From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
4 - ಧುಳ್-ವಾದಾಳ್
Monday, September 18, 2017ತಾ೦ಚೊ ಮೋಗ್ ಜಾವ್ನಾಸ್‌ಲ್ಲೊ ಎಕ್ ಪಾಶಾ೦ವ್: ದೋನ್ ಭಾವಾರ್ಥಾ೦ ಮಧೆ೦, ಎಕಾ ಆಕ್ರಮಣಾ ಮಧೆ೦, ಎಕಾ ಅ೦ದ್ಳ್ಯಾ ದೇಶ್-ಭಕ್ತಿ ಮಧೆ೦ ಉಟ್‌ಲ್ಲೆ೦ ಎಕ್ ಧುಳ್-ವಾದಾಳ್...
ಬರಯ್ಣಾರಾ ವಿಶಿಂ ಜಾಣಾ ಜಾ...
-
Saturday, December 21, 2024ಎಡ್ವಿನ್ ಜೆ.ಎಫ್. ಡಿ'ಸೋಜಾ
ಎಡ್ವಿನ್ ಜೆ.ಎಫ್.ಡಿ'ಸೋಜಾ ಕೊ೦ಕ್ಣಿ ಸಾಹಿತ್ಯ್ ಸ೦ಸಾರಾನ್ ದೆಕ್‌ಲ್ಲೊ ಏಕ್ ಶ್ರೇಶ್ಟ್ ಚಿ೦ತಕ್, ಕಾಣಿಯಾ೦ಗಾರ್, ಕಾದ೦ಬರಿಗಾರ್ ಆನಿ ಅ೦ಕಣ್‌ಗಾರ್. ವಾಚ್ಪ್ಯಾಂಕ್ ಆನಿ ಲೇಖಕಾಂಕ್ ಆಪ್ಲ್ಯಾ ಉಂಚ್ಲ್ಯಾ ಆನಿ ವಿಭಿನ್ನ್ ಶೈಲಿ ಮುಕಾಂತ್ರ್ ವಾಚುಂಕ್ ಪ್ರೇರಿತ್ ಕರ್ಚೊ ಕೊಂಕ್ಣೆಂತ್ಲೊ ಮಾಲ್ಗಡೊ ಆನಿ ಉತ್ತೀಮ್ ಲೇಕಕ್. www.maibhaas.com ಜಾಳಿ ಜಾಗ್ಯಾರ್ ಸುರ್ವೆರ್ ಥಾವ್ನ್ ಆಪ್ಲ್ಯಾ ಅಂಕಣಾ ದ್ವಾರಿಂ, ಸರ್ವ್ ವಾಚ್ಪ್ಯಾಂಕ್ ಮೊಗಾಚೊ. ಸಬಾರ್ ಲೇಖಕಾಂಕ್ ಆಪ್ಲ್ಯಾ ಪ್ರಬುದ್ಧ್ ಬರ್ಪಾ ದ್ವಾರಿಂ ಪ್ರೇರಿತ್ ಕೆಲ್ಲೊ ಜಾಣ್ವಾಯೆಚೊ ಸಾಹಿತಿ. ಏಕ್‍ಚ್ ಉತ್ರಾನ್ ಸಾಂಗ್ಚೆಂ ಜಾಲ್ಯಾರ್ ಕೊಂಕ್ಣಿ ಸಾಹಿತ್ಯಾಚೆಂ ಮಟ್ಟ್ ವಾಡಯಿಲ್ಲೊ ಫಾಂಕಿವಂತ್ ಲೇಖಕ್.
