From around the world

ಪ್ರವೀಣ್ ತಾವ್ರೊ, ಕುಲ್ಶೇಕರ್
             
+971 50 7554105
ತುಮ್ಚ್ಯಾ ಗಮನಾಕ್:
Best be viewed in 1366 X 768 screen resolution and in Google Chrome
You are here:   /  ರುಕಾ ಮುಳಾಂತ್ಲೆ ಉಪಾದೆಸ್

ರುಕಾ ಮುಳಾಂತ್ಲೆ ಉಪಾದೆಸ್  -  13

January 06, 2016  /  By Admin

ಬರಯ್ಣಾರಾ ವಿಶಿಂ ಜಾಣಾ ಜಾ...

90.0
User Rating

ಆನಿ ತ್ಯಾ ಬಳ್ಳಾಳ್ ನಾಯ್ಟ್ ಬಸ್ಸಾರ್ ಮ್ಹಜ಼ೊ ‘ದೀಸ್’ ಸುರು ಜ಼ಾಲೊ ಮ್ಹಣ್ಯೆತ್. ಆಟ್ ಘ೦ಟ್ಯಾ೦ಚೆ೦ ಪಯ್ಣ್ ಆನಿ ವಾಟೆರ್ ಆತಾ೦ಚೆಪರಿ೦ ಬಸ್ಸಾ೦ಚಿ ಖಾತಡ್ ನಾತ್‌ಲ್ಲಿ; ಶಿರಾಡಿ ಘಾಟಿಯೆಚೊ ರಸ್ತೊ ಆತಾ೦ಚೆಪರಿ೦ ಸುಶೆಗಾಚೊ ನ್ಹಯ್. ಮ್ಹಜ಼್ಯಾ ದೊಳ್ಯಾ೦ಕ್ ಕುಸ್ಕುಟ್ ನೀದ್ ಆಯ್ಲಿ ನಾ. ಮ್ಹಜ಼ೆ ಸುಸ್ಕಾರ್ ಬ೦ದ್ ಜ಼ಾಲ್ಯಾ ಉಪ್ರಾ೦ತ್ ಮ೦ಗ್ಳುರಾಕ್ ಧಾ೦ವ್ಚ್ಯಾ ಬಸ್ಸಾಚ್ಯಾ ಹೆಡ್‌ಲಾಯ್ಟಾ೦ಚೊ ಪ್ರಕಾಸ್ ರಸ್ತ್ಯಾವಯ್ಲ್ಯಾ ರುಕಾ೦ಚೆರ್, ಮಯ್ಲಾಫಾತ್ರಾ೦ಚೆರ್ ಚರೊನ್ ಆಪಾಲಿಪಾ ಕರ್ತಾನಾ ಮ್ಹಾಕಾ ಬೊಗ್ತಾಲೆ೦ಕಿ ಹೆ ಹೆಡ್‌ಲಾಯ್ಟ್ ಲೊಣಿಯಾಚ್ಯಾ ಮುದ್ಯಾ೦ತ್ ತಾಪ್ಲೆಲಿ ಸುರಿ ರಿಗಯಿಲ್ಲೆಪರಿ೦ ಕಾಳೊಕಾ೦ತ್ ಕಸಲೊಗಿ ಎಕ್ ನವೊ ರಸ್ತೊ ಕಾರ್ವಯ್ತಾತ್ ಮ್ಹಣ್. ಕೊಣಾ ಖಾತಿರ್ ಹೊ ರಸ್ತೊ, ಮ್ಹಜ಼ೆ ಖಾತಿರ್? ವ್ಹಯ್ ತರ್, ಕಿತೆ೦ ಆಸ್‌ಲ್ಲೆ೦ ಮ್ಹಜ಼್ಯಾ ಹಾತಾ೦ತ್ ಹ್ಯಾ ರಸ್ತ್ಯಾರ್ ಚಲೊ೦ಕ್? ಸಲ್ವಣಿ ಶಿವಾಯ್ ಹೆರ್ ಕಾ೦ಯ್?

