From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ರುಕಾ ಮುಳಾಂತ್ಲೆ ಉಪಾದೆಸ್ - 2
January 06, 2016
ಹೊ ಸಗ್ಳೊ ಬ್ರಹ್ಮಾ೦ಡ್ ಎಕ್ ವಿಸ್ತಾರ್ ರೂಕ್ ಮ್ಹಣ್ ಲೆಕ್ಲ್ಯಾರ್ ಆಮಿ೦ ತಾಚ್ಯಾ ಮುಳಾ೦ತ್ ಆಸಾ೦ವ್ ಮ್ಹಣ್ ಜ಼ಾಲೆ೦ ಆನಿ ಜ಼ೆ೦ ಕಿತೆ೦ ಆಮ್ಚೆಥ೦ಯ್ ಘಡ್ತಾ, ಉಪಾದೆಸ್ ಯಾ ಹೆರ್, ಹ್ಯಾಚ್ ರುಕಾಮುಳಾ೦ತ್ ಮ್ಹಣ್ ಧರ್ಲ್ಯಾರ್ ಹ್ಯಾ ಅ೦ಕಣಾಚೆ೦ ತಕ್ಲೇನಾ೦ವ್ ಅರ್ಥಾಬರಿತ್ ಜ಼ಾಯ್ತ್.ಹ್ಯಾ ರುಕಾಚೆ ಸಾವ್ಳೇ೦ತ್ ಸಗ್ಳೊ ಸ೦ಸಾರ್ ಆಸಾ ತರಿ ಹ್ಯಾ ಸಾವ್ಳೆಚೊ ಫಾಯ್ದೊ ಆನಿ ಸವ್ಲತಾಯ್ ಯೆಕೆಕ್ಲ್ಯಾಕ್ ಮೆಳ್ಚಿ ವಿವಿದ್ ಮಾಪಾನ್. ಹಿ ಸಾವ್ಳಿಚ್ ನಾಕಾ ಮ್ಹಣ್ ಪಯ್ಸ್ ವೆತೆಲ್ಯಾ೦ಕ್ ವೋತ್ ಯಾ ದಾವ್ ಮೆಳ್ಚೊಯಿ ವೆವೆಗ್ಳ್ಯಾ ಮಾಪಾನ್. ಪುಣ್ ಜ಼ಿಣಿಯೆಚೆ ಸಾವ್ಳೆ೦ತ್ ರವ೦ಚ್ ಕಾಡ್ತಾನಾ ಕಿತೆ೦ ವಯ್ರ್ ಯೆತಾ ಮ್ಹಳ್ಳೆ೦ ಆಮಿ ಜ಼ಿಯೆಲ್ಲ್ಯಾ ಜ಼ಿಣಿಯೆಚೆರ್ ಹೊ೦ದೊನ್ ಆಸಾ.
ಹಾ೦! ಆತಾ೦ ಮ್ಹಜ಼್ಯಾ ಸ್ಕೊಟಿಶ್ ಚೆಕ್ಕ್ಸ್ ಸ್ಕರ್ಟಾಚ್ಯಾ ಚಿತ್ಳಾಕ್ ಸೊದುನ್ ವೆಚೆ೦ ತರ್
ಸುಮಾರ್ ಪಾ೦ಚ್ ವರ್ಸಾ೦ ಆದ್ಲಿ ಗಜ಼ಾಲ್. ಕೊಡಿಯಾಳ್ ಯೆವ್ನ್, ಬದ್ಲನಾತ್‌ಲ್ಲ್ಯಾ ಹ್ಯಾ ಗಾ೦ವಾಕ್ ಒಳ್ಸುನ್ ಪಾ೦ಚ್ ವರ್ಸಾ೦ ಸ೦ಪ್ತಾಲಿ೦ ಮಾತ್ರ್. ತವಳ್ ಹಿ೦ದೂ, ಮುಸ್ಲಿಮ್, ಪ್ರೊತೆಸ್ತಾ೦ತ್ ಹ್ಯಾ ರುಕಾ೦ಚ್ಯಾ ಮುಳಾ೦ತ್ ಜ಼ಿಯೆ೦ವ್ಚೆಯಿ ಮನಿಸಚ್ ಮ್ಹಣ್ ಆಮ್ಚ್ಯಾ ದೇಶಾಚ್ಯಾ ಅಸ್ಥಿರ್ ಪರಿಗತಿಚೊ ಫಾಯ್ದೊ ಉಟ೦ವ್ಚ್ಯಾ ಆತ೦ಕ್‌ವಾದಿ ಕರ್ತುಬಾ೦ನಿ ಧರ್‌ಧರ್ ಮ್ಹಣ್ ದಾಕಯ್ತಾನಾ, ಆಮ್ಚೆ೦ಚ್ ಮನ್ಶಾಪಣ್ ಖ೦ಯ್ ಆಸಾ ಮ್ಹಣ್ ಸಾಸ್ಪೊ೦ಚೆ ದೀಸ್ ತೆ.
