೊಡ್ಯಾ೦ನಿ,'' ಆಪ್ಲಿ ಜಾಕೆಟ್ ಕಾಡ್ನ್ ಆತಾ೦ ಹೇಜಲ್ ಸ್ಕೊಚ್ ತಯಾರ್ ಕರ್ತಾಲೆ೦. ತಾಚ್ಯಾ ಸಿಲ್ಕಾಚ್ಯಾ ಧೊವ್ಯಾ ಬ್ಲೌಜಾಥಾವ್ನ್ ಕಾಳ್ಯಾ 'ಬ್ರಾ' ಭಿತರ್ಲಿ೦ ತಾಚಿ೦ ಸ್ಥನಾ೦ ಸ್ಪಶ್ಟ್ ಉಟೊನ್ ದಿಸ್ತಾಲಿ೦. ''ತಾಚ್ಯಾ ಸಾ೦ಗೊಡ್ಯಾ೦ನಿ ಜಾಯ್ಜೆ..... ಸೋಡಾ?''
''ನೊ,'' ಬ್ರ್ಯಾ೦ಡನಾನ್ ಜಾಪ್ ದಿಲಿ ನಿರ್ಗಮನಾನ್. ''ಒನ್ ದಿ ರೊಕ್ಸ್.''
''ಚಾರ್ ಕಾಸ್ ಕರು೦ಕ್ ಜಾಯ್ಜೆ ಪುಣ್ ಆತಾ೦ ಚಿ೦ತುನ್ ಪಳೆತಾನಾ.....'' ಗ್ಲಾಸ್ ತಾಕಾ ದೀವ್ನ್ ತೆ೦ ಮ್ಹಣಾಲೆ೦. ''ಟೆ೦ಪ್ಲರಾಚೆ ದೋಗ್ ವಿಗ್ಯಾನಿ ಆದ್ಲ್ಯಾಚ್ ವರ್ಸಾ ಕಸಲ್ಯಾಗಿ ಎಕಾ ನಾ೦ವ್ ನಾತ್‌ಲ್ಲ್ಯಾ ಭಿರಾ೦ಕುಳ್ ಪಿಡೆನ್ ಮರೊ೦ಕ್‌ನಾ೦ತ್? ತಾ೦ಚ್ಯಾ ತೊ೦ಡಾ-ನಾಕಾಥಾವ್ನ್ ಆನಿ ಬೊ೦ಬ್ಲೆ ಥಾವ್ನ್ ಕಿಡೆ ಭಾಯ್ರ್ ಸರ್ತಾಲೆ... ಟೆ೦ಪ್ಲರಾನ್ ತಾ೦ಕಾ೦ ಕಸಲೊಗಿ ವೈರಸ್ ತೊಪ್ಲ್‌ಲ್ಲೊ....''
ತಾಣೆ ಯೆಕಾಚಾಣೆ ಆಪ್ಲಿ೦ ಉತ್ರಾ೦ ಕಾತರ್ಲಿ೦. ಆಪ್ಲೊ ಗ್ಲಾಸ್ ದೆಗೆನ್ ದವರ್ನ್ ತೆ೦ ಬ್ಲೊ೦ಡಿ ಸಾಮ್ಕಾರ್ ಬೊಸ್ಲೆ೦ ಆನಿ ತಾಚಿ ಸೊ೦ಡಿ ಆಪ್ಲ್ಯಾ ಹಾತಾ೦ನಿ ಆರಾವ್ನ್ ತಾಣೆ ಧರ್ಲಿ.
''ಮ್ಹಜ಼ೆಲಾಗಿ೦ ಉಲಯ್, ಬ್ಲೊ೦ಡಿ!'' ತೆ೦ ಮ್ಹಣಾಲೆ೦. ''ಸಾ೦ಗ್ ಮ್ಹಾಕಾ, ಮ್ಹಜ್ಯಾ ಆ೦ಜಾ.. ತ್ಯಾ ಟೆ೦ಪ್ಲರಾನ್ ತುಕಾ ಕಿತೆ೦ ಕೆಲೆ೦? ತುಕಾ ಸರ್ವ್ ಸಮ್ಜತಾ, ಬ್ಲೊ೦ಡಿ, talk to me Blondie, talk to me!''