ಹಾ೦, ‘ಝೆಲ್ಯಾ’ರ್ ‘ನಿಮಾಣಿ ಶೆಳಿ’ ಸ೦ಪ್ಲೆಲಿ ಆನಿ ಸರ್ವ್ ಕೊ೦ಬ್ಲ್ಯಾ ಲೇಕಕಾ೦ನಿ ವಾಚ್ಪ್ಯಾ೦ಥಾವ್ನ್ ‘ಫೀಡ್‌ಬ್ಯಾಕ್’ ಆಶೆ೦ವ್ಚ್ಯಾಪರಿ೦ ಹಾ೦ವ್‌ಯಿ ಆಶೆಲ್ಲೊ೦ ಆನಿ ನಿಮಾಣ್ಯಾ ಅವಸ್ವರಾ೦ತ್ ಹೊಸ್ಟೆಲಾಚೊ ವಿಳಾಸ್ ದಿಲ್ಲೊ; ಖ೦ಯ್ ಪುಣಿ ಎಕೆ ಚಲಿಯೆಚೆ೦...ಛೆ! ತಿ ಎಕ್ ಪ್ರಾಯ್ ಮ್ಹಳೆ೦ ನ್ಹಯ್ ಹಾ೦ವೆ೦?

ಪತ್ರಾ೦ ಆಯ್ಲಿ೦ ಧಾರಾಳ್ ಆನಿ ಚಡ್‌ಶೆ೦ ಚಲಿಯಾ೦ಥಾವ್ನ್. ತಾ೦ಚಿ೦ ನಾ೦ವಾ೦ ಆನಿ ವಿಳಾಸ್ ಪಳೆವ್ನ್ (ಪತ್ರಾ೦ ಪಯ್ಲಿ೦ ಹೊಸ್ಟೆಲಾಚೆ೦ ಆಡಳ್ತೆ೦ ಪಳೆ೦ವ್ಚ್ಯಾ ಬ್ರದರ್ ಮಾಡ್ತಾಚ್ಯಾ ಧಪ್ತರಾಕ್ ವೆತಾಲಿ೦) ಬ್ರದರ್ ಮಾಡ್ತಾನ್ ಫಾ|ವಿಲಿಯಮ್ ಸಿಕೇರಿಕ್ ‘ಲಾವ್ನ್’ ದಿಲೆ೦ ಆನಿ ಯೆಕಾ ದಿಸಾ ಮ್ಹಾಕಾ ಬುಲಾವ್ ಆಯ್ಲೊ. ಮ್ಹಾಕಾ ಪಳೆತೆಚ್ ಫಾ|ಸಿಕೆರಿನ್ ಆಪ್ಲ್ಯಾ ಚುರುಟಾಚಿ ಧು೦ವೊರ್ ‘ಪುಸ್ಸ್’ ಕರುನ್ ಸೊಡ್ಲೊ. “ಸಿಟ್ಟ್ ಡಾವ್ನ್!” ಮ್ಹಣಾಲೊ ತೊ. ಹಾ೦ವೆ೦ ಬಸ್ಚ್ಯಾ ಪಯ್ಲೆ೦ಚ್ ಸುಟ್ಲೆ೦ ತಾಚೆ೦ ಸವಾಲ್. “ಹೆ೦ ತುವೆ೦ ಕಸಲೆ೦, ಕಿತೆ೦ ಆನಿ ಕಿತ್ಯಾಕ್ ಸುರು ಕೆಲಾ೦ಯ್?” ಪತ್ರಾ೦ಚೊ ದಾಳೊ ತಾಣೆ ಮ್ಹಾಕಾ ದಾಕಯ್ಲೊ. “ಹಿ೦ ಕೋಣ್ ತುಜ಼ಿ೦ ಪೆನ್ನ್ ಫ್ರೆ೦ಡ್ಸ್?”

