+971 50 7554105
ತುಮ್ಚ್ಯಾ ಗಮನಾಕ್:

24  -  ಪುಂಜಾವ್ನ್ ದವರ್‌ಲ್ಲೆಂ ಮೊರ್ತಾನಾ ವ್ಹರುಂಕ್ ಜಾಯ್ನಾ

ಬರಯ್ಣಾರಾ ವಿಶಿಂ ಜಾಣಾ ಜಾ...

90.0
User Rating

ಮನ್ಶಾ ಜಿಣ್ಯೆಂತ್ ಸಾರ್ಕೆಂ ಪಳೆಂವ್ಕ್ ಗೆಲ್ಯಾರ್ ಆಮಿ ಸಗ್ಳೆ ಎಕಾ ಥರಾಚೆ ಪಿಟ್ಟಾಶಿ ವಾ ಕಂಜೂಸ್ ಜಾವ್ನಾಸಾಂವ್. ಇಲ್ಲೆಂ ಪಿಟ್ಟಾಸ್ ಪಣ್ ಕರ್ಚ್ಯಾಂತ್ ಕಾಂಯ್ ಚೂಕ್ ನಾ. ಜೊಡಿರ್ ಆಸ್ಚ್ಯಾ ಹರ್ಯೆಕಾ ಮನ್ಶ್ಯಾನ್ ಆಪ್ಲ್ಯಾ ಜೊಡಿಂತ್ಲೊ, ಕಿತ್ಲೊ ಆದಾಯ್ ಖರ್ಚ್ ಕರಿಜಾಯ್ ಆನಿ ಕಿತ್ಲೊ ಉರಯ್ಜಾಯ್ ಮ್ಹಳ್ಳೆಂ ಚಿಂತಾಪ್ ಆಟಾಂವ್ಚೆ ಚಡ್ ಗರ್ಜೆಚೆಂ. ಜೊಡ್ತಾನಾ, ಕಾಮ್ ಆಸ್ತಾನಾ ಉರಯ್ಲೆಂ ಜಾಲ್ಯಾರ್ ಫಾಲ್ಯಾಂ ಕಾಮ್ ನಾತ್‌ಲ್ಲ್ಯಾ ವೆಳಾರ್ ತೆಂ ಆಮ್ಚ್ಯಾ ಗರ್ಜೆಕ್ ಪಡ್ತಾಲೆಂ ಮ್ಹಳ್ಳ್ಯಾಂತ್ ಕಾಂಯ್ ದುಬಾವ್ ನಾ. 

ಹಾತಾ ಪಾಯಾಂಕ್ ಬಳ್ ಆಸ್ತಾನಾ ಜೋಡ್ನ್ ದವರ್ಲೆಂ ಜಾಲ್ಯಾರ್ ಉತರ್ ಪ್ರಾಯೆರ್ ಫಾಯ್ದ್ಯಾಕ್ ಪಡ್ತಾಲೆಂ. ಪುಣ್  "ತುಪೆಂ ಘಾಲ್ನ್ ಭಿಕ್ ಮಾಗ್ಚೆಂ ಕಿತ್ಲೆಂ ಸಾರ್ಕೆಂ..?" ಥೊಡ್ಯಾನಿಂ ದರಬಸ್ತ್ ಆಸೊನೀ ನಾತ್‌ಲ್ಲ್ಯಾ ಪರಿಂ ದಾಕಂವ್ಚೆ ಕಿತ್ಯಾ ಖಾತಿರ್ ಮ್ಹಳ್ಳೆಂ ಮಾತ್ರ್  ಸಮ್ಜನಾ. ''ಕಂಜೂಸ್ ಪುಣೀ ಜಾವ್ಯೆತ್ ಪುಣ್ ಮಕ್ಕಿ ಚೂಸ್ ನ್ಹಂಯ್!'' ಧಾಕ್ಲ್ಯಾಕ್,  ಸೊರೊ ಪಿಯೆತಾನಾ ಕಂಜೂಸ್ ಸೊರ್‍ಯಾಚಾ ಗ್ಲಾಸಾಂತ್ ಮೂಸ್ ಪಡ್ಳ್ಯಾರ್ ಕಾಡ್ನ್ ಉಡಯ್ತಾ ತರ್,  ಮಕ್ಕಿ ಚೂಸ್ ತೊ ಮೂಸ್ ಕಾಡ್ನ್ ಇಲ್ಲೊಸೊ ಚಿವೊನ್ ಉಡಯ್ತಾ!!

