From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಮುಗ್ದನಾತ್‍ಲ್ಲಿಂ ಗಿತಾಂ - 11 : ಮಿಸ್ತೆರ್, ರಚನ್ ಆನಿ ಕವಿತಾ
Sunday, September 17, 2017
ಜಿವಿತ್ ಏಕ್ ಸೊಭಿತ್ ಮಿಸ್ತೆರ್, ಜೊ ಆಜ್ ಪಾಸೊನ್ ಕೊಣಾಚ್ಯಾನ್‌ಯೀ ಸಮ್ಜೊಂಕ್ ಜಾಂವ್ಕ್ ನಾ. ಆನಿ ಹ್ಯಾ ಮಿಸ್ತೆರಾಂತ್ ಭರ್‌ಲ್ಲೆ ಸಂಸಾರಾಂತ್ ಜಿಯೆತೆಲ್ಯಾ ಮನ್ಶಾನ್ ಕಿತ್ಲಿ ವಿದ್ಯಾ ಜೊಡ್ಲ್ಯಾರ್‌ಯೀ, ಆಜ್ ಮ್ಹಣಾಸರ್ ಪಿಡೆಕ್ ವ್ಹಕಾತ್ ಮಾತ್ ಸೊಧುಂಕ್ ಸಕ್ತಾ ಶಿವಾಯ್ ಭಲಾಯ್ಕಿ ನ್ಹಯ್, ಗಿನ್ಯಾನಾಕ್ ಬೂಕ್ ಮಾತ್ರ್ ಸೊಧುಂಕ್ ಶಿಕ್ಲಾ ಶಿವಾಯ್ ಪರಿಪೂರ್ಣ್ ಜಾಣ್ವಾಯ್ ನ್ಹಯ್. ಅಸಲೆ ಸಂಸಾರಾಂತ್ ಜಿಯೆತಲೊ ಹರ್ಯೆಕ್ ಮನಿಸ್ ಕಿತ್ಲೆಂ ಚಡ್ ಮಾಪಾನ್ 'ಅಪುಣ್ ಗಿನ್ಯಾನಿ' ಮ್ಹಣ್ ರುಜು ಕರುಂಕ್ ಪೆಚಾಡ್ತಾಗೀ, ತಿತ್ಲೆಚ್ಚ್ ಮಾಪಾನ್ ಆಪ್ಣಾಚ್ಯಾ ಪೊಕೊಳ್ ಚಿಂತ್ಪಾಕ್ ಉಗ್ತಾಡಾಯ್ತಾ. ಆಮಿ ಅಸಲ್ಯಾ ಸಂಸಾರಾಂತ್ ಜಿಯೆತಾಂವ್, ಹಾಂಗಾಸರ್ ಜರ್ ಎಕ್ಲೊ 'ಆಪ್ಲ್ಯಾ ದಾವ್ಯಾ ಪಾಂಯಾಕ್ ಮಾರ್ಲ್ಯಾರ್ ಚಡ್ ದುಃಖ್ತಾಗೀ ವಾ ಉಜ್ವ್ಯಾ ಪಾಂಯಾಂಕ್ ಮಾರ್ಲ್ಯಾರ್ ಚಡ್ ದುಃಖ್ತಾ?' ಮ್ಹಳ್ಳೆಂ ಸವಾಲ್ ಕರಿತ್ ತರ್, ಕೊಣ್ ಕಸಲಿ ಜಾಪ್ ದೀತ್? ಸವಾಲ್ ಹೆಂ ನ್ಹಯ್ ಕೀ ಖಂಚ್ಯಾ ಪಾಂಯಾಕ್ ಚಡ್ ದುಃಖ್ತಾ, ಸವಾಲ್ ಹೆಂ ಕೀ, ನೀಜ್ ದೂಕ್ ಭಗ್ಚಿ ಕೊಣಾಕ್ ಮ್ಹಳ್ಳೆಂ.