ಧರ್ಮಸ್ಥಳಾಕ್ ವಚುನ್, ಕಪಲಾಕ್ ಗ೦ದಾಚೊ ತಿಳೊ ಲಾವ್ನ್, ಗಳ್ಯಾ೦ತ್ಲ್ಯಾ ಸರ್ಪಳೆಕ್ ಭಾ೦ಗಾರಾಚೊ ಖುರಿಸ್ ಆಸಾ ತರಿ ಗರ್ಭಗುಡಿಕ್ ವೆತಾನಾ ಧಯ್ರಾನ್ ಶರ್ಟ್ ಕಾಡ್ನ್, ಹಜ಼ಾರೊ೦ ಲೊಕಾ ಸಾ೦ಗಾತಾ ಫ೦ಗ್ತೆರ್ ಬಸುನ್ ಜ಼ೆವಣ್ ಕೆಲ್ಲೆ ದೀಸ್ ತೆ; ‘ಪೊಟ್ಟಾ’ ವಚಾನಾಸ್ತಾ೦ ಧರ್ಮಸ್ಥಳಾಕ್ ಗೆಲ್ಲೊ ಹೆರೆತಿಕ್ ಹೊ ಮ್ಹಳ್ಳೆ೦ ಬಿರುದ್ ಆಪ್ಣಾಯಿಲ್ಲೊ ಮ್ಹಜ಼ೊ ಕಾಳ್ ತೊ; ಮ್ಹಜ಼ೆ ಹಿ೦ದು-ಮುಸ್ಲಿಮ್ ಭಾವ್ ಆಮ್ಚ್ಯಾ ಇಗರ್ಜ಼ಿ೦ ಮುಕ್ಲ್ಯಾನ್ ಪಾಶಾರ್ ಜ಼ಾತಾನಾ ಮಾನ್ ಭಾಗಾವ್ನ್, ಹಾತಾ೦ಚಿ೦ ಬೊಟಾ೦ ಪಯ್ಲಿ೦ ಹರ್ಧ್ಯಾಕ್ ಆನಿ ಮಾಗಿರ್ ವೊ೦ಟಾ೦ಕ್ ಲಾ೦ವ್ಚಿ೦ ಹಾ೦ವೆ೦ ಪಳೆಲ್ಯಾ೦ತ್. ಹೆ೦ ಆಮಿ೦ ಹಿ೦ದೂ ದೆವಳಾ ಯಾ ಮುಸ್ಲಿಮಾ೦ಚ್ಯಾ ಪಳ್ಳೆ ಮುಕ್ಲ್ಯಾನ್ ಪಾಶಾರ್ ಜ಼ಾತಾನಾ ಬಿಲ್ಕುಲ್ ಕರಿನಾ೦ವ್ ಆಸ್ತಾ೦ ಹಾಣೆ ಧರ್ಮಸ್ಥಳಾಕ್ ವೆಚೆ೦, ಪ್ರಸಾದ್ ಗೆ೦ವ್ಚೊ ಆನಿ ಜ಼ೆವಣ್ ಸಯ್ತ್ ಕರ್ಚೆ೦?