ಸಿರಿಲಾಮ್ ಮ್ಹಜಾ ವಳ್ಕಿಚೊ ಉದ್ಯಮಿ. ಪುಣ್ ಭಾರಿಚ್ ಪಿಟ್ಟಾಶಿ ಮನಿಸ್. ಜೀವನಾಂತ್ ಕೊಣಾಯ್ಕಿ ಕಾಂಯ್ ದಿಲ್ಲೆಂ ನಾ ವಾ ಆಪ್ಣಾ ಖಾತಿರ್ ಮ್ಹಣ್ ಕಾಂಯ್ ಖರ್ಚಿಲ್ಲೆಂಯ್ ನಾ. ತೆಂಚ್ ಪರ್ನೆ ಒಫೀಸ್, ಪರ್ನೆಂ ಕಾರ್. ಬಾಯ್ಲ್ ಆನಿ ಭುರ್ಗ್ಯಾಂ ಖಾತಿರ್ ಕಾಂಯ್ ಘೆವ್ನ್ ದಿಲ್ಲೆಂ ನಾ ಯಾ ತಾಂಚೆಖಾತಿರ್ ಕಾಂಯ್ ಖರ್ಚಿಲ್ಲೆಂ ನಾ. ಓಟ್ಟಾರೆ ಏಕ್ 'ಕುರೆಕಟ್ಟ್' ಮನಿಸ್ ಮ್ಹಣ್ಯೆತ್. ಉಲಯಿಲ್ಲ್ಯಾ ತಕ್ಷಣ್, 'ಹಾಂವೆಂ ಪಂದ್ರಾ ಜಣ್ ಗಾಂವ್ ಭಾಂವಾಂಕ್ ಕಾಮ್ ದಿಲಾಂ' ಮ್ಹಳ್ಳೊ ಸಯ್ಲಾಪ್. ಅಸೊಂ. ತೆಂ ಏಕ್ ಬರೆಂ ಕಾಮ್. ಪುಣ್ ತಾಂತುನ್ ವಿಶೇಸ್ ಕಾಂಯ್ ನಾ. ತೆ ಕಾಮ್ ಕರ್ತಾತ್ ಆನಿ ತಾಂಕಾ ಸಾಂಬಾಳ್ ಮೆಳ್ತಾ. ಹ್ಯೆ ವರ್ವಿಂ ಧನಿಯಾಕ್ ಫಾಯ್ದೊ ಲಾಭ್ತಾ. ಜರ್ ಏಕ್ ಉದ್ಯಮಿ ಆಪ್ಲ್ಯಾ ಫಾಯ್ದ್ಯಾಂತ್ಲೆಂ ಹೆರಾಂ ಖಾತಿರ್ ವಾ ಸಮಾಜೆ ಖಾತಿರ್ ಖರ್ಚ್ ಕರ್ತಾ ಜಾಲ್ಯಾರ್ ತೆದಾಳಾ ಮಾತ್ರ್ ಖಂಯ್ ಗೀ ತಾಣೆಂ ಕೆಲ್ಲ್ಯಾ ವಾವ್ರಾಕ್ ವ್ಹಡ್ಲೆಂಪಣ್ ಆಸಾ ಆನಿ ತಾಚೆಂ ಜಿವಿತ್ ಸಾರ್ಥಕ್ ಮ್ಹಣ್ಯೆತ್. ಪುಣ್ ಗಜಾಲ್ ಅಶಿ ಆಸ್ತಾಗೀ ಪಯ್ಶೆ ಆನಿ ಬರೆಂ ಮನ್ ದೇವ್ ಸಾಂಗಾತಾ ದೀನಾ! 