ಮನಿಸ್ ಸೊಧ್ನಾಂ ಕರ್ಚಿ ಜೀವಿ, ಹರ್ಯೆಕಾ ಹಂತಾರ್ ಏಕ್ ನ್ಹಯ್ ಏಕ್ ರಿತಿಚೆಂ 'ಅವಿಶ್ಕಾರ್', 'ರಚನ್' ಕರ್ತಾ, ಕೊಣಾಕ್ ರಸ್ಚೆಂಚ್ ಏಕ್ ಜಿವಿತ್ ತರ್ ಕೊಣಾಕ್ ಜಿವಿತ್‌ಚ್ಚ್ ಏಕ್ ರಚನ್, ಜೆಂ ಜಿಯೆವ್ನ್‌೦ಚ್ ರಚುಂಕ್ ಜಾಯ್ ಜಾಲ್ಲೆಂ. ಕೆದ್ನಾಂಗೀ ವಾಚ್‌ಲ್ಲೆ ಎಕಾ ಇಂಗ್ಲಿಶ್ ಸಾಂಗ್ಣೆಚೊ ಉಡಾಸ್ ಕಾಡ್ಚೊ ತರ್, The mystery of life is not a problem to be solved but a reality to be experienced... ಹೆಚ್ಚ್ ಚಿಂತ್ಪಾಚೆ ಪಾಠ್‌ಥಳಾಚೆರ್ ಮ್ಹಾಕಾ ವಾಚುಂಕ್ ಮೆಳ್‌ಲ್ಲಿ ಹಿ ಕವಿತಾ ಥೊಡೆಚ್ಚ್ ಪಂಗ್ತೆಂಚಿ, ಉಣ್ಯಾ ಸಬ್ಧಾಂಚಿ ತರ್‌ಯೀ, ಕಾಂಯ್ ಮನಾಂತ್ ಗುಟ್ಲಲ್ಲ್ಯಾ ವೆವೆಗ್ಳ್ಯಾ ಮಿಸ್ತೆರಾಂಕ್ ಸುಟಂವ್ಚೆ ತಸಲಿ.
ಅಜೀಕ್ ಕಾಂಯ್ ಪಂದ್ರಾ-ಸೊಳಾ ವರ್ಸಾದಿಂ ಜೆದ್ನಾಂ ಹಾಂವ್ ಕುವೇಯ್ಟಾಂತ್ ಕಾಮ್ ಕರ್ನ್ ಆಸ್‍ಲ್ಲ್ಯಾ ವೆಳಾರ್, ಜಾಯ್ತೆ ಜಾಗೆ ಕವಿ ದುಬಾಯಾಂತ್ ಆಸ್ಲ್ಲೆ, ದೆಕುನ್ ಆಮಿ ಕೊಂಕ್ಣಿ ಕವಿತೆಕ್ ಸಮ್ಜೊಂಕ್, ಶಿಕೊಂಕ್ ತಶೆಂಚ್ ಅನ್ಭೋಗ್ ಜೊಡುಂಕ್ ಏಕ್ ಪ್ರೇತನ್ ಕರ್ಚೆ ಇರಾದ್ಯಾನ್, ಇಮೇಯ್ಲಾಂ ಮುಖಾಂತ್ರ್ ಭಾಸಾಭಾಸ್ ಸುರು ಕೆಲ್ಲಿ. ಆನಿ ಹ್ಯಾ ವಿಚಾರಾಂಕ್ ಹಾಂವೆಂ ಮೆಲ್ವಿನ್ ರೊಡ್ರಿಗಸ್, ಎಚ್ಚೆಮ್, ಆಂಡ್ರು ಡಿ'ಕುನ್ಹಾ, ಕಿಶೂ ಬಾರ್ಕುರ್, ರೋಬರ್ಟ್ ಫೆರ್ನಾಂಡಿಸ್, ದಿನೇಶ್ ಕೊರೆಯಾ ಆನಿ ಹೆರ್ ಥೊಡ್ಯಾ ಕವಿಂಕ್ ಸಂಪರ್ಕ್ ಕೆಲೊ. ಮೆಲ್ವಿನಾನ್ ಹ್ಯಾ ಚಿಂತ್ಪಾಕ್ ಪಾಟಿಂಬೊ ಭಾಸಾಯ್ಲೊ ಆನಿ ಅಶೆಂ ದೆ| ಲುವಿಸ್ ಮಸ್ಕರೇಞ್ ಹಾಚ್ಯಾ ಕವಿತೆಚೆರ್ ಸರ್ವಾಂನಿ ಆಪಾಪ್ಲೆ ವಿಚಾರ್ ಧಾಡುಂಕ್ ಸಲಹಾ ದಿಲಿ. ಸರ್ವಾಂಕ್ ಸಂಪರ್ಕ್ ಕರ್ಚಿ ಜವಾಬ್ದಾರಿ ಕಿಶೂ ಬಾರ್ಕುರ್ ಆನಿ ಮ್ಹಾಕಾ ದಿಲಿ, ಆನಿ ತ್ಯೇ ಪಾಸತ್ ಏಕ್ ಪಬ್ಲಿಕ್ ಡೊಮೇಯ್ನಾಂತ್ ಏಕ್ ಸಾಯ್ಟ್ ತಯಾರ್ ಕರುನ್, ಆಮಿ ಹಳ್ತಾಚ್ಯಾ ಮಟ್ಟಾರ್ ಎಕಾಮೆಕಾಚೆ ವಿಚಾರ್ ಎಕಾಮೆಕಾ ವಾಂಟುನ್ ಕಾಡುಂಕ್ ಸುರ್ವಾತ್ ಕೆಲ್ಲಿ. ಹೆಚ್ಚ್ ಸಂದರ್ಭಾರ್ ಮೆಲ್ವಿನಾನ್ ಸರ್ವ್ ಸಾಂದ್ಯಾಂಕ್ ಏಕ್ ಸವಾಲ್ ವಿಚಾರ್ಲೆಂ 'ಕವಿತಾ ಮ್ಹಳ್ಯಾರ್ ಕಿತೆಂ?' ಮ್ಹಣೊನ್. ಕೊಣಾಕ್ ಕವಿತಾ ಏಕ್ ಮಿಸ್ತೆರ್ ದಿಸ್ಲೊ, ಕೊಣಾಕ್ ಕವಿತಾ ಜಿವಿತಾಚೊ ಆರ್ಸೊ ಮ್ಹಳ್ಳೆಪರಿಂ ದಿಸ್ಲಿ, ಕೊಣಾಕ್ ಕವಿತಾ ಏಕ್ ಕಾಳ್ಜಾಚಿ ಭಾಸ್ ದಿಸ್ಲಿ, ಆನಿ ಕೊಣಾಕ್ ಕವಿತಾ ಎಕಾ ಫಟ್ಕಿರ್‍ಯಾನ್ ಉಚಾರ್ಚೆಂ ಸತ್. ಹಿಂ ಸರ್ವ್ ಉತ್ರಾಂ ಆಯ್ಕತಾನಾ, ನಿಜಾಯ್ಕೀ ಕವಿತಾ ಏಕ್ ಅಜ್ಯಾಪ್ ಮ್ಹಳ್ಳೆಪರಿಂ ಭಗಾನಾಂಗಿ? ಆತಾಂ ಜಿವಿತ್ ಆನಿ ಕವಿತಾ ಏಕ್ ಸಾರ್ಕಿ ತರ್ ಕಶೆಂ ಜಾಯ್ತ್? ಆಲ್ಬರ್ಟ್ ಐನ್‍ಸ್ಟೇಯ್ನಾಚ್ಯಾ ಉತ್ರಾಂನಿ ಸಾಂಗೊಂ ತರ್, There are only two ways to live your life. One is as though nothing is a miracle. The other is as though everything is a miracle.
ಕವಿತಾ ಜಿವಿತಾಚೆಂ ಏಕ್ ಕಾಪ್ ಮ್ಹಣ್ ಪಾತ್ಯೆಂವ್ಚೊ ಹಾಂವ್, ದೆಕುನ್ ಹ್ಯಾ ಮಿಸ್ತೆರಾಭರಿತ್ ಸಂಸಾರಾಂತ್, ಮಿಸ್ತೆರಾಭರಿತ್ ಜಿವಿತ್ ಜಿಯೆಂವ್ಚೊ ಮಿಸ್ತೆರಾಭರಿತ್ ಮನಿಸ್/ಕವಿಕ್ ಹೆಂ ಜಿವಿತ್ ಕಿತ್ಲೆಂ ಗೊಂದೊಳಾಂತ್ ಭರ್‌ಲ್ಲೆಂ ನ್ಹಯ್? ದೆಕುನ್ ಭೋವ್ಶಾ ಹೆಂ ಸಾಂಗಾಪ್ ಉದೆಲ್ಲೆಂ; Every life is complicated, every mind a kingdom of unmapped mysteries..