ಪಾವನಾತ್‌ಲ್ಲ್ಯಾಕ್, ಪ್ರೊತೆಸ್ತಾ೦ತಾ೦ ಸಾ೦ಗಾತಾಯಿ ಹಾಚೆ೦ ಮಿಸ್ಳಾಪ್? ಜ಼ಾಯ್ತ್ ಹಾಚೊ ಅತ್ಮೊ ಸಾಲ್ವಾರ್? ಬ್ರಾಹ್ಮಣ್, ಆಪುಣ್ ಭಶ್ಟಾಲ್ಯಾರ್ ಸಾತ್-ಆಟ್ ಪಾವ್ಟಿ೦ ನ್ಹಾತಾತ್ ಖ೦ಯ್ ಪುಣ್ ಹೊ ಎಕ್ ಪಾವ್ಟಿ೦ ಪುಣಿ ಕುಮ್ಸಾರ್ ಜ಼ಾಲಾ ಆನಿ ಅತ್ಮೀಕ್ ನ್ಹಾಣ್ ನ್ಹಾಲಾ? ಮ್ಹಜ಼್ಯಾ ಅತ್ಮೀಕ್ ಸಾಲ್ವಸಾ೦ವಾ೦ಚಿ ಅಶಿ ಖ೦ತ್ ಕಾಡ್ತೆಲ್ಯಾ೦ಚಿ ಸವಾಲಾ೦ ಹಿ೦ ತರ್ ತುಮಿ೦ ವಾಚ್ಪಿ ದಾ೦ತ್ ಚಾಬುನ್ ಹಾಸ್ತೆಲ್ಯಾತ್ ಆನಿ ಚಿ೦ತೆಲ್ಯಾತ್‌ಕಿ ‘ಹೊ, ಹ್ಯಾ ಪ್ರಾಯೆರ್‌ಯಿ ತ್ಯಾ ಚಿತ್ಳಾಕ್ ಸೊದ್ಚೆಖಾತಿರ್ ಪ್ರೊತೆಸ್ತಾ೦ತಾ೦ಚ್ಯಾ ಕಾರ್‌ಯಾ೦ಕ್ ವೆತಾ, ತಾ೦ಚ್ಯಾ ಬಾಯ್ಬಲ್ ಜ಼ಮಾತಿ೦ಕ್ ಚುಕಾನಾ.’ ಹೆರ್ ಥೊಡೆ ವಿ೦ಚುನ್ ಕಾಡ್ಲೆಲೆ, ಸರ್ಗಾರಾಜ಼್ ತಾ೦ಚೆ೦ಚ್ ಮ್ಹಣ್ ಸ೦ಸಾರಾ೦ತ್ ಆಸ್ತಾನಾ೦ಚ್ ಥಿರಾವ್ನ್ ಬಸ್‌ಲ್ಲೆ ಕಾ೦ಯ್ ಮ್ಹಣ್ತಿತ್, ‘ಪಳೆಯಾ, ‘ಪ್ರೇಯ್ಜ್ ದಿ ಲೊರ್‍ಡ್’ ಜ಼ಮಾತಿ೦ಕ್ ಕಿತ್ಯಾಕ್ ಹೊ ವಚಾನಾ; ಕ್ಯಾರಿಜ಼್ಮಾತಿಕಾ೦ಕ್ ಕಿತ್ಯಾಕ್ ಹೊ ಖೊರೊಜ಼್‌ಮಾತಿಕ್ ಮ್ಹಣ್ತಾ? ಆಮ್ಚೆ೦ ‘ಆಲ್ಲೆಲೂಯಾ’ ಹಾಕಾ ‘ಲೆಲೆಲೆಲೆ’ ಜ಼ಾವ್ನ್ ಆಯ್ಕಾತಾ. ಹೊ ಕಾ೦ಯ್ ತೊ ಭಾಸಾಯಿಲ್ಲೊ ಅ೦ತುಖುರಿಸ್ ನ್ಹಯ್‌ಮೂ? ಹಾಚ್ಯಾ ಮಾತ್ಯಾರ್ ದೆ೦ವ್ಚಾರಾಚಿ ಸಿನೊಲ್ 666 (ಉಗ್ಡಾಪಣ್ 13:18) ಆಸಾಗಿ ಮ್ಹಣ್ ಪಳೊವ್ಯಾ೦ ಮ್ಹಳ್ಯಾರ್ ಹಾಚೆ ಕೇಸ್ ಇತ್ಲೆ ಪಾತಳ್ ಜ಼ಾಲ್ಯಾತ್‌ಕಿ ತಾ೦ತ್ಲ್ಯಾನ್ ಜ಼ಳಾರಿ ಪಾಶಾರ್ ಜ಼ಾತಿತ್!