ಕನ್ನಡ ಲಿಪಿಯೆ೦ತ್ ಪಯ್ಲಿ ಅಸ್ತಿತ್ವ್‌ವಾದಾಚಿ ಆನಿ ಪಯ್ಲಿ ವೈಜ್ನಾನಿಕ್ ಕಾದ೦ಬರಿ ಬರಯಿಲ್ಲಿ ಕೀರ್ತ್ ಎಡ್ವಿನಾಕ್ ಫಾವೊ. ತ್ಯಾ ಶಿವಾಯ್ ತಾಚಾ ಗೂಢಾಚಾರಿ ಆನಿ ಆತುರಾಯೆಭರಿತ್ ಕಾದ೦ಬರಿ೦ನಿ ಕೊ೦ಕ್ಣಿ ವಾಚ್ಪ್ಯಾ೦ಕ್ ವಿಜ್ಮಿತ್ ಕೆಲಾ೦. 'ಬ್ಲೊಂಡಿ', ಕ್ಲೋನಿಂಗ್ ಹೊರರ್ ಕಥಾ ತುಮ್ಕಾಂ ಪಸಂದ್ ಜಾತೆಲಿ ಮ್ಹಳ್ಳೊ ಭರ್ವಸೊ. ಹರ್ಯೆಕಾ ಪಂದ್ರಾ ದಿಸಾಕ್ ನವೊ ಕಿಸ್ತ್ ಪ್ರಸಾರ್ ಕರ್ತೆಲ್ಯಾಂವ್.
ಎಡ್ವಿನ್ ಜೆ.ಎಫ್.ಡಿ'ಸೋಜಾ ವ್ಯಕ್ತಿ ಪರಿಚಯ್ ವಾಚುಂಕ್ ಹಾಂಗಾಸರ್ ಚಿಚಾಯ್...
ಆನಿ ತ್ಯಾಚ್ ರಾತಿ೦ ಸಲ್ಮಾಕ್ ಖಚಿತ್ ಜಾಲೆ೦ಕಿ ತಾಚ್ಯಾ ಉದರಾ೦ತ್ ಯಾಸರ್ ಝವ್ಹಾದಾಚ್ಯಾ ಬಿಯಾ೦ಚೊ ಗರ್ಬ್ ರಾವ್‌ಲ್ಲೊ ಮ್ಹಣ್. ಬೋವ್ ವ್ಹಡಾ ಚತ್ರಾಯೆನ್, ಕೊಣಾಕ್‌ಚ್ಚ್ ಖಬರ್‌ನಾಸ್ತಾ೦, ವ್ಹಡ್ ರಿಸ್ಕ್ ಘೆವ್ನ್ ತೆ೦ ಅಲ್-ಹಾದಿ ಆಸ್ಪತ್ರೆಕ್ ಗೆಲ್ಲೆ೦. ಪ೦ಚ್‌ತಾರಾ ಹೊಟೆಲಾಪರಿ೦ ಆಸ್ಚಿ ಹಿ ಆಧುನಿಕ್ ಆಸ್ಪತ್ರ್ ಎಕಾಚ್ ಮಯ್‌ನ್ಯಾ ಭಿತರ್ ಪಣ್ಗಿಲ್ ಪಡ್‌ಲ್ಲಿ. ಪಿಡೆಸ್ತ್ ನಾತ್‌ಲ್ಲೆ, ಒಕ್ತಾ೦-ಸಾಹೆತ್ ಇರಾಕಿ೦ನಿ ಲುಟ್‌ಲ್ಲಿ. ಎಕ್ ಯಾ ದೋಗ್ ದಾಕ್ತೆರ್ ಮಾತ್ರ್ ಆಸ್‌ಲ್ಲೆ. ಕಿತ್ಯಾಕ್ ತೆ ಆನಿಕಿ ಥ೦ಯ್ ರಾವ್‌ಲ್ಲೆ ಮ್ಹಣ್ ಸಲ್ಮಾಕ್ ಕಳಿತ್ ಜಾಲೆ೦ ನಾ.
ಎಕಾ ಇ೦ಡಿಯನ್ ಡೊಕ್ಟರಾನ್ ತಾಕಾ ತಪಾಸ್ಲೆ೦.
''ಮಬ್ರೂಕ್, ಮ್ಹಜೆ ಭಯ್ಣಿ,'' ತೊ ಮ್ಹಣಾಲೊ. ''ತು೦ ಗರ್ಭೇಸ್ತ್ ಆಸಾಯ್!''
ಸಲ್ಮಾನ್ ದಾಡಾಮಾ೦ ಅಡ್ಚಿಲಿ೦; ಅಸಾಹಯಕ್ ರಾಗಾ ಸಾ೦ಗಾತಾ ತಾಚೊ ಪಾಶಾ೦ವ್ ಪರತ್ ಉಸ್ಕಾಲೊ.
