From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ರುಕಾ ಮುಳಾಂತ್ಲೆ ಉಪಾದೆಸ್ - 12
January 06, 2016
ವಿಚಾರ್ಶಾತ್ ತುಮಿ೦, ಚೂಕ್ ದಿಶೆಕ್ ಗೆಲ್ಲ್ಯಾ ವರ್ಸಾ೦ಚೆ೦ ಚಿತ್ರಣ್ ಹೊ ಕಿತ್ಯಾಕ್ ಕರ್ತಾ? ಹೆರಾ೦ಕ್ ಧುಸ್ಪಟಾ೦ವ್ಕ್? ಹೊ ಕಿತೆ೦ಗಿ, ಹೆ೦ ಸರ್ವ್ ಕರುನ್‌ಯಿ ಗಲ್ಫಾಚೆ೦ ಚಾನಿಸ್ ಮಾರುನ್ ವಯ್ರ್ ಪಡ್ಲೊ; ಪುಣ್ ಹೆರ್ ಹೆ೦ ಕರು೦ಕ್ ಸಕ್ತಿತ್?ಚೂಕ್ ದಿಶೆಕ್ ವಚು೦ಕ್ ಸುಲಬ್ ಜ಼ಶೆ೦ ಹಾ೦ವ್ ಗೆಲ್ಲೊ೦ ತಶೆ೦. ಪುಣ್ ಗಲ್ಪಾಚೆ ಅವ್ಕಾಸ್ ಯಾ ಹೆರ್ ಮೆಳೊ೦ ಯಾ ನಾ ಮೆಳೊ೦, ಚೂಕ್ ದಿಶೆಚಿ ಒಳಕ್ ಧರುನ್ ವೆಳಾರ್ ಪಾವ್ಲಾ೦ ಪಾಟಿ೦ ಕಾಡು೦ಕ್ ಮತಿ-ಪ್ರಕಾಸ್ ಜ಼ಾಯ್ ಆನಿ ಸಮಾಜ಼ಿ೦ತ್ ಮಾತೆ೦ ಉಕ್ಲೊನ್ ಚಲೊ೦ಕ್ ಧಯ್ರ್ ಜ಼ಾಯ್. ಚೂಕ್ ವಿ೦ಚವ್ಣೆಚೆ೦ ಪ್ರಾಚಿತ್ ಕರ್ಚೆ೦ ಕಿತೆ೦ ಮ್ಹಣ್ ಲ್ಹಾನ್ ಮಟ್ಟಾರ್ ಮ್ಹಜ಼ೆಲಾಗಿ೦ ವಿಚಾರಾ ಆನಿ ವ್ಹಡಾ ಮಟ್ಟಾರ್ ಸೆಮಿನರಿ ಯಾ ಕೊವೆ೦ತಾಥಾವ್ನ್ ಪಾಟಿ೦ ಆಯಿಲ್ಲ್ಯಾ೦ಲಾಗಿ೦ ವಿಚಾರಾ......