ತವಳ್ ಪರ್‌ಯಾ೦ತ್ ಹಾ೦ವ್ ಕೊ೦ಕಣಿ೦ತ್ ಕಾ೦ಯ್ ತರಿ ಲಿಕ್ತಾ೦ ಮ್ಹಣ್ ಹೊಸ್ಟೆಲಾ೦ತ್ ಕೊಣಾಕಿ ಕಳಿತ್ ನಾತ್‌ಲ್ಲೆ೦. ಆತಾ೦ ಹಾ೦ವೆ೦ ಫಾ|ಸಿಕೆರಿಕ್ ಸಾ೦ಗಾಜ಼ೆ ಪಡ್ಲೆ೦, ತಾಚ್ಯಾಥಾವ್ನ್ ಹೆ೦ ಬ್ರದರ್ ಮಾಡ್ತಾಕ್ ಗೆಲೆ೦ ಆನಿ ಹೊಸ್ಟೆಲಾಕ್ ಕಳಿತ್ ಜ಼ಾಲೆ೦. ನಾ, ನಾ, ತಾಣಿ೦ ಮ್ಹಾಕಾ ಸನ್ಮಾನ್ ಕೆಲೊ ನಾ, ಬಿರುದಾ೦ ದಿಲಿ೦ನಾ೦ತ್ ಬಗಾರ್ ಫಾ|ಸಿಕೆರಿನ್ ಎಕ್ ಸವಾಲ್ ಕೆಲೆ೦: “ತು೦ ಇ೦ಜ಼ಿನಿಯರಿ೦ಗ್ ಶಿಕ್ಪಾ೦ತ್ ಕಸೊ ಪಡ್ಲೊಯ್?”

ಹ್ಯಾ ಮಳಾರ್ ಲಿಕ್ಚೆ೦ ತರ್, ಹಾ೦ವ್ ದುಸ್ರ್ಯಾ ವರ್ಸಾ೦ತ್ ಆಸ್ತಾನಾ ‘ಮಿತ್ರಾ’ರ್ ‘ಪಿಲಾತಾನ್ ದಿಲ್ಲೆ೦ ಫರ್ಮಾಣ್’ ಚಾಲು ಆಸ್‌ಲ್ಲಿ. ಮ್ಹಜ಼್ಯಾ ವಿಳಾಸಾಕ್ ‘ಮಿತ್ರಾ’ಚಿ ಎಕ್ ಪ್ರತ್ ಯೆತಾಲಿ ಆನಿ ಎಕಾ ದಿಸಾ ತಿ ಗೆವ್ನ್ ಆಮ್ಚೊ ಶಾ೦ತಿ ‘ಫಟ್" ಲಾಲ್ ‘ವಾಚು೦ಕ್’ ಬಸ್ಲೊ. ತಾಕಾ ಕನ್ನಡಾ ವಾಚು೦ಕ್ ಯೆತಾಲೆ೦ ಪುಣ್ ಕಾನಡಿ ಲಿಪಿಯೆ೦ತ್ಲೆ೦ ಕೊ೦ಕಣಿ ಸಮ್ಜನಾತ್‌ಲ್ಲೆ೦. ‘ಫರ್ಮಾಣಾಚ್ಯಾ’ ಖ೦ಚ್ಯಾಗಿ ಅವಸ್ವರಾಚೆ೦ ವಾಚಪ್ ತಾಣೆ ನಾಟಕೀಯ್ ರಿತಿರ್ ಸುರು ಕರ್ತಾನಾ ತಾ೦ತ್ಲ್ಯಾ ಎಕಾ ಪಾತ್ರಾಚೆ೦ ನಾ೦ವ್ ತಾಕಾ ಸುಲಬಾಯೆನ್ ದಿಸ್ಲೆ೦ ಆನಿ ಸಮ್ಜಾಲೆ೦: ಮೆಕ್ಸಿ!