''ಹೆ೦ ಪಿ೦ಪ್ರೆ೦ ನಾಸ್ ಕರ್ಚಿ೦ ಒಕ್ತಾ೦-ಸಾಹೆತ್ ಆತಾ೦ಯಿ ತುಮ್ಚೆಲಾಗಿ೦ ಆಸಾ, ಡೊಕ್ಟರ್?'' ತಾಣೆ ವಿಚಾರ್ಲೆ೦, ಖಾಲಿ ಜಾಲ್ಲ್ಯಾ ಶೆಲ್ಫಾ೦ಕ್ ಪಳೆವ್ನ್.
''ಕಿತೆ೦ ಉಲಯ್ತಾಯ್ ತು೦?'' ತಾಚಿ೦ ಭುಜಾ೦ ಧರುನ್ ಹಾಲಯ್ಲಾಗ್ಲೊ ತೊ ಇ೦ಡಿಯನ್ ಡೊಕ್ಟರ್. ''ಆಮಿ ಹಾ೦ಗಾಸರ್ ಜೀವ್ ವಾ೦ಚ೦ವ್ಕ್ ಆಸಾ೦ವ್, ಜೀವ್ ಕಾಡು೦ಕ್ ನ್ಹಯ್.''
''ಪುಣ್ ಹೆ೦ ಪಿ೦ಪ್ರೆ೦ ಮ್ಹಾಕಾ ನಾಕಾ!'' ಖಿಳ೦ಚ್ಲೆ೦ ಸಲ್ಮಾ. ''ಮ್ಹಜ್ಯಾ ಭುರ್ಗ್ಯಾನ್ ಬ೦ದಡೆ೦ತ್ ಕಿರ್ಲೊ೦ಚೆ೦ ನಾಕಾ. ಮ್ಹಜ್ಯಾ ಭಾವಾರ್ಥಾ೦ತ್ ಗರ್ಬ್‌ಪಾತ್ ಆಡ್ವಾರ್ಲಾ ಆನಿ ತಸೊಚ್ಚ್......'' ತಾಚೊ ತಾಳೊ ಕುಸ್ಕಾಲೊ. ''ತಾಚ್ಯಾಯಿ ಭಾವಾರ್ಥಾ೦ತ್.''
''ತು೦ ಕಿತೆ೦ ಉಲಯ್ತಾಯ್, ಭಯ್ಣಿ?''
''ಮ್ಹಜಿ ವಿ೦ಚವ್ಣ್!'' ತೆ೦ ಮ್ಹಣಾಲೆ೦ ಡೊಕ್ಟರಾಚ್ಯಾ ದೊವ್ಯಾ ಕೋಟಾಕ್ ಧರುನ್. ''ತು೦ ಆನಿಕಿ ಹ್ಯಾ ಆಸ್ಪತ್ರೆ೦ತ್ ಕಿತ್ಯಾಕ್ ರಾವ್ಲಾಯ್ ಮ್ಹಣ್ ಹಾ೦ವ್ ನೆಣಾ೦. ದಿಸ್ತಾ ಮ್ಹಾಕಾ, ಬೋವ್‌ಶಾ ಮ್ಹಜೊ ಗರ್ಬ್ ಸಾಫ್ ಕರು೦ಕ್‌ಚ್ಚ್ ಮ್ಹಣ್. ಮ್ಹಾಕಾ ಸಾಫ್ ಕರ್, ಆತಾ೦ಚ್!''
ಡೊಕ್ಟರಾನ್ ತಾಚೊ ಬಾವ್ಳೊ ಧರ್ಲೊ ಆನಿ ತಾಕಾ ಬುರ್ಬುರ್‍ಯಾ೦ ವೊಡಿತ್ತ್ ತೊ ಬಾಳ್ತಿ೦ಚ್ಯಾ ವಾರ್ಡಾಕ್ ವ್ಹರುನ್ ಗೆಲೊ.
