From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಜಿರ್ಗಿ ಮಿರ್ಸಾಂಗ್
December 30, 2015
ಸಂಸಾರಾಂತ್ ಹರ್ಯೆಕಾ ಮನ್ಶಾಕ್ ಖಂಚಾಯೀ ಎಕಾ ವಸ್ತುಚೆರ್ ಜಾಂವ್ದಿ ವ್ಯಕ್ತಿಚೆರ್, ಮಾತ್ಸೊ ವಿಶೇಸ್ ಮೋಗ್ ಆಸ್ತಾ ತೆಂ ಆಪುಟ್ ಸತ್. ಕಿತ್ಯಾಕ್‌ಗೀ ಮ್ಹಾಕಾ ಮ್ಹಜಾ ಜಿರ್ಗಿ ಮಿರ್ಸಾಂಗಾಚೆರ್ (ಅರ್ಧಾಂಗಿಣ್) ನಿಜಾಯ್ಕಿ ಕಠಿಣ್ ಮೋಗ್.
ಥೊಡೆ ಪಾವ್ಟಿಂ ತಿಚಿ ತಿಕ್ಸಾಣ್ ವಿಪರೀತ್ ಆನಿ ವಿಶೇಸ್ ಆಸ್ತಾ ತರೀ ಮ್ಹಜಾ ಚಾಪ್ಪೆ ಜಿವಿತಾಂತ್ ಏಕ್ ವಿಶಿಷ್ಟ್ ರೂಚ್ ಹಾಡ್ತಾ. ಹಾಂವೆಂ ಮ್ಹಜಾ ಜಿವಿತಾಚಿಂ ಪಾನಾಂ ಪರ್‍ತಿಲ್ಯಾರ್ ಆನಿ ಪಾಳಾಂ ಉಸ್ತಿಲ್ಯಾರ್ ಕಾಜಾರಾ ಉಪ್ರಾಂತ್ ಕೆಲ್ಲೆಂ ಸಾಧನ್ ವಿಶೇಸ್ ಆಸಾ. ತಾಂತುಂ ದೊಗಾಂ ಭುರ್ಗಿಂ (ಪ್ರಯತ್ನ್ ಕೆಲ್ಲೆಂ ತರ್ ತಿಂ ಕಾಜಾರಾ ಆದಿಂಯೀ ಜಾತಿಂ. ತರೀ ಸಾಕ್ರಿಲೆಜ್ ಪಾತಕ್ ಕರ್‍ನ್ ಯೆಂಮ್ಕೊಂಡಾಚಿ ಧಗ್ ಆನಿ ಉಜೊ ಸೊಸುಂಕ್ ಮನ್ ನಾತ್‌ಲ್ಲೆಂ). ತೆಂವೀ ಏಕ್ ಚೆಡೊ ಆನಿ ಏಕ್ ಚೆಡುಂ. ಏಕ್ ಕೀರ್ತ್ ಹಾಡುಂಕ್ ಆನ್ಯೇಕ್ ಹಾಡ್‌ಲ್ಲಿ ಕೀರ್ತ್ ಪೆಟೊಂವ್ಕ್.
ಮ್ಹಜ್ಯಾ ಎಕಾ ಇಷ್ಟಾಕ್ ಚಾರ್ ಚೆಡೆಚ್. ಕೀರ್ತ್‌ಚ್ ಪೆಟ್ತಾ. ಹಾಂವೆಂ ಜಾಯ್ತೆ ಪಾವ್ಟಿಂ ಸಾಂಗ್‌ಲ್ಲೆಂ ಆಸಾ, ತುಮ್ಕಾಂ ಆರತಿ ಪೆಟಂವ್ಚಿ ’ರೆಸಿಪಿ’ ಗೊತ್ತುನಾ. ಎಕ್‌ಚ್ ಫಟೊಂವ್ಚ್ಯಾ ಸತ್ಯನಾರಾಯಣಾಕ್ ಧರಾ ವ ಚೈನೀಸ್ ಕೆಲೆಂಡರ್ ವ್ಹರಾ ಮ್ಹಣ್. ಬಿರ್ಮತ್, ತ್ಯಾ ಚಾರ್ ಕೀರ್ತಿಂಚಿ ರಾಟಾವಳ್ ಆನಿ ಉಪದ್ರ್ ಸೊಸುಂಕ್ ಸಕಾನಾಸ್ತಾಂ ಪೊರ್‍ಚ್ಯಾ ಪೋರ್ ’ರಗ್ತಾದಾಬ್’ ಚಡೊನ್, ಚಡ್ಣೆರ್‌ಚ್ ಸರ್ಕಾರಿ ಬಸ್ಸ್ ಬಂದ್ ಪಡ್ಚ್ಯಾಪರಿಂ ’ಡುಬ್’ ಕರ್‍ಚೆಂ ಕಾಳಿಜ್ (ಉಂಡ್?) ’ಡಬ್ಬ್’ ಕರ್‍ನ್ ಬಂದ್ ಜಾವ್ನ್ ಗೂಡ್ ಘಾಲ್ನ್ ಕಲಾಸ್ ಬಾವ್ಡೊ.
