From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
32 - ಆಲ್ಬಮ್
Wednesday, May 4, 2016
ಜಿವಿತ್ ಏಕ್ ಆಲ್ವಮ್. ಪಾಟ್ಲಿಂ ಘಡಿತಾಂ ನಿಯಾಳುಂಕ್, ಫೊಟೊ ಭರ್‌ಲ್ಲಿಂ ಆಲ್ವಮಾಂ ಪಳೆತಾನಾ ಆಮ್ಕಾಂ ಸರ್ವ್ ಉಡಾಸ್ ಯೆತಾ. ಅಸ್ಕತ್ ಉಡಾಸಾಕ್, ತತ್ಕಾಲಾಕ್ ಉಡಾಸಾಚಿ ಗುಳಿ ಅಲ್ಬಮ್ ಅಮ್ಕಾಂ ದಿತಾತರ್ ಆಮ್ಕಾಂ ಜಿವಿತ್ ಮ್ಹಳ್ಳ್ಯಾ ಆಲ್ಬಮಾಕ್ ಪಳೆಂವ್ಚೆಂ ಕೆದ್ನಾಂ?
ಖಂಚೊಯಿ ಎಕ್ ಸಂಭ್ರಮ್ ವಾ ಖಂಚೇಯ್ ಎಕ್ ಘಡಿತ್ ಆಮಿ ಫೊಟೊದ್ವಾರಿಂ ಚಿತ್ರಿತ್ ಕರುಂಕ್ ಸಕ್ತಾಂವ್. ಜಾವ್ಯೆತ್ ರಂಗಾಳ್ ವಾ ಕಾಳೆಂ-ಧವ್ಯಾ ರುಪಾರ್ ಆಮ್ಕಾಂ ತೆಂ ಪಳೆಂವ್ಕ್ ಮೆಳ್ತಾ. ತುಜ್ಯಾ ತಸ್ವಿರೆಂಚೊ ಎಕ್ ಪುಂಜೊ ಕರ್ನ್ ಆಮಿ ಎಕಾ ಬುಕಾಂತ್ ವಾ ಎಕಾ ಜಾಗ್ಯಾರ್ ಜಗಯ್ತಾಂವ್. ತಾಕಾ ಆಮಿ 'ಆಲ್ಬಮ್' ಮ್ಹಣ್ ನಾಂವ್ ದಿತಾಂವ್.
ಆಲ್ಬಮ್....
ಖಂಚಾಯ್ ದಿಸಾ, ಖಂಚೆಯ್ ಘಡ್‌ಯೆ ಆಮಿ ಆಲ್ಬಮ್ ಉಗ್ತೊ ಕೆಲ್ಯಾರ್ ಆಮ್ಕಾಂ ಪಳೆಂವ್ಕ್ ಮೆಳ್ತಾತ್ ಸಭಾರ್ ಫೊಟೆ - ಜಾವ್ಯೆತ್ ವೊಲಾಚೆ, ಜಾವ್ಯೆತ್ ಪಯ್ಲ್ಯಾ ಕುಮ್ಗಾರಾಚೆ, ಜಾವ್ಯೆತ್ ಕಾಜಾರಾಚೆ, ಜಾವ್ಯೆತ್ ಮೊರ್ನಾಚೆ, ಜಾವ್ಯೆತ್ ಪಿಕ್ನಿಕಾಚೆ ವಾ ಕಸಲ್ಯಾಯ್ ಸಂದರ್ಭಾಚೆ ವಾ ಸಂಭ್ರಮಾಚೆ.
ಆಲ್ಬಮಾಚೆಂ ಎಕೇಕ್ ಪಾನ್, ಎಕೇಕ್ ಫೊಟೊ ಪಳೆತಾನಾ ಆಮಿಂ ಪಾಟಿಂ ವೆತಾಂವ್, ಆಮ್ಚಿ ಮತ್, ಕಾಳಿಜ್ ಆನಿ ಆಮ್ಚಿಂ ