From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
26 - 'ಬುದ್ವಂತ್' ಮನಿಸ್ Vs ಕೊರೊನಾ ವೈರಸ್
Saturday, April 18, 2020
ಆತಾಂಚಿ ಪರಿಸ್ಥಿತಿ ಪಳೆತಾನಾ ಮ್ಹಾಕಾ ಕಿತ್ಯಾಕ್‌ಗೀ 'ಕಟ್‌ಪುತ್ಳಿ'ಚೊ ಉಡಾಸ್ ಯೆತಾ. ಆಮ್ಚೆ ಮ್ಹಳ್ಳೆಂ ಹ್ಯಾ ಸಂಸಾರಾಂತ್ ಕಿತೆಂ ಆಸಾ? 'ತಾಚ್ಯಾ' ತಾಳಾಕ್ ನಾಸ್ಚೆಂ ಮಾತ್ರ್ ಆಮ್ಚೆ ಜೀವಿತ್ ಮ್ಹಣ್ ಮ್ಹಾಕಾ ಭೊಗ್ತಾ. ಪೊರ್ಚ್ಯಾ ಪೋರ್‍ ವರೇಗ್ ಸಂಸಾರ್ ಅಸೊ ಧಾಂವೊನ್ ಆಸ್‌ಲ್ಲೋಗೀ, ಸಂಸಾರ್‌ಚ್ ಆಮ್ಚ್ಯಾ ಮುಟಿ ಭಿತರ್ ಮ್ಹಣೊನ್, ದೆವಾಚಿ 'ಬುದ್ವಂತ್' ರಚ್ನಾಂ ಮನಿಸ್ ಚಿಂತುನ್ ಆಸ್‌ಲ್ಲೊ. 'ಹಾಂವ್‌ಚ್ ದೇವ್' ಮ್ಹಣೊನ್ ಸಾಂಗೊಂಕ್‌ಯೀ ಭಾಯ್ರ್ ಸರ್‌ಲ್ಲೊ.... ಪುಣ್ ದೊಳ್ಯಾಕ್ ದಿಸಾನಾತ್‌ಲ್ಲ್ಯಾ ಫಕತ್ ಎಕಾ ವೈರಸಾನ್ ಹ್ಯಾ 'ಬುದ್ವಂತ್' ಮನ್ಶ್ಯಾಕ್ ಆಜ್ ದಿಂಬ್ಯೆಯೆರ್ ಪಡೊಂಕ್ ಮಜ್ಬೂರ್ ಕೆಲಾ! ಥೊಡ್ಯಾ ವೆಳಾಕ್ ತರೀ 'ಬುದ್ವಂತ್' ಮನಿಸ್ ಸಲ್ವಲಾ...
ಮನ್ಶಾ ಜೀವನಾಂತ್ ಕೊಣಾಚಿ ಪರಿಸ್ಥಿತಿ ಕೆದಾಳಾ ಕಶಿ ಜಾಯ್ತ್ ಮ್ಹಳ್ಳೆಂ ಬಿಲ್ಕುಲ್ ಸಾಂಗೊಂಕ್ ಜಾಯ್ನಾ. ತವಳ್, ಕೋಣ್ ಗ್ರೇಸ್ತ್ ಆನಿ ಕೋಣ್ ದುಬ್ಳೊ, ಖಂಚೊ ರಾಷ್ಟ್ರ್ ವ್ಹಡ್ ಆನಿ ಖಂಚೊ ರಾಷ್ಟ್ರ್ ಲ್ಹಾನ್ ... ಅಶೆಂ ಖಂಚೆಯೀ ಲೆಕಾಕ್ ದವರುಂಕ್ ಜಾಯ್ನಾ. ತ್ಯೆ ಪರಿಸ್ಥಿತೆಂತ್ ಆಮ್ಚೆ ಕಡೆಂ ಆಸ್‌ಲ್ಲೆಂ ಆಸ್ತ್ ಬದಿಕ್, ಭಾಂಗಾರ್, ದುಡು, ದುಸ್ಮಾನ್‌ಕಾಯ್, ರಾಗ್, ಮೊಸೊರ್, ಫಾರಿಕ್ಪಣ್ ಹೆಂ ಖಂಚೆಯೀ ಪ್ರಯೋಜನಾಕ್ ಪಡಾನಾ. ತಸಲೆಂ ಖರ್ಗ್, ಅನ್ವಾರಾಂ ಆಮ್ಕಾಂ ಗ್ರಾಸಿತಾನಾ, ಕೇವಲ್ ಆಪ್ಣಾಚೊ ಜೀವ್ ವಾಂಚಂವ್ಚೆಂ, ಆಪ್ಣಾಚಾ ಕುಟ್ಮಾಕ್ ಸಾಂಬಾಳ್ಚೆಂಚ್ ವ್ಹಡ್ಲೆಂ ಸವಾಲ್ ಜಾತಾ. ಹೆಂ ಆಮಿಂ ಆಯ್ಲೆವಾರ್ ಸಗ್ಳ್ಯಾ ಸಂಸಾರಾಚಿ ನೀದ್‌ಚ್ಚ್ ಪಾಡ್ ಕೆಲ್ಲ್ಯಾ ಕೊರೊನಾ ವೈರಸ್ ಮ್ಹಳ್ಳ್ಯಾ ಪಿಡೆ ಥಾವ್ನ್ ಸಮ್ಜವ್ನ್ ಕಾಣ್ಘೆಲಾ.