ಮ್ಹಜೊ ಮಿತ್ರ್ ಗಲ್ಫಾಕ್ ಪಾವ್‌ಲ್ಲ್ಯಾ ವೆಳಾ ಸುರ್ವೆರ್ ದುಬಾಯಿಂತ್ಲ್ಯಾ 'ಸತ್ವಾ' ಮ್ಹಳ್ಳ್ಯಾ ಸುವಾತೆರ್ ಎಕಾ sharing ರುಮಾಂತ್ ರಾವ್ತಾಲೊ. ಥಂಯ್ಸರ್ ಪಾಂಚ್ ಜಣ್ ಮಂಗ್ಳುರಿ ಗಾಂವ್ ಭಾವ್ ಸಾಂಗಾತಾ ಮೆಳೊನ್ ವಸ್ತಿ ಕರ್ತಾಲೆ. ಹಾಂಚೆ ಪಾಯ್ಕಿಂ ಜೆರೊಮ್ ಮ್ಹಳ್ಳೊ ಭಾರಿಚ್ಚ್ ಪಿಟ್ಟಾಶಿ ಮ್ಹಳ್ಳೊ ತಾಂಚೊ ವಾದ್. ಕಿತ್ಯಾಕ್ ಮ್ಹಳ್ಳ್ಯಾರ್ ಜೆರೊಮಾಚೊ ಸಾಬು ಆನಿ ಪೇಸ್ಟ್ ಕೆದಿಂಚ್ ಖಾಲಿ ಜಾಯ್ನಾತ್ಲೊ. ತಾಕಾ 'ಬಾತ್ ರುಮಾಂ'ತ್ ಆಸ್‌ಲ್ಲ್ಯಾ ದುಸ್ರ್ಯಾಂಚೊ ಸಾಬು ಅನಿ ಪೇಸ್ಟ್ ವಾಪಾರ್ಚಿ ಸಂವಯ್. ತಾಕಾ ಸಾಂಬಾಳ್ ಕಾಂಯ್  ಉಣೊ ನಾತ್‌ಲ್ಲೊ ತರೀ ಮಹಿನ್ಯಾಚಾ ಆಖೇರಿಕ್ ತಾಕಾ ಧಾಡೂಂಕ್ ಆಸ್ಚೆ ಪಯ್ಶೆ ಸಗ್ಳೆ ತಾಚಾ ಬ್ಯಾಂಕ್ ಅಕೌಂಟಾಕ್ ಧಾಡುನ್ ಮೆಸ್ಸ್ ಬಿಲ್ಲ್ ತಾಣೆಂ ಕಿತ್ಲೆಂ ಪಾವ್ಟಿಂ ಬಾಕಿ ದವರ್ಲೆ ಸಂದರ್ಭ್ ಆಸಾತ್. 

ಆನಿ ದೆಗೆಚಾ ರುಮಾಚಾ ಆಲಿಸ್ ಬಾಯೆಚಿ ಗಜಾಲ್‌ಚ್ಚ್ ವೆಗ್ಳಿ. ತಿಚಾ ಘರ್ಚ್ಯಾ ಬಾತ್ ರೂಮಾಂತ್ಲೊ ಪೇಸ್ಟ್ ಪಳೆಲ್ಯಾರ್ ತೊ ಚಿಡ್ಡುನ್ ಪೀಳ್ನ್ ಸತ್ತ್ಯಾನಾಸ್ ಜಾಲಾ. ಆನಿ ಸಾಬು ಘಾಸುನ್ ಘಾಸುನ್ ಲ್ಹಾನ್‌ಸೊ ಏಕ್ ಕುಡ್ಕೊ ಉರೊನ್ ಆಪುಣ್ಆನಿಕೀ ಜಿವಂತ್ ಆಸಾಂ ಮ್ಹಣ್ ಸಾಕ್ಸ್ ದಿತೆ ಆಸಾ. ತೆಣೆಂ ಎಸಿ ಘಾಲ್ಯಾರ್ ಕರೆಂಟ್ ಚಡ್ ಯೆತಾ ಮ್ಹಣೊನ್ ಘೊವಾನ್ ಆನಿ ಬಾಯ್ಲೆನ್ ರೆಫ್ರಿಜರೇಟರಾಚೆಂ ದಾರ್ ಉಗ್ತೆ ದವರ್ನ್ ಕಿಚನಾಂತ್ ನಿದ್‌ಲ್ಲೆಂ ಆಸಾ. ತಿತ್ಲೆಂಚ್ ನ್ಹಂಯ್, ಘರಾಂತ್ ಸಯ್ರೆ ಆಯಿಲ್ಲ್ಯಾ ವೆಳಾರ್ ಬಾಟ್ಲೆಂತ್ಲೊ ಅರ್ಧೊ ಸೊರೊ ಖಾಲಿ ಕರುನ್ ಅರ್ಧಿ ಬಾಟ್ಲಿ ಸಯ್ರ್ಯಾಂಕ್ ದೀವ್ನ್, 'ದಾಕ್ಶೆನಾಕಾತ್, ಧಾದೊಶಿ ಪಿಯೆಯಾ' ಮ್ಹಣೊನ್ ಸಾಂಗ್‌ಲ್ಲೆಂ ಆಸಾ. ದೊಗಾಂಯ್ ಕಾಮಾಕ್ ವೆತಾತ್. ಸಾಂಬಾಳ್‌ಯೀ ಬರೊಚ್ ಆಸಾ. ಪುಣ್ ಏಕ್ ಬರೆಂ ರಾಂದ್‌ಲ್ಲೆಂ ನಾ. ಜೆವ್‌ಲ್ಲೆಂ ನಾ. ಖಂಯ್ಸರೀ ಭಂವೊಂಕ್ ಗೆಲ್ಲೆಂ ಸಯ್ತ್ ನಾ. ಕೊಣಾ ಖಾತಿರ್ ಪಯ್ಶೆ ಜಮೊ ಕರ್ಚೆಂ...? ಆಸ್‌ಲ್ಲೊ ಎಕ್ಲೊಚ್ ಪೂತ್ ಆವಯ್ ಬಾಪಯ್ಚ್ಯಾ ಗುಸ್ತಾರ್ ಜೆಯೆವ್ನ್ ಪೋಲಿ ಪಾಡಾರಿ ಜಾವ್ನ್ ಗೆಲಾ. 