ಆಸೊಂ! ಜಿವಿತ್, ಮಿಸ್ತೆರ್ ಆನಿ ಕವಿತೆಚೆ ಗಾಂಚ್ ಆನಿ ಬಾಂಧ್ ಸಮ್ಜೊಂಕ್ ಗೆಲ್ಯಾರ್ ಥಂಯ್ಸರ್ ಥಕ್ತಲೆ ದೀಸ್-ರಾತ್ ಶಿವಾಯ್ ಮನಿಸ್ ನ್ಹಯ್. ಹಾಂಗಾಸರ್ ಕವಿ ಮೆಲ್ವಿನಾಚಿ ಆಯ್ಲೆವಾರ್‌ಚಿ 'ನವಿ ರಚ್ನಾ' ಕವಿತಾ ವಾಚುಂಕ್ ಮೆಳ್ಳಿ. ಮೆಲ್ವಿಚ್ಯೊ ಕವಿತಾ ವಾಚ್ತಾನಾ, ಎಕೆಕಾ ಸಬ್ಧಾಕ್, ತಾಚ್ಯಾ ಪಾಟ್ಲ್ಯಾನ್ ಲಿಪೊನ್ ಬಸ್‌ಲ್ಯಾ ಇಮಾಜಿಂಕ್ ಪಳೆಂವ್ಚಿ ಭೋವ್ ಗರ್ಜ್ ಆಸ್ತಾ.
ಪುಸ್ತಕಾಚ್ಯಾ ಪಾನಾರ್
ಯೆದೊಳ್ ಬರಯ್ನಾತ್‌ಲ್ಲೆಂ
ವಾಚುನ್ ಆಸಾಂ.
ವೆಳಾಚೆ ಉರವ್ಣೆಂತ್
ದಾಧೊಸ್ತಾಯೆಚೆ ಫುಗಿಂತ್
ಧಲೊಂವ್ಚಿ
ನವಿ ರಚ್ನಾ ರಚುಂಕ್
ಶಿಕುನ್ ಆಸಾ.
ನವೆ ರಚ್ನೆನ್
ತುಜ್ಯೊ ಸಾಟಾಂಚ್ಯೊ ಸತ್ತರ್
ಗರ್ಜೊ
ಭಾಗಯ್ತಲೊಂ
ಎಕಾಚ್ ಖಿಣಾ.
ಕವಿಂಕ್ ತಶೆಂ ಸಂಗೀತ್‌ಗಾರಾಂಕ್
ನಮಿಯಾರ್ಲಾಂ.
ಸದ್ಯಾ
ಕವಿತಾ ಆನಿ ಸಂಗೀತ್ ಸೊಡುನ್
ತಾಚ್ಯಾಕಯ್ ಉಂಚ್ಲ್ಯಾ
ರಚ್ನೆಚ್ಯಾ ಕಾಮಾಂತ್
ತೆ ಬುಡುನ್ ಗೆಲ್ಯಾತ್.