ಚೀನಾಂತ್ಲ್ಯಾ ವುಹಾನ್ ಶಹರಾಂತ್ ಸುರ್‍ವಾತ್ ಜಾಲ್ಲಿ ಹಿ ಪಿಡಾ, ಉಪ್ರಾಂತ್ ಕ್ರಮೇಣ್ ಇಟೆಲಿ, ಸ್ಪೇನ್, ಫ್ರಾನ್ಸ್, UK, ಅಮೇರಿಕಾ, ಇರಾನ್, ಇತರ್ ಯುರೋಪ್ ರಾಷ್ಟ್ರಾಂನಿ ಆನಿ ಗಲ್ಫಾಂತ್ ಪಾಸಾರುನ್, ಸಂಸಾರ್ ಭರ್ ಹಜಾರೊಂ ಲೊಕಾಂಚೊ ಜೀವ್ ಹೊಗ್ಡಾಂವ್ಕ್ ಕಾರಣ್ ಜಾಲಾಂ. ಮಾತ್ರ್ ನ್ಹಂಯ್ ಆಸ್ತಾನಾ, ಲಾಕಾಂನಿ ಲೋಕ್ ಹ್ಯೆ ಪಿಡೆಕ್ ಬಲಿ ಜಾಲೊ. ಹ್ಯಾ ವೈರಸಾ ವರ್ವಿಂ ಸಗ್ಳ್ಯಾ ಮನ್ಶ್ಯಾ ಕುಳಾಚ್ಯಾ ಕಾಳ್ಜಾಂತ್ ತಶೆಂಚ್ ಮನಾಂತ್, ಭಿರಾಂತಿಚೆಂ ವಾತಾವರಣ್ ಧೊಸುಂಕ್ ಲಾಗ್ಲಾ. ಆಜ್ ಸಂಸಾರಾಚೆರ್ ರಾಜ್ ಕರ್ಚೆ, 'ಆಪ್ಲ್ಯಾ ಕಡೆಂ ಸಗ್ಳೊ ಸಂಸಾರ್‌ಚ್ಚ್ ನಾಶ್ ಕರ್ಚೆ ಅಣುಬಾಂಬ್, Missiles ಆಸಾತ್ ಚತ್ರಾಯ್...' ಮ್ಹಣ್ ಬೊಬಾಟ್ಚೆ ಅಮೇರಿಕಾ, ಇಸ್ರೇಲ್, ರಷ್ಯಾ ತಸಲಿಂ ರಾಷ್ಟ್ರಾಂ, ಏಕ್ ದೊಳ್ಯಾಕ್ ದಿಸಾನಾತ್‌ಲ್ಲ್ಯಾ ವೈರಸಾಚ್ಯಾ ಭಿರಾಂತೆನ್ ಥರ್ಥರೊನ್ ಗೆಲ್ಯಾಂತ್. ವಯ್ಜಕೀಯ್ ಕ್ಷೇತಾಂತ್ ಸಾಂಸಾರಾಂತ್‌ಚ್ಚ್ ಪಯ್ಲ್ಯಾ ಸ್ಥಾನಾರ್ ಆಸ್ಚಿಂ ಅಮೇರಿಕಾ, ಇಟೆಲಿ, ಸ್ಪೇನ್, ಫ್ರಾನ್ಸ್ ತಸಲಿಂ ರಾಷ್ಟ್ರಾಂ, ಹ್ಯೆ ಪಿಡೆಕ್ ಫಾವೊ ತೊ ಪರಿಹಾರ್ ಸೊಧುನ್ ಕಾಡುಂಕ್ ಸಾಧ್ಯ್ ಜಾಯ್ನಾಸ್ತಾಂ ಹಜಾರೊಂ ಲೊಕಾಚೊ ಜೀವ್ ಹೊಗ್ಡಾಂವ್ಕ್ ಪಾವ್ಲ್ಯಾಂತ್ ಮ್ಹಣ್ಟಾನಾ, ಉರ್‌ಲ್ಲ್ಯಾ ದೇಶಾಂಚಿ ಪರಿಸ್ಥಿತಿ ಕಿತೆಂ ಮ್ಹಳ್ಳೆಂ ಆಮಿಂ ಅಂದಾಜ್ ಕರ್ಯೆತಾ.
ಇಟೆಲಿಂತ್ ಎದೊಳ್ಚ್ಚ್ 22,745, ಆನಿ ಅಮೇರಿಕಾಂತ್‌ಚ್ 35,578, ಸ್ಪೇನಾಂತ್ 19,478, ಫ್ರಾನ್ಸಾಂತ್ 17,920 ಲೋಕ್ ಹ್ಯೆ ಪಿಡೆ ವರ್ವಿಂ ಮರ್‍ಣಾಕ್ ಬಲಿ ಜಾಲಾ.
ಗಲ್ಫಾಗಾರಾಂಚಿ ಪರಿಸ್ಥಿತಿಯೀ ಕಾಂಯಿಂಚ್ ಬರಿ ನಾ. ಪಯ್ಲೆಂ ಗಲ್ಫಾ ಥಾವ್ನ್ ಗಾಂವಾಕ್ ವೆತಾನಾ ರಾಕೊನ್ ರಾಂವ್ಚಿಂ ಮನ್ಶಾಂ ಆತಾಂ, 'ಯೇನಾಕಾತ್... ಥಂಯ್‌ಚ್ಚ್ ರಾವಾ...' ಮ್ಹಣ್ತಾತ್. ಆನಿ ಗಾಂವಾಂತ್ ಎದೊಳ್ಚ್ಚ್ ಪಾವ್‌ಲ್ಲ್ಯಾಂಚಿ ಸ್ಥಿತಿ, ಆನಿ ಲೊಕಾನ್ ತೆಂಕಾ ದುಬಾವಾನ್ ಪಳೆಂವ್ಚಿ ದೀಷ್ಟ್ ತುಮಿಂ ಎದೊಳ್‌ಚ್ ಪಳೆವ್ನ್ ಜಾಲಾ. ಹಿ ಪಿಡಾ ಗಲ್ಫಾಂತ್ ಸುರು ಜಾಲ್ಲಿ ನ್ಹಂಯ್. ಆತಾಂ ಸಗ್ಳ್ಯಾ ಸಂಸಾರಾಂತ್‌ಚ್ಚ್ ಹಿ ಪಿಡಾ ಪಾಸಾರ್ಲಾ ಮ್ಹಣ್ತಾನಾ ಹಾಂತುನ್ ಗಲ್ಫಾಗಾರಾಂಚಿ ಕಿತೆಂ ಚೂಕ್ ಆಸಾ? ತಾಂಕಾಂ ಸಮ್ಜವ್ನ್ ಘೆಂವ್ಚಿ ಗರ್ಜ್ ಆಸಾ.
ಮುಕ್ಲ್ಯಾ ದಿಸಾಂನಿ ಹ್ಯಾ ಪಿಡೆಚೊ ಪ್ರಭಾವ್ ಹರ್ಯೆಕಾ ರಾಷ್ಟ್ರಾಂಚಿ ಆರ್ಥಿಕ್ ಪರಿಸ್ಥಿತಿ ಭಿಗ್ಡಾಂವ್ಕ್ ಕಾರಣ್ ಜಾಂವ್ಕ್ ಪುರೊ. ಗಲ್ಫಾಂತ್ ಆನಿ ಹೆರ್ ರಾಷ್ಟ್ರಾಂನಿ ಜಾಯ್ತೊ ಲೋಕ್ ಆಪ್ಲೆಂ ಕಾಮ್ ಹೊಗ್ಡಾಂವ್ಕ್ ಪುರೊ. ಸಾಂಬಾಳ್ ತಡವ್ ಜಾಂವ್ಕ್ ಪುರೊ ವ ಥೊಡೆ ಮಹಿನೆ ಮೆಳಾನಾಸ್ತಾನಾ ರಾಂವೊಂಕ್‌ಯೀ ಪುರೊ. ತ್ಯೆ ದೆಕುನ್ ಹ್ಯಾ ವಿಶಿಂ ಆತಾಂಚ್ ಚತ್ರಾಯ್ ಘೆಂವ್ಚಿ ಆನಿ ಜಾಗ್ರತ್ ರಾಂವ್ಚೆಂ ಬರೆಂ.