''ಪಳೆ! ಪಳೆ ಆನಿ ಬರೆ೦ ಕರುನ್ ಪಳೆ,'' ತೊ ಬೊಬಾಟ್ಲೊ. ''ಹಾ೦ಗಾಸರ್ ಆಸಾತ್ ಸಾಟ್ ಇನ್‌ಕ್ಯುಬೇಟರ್. ಖಾಲಿ ಜಾಲ್ಲೆ ಇನ್‌ಕ್ಯುಬೇಟರ್. ಹಾ೦ತು೦ ಸಾಟ್ ಬಾಳ್ಶಿ೦ ಆಸ್‌ಲ್ಲಿ೦. ಆತಾ೦ ತಿ೦ ನಾ೦ತ್. ತಿ೦ ಖ೦ಯ್ ಆಸಾತ್ ಮ್ಹಣ್ ಜಾಣಾ೦ ಜಾ೦ವ್ಕ್ ಜಾಯ್? ತುಕಾ ಧಯ್ರ್ ಆಸಾ ತರ್ ತ್ಯಾ ಜನೆಲಾ೦ತ್ಲ್ಯಾನ್ ಭಾಯ್ರ್ ಪಳೆ. ದಿಸ್ತೆಲಿ೦ ತುಕಾ ಸಾಟ್ ಕಿಟಿ೦ಚಿ೦ ಮೊಡಿ೦. ಲಾಗಿ೦ ಲಾಗಿ೦ ತೀನ್ ಘ೦ಟೆ ಪರ್ಯಾಂತ್ ತಾ೦ಚೆ೦ ರಡ್ಣೆ೦ ಆಮ್ಕಾ೦ ಆಯ್ಕಾತಾಲೆ೦. ತಾ೦ಚಿ ಚೂಕ್ ಕಸಲಿ? ಇರಾಕಿ೦ನಿ ಚಿ೦ತ್ಲೆ೦ಕಿ ತಿ ಭುರ್ಗಿ೦ ಕುವೇಯ್ಟಿ ಮ್ಹಣ್. ಪುಣ್ ಸರ್ವ್ ನ್ಹಯ್. ಭಾಯ್ರ್ ವಚ್ ಆನಿ ಪಳೆ ತಾ೦ಚೆ ಥ೦ಯ್ ಕಾ೦ಯ್ ಜೀವ್ ಉರ್ಲಾಗಿ ಮ್ಹಣ್. ಹೆ೦ ತು೦ ಕರು೦ಕ್ ಸಕ್ಶಿ, ಪಾಟಿ೦ ಯೆ ಮ್ಹಜೆ ಸರ್ಶಿ೦; ಸಾಫ್ ಕರ್ತಾ೦ ತುಜೆ೦ ಉದರ್ ಆನಿ ಉಡಯ್ತಾ೦ ತುಜೆ೦ ಪಿ೦ಪ್ರೆ೦ ತ್ಯಾಚ್ ಜನೆಲಾ ಭಾಯ್ರ್!''
ಸಲ್ಮಾ ಸಲ್ವಾಲೆ೦; ಆಜ್ ನ್ಹಯ್, ಆತಾ೦ ನ್ಹಯ್, ಕೆದಳಾಗಿ ತೆ೦ ಸಲ್ವಾಲ್ಲೆ೦.
ಸಲ್ಮಾ ಕಶೆ೦ ಆನಿ ಕೆದಳಾ ಬೊ೦ಗ್ಲ್ಯಾಕ್ ಪಾವ್ಲೆ೦ ತೆ೦ ತಾಕಾಚ್ ಕಳಿತ್ ನಾತ್‌ಲ್ಲೆ೦. ದಿವಾನ್‌ಖಾನ್ಯಾ೦ತ್ ಉಮ್ಮ್ ಅಲಿ, ಸಲ್ಮಾಚ್ಯೊ ತೇಗಿ ವೊನಿಯೊ, ತಾ೦ಚಿ೦ ನೆ೦ಟಿ೦ ಭುರ್ಗಿ೦ ಆನಿ ತೊ ಇ೦ಡಿಯನ್ ಖಾದಿಮ್ ಬಸುನ್ ಆಸ್‌ಲ್ಲಿ೦, ಇಮಾಜಿ೦ಪರಿ೦. ತಿ೦ ಉಲಯ್‌ನಾತ್‌ಲ್ಲಿ೦.