ಆತಾಂ ಸಾಂಗಾ, ಅಮಿಂ ಪಿಟ್ಟಾಸ್ ಪಣ್ ಅಧಾರುನ್ ಕೊಣಾ ಖಾತಿರ್ ಪುಂಜಾವ್ಚೆಂ...? ಮ್ಹಾಕಾ ಸಮ್ಜಾನಾ. ಗೌತಮ್ ಬುದ್ಧಾನ್ ಸಾಂಗ್ಚೆಂ ಪರಿಂ,  'ಮ್ಹನ್ಶ್ಯಾನ್ ಕರ್ಚಿ ವ್ಹಡ್ಲಿ ಚೂಕ್ ಮ್ಹಳ್ಯಾರ್ ತಾಕಾ ಮರಣ್ ಮ್ಹಳ್ಳೆಂ ಯೆಂವ್ಚೆ ನಾ ಮ್ಹಣ್ ಚಿಂತ್ಚೆಂ....!' ಮರಣ್ ಚೊರಾಬರಿಂ ಯೆತಾಲೆಂ ಮ್ಹಣೊನ್ ಆಮ್ಕಾಂ ಬೈಬಲ್ ಸಯ್ತ್ ಜಾಗಯ್ತಾ. ಪುಣ್ ಆಜ್ ಆಮ್ಕಾಂ ಮನ್ಶ್ಯಾಂಕ್ ಮಾತ್ರ್ ಹೆಂ ಸಮ್ಜಾನಾ ಕಿತ್ಯಾಕ್...?
ಆಮಿಂ ಪುಂಜಾವ್ನ್ ದವರ್ಚೆಂ ಆಸ್ತ್ ಬದಿಕ್, ಆಮಿ ಕರ್ಚೊ ಸ್ವಾರ್ಥ್, ಮೊಸೊರ್, ಕೊರೊಡಾನಿಂ ಪಯ್ಶೆ ಖರ್ಚುನ್ ಉಬಿಂ ಕೆಲ್ಲಿಂ ಘರಾಂ, ಕಾಜಾರಾಂ, ಸೊಭಣಾಂ ಮ್ಹಣ್ ಆಮಿ ವಿಭಾಡ್‌ಲ್ಲೊ ದುಡು, ಆಡಂಬರಾಚೆಂ ಜಿವಿತ್ ಮುಕಾರ್ ಆಮ್ಕಾಂ ಕಿತ್ಲ್ಯಾ ಮಟ್ಟಾಕ್ ಫಾಯ್ದ್ಯಾಕ್ ಪಡಾತ್ ಮ್ಹಳ್ಳೆಂ ಸಾಂಗೊಂಕ್ ಜಾಯ್ನಾ.