ಪರಿಸ್ಠಿತಿ ಅಶಿ ಜಾಯ್ತ್ ಮ್ಹಣೊನ್ ಕೊಣೆಂಯೀ ಚಿಂತುಂಕ್ ನಾ ಆನಿ ಅಸಲಿ ಪಿಡಾ ಆಮ್ಚ್ಯಾ ಜಿಣ್ಯೆಂತ್ ಪಳೆಂವ್ಕ್ ಮೆಳ್ತಾಲಿ ಮ್ಹಣ್ ಕೊಣೆಂಚ್ ಅಂದಾಜ್ ಕೆಲ್ಲೊ ನಾ ಮ್ಹಣ್ಯೆತಾ. ಆಜ್ ಮನ್ಜಾತಿ ಉಗ್ತ್ಯಾನ್ ಭಂವ್ತಾತ್ ಆನಿ ಮನಿಸ್ ಘರಾ ಭಿತರ್ ಫಿಚಾರ್ ಜಾಲ್ಯಾಂತ್. ಹರ್ಯೆಕಾ ಘಡಿಯೆ ವಾಹನಾಂನಿ ಟ್ರಾಫಿಕ್ ಜಾಮ್ ಜಾಂವ್ಚೆ ರಸ್ತೆ, ಆಜ್ ಖಾಲಿ ಪಡ್ಲ್ಯಾತ್. ಇತರ್ ದಿಸಾಂನಿ, ಕಾಮಾಕ್, ಇಸ್ಕೊಲಾಕ್, ಇಗರ್ಜೆಕ್, ಮಿಸಾಕ್, ರೆತಿರೆಕ್, ಆಸ್ಪತ್ರೆಕ್, ಬಜಾರಾಕ್, ಪಾರ್ಕಾಕ್, ಪಿಕ್ಚರಾಕ್, ಶೊಪಿಂಗಾಕ್, ಪಾರ್ಲರಾಕ್... ವಚೊಂಕ್ ಮ್ಹಣೊನ್ ಪುರ್ಸತ್ ನಾಸ್ತಾಂ ಭಂವ್ಚೊ ಆನಿ ಧಾಂವ್ಚೊ ಲೋಕ್, ಕೊರೊನಾ ವೈರಸ್ ಮ್ಹಳ್ಳ್ಯಾ ರಾಕ್ಕೊಸಾ ಮುಕಾರ್ ಮೌನ್ ಜಾಲಾ ಆನಿ ಘರಾಂತ್ಲೆ ಮೇಟ್ ಭಾಯ್ರ್ ದವ್ರುಂಕ್ ಭಿಯೆವ್ನ್ ಆಸಾ. ಹಾಂತುನ್‌ಚ್ ಕಳ್ತಾ ಹಿ ಪಿಡಾ ಕಿತ್ಲಿ ಮಾರೆಕಾರ್ ಮ್ಹಣೊನ್. ಹರ್ಯೆಕ್ಲ್ಯಾಂಕ್‌ಯೀ ತಾಚ್ಯಾ ಜಿವಾಚಿ, ಭಲಾಯ್ಕೆಚಿ ಆನಿ ಕುಟ್ಮಾಚಿ ಭಿರಾಂತ್ ಆಸಾ. ಜೀವ್ ಆಸ್ಲ್ಯಾರ್ ಮಾತ್ರ್ ನಹಿಂಗೀ ಹೆರ್ ಸರ್ವ್?
'ಆಪುಣ್ ಮ್ಹಸ್ತು ಬಿಝಿ ಮನಿಸ್, ಮ್ಹಾಕಾ ಆಫೀಸಾಚೆ ಕಾಮ್ ಆಸಾ, ತೆಂ ಆಸಾ... ಹೆಂ ಆಸಾ' ಮ್ಹಣೊನ್ ದಿಸಾಂಚಿ ಚೊವೀಸ್ ವೊರಾಂ ಧಾಂವ್ಚೆ ಮನಿಸ್, ಆಜ್ ಘರಾಂತ್‌ಚ್ ಆಫೀಸ್ ಕರ್ನ್ ಬಸ್ಲ್ಯಾಂತ್! ಕಾಮಾಚ್ಯಾ ರಾಟಾವಳಿಂ ವರ್ವಿಂ ಕುಟ್ಮಾಕ್ ವೇಳ್ ದೀಂವ್ಕ್ ಜಾಯ್ನಾ ಮ್ಹಣ್ ದುರ್ಸತೆಲ್ಯಾಂಕ್, ಆತಾಂ ದರಬಸ್ತ್ ವೇಳ್ ಫಾವೊ ಜಾಲಾ. ಬರ್ಗರ್, ಪಿಜ್ಜಾ, ಕೆಂಟಕಿ ಚಿಕನ್, ಸೊಸೆಜ್ .... ಅಶೆಂ ಫಿಂರ್ಗಿಂ ಖಾಣಾಂ ಖಾವ್ನ್‌ಚ್ ದೀಸ್ ಕಾಡ್ಚ್ಯಾ ಆಮ್ಚ್ಯಾ ಭುರ್ಗ್ಯಾಂಕ್, ಪೊಟಾಕ್ ಭುಕ್ ಮ್ಹಳ್ಳಿ ಲಾಗ್ತಾನಾ, ಘರಾ ರಾಂದ್‌ಲ್ಲೆ ಬರೆಂಚ್ ರುಚ್ತಾ ಮ್ಹಣೊನ್ ಜಾಲಾಂ. ಸಗ್ಳೆಂ ಕುಟಾಮ್ ಏಕ್ ಜಾವ್ನ್ ಜೇಂವ್ಕ್ ಲಾಗ್ಲಾಂ, ಸಗ್ಳೆಂ ಕುಟಮ್ ಸಾಂಗಾತಾ ಮೆಳೊನ್ ಮಾಗೊಂಕ್ ಲಾಗ್ಲಾಂ, ಆನಿ ಸಗ್ಳೆಂ ಕುಟಾಮ್ ಸಾಂಗಾತಾ ಬಸೊನ್ ಮನೋರಂಜನ್ ಪಳೆಂವ್ಕ್ ಲಾಗ್ಲಾಂ! ಕಾಮಾಕ್ ಲಾಗೊನ್, ವ ಇತರ್ ಕಾರಣಾಂಕ್ ಲಾಗೊನ್, ಆಪ್ಲ್ಯಾ ವ್ಹಡಿಲಾಂಕ್ ಎಕ್ಸುರೆಂ ಸೋಡ್ನ್, ಪಯ್ಶಿಲ್ಯಾ ಗಾಂವಾಂತ್ ಕಾಮ್ ಕರ್ಚಿಂ ಭುರ್ಗಿಂ, ಕಿತೆಂಚ್ ನಿರ್ವೋಗ್ ನಾಸ್ತಾಂ, ಆಪ್ಲ್ಯಾ ಮಾಯ್‌ಗಾಂವಾಂಕ್ ಆನಿ ಆಪ್ಲ್ಯಾ ಘರಾಂಕ್ ಪರ್ತುಂಕ್ ಲಾಗ್ಲ್ಯಾಂತ್. ಅಶೆಂ ಜಿಣ್ಯೆಚ್ಯಾ ಧಾವ್ಣೆಂತ್ ಆಮಿಂ ವಿಸ್ರಲ್ಯಾ ಜಾಯ್ತ್ಯಾ ಸಂಗ್ತಿಂ ವಿಶಿಂ ಪರತ್ ಏಕ್ ನದರ್ ಮಾರುಂಕ್ ಆಮ್ಕಾಂ ಸಾಧ್ಯ್ ಕರ್ನ್ ದಿಲಾಂ.