ಆತಾಂ ಹ್ಯಾ ಕವಿತೆಚೆ ಎಕೆಕ್ ಪಂಗ್ತೆಚೆರ್ ಮಾತ್ಸಿ ಗುಂಡಾಯೆನ್ ನದರ್ ಭಂವ್ಡಾಂವ್ಚಿ ತರ್ : ಪುಸ್ತಕಾಚ್ಯಾ ಪಾನಾರ್ ಯೆದೊಳ್ ಬರಯ್ನಾತ್‌ಲ್ಲೆಂ ವಾಚುನ್ ಆಸಾಂ - ಹ್ಯಾ ಪಂಗ್ತೆಂತ್ ಕವಿನ್ ವಾಚುಂಕ್ ಲಾಗ್‌ಲ್ಲಿಂ ಉತ್ರಾಂ ವೆಗ್ಳಿಂ, ಜಿಂ ಬುಕಾಂತ್ ನಾತ್‍ಲ್ಲಿಂ, ಕವಿನ್ ಸೊಧುಂಕ್ ಪ್ರೇತನ್ ಕರ್ಚೆಂ ಕಲ್ಪನ್ ವೆಗ್ಳೆಂ, ಜೆಂ ಭೋವ್ಶಾ ಹ್ಯಾ ಸಂಸಾರಾಂತ್ ನಾಸ್ಚೆಂ. ಆಸಕ್ತ್ ಉದೆತಾ ನ್ಹಯ್? ಫುಡ್ಲಿ ಪಂಗತ್ ಪಳೆವ್ಯಾಂ; ವೆಳಾಚೆ ಉರವ್ಣೆಂತ್, ದಾಧೊಸ್ತಾಯೆಚೆ ಫುಗಿಂತ್, ಧಲೊಂವ್ಚಿ, ನವಿ ರಚ್ನಾ ರಚುಂಕ್, ಶಿಕುನ್ ಆಸಾ. - ಹ್ಯೇ ವೊಳಿಂನಿ ವೆಳಾಚೆ ಉರವ್ಣೆಂತ್ ಉತ್ರಾಂನಿ ದೋನ್ ಅರ್ಥ್ ಕರ್ಯೆತಾ, ಪಯ್ಲೊ: ಟೈಮ್‍ಪಾಸ್, ದುಸ್ರೊ: ಜೆಂ ರಚನ್ ಕರುಂಕ್ ಕವಿ ಭಾಯ್ರ್ ಸರ್ಲಾ, ತಾಚ್ಯಾಕೀ ಮಹತ್ವಾಚೆಂ ಆಸ್ಚೆಂ ಹೆರಾಂಕ್ ಬಾಕಿಚೊ ವೇಳ್ ದಿಲಾ. ದಾಧೊಸ್ಕಾಯೆಚೆ ಫುಗಿಂತ್ ಮ್ಹಣ್ಜೆ ಅಪ್ಣಾನ್ ಕೆಲ್ಲೆ ಸಾಧನಾಂತ್ ಫುಲೊನ್ ಆಸ್ಚೆಂ. ಧಲಂವ್ಚಿ ಮ್ಹಳ್ಯಾರ್ ಹೆರಾಂಕ್ ಪಿಶ್ಯಾರ್ ಘಾಲ್ಚಿಂ ವಾ ಹೆರಾಂಕ್ ಅಜ್ಯಾಪ್ ಕರ್ಚಿಂ; ಆಪ್ಲೆ ಸೊಧ್ನೆಂತ್ ವಾ ರಚ್ನೆಂತ್, ಜ್ಯೇ ರಚ್ನೆಂತ್ ಜಿ ಎದೊಳ್ ಪಾಸೊನ್ ಕೊಣೆಂಚ್ ಸೊಧುನ್ ಕಾಡುಂಕ್ ಸಕೊಂಕ್ ನಾತ್‍ಲ್ಲಿ.
ಆಸಕ್ತ್ ಯೆತಾ ನ್ಹಯ್? - ಫುಡ್ಲಿ ಪಂಗತ್ ವಾಚ್ಯಾಂ; ನವೆ ರಚ್ನೆನ್, ತುಜ್ಯೊ ಸಾಟಾಂಚ್ಯೊ ಸತ್ತರ್, ಗರ್ಜೊ, ಭಾಗಯ್ತಲೊಂ, ಎಕಾಚ್ ಖಿಣಾ. - ಹಾಂಗಾಸರ್ ಹಿಂ ಉತ್ರಾಂ, ಎಕಾ ಜಾಹಿರಾತೆಪರಿಂ ದಿಸಾನಾಂತ್? ಎದೊಳ್ ಪರ್ಯಾಂತ್ ಆಸ್ಲ್ಲೆ ಸಾಟ್ ಗರ್ಜಾಂಚ್ಯಾಕೀ ಸತ್ತರ್ ಗರ್ಜೊ ಎಕಾಚ್ಚ್ ಖಿಣಾನ್ ದಿಂವ್ಚಿ ಸಲ್ವತಾಯ್ ಆಪ್ಣಾಕ್ ಕರುಂಕ್ ಆಸ್ಚೆ ಸೊಧ್ನೆನ್ ವ ರಚ್ನೆಂತ್ ಆಟಾಪುನ್ ಆಸ್ಚೆವಿಶಿಂ ಮ್ಹಣ್ಯೆತ್.