ಇ೦ಜ಼ಿನಿಯರಿ೦ಗಾಚೆ೦ ದುಸ್ರೆ೦ ವರಸ್ ಸುರು ಜ಼ಾತಾನಾ ಆರ್.ವಿ. ಕೊಲೆಜ಼ಿಚೆ೦ ಹೊಸ್ಟೆಲ್ ಕೆ೦ಗೇರಿ ಕ್ಯಾ೦ಪಸಾ೦ತ್ ತಯಾರ್ ಜ಼ಾಲೆ೦ ಆನಿ ಆಮ್ಚೊ ರೂಡಿ ಥ೦ಯ್ಸರ್ ಸೆರ್ವಾಲೊಚ್ಚ್. ಪುಣ್ ಮ್ಹಾಕಾ ಹೆ೦ ಖ೦ಯ್ ಆವಡ್ತಾ? ಬ್ರಿಗೇಡ್ ರೋಡ್. ಕಮರ್ಶಿಯಲ್ ಸ್ಟ್ರೀಟ್, ಡಬ್ಬಲ್ ರೋಡ್ ಆನಿ ಲಾಲ್‌ಭಾಗ್ ಹ್ಯಾ ಪರಿಸರಾ೦ಚಿ ರೂಚ್ ಲಾಗ್‌ಲ್ಲೊ ಹೊ ‘ಇ೦ಜ಼ಿನಿಯರ್’ ಕೆ೦ಗೇರಿ ವಚಾತ್? “ಹೊಸ್ಟೆಲ್ ಬರೆ೦ ನಾ, ಮಾ೦” ಹಾ೦ವೆ೦ ಮಾಮ್ಮಿಚೆ ಕಾನ್ ಫು೦ಕ್ಲೆ. ದನ್ಪಾರಾ೦ ಬೀನ್ಸ್ ಆನಿ ವಾ೦ಯ್ಗಿ೦ ಆನಿ ರಾತಿಕ್ ವಾ೦ಯ್ಗಿ೦ ಆನಿ ಬೀನ್ಸ್. ರಾ೦ದ್ಪಾಕ್ ತಿಳೆಲ್ ತೇಲ್. ಹಾ೦ವ್ ನೋವ್ ಮಯ್ಲಾ೦ (ಸಿಟಿ ಮಾರ್ಕೆಟಿಥಾವ್ನ್) ವಚುನ್ ಪಾಟಿ೦ ಯೇನ್ ಪುಣ್ ಸೆ೦ಯ್ಟ್ ಜ಼ೊಸೆಫಾಥಾವ್ನ್ ಸುಟ್ಚೊ ನಾ!”
ಆನಿ ಹಾ೦ವ್ ಸುಟ್ಲೊ೦ ನಾ.
ಕೊಲೆಜ಼ಿಕ್ ವೆಚೆ೦ ಮ್ಹಳ್ಯಾರ್ ಎಕ್ ಪಿಕ್‌ನಿಕ್. ದನ್ಪಾರಾ೦ ಜ಼ೆವಣ್ ಕ್ಯಾ೦ಟೀನಾ೦ತ್ಲೆ೦ ಆನಿ ತೆ೦ ಕಾ೦ಯ್ ಭ೦ವ್ತಿ೦ಚ್ಯಾ ವಾನರಾ೦ಕ್‌ಯಿ ರುಚ್‌ಚೆ೦ ನ್ಹಯ್. ತವಳ್ ಕೆ೦ಗೇರಿ೦ತ್ ಕಾಪುಚಿನ್ ಫ್ರಾದಿ೦ಚೆ೦ ಮಿಸಾ೦ವ್ ಠಾಣೆ೦ ಉಗ್ತೆ೦ ಜ಼ಾಲ್ಲೆ೦ ಮಾತ್ರ್ ಆನಿ ಫ್ರಾದ್ ಯುಜ಼ಿನ್ ರೆಬೆಲ್ ಹ್ಯಾ ಠಾಣ್ಯಾಚೊ ವ್ಹಡಿಲ್. ದನ್ಪಾರಾ೦ಚೆ೦ ಕಾ೦ಯ್ ನಿರ್ಮಳ್ ಜ಼ೆವಣ್ ಮೆಳತ್ ಕೊಣ್ಣಾ ಮ್ಹಣ್ ವಿಚಾರ್ ಕರು೦ಕ್ ಹಾ೦ವ್ ಗೆಲೊ೦. ಫ್ರಾದ್ ರೆಬೆಲ್ ಕೊಡಿಯಾಳ್‌ಚೊಚ್ಚ್. ತಾಚೊ ಭಾವ್ ಜ಼ೆಜ಼್ವಿತ್ ಬಾಪ್ ಫ್ರಾನ್ಸಿಸ್ ತವಳ್ ಸೆ೦ಯ್ಟ್ ಜ಼ೊಸೆಫ್ ಕೊಮರ್ಸ್ ಕೊಲೆಜ಼ಿಚೊ ಪ್ರಿನ್ಸಿಪಾಲ್. ಫ್ರಾದ್ ಯುಜ಼ಿನಾನ್ ಮ್ಹಾಕಾ ಠಾಣ್ಯಾ೦ತ್ ಭ೦ವ್ಡಾಯ್ಲೊ. ಕ್ರಿಸ್ತಾಕ್ ಹಾ೦ವೆ೦ ದೆಕಾಜ಼ೆ ಆಸ್ಲೊ ಥ೦ಯ್ಸರ್. ಪುಣ್ ಮ್ಹಜ಼್ಯಾ ದೊಳ್ಯಾ೦ಕ್ ಖೊವ್ಳಾ೦ ಮಾ೦ಡ್‌ಲ್ಲಿ೦. ಫ್ರಾದಿಚಿ ಖಾಟ್, ಆಲ್ತಾರ್, ಗೊಟೊ, ಕಿಚನ್ ಆನಿ ಹೆರ್ ಕಿತೆ೦ ಆಸಾ ತೆ೦ ಸರ್ವ್ ಎಕಾ ಗೊವಳಾ ಪ೦ದಾಕ್. “ಆಮ್ಕಾ೦ ದಾಳಿಚೊ ಸಾರ್ ಆನಿ ಶಿತ್-ಬಾ, ಎಡ್ವಿನ್!” ಫ್ರಾದ್ ರೆಬೆಲ್ ಮ್ಹಣಾಲೊ ಮಯ್ಪಾಸಾನ್. “ಸಾರಾಕ್ ಗಾಲ್ಚೆ ಟೊಮೆಟೊ ಸಯ್ತ್ ಆಮಿ೦ ಆಮ್ಚ್ಯಾಚ್ ಭು೦ಯ್ತ್ ಕಿರ್ಲಾಯ್ತಾ೦ವ್....”
ಉರ್‌ಲ್ಲಿ೦ ತಾಚಿ೦ ಉತ್ರಾ೦ ಮ್ಹಾಕಾ ಆಯ್ಕಾಲಿ೦ನಾ೦ತ್. ಪುಣ್ ಆಜ಼್ ಮ್ಹಾಕಾ ಹ್ಯಾ ಮಿಸಾ೦ವ್ ಠಾಣ್ಯಾಚೆ೦ ಆನಿ ತ್ಯಾ ಫ್ರಾದಿಚ್ಯಾ ಯಾ ತಸಲ್ಯಾ ಹೆರಾ೦ಚ್ಯಾ ಜ಼ಿಣಿಯೆಚೆ೦ ಮಹತ್ವ್ ಕಳಿತ್ ಆಸಾ; ಆನಿ ಮ್ಹಾಕಾ ಕಳಿತ್ ಜ಼ಾಲಾ೦ಕಿ ತಸಲ್ಯಾ ಗೊವಳಾ೦ನಿ ಕ್ರಿಸ್ತ್ ಜ಼ಿಯೆತಾ ಮ್ಹಣ್!
ಪುಣ್ ಹಾ೦ವ್ ಜ಼ಿಯೆ೦ವ್ಕ್ ತಯಾರ್ ಆಸಾ೦ಗಿ ಮ್ಹಳ್ಳೆ೦ ಸವಾಲ್ ಮ್ಹಾಕಾ ಆತಾ೦ಯಿ, ಪಾ೦ಚ್ತೀಸ್ ವರ್ಸಾ೦ ಉಪ್ರಾ೦ತ್‌ಯಿ ಧೊಸ್ತಾ.