''ಕಿತೆ೦ ಜಾಲಾ೦ ತುಕಾ?'' ಬ್ರ್ಯಾ೦ಡನಾನ್ ತಾಕಾ ಉಟಯ್ಲೆಂ. ''ಟೆ೦ಪ್ಲರ್ ತಾಕಾ ಕಿತೆ೦ ಕರಿತ್?'' ಆಪ್ಣಾಕ್ ದೀನ್ ದೊಳ್ಯಾ೦ನಿ ಪಳೆ೦ವ್ಚ್ಯಾ ಬ್ಲೊ೦ಡಿಚಿ ದೀಶ್ಟ್ ಚುಕವ್ನ್ ತೊ ಮ್ಹಣಾಲೊ.
''ಆತಾ೦ ಮ್ಹಾಕಾ ಕಳ್ತಾ!'' ತೆ೦ ಹಳ್ಟಾಚಿ ಕಿ೦ಕ್ರಾಟ್ ಮಾರಿಲಾಗ್ಲೆ೦. ''ಮ್ಹಜ್ಯಾ ಬ್ಲೊ೦ಡಿಕ್ ವರ್ಸಾವಾರ್ ದಿ೦ವ್ಚಿ೦ ಆ೦ಟಿ-ರೇಬಿಸ್ ವ್ಯಾಕ್ಸೀನಾ೦ ಟೆ೦ಪ್ಲರಾಚ್ಯಾ ಪ್ರಯೋಗ್‌ಶಾಲಾ೦ತ್‌ಚ್ ತಯಾರ್ ಜಾಲ್ಲಿ೦........ ಆತಾ೦ ಮ್ಹಾಕಾ ಹೊ ಘೊಟಾಳೊ ಸ್ಪಶ್ಟ್ ಜಾತಾ. ಬ್ಲೊ೦ಡಿಚ್ಯಾ ಮೆ೦ದ್ವಾ೦ತ್ ತಾಣೆ ಕಸಲೆಗಿ ವೈರಸ್ ಕಣ್ ಘಾಲ್ಯಾತ್ ಆನಿ ಹ್ಯಾ ಕಣಾ೦ಕ್ ಟೆ೦ಪ್ಲರ್‌ಚ್ ಕ೦ಟ್ರೋಲ್ ಕರ್ತಾ. ತಾಣೆ ಕಸಲೊಗಿ ಆವಾಜ್, ಕಸಲಿಗಿ ನಿಶಾನಿ, ಕಸಲೊಗಿ ಸಬ್ದ್ ಉಚಾರ್ತಾನಾ ಬ್ಲೊ೦ಡಿ ವಿಕಾರ್ತಾ.... Blondie becomes violent!''
ಬ್ರ್ಯಾ೦ಡನ್ ಆತಾ೦ ಥ೦ಡ್ ಪಡ್‌ಲ್ಲೊ ಆನಿ ಆಪ್ಲ್ಯಾ ಸ್ಕೊಚಾಚೊ ಗ್ಲಾಸ್ ಚಿ೦ವ್ತಾಲೊ. ''ಹೆ೦ ಎಕ್ ಭಿರಾ೦ಕುಳ್ ಸನ್ನಿವೇಶ್, ಹೇಜಲ್!'' ತೊ ಮ್ಹಣಾಲೊ ಕ್ಶೀಣ್ ತಾಳ್ಯಾನ್.
''ಆತಾ೦ ಆಮಿ೦ ಕಿತೆ೦ ಕರ್ಚೆ೦?'' ಹೇಜಲಾಚೆ೦ ಹೆ೦ ಸವಾಲ್ ಭು೦ಯ್ ಪಡಜೆ ತರ್ ಕಾರ್ಪೆಟಿಚೆರ್ ಬಸುನ್ ಆಸ್‌ಲ್ಲೊ ಬ್ಲೊ೦ಡಿ ಯೆಕಾಚಾಣೆ ಉಟ್ಲೊ; ತಾಚೆ ಕಾನ್ ನೀಟ್ ಜಾಲೆ, ತಾಚಿ ಗೊಮ್ಟಿ ಕಸಲೆ೦ಗಿ ಚೀತ್ ದೀವ್ನ್ ಆಯ್ಕೊ೦ಚೆಪರಿ೦ ಎಕಾ ಕುಶಿಕ್ ಮಾಲ್ವಲಿ. ತಾಚ್ಯಾ ಪೊಟಾ೦ತ್ಲ್ಯಾನ್ ಮ್ಹಳ್ಳೆಪರಿ೦ ಉದೆಲ್ಲಿ ಎಕ್ ಘುರ್ಕೆವ್ಣಿ ತಾಚ್ಯಾ ನಾಕಾ-ತೊ೦ಡಾ೦ತ್ಲ್ಯಾನ್ ಭಾಯ್ರ್ ಆಯ್ಲಿ; ತಾಚ್ಯಾ ಪಾಟಿಚಿ ಲೊ೦ವ್, ಲಾ೦ಬ್ ತಿ ತರಿ, ಸುಕ್ಯಾ ತಣಾಪರಿ ನೀಟ್ ರಾವ್ಲಿ.
''ದಾರ್ ಬ೦ದ್ ಕರ್, ಬ್ರ್ಯಾ೦ಡನ್!'' ಹೇಜಲ್ ಬೊಬಾಟ್ಲೆ೦. ಪುಣ್ ವೇಳ್ ಉತ್ರಾಲ್ಲೊ. ಉಗ್ತ್ಯಾ ದಾರಾ೦ತ್ಲ್ಯಾನ್ ಬ್ಲೊ೦ಡಿನ್ ಭಾಯ್ರ್ ಸುರಾ೦ಟಿ ಮಾರ್ಲಿ. ಹೇಜಲ್ ಆನಿ ಬ್ರ್ಯಾ೦ಡನಾನ್ ಬ್ಲೊ೦ಡಿಚೊ ಹೊ ವೇಗ್ ಪಳೆ೦ವ್ಕ್‌ನಾತ್‌ಲ್ಲೊ.
''ಆತಾ೦ ಕಿತೆ೦?'' ಹೇಜಲಾಚೊ ತಾಳೊ ಕಾ೦ಪ್ತಾಲೊ.
''ಆತಾ೦ ಕಾ೦ಯ್ ನಾ!'' ಮ್ಹಣಾಲೊ ಬ್ರ್ಯಾ೦ಡನ್. ''ಆಮ್ಚಿ೦ ಡ್ರಿ೦ಕ್ಸ್ ಸೆವ್ಯಾ೦... ಫ್ರಿಡ್ಜಾ೦ತ್ ಕಾ೦ಯ್ ಆಸಾ ತರ್ ಮೈಕ್ರೋವೇವಾ೦ತ್ ಘಾಲ್ಯಾ೦ ನಾ ತರ್ ಹಾ೦ವ್ ಕೆಫೆಟೇರಿಯಾಕ್ ಫೋನ್ ಕರ್ತಾ೦... ಆನಿ ತ್ಯಾ ಉಪ್ರಾ೦ತ್...'' ತೊ ತಾಚ್ಯಾ ಸ್ಥನಾ೦ಕ್ ಪಳೆಲಾಗ್ಲೊ...
''ತು೦ ಎಕ್ ಲಿಮಿಟ್‌ನಾತ್‌ಲ್ಲೊ ದಾದ್ಲೊ, ಬ್ರ್ಯಾ೦ಡನ್!'' ತೆ೦ ಉದ್ಗಾರ್ಲೆ೦.
''Let's be practical and face the facts!'' ತಾಚ್ಯಾ ತಾಳ್ಯಾ೦ತ್ ದರ್ಪ್ ಆಸ್‌ಲ್ಲೆ೦. ಪುಣ್ ತೊ, ಕಸಲ್ಯಾಥಾವ್ನ್‌ಗಿ ಹೇಜಲಾಕ್ ಪಯ್ಸ್ ದವರು೦ಕ್ ಪಳೆತಾಲೊ ಮ್ಹಳ್ಳೆ೦ ಹೇಜಲಾಚ್ಯಾ ಗಮನಾಕ್ ಗೆಲೆ೦ ನಾ.
''ತುಜ಼ೊ ಬ್ಲೊ೦ಡಿ ಎಕ್ ಅಕ್ರಳಿವಿಕೃಳಿ ಪ್ರಾಣಿ, monster, ಜಾವ್ನ್ ಬದ್ಲಾಲಾ ತರ್ ಎಕ್‌ಚ್ಚ್ ವಾಟ್ ಆಸಾ, ಹೇಜಲ್. ಆನಿ ತಿ ಕಸಲಿ ಮ್ಹಣ್ ತು೦ ಜಾಣಾ೦ಯ್. ತುಜ್ಯಾ ಬ್ಲೊ೦ಡಿಕ್ ಆರ್ಶಾಚ್ಯಾ ಭೊರ್ಣೆ೦ತ್ ಭರ್ನ್ ಸಾ೦ತೆ೦ತ್ ವಿಕು೦ಕ್ ಜಾಯ್ನಾ ಪಳೆ!'' ತೊ ಮ್ಹಣಾಲೊ. ತಾಚ್ಯಾ ತಾಳ್ಯಾಚಿ ಧಾರ್ ಬದ್ಲಾಲ್ಲಿ.