ಆನ್ಯೆಕ್ಲೊ ಗೊಂಯ್ಚೊ ಇರ್ಮಾಂವ್ ಸಾಂಗಾತಿ, ಕೀರ್ತಿಚಿ ’ರೆಸಿಪಿ’ ಗೊತ್ತುನಾತ್‌ಲ್ಲೊ ಆರತಿ ಸುಶೆಗಾತ್ ಪೆಟೊವ್ನ್ (ಪಾಂಚ್ ಚೆಡ್ವಾಂ) ಕ್ರಮೇಣ್ ಕಾಜಾರಾಚೊ ಪ್ರಸಂಗ್ ಯೆತಾನಾ ’ರಗ್ತಾದಾಬ್’ ಉಣೊ ಜಾವ್ನ್ ತಕ್ಲಿ ಗುಂವೊನ್ ಪಡ್‌ಲ್ಲೊ ಉಟೊಂಕ್‌ಚ್ ನಾ. ಕಿತೆಂಯೀ ಜಾಂವ್, ಮ್ಹಜಾ ಜಿರ್ಗಿ ಮಿರ್ಸಾಂಗೆಕ್ ಸಗ್ಳ್ಯೊ ’ರೆಸಿಪಿ’ ಸಾರ್ಕ್ಯೊ ಗೊತ್ತು ಆಸಾತ್.
ದೆವಾನ್ ಮ್ಹಜಿ ಬೊರ್ ನಿಜಾಯ್ಕಿ ಸಾರ್ಕಿ ದಿಲೆಲ್ಯಾನ್ ಬೋರ್ ಜಾಂವ್ಕ್ ನಾತ್‌ಲ್ಲೆಂ ಮ್ಹಾಕಾ. ಮ್ಹಜಾ ಜಿರ್ಗಿಮಿರ್ಸಾಂಗೆಕ್ ಮ್ಹಜೆಪರಿಂ ಕೊಂಕ್ಣೆಚೊ ಮೋಗ್‌ಯಿ ಕಠಿಣ್.
ಮ್ಹಾಕಾ ಮಿರ್ಸಾಂಗ್ ನಾತ್ಲ್ಯಾರ್ ಜಾಯ್ನಾಂ - ಜಿರ್ಗಿ! ಮ್ಹಜ್ಯಾ ಸುಖಾಂತ್ ದುಃಖಾಂತ್, ವೊತಾ-ಪಾವ್ಸಾಂತ್ (ಚಡ್) ವಾಂಟೆಲಿ ಜಾಂವ್ಚಿ ಮಿರ್ಸಾಂಗ್ ತಿ!
