From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
9 - ಕಾಳೆಂ ಬೆರುಂ
Sunday, September 24, 2017
ಫಿಂರ್ಗಿ ಭಾಸೆಂತ್ಲೆ final check up ಅನಿ extra care ಮ್ಹಳ್ಳೆ ಸಬ್ಧ್ ಆಮ್ಕಾಂ ಸರ್ವಾಂಕ್ ವಳ್ಕಿಚೆ. ಜಿಣ್ಯೆಂತ್ಲ್ಯಾ ಪ್ರಮುಖ್ ಮ್ಹಣ್ಚೆ ತಸಲ್ಯಾ ಜಾಯ್ತ್ಯಾ ಸಂದರ್ಭಾಂನಿ ಆಮಿಂ ಹ್ಯಾ ಸಭ್ದಾಂಕ್ ಪ್ರಾಯೋಗಿಕ್ ರೂಪ್ ದಿತಾಂವ್. ನಾಂ ತರ್ ಕಾರ್ಯೆಂ/ಯೋಜನ್/ಕಾಮ್ ಹಾಂತು ಜಯ್ತ್ ಫಾವೊ ಜಾಯ್ತ್ ಮ್ಹಣ್ ಉಚಾರುಂಕ್ ಅಸಾಧ್ಯ್. ಪ್ರತಿಫಳ್ ಜಾವ್ನ್ ಸಲ್ವಣಿ ಬಾಂಧುನ್ ದವರ್'ಲ್ಲಿ ಭುತಿ ಮ್ಹಣ್ ಪಾತ್ಯೆವ್ಯೆತ್. ವಿಶಯಾಕ್ ಲಾಗ್ತಿ ಜಾವ್ನ್ ಮ್ಹಜಾಯ್ ತರ್ನ್ಯಾ ಪ್ರಾಯೆರ್ ಘಡ್‍ಲ್ಲೆಂ ಏಕ್ ಘಡಿತ್ ಉಗ್ಡಾಸಾಚಾ ಸೊಧ್ನೆ ವೆಳಾರ್ ಉಗ್ತಾಡಾಕ್ ಆಯ್ಲೆಂ ಅನಿ ತೆಂ ಹೆಂ ಪರಿಂ ಅಸಾ.
ತೊ ದೀಸ್ ಮಂಗ್ಳಾರ್. ಮ್ಹಜಿ ಆವಯ್ ಅನಿ ಸೆಜಾರ್ಚಿ ಸಿಸಿಲ್ ಬಾಯ್ ಪಡುಬಿದ್ರಿ ಸಾಂತೆಕ್ ವಚೊಂಕ್ ಮ್ಹಣೊನ್ ಮಾರ್ಗಾ ದೆಗೆರ್ C.P.C. ಬಸ್ಸಾಕ್ ರಾಕೊನ್ ರಾವ್‍ಲ್ಲಿಂ. ತಾಂಕಾ ಕುಮೊಕ್ ಕರ್ಚ್ಯಾ ನಿಬಾನ್ ಹಾಂವೀ ತಾಂಚೆ ಸಾಂಗಾತಾ ಉಬೊ ಅಸ್‍ಲ್ಲೊಂ.
ತಿತ್ಲ್ಯಾರ್ ಸಕಯ್ಲ್ಯಾ ಘರ್ಚೊ ಗಿರು ಮಾಮ್ ಥಂಯ್ಸರ್ ಯೇವ್ನ್ ಪಾವ್ಲೊ. ತೊಯ್ ಸಾಂತೆಕ್ ವಚೊಂಕ್ ವೊಜೆಂ ಘೇವ್ನ್ ಅಯಿಲ್ಲೊ.
''ಕಿತೆಂ ಚಾರ್ಲೆ ತುಂ ಲೇಟ್..?'' ಮ್ಹಜಾ ಆವಯ್ನ್ ಸವಾಲ್ ಕೆಲೆಂ.
''ಕಾಂಯ್ ನಾ.... ರಾತಿಂ ಏಕ್ ಕಾಳೆಂ ಬೆರುಂ ಘರಾ ಭಿತರ್ ರಿಗೊನ್ ಉಪದ್ರ್ ದೀವ್ನ್ ಗೆಲೆಂ. ಬೆರುಂ ಧಾಂವ್ಲೆ ತರೀ ತ್ಯಾ ಭಿಯಾನ್ ನೀದ್ ಖಂಯ್ ಪಡ್ತಾ..?'' ತಾಣೆಂ ಆಪ್ಲೆ ತ್ರಾಸ್ ಉಚಾರ್ಲೆ.
''ಬೆರುಂ ಘರಾ ಭಿತರ್ ಕಶೆಂ ಆಯ್ಲೆಂ..?'' ಮ್ಹಜಾ ಅವಯ್ನ್ ಪರತ್ ಸವಾಲ್ ಕೆಲೆಂ.
''ತೆಂ ಆಮ್ಚ್ಯಾ ಪಾಟ್ಲ್ಯಾ ಇನಾಸಾಮಾಚಾ ಪಾಡಿಂತ್ ಏಕ್ ಇಂದಾಚೊ ರೂಕ್ ಅಸಾ ಅನಿ ತಾಂತುನ್ ಭರ್ನ್ ಫಳಾಂ ಪಿಕ್ಲ್ಯಾಂತ್. ತೆಂ ಖಾಂವ್ಕ್ ಹೆಂ ಬೆರುಂ ಯೆತಾ ಮ್ಹಣ್ತಾ...'' ತಾಣೆಂ ಗಜಾಲ್ ಪಾತ್ಳಾಯ್ಲಿ.
''ಹೆo... ಗಿರು ಮಾಮಾ ತೆಂ ಕೆದಾಳಾಯ್ ಅಸ್ತಾಗೀ..?'' ಹಾಂವೆಂ ಉಲೊವ್ಣೆಂ ಮುಕಾರ್ಸಿಲೆಂ.
ಅತಾಂ ಸದಾಂನೀತ್ ರಾತಿಂ ಅಸ್ತಾ. ಇಕ್ರಾ-ಬಾರಾ ವ್ಹರಾಂಚೆರೀ ಥೊಡೆ ಪಾವ್ಟಿಂ ಬೋಬ್ ಮಾರ್ಚೆಂ ಆಯ್ಕಾತಾ ಮ್ಹಣ್ತಾ... ಇಂದಾ ರುಕಾರ್ ಫಳಾಂ ಪಿಕ್ಲ್ಯಾಂತ್ ನ್ಹಂಯ್‍ವೇ..? ತೊ ಸಾಂಗಾತ್ತ್ ವೆತಾಲೊ.
''ಬೆರುಚೆಂ ಮಾಸ್ ಭಾರಿಚ್ ರೂಚ್ ಬೆನ್ನೇ...?'' ಸಿಸಿಲ್ ಬಾಯೆನ್ ಮಧೆಂಚ್ ಫೊಣ್ಣ್ ಘಾಲೆಂ.
''ಮಾಸ್ ಬರೆಂಮೂ... ಪುಣ್ ಮೆಳ್ತಾ ಖಂಯ್..?'' ಮ್ಹಜಾ ಅವಯ್ನ್ ಖಂತ್ ಉಚಾರ್ಲಿ.
''ತಾಕಾ ಏಕ್ ಬೂದ್ ಶಿಕಯಾಂ ಗಿರು ಮಾಮಾ... ತುಂ ಕಾಂಯ್ ಭಿಯೆನಾಕಾ..'' ಹಾಂವೆ ತಿತ್ಲೆಂ ಮ್ಹಳ್ಳೆಂಚ್ C.P.C. ಬಸ್ಸ್ ಯೇವ್ನ್ ಪಾವ್ಲೆಂ. ಸಗ್ಳಿಂ ಆಪಾಪ್ಲೆಂ ವೊಜೆಂ ಘೆವ್ನ್ ಬಸ್ಸಾಕ್ ಚಡ್ಲಿಂ.
ಸಾಂಜೆ ಭಿತರ್ ಬೆರುಚಿ ಖಬರ್ ಹಾಂವೆಂ ಕೆಲ್ಸಿ ಸುಂದರಾಕ್ ಪಾವಯ್ಲಿ. ಸುಂದರಾಲಾಗಿಂ ಬಂದೂಕ್ ಅಸ್‍ಲ್ಲ್ಯಾನ್ ಹಾಂವೆಂ ಆನಿ ತಾಣೆಂ ಸಾಂಗಾತಾ ಮೆಳೊನ್ ಜಾಯ್ತೆ ಪಾವ್ಟಿಂ ಶಿಕಾರೆಕ್ ಗೆಲ್ಲೆಂ ಆಸಾ.
''ತುಂ ಕಾಂಯ್ ಭಿಯೆನಾಕಾ. ಆಯ್ತಾರಾ ಕಶಿಯ್ ರಜಾ ಅಸಾ. ಬೆರುಕ್ ಏಕ್ ಮುಹೂರ್ತ್ ದವರ್ಯಾಂ.'' ಸುಂದರ ಮಿಶ್ಯಾಂ ಭಿತರ್'ಚ್ ಹಾಸ್ಲೊ. ತಾಣೆಂ ಮ್ಹಾಕಾ ಇಂದಾ ರೂಕ್ ಆಸ್ಚಿ ಸುವಾತ್ ಅನಿ ಥಂಯ್ ವೆಚಿ ವಾಟ್ ನಖ್ಖಿ ಕರುಂಕ್ ಸಾಂಗ್ಲೆಂ.
ಆಯ್ತಾರಾ ಸಾಂಜೆರ್ ಸಾತ್ ವ್ಹಾಜ್ತಾನಾ ಆಮಿ ದೊಗೀ ಘರ್ಚ್ಯಾ ಅಂಗ್ಣಾಂತ್ ಸಾಂಗಾತಾ ಮೆಳ್ಳ್ಯಾಂವ್. ಸುಂದರಾನ್ ಬಂದೂಕೆಂತ್ ಗುಳೆ ಸಾರ್ಕೆ ಲೋಡ್ ಜಾಲ್ಯಾತ್ ಗೀ ಮ್ಹಣೊನ್ ನಖ್ಖಿ ಕೆಲೆಂ ಆನಿ ಹೆಡ್ ಲೈಟ್ ಮಾತ್ಯಾಕ್ ಬಾಂಧ್ಲೊ. ಸಕ್ಕಡ್ ಸಾರ್ಕೆಂ ಆಸಾ ಮ್ಹಣ್ ಕಳ್ತಚ್ ಭಾಯ್ರ್ ಅಂಗ್ಣಾಕ್ ಯೇವ್ನ್ ಹೆಡ್ ಲೈಟ್ ಪೆಟವ್ನ್ ಅಮ್ಚ್ಯಾ ಮಾಡಾಂಕ್ ಅನಿ ಲಾಗ್ಸಾರ್ ಅಸ್‍ಲ್ಲ್ಯಾ ಪೊಣ್ಸಾ ರುಕಾಕ್ ಘಾಲುನ್ ಟೆಸ್ಟ್ ಕೆಲೆಂ. ಸುಂದರಾಚೆಂ Final check up ಪಳೆವ್ನ್ ಹಾಂವೆಂ ಮನಾಂತ್‍ಚ್ ಚಿಂತ್ಲೆಂ...
'ಆಜ್ ಬೆರುಂ ಸುಂದರಾಚಾ ಹಾತಾಥಾವ್ನ್ ಸುಟೊನ್ ವಚೊಂಕ್ ಸಾಧ್‍ಚ್ ನಾ...'
''ಅಳೆ... ಧೈರಾಖಾತಿರ್ ಏಕ್ ಕೊಯ್ತಿ ಆನಿ ಏಕ್ ಬೇತ್ ಹಾತಾಂತ್ ಕಾಣ್ಘೆ...'' ಸುಂದರಾನ್ ಮ್ಹಾಕಾ ತಾಕಿದ್ ದಿಲಿ.
ಆನಿ ಅತಾಂ ಅಮಿಂ ದೊಗೀ ಇನಾಸಾಮಾಚಾ ಪಾಡಿಕ್ ವೆಚಿ ವಾಟ್ ಚಮ್ಕೊಂಕ್ ಲಾಗ್ಲ್ಯಾಂವ್. ಸುಮಾರ್ ಅರ್ಧ್ಯಾ ಘಂಟ್ಯಾಚಿ ವಾಟ್ ಚಲೊನ್ ಆಮಿ ಗಿರು ಮಾಮಾಚಾ ಘರ್ಚ್ಯಾ ಪಾಟ್ಲ್ಯಾ ಕುಶಿನ್ ಆಸ್ಚ್ಯಾ ಪಾಡಿಕ್ ಪಾವ್ಲ್ಯಾಂವ್. ವ್ಹರಾಂ ಚಡುಣೆಂ ರಾತಿಂಚಿ ಧಾ ಜಾತಿತ್. ಬಾರೀಕ್ ಪಾವ್ಸ್ ಪಡ್‍ಲ್ಲ್ಯಾನ್ ಪಾಡಿಕ್ ವೆಚಿ ವಾಟ್ ಸಾರ್ಕಿ ದಿಸಾನಾತ್‍ಲ್ಲಿ. ಪಾವಾನಾತ್ಲ್ಯಾಕ್ ದಾಟ್ ರೂಕ್ ಅನಿ ಮೊಳ್ಯಾಂನಿ ಭರ್'ಲ್ಲೆಂ ರಾನ್. ವಯ್ಲ್ಯಾನ್ ಜಳಾರಿಚೆಂ ಮಾರ್...
''ಛೆ.. ಹೊ ಏಕ್ ಪಾವ್ಸ್ ಖಂಯ್ಚ್ಯಾ ಕಾಸ್ತಾಚೊ ಮ್ಹಳ್ಳೆಂ ಕಳನಾ.'' ಸುಂದರ ಮಧೆಂ ಫುಸ್ಪುಸೊನ್ ಆಸ್‍ಲ್ಲೊ.
ಸಾರ್ಕ್ಯಾ ಸುವಾತೆಕ್ ಪಾವ್ಲ್ಯಾಂವ್ ಮ್ಹಣ್ ಖಾತ್ರಿ ಕರ್ತೆಚ್ ಆಮಿ ಇಂದಾಚೊ ರೂಕ್ ಸೊಧ್ಚೆಂ ಪ್ರೇತನ್ ಕೆಲೆಂ. ಪುಣ್ ಕಿತ್ಲೆಂ ಸೊಧ್ಲ್ಯಾರೀ ರೂಕ್ ದಿಶ್ಟಿಕ್ ಪಡ್ಲೊ ನಾ. ಹೆಣೆಂ ಮ್ಹಜೆಲಾಗಿಂ ಆಸ್‍ಲ್ಲ್ಯಾ ಟೋರ್ಚಾಚಾ ಬೆಟ್ರೆಚೊ ಪವರ್ ಖಾಲಿ ಜಾಯಿತ್ತೆ ಅಯಿಲ್ಲೊ. ಸುಮಾರ್ ಏಕ್ ಘಂಟೊ ಮ್ಹಣಾಸರ್ ಸೊಧ್ಲ್ಯಾರೀ ಇಂದಾಚೊ ರೂಕ್ ಮಾತ್ ಮೆಳ್ಳೊ ನಾ...
''ಖಂಯ್ ಆಸಾ ಸಾಯ್ಭಾ ಇಂದಾ ರೂಕ್?'' ಸುಂದರ ತಾಪ್ಲೊ. ''ತುವೆಂ ಸಾರ್ಕೊ ಪಳೆಯ್ಲಾಗೀ ನಾ..?'' ತಾಚೆಂ ಸೈರಣ್ ಚುಕ್ಚಿಂ ಲಕ್ಷಣಾ ದಿಸೊನ್ ಯೆತಾಲಿಂ.
''ಹೆಣೆಂಚ್ ಆಸ್‍ಲ್ಲೊ ಮ್ಹಣ್ ಗಿರು ಮಾಮಾನ್ ಪಕ್ಕಾ ಸಾಂಗ್ಲಾಂ ಸಾಯ್ಭಾ...'' ಹಾಂವೆಂ ಮ್ಹಜೊ ವಾದ್ ಮಾಂಡ್ಲೊ.
''ಮಾಗಿರ್ ಆಜ್ ಮಾಯಾಗ್ ಜಾಲೊಗೀ ಯಾ ಕೊಲ್ಯಾನ್ ವ್ಹೆಲೊ?'' ಸುಂದರಾಚೊ ಕಂಟ್ರೊಲ್ ಚುಕ್ಲೊ.
''ವ್ಹರಾಂ ಬಾರಾ ಜಾಯಿತ್ತ್ ಆಯ್ಲಿಂ. ಆನಿ ಖಂಯ್ ಸೊಧ್ಚೆಂ ಸಾಯ್ಭಾ..? ಮ್ಹಜ್ಯಾನ್ ಜಾಯ್ನಾ. ಬಂದೂಕ್ ವ್ಹಾವವ್ನ್ ಮ್ಹಜೆ ಬಾವ್ಳೆ ವೊಳ್ಳೆ. ಫಾಲ್ಯಾಂ ಸಕಾಳಿಂ ಕಾಮಾಕ್ ವಚೊಂಕ್ ಆಸಾ.'' ಸುಂದರಾನ್ ಹಾತ್ ವಯ್ರ್ ಕೆಲೆ.
ಮ್ಹಾಕಾಯ್ ಚಲೊನ್ ಚಲೊನ್ ಪಾಂಯಾಚ್ಯೊ ಗಾಂಟಿ ದುಕೊಂಕ್ ಸುರು ಜಾಲ್ಯೊ. 'ಗೆಲ್ಲ್ಯಾ ವಾಟೆಕ್ ಸುಂಕ್ ನಾ' ಮ್ಹಳ್ಳೆ ಪರಿಂ ಆಮಿ ಪಾಟಿಂ ಘರ್ಚಿ ವಾಟ್ ಧರ್ಲಿ.
''ಛೆ... ಇಂದಾಚೊ ರೂಕ್ ಖಂಯ್ ಗೆಲೊ..? ಕಾಂಯ್ ಆಮ್ಕಾಂ ಕುಲೆ ತಪ್ಪು ಪುಣೀ ಲಾಗೊಂಕ್ ನಾಮೂ?'' ಚಿಂತುನ್ ಮ್ಹಾಕಾ ಸಗ್ಳಿ ರಾತ್ ನೀದ್ ಪಡ್ಲಿನಾ.
ಸಕಾಳಿಂ ಉಟ್ತೆಚ್, ಚಾ ಪಿಯೆವ್ನ್ ಶೀದಾ ಇನಾಸಾಮಾಚಾ ಘರಾ ಗೆಲೊಂ. ಇಂದಾಚೊ ರೂಕ್ ಅಸ್ಚೊ ಜಾಗೊ ಇನಾಸಾಮಾಚೊ ಮ್ಹಣೊನ್ ಮ್ಹಾಕಾ ಕಳಿತ್ ಆಸ್‍ಲ್ಲೆಂ. ಘರಾ ಲಾಗ್ಸಾರ್ ಪಾವ್ತಾನಾ ತಾಚಿ ಧುವ್ ವೆರೊನಿಕಾ ಆಂಗಣ್ ಝಾಡುನ್ ಆಸ್‍ಲ್ಲೆಂ .
ಮ್ಹಾಕಾ ಪಳೆತಚ್ ''ಹೊ ಡಯಾನ್... ಕಿತೆಂ ಸಕಾಳಿಂ ಫುಡೆಂ ಹೆವ್ಶಿನ್ ಯೇವ್ನ್ ಪಾವ್ಲೊಯ್..?'' ತಿಣೆಂ ಪೆಂಕ್ಟಾಕ್ ಹಾತ್ ದೀವ್ನ್ ಮ್ಹಜೊ ವಿಚಾರ್ ಕೆಲೊ.
''ಕಾಂಯ್ ನಾ ಬಾಯೆ.. ಹೆಂ ಸಾಂಗ್ ಮ್ಹಾಕಾ, ತುಮ್ಚ್ಯಾ ತ್ಯಾ ಮುಕ್ಲ್ಯಾ ಪಾಡಿಂತ್ ಏಕ್ ಇಂದಾಚೊ ರೂಕ್ ಆಸ್‍ಲ್ಲೊ ನಹಿಂವೇ..?'' ಹಾಂವೆಂ ವಿಚಾರ್ಲೆಂ.
''ಅಸ್‍ಲ್ಲೊ ವ್ಹಯ್... ಆತಾಂ ತುಕಾ ಇಂದಾ ರೂಕ್ ಕಿತ್ಯಾಕ್ ?'' ವೆರೊನಿಕಾನ್ ಪೆಂಕ್ಟಾವಯ್ಲೊ ಹಾತ್ ಸೊಡ್ಲೊ.
''ನ್ಹಂಯ್ ಕಾಳ್ ರಾತಿಂ ಹಾಂವ್ ಆನಿ ಸುಂದರಾ ಬೆರುಕ್ ಮಾರ್ಚ್ಯಾ ನಿಬಾನ್ ತೊ ರೂಕ್ ಸೊಧ್ತೆಲ್ಯಾಂವ್. ಪುಣ್ ರೂಕ್ ಮೆಳೊಂಕ್‍ಚ್ಚ್ ನಾ ಮ್ಹಣ್ತಾ...''
''ಹಾಂ... ತೊ ಇಂದಾ ರೂಕ್ ಗೀ... ತೊ ಕಾಳ್ ಸಕಾಳಿಂಚ್ ಕಾತರ್ಲಾ'' ವೆರೊನಿಕಾ ಝಾಡುಂಕ್ ಪರತ್ ಬಾಗ್ವಾಲೆಂ.
''ಕಾತರ್ಲಾ...? ಕಿತ್ಯಾಕ್..?'' ಹಾಂವೆಂ ಆತುರಾಯೆನ್ ವಿಚಾರ್ಲೆಂ.
''ತೆಂ, ತೊ ಜಾಗೊ ಮೆಜುನ್ ಜಾಲಾ. ಫಾತ್ರಾಂಚೊ ದೊರೊ ಬಾಂಧುಂಕ್ ಅಸಾ ಮ್ಹಣ್ತಾಲೊ ಆನ್...''
ಮ್ಹಜಾ ಮಾತ್ಯಾಕ್ ಶೆಳೆ ಉದಾಕ್ ವೊತ್‍ಲ್ಲೆ ಬರಿ ಜಾಲೆಂ. ತ್ಯಾ ಕಾಳ್ಯಾ ಬೆರುಕ್ ಕೊಲೊ ವ್ಹರುಂಕ್ ಮ್ಹಣೊನ್ ಹಾಂವೆಂ ಘರ್ಚಿ ವಾಟ್ ಧರ್ಲಿ. ಪುಣ್ ಅತಾಂ ಸುಂದರಾನ್ ವಿಚಾರ್ಲ್ಯಾರ್ ಕಿತೆಂ ಜಾಪ್ ದಿಂವ್ಚಿ..? ಮ್ಹಜಿ ತಕ್ಲಿ ಫಡಾಪಡ್ ಸುರು ಜಾಲಿ..!
ಜಾಯ್ತೆಂ ಪಾವ್ಟಿಂ ಅಮಿಂ ಚಿಂತ್ಚೆಂ ಏಕ್ ಅನಿ ಘಡ್ಚೆಂ ದುಸ್ರೆಂಚ್ ನ್ಹಂಹಿಗೀ..
Tags:
Dayan Dsouza, MUkamar, Daiji Dubai, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
11/16/2016 ಭಲಾಯ್ಕಿ (ನ್ಹಂಯ್ ಹೆರಾಂಚಿ, ಬಗಾರ್ ಅಪ್ಣಾಚಿ)
-
1/19/2017 ಅಂಗಾಲಾಪ್
-
-
3/28/2017 ಪಯ್ಲೆಂ ಬರೊ, ಉಪ್ರಾಂತ್ ಭೆರೊ
-
5/9/2017 ಆಮ್ಚಿ ಭುರ್ಗಿಂ ಅಶಿಂ ಜಾಲಿಂ ಕಶಿಂ...?
-
6/18/2017 'ಬೆಂಡ್' ಸುಂದರಾಚೆಂ Suicide Attempt...
-
-
8/27/2017 ಹಾಸ್ಯ್ ಆಮ್ಚ್ಯಾ ಜಿವಿತಾಚೊ ವಾಂಟೊ ಜಾಂವ್ದಿ
-
9/24/2017 ಕಾಳೆಂ ಬೆರುಂ
-
10/26/2017 ಆಶಾ ಅನಿ ಗರ್ಜ್
-
12/10/2017 ಗಲ್ಫಾಗಾರ್ - 'ತಾಚೆಲಾಗಿಂ ಬರೆ ಪಯ್ಶೆ ಆಸಾತ್!'
-
1/21/2018 ಗಲ್ಫಾಂತ್ 20 ವರ್ಸಾಂ ಸಂಪ್ತಾನಾ....
-
3/5/2018 ಅಮ್ಮಾವ್ರ ಗಂಡ
-
4/15/2018 ಲಿಪಯಿಲ್ಲೆಂ ದುಸ್ರ್ಯಾಂಕ್...
-
-
7/1/2018 ಆಮ್ಕಾಂ ಕಿತ್ಯಾಕ್ ಸಮ್ಜನಾ..?
-
8/6/2018 ನಾಂವಾಂ ಪಾಟ್ಲಿ ಜಿಣಿ ಆನಿ ಫಿಲಿಪಾಚಿ ಕಾಣಿ
-
-
10/28/2018 ಸಿಂಧು ಚಾಚಾ...
-
11/11/2018 ಮೆಲ್ಲ್ಯಾಂಚೆ ಫೆಸ್ತ್
-
-
5/19/2019 ಹಾಂವ್ ಪರತ್ ಪಾಟಿಂ ಯೆತಾಂ...
-
-
-
1/28/2020 ಚವ್ತೊ ಉಪಾದೆಸ್
-
4/18/2020 'ಬುದ್ವಂತ್' ಮನಿಸ್ Vs ಕೊರೊನಾ ವೈರಸ್
-
6/1/2020 ಜಿಣ್ಯೆಂತ್ Knockdown ಜಾಂವ್ಚೆ ನಾಕಾ
-
7/21/2020 ಸಾಟ್, ಸತ್ತರ್.....
-
8/26/2020 ವರ್ಕ್ ಫ್ರಮ್ ಹೋಮ್
-
11/1/2020 ಮಸಾಜ್
-
-
1/11/2021 ''ಏಕ್ ಘಡಿ (One Minute)''
-
2/8/2021 ಮನಿಸ್, ಕಿತ್ಯಾಕ್ ಮೊರೊಂಕ್ ರಾಕ್ತಾತ್?
Our Address
Mangalore
 | Contact Person : Mr. Praveen Tauro |
Email : praveen@maibhaas.com
Phone : +91 99 80 184340
Address :
Daijiworld.com,
Airport Road,
opp. Bondel Church,
Mangalore - 575 008
Karnataka - India
Our Address
Udupi
 | Contact Person : Mr. Joel D'almeida |
Email : joel@maibhaas.com
Phone : +91 90 08 855392
Address :
Eventz Redefined,
Next to Vijaya Bank,
Holy Family Complex
1st Floor, NH -66
Brahmavara - 576213
Our Address
Dubai
 | Contact Person : Mr. Naveen Sequeira |
Email : editor@maibhaas.com
Phone : +97 150 755 4105
Address :
Master Mind IT Solutions,
UBL Building,
#402, 4th Floor
Bank Street - Bur Dubai
Dubai - UAE
17 Comment/s.
Hi Dayan Good article and this is todays reality , in my opinion its not the childern fault. Every parent should take ownership of this problem.Thank you very much for taking time to write this and God Bless you. Sincerely Wilson
Very true! Excellent article and good learning! This is what happens when one is not practical.
Very Nice Article.
ಅನ್ಯೆಕ್ ಬಿಗ್ರಿಸಾಂವ್ ಕ್ರಿಸ್ತಾಂವ್ ಕುಟ್ಮಾಂನಿ ದಿಸೊಂನ್ ಯೆಂವ್ಚೆ ಬುರ್ಗ್ಯಾಂಕ್ ಕೊಂಕ್ಣಿ ಉಲಯ್ಲ್ಯಾರ್ ತಾಂಚಿ ಪ್ರತಿಶ್ಟ ಉಣೆಂ ಜಾತಾ ಮ್ಹಳ್ಳೆ ಬಿಯೆ.ಡಯಾನ್ ಅತೀ ಉತ್ತಮ್ ಲೇಕನ್. ಸಾರ್ವ್ ಕ್ರಿಸ್ತಾಂವ್ ಘರಾಂನಿ ಪಾವೊಂದಿ ಸ್ಪೆಶಾಲಿ ಗಲ್ಫಾಚಾ.