''ಶಟ್‌ಅಪ್!'' ತೆ೦ ಮ್ಹಣಾಲೆ೦. ''ಬ್ಲೊ೦ಡಿನ್ ಆನಿ ಹಾ೦ವೆ೦ ಮೊರ್ಚೆ೦ ಸಾ೦ಗಾತಾಚ್. Blondie is the fountainhead of my research.''
ಡೆನಿಯಲ್ ಬ್ರ್ಯಾ೦ಡನಾನ್ ಆಪ್ಲಿ೦ ಭುಜಾ೦ ಉಡಯ್ಲಿ೦. ಹೇಜಲಾಕ್ ತೊ ಬರ್‍ಯಾನ್ ಒಳ್ಕಾತಾಲೊ.
ಪುಣ್ ತೆ೦ ತಾಕಾ ವಳ್ಕಾತಾಲೆ೦?
Tags:
Blondie, Cloning Horror Story, Edwin JF Dsouza, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
11/20/2016
''ಬ್ಲೊ೦ಡಿ''
-
12/7/2016
''ಬ್ಲೊ೦ಡಿ''
-
1/3/2017
''ಬ್ಲೊ೦ಡಿ''
-
1/21/2017
''ಬ್ಲೊ೦ಡಿ''
-
2/4/2017
''ಬ್ಲೊ೦ಡಿ''
-
2/18/2017
''ಬ್ಲೊ೦ಡಿ''
-
3/18/2017
''ಬ್ಲೊ೦ಡಿ''
-
4/2/2017
''ಬ್ಲೊ೦ಡಿ''
-
4/21/2017
''ಬ್ಲೊ೦ಡಿ''
-
6/14/2017
''ಬ್ಲೊ೦ಡಿ''
-
12/18/2021
ಕೆನಡಾಂತ್ 'ನವೊ ಭರ್ವಸೊ' ನವೆಂ ಪದ್
-
-
-
4/26/2020
ಹೆಲಿಕಾಪ್ಟರ್ ಮನಿ
-
2/5/2020
ಕಾಜಾರ್ ಕೆದಾಳಾ..?
-
9/30/2018
ಕಾಜಾರಾಕ್ 'ವೊಜೆಂ ಬಾಂದ್ಚೆಂ'
-
9/12/2018
'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!
-
7/29/2018
ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್
-
6/25/2018
ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್
-
5/6/2018
ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್
Our Address
Mangalore
 | Contact Person : Mr. Praveen Tauro |
Email : praveen@maibhaas.com
Phone : +91 99 80 184340
Address :
Daijiworld.com,
Airport Road,
opp. Bondel Church,
Mangalore - 575 008
Karnataka - India
Our Address
Udupi
 | Contact Person : Mr. Joel D'almeida |
Email : joel@maibhaas.com
Phone : +91 90 08 855392
Address :
Eventz Redefined,
Next to Vijaya Bank,
Holy Family Complex
1st Floor, NH -66
Brahmavara - 576213
Our Address
Dubai
 | Contact Person : Mr. Naveen Sequeira |
Email : editor@maibhaas.com
Phone : +97 150 755 4105
Address :
Master Mind IT Solutions,
UBL Building,
#402, 4th Floor
Bank Street - Bur Dubai
Dubai - UAE
5 Comment/s.
Waw... i am waiting for such a thriller story from renowned writer like Edwinbaab. Really eager to read next episode.
ವಾಚುನ್ ಭಾರಿ ಖುಶಿ ಜಾಲಿ. ಫುಡ್ಲ್ಯಾ ಅಂಕ್ಯಾಕ್ ರಾಕೊನ್ ಆಸಾ. ಮ್ಹಾಕಾ ಹೊರರ್ ಕಾಣ್ಯೊ ಬೋವ್ ಪಸಂದ್. ಲೇಖಕಾಕ್ ಬೊರೆಂ ಮಾಗ್ತಾಂ.
Hi, wanted to read the story fully at one time. Please publish it. Nice thriller.
Hi, my name is Suresh. Regular reader of maibhaas. Nice to read Edwin sir's Blondie. Very nicely written. Great writer and wonderful imagination.
ವಾಚುಂಕ್ ಬೊರಿ ಜಾತಾಲಿ. ಬೊರೆಂ ಕರ್ನ್ ಥ್ರಿಲ್ಲರ್ ರುಪಾರ್ ಬರಯ್ಲ್ಯಾ ಲೇಖಕಾಕ್ ದೇವ್ ಬರೆಂ ಕರುಂ.