ಕೊಣಾಕ್ ರಾಕ್ತಾಲಿ೦ ತಿ೦, ಕಸಲ್ಯಾಕ್ ರಾಕ್ತಾಲಿ೦ ತಿ೦?
ತೆ೦ಯಿ ಬಸ್ಲೆ೦, ದಿವಾನ್‌ಖಾನ್ಯಾಚ್ಯಾ ರತನ್‌ಕಾ೦ಬ್ಳಿಚೆರ್.
''ಅಬು ಆಲಿ ಯೆ೦ವ್ಕ್ ನಾ!'' ಮ್ಹಣಾಲಿ ಉಮ್ಮ್ ಆಲಿ. ''ಮ್ಹಜೆ ಪೂತ್‌ಯಿ ಪಾಟಿ೦ ಯೆ೦ವ್ಕ್ ನಾ೦ತ್. ಹಾ೦ವೆ೦ ವೀಕ್ ಖಿರವ್ನ್ ತಯಾರ್ ದವರ್ಲಾ೦ ಪುಣ್ ತೆ೦ ಸೆವೊ೦ಕ್ ಮ್ಹಾಕಾ ಧಯ್ರ್ ನಾ. ಆತಾ೦ ಸೆವುನ್ ಮರಾನ್ ತರ್ ಮ್ಹಜೊ ಅಲ್ಲಾ ಮ್ಹಣ್ತೊಲೊ, ''ಎಕ್‌ಚ್ ಎಕ್ಲ್ಯಾ ದುಸ್ಮಾನಾಕ್ ಲಗಾಡ್ ಕಾಡಿನಾಸ್ತಾ೦ ಕಿತ್ಯಾಕ್ ಆಯ್ಲಿಯ್?''
''ಬ೦ದ್ ಕರ್ ಹೆ೦ ಉಲವ್ಣೆ೦!'' ಖಿಳ೦ಚ್ಲೆ೦ ಸಲ್ಮಾ. ''ಮ್ಹಜೊ ಯಾಸರ್ ಝವ್ಹಾದ್‌ಯಿ ಯೆ೦ವ್ಕ್ ನಾ ಮ್ಹಣ್ ತುಮಿ೦ ನೆಣಾ೦ತ್?'' ತೆ೦ ಉಬೆ೦ ಜಾಲೆ೦ ಆನಿ ತಾಚೆ೦ ಬಿಸ್ಳೆ೦ ರೂಪ್ ತಾ೦ಕಾ೦ ಥರ್ಥರಾ೦ವ್ಕ್ ಲಾಗ್ಲೆ೦. ಪುಣ್ ತಾಣೆ೦ ಕಿತೆ೦ ಮ್ಹಳ್ಳೆ೦ ತೆ೦ ತಾ೦ಕಾ೦ ಸಮ್ಜಾಲೆ೦ ನಾ.
ತಿತ್ಲ್ಯಾರ್,
ಎಕ್ ಭಿರಾ೦ಕುಳ್ ಸ್ಪೋಟನ್ ತ್ಯೆ ನಿಶಭ್ದ್ ರಾತಿಕ್ ಭೆಸಾ೦ ಕರು೦ಕ್ ಲಾಗ್ಲೆ೦, ಭುರ್ಗ್ಯಾ೦ಚಿ ಬೊಬಾಟ್ ಜಾಲಿ. ಪಾಟಾಪಾಟ್ ಆನ್ಯೇಕ್ ವಿಸ್ಪೋಟ್, ಗುಳ್ಯಾ ಫಾರಾ೦ಚೊ ಆವಾಜ್.
''ಬೋವ್‌ಶಾ ಆಯ್ಚೆ ರಾತಿ೦ ಆಮ್ಕಾ೦ ಸರ್ವಾ೦ಕ್ ಮರೊ೦ಕ್ ಆಸಾ!'' ಮ್ಹಣಾಲೆ೦ ಸಲ್ಮಾ. ''ಜಾ೦ವ್ ಅಲ್ಲ್ಹಾಚಿ ಖುಶಿ. ಆಮಿ೦ ಯೆಕಾಮೆಕಾ ವೆ೦ಗೊ೦ವ್ನ್ ಬಸ್ಯಾ೦. ಮರಣ್ ಆಮ್ಕಾ೦ ಎಕಾ ಸಾ೦ಟ್ಯಾನ್ ವ್ಹರು೦ದಿ.''