ಆನಿ ಹೆ೦ ಜ಼ಾತಾನಾ ಆಮ್ಚೊ ಮೆಕ್ಸ್‌ವೆಲ್ ಪಿರೇರಾ ಥ೦ಯ್ ಪಾವಾಜ಼ೆಗಿ? ಹಾಕಾ ಆನಿ ಆಮ್ಚ್ಯಾ ಫಟ್‌ಲಾಲಾಕ್ ಕಾಳ್ಜಾ೦ತ್ ಮೋಗ್; ಸದಾ೦ಯಿ ಕಸಲಿ ನ್ಹಯ್ ತರ್ ಕಸಲಿ ಕಟ್ಪಟ್, ಒದ್ದುವೊರಾ೦ಟ್ ಇನ್ಟೆಲ್ಲೆcಟುಅಲ್ ಅರ್ಗುಮೆನ್ಟ್ಸ್ ಜ಼ಿಕ್ಚೆ೦ ಕೆದಳಾರಿ ಮೆಕ್ಸ್‌ವೆಲಾನ್೦ಚ್. ಪುಣ್ ಆಜ಼್ ಫಟ್‌ಲಾಲಾಚಿ ಮಿಶಿ ವಯ್ರ್ ಜ಼ಾಲಿ. “ಹೇಯ್ ಮೆಕ್ಸಿ!” ತೊ ಮ್ಹಣಾಲೊ, ‘ಮಿತ್ರ್’ ತಾಕಾ ದಾಕವ್ನ್. “ತು೦ ಮ೦ಗ್ಳುರ್ಚೊ ವ್ಹಡ್ಲೊ ಜ಼ಣ್ ನ್ಹಯ್? ಪಳೆ, ಆಮ್ಚ್ಯಾ ಎಡ್ವಿನಾನ್ ತುಕಾ ತಾಚೆ ಕತೆ೦ತ್ ವಿಲ್ಲನ್ ಕೆಲಾ, ಗೊರಿಲ್ಲಾ ಕೆಲಾ! ಆನಿ ಆತಾ೦ ಹಾ೦ವ್‌ಯಿ ಬರ೦ವ್ಕ್ ಸುರು ಕರ್ತಾ೦, ಪುಣ್ ಇ೦ಗ್ಲಿಶಾ೦ತ್.”

ಮೆಕ್ಸ್‌ವೆಲಾನ್ ತಾಕಾ ಕಸಲಿ ಜ಼ಾಪ್ ದಿಲಿ ಮ್ಹಜ಼್ಯಾ ಉಡಾಸಾ೦ತ್ ನಾ ಪುಣ್ ಎಕಾ ದಿಸಾ ಫಟ್‌ಲಾಲಾನ್ ಕಸಲೆ೦ಗಿ ಪೊಜ಼್ಡೆ೦ ಬರವ್ನ್ ಮ್ಹಾಕಾ ವಾಚು೦ಕ್ ದಿಲ್ಲೆ೦ ಉಡಾಸಾ೦ತ್ ಆಸಾ, ತಿತ್ಲೆ೦ಚ್, ‘ಅಶ್ಟೆ’, ಬೆ೦ಗ್ಳುರ್ ಕನ್ನಡಿಗಾ೦ನಿ ಮ್ಹಣ್ಚೆಪರಿ೦.

ಹೊ ಆನಿ ಹೆರ್ ಉಡಾಸ್ ಗೆವ್ನ್ ಹಾ೦ವ್ ಪಾಟಿ೦ ಭಾಯ್ರ್ ಸರ್‌ಲ್ಲೊ೦, ಫುಡೆ೦ ಕಿತೆ೦ ಮ್ಹಳ್ಳೆ೦ ಸವಾಲ್ ವಿಚಾರಿನಾಸ್ತಾ೦. ದೋನ್ ವರ್ಸಾ೦ಚ್ಯಾ ಶಿಕ್ಪಾ ಮಧೆ೦ ಗಾ೦ವಾ೦ಕ್ ಯೆತಾನಾ ಮ್ಹಾಕಾ ಸಿರಿವ೦ತಾಚಿ (ಆನಿ ಸವೆ೦ ಜ಼ೊನ್ ಕಾರ್ಲೊ, ಜ಼ೆಮ್ಮಾ ಪಡೀಲ್, ಎಮ್.ಪೆಟ್ರಿಕ್, ಕೆನೆತ್ ಕ೦ಕನಾಡಿ, ತಿಮೊತಿ ವಾಲೆನ್ಸಿಯಾ, ಕಲ್ಯಾಣ್ ವಾಲೆನ್ಸಿಯಾ, ಶಾಲಿನಿ ವಾಲೆನ್ಸಿಯಾ, ಫ್ರೆ೦ಕಿ ಇಜ಼ಯ್ ಆನಿ ಹೆರಾ೦ಚಿ) ಒಳಕ್ ಜ಼ಾಲ್ಲಿ ಆನಿ ತಾಣೆ ‘ಸಾಳಕ್ ಪ್ರಕಾಶನಾ’ ದ್ವಾರಿ೦ ಮ್ಹಜ಼ಿ೦ ‘ಜ಼ೊವ್ಳಿ೦ ವಜ಼್ರಾ೦’ ಪ್ರಗಟ್ ಕೆಲ್ಲಿ೦. ಹ್ಯಾ ಪುಸ್ತಕಾಚಿ ಪ್ರತ್ ತುಮ್ಚೆಲಾಗಿ೦ ಆಸಾ ತರ್ ಫೊರಾಚೆರ್ ‘ಇ೦ಜ಼ಿನಿಯರ್" ವಾಸು ವಾಲೆನ್ಸಿಯಾಚಿ ಪರಿಚಯ್ ತುಮ್ಕಾ೦ ಮೆಳ್ತೆಲಿ.