ಕೊರೊನಾ ವೈರಸಾಚ್ಯಾ ಭಿಂಯಾನ್ ಆಮಿಂ ಪಾಟ್ಲ್ಯಾ ಥೊಡ್ಯಾ ದಿಸಾಂ ಥಾವ್ನ್ ಘರಾಂತ್‌ಚ್ ಏಕ್ ಬಂಧಿ ಜಾವ್ನ್ ಜಿಯೆವ್ನ್ ಆಸಾಂವ್... ಆನಿ ದೀಸ್ ವೆತಾಂ ವೆತಾಂ ಆಮಿಂ ಪಿಸಾಂತುರ್ ಜಾವ್ನ್ ಆಸಾಂವ್. ತರ್ ಏಕ್ ಘಡಿಭರ್ ಆಮಿ ಚಿಂತ್ಯಾಂ... ಕಿತ್ಲೆಶ್ಯಾ ಘರಾ ಆಮಿ ಆಮ್ಚ್ಯಾ ಕಾಮಾಂ ಪಾಸಾತ್ ಆಮ್ಚ್ಯಾ ಪ್ರಾಯೇಸ್ತ್ ಆವಯ್ ಬಾಪಾಯ್ಕ್ ಸೋಡ್ನ್ ಆಯ್ಲ್ಯಾಂವ್. ತಾಂಕಾ ದಿಸಾಂಗಟ್ಲ್ಯಾನ್ ವ ಮಹಿನ್ಯಾಗಟ್ಲ್ಯಾನ್ ಫೋನ್ ಕರುಂಕ್‌ನಾ ವ ತಾಂಚ್ಯೆ ವಿಶಿಂ ಖಬರ್ ಕಾಣ್ಘೆವ್ನಾ ಜಾಂವ್ಕ್ ಪುರೊ.... ಕಿತ್ಲೆಶಿಂ ಜಣಾಂ ವರ್ಸಾಂ ಗಟ್ಲ್ಯಾನ್ ಪಿಡೆಂತ್ ವಳ್ವಳೊನ್ ಮಾಂದ್ರೆರ್ ಆಸಾತ್. ತಸಲ್ಯಾಂಚಿ ಆನಿ ತಾಂಚಿ ಚಾಕ್ರಿ ಕರ್ತೆಲ್ಯಾಂಚಿ ಪರಿಸ್ಥಿತಿ ಕಸಿ ಆಸಾತ್? ಸಬಾರ್ ವರ್ಸಾಂ ಥಾವ್ನ್ ಜಯ್ಲಾಂತ್ ಶಿಕ್ಷಾ ಭೊಗ್ಚ್ಯಾ ಕೈದಿಂಚಿ ಪರಿಸ್ಥಿತ್, ಆಮಿಂ ಆತಾಂ, ಥೊಡ್ಯಾ ಮಾಪಾನ್ ಪುಣೀ ಅರ್ಥ್ ಕರುಂಕ್ ಸಕ್ತಾಂವ್.
ಆಜ್ ಮನಿಸ್ ಎಕಾಮೆಕಾಕ್ ದುಬಾವಾನ್ ಪಳೆಂವ್ಚೆ ಆನಿ ಎಕಾಮೆಕಾ ಥಾವ್ನ್ ಪಯ್ಸ್ ಸರ್ಚಿ ಪರಿಸ್ಥಿತಿ ಆಯ್ಲ್ಯಾ. ಕೊಣಾಕ್ ಹಿ ಪಿಡಾ ಆಸಾ ಮ್ಹಳ್ಳೆಂ ಸುಲಭಾಯೆನ್ ಪಾರ್ಕುಂಕ್ ಜಾಯ್ನಾ. ಗಲ್ಫಾಂತ್ಲ್ಯಾ ರಾಷ್ಟ್ರಾಂನಿ, 'ಆಮ್ಕಾಂ ಕೋಣ್‍ಯೀ ಮೆಳಾನಾತ್ಲ್ಯಾರ್ ಪುರೊ, ಆಮ್ಗೆರ್ ಕೊಣೀ ಯೇನಾತ್ಲ್ಯಾರ್ ಪುರೊ' ಮ್ಹಣ್ ಮಾಗ್ಣೆಂ ಕರ್ಚೆ ದೀಸ್ ಆಮ್ಕಾಂ ಪಳೆಂವ್ಕ್ ಮೆಳ್ಳ್ಯಾತ್!
ಕಿತ್ಲೆಶ್ಯಾ ಜಣಾಂನಿ ಕೊರೊನಾ ವೈರಸಾ ವರ್ವಿಂ ಆಪ್ಲ್ಯಾ ಮೊಗಾಚ್ಯಾಂಕ್ ಹೊಗ್ಡಾಯ್ಲೆಂ. ಥೊಡ್ಯಾ ಸಂದರ್ಭಾಂನಿ ಪರಿಸ್ಥಿತಿ ಸಂಪೂರ್ಣ್ ಭಿಗ್ಡೊನ್ ಗೆಲಿ - ಘೊವಾಚ್ಯಾ ಮೊರ್ನಾಕ್ ಬಾಯ್ಲೆಕ್ ವಚೊಂಕ್ ವ ಪಳೆಂವ್ಕ್ ಸಾಧ್ಯ್ ಜಾಲೆಂ ನಾ, ಕಿತ್ಲೆಶ್ಯಾ ಜಣಾಂಕ್ ಆಪ್ಲ್ಯಾ ಆವಯ್ - ಬಾಪುಯ್‌ಚ್ಯಾ ಮೊರ್ನಾಕ್ ವೆಚೆಂ ವ ತಾಂಚೆ ಕುಡಿಕ್ ಏಕ್ ಮೂಟ್ ಮಾತಿ ಘಾಲ್ಚೆಂ ಭಾಗ್ ಸಯ್ತ್ ಲಾಭ್ಲೆಂ ನಾ... ಕಿತೆಂ ಭೊಗನಾ ಜಾಯ್ತ್ ತಸಲ್ಯಾ ಕುಟ್ಮಾಂಕ್? ಅಶೆಂ ಜಾಯ್ತ್ ಮ್ಹಣ್ ಕೊಣೆಂಯೀ ಚಿಂತ್ಲಾ ವ ಕೊಣೆಂಯೀ ಸಾಂಗ್ಲಾ?
ಹ್ಯಾ ಕಷ್ಟಾಂಚ್ಯಾ ಸಂದರ್ಭಾರ್ ಲೊಕಾಂಚ್ಯಾ ಉದಾರ್ ಮನಾ ವರ್ವಿಂ ಬಾಂಧ್‌ಲ್ಲ್ಯೊ ಇಗರ್ಜ್ಯೊ, ತೆಂಪ್ಲಾ, ದಿವ್ಳಾಂ, ಮಸ್ಜೀದ್ಯೊ, ಗುರುದ್ವಾರಾಂ.... ಕಿತ್ಲ್ಯಾ ಮಟ್ಟಾನ್ ಲೊಕಾಂಚ್ಯಾ ಗರ್ಜಾಂತ್ ಸ್ಪಂದನ್ ಕೆಲ್ಯೊ? ವ ಕಿತ್ಲ್ಯಾ ಮಟ್ಟಾಕ್ ಲೊಕಾಂಕ್ ನಿಜಾಯ್ಕೀ ಉಪ್ಕಾರಾಕ್ ಪಡ್ಲ್ಯೊ? ಕೇರಳಾಂತ್ಲೆ ಪದ್ಮನಾಭಾ ಮಂದಿರ್, ಆಂಧ್ರಪ್ರದೇಶಾಂತ್ಲೆ ತಿರುಪತಿ ಬಾಲಾಜಿ ಮಂದಿರ್, ಶಿರ್ಡಿಂತ್ಲೆ ಸತ್ಯ ಸಾಯಿ ಬಾಬಾ ಮಂದಿರ್, ಮುಂಬಯಿಂತ್ಲೆ ಸಿದ್ಧಿ ವಿನಾಯಕ ಮಂದಿರ್.... ಕೊರೊಡಾಂನಿ ಲೊಕಾ ಥಾವ್ನ್ ಪಯ್ಶೆ ಜಮೊ ಕರ್ಚ್ಯಾ ಹ್ಯಾ ದಿವ್ಳ್ಯಾಂನಿ, ಲೊಕಾಚ್ಯಾ ಕಷ್ಟಾಂತ್ ಕಿತ್ಲೊ ಸಾಂಗಾತ್ ದಿಲೊ? ತರ್ ಮುಕ್ಲ್ಯಾ ದಿಸಾಂನಿ ಅಸಲ್ಯಾ ಸಂಗ್ತಿಂಕ್ ವ ಬಾಂಧ್ಪಾಂಕ್ ಪಯ್ಶೆ ದಾನ್ ಧರ್ಮ್ ಕರ್ಚ್ಯಾ ನಿರ್ಧಾರಾಂತ್ ಥೊಡಿ ಬದ್ಲಾವಣ್ ಯೆಂವ್ಚ್ಯಾಂತ್ ಕಿತೆಂಚ್ ನವಾಲ್ ನಾ!