ಸಾಕ್ರಾಮೆಂತಾಂತ್ ಗೊಮ್ಟ್ಯಾಕ್ ಬಾಂದ್‌ಲ್ಲಿ ಕೊದಾಂಟಿ ತಿ ಜಾಲ್ಯಾರೀ ಮ್ಹಾಕಾ ಮೋಗ್ ದಳ್ಬಳ್ಚ್ಯಾ ಮ್ಹೊಸಿಚಾ ವೊಂಟಿಯೆಚೆರ್ ಭುಕೆಲ್ಲ್ಯಾ ಪೆಟ್ಯಾಚಾ ಮೊಗಾಪರಿಂ. ತಿ ದಿಸಾಕ್ ನಾತ್ಲ್ಯಾರ್ ಉಬ್ಗೊಣ್ ಯೆತಾ. ರಾತಿಂ ನಾಂ ತರ್ ನೀದ್ ಯೇನಾ. ಕೀಸ್ ದಿಲ್ಯಾ ಶಿವಾಯ್ ಜೇಂವ್ಕ್ ರುಚಾನಾ, ತಿಕಾ ಪೊಟ್ಲುನ್ ಧರ್‍ಲ್ಯಾ ಶಿವಾಯ್ ದೀಸ್ ವಚಾನಾ. ತಿ ಕಾಜುಕ್ ಬಿ ಲಾಗ್‌ಲ್ಲ್ಯಾಪರಿಂ ಚಿಡ್ಕಾಲ್ಯಾ ಶಿವಾಯ್ ಹಾಂವ್ ಬಸಾನಾ.
ಮ್ಹಜಿಂ ಅಜಾಪಾಂ ಇಂಗ್ಲಿಷ್ ಇಸ್ಕೊಲಾಂತ್ ಶಿಕ್ತಾತ್. ಆನಿ ಸಭಾರ್ ಪಾವ್ಟಿಂ ಆಮ್ಚ್ಯೊ ಚುಕಿ ಆಮ್ಕಾಂ ಸಾಂಗ್ತಾನಾ ಯೆಮ್ಕೊಡಾಂಚಾ ಪಾತಾಳಾಕ್ ಲೊಟುನ್ ಘಾಲ್ಲ್ಯಾಪರಿಂ ಜಾತಾ.
ಹಾಂವೆಂ ಖಡಕ್ಕ್ ವೊರ್ನಿಂಗ್ ದಿಲಾಂ ಘರಾಂತ್ ಭುರ್ಗ್ಯಾಂಕ್ ಕೊಂಕ್ಣಿ ಶಿಕೊಂಕ್. ಕಿತ್ಯಾಕ್, ಪಂಚ್ವಿಸ್ ವರ್‍ಸಾಂ ಕೊಂಕ್ಣೆಚಾ ಸಾಹಿತ್ಯಾಂತ್ ಝಾಂಕ್ ಮಾರ್‍ಲ್ಯಾ ಬರವ್ಪ್ಯಾಚಾ ಪುತಾಕ್ ಕೊಂಕ್ಣಿ ಯೆನಾಂ ಮ್ಹಳ್ಯಾರ್ ಮೆಳ್ಚ್ಯೊ ಪ್ರಶಸ್ತ್ಯೊಯಿ ಉಸಳ್ತಿತ್. ಮಿಸಾಕ್ ವಚಾನಾ ಮ್ಹಳ್ಳ್ಯಾ ಖಾತಿರ್ ಮಾಲ್ಘಡ್ಯಾ ಬರವ್ಪ್ಯಾಕ್ ಸನ್ಮಾನ್ ಚುಕ್‌ಲ್ಲ್ಯಾಪರಿಂ, ಪೋರ್ ಮ್ಹಜ್ಯಾ ಲೆಟೆಸ್ಟ್ ಕೊಂಕ್ಣೆನ್ ಸಾಂಗ್ಲೆಂ.
"ಮ್ಹಜ್ಯಾ ಉಂಡಾ ಕುಡ್ಕ್ಯಾ",
"ಇಶ್ಯಪ್ಪಾ... ಕಿತೆಂ ಸಾಯ್ಬಾ? ’ಉಂಡಾ ಕುಡ್ಕ್ಯಾ’ ಮ್ಹಣ್ತಾನಾ ಮ್ಹಾಕಾ ’ಲೆಂಡ್ಯಾ ಕುಡ್ಕ್ಯಾ’ ಮ್ಹಣ್ ಆಯ್ಕೊನ್, ಹಳ್ಶಿಕ್ ಚಿಂತುನ್, ವೊಂಕೊಂಕ್ ಜಾಂವ್ಚ್ಯಾಪರಿಂ ಮರ್‍ಕ್ ಮರ್‍ಕ್ ಜಾತಾ," ಜಿರ್‍ಗಿಮಿರ್ಸಾಂಗ್ ಫಿರ್ವಾಲಿ.