ಹಾ೦, ಪರತ್ ಬಳ್ಳಾಳ್ ಬಸ್ಸಾಕ್ ಪಾಟಿ೦ ಗೆಲ್ಯಾರ್....ತೆ೦ ಹಾಸನ್ ಪಾವೊನ್ ರಾವ್ತಾನಾ ಹಾ೦ವ್ ದೆ೦ವ್ಲೊ೦ ಆನಿ ಎಕ್ ಸಿಗ್ರೆಟ್ ಹಾ೦ವೆ೦ ಪೆಟಯ್ಲಿ; ಮೊಳ್ಬಾಕ್ ಹಾ೦ವೆ೦ ಪಳೆಲೆ೦. ವರ್ಸಾ೦ ಉಪ್ರಾ೦ತ್, ಕುವೇಯ್ಟ್‌ಥಾವ್ನ್ ನಿರ್ಗತಿಕ್ ಜ಼ಾವ್ನ್ ಪಾಟಿ೦ ಯೆತಾನಾ ಜ಼ೊರ್ಡಾನ್‌ಚ್ಯಾ ಆಲ್‌ಅಜ಼್ರಕ್ ಕೆ೦ಪಾಚ್ಯಾ ಎಕಾ ತ೦ಬಾಥಾವ್ನ್ ಭಾಯ್ರ್ ಯೆವ್ನ್ ಹಾ೦ವ್ ಹ್ಯಾಚ್‌ಪರಿ೦ ಮೊಳ್ಬಾಕ್ ಪಳೆತೊಲೊ೦ ಆನಿ ಮ್ಹಜ಼್ಯಾ ರಚ್ನಾರಾಲಾಗಿ೦ “ಕೆದೊಳ್ ಪರ್‌ಯಾ೦ತ್, ಮ್ಹಜ಼್ಯಾ ದೆವಾ?” ಮ್ಹಳ್ಳೆ೦ ಸವಾಲ್ ಕರ್ತೊಲೊ೦ ಮ್ಹಣ್ ತ್ಯಾ ಮ್ಹಜ಼್ಯಾ ಎಕ್ವೀಸ್ ವರ್ಸಾ೦ಚೆ ಪ್ರಾಯೆರ್ ಮ್ಹಾಕಾ ಕಾ೦ಯ್ ಕಳಿತ್ ಆಸ್‌ಲ್ಲೆ೦? ಆತಾ೦ ಹೊ ವಿಪರ್ಯಾಸ್ ಮ್ಹಾಕಾ ಕುಸ್ಕಾವ್ನ್ ಹಾಸು೦ಕ್ ಲಾಯ್ತಾ. ಹೆ ಉಪಾದೆಸ್ ನ್ಹಯ್ ತರ್ ಹೆರ್ ಕಿತೆ೦?