ಆಜ್ ಲೊಕಾಚೆ ಪ್ರತಿನಿಧಿ ಮ್ಹಣೊನ್ ಚುನಾಯಿತ್ ಜಾಲ್ಲೆ ಆಮ್ಚೆ ಸರ್ವ್ ರಾಜಕೀಯ್ ಫುಡಾರಿ ಖಂಯ್ ಲಿಪ್ಲ್ಯಾತ್? ಆಪುಣ್ ದೆವಾಚೊ ಪ್ರತಿನಿಧಿ, ಹಾಂವ್ ತುಮ್ಚಿ ಪಿಡಾ ಗೂಣ್ ಕರ್ತಾ ಮ್ಹಣೊನ್ ಲೊಕಾಂ ಥಾವ್ನ್ ಕೊರೊಡಾಂನಿ ಪಯ್ಶೆ ಆಪ್ಣಾಯಿಲ್ಲೆ Benny Hinn, Kenneth Copeland, Pat Robertson, T.D. Jakes, Rick Warren ಆನಿ Joyce Meyer ಕಿತ್ಯಾಕ್ ಮೊನಿಂ ಜಾಲ್ಯಾಂತ್? ತೋಂಡ್ ಪಳೆವ್ನ್, ಹಾತ್ ವಾಚುನ್, ಕುಂಡ್ಲಿ ಮೆಜುನ್ ಲೊಕಾಂಚೆ ಭವಿಷ್ಯ್ ಸಾಂಗೊನ್, ಲಾಕಾಂನಿ ಪಯ್ಶೆ ಲುಟ್‌ಲ್ಲೆ ಸ್ವಾಮಿ, ಸಾಧು, ಮಂತ್ರಾವಾದಿ, ಸನ್ಯಾಸಿ ಆತಾಂ ಖಂಯ್ ಗೆಲ್ಯಾಂತ್? ಆಮಿಂ ಕುಡ್ಡೆ ಜಾವ್ನ್ follow ಕರ್ಚೆ ವ ತಾಂಕಾ ಆಲ್ತಾರಿರ್ ಚಡವ್ನ್ ಮಾನ್ ದಿಂವ್ಚೆಂ ಕ್ರಿಕೆಟರ್ಸ್, film actors, ಖೆಳ್ಗಾಡಿ. ಇತ್ಯಾದಿ ಫಕತ್ ಮನೋರಂಜನ್ ದೀಂವ್ಕ್ ಮಾತ್ರ್ ಸಕ್ತಾತ್ ಶಿವಾಯ್ ಹಿ ಪಿಡಾ ಪಯ್ಸ್ ಕರುಂಕ್ ತಾಂಕಾ ಕಿತೆಂಚ್ ಜಾಯ್ನಾ ಮ್ಹಣ್ ಸ್ಪಷ್ಟ್ ಜಾಲೆಂ. ಜಾತಾ ಜಾಲ್ಯಾರ್ ಫಕತ್ ದಾಕ್ತೆರ್ ಆನಿ ತಾಂಕಾ ಸಾಂಗಾತ್ ದಿಂವ್ಚ್ಯಾ ನರ್ಸ್ ಆನಿ ಇತರ್ ಶಿಬಂದೆಕ್ ಮಾತ್ರ್ ಮ್ಹಳ್ಳೆಂ ಆತಾಂ ಆಮ್ಚ್ಯಾ ಮತಿಕ್ ಗಮ್ಲೆ! ಸಂಸಾರ್‌ಭರ್ ಲೊಕಾಕ್ ಹಿ ಪಿಡಾ ಗ್ರಾಸಿತಾನಾ ಕಿತ್ಲೆಶ್ಯಾ ದಾಕ್ತೆರಾಂನಿ ಆನಿ ನರ್ಸಾಂನಿ ಆಪ್ಲೊ ಜೀವ್ ಹೊಗ್ಡಾಯ್ಲಾ... ಕಿತ್ಲೆಶ್ಯಾ ವಯ್ಜಕೀಯ್ ಶಿಬಂದೆನ್ ಆಪ್ಲ್ಯಾ ಕುಟ್ಮಾ ಥಾವ್ನ್ ಮಹಿನ್ಯಾ ಗಟ್ಲ್ಯಾನ್ ಪಯ್ಸ್ ರಾವೊನ್ ಸಾಕ್ರಿಫಿಸ್ ಕೆಲಾ... ತಾಂಕಾ ಆಮಿ ಋಣಿ ಜಾಂವ್ಕ್ ಫಾವೊ, ಏಕ್ ಸಲಾಮ್ ತಾಂಕಾ ಸರ್ವಾಂಕ್. ಹಾಂಚ್ಯೆ ಬರಾಬರ್, ಪರಿಸ್ಥಿತಿಚಿ ಗಂಭೀರತಾ ಸಮ್ಜಾನಾಸ್ತಾಂ ಭಾಯ್ರ್ ಭೆಷ್ಟೆಂಚ್ 'ಬೋರ್ ಜಾತಾ' ಮ್ಹಣೊನ್ ಭಂವ್ಡಿ ಮಾರ್ತೆಲ್ಯಾಂಚಿ ಖಬರ್ ಘೆತ್‌ಲ್ಲ್ಯಾ, ಆನಿ ಚಡಿತ್ ಜಾಗ್ಯಾಂನಿ ಹಿ ಪಿಡಾ ಯೇನಾಶೆಂ ದೀಸ್ ರಾತ್ ಚತ್ರಾಯ್ ಕಾಣ್ಘೆಂವ್ಚ್ಯಾ ಪೊಲೀಸ್ ಆನಿ ಸರ್ಕಾರಿ ಶಿಬಂದೆಕ್‌ಯೀ ಮಾನ್ ಫಾವೊ. ಅಸಲ್ಯಾ ಸಂದರ್ಭಾರ್ ಏಕ್ ಉತ್ತೀಮ್ ಆನಿ ಆದರ್ಶ್ ನಾಗರಿಕ್ ಜಾವ್ನ್ ಆಮ್ಚೆ ಕರ್ತವ್ಯ್ ಆಮಿ ಪಾಳುನ್, ಸರ್ಕಾರಾಚ್ಯಾ ಸರ್ವ್ ಸೂಚನಾಂಚ್ಯಾ ಅನುಸಾರ್ ಆಮ್ಚಿ ಜಿಣ್ಯೆರೀತ್ ಇಲ್ಲಿಶಿ ಬದ್ಲುಂಚಿ ಗರ್ಜೆಚೆಂ!