ಮುಕ್ಲಿ ಪಂಗತ್ ವಾಚ್ಯಾಂ; ಕವಿಂಕ್ ತಶೆಂ ಸಂಗೀತ್‌ಗಾರಾಂಕ್ ನಮಿಯಾರ್ಲಾಂ. - ಹಿ ಪಂಗತ್ ಭೋವ್ ಮಹತ್ವಾಚಿ, ವಯ್ಲ್ಯಾ ಪಂಗ್ತೆಂತ್ ಜಾಹೀರಾತಾಚಿಂ ಉತ್ರಾಂಚೊ ತಾಳೊ ಆಯ್ಕತಾಸ್ತಾನಾ ಹಾಂಗಾಸರ್ ಕವಿ ಆನಿ ಸಂಗೀತ್‌ಕಾರಾಂ ಸಯ್ತ್ ಹ್ಯಾ ಜಾಹೀರಾತೆಚ್ಯಾ ಮೆಳಿಂತ್ ಉದೆಲ್ಯಾತ್. ಅಖ್ರೇಚ್ಯಾ ಪಂಗ್ತೆಚೆರ್ ವಾಚುಂಕ್ ಮೆಳ್ಚಿಂ ಉತ್ರಾಂ ಪಳೆಯಾಂ; ಸದ್ಯಾ ಕವಿತಾ ಆನಿ ಸಂಗೀತ್ ಸೊಡುನ್, ತಾಚ್ಯಾಕಯ್ ಉಂಚ್ಲ್ಯಾ ರಚ್ನೆಚ್ಯಾ ಕಾಮಾಂತ್, ತೆ ಬುಡುನ್ ಗೆಲ್ಯಾತ್.
ಕವಿಚಿ ಪಯ್ಲಿ ಜವಾಬ್ದಾರಿ 'ಸವಾಲ್ ಕರ್ಚಿ', ದುಸ್ರಿಯೀ ತಿಚ್ಚ್, ತಿಸ್ರೀಯ್ ತಿಚ್ಚ್. ಮ್ಹಳ್ಯಾರ್ ಆಯ್ಚೆ ಕಾಳಾರ್ 'ಕವಿ' ಸಬ್ಧ್ ಏಕ್ ಭೋವ್ ವಿಡಂಬನ್ ಜಾಲಾ, ಸಮಾಜೆಕ್ ಸುಧ್ರಾಪ್, ಬದ್ಲಾವಣ್, ತಿದ್ವಣ್ ಹಾಡ್ಚೆ ಪಾಸತ್ ಚಿಂತಾಪ್ ಉಟಯ್ಜಾಯ್ ಜಾಲ್ಲೆ ಕವಿಚ್ಯಾಕೀ, ಬಜಾರಿ ಚಿಂತ್ಪಾಚೆಂ ದುರಂತ್ ಜಾವ್ನ್, ಅಪ್ಣಾಕ್, ಆಪ್ಲ್ಯಾ ಅಸ್ತಿತ್ವಾಕ್ ವಿಕುನ್, ಆಪ್ಲ್ಯಾ ಸ್ವಾಭಿಮಾನಾಕ್ ವಿಕುನ್ ದುಡ್ವಾದಾರಾಚ್ಯಾ ಹೊಗ್ಳಿಕೆಕ್ ರಾವ್ಲ್ಯಾತ್. ಆದಿಂ ಮಾಗಾ, ರಾಯಾಂಚ್ಯಾ ಆಸ್ತಾನಾಂತ್ ಸಯ್ತ್, ರಾಯಾಂಚಿ ಹೊಗ್ಳಿಕ್ ಉಚಾರ್ನ್ ಆಪ್ಲೆಂ ಪೋಟ್ ಭರ್ಚೆ ಕವಿ ಜಿಯೆತಾಲೆ, ಆಜ್‌ಯೀ ತೆ ಜಿಯೆತಾತ್ ಮ್ಹಳ್ಳೆಂ ಚಿಂತಾಪ್ ಹ್ಯಾ ಕವಿತೆಂತ್ ಆಟಾಪೊನ್ ಆಸ್ಚ್ಯಾ ಸಭಾರ್ ಚಿಂತ್ಪಾಪಯ್ಕಿಂತ್ ಏಕ್ ಮ್ಹಣ್ ಮ್ಹಜಿ ಸಮ್ಜೊಣಿ.