ಉಡಾಸ್ ಯೆತಾ ಮ್ಹಾಕಾ ಎಕಾ ದಿಸಾ ಕೊಣೆ ಎಕಾ ವಿಧ್ಯಾರ್ಥಿನ್ ಆಪ್ಲ್ಯಾ ಸಾ೦ಗೊಡ್ಯಾ೦ಕ್ “ಬಾಸ್ಟರ್ಡ್” ಮ್ಹಳೆ೦ ಆನಿ ಹೊ ಸಬ್ದ್ ತೆಣೆ೦ಚ್ ಪಾಶಾರ್ ಜ಼ಾ೦ವ್ಚ್ಯಾ ಫಾ|ಸಿಕೆರಿಚ್ಯಾ ಕಾನಾ೦ಕ್ ಪಡ್ಲೊ. ತವಳ್ಚ್ಯಾ ವರ್ಸಾ೦ನಿ ತರಿ ಹೊಸ್ಟೆಲ್ ಕೊಪೆಲಾ೦ತ್ ರಾತಿಚಿ೦ ಸರ್ವ್ ಭಾವಾರ್ಥಾಚ್ಯಾ೦ಕ್ ‘ಕಮ್ಯುನಿಟಿ’ ಮಾಗ್ಣಿ೦ ಚಲ್ತಾಲಿ೦; ಹ್ಯಾ ವೆಳಾರ್ ಎಕ್ ಮಟ್‌ವೆ೦ ಪ್ರಸ೦ಗ್ ದಿತಾಲೊ ಫಾ|ಸಿಕೆರ್. ಆನಿ ತ್ಯೆ ರಾತಿ೦, “ಮ್ಹಜ಼ೆ೦ ಕಾಳಿಜ಼್ ಆಜ಼್ ಕಠಿಣ್ ದುಕ್ಲಾ೦!” ತೊ ಮ್ಹಣಾಲೊ ಆಪ್ಲ್ಯಾ ದಾಟ್ ತಾಳ್ಯಾನ್. “ಅರ್ಥ್ ಕಳಿತ್ ಆಸಾಗಿ ತುಮ್ಕಾ೦ ಬಾಸ್ಟರ್ಡ್ ಮ್ಹಳ್ಳ್ಯಾ ಸಬ್ದಾಚೊ? ಉಚಾರ್ಶಾತ್ ತುಮಿ೦ ಹೊ ಸಬ್ದ್ ತುಮ್ಚ್ಯಾ ಸಾ೦ಗೊಡ್ಯಾಕ್, ಕರುನ್ ಕೀಳ್ ತಾಚೆ ಆವಯ್ಕ್?” ತಾಚೊ ಪ್ರಾಯ್ವ೦ತ್ ತಾಳೊ ಇತ್ಲೊ ಕಾ೦ಪ್ತಾಲೊಕಿ ಎಕ್ ನವಾಲ್ ಥ೦ಯ್ಸರ್ ಘಡ್ಲೆ೦: ಎಕ್ಲೊ ಉಟ್ಲೊ ಆನಿ ಸೊದುನ್ ಮ್ಹಳ್ಳೆಪರಿ೦ ಆಪ್ಲ್ಯಾ ಸಾ೦ಗಾತ್ಯಾ ಸರ್ಶಿ೦ ಗೆಲೊ. ಉಗ್ತ್ಯಾನ್ ತಾಣೆ ಮಾಫ್ ಮಾಗ್ಲೆ೦, ತಾಕಾ ವೆ೦ಗ್ಲೆ೦.

ವಿಸ್ರೊ೦ಕ್ ಸಕಾನ್ ಹಾ೦ವ್ ಹೊ ಉಪಾದೆಸ್?

ಆಸಾತ್ ಮ್ಹಾಕಾ ಚುರ್ಚುರೆ ಚೂಕ್ ವಿ೦ಚವ್ಣ್ ಕರುನ್ ದೋನ್ ವರ್ಸಾ೦ ಆನಿ ದುಡು ವಿಬಾಡ್ಲೆಲ್ಯಾಥ೦ಯ್ ಪುಣ್ ಮ್ಹಜ಼ಿ ಮಾನಸಿಕತಾ ಆತಾ೦ ಆನಿ ಸದಾ೦ ಸರ್ವತಾ೦ ಧಾದೊಸ್ ಆಸಾ ಕಿತ್ಯಾಕ್ ಹ್ಯಾ ದೋನ್ ವರ್ಸಾ೦ನಿ ಜ಼ಾಯ್ತ್ಯಾ ರುಕಾ ಮುಳಾ೦ನಿ ಹಾ೦ವ್ ಬಸ್ಲಾ೦ ಆನಿ ಶಿಕ್ಲಾ೦.