ವಿಚಾರ್ಶಾತ್ ತುಮಿ೦, ಹೊ ಖ೦ಯ್ ಪಾವ್ಲೊ? ಆನಿಕಿ ರುಕಾಮುಳಾ೦ತ್‌ಚ್ಚ್ ಆಸಾ ಯಾ ಚಿತ್ಳಾಕ್ ಸೊದುನ್....ಮ್ಹಜ಼ೆ ಮಿವ್ಣೆಗೆರ್ ಎಕ್ ಕಾರ್‌ಯೆ೦ ಆಸ್‌ಲ್ಲೆ೦ ಆನಿ ತಾಕಾ ಹಾಜ಼ರ್ ಜ಼ಾಲ್ಲ್ಯಾ ಮ್ಹಾಕಾ ಯೆಕ್ಲ್ಯಾಚೆರ್ ದೀಶ್ಟ್ ಪಡ್ಲಿ. ದೀಶ್ಟ್ ಪಡಾಶೆ೦ ಕರ್ಚ್ಯಾ ತಸಲಿಚ್ ರಚ್ನಾ ತಿ. ಚಿ೦ತ್ನೆನ್, ಸಬ್ದಾನ್ ಆನಿ ಕರ್ನೆನ್ ವಚು೦ದಿ ಪೆಲ್ಯಾನ್. ದೋನ್ ಪೆಗ್ಗಾ೦ನಿ ದೊಳೆ ಆನಿಕಿ ತೇಜ಼್ ಜ಼ಾತೆಚ್ ಹಾ೦ವೆ೦ ತಿಚೆ ದೊಳೆ ಧರ್ಲೆ. ನ್ಹಯ್ ನ್ಹಯ್, ತಿ ಕಾ೦ಯ್ ತಲಾಕ್ ನ್ಹಯ್, ಆಡ್ಬೊಸರಿ ಕೊ೦ಬಿ. ಕುಡಿಚಿ ಪರಿಪಿಕಾಯ್ ಉಟೊನ್ ದಿಸ್ತಾಲಿ, ಮತಿಚಿ ಮ್ಹಾಕಾ ಪಡೊನ್ ವಚು೦ಕ್ ನಾ. ಹರ್‌ಯೆಕೆ ಸ್ತ್ರೀಯೆ೦ತ್ ಆಯ್ನ್ ರೆ೦ಡಾಕ್ ಸೊದ್ಚೆ೦ ಹಾ೦ವೆ೦ ಬ೦ದ್ ಕೆಲಾ೦.
“ಹಲ್ಲೊ,” ಮ್ಹಳೆ೦ ಹಾ೦ವೆ೦. “ತುಕಾ ಖ೦ಯ್‌ಸರ್‌ಗಿ ಪಳೆಲ್ಲ್ಯಾಪರಿ೦ ಜ಼ಾಲಾ೦.”
“ಹೆ೦ cಲಿಚೆ ಹಾ೦ವೆ೦ ಸಬಾರ್ ಪಾವ್ಟಿ೦ ಆನಿ ಸಬಾರ್ ಜ಼ಣಾ೦ಥಾವ್ನ್ ಆಯ್ಕಾಲಾ೦.” ತಿ ಮ್ಹಣಾಲಿ, ಆಪ್ಲ್ಯಾ ಫುಲ್ತ್ಯಾಪಣಾಚೆರ್ ಖೂಬ್ ಭರ್ವಸೊ ದಾಕವ್ನ್. “ಖ೦ಯ್‌ಸರ್ ಪಳೆಲಾ೦ಯ್ ಜ಼ಾವ್ಯೆತ್?”
“ತು೦ ಪ್ರೊತೆಸ್ತಾ೦ತ್...”
“ವ್ಹಯ್! ತಾ೦ತು೦ ಕಿತೆ೦ ವಿಶೇಸ್?”
“ನ್ಹಯ್, ಖಾಸ್ಕಿ ಒಬ್ಸೆರ್ವಟಿಒನ್ ಸಾ೦ಗ್ಚೆ೦ ತರ್...ತುಜ಼್ಯಾ ಮುಕ್ಲ್ಯಾ ದೋನ್ ದಾ೦ತಾ೦ ಮದೆ೦ ತೊ ಗಪ್ ಆಸಾ ಪಳೆ...” ಹೆ೦ ಸತ್. ಹಾ೦ವೆ೦ ದೊಳೊ ದವರಿಲ್ಲ್ಯಾಕ್‌ಯಿ ಅಸಲೊಚ್ ಗ್ಯಾಪ್ ಆಸ್‌ಲ್ಲೊ.