ಆಖೇರ್ ಕರ್ಚ್ಯಾ ಫುಡೆಂ, ಹೆಂ ಖರ್ಗ್ ಮನ್ಶ್ಯಾ ಕುಳಾಚೆರ್ ಕಿತ್ಯಾಕ್ ಆಯ್ಲಾಂ ಮ್ಹಳ್ಲೆಂ ತರ್ಕ್ ಕರ್ಚೆಂ ಕಷ್ಟಾಂಚೆ. ಪ್ರಕೃತಿಚೆರ್ ಚಲ್ಚಿಂ ಆಕ್ರಮಣಾಂ ಸೊಸುಂಕ್ ಜಾಯ್ನಾಸ್ತಾನಾ ಪ್ರಕೃತಿಚ್ ಉಲ್ಟಿ ರಾವ್ಲಿಗೀ? ವ ಸಂಸರಾರ್ ಮನ್ಶಾಂನಿ ಕರ್ಚಿಂ ಕರ್ತುಬಾಂ ಪಳೆವ್ನ್ ದೇವ್‌ಚ್ಚ್ ರಾಗಾರ್ ಜಾಲಾಂಗೀ ಮ್ಹಳ್ಳೆಂ ಸಮ್ಜಾನಾ. ಪುಣ್, ಏಕ್ ಮಾತ್ರ್ ಸ್ಪಷ್ಟ್ ಜಾತಾ. ಹ್ಯಾ ಭಿರಾಂಕುಳ್ ಪಿಡೆ ವರ್ವಿಂ ಆಮ್ಕಾಂ ಜಾಯ್ತೆಂ ಲಿಸಾಂವ್ ಶಿಕೊಂಕ್ ಮೆಳ್ಳಾಂ. ಆಮ್ಚಿ ಗ್ರೇಸ್ತ್‌ಕಾಯ್, ಪಯ್ಶೆ, ಪವರ್, ರಾಗ್, ಹಗೆಂ, ಮೊಸೊರ್, ಫಾರಿಕ್ಪಣ್, ಸ್ವಾರ್ಥ್, ಕಾತಿಚೊ ರಂಗ್, ಧರ್ಮ್.... ಕಿತೆಂಚ್ ಪ್ರಯೋಜನಾಕ್ ಪಡಾನಾ. ಆಮ್ಚ್ಯಾ ಮಧ್ಲೊ ದ್ವೇಷ್, ಫಾರಿಕ್ಪಣ್, ಹಗೆಂ, ರಾಗ್, ಮೊಸೊರ್ ಪಯ್ಸ್ ಕರುನ್, ಆಮಿ ಸರ್ವ್ ಏಕ್‌ಚ್ ಮ್ಹಣೊನ್ ಚಿಂತ್ಲ್ಯಾರ್ ಆನಿ ಎಕಾಮೆಕಾಕ್ ಖಾಂದ್ ದೀವ್ನ್ ಜಿಯೆಲ್ಯಾರ್ ಆಮ್ಚೆ ಜಿವಿತ್ ಸುಖಿ ಆನಿ ಸಮಾಧಾನೆಚೆ ಜಾಂವ್ಕ್ ಪಾವ್ತೆಲೆಂ. ನಾಂ ಜಾಲ್ಯಾರ್, ದೊಳ್ಯಾಕ್ ದಿಸಾನಾತ್‌ಲ್ಲ್ಯಾ ವೈರಸಾ ಮುಕಾರ್ ಆಮಿಂ ಸರ್ವ್ ನಾಶ್ ಜಾತೆಲ್ಯಾಂವ್.
ಮೊಗಾಚ್ಯಾಂನೊ, ಆಮಿಂ ಭಿಯೆಂವ್ಚಿ ಗರ್ಜ್ ನಾ. ಕಿತ್ಯಾಕ್, ಸಂಸಾರ್ ಆನಿಕ್‌ಯೀ ಆಖೇರ್ ಜಾಂವ್ಕ್ ನಾ, ಸುರ್ಯೊ - ಚಂದ್ರ್ ಆನಿಕ್‌ಯೀ ಆಸಾತ್, ವಾರೆಂ ವ್ಹಾಳೊನ್‌೦ಚ್ ಆಸಾ, ಮೋಗ್ ಆನಿಕೀ ಆಸಾ, ಆಮ್ಚೆ ಕುಟಾಮ್ ಆಮ್ಚೆ ಸಾಂಗಾತಾ ಆಸಾ, ದೇವ್ ಆಮ್ಕಾಂ ಸಾಂಬಾಳ್ನ್ ಆಸಾ. ಪುಣ್, ನಿರ್ಲಕ್ಷಾ ಕರ್ಚೆಂ ನಾಕಾ, ಆಮ್ಚ್ಯಾ ಜಿವಾಚಿ ಆನಿ ಆಮ್ಚ್ಯಾ ಕುಟ್ಮಾಚಿ ಚತ್ರಾಯ್ ಘೇವ್ನ್, ಜಾಗ್ರುತ್ ರಾವ್ಯಾಂ. ಸಾಧ್ಯ್ ಜಾತಾ ತಿತ್ಲೆಂ ದುಸ್ರ್ಯಾಂಚ್ಯಾ ಕಷ್ಟಾಂಕ್ ಖಾಂದ್ ದಿವ್ಯಾಂ. ಸರ್ಕಾರಾಚ್ಯಾ ರೂಲಿ ರೆಗ್ರೊಂಕ್ ಮಾನ್ ದಿವ್ಯಾಂ. ಸಕ್ಕಡ್ ಸಾಂಗಾತಾ ಮೆಳೊನ್, ಹ್ಯಾ ವೈರಸಾ ಥಾವ್ನ್ ಮುಕ್ತಿ ಜೊಡ್ಯಾಂ.
Tags:
Dayan Dsouza, Mukamar, Daiji Dubai, Corona Virus, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
11/16/2016 ಭಲಾಯ್ಕಿ (ನ್ಹಂಯ್ ಹೆರಾಂಚಿ, ಬಗಾರ್ ಅಪ್ಣಾಚಿ)
-
1/19/2017 ಅಂಗಾಲಾಪ್
-
-
3/28/2017 ಪಯ್ಲೆಂ ಬರೊ, ಉಪ್ರಾಂತ್ ಭೆರೊ
-
5/9/2017 ಆಮ್ಚಿ ಭುರ್ಗಿಂ ಅಶಿಂ ಜಾಲಿಂ ಕಶಿಂ...?
-
6/18/2017 'ಬೆಂಡ್' ಸುಂದರಾಚೆಂ Suicide Attempt...
-
-
8/27/2017 ಹಾಸ್ಯ್ ಆಮ್ಚ್ಯಾ ಜಿವಿತಾಚೊ ವಾಂಟೊ ಜಾಂವ್ದಿ
-
9/24/2017 ಕಾಳೆಂ ಬೆರುಂ
-
10/26/2017 ಆಶಾ ಅನಿ ಗರ್ಜ್
-
12/10/2017 ಗಲ್ಫಾಗಾರ್ - 'ತಾಚೆಲಾಗಿಂ ಬರೆ ಪಯ್ಶೆ ಆಸಾತ್!'