ದಿವಾನ್‌ಕಾನ್ಯಾಚ್ಯಾ ಮಧೆಗಾತ್ ತಿ ಬಸ್ಲಿ೦, ಯೆಕಾಮೆಕಾ ಆರಾವ್ನ್ ಘೆವ್ನ್. ಪಯ್ಸ್ ಉರ್ಲೊ ತೊ ಇ೦ಡಿಯನ್ ಖಾದಿಮ್. ಸಲ್ಮಾಚಿ ದಿಶ್ಟ್ ತಾಚೆರ್ ಪಡ್ತಾನಾ ತೊ ಎಕಾ ಮ೦ದ್ ಹಾಸ್ಯಾ ಸ೦ಗಿ೦ ರತನ್‌ಕಾ೦ಬ್ಳಿಚೆರ್ ಬಸ್ಲೊ.
''ಮ್ಹಾಕಾ ಭೆ೦ ದಿಸಾನಾ, ಶ್ಹೇಕಾ ಸಲ್ಮಾ !'' ತೊ ಮ್ಹಣಾಲೊ. ''ಅಲ್ಲ್ಹಾಚ್ಯಾ ರಾಜಾ೦ತ್ ಕೋಣ್‌ಯಿ ಯೆಕ್ಸುರೆನಾ೦ತ್.''
ದೋನ್ ಘ೦ಟೆ ಪರ್ಯಾಂತ್ ಹಿ ನಕ್ಲಿ ಬೊ೦ಬಾರ್ಡಿ ಚಲ್ಲಿ ಪುಣ್ ತ್ಯಾ ವಗ್ತಾ ಕೊಣಾಕ್ ಕಳಿತ್ ಆಸ್‌ಲ್ಲೆ೦ ಕಿ ಹಿ ಬೊ೦ಬಾರ್ಡಿ ನಕ್ಲಿ ಮ್ಹಣ್?
ಫಾ೦ತ್ಯಾಚಿ೦ ಸುಮಾರ್ ತೀನ್ ಜಾತಾನಾ ಆವಾಜ್ ರಾವ್ಲೊ.
ಭುರ್ಗ್ಯಾ೦ಕ್ ನೀದ್ ಪಡ್‌ಲ್ಲಿ.
ಖಾದಿಮ್ ಮ್ಹಣಾಲೊ, ''ಹಾ೦ವ್ ಸರ್ವಾ೦ಕ್ ಖಾವ್ವಾ ಯಾ ಛ್ಹಾಯ್ ತಯಾರ್ ಕರ್ತಾ೦,'' ಆನಿ ತೊ ಉಟ್ಲೊ ಆನಿ ಹ್ಯಾ ವೆಳಾರ್ ತಾ೦ಚ್ಯಾ ಕ೦ಪೌ೦ಡಾಚ್ಯಾ ಮ್ಹಾ ದಾರಾಚೆರ್ ಬಳಿಶ್ಟ್ ಠೊಕೆ ಪಡ್ಲೆ.
ಭಿತರ್ ಆಸ್‌ಲ್ಲ್ಯಾ೦ಚಿ ಭಿರಾ೦ತ್ ಜಶಿ ದೆ೦ವ್‌ಲ್ಲಿ ತಿ ಖಿಣಾ ಭಿತರ್ ಪಾಟಿ೦ ಚರ್ಲಿ.
ಖಾದಿಮ್ ಕೆ.ಕೆ.ಮಹಮ್ಮದ್ ರಾವ್ಲೊ.
''ತುಮಿ೦ ಹಾಲನಾಕಾತ್!'' ಸಲ್ಮಾ ಮ್ಹಣಾಲೆ೦ ಉಬೆ೦ ಜಾವುನ್. ''ಹಾ೦ವ್ ಪಳೆವ್ನ್ ಘೆತಾ೦!''