“ಹು೦,” ಮ್ಹಣಾಲಿ ತಿ. “ಮು೦ದರ್ಸಿ.”
“ಸುಮಾರ್ ತೀಸ್ ವರ್ಸಾ೦ ಆದ್ಲಿ ಗಜ಼ಾಲ್...ತು೦ ಆನಿ ತುಜ಼್ಯೊ ಸಾ೦ಗಾತಿಣಿ ಬಲ್ಮಠಾ ಮಯ್ದನಾರ್ ಬ್ಯಾಡ್‌ಮಿ೦ಟನ್ ಖ್ಹೆಳ್ತಾಲ್ಯಾತ್?”
ತಿ ಹಾಸ್ಲಿ ಯಾ ತೆ೦ ಹಾಸ್ಲೆ೦ ಮ್ಹಣ್ ಹಾ೦ವೆ೦ ಮ್ಹಣಾಜ಼ೆ? ತಾಣೆ ದಾ೦ತ್ ಸೊಡ್ಲೆ ಮ್ಹಣ್ ಹಾ೦ವ್ ಮ್ಹಣಾನಾ ಕಿತ್ಯಾಕ್ ತಾಚೆ ದಾ೦ತ್ ಸಭಾವಿಕ್ಪಣಿ ಉಸವ್ನ್೦ಚ್ ಆಸ್ತಾಲೆ.
“ಜ಼ಾ೦ವ್ಕ್ ಪುರೊ!” ತಿ ಮ್ಹಣಾಲಿ. “ತೀಸ್ ವರ್ಸಾ೦...ಎಕ್ ಲಾ೦ಬ್ ಆವ್ದಿ.”
“ತವಳ್ ತುಜ಼ೆಲಾಗಿ೦ ಎಕ್ ಮಟ್ವೊ, ಪ್ಲೀಟಡ್ ಸ್ಕೊಟಿಶ್ ಚೆಕ್ಸಾ೦ಚೊ ಸ್ಕರ್ಟ್ ಆಸ್‌ಲ್ಲೊ?”
ತಾಚ್ಯಾ ಮುಕಮಳಾರ್ ಉದೆಲ್ಲ್ಯಾ ಭಾವನಾಕ್ ಹಾ೦ವ್ ವಿಸ್ಮಿತಾಯ್ ಮ್ಹಣೊ೦?
ತೆ೦ ಮ್ಹಜ಼್ಯಾ ಸಾಮ್ಕಾರ್ ಬಸ್ಲೆ೦ ಆನಿ ಜ಼ಮ್ಯಾ೦ತ್ ಆಸ್‌ಲ್ಲ್ಯಾ ಯೆಕ್ಲ್ಯಾಕ್ ಉಲೊ ಮಾರಿಲಾಗ್ಲೆ೦. ತೊ ದಾದ್ಲೊ ಆಮ್ಚೆಸರ್ಶಿ೦ ಆಯ್ಲೊ.
“ಯೆಸ್, ಆಡಲೀನ್,” ತೊ ಮ್ಹಣಾಲೊ.
“ಹ್ಯಾ ಮಾನೇಸ್ತಾಕ್,” ತೆ೦ ಮ್ಹಣಾಲೆ೦ ಮ್ಹಾಕಾ ಬೋಟ್ ಜ಼ೊಕುನ್. “ಹ್ಯಾ ಮಾನೇಸ್ತಾಕ್ ಆತಾ೦ಯೀ ಮ್ಹಜ್ಯಾ ಸ್ಕೊಟಿಶ್ ಚೆಕ್ಸ್ ಸ್ಕರ್ಟಾಚೊ ಉಡಾಸ್ ಆಸಾ.”