-
1/21/2018 ಗಲ್ಫಾಂತ್ 20 ವರ್ಸಾಂ ಸಂಪ್ತಾನಾ....
-
3/5/2018 ಅಮ್ಮಾವ್ರ ಗಂಡ
-
4/15/2018 ಲಿಪಯಿಲ್ಲೆಂ ದುಸ್ರ್ಯಾಂಕ್...
-
-
7/1/2018 ಆಮ್ಕಾಂ ಕಿತ್ಯಾಕ್ ಸಮ್ಜನಾ..?
-
8/6/2018 ನಾಂವಾಂ ಪಾಟ್ಲಿ ಜಿಣಿ ಆನಿ ಫಿಲಿಪಾಚಿ ಕಾಣಿ
-
-
10/28/2018 ಸಿಂಧು ಚಾಚಾ...
-
11/11/2018 ಮೆಲ್ಲ್ಯಾಂಚೆ ಫೆಸ್ತ್
-
-
5/19/2019 ಹಾಂವ್ ಪರತ್ ಪಾಟಿಂ ಯೆತಾಂ...
-
-
-
1/28/2020 ಚವ್ತೊ ಉಪಾದೆಸ್
-
4/18/2020 'ಬುದ್ವಂತ್' ಮನಿಸ್ Vs ಕೊರೊನಾ ವೈರಸ್
-
6/1/2020 ಜಿಣ್ಯೆಂತ್ Knockdown ಜಾಂವ್ಚೆ ನಾಕಾ
-
7/21/2020 ಸಾಟ್, ಸತ್ತರ್.....
-
8/26/2020 ವರ್ಕ್ ಫ್ರಮ್ ಹೋಮ್
-
11/1/2020 ಮಸಾಜ್
-
-
1/11/2021 ''ಏಕ್ ಘಡಿ (One Minute)''
-
2/8/2021 ಮನಿಸ್, ಕಿತ್ಯಾಕ್ ಮೊರೊಂಕ್ ರಾಕ್ತಾತ್?
Our Address
Mangalore
 | Contact Person : Mr. Praveen Tauro |
Email : praveen@maibhaas.com
Phone : +91 99 80 184340
Address :
Daijiworld.com,
Airport Road,
opp. Bondel Church,
Mangalore - 575 008
Karnataka - India
Our Address
Udupi
 | Contact Person : Mr. Joel D'almeida |
Email : joel@maibhaas.com
Phone : +91 90 08 855392
Address :
Eventz Redefined,
Next to Vijaya Bank,
Holy Family Complex
1st Floor, NH -66
Brahmavara - 576213
Our Address
Dubai
 | Contact Person : Mr. Naveen Sequeira |
Email : editor@maibhaas.com
Phone : +97 150 755 4105
Address :
Master Mind IT Solutions,
UBL Building,
#402, 4th Floor
Bank Street - Bur Dubai
Dubai - UAE
17 Comment/s.
Hi Dayan Good article and this is todays reality , in my opinion its not the childern fault. Every parent should take ownership of this problem.Thank you very much for taking time to write this and God Bless you. Sincerely Wilson
Very true! Excellent article and good learning! This is what happens when one is not practical.
Very Nice Article.
ಅನ್ಯೆಕ್ ಬಿಗ್ರಿಸಾಂವ್ ಕ್ರಿಸ್ತಾಂವ್ ಕುಟ್ಮಾಂನಿ ದಿಸೊಂನ್ ಯೆಂವ್ಚೆ ಬುರ್ಗ್ಯಾಂಕ್ ಕೊಂಕ್ಣಿ ಉಲಯ್ಲ್ಯಾರ್ ತಾಂಚಿ ಪ್ರತಿಶ್ಟ ಉಣೆಂ ಜಾತಾ ಮ್ಹಳ್ಳೆ ಬಿಯೆ.ಡಯಾನ್ ಅತೀ ಉತ್ತಮ್ ಲೇಕನ್. ಸಾರ್ವ್ ಕ್ರಿಸ್ತಾಂವ್ ಘರಾಂನಿ ಪಾವೊಂದಿ ಸ್ಪೆಶಾಲಿ ಗಲ್ಫಾಚಾ.
ದೇವ್ ಬರೆಂ ಕರುಂ ಮೊಗಾಳ್ ಡಯಾನ್ ತುಮ್ಕಾಂ, ಜಿವಿತಾಂತ್ ವ್ಹಡ್ ವ್ಹಡ್ ಆಶೆತೆಲ್ಯಾಂಕ್ ಮುಕಾರ್ ಕಿತ್ಲೆಂ ವ್ಹಡ್ ರಕೊನ್ ಅಸ್ತಾ ಮ್ಹಳ್ಳೆಂ ಮನದಟ್ಟ್ ಜಾಲೆಂ. ಕನ್ನಡಚಿ ಗಾದ್ "ದೂರದ ಬೆಟ್ಟ ನುಣ್ಣಗೆ" ಹೆಂ ಅದ್ಲ್ಯಾನಿಂ ಸಂಗ್ಲೆಲೆಂ ಸತ್ ಜಾವ್ನಾಸಾ. ವಿಪರ್ಯಾಸ್ ಕಿತೆಂಗೀ ಮ್ಹಳ್ಯಾರ್ ಅತಾಂಚ್ಯಾ ಕುಟ್ಮಾಂಕ್ ಬುರ್ಗ್ಯಾಂಚಿಚ್ ವ್ಹಡ್ ಖಂತ್ ಆನಿ ತ್ಯಾ ಖಂತಿ ಪಾಟ್ಲ್ಯಾನ್ ಆಮ್ವೆಂ ಜಿವಿತ್ ಜಿಯೆಂವ್ಕ್ ಅಮಿಂ ವಿಸ್ರತಾಂವ್.
ಹೆಂ ನಿಜಾಯ್ಕಿ ಕಥೆ ಅಲ್ಲಾ ಜೀವನ. ... ಅಕ್ರೆಕ್ ಮಾತ್ರ್ ವ್ಯಥೆ ಜಾತಾ ,ಮಾಗಿರ್ ಪಶ್ಚಾತಾಪ್ ಕರ್ನ್ ಕಿತೆಂ ಪಾಯ್ದೊ...ಡಯಾನ್ ಸರ್ "ಉಗ್ಡಾಸಾಚ್ಯಾ ಸೊದ್ಣೆರ್ " ಲೇಖನ್ ಖೂಬ್ ಆವಾಡ್ಲೆಂ....
ಅಮ್ಕಾಂ ಪುಂಜಾಯ್ಲ್ಯಾರೀ ತೃಪ್ತಿ ಮ್ಹಳ್ಳಿ ಮೆಳಾನಾ, ಕಿತ್ಯಾಕ್ ತಾಕಾ ಅಂಗಲಾಪ್ ಚಡ್. ಬೋವ್ ಅಫುರ್ಬಾಯೆಚೆಂ ಲೆಖನ್. ಅಮ್ಚ್ಯಾ ಒಪಿಸಾಂನಿ ಹ್ಹೆಂ ಪಳೆಂವ್ಕ್ ಮೆಳ್ತಾ. ೫೦ ಉಪ್ರಾತಿಂ ಮನ್ಯಾಂಕ್ ಪಯ್ಸ್ಯಾಂತ್ ತ್ರಾಪ್ತಿ ಮೆಳ್ನಾ ಥರ್ ಅನೆಕ್ಲ್ಯಾಕ್ ಕಾಮಾಕ್ ಖಂಯ್ ಥಾವ್ನ್ ಅವ್ಕಾಸ್ ಮೆಳ್ಚೊ?