ತ್ಯೆ ದೆಕುನ್ ಗರ್ಜೆಕ್ ಖರ್ಚ್ ಕರ್ಚೊ. ದೆವಾನ್ ಭಲಾಯ್ಕಿ ದಿಲ್ಲ್ಯಾ ವೆಳಾರ್ ಬರೆಂ ಜೆಂವ್ಚೆಂ, ಪಸಂದಾಯೆಚೆಂ ಖಾಣ್ ಸೆಂವ್ಚೆಂ ಆನಿ ಸಾಂಗಾತಾ ಇಲ್ಲೆಂ ಭವೊಂಕ್ ವೆಚೆಂ. ದೆವಾನ್ ಗ್ರೇಸ್ತ್ ಕಾಯ್ ದಿಲ್ಲ್ಯಾ ವೆಳಾರ್ ಚಡ್ ಉಡನಾಸ್ತಾನಾ, ದುಬ್ಳಿಕಾಯ್ ಆಯಿಲ್ಲ್ಯಾ ವೆಳಾರ್ ಚಡ್ ರಡನಾಸ್ತಾನಾ, ಆಸ್‌ಲ್ಲ್ಯಾಂತ್ ಖುಶಿ ಪಾವೊನ್, ಸಾಧೆಂಪಣಿಂ ಜಿಯೆಂವ್ಚೆ ಗರ್ಜೆಚೆಂ. ಕಿತ್ಯಾಕ್ ಮ್ಹಳ್ಳ್ಯಾರ್ ಹ್ಯಾ ಭುಂಯ್ತ್ ಪಡ್ತಾನಾ ಆಮ್ಕಾಂ ಕೋಣ್‌ಗೀ ದುಸ್ರ್ಯಾನಿಂ ಧರ್‌ಲ್ಲೆಂ ಆನಿ ಹೊ ಸಂಸಾರ್ ಸಾಂಡುನ್ ವೆತಾನಾಂಯ್ ಆಮ್ಕಾಂ ದುಸ್ರ್ಯಾನಿಂಚ್ ಉಕಲ್ನ್ ವ್ಹರ್ಚೆಂ! ದೆಕುನ್ಂಚ್ ಸುರಾತ್ ಪಣ್ ಕರ್ನ್ ದವರ್‌ಲ್ಲೆ ಪಯ್ಶೆ, ಆಸ್ತ್ ಬದಿಕ್, ಮನಿಸ್ ವೆತಾನಾ ಕಿತ್ಲೆ ವ್ಹರುಂಕ್ ಸಕ್ತಾತ್ ಮ್ಹಣ್ ಕಳಿತ್ ಜಾಯ್ಜೆ ತರ್ ಕೊಣಾಯ್ಚ್ಯಾ ಮೊರ್ಣಾಕ್ ವಚಾ. ತುಮ್ಕಾಂ ಕಳ್ತಾಲೆಂ. ತ್ಯೆ ದೆಕುನ್  ಅಖ್ರೇಕ್ ಹ್ಯಾ ಸಂಸಾರಾಂತ್ ಉರ್ಚೆಂ ಆಮಿ ಕೆಲ್ಲ್ಯಾ ಬೊರ್‍ಯಾ ಕಾಮಾಂಚೊ ಉಗ್ಡಾಸ್ ಮಾತ್ರ್. ಜಿವಿತ್ ಆನಿ ಮರಣ್ ಆಮ್ಚೆ ಹಾತಿಂ ನಾ. ಪುಣ್ ಆಯ್ಚೊ ದೀಸ್ ಆಮ್ಚೆಂ ಲಾಗಿಂ ಆಸಾ. ಮರಣ್ ಯೆತಾ ಮ್ಹಣಾಸರ್ ಬೊರ್‍ಯಾನ್ ಜಿಯೆವ್ಯಾಂ. 'Never search your happiness in others. It will make you feel alone. But search it in yourself .You will feel happy even if you are alone...! ಹ್ಯೆ ವಿಶಿಂ ತುಮಿಂ ಕಿತೆಂ ಮ್ಹಣ್ತಾತ್?


Tags:  Dayan Dsouza, Mukamar, Daiji Dubai, Stingy, Miser, Frugal, Konkani, Mangalore, Mangalorean, Mother Tongue

17 Comment/s.

  1. Wilson D'Souza, mortgage.wilson@gmail.com
    Hi Dayan Good article and this is todays reality , in my opinion its not the childern fault. Every parent should take ownership of this problem.Thank you very much for taking time to write this and God Bless you. Sincerely Wilson
  2. Clifford Pinto , Mangalore
    Very true! Excellent article and good learning! This is what happens when one is not practical.
  3. Diana, Dubai
    Very Nice Article.
  4. Vivian Fernandes, Dubai
    ಅನ್ಯೆಕ್ ಬಿಗ್ರಿಸಾಂವ್ ಕ್ರಿಸ್ತಾಂವ್ ಕುಟ್ಮಾಂನಿ ದಿಸೊಂನ್ ಯೆಂವ್ಚೆ ಬುರ್ಗ್ಯಾಂಕ್ ಕೊಂಕ್ಣಿ ಉಲಯ್ಲ್ಯಾರ್ ತಾಂಚಿ ಪ್ರತಿಶ್ಟ ಉಣೆಂ ಜಾತಾ ಮ್ಹಳ್ಳೆ ಬಿಯೆ.ಡಯಾನ್ ಅತೀ ಉತ್ತಮ್ ಲೇಕನ್. ಸಾರ್ವ್ ಕ್ರಿಸ್ತಾಂವ್ ಘರಾಂನಿ ಪಾವೊಂದಿ ಸ್ಪೆಶಾಲಿ ಗಲ್ಫಾಚಾ.
  5. Glany Fernandes, Mangalroe/Dubai
    ದೇವ್ ಬರೆಂ ಕರುಂ ಮೊಗಾಳ್ ಡಯಾನ್ ತುಮ್ಕಾಂ, ಜಿವಿತಾಂತ್ ವ್ಹಡ್ ವ್ಹಡ್ ಆಶೆತೆಲ್ಯಾಂಕ್ ಮುಕಾರ್ ಕಿತ್ಲೆಂ ವ್ಹಡ್ ರಕೊನ್ ಅಸ್ತಾ ಮ್ಹಳ್ಳೆಂ ಮನದಟ್ಟ್ ಜಾಲೆಂ. ಕನ್ನಡಚಿ ಗಾದ್ "ದೂರದ ಬೆಟ್ಟ ನುಣ್ಣಗೆ" ಹೆಂ ಅದ್ಲ್ಯಾನಿಂ ಸಂಗ್ಲೆಲೆಂ ಸತ್ ಜಾವ್ನಾಸಾ. ವಿಪರ್ಯಾಸ್ ಕಿತೆಂಗೀ ಮ್ಹಳ್ಯಾರ್ ಅತಾಂಚ್ಯಾ ಕುಟ್ಮಾಂಕ್ ಬುರ್ಗ್ಯಾಂಚಿಚ್ ವ್ಹಡ್ ಖಂತ್ ಆನಿ ತ್ಯಾ ಖಂತಿ ಪಾಟ್ಲ್ಯಾನ್ ಆಮ್ವೆಂ ಜಿವಿತ್ ಜಿಯೆಂವ್ಕ್ ಅಮಿಂ ವಿಸ್ರತಾಂವ್.
  6. Melwin Kalakul, Dubai/allipade
    ಹೆಂ ನಿಜಾಯ್ಕಿ ಕಥೆ ಅಲ್ಲಾ ಜೀವನ. ... ಅಕ್ರೆಕ್ ಮಾತ್ರ್ ವ್ಯಥೆ ಜಾತಾ ,ಮಾಗಿರ್ ಪಶ್ಚಾತಾಪ್ ಕರ್ನ್ ಕಿತೆಂ ಪಾಯ್ದೊ...ಡಯಾನ್ ಸರ್ "ಉಗ್ಡಾಸಾಚ್ಯಾ ಸೊದ್ಣೆರ್ " ಲೇಖನ್ ಖೂಬ್ ಆವಾಡ್ಲೆಂ....
  7. Vivian, Dubai
    ಅಮ್ಕಾಂ ಪುಂಜಾಯ್ಲ್ಯಾರೀ ತೃಪ್ತಿ ಮ್ಹಳ್ಳಿ ಮೆಳಾನಾ, ಕಿತ್ಯಾಕ್ ತಾಕಾ ಅಂಗಲಾಪ್ ಚಡ್. ಬೋವ್ ಅಫುರ್ಬಾಯೆಚೆಂ ಲೆಖನ್. ಅಮ್ಚ್ಯಾ ಒಪಿಸಾಂನಿ ಹ್ಹೆಂ ಪಳೆಂವ್ಕ್ ಮೆಳ್ತಾ. ೫೦ ಉಪ್ರಾತಿಂ ಮನ್ಯಾಂಕ್ ಪಯ್ಸ್ಯಾಂತ್ ತ್ರಾಪ್ತಿ ಮೆಳ್ನಾ ಥರ್ ಅನೆಕ್ಲ್ಯಾಕ್ ಕಾಮಾಕ್ ಖಂಯ್ ಥಾವ್ನ್ ಅವ್ಕಾಸ್ ಮೆಳ್ಚೊ?
  8. Vincy Pinto, Angelore
    ಡಯಾನಾನ್ ಬರಯ್ಲಿ ಕಾಣಿ ನ್ಹಂಯ್, ಜಾಯ್ತ್ಯಾ ಪರ್ಗಾವಿ ಜೊಡ್ತೆಲ್ಯಾಚಿ ಹೊರ್ಬೊಸಾಚಿ ಜಿಣಿ. ಗಾಂವಾಂತ್ ರಾವೊನ್ ಕರ್ಚೆಂ ಕಿತೆಂ ? ಮಾತಿ ಖಾಂವ್ಚಿಗೀ ಮ್ಹಣ್ತೆಲ್ಯಾಂಕ್..ನಿಮಾಣೆ ಗಾಂವ್ಚಿ ಮಾತಿಚ್ ಫಾವೊ ಜಾತಾ.
  9. Arthur G Aranha, aranhaag@yahoo.com