ದೇವ್ ಬರೆಂ ಕರುಂ ಮೊಗಾಳ್ ಡಯಾನ್ ತುಮ್ಕಾಂ, ಜಿವಿತಾಂತ್ ವ್ಹಡ್ ವ್ಹಡ್ ಆಶೆತೆಲ್ಯಾಂಕ್ ಮುಕಾರ್ ಕಿತ್ಲೆಂ ವ್ಹಡ್ ರಕೊನ್ ಅಸ್ತಾ ಮ್ಹಳ್ಳೆಂ ಮನದಟ್ಟ್ ಜಾಲೆಂ. ಕನ್ನಡಚಿ ಗಾದ್ "ದೂರದ ಬೆಟ್ಟ ನುಣ್ಣಗೆ" ಹೆಂ ಅದ್ಲ್ಯಾನಿಂ ಸಂಗ್ಲೆಲೆಂ ಸತ್ ಜಾವ್ನಾಸಾ. ವಿಪರ್ಯಾಸ್ ಕಿತೆಂಗೀ ಮ್ಹಳ್ಯಾರ್ ಅತಾಂಚ್ಯಾ ಕುಟ್ಮಾಂಕ್ ಬುರ್ಗ್ಯಾಂಚಿಚ್ ವ್ಹಡ್ ಖಂತ್ ಆನಿ ತ್ಯಾ ಖಂತಿ ಪಾಟ್ಲ್ಯಾನ್ ಆಮ್ವೆಂ ಜಿವಿತ್ ಜಿಯೆಂವ್ಕ್ ಅಮಿಂ ವಿಸ್ರತಾಂವ್.
ಹೆಂ ನಿಜಾಯ್ಕಿ ಕಥೆ ಅಲ್ಲಾ ಜೀವನ. ... ಅಕ್ರೆಕ್ ಮಾತ್ರ್ ವ್ಯಥೆ ಜಾತಾ ,ಮಾಗಿರ್ ಪಶ್ಚಾತಾಪ್ ಕರ್ನ್ ಕಿತೆಂ ಪಾಯ್ದೊ...ಡಯಾನ್ ಸರ್ "ಉಗ್ಡಾಸಾಚ್ಯಾ ಸೊದ್ಣೆರ್ " ಲೇಖನ್ ಖೂಬ್ ಆವಾಡ್ಲೆಂ....
ಅಮ್ಕಾಂ ಪುಂಜಾಯ್ಲ್ಯಾರೀ ತೃಪ್ತಿ ಮ್ಹಳ್ಳಿ ಮೆಳಾನಾ, ಕಿತ್ಯಾಕ್ ತಾಕಾ ಅಂಗಲಾಪ್ ಚಡ್. ಬೋವ್ ಅಫುರ್ಬಾಯೆಚೆಂ ಲೆಖನ್. ಅಮ್ಚ್ಯಾ ಒಪಿಸಾಂನಿ ಹ್ಹೆಂ ಪಳೆಂವ್ಕ್ ಮೆಳ್ತಾ. ೫೦ ಉಪ್ರಾತಿಂ ಮನ್ಯಾಂಕ್ ಪಯ್ಸ್ಯಾಂತ್ ತ್ರಾಪ್ತಿ ಮೆಳ್ನಾ ಥರ್ ಅನೆಕ್ಲ್ಯಾಕ್ ಕಾಮಾಕ್ ಖಂಯ್ ಥಾವ್ನ್ ಅವ್ಕಾಸ್ ಮೆಳ್ಚೊ?
ಡಯಾನಾನ್ ಬರಯ್ಲಿ ಕಾಣಿ ನ್ಹಂಯ್, ಜಾಯ್ತ್ಯಾ ಪರ್ಗಾವಿ ಜೊಡ್ತೆಲ್ಯಾಚಿ ಹೊರ್ಬೊಸಾಚಿ ಜಿಣಿ. ಗಾಂವಾಂತ್ ರಾವೊನ್ ಕರ್ಚೆಂ ಕಿತೆಂ ? ಮಾತಿ ಖಾಂವ್ಚಿಗೀ ಮ್ಹಣ್ತೆಲ್ಯಾಂಕ್..ನಿಮಾಣೆ ಗಾಂವ್ಚಿ ಮಾತಿಚ್ ಫಾವೊ ಜಾತಾ.
Dear Dayan, Your flair for writing in Konkani is well known. This article on self health based on daily happenings is very meaningful and helpful. Keep it up !
Very good article. Eye opener.
ಮೊಗಾಳ್ ಡಯಾನ್, ಬರಯ್ತ್ ರಾವ್. ತುಜ್ಯಾ ಮತಿಂತ್ಲಿ ಜಾಣ್ವಾಯ್ ಹೆರಾಂಕ್ ವಾಂಟುನ್ ತಾಂಚೆಂ ಜೀವನ್ ನಂದನ್ ಜಾಂವ್ಚ್ಯಾ ಕಾರ್ಯಾಕ್ ಹಾಂವ್ ಜಯ್ತ್ ಆಶೇತಾಂ.