“ತಾಕಾ ಹಾ೦ವ್ ದುರ್ಸಾನಾ!” ತೊ ಮ್ಹಣಾಲೊ, ಆಪ್ಲಿ೦ ಉತ್ರಾ೦ ವಿ೦ಚುನ್. ಉಪ್ರಾ೦ತ್ ತಾಣೆ ಮ್ಹಜ಼ೊ ಹಾತ್ ಹಾಲಯ್ಲೊ. “ಹಾ೦ವ್ ಆಶ್ಲಿ,” ತೊ ಮ್ಹಣಾಲೊ. “ಅಮಿ೦ ತುಜ಼್ಯಾ ಮಿವ್ಣೆಚ್ಯಾ ಘರಾ ಪಾಟ್ಲ್ಯಾ ವಿಲ್ಲಾ೦ತ್ ವಸ್ತಿ ಕರ್ತಾ೦ವ್. Yಒಉ ಹವೆ ಅ ರೆಮರ್ಕಬ್ಲೆ ಮೆಮೊರ್ಯ್, Sಇರ್!” “ತರಿ ತು೦ ಮ್ಹಾಕಾ ದುರ್ಸಾನಾ೦ಯ್!” ಹಾ೦ವೆ೦ ಮ್ಹಳೆ೦ ಆಡ್ಲೀನಾಚೆರ್ ದೀಶ್ಟ್ ಚರವ್ನ್.
“ನಾ,” ಮ್ಹಣಾಲೊ ತೊ. “ಸೊಬಿತ್ ಉಡಾಸ್ ಜ಼ಿಣಿಯೆಚೆ ವಿಟಾಮಿನ್ಸ್. ಎಕ್ ಪಾವ್ಟಿ೦ ತೆ ಸೆವ್ಲ್ಯಾ ಉಪ್ರಾ೦ತ್ ತವಳ್ ತವಳ್ ತಾ೦ಚೆ೦ ರವ೦ಚ್ ಕಾಡ್ಚೆ೦ಚ್ ಜ಼ಿವಿತ್.”
“ಆನಿ ಕ್ಹೊಡು ಉಡಾಸ್?”
“ಕ್ಹೊಡ್ಸಾಣ್ ಯಾ ಗೊಡ್ಸಾಣ್ ಭರ್ಸು೦ಚಿ ಆಮಿ೦ಚ್ ನ್ಹಯ್?”
“ವ್ಹಯ್,” ಮ್ಹಳೆ೦ ಹಾ೦ವೆ೦. “ಪುಣ್ ಆಡ್ಲೀನಾಕ್ ಮ್ಹಜ಼ೆ೦ ಎಕ್ ಸವಾಲ್...ತೀಸ್ ವರ್ಸಾ೦ ಆದಿ೦ ತ್ಯಾಚ್ ಮಯ್ದಾನಾರ್ ಸದಾ೦ ಸಾ೦ಜ಼ೆಚೆ೦ ದೋಗ್ ತರ್ನಾಟೆ ಎಕಾ ರುಕಾ ಮುಳಾ೦ತ್ ಬಸುನ್ ಆಸ್ತಾಲೆ. ತುಜ಼್ಯಾ ನದ್ರೆಕ್ ತೆ ಪಡ್ಲ್ಯಾತ್?”
“ತೆ ಸ್ಕೊಟಿಶ್ ಚೆಕ್ಸಾ೦ಚೆ ಸ್ಕರ್ಟ್ ಗಾಲ್ತಾಲೆ!?”
Tags:
Edwin JF Dsouza, Konkani e-Serial, Vasu Valencia, Konkani, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
Our Address
Mangalore
 | Contact Person : Mr. Praveen Tauro |
Email : praveen@maibhaas.com
Phone : +91 99 80 184340
Address :
Daijiworld.com,
Airport Road,
opp. Bondel Church,
Mangalore - 575 008
Karnataka - India
Our Address
Udupi
 | Contact Person : Mr. Joel D'almeida |
Email : joel@maibhaas.com
Phone : +91 90 08 855392
Address :
Eventz Redefined,
Next to Vijaya Bank,
Holy Family Complex
1st Floor, NH -66
Brahmavara - 576213
Our Address
Dubai
 | Contact Person : Mr. Naveen Sequeira |
Email : editor@maibhaas.com
Phone : +97 150 755 4105
Address :
Master Mind IT Solutions,
UBL Building,
#402, 4th Floor
Bank Street - Bur Dubai
Dubai - UAE
1 Comment/s.
Edwin is my favourite writer… good series…