    Dear Dayan, Your flair for writing in Konkani is well known. This article on self health based on daily happenings is very meaningful and helpful. Keep it up !
  10. Walter Lasrado, Mumbai 400095
    Very good article. Eye opener.
  11. Austin Prabhu, Chicago
    ಮೊಗಾಳ್ ಡಯಾನ್, ಬರಯ್ತ್ ರಾವ್. ತುಜ್ಯಾ ಮತಿಂತ್ಲಿ ಜಾಣ್ವಾಯ್ ಹೆರಾಂಕ್ ವಾಂಟುನ್ ತಾಂಚೆಂ ಜೀವನ್ ನಂದನ್ ಜಾಂವ್ಚ್ಯಾ ಕಾರ್ಯಾಕ್ ಹಾಂವ್ ಜಯ್ತ್ ಆಶೇತಾಂ.
  12. Ronald Monteiro, Bondel/Canada
    ಡಯಾನ್ ಹೆ೦ ತುಜೆ೦ ಬೋವ್ ಬೊರೆ೦ ಚಿ೦ತಾಪ್. ಆದ್ಲ್ಯಾ ಕಾಲಾರ್ ಚಡ್ತಾವ್ ಲೋಕ್ ಸಾಗ್ವಳೆಚೆ೦ ಕಾಮ್ ಕರ್ತಾಲೊ. ದಪ್ತರಾ೦ತ್ ಕಾಮ್ ಕರ್ಚೊ ಉಣೊ. ಚಡ್ತಾವ್ ಮನಿಸ್ ಭಲಾಯ್ಕೆ೦ತ್ ಅಸ್ತಾಲೆ. ವಾಹನಾ ಉಣಿ ಆಸ್ಲಿ೦. ಲೋಕ್ ಚಲ್ತಾಲೊ. ಆತಾ೦ ಹರ್ಯೆಕ್ಲ್ಯಾಚಾ ಘರಾ ಏಕ್ ವಾಹನ್ ಅಸಾಚ್. ಚಲ್ಚೆ೦ ಉಣೆ೦ ಜಾಲಾ೦. ಹರ್ಯೆಕಾ ವ್ಯೆಕ್ತಿನ್ ಚಿ೦ತಿಜಾಯ್ ಜಾಲ್ಲೊ ವಿಶಯ್ ಹ್ಯಾ ಅ೦ಕಣಾಚೆರ್ ಪಿ೦ತ್ರಾಯ್ಲಾಯ್. ತುಕಾ ಶಾಬಾಸ್ಕಿ ಪಾವೊ.
  13. Gerry D'Mello, Bendur / Canada
    ಡಯಾನ್ ಡಿಸೊಜಾ ಮುಕಾಮಾರ್ ತುಜ್ಯಾ ತಿಂತೆರಾಥಾವ್ನ್ ಉದೆಲ್ಲೆಂ ಹೆಂ ನವೆಂ ಅಂಕಣ್ "ಉಗ್ಡಾಸಾಚ್ಯಾ ಸೊದ್ನೆರ್" ಹಾಚೊ ಪಯ್ಲೊ ಆಂಕ್ದೊ ವಾಚುನ್ ಸಂತೊಸ್ಲೊಂ. ಕೊಂಕ್ಣೆಚ್ಯಾ ಹರ್ಯೇಕ್ ಪ್ರಕಾರಾನಿಂ ತುವೆಂ ಕೆಲ್ಲೆಂ ಸಾಧನ್ ಹೊಗ್ಳಿಕೆಚೆಂ. ತುಜ್ಯಾ ಸರ್ವ್ ಮುಕ್ಲ್ಯಾ ಕೊಂಕ್ಣಿ ವಾವ್ರಾಕ್ ಯಶ್ ಆಶೆತಾಂ!
  14. CLARENCE PINTO, muscat
    ಡಯಾನ್ ಡಿ ಸೊಜಾಚೆಂ ನವೆಂ ಅಂಕಣ್ ವಾಚುನ್ ಖುಶಿ ಜಾಲಿ. ಡಯಾನ್ ಏಕ್ಲೊ ಬರೊ ಉಲವ್ಪಿ ಆನಿಂ ನಾಟಕಿಸ್ತ್. ಥೊಡ್ಯಾ ಯಶಸ್ವಿ ನಾಟಕಾನಿಂ ತಾಣೆಂ ಕೆಲ್ಲೆ ಥೊಡೆ ಪಾತ್ರ್ ಆಜೂನ್ ಮ್ಹಜ್ಯಾ ಉಡಾಸಾಂತ್ ಆಸಾತ್. ತಾಚ್ಯಾ ಮುಕೆಲ್ಪಣಾ ಖಾಲ್ ಜಾಲ್ಲಿಂ ಕಾರ್‍ಯಿಂ ಭಾರಿಚ್ಚ್ ಯಶಸ್ವಿ ಜಾಲ್ಯಾಂತ್ ಮ್ಹಣ್ ಹಾಂವೆಂ ಆಯ್ಕಾಲಾಂ.
  15. Sannu Niddodi, Dubai
    "ಪಿಡಾ ಅಸೊಂ ಯಾ ನಾಸ್ತಾನಾ ರಾವೊಂ ಪುಣ್ ಭಲಾಯ್ಕೆ ಸಾಂಬಾಳ್ಣೆಚಿ ಧನಾತ್ಮಕ್ ಚಿಂತಾಪ್ ಅಸ್ಚೆಂ ಹರ್ಯೆಕ್ ವೆಕ್ತಿಕ್ ಫಾಯ್ದ್ಯಾಚೆ ಜಾವ್ನಾಸಾ" ಏಕ್ ಬರೆಂ ಚಿಂತಪ್ ಆನಿ ಸರ್ವಾನಿಂ ವಾಚುಂಕ್ ಜಾಯ್ ಜಾಲ್ಲೆಂ ಲೇಖನ್......
  16. Shanthi Lewis, Vamanjoor
    Ho... Dayan Dattu is back! I really surprised to read his article. Well written. Great.
  17. Marcel Pinto, Moodubelle
    ಹಾಂವ್ ಡಯಾನಾಚೊ ಬೋವ್ ವ್ಹಡ್ಲೊ ಅಭಿಮಾನಿ. ತಾಚೆಂ ಲೇಖನ್ ವಾಚುನ್ ಭಾರಿಚ್ ಖುಶಿ ಜಾಲಿ. ಡಯಾನ್, ಬರಂವ್ಚೆಂ ರಾವಯ್ ನಾಕಾ.