ಡಯಾನಾನ್ ಬರಯ್ಲಿ ಕಾಣಿ ನ್ಹಂಯ್, ಜಾಯ್ತ್ಯಾ ಪರ್ಗಾವಿ ಜೊಡ್ತೆಲ್ಯಾಚಿ ಹೊರ್ಬೊಸಾಚಿ ಜಿಣಿ. ಗಾಂವಾಂತ್ ರಾವೊನ್ ಕರ್ಚೆಂ ಕಿತೆಂ ? ಮಾತಿ ಖಾಂವ್ಚಿಗೀ ಮ್ಹಣ್ತೆಲ್ಯಾಂಕ್..ನಿಮಾಣೆ ಗಾಂವ್ಚಿ ಮಾತಿಚ್ ಫಾವೊ ಜಾತಾ.
Dear Dayan, Your flair for writing in Konkani is well known. This article on self health based on daily happenings is very meaningful and helpful. Keep it up !
Very good article. Eye opener.
ಮೊಗಾಳ್ ಡಯಾನ್, ಬರಯ್ತ್ ರಾವ್. ತುಜ್ಯಾ ಮತಿಂತ್ಲಿ ಜಾಣ್ವಾಯ್ ಹೆರಾಂಕ್ ವಾಂಟುನ್ ತಾಂಚೆಂ ಜೀವನ್ ನಂದನ್ ಜಾಂವ್ಚ್ಯಾ ಕಾರ್ಯಾಕ್ ಹಾಂವ್ ಜಯ್ತ್ ಆಶೇತಾಂ.
ಡಯಾನ್ ಹೆ೦ ತುಜೆ೦ ಬೋವ್ ಬೊರೆ೦ ಚಿ೦ತಾಪ್. ಆದ್ಲ್ಯಾ ಕಾಲಾರ್ ಚಡ್ತಾವ್ ಲೋಕ್ ಸಾಗ್ವಳೆಚೆ೦ ಕಾಮ್ ಕರ್ತಾಲೊ. ದಪ್ತರಾ೦ತ್ ಕಾಮ್ ಕರ್ಚೊ ಉಣೊ. ಚಡ್ತಾವ್ ಮನಿಸ್ ಭಲಾಯ್ಕೆ೦ತ್ ಅಸ್ತಾಲೆ. ವಾಹನಾ ಉಣಿ ಆಸ್ಲಿ೦. ಲೋಕ್ ಚಲ್ತಾಲೊ. ಆತಾ೦ ಹರ್ಯೆಕ್ಲ್ಯಾಚಾ ಘರಾ ಏಕ್ ವಾಹನ್ ಅಸಾಚ್. ಚಲ್ಚೆ೦ ಉಣೆ೦ ಜಾಲಾ೦. ಹರ್ಯೆಕಾ ವ್ಯೆಕ್ತಿನ್ ಚಿ೦ತಿಜಾಯ್ ಜಾಲ್ಲೊ ವಿಶಯ್ ಹ್ಯಾ ಅ೦ಕಣಾಚೆರ್ ಪಿ೦ತ್ರಾಯ್ಲಾಯ್. ತುಕಾ ಶಾಬಾಸ್ಕಿ ಪಾವೊ.
ಡಯಾನ್ ಡಿಸೊಜಾ ಮುಕಾಮಾರ್ ತುಜ್ಯಾ ತಿಂತೆರಾಥಾವ್ನ್ ಉದೆಲ್ಲೆಂ ಹೆಂ ನವೆಂ ಅಂಕಣ್ "ಉಗ್ಡಾಸಾಚ್ಯಾ ಸೊದ್ನೆರ್" ಹಾಚೊ ಪಯ್ಲೊ ಆಂಕ್ದೊ ವಾಚುನ್ ಸಂತೊಸ್ಲೊಂ. ಕೊಂಕ್ಣೆಚ್ಯಾ ಹರ್ಯೇಕ್ ಪ್ರಕಾರಾನಿಂ ತುವೆಂ ಕೆಲ್ಲೆಂ ಸಾಧನ್ ಹೊಗ್ಳಿಕೆಚೆಂ. ತುಜ್ಯಾ ಸರ್ವ್ ಮುಕ್ಲ್ಯಾ ಕೊಂಕ್ಣಿ ವಾವ್ರಾಕ್ ಯಶ್ ಆಶೆತಾಂ!
ಡಯಾನ್ ಡಿ ಸೊಜಾಚೆಂ ನವೆಂ ಅಂಕಣ್ ವಾಚುನ್ ಖುಶಿ ಜಾಲಿ. ಡಯಾನ್ ಏಕ್ಲೊ ಬರೊ ಉಲವ್ಪಿ ಆನಿಂ ನಾಟಕಿಸ್ತ್. ಥೊಡ್ಯಾ ಯಶಸ್ವಿ ನಾಟಕಾನಿಂ ತಾಣೆಂ ಕೆಲ್ಲೆ ಥೊಡೆ ಪಾತ್ರ್ ಆಜೂನ್ ಮ್ಹಜ್ಯಾ ಉಡಾಸಾಂತ್ ಆಸಾತ್. ತಾಚ್ಯಾ ಮುಕೆಲ್ಪಣಾ ಖಾಲ್ ಜಾಲ್ಲಿಂ ಕಾರ್‍ಯಿಂ ಭಾರಿಚ್ಚ್ ಯಶಸ್ವಿ ಜಾಲ್ಯಾಂತ್ ಮ್ಹಣ್ ಹಾಂವೆಂ ಆಯ್ಕಾಲಾಂ.
"ಪಿಡಾ ಅಸೊಂ ಯಾ ನಾಸ್ತಾನಾ ರಾವೊಂ ಪುಣ್ ಭಲಾಯ್ಕೆ ಸಾಂಬಾಳ್ಣೆಚಿ ಧನಾತ್ಮಕ್ ಚಿಂತಾಪ್ ಅಸ್ಚೆಂ ಹರ್ಯೆಕ್ ವೆಕ್ತಿಕ್ ಫಾಯ್ದ್ಯಾಚೆ ಜಾವ್ನಾಸಾ" ಏಕ್ ಬರೆಂ ಚಿಂತಪ್ ಆನಿ ಸರ್ವಾನಿಂ ವಾಚುಂಕ್ ಜಾಯ್ ಜಾಲ್ಲೆಂ ಲೇಖನ್......
Ho... Dayan Dattu is back! I really surprised to read his article. Well written. Great.
ಹಾಂವ್ ಡಯಾನಾಚೊ ಬೋವ್ ವ್ಹಡ್ಲೊ ಅಭಿಮಾನಿ. ತಾಚೆಂ ಲೇಖನ್ ವಾಚುನ್ ಭಾರಿಚ್ ಖುಶಿ ಜಾಲಿ. ಡಯಾನ್, ಬರಂವ್ಚೆಂ ರಾವಯ್ ನಾಕಾ.