"ಅಗೋ ಮೊಗಾಚಾ ಬಾಯ್ಲೆ, ಹಾಂವ್ ಬರ್‍ಪಿ, ಕೊಂಕ್ಣೆನ್ ಕಾಳ್ಜಾಕ್ ಉಂಡ್ ಮ್ಹಣ್ತಾತ್. ತುಂ ಮ್ಹಜೆಂ ಉಂಡ್. ಆಮಿಂ ಕೊಂಕ್ಣಿ ಮೊಗಿಂ."
"ಪುರೊ ಪುರೊ ರೆಡೊ ಬುತು ಕರ್‍ನ್ ಗೆಲ್ಲ್ಯಾಪರಿಂ ತುಜೆಂ ಜಿಂಗ್ರಿಪಿಸಾಂವ್ ಸಾಂಗಾನಾಕಾ. ಆಮಿಂ ಕೊಂಕ್ಣೆಂತ್ ಮೊಗಿಂಚ್ ಖಾವ್ನ್ ಜಿಯೆಜಾಯ್. ತುಕಾ ಕಿತೆಂ ಸುರುಜಾತಾ ಮ್ಹಾಕಾ ಕಳಾನಾ. ಮಿಸಾಕ್ ’ಮಾಸ್’ ಮ್ಹಣ್ತಾಯ್, ಮಾಸಾಕ್ ’ಮೀಟ್’ ಆನಿ ಮೀಟಾಕ್ ’ಸೊಲ್ಟ್’ ಆನಿ ಕೆದ್ನಾಂ ಕೆದ್ನಾಂ ಭರ್‍ಸಿತಾಯ್. ತುಜಾ ಕೊಂಕ್ಣೆಕ್..."
"ಏಕ್ ಮಿನುಟ್, ಏಕ್ ಮಿನುಟ್," ಹಾಂವ್ ಮದ್ಗತ್ ಉಸ್ಮಡ್ಲೊಂ. ಜರ್ ಮ್ಹಜಿ ಜಿರ್ಗಿ ಮಿರ್ಸಾಂಗ್ ಫುಟ್ಲಿ... ಜಾಲಿ ಅವಸ್ಥಾ. ಮ್ಹಜ್ಯಾ ಮನಾಂತ್, ತೊಂಡಾಂತ್, ಗಳ್ಯಾಂತ್ ಆನಿ ನಾಜೂಕ್ ಅಂಗಾಂಗಾನಿ ಹುಲೊಪ್‌ಚ್ ಹುಲೊಪ್.
"ತಿ ಗಜಾಲ್ ಸೊಡ್, ತುಜ್ಯಾ ಭುರ್ಗ್ಯಾಂಕ್ ಆಪಯ್" ದಾದ್ಲ್ಯಾಪಣಾಚಾ ಘಮಂಡಾಯೆನ್ ಸಾಂಗ್ಲೆಂ.
"ಕಿತೆಂ ಚರ್ಬೆಲಾಯ್? ಮ್ಹಜಿಂ ಭುರ್ಗಿಂ ಮ್ಹಣ್ತಾಯ್, ತುಜಿಂ ಕಿತೆಂ ವಿಂಗಡ್ ಆಸಾತ್‌ಗೀ?" ಜಿರ್ಗಿ ಮಿರ್ಸಾಂಗ್ ಗರಮ್ ಜಾಲಿ.
"ತಸೆಂ ನಹಿಂಗೊ ಮ್ಹಜ್ಯಾ ಭಾಂಗಾರಾ. ಮ್ಹಜಿಂ ಮ್ಹಣೊಂಕ್ ಹಾಂವ್ ಕಾಂಯ್ ಬಾಳಾಂತ್ ಜಾಂವ್ಕ್ ನಾ ಪಳೆ. ಹಾಂವ್ ತಾಂಚೊ ಬಾಪಯ್ ಮಾತ್ರ್. ಜಾಂವ್ದಿ ಭುರ್ಗಿಂ ಆಮ್ಚಿಂಚ್. ಮ್ಹಾಕಾ ಇಲ್ಲೆಂ ಉಲೊಂವ್ಕ್ ಆಸಾ." ಸಮಾಧಾನ್ ಕರ್‍ನ್ ಭುರ್ಗ್ಯಾಂಕ್ ಆಪಯ್ಲೆಂ. ಮ್ಹಜೊ ಮಾಲ್ಘಡೊ ಕೀರ್ತ್ ಹಾಡ್ಚೊ ’ಅಜಾಪ್’ ಆಯ್ಲೊ.