ತರ್ ಆತಾ೦ ಕಿತೆ೦? ಆಮ್ಚ್ಯಾ ಕೊಟೇಜ಼ಿ೦ತ್ ರಾ೦ವ್ಚೊ ಪ್ರೊಫೆಸರ್ ಡಿ’ಸೊಜ಼ಾ ಮ್ಹಾಕಾ ಸಾ೦ಗಾಲಾಗ್ಲೊ ಆಮ್ಚ್ಯಾ ಕೊಟೇಜ಼ಿ ಲಾಗ್ಸಾರ್‌ಚ್ ಎಕ್ ಆ೦ಗ್ಲೊ ಇ೦ಡಿಯನ್ ಕುಟಮ್ ಆಸಾ; ವಿದವ್ ಬಾಯ್ಲ್, ಭುರ್ಗಿ೦ ಸರ್ವಾ೦ಯಿ ಚಲಿಯೊಚ್, ಕಶ್ಟಾರ್ ಆಸಾತ್ ಬಾವ್ಡಿ೦; ಕಾ೦ಯ್ ‘ಡ್ರಾಯ್ ಲ೦ಚ್’ ಬಾ೦ದುನ್ ದಿತಿತ್. ಕಾ೦ಯ್ ನಜ಼ೊ, ಹಾ೦ವ್ ತ್ಯೆ ವಿದ್ವಿಗೆರ್ ಪಾವ್ಲೊ೦, ಉಲಯ್ಲೊ೦; ತಿ ಒಪ್ಲಿ. ದುಸ್ರ್ಯಾ ದಿಸಾಥಾವ್ನ್ ಸಕಾಳಿ೦ ಆಟ್ ವೊರಾ೦ಚೆರ್ ಮ್ಹಜ಼ೆ೦ ‘ಡ್ರಾಯ್ ಲ೦ಚ್’ ಹೊಸ್ಟೆಲಾಕ್ ಪಾವೊ೦ಕ್ ಸುರು ಜ಼ಾಲೆ೦. ತೆ೦ ಹಾಡು೦ಕ್ ವಿದ್ವಿಚ್ಯೊ ದೊಗಿ ಧುವೊ. ಕಿತೆ೦ ಸಾ೦ಗು೦? ಹೊಸ್ಟೆಲಾ೦ತ್ ಸಕಾಳಿ೦ ಆಟಾ೦ಕ್‌ಚ್ಚ್ ಎಡ್ವಿನಾಚ್ಯಾ ನಾ೦ವಾಚ್ಯೊ ಕುಕಾರ್‍ಯೊ. ಕಿತೆ೦ ಉಣೆ, ಮ್ಹಣಾಲೆ ಆಮ್ಚೆ ಕೊಟೆಜ಼್‌ಗಾರ್, ಆಮ್ಚ್ಯಾ ಪ್ಲೇ-ಬೊಯಾಕ್ ಬ್ರೇಕ್‌ಫಾಸ್ಟಾ ಸಾ೦ಗಾತಾ ಲ೦ಚ್‌ಯಿ ಮೆಳ್ತಾ!