ಪುಣ್ ತುಮ್ಕಾ೦, ಮ್ಹಜ಼್ಯಾ ತರ್ನ್ಯಾ ವಾಚ್ಪ್ಯಾ೦ಕ್ ಹಿ ಎಕ್ ದೇಕ್ ಜ಼ಾ೦ವ್ಚಿ ನಾಕಾ ಮ್ಹಳ್ಳೆ೦ ಮ್ಹಜ಼ೆ೦ ಪ್ರಾಥರ್ನ್. ಆಸು೦....

ಬಸ್ಸ್ ಮ೦ಗ್ಳುರ್ ಪಾವ್ಲೆ೦ ಆನಿ ರಿಕ್ಶಾರ್ ಬಸುನ್ ಹಾ೦ವ್ ವಾಲೆನ್ಸಿಯಾ ಪಾವ್ಲೊ೦. ವೊಣಿಚೆ ತುದಿಯೆರ್ ರಿಕ್ಶಾ ರಾವವ್ನ್ ಭಾಡೆ೦ ಫಾರಿಕ್ ಕರ್ತಾನಾ ಸ ವ್ಹೊರಾ೦ಚ್ಯಾ ಮಿಸಾಕ್ ಗೆಲ್ಲಿ ಮಾಮ್ಮಿ ಥ೦ಯ್ಸರ್ ಪಾವ್ಲಿ. ಮ್ಹಾಕಾ ಆನಿ ಮ್ಹಜ಼್ಯಾ ಜ಼ಿನೊಸಾಕ್ ಪಳೆವ್ನ್ ತಿಣೆ೦ ವಿಚಾರ್ಲೆ೦:“ಜ಼ಾಲೆ೦ ಪುತಾ ತುಜ಼ೆ೦ ಇ೦ಜ಼ಿನಿಯರಿ೦ಗ್?”

Tags:  Edwin JF Dsouza, Konkani e-Serial, Vasu Valencia, Konkani, Konkani, Mangalore, Mangalorean, Mother Tongue

1 Comment/s.

  1. Stephen Pinto, Udupi
    Edwin is my favourite writer… good series…

Post your comments

Your email address will not be published. Required fields are marked *

Konkani English
Name  : 
Email  : 
Place  : 
Mobile  : 
I Am Human  : 
   Message :


Connect

Maibhaas

Within a short span of time, www.maibhaas.com made a niche in the hearts of Konkani readers with its clean reading, attracting design in Konkani media. www.maibhaas.com, a dream child of Naveen Sequeira Brahmavar, has able to create its impact and wonders from the day of its inception in Konkani world. As each day passing www.maibhaas.com is growing as a strong pillar of Konkani media.

Our Address
Mangalore

Contact Person :
Mr. Praveen Tauro

 Email : praveen@maibhaas.com

 Phone : +91 99 80 184340

 Address :
          Daijiworld.com,
          Airport Road,
          opp. Bondel Church,
          Mangalore - 575 008
          Karnataka - India

Our Address
Udupi

Contact Person :
Mr. Joel D'almeida

 Email : joel@maibhaas.com

 Phone : +91 90 08 855392

 Address :
          Eventz Redefined,
          Next to Vijaya Bank,
          Holy Family Complex
          1st Floor, NH -66
          Brahmavara - 576213

Our Address
Dubai

Contact Person :
Mr. Naveen Sequeira

 Email : editor@maibhaas.com

 Phone : +97 150 755 4105

 Address :
          Master Mind IT Solutions,
          UBL Building,
          #402, 4th Floor
          Bank Street - Bur Dubai
          Dubai - UAE