ಡಯಾನ್ ಹೆ೦ ತುಜೆ೦ ಬೋವ್ ಬೊರೆ೦ ಚಿ೦ತಾಪ್. ಆದ್ಲ್ಯಾ ಕಾಲಾರ್ ಚಡ್ತಾವ್ ಲೋಕ್ ಸಾಗ್ವಳೆಚೆ೦ ಕಾಮ್ ಕರ್ತಾಲೊ. ದಪ್ತರಾ೦ತ್ ಕಾಮ್ ಕರ್ಚೊ ಉಣೊ. ಚಡ್ತಾವ್ ಮನಿಸ್ ಭಲಾಯ್ಕೆ೦ತ್ ಅಸ್ತಾಲೆ. ವಾಹನಾ ಉಣಿ ಆಸ್ಲಿ೦. ಲೋಕ್ ಚಲ್ತಾಲೊ. ಆತಾ೦ ಹರ್ಯೆಕ್ಲ್ಯಾಚಾ ಘರಾ ಏಕ್ ವಾಹನ್ ಅಸಾಚ್. ಚಲ್ಚೆ೦ ಉಣೆ೦ ಜಾಲಾ೦. ಹರ್ಯೆಕಾ ವ್ಯೆಕ್ತಿನ್ ಚಿ೦ತಿಜಾಯ್ ಜಾಲ್ಲೊ ವಿಶಯ್ ಹ್ಯಾ ಅ೦ಕಣಾಚೆರ್ ಪಿ೦ತ್ರಾಯ್ಲಾಯ್. ತುಕಾ ಶಾಬಾಸ್ಕಿ ಪಾವೊ.
ಡಯಾನ್ ಡಿಸೊಜಾ ಮುಕಾಮಾರ್ ತುಜ್ಯಾ ತಿಂತೆರಾಥಾವ್ನ್ ಉದೆಲ್ಲೆಂ ಹೆಂ ನವೆಂ ಅಂಕಣ್ "ಉಗ್ಡಾಸಾಚ್ಯಾ ಸೊದ್ನೆರ್" ಹಾಚೊ ಪಯ್ಲೊ ಆಂಕ್ದೊ ವಾಚುನ್ ಸಂತೊಸ್ಲೊಂ. ಕೊಂಕ್ಣೆಚ್ಯಾ ಹರ್ಯೇಕ್ ಪ್ರಕಾರಾನಿಂ ತುವೆಂ ಕೆಲ್ಲೆಂ ಸಾಧನ್ ಹೊಗ್ಳಿಕೆಚೆಂ. ತುಜ್ಯಾ ಸರ್ವ್ ಮುಕ್ಲ್ಯಾ ಕೊಂಕ್ಣಿ ವಾವ್ರಾಕ್ ಯಶ್ ಆಶೆತಾಂ!
ಡಯಾನ್ ಡಿ ಸೊಜಾಚೆಂ ನವೆಂ ಅಂಕಣ್ ವಾಚುನ್ ಖುಶಿ ಜಾಲಿ. ಡಯಾನ್ ಏಕ್ಲೊ ಬರೊ ಉಲವ್ಪಿ ಆನಿಂ ನಾಟಕಿಸ್ತ್. ಥೊಡ್ಯಾ ಯಶಸ್ವಿ ನಾಟಕಾನಿಂ ತಾಣೆಂ ಕೆಲ್ಲೆ ಥೊಡೆ ಪಾತ್ರ್ ಆಜೂನ್ ಮ್ಹಜ್ಯಾ ಉಡಾಸಾಂತ್ ಆಸಾತ್. ತಾಚ್ಯಾ ಮುಕೆಲ್ಪಣಾ ಖಾಲ್ ಜಾಲ್ಲಿಂ ಕಾರ್‍ಯಿಂ ಭಾರಿಚ್ಚ್ ಯಶಸ್ವಿ ಜಾಲ್ಯಾಂತ್ ಮ್ಹಣ್ ಹಾಂವೆಂ ಆಯ್ಕಾಲಾಂ.
"ಪಿಡಾ ಅಸೊಂ ಯಾ ನಾಸ್ತಾನಾ ರಾವೊಂ ಪುಣ್ ಭಲಾಯ್ಕೆ ಸಾಂಬಾಳ್ಣೆಚಿ ಧನಾತ್ಮಕ್ ಚಿಂತಾಪ್ ಅಸ್ಚೆಂ ಹರ್ಯೆಕ್ ವೆಕ್ತಿಕ್ ಫಾಯ್ದ್ಯಾಚೆ ಜಾವ್ನಾಸಾ" ಏಕ್ ಬರೆಂ ಚಿಂತಪ್ ಆನಿ ಸರ್ವಾನಿಂ ವಾಚುಂಕ್ ಜಾಯ್ ಜಾಲ್ಲೆಂ ಲೇಖನ್......
Ho... Dayan Dattu is back! I really surprised to read his article. Well written. Great.
ಹಾಂವ್ ಡಯಾನಾಚೊ ಬೋವ್ ವ್ಹಡ್ಲೊ ಅಭಿಮಾನಿ. ತಾಚೆಂ ಲೇಖನ್ ವಾಚುನ್ ಭಾರಿಚ್ ಖುಶಿ ಜಾಲಿ. ಡಯಾನ್, ಬರಂವ್ಚೆಂ ರಾವಯ್ ನಾಕಾ.