Tags:
Valley Quadrus, Konkani Poetry, Melvin Rodrigues, Kavita Trust, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
1/14/2017 ದೋನ್ ಸಾಲಿಂನಿ ದೋನ್ ಕಾಣ್ಯೊ?
-
2/12/2017 ಕವಿ ಆನಿ ಪೆಟೊ
-
3/6/2017 ನಶ್ವರ್ ಸಂಸಾರಾಂತ್ ಏಕ್ ಮೊರ್ನಾ ಗೀತ್
-
3/26/2017 ಜಿಣಿ, ವೊಜೆಂ ಆನಿ ಕವಿತಾ
-
4/6/2017 ವೇಳ್, ಕಾಳ್ ಆನಿ ಕವಿತಾ
-
4/29/2017 ವೇಳ್, ಕಾಂಟೊ ಆನಿ ಜಿವಿತ್
-
5/20/2017 ಆರ್ಸೊ, ಭುರ್ಸೊ ಆನಿ ಸಾಹಿತ್
-
6/16/2017 ತೆಂಕ್ಡಿ, ಮ್ಹೊಂವ್ ಆನಿ ಹಾಂವ್
-
7/7/2017 ಸೊಸ್ಣಿಕಾಯ್, ಸಾಂಖೊವ್ ಆನಿ ವಾಟ್
-
8/8/2017 ಮೋಗ್, ಕ್ರೋಧ್ ಆನಿ ಕಿಟಾಳಾಂ
-
9/17/2017 ಮಿಸ್ತೆರ್, ರಚನ್ ಆನಿ ಕವಿತಾ
-
10/14/2017 ಬಂದಡ್, ಸುಟ್ಕಾ ಆನಿ ಬಂಧನ್
-
11/19/2017 ಮನಿಸ್, ಬಜಾರ್ ಆನಿ ಸಾಹಿತ್
-
1/31/2018 ಜಾಗತೀಕರಣಾಚೆಂ ರುದಾನ್ ಗಾಂವ್ಚಿ ಗಿರ್ಬುಜ್
-
4/23/2018 ಧರ್ಮ್, ಭಾವಾಡ್ತ್ ಆನಿ ಕುರ್ಡೆಂಪಣ್
Our Address
Mangalore
 | Contact Person : Mr. Praveen Tauro |
Email : praveen@maibhaas.com
Phone : +91 99 80 184340
Address :
Daijiworld.com,
Airport Road,
opp. Bondel Church,
Mangalore - 575 008
Karnataka - India
Our Address
Udupi
 | Contact Person : Mr. Joel D'almeida |
Email : joel@maibhaas.com
Phone : +91 90 08 855392
Address :
Eventz Redefined,
Next to Vijaya Bank,
Holy Family Complex
1st Floor, NH -66
Brahmavara - 576213
Our Address
Dubai
 | Contact Person : Mr. Naveen Sequeira |
Email : editor@maibhaas.com
Phone : +97 150 755 4105
Address :
Master Mind IT Solutions,
UBL Building,
#402, 4th Floor
Bank Street - Bur Dubai
Dubai - UAE
2 Comment/s.
Good writing by Valleybaab. All the best. Looking for new episodes :)
ವಲ್ಲಿಚ್ಯಾ ಬರ್ಪಾಂಕ್ ಹಾಂವ್ ಲೈಕ್ ಕರ್ತಾ. ತಾಚಿಂ ಸಬಾರ್ ಕವಿತಾ ಲೇಕನಾಂ ವಾಚ್ಲ್ಯಾಂತ್. ಬೊರಿಂ ಆಸ್ತಾತ್.