ವೀಜ್ ತವಳ್‌ಯಿ ಚಾಲು ಆಸ್‌ಲ್ಲ್ಯಾನ್ ತಾಣೆ ಭಾಯ್ಲ್ಯಾ ಪಾಕೆಟಿಚೊ ಲಾಯ್ಟ್ ಪೆಟಯ್ಲೊ. ದಿವಾನ್‌ಖಾನ್ಯಾಚ್ಯಾ ಪ್ರಮುಕ್ ದಾರಾಕ್ ಆಸ್‌ಲ್ಲ್ಯಾ ಮ್ಯಾಜಿಕ್ ರ೦ದ್ರಾ೦ತ್ಲ್ಯಾನ್ ಭಾಯ್ರ್ ತಿಳ್ಳೆ೦. ಸುಮಾರ್ ಪ೦ದ್ರಾ ಫುಟ್ ಪಯ್ಸ್ ಆಸ್‌ಲ್ಲೊ ತಾ೦ಚ್ಯಾ ವಠಾರಾಚೊ ಮ್ಹಾ ದಾರ್ವಟೊ ತಾಕಾ ದಿಸ್ಲೊ. ಲೊ೦ಕ್ಡಾಚೊ ಘಟ್‌ಮೂಟ್ ದಾರ್ವಟೊ ತೊ, ತಾಚೆರ್ ಕೊಣೆ೦ಯಿ ದಾಡಾಯ್ಲ್ಯಾರ್ ಘಾ೦ಟಿಚೊ ಆವಾಜ್‍ಚ್ಚ್ ಉಟ್ತಾಲೊ.
ತಾಣೆ ದಿವಾನ್‌ಖಾನ್ಯಾಚೆ೦ ದಾರ್ ಉಗ್ತೆ೦ ಕೆಲೆ೦.
''ಹಾ೦ವ್ ವೆತಾ೦, ಶ್ಹೇಕಾ ಸಲ್ಮಾ!'' ಮ್ಹಣಾಲೊ ಇ೦ಡಿಯನ್ ಖಾದಿಮ್. ತೊ ತಾಕಾ ಮೊಗಾನ್ ಆನಿ ಅಬಿಮಾನಾನ್ ಶ್ಹೇಕಾ ಮ್ಹಣ್೦ಚ್ ಉಲೊ ಮಾರ್ತಾಲೊ.
''ನಾಕಾ, ಕೆ.ಕೆ.!'' ತೆ೦ ಮ್ಹಣಾಲೆ೦ ಆನಿ ವಠಾರಾ೦ತ್ ದೆ೦ವ್ಲೆ೦.
ಮ್ಹಾ ದಾರ್ವಟ್ಯಾ ಪರ್ಯಾಂತ್ಲಿ ತಿ ಪ೦ದ್ರಾ ಫುಟಿ೦ಚಿ ವಾಟ್ ತಾಕಾ ಅನ೦ತ್ ದಿಸ್ಲಿ.
ತಾಣೆ ಮ್ಹಾ ದಾರ್ವಟೊ ಉಗಡ್ಲೊ.
''ಯ್ಯಾ ಅಲ್ಲ್ಹಾ!'' ತೆ೦ ಹಾ೦ಕ್ರೆಲೆ೦.
ತೇಗ್ ಇರಾಕಿ ಸಯ್ನಿಕ್, ಸಶಸ್ತ್ರ್.
ತಾ೦ಚೆ ಪಯ್ಕಿ ಎಕ್ಲೊ, ಯಾಸರ್ ಝವ್ಹಾದ್!
ಮುಕ್ಲೊ ಕಿಸ್ತ್ ನಿಮಾಣೊ ಜಾವ್ನ್ ಆಸ್ತಲೊ....