"ಮಾಮ್ಮಿನ್ ಕೊಂಕ್ಣಿ ಶಿಕಯ್ಲ್ಯಾಯೆರೆ ತುಕಾ?"
"ಯೆಸ್ಸ್ ಡ್ಯಾಡಿ."
"ಯೆಸ್ಸ್ ನ್ಹಂಯ್, ’ವ್ಹಯ್’ ಡ್ಯಾಡಿ ಮ್ಹಾಣಾಜಾಯ್. ಜಾಂವ್ದಿ ಕಿತೆಂ ಶಿಕಯ್ಲಾಂ ತುಕಾ?" ಖಡಕ್ಕ್ ವಿಚಾರ್‍ಲೆಂ.
"ಕೊಂಕ್ಣಿ ಖೊಂಕುಂಕ್, ಕೊಂಕ್ಣಿ ಬೊಕುಂಕ್ ಆನಿ ಕೊಂಕ್ಣಿ ಚಾಕೊಂಕ್."
"ಕಿತೆಂ ಮ್ಹಳೆಂಯ್? ನಾಪಾಸಾ" ಹಾಂವೆಂ ಥಾಪ್ಡಾಯ್ಲೆಂ.
"ರಾವ್ ಸಾಯ್ಬಾ, ಮಾರಿನಾಕಾ ತಾಕಾ, ನೆಂಟೊ ತೊ. ಹಾಂವ್ ಸಾಂಗ್ತಾಂ ಕೊಂಕ್ಣಿ ಉಲೊಂವ್ಕ್, ಕೊಂಕ್ಣಿ ಧಲೊಂವ್ಕ್ ಆನಿ ಕೊಂಕ್ಣಿ ಮಾಳುಂಕ್ ಶಿಕಯ್ಲಾಂ. ಬಿರ್ಮತ್... ತುಜೆ ಪ್ರಾಸ ತಾಕಾ ಉಗ್ಡಾಸಾಕ್ ಯೇವ್ನ್ ಗುಸ್ಪೊಡ್ಲಾ ತೊ" ಮ್ಹಾಕಾ ಸಮಾಧಾನ್ ಕೆಲೆಂ.
"ಬರೆಂ, ಪ್ರಾಸಾಂತ್ ಹುಶಾರ್ ಆಸಾ. ತರ್ ವ್ಯಾಕರಣಾಂತ್ ಸ್ತ್ರೀಲಿಂಗಾ ಪುಲ್ಲಿಂಗಾ ವಿಚಾರ್‍ತಾಂ. ಕಿತ್ಲೆಂ ಯೆತಾ ಪಳೆಯ್ತಾಂ."
"ಜಾಯ್ತ್ ಡ್ಯಾಡಿ" ಥಾಪ್ಡಾಂಚಾ ಭಿಂಯಾನ್ ಜಾಪ್ ದಿಲಿ ತಾಣೆ.
"ಘೊಡೊ, ಸ್ತ್ರೀಲಿಂಗ್ ಸಾಂಗ್."
"ಘೊಡಿ" ಜಾಪ್ ದಿಲಿ ಪುತಾನ್.
"ಶಹಬ್ಬಾಸ್, ಪಾಟಾಪಾಟ್ ಜಾಪ್ ದೀಜಾಯ್. ಮಾಗಿರ್ ತುಕಾ ದಾಲ್ಗಾದೊಚಿ ವಾಕ್ಸರಿ ಬಹುಮಾನ್ ದಿತಾಂ... ಹಾಂ..!"