ಕ್ಯಾ೦ಪಸಾಕ್ ವಚುನ್ ಬೊಕ್ಸ್ ಉಗ್ತೊ ಕರ್ತಾ೦, ದೋನ್ ಪರಾಟಾ ಆನಿ ಬೀಫ್. ಬೆ೦ಗ್ಳುರ್ಚೆ ಥ೦ಡಿಯೆ೦ತ್ ತಾ೦ತ್ಲಿ ಚರಬ್ ಬರಿಚ್ ಘಟ್ ಜ಼ಾಲ್ಯಾ, ಲೊಣಿಯಾಪರಿ೦. ಹೆ೦ ತಾಳ್ಯಾ೦ತ್ ಕಶೆ೦ ದೆವ೦ವ್ಚೆ೦? ಕೊಕಾಕೊಲಾಚಿ ಫೆಕ್ಟರಿ ಲಗ್ಸಾರ್‌ಚ್ ಆಸ್‌ಲ್ಲಿ ಆನಿ ತವಳ್ ಹ್ಯಾ ಪೀವನಾಕ್ ಫಕತ್ ಪನ್ನಾಸ್ ಪಯ್ಶೆ. ಬರಾಬರ್. ಡ್ರಾಯ್ ಲ೦ಚಾ ಸಾ೦ಗಾತಾ ಕೊಕಾಕೊಲಾ ಆನಿ ವಿಲ್ಸ್ ಫಿಲ್ಟರ್ ಸಿಗ್ರೆಟ್. ದನ್ಪಾರಾ೦ ಮಿಶಿನ್ ಶೊಪಾ೦ತ್ ಎಕ್ ನೀದ್. ಕಿತ್ಲೊ ತೇ೦ಪ್ ಹೆ೦ ಚಲಾತ್ ಯಾ ಹಾ೦ವೆ೦ ತೆ೦ ಚಲಯ್‌ಜ಼ೆ? ದೋನ್ ತೀನ್ ಮ್ಹಯ್‌ನ್ಯಾ೦ನಿ ಪರಾಟಾ ಆನಿ ಬೀಫ್ ತಾಳ್ಯಾ೦ತ್ ದೆ೦ವಾನಾ ಜ಼ಾಲೆ೦; ಪಾವಾನಾತ್‌ಲ್ಲ್ಯಾಕ್ ಹ್ಯಾ ಆ೦ಗ್ಲೊ ಇ೦ಡಿಯನ್ ಚಲಿಯಾ೦ಚಿ ಧೊಸ್, ಜ಼ಿ ಮ್ಹಾಕಾ ರುಚ್ತಾಲಿ ಪುಣ್ ಮೇಟ್ ಮುಕಾರ್ ಕಾಡು೦ಕ್ ಮಾತ್ರ್ ಬೆಟ್ರಿ ನಾತ್‌ಲ್ಲಿ. ತ್ಯಾ ಚಲಿಯಾ೦ ಪಯ್ಕಿ ಎಕ್ಲೆ೦, ತಾಚೆ೦ ನಾ೦ವ್ ನೊಯೆಲ್ಲಾ, ನಿಜ಼ಾಯ್ಕಿ ...ಕಿತೆ೦ ಮ್ಹಣ್ಚೆ೦, ಡೆಸಿರಬ್ಲೆ ಪುಣ್ ಜ಼ಿಣಿಯೆ ಸಾ೦ಗಾತಿಣ್ ಕರು೦ಕ್ ನ್ಹಯ್ ಬಗಾರ್ ಬ್ರಿಗೇಡ್ ರೋಡಾವಯ್ಲ್ಯಾ ಶೊ-ರೂಮಾ೦ನಿ ದವರು೦ಕ್. ಪುಣ್ ಮ್ಹಜ಼್ಯಾ ಶಾಣೆಪಣಾನ್ (ಭಿ೦ಯಾನ್?) ಪರಾಟಾ ಆನಿ ಬೀಫ್ ಬ೦ದ್, ಮ್ಹಜ಼ೆ೦ ಲ೦ಚ್ ಕೊಕಾಕೊಲಾ ಆನಿ ವಿಲ್ಸ್ ಫಿಲ್ಟರ್.
ಇ೦ಜ಼ಿನಿಯರಿ೦ಗ್ ಜ಼ಿ೦ದಾಬಾದ್! ಪುಣ್ ಕೆದೊಳ್ ಪರ್‌ಯಾ೦ತ್?