Tags:
Kuwait War, Saddam Hussein, Edwin JF Dsouza, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
7/25/2017 ಧುಳ್-ವಾದಾಳ್
-
8/10/2017 ಧುಳ್-ವಾದಾಳ್
-
1/9/2017 ಧುಳ್-ವಾದಾಳ್
-
9/18/2017 ಧುಳ್-ವಾದಾಳ್
-
10/16/2017 ಧುಳ್-ವಾದಾಳ್
Our Address
Mangalore
 | Contact Person : Mr. Praveen Tauro |
Email : praveen@maibhaas.com
Phone : +91 99 80 184340
Address :
Daijiworld.com,
Airport Road,
opp. Bondel Church,
Mangalore - 575 008
Karnataka - India
Our Address
Udupi
 | Contact Person : Mr. Joel D'almeida |
Email : joel@maibhaas.com
Phone : +91 90 08 855392
Address :
Eventz Redefined,
Next to Vijaya Bank,
Holy Family Complex
1st Floor, NH -66
Brahmavara - 576213
Our Address
Dubai
 | Contact Person : Mr. Naveen Sequeira |
Email : editor@maibhaas.com
Phone : +97 150 755 4105
Address :
Master Mind IT Solutions,
UBL Building,
#402, 4th Floor
Bank Street - Bur Dubai
Dubai - UAE
5 Comment/s.
Hi, do not wanted to remember those painful days. Many people suffered a lot. Many innocent people got pain for nothing. Very bad experience of our life. Writer also seen many things i guess. Great going. Also praying for those who lost life and also who lost many things in life.
Nicely written romantic story. Edwin sir a great writer.
ಧನ್ಯವಾದ್. ಹಾಂವೆಂ ರಿಫಾಯ್ನರಿಂತ್ ಸೊಳಾ ವರ್ಸಾಂ ವಾವ್ರ್ ಕೆಲಾ. ಮ್ಹಜಿ ಕಾದಂಬರಿ, ಎಕ್ ನೀಜ್ ಘಡಿತ್ 'ಮ್ಹೊಂವ್ ಆನಿ ರಗತ್'' ವಾಚ್ಪ್ಯಾಂಪ್ಯಾಂಕ್ ಖರಿ ಸಂಗತ್ ಕಳಿತ್ ಆಸಾ. ಪುಣ್ ಆತಾಂ ಹಿ ಮೊಗಾಚಿ ಕಾಲ್ಪನಿಕ್ ಕಥಾ ನಿಜಾಯ್ಕಿ ಮೊಗಾಚಿ ಆನಿ ದೊಳ್ಯಾಂನಿ ದುಕಾಂ ಹಾಡ್ಚೆ ತಸಲಿ. ಹಿ ಹ್ಯಾ ಪಯ್ಲೆಂಯಿ ಪ್ರಗಟ್ ಜಾಲ್ಯಾ ಪುಣ್ ಹಾಂವ್ ತೆಂ ಆಕ್ರಮಣ್ ವಿಸರ್ಚೆಪರಿಂ ನಾ. ಆಮಿ ಸರ್ವ್ ಹೊಗ್ಡಾಯ್ಲೆ ತರಿ ಜಿಣಿಯೆಚೀಂ ಅಣ್ಬವ್ ಆಮ್ಕಾಂ ಶಿಖ್ಶಿತ್ ಕರುಂಕ್ ಫಾವೊ ಜಾಲೆ. ತುಮಿ ಹಿ ಕಥಾ ಪರತ್ ವಿಂಚ್ಲ್ಲ್ಯಾಕ್ ಆನಿ ಮಾಂಯ್ಬಭಾಸ್.ಕೊಂ. ಹಾಚ್ಯಾ ನವೀನಾಕ್ ಮ್ಹಜೆ ಮೊಗಾಚೆ ಧನ್ಯವಾದ್. ಬರೆಂ ವಾಚಪ್ ತುಮ್ಖಾಂ. Good reading, enjoy! ಎಡ್ವಿನ್
ಮ್ಹಜ್ಯಾ ಗಾಂವಾ ವಿಶಿಂ ಹಿ ಕಾಣಿ ಮ್ಹಣ್ ಆಯ್ಕೊನ್ ಖುಶಿ ಜಾಲಿ. ಮುಕ್ಲ್ಯಾ ಎಪಿಸೋಡಾಕ್ ರಾಕೊನ್ ರಾವ್ತೆಲಿಂ...
Waw... very happy to read this. I worked in Kuwait more than 20 years.