Post your comments

Your email address will not be published. Required fields are marked *

Konkani English
Name  : 
Email  : 
Place  : 
Mobile  : 
I Am Human  : 
   Message :

Within a short span of time, www.maibhaas.com made a niche in the hearts of Konkani readers with its clean reading, attracting design in Konkani media. www.maibhaas.com, a dream child of Naveen Sequeira Brahmavar, has able to create its impact and wonders from the day of its inception in Konkani world. As each day passing www.maibhaas.com is growing as a strong pillar of Konkani media.

Our Address
Mangalore

Contact Person :
Mr. Praveen Tauro

 Email : praveen@maibhaas.com

 Phone : +91 99 80 184340

 Address :
          Daijiworld.com,
          Airport Road,
          opp. Bondel Church,
          Mangalore - 575 008
          Karnataka - India

Our Address
Udupi

Contact Person :
Mr. Joel D'almeida

 Email : joel@maibhaas.com

 Phone : +91 90 08 855392

 Address :
          Eventz Redefined,
          Next to Vijaya Bank,
          Holy Family Complex
          1st Floor, NH -66
          Brahmavara - 576213

Our Address
Dubai

Contact Person :
Mr. Naveen Sequeira

 Email : editor@maibhaas.com

 Phone : +97 150 755 4105

 Address :
          Master Mind IT Solutions,
          UBL Building,
          #402, 4th Floor
          Bank Street - Bur Dubai
          Dubai - UAE