ದೋನ್ ವರ್ಸಾ೦ ಹಾ೦ವೆ೦ ಅಶಿ೦ಚ್ ಪಾಶಾರ್ ಕೆಲಿ೦ ಆನಿ ದುಸ್ರ್ಯಾ ವರ್ಸಾಚ್ಯಾ ಆಕ್ರೇಕ್ ಖ೦ಚಾಯೀ ಗಣಿತ್ ಪರೀಕ್ಶೆ೦ಕ್ ಹಾ೦ವ್ ಬಸ್ಲೊ೦ ನಾ. ಸಿವಿಲ್ ಇ೦ಜ಼ಿನಿಯರಿ೦ಗ್ ಪ್ರ್ಯಾಕ್ಟಿಕಲ್ ಫಸ್ಟ್‌ಕ್ಲಾಸ್ ಜ಼ಾಲೆ೦ ಆನಿ ಸ್ಮಿಥಿ (ಲೊ೦ಕ್ಡಾಚೆ೦ ಕಾಮ್) ಸುಪರ್ ಜ಼ಾಲೆ೦. ಹಿ೦ ಪ್ರ್ಯಾಕ್ಟಿಕಲಾ೦ ವ್ಹಯ್ ಪುಣ್ ಥಿಯರಿ ನ್ಹಯ್. ಪರೀಕ್ಶಾ ಜ಼ಾಲಿ ಆನಿ ಕ್ಯಾರಿ ಒವರ್ ಪೇಪರಾ೦ ಆಸ್‌ಲ್ಲ್ಯಾನ್ ಹಾ೦ವ್ ಪಾಟಿ೦ ರಾವ್ಲೊ೦ ಪುಣ್ ಯೆದೊಳ್ ಹಾ೦ವೆ೦ ಮ್ಹಜ಼ಿ ವಿ೦ಚವ್ಣ್ ಕರುನ್ ಜ಼ಾಲ್ಲಿ. ತ್ಯಾ ಎಕಾ ಸಕಾಳಿ೦ (ಪೇಪರಾ೦ ಜ಼ಾಲ್ಲ್ಯಾ ದುಸ್ರ್ಯಾ ದಿಸಾ) ಮ್ಹಜ಼ಿ ಯಶಿಕಾ ಲಿನ್ಸ್ಕ್ ಕೆಮರಾ ಖಾ೦ದಾರ್ ಗಾಲ್ನ್ ಹಾ೦ವ್ ಭಾಯ್ರ್ ಸರ್ಲೊ೦. ತುಮಿ೦ ಮ್ಹಾಕಾ ಪಿಸೊ ಮ್ಹಣ್ಶಾತ್; ನಿಜ಼ಾಯ್ಕಿ ಖರೆ೦ ತೆ೦ ಪುಣ್ ಹೆ೦ ಲಿಕ್ತಾನಾ ಮ್ಹಜ಼್ಯಾ ದೊಳ್ಯಾ೦ನಿ ದುಕಾ೦ ಆಸಾತ್.
ಬೆ೦ಗ್ಳುರಾ೦ತ್ ಹಾ೦ವೆ೦ ಭ೦ವ್ಡಿ ಮಾರ್ಲಿ ಆನಿ ಮ್ಹಜ಼್ಯಾ ಮೊಗಾಚ್ಯಾ ಸರ್ವ್ ಜ಼ಾಗ್ಯಾ೦ಚ್ಯೊ ಆನಿ ಬಾ೦ದ್ಪಾ೦ಚ್ಯೊ ಆನಿ ಭಾಗಿಯೆ೦ಚ್ಯೊ ಆನಿ ಆರ್.ವಿ. ಕೊಲೆಜ಼ಿಚ್ಯಾ ಕ್ಯಾ೦ಪಸಾಚ್ಯೊ ತಸ್ವೀರ್‍ಯೊ ಕಾಡುನ್ ಪಾಟಿ೦ ಆಯ್ಲೊ೦.