"ವಿಚಾರ್ ಡ್ಯಾಡಿ" ಖುಶೆನ್ ಕೊಮಿಕ್ಸ್ ಬೂಕ್ ಮ್ಹಣ್ ಚಿಂತುನ್ ಒಪ್ವಲೊ.
"ಪಾಡೊ?" ಹಾಂವೆಂ ವಿಚಾರ್‍ಲೆಂ.
"ಪಾಡಿ"
"ರೆಡೊ?"
"ರೆಡಿ"
"ಚೆಡೊ?"
"ಚೆಡಿ"
"ಇಶ್ಯಪ್ಪಾ... ನೌ ಶಟ್ಟ್ ಅಪ್ ಆ೦ಡ್ ಗೆಟ್ ಲೋಸ್ಟ್" ಹಾಂವೆಂ ಧಾಂವ್ಡಾಯ್ಲೊ.
ತಿತ್ಲ್ಯಾರ್ ಗೇಟಿ ಭಿತರ್‍ಲ್ಯಾನ್ ಧಾ ಬಾರಾ ಜಣಾಂಚೊ ವ್ಕ್ ಗುಂಪು ಯೆಂವ್ಚೊ ದಿಸ್ಲೊ. ಮ್ಹಜಿ ಜಿರ್ಗಿ ಮಿರ್ಸಾಂಗ್ ಚತುರ್ ಜಾಲಿ.
"ವ್ಹಾರೆವಾ, ಕಾಲ್ ಯೇವ್ನ್ ಪಾಟಿಂ ಗೆಲ್ಲೆ ಆಜ್ ಆಯ್ಲೆ ದಿಸ್ತಾ."
"ಕೊಣ್ ತೆ ಸಾಯ್ಬಿಣಿ?"
"ಕೊಂಕ್ಣಿ ಮೊಗಿಂ, ತೊವ್ಶಿಂ, ತೆಂಡ್ಲಿಂ, ಗೊಸಾಳಿಂ ವ್ಹಯ್‌ಗಾ ಮ್ಹಣ್ತಾನಾ. ಕೊಂಕ್ಣಿ ಮಾಲ್ಘಡ್ಯಾ ಬರವ್ಪ್ಯಾಕ್ ಸನ್ಮಾನ್ ಕರುಂಕ್ ಆನಿ ಕೊಂಕ್ಣಿ ನಾಟಕ್ ಕರುಂಕ್ ಡೊನೆಶನಾಕ್ ಆಯ್ಲ್ಯಾಂತ್."
"ಸಾಯ್ಬಾ ಸೊಡ್ವೊಣ್ದಾರಾ! ಕಿತೆಂ ಕರ್‍ಚೆಂ, ತಿತ್ಲೆ ಪಯ್ಶೆ ದೀಂವ್ಕ್ ಆಸ್‌ಲ್ಲೆ ತರ್ ಬರೊಸೊ ಏಕ್ ಕೋಟ್ ಶಿವಯ್ತೊಂ. ಮೊರ್‍ತಾನಾ ಮೊಡ್ಯಾಕ್ ತರೀ ಘಾಲ್ನ್ ಫುಗಾರ್‍ಚ್ಯಾ ಖಾತಿರ್. ಆತಾಂ ಕಶೆಂ ಧಾಂವ್ಡಾಂವ್ಚೆಂ ಸಾಯ್ಬಿಣಿ. ತುಂ ಮ್ಹಜ್ಯಾ ಕಾಳ್ಜಾಚೊ ಗೊಂಡೊ, ಮಾಸಾಚೊ ಉಂಡೊ, ಗೆಂಧಳಿ ಬೊಂಡೊ, ಕಿತೆಂ ತರೀ ಕರ್. ತುಜಿ ತಕ್ಲಿ ಮೆಲ್ಲ್ಯಾ ಇಂದಿರಾ ಗಾಂಧಿಪರಿಂ, ಜೀವ್ ಆಸ್‌ಲ್ಲ್ಯಾ ಖಾದರ್ ಖಾನಾಪರಿಂ" ಹಾಂವೆಂ ಧುಂಪಯ್ಲೆಂ.