ಸಾ೦ಜ಼್ ಜ಼ಾಯಿತ್ತ್ ಯೆತಾಲಿ ಆನಿ ಸೆ೦ಯ್ಟ್ ಜ಼ೊಸೆಫ್ ಹೊಸ್ಟೆಲಾಚ್ಯೊ ಆನಿ ಕೊಟೇಜ಼ಿಚ್ಯೊ ಫೊಟೊ ಕಾಡ್ತಾನಾ ಹಾ೦ವ್ ಸುಸ್ಕಾರ್ಲೊ೦ಚ್. ಹ್ಯಾ ಪರಿಸರಾ೦ತ್ ಆಸ್ಚ್ಯಾ ಹರ್‌ಯೆಕಾ ರುಕಾ ಮುಳಾ೦ತ್ ಮ್ಹಾಕಾ ಉಪಾದೆಸ್ ಮೆಳ್‌ಲ್ಲೆ; ಹೆ ಉಪಾದೆಸ್ ಹಾ೦ವ್ ಆತಾ೦ ಪರ್‌ಯಾ೦ತ್ ಪಾಳ್ತಾ೦. ರುಮಾಕ್ ಯೆವ್ನ್ ಹಾ೦ವೆ೦ ಸುಟ್‌ಕೇಜ಼್ ಪ್ಯಾಕ್ ಕೆಲಿ. ಕೊಣಾಯ್ಕಿ ಸಾ೦ಗ್ಲೆ೦ ನಾ. ಸರ್ವಾ೦ನಿ ಚಿ೦ತ್ಲೆ೦ ಪರೀಕ್ಶಾ ಜ಼ಾವ್ನ್ ಹಾ೦ವ್ ಘರಾ ವೆತಾ೦ ಮ್ಹಣ್. ಪುಣ್ ತಾ೦ಕಾ೦ ಕಿತೆ೦ ಕಳಿತ್ ಹಾ೦ವೆ೦ ಬಳ್ಳಾಳ್ ನಾಯ್ಟ್ ಬಸ್ಸಾಚಿ ಟಿಕೆಟ್ ಕಾಡ್ಲ್ಯಾ ಆನಿ ತಾಚೆರ್ ‘ಗುಡ್‌ಬಾಯ್’ ಲಿಕ್ಲಾ೦ ಮ್ಹಣ್?
ಹೆ೦ ಬಸ್ಸ್ ವುಡ್‌ಲ್ಯಾ೦ಡ್ಸಾಥಾವ್ನ್ ಸುಟ್ತಾಲೆ೦ ಆನಿ ಥ೦ಯ್ಚ್ ಜ಼ೆವಣ್ ಕರುನ್ ಹಾ೦ವ್ ಬಸ್ಸಾರ್ ಬಸ್ಲೊ೦. ರಾತಿಚ್ಯಾ ನೋವ್ ವೊರಾರ್ ಹ್ಯಾ ಬಸ್ಸಾಕ್ ‘ರಾಯ್ಟ್ ಪೋಯ್’ ಜ಼ಾತಾನಾ ಹಾ೦ವ್ ರಡ್ಲೊ೦ಚ್, ಗುಪಿತ್ತ್!
Tags:
Edwin JF Dsouza, Konkani e-Serial, Vasu Valencia, Konkani, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
Our Address
Mangalore
 | Contact Person : Mr. Praveen Tauro |
Email : praveen@maibhaas.com
Phone : +91 99 80 184340
Address :
Daijiworld.com,
Airport Road,
opp. Bondel Church,
Mangalore - 575 008
Karnataka - India
Our Address
Udupi
 | Contact Person : Mr. Joel D'almeida |
Email : joel@maibhaas.com
Phone : +91 90 08 855392
Address :
Eventz Redefined,
Next to Vijaya Bank,
Holy Family Complex
1st Floor, NH -66
Brahmavara - 576213
Our Address
Dubai
 | Contact Person : Mr. Naveen Sequeira |
Email : editor@maibhaas.com
Phone : +97 150 755 4105
Address :
Master Mind IT Solutions,
UBL Building,
#402, 4th Floor
Bank Street - Bur Dubai
Dubai - UAE
1 Comment/s.
Edwin is my favourite writer… good series…