"ಬರೆಂ, ತುಂ ಆಡೊಸಾಕ್ ರಾವ್. ಮುಖಾರ್ ಯೇನಾಕಾ. ಸೊಪ್ಯಾರ್ ಬಸೊಂದಿತ್. ಕಶೆಂ ಧಾಂವ್ಡಾಯ್ತಾಂ ಪಳೆ" ವೊಳೂ ಹಾಂವ್ ಲಿಪ್ಲೊಂ. ಮ್ಹಜ್ಯಾ ಜಿರ್ಗಿ ಮಿರ್ಸಾಂಗೆನ್ ಸಕ್ಡಾಂಕ್ ಬಸಯ್ಲೆಂ ಆನಿ ಕಿತೆಂಗೀ ಸಾಂಗ್ಲೆಂ. ಎಕೇಕ್ಲೊಚ್ ಪಣಂದೆ ಪಾರ್.
ಹಾಂವ್ ಅಜಾಪ್ಲೊಂ. ’ಸಾಮರ್ಥಿವಂತ್ ಬಾಯ್ಲ್’ ಮ್ಹಣ್ ಮ್ಹಾಕಾ ಖುಶಿ ಜಾಲಿ. ಲಜ್ ಸೋಡ್ನ್ ವಿಚಾರ್‍ಲೆಂ, "ತುವೆಂ ಕಶೆಂ ಧಾಂವ್ಡಾಯ್ಲೆಂಯ್ ಡಾರ್ಲಿಂಗ್?" ತೆಂ ಹಾಸೊನ್ ಮ್ಹಣಾಲೆಂ.
"ಹಾಂವೆಂ ಖಾಲಿ ಇತ್ಲೆಂ ಸಾಂಗ್ಲೆಂ ಹಾಂವ್ ಎಲ್.ಆಯ್.ಸಿ. ಏಜೆಂಟ್ ಮ್ಹಾಕಾ ತುಮ್ಚಿಯೀ ಗರ್ಜ್ ಆಸಾ. ದಯಾಕರ್‍ನ್ ನಾಂವಾಂ ಆನಿ ಪ್ರಾಯ್ ಸಾಂಗಾ ಮ್ಹಳೆಂ ತಿತ್ಲೆಂಚ್. ಎಕೆಕ್ಲೊಚ್... ಎಕೆಕ್ಲೊಚ್.... ಪದ್ರಾಡ್.... ಹ್ಹ ಹ್ಹ ಹ್ಹ..."
"ಇಶ್ಯಾಪ್ಪಾ... ಗೆಲಿ ಮರ್‍ಯಾದ್!"
ಮ್ಹಜ್ಯಾ ಜಿರ್ಗಿ ಮಿರ್ಸಾಂಗೆನ್ ವ್ಯಾಪ್ತ್ ಶೆಣಾಯ್ಲಿ ಆನಿ ಮ್ಹಜಿ ಮರ್‍ಯಾದ್ ಘಾಣಯ್ಲಿ. ಕಠಿಣ್ ತಿಕ್ಸಾಣ್ ಮ್ಹಜಾ ಜಿರ್ಗಿ ಮಿರ್ಸಾಂಗೆಚಿ.
Tags:
Lancy Pinto Nayak, Konkani Comedy, Kuwait, Konkani Kulwar, Konkani Jokes, Usturem, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
Our Address
Mangalore
 | Contact Person : Mr. Praveen Tauro |
Email : praveen@maibhaas.com
Phone : +91 99 80 184340
Address :
Daijiworld.com,
Airport Road,
opp. Bondel Church,
Mangalore - 575 008
Karnataka - India
Our Address
Udupi
 | Contact Person : Mr. Joel D'almeida |
Email : joel@maibhaas.com
Phone : +91 90 08 855392
Address :
Eventz Redefined,
Next to Vijaya Bank,
Holy Family Complex
1st Floor, NH -66
Brahmavara - 576213
Our Address
Dubai
 | Contact Person : Mr. Naveen Sequeira |
Email : editor@maibhaas.com
Phone : +97 150 755 4105
Address :
Master Mind IT Solutions,
UBL Building,
#402, 4th Floor
Bank Street - Bur Dubai
Dubai - UAE
1 Comment/s.
Hats off to wtiter… he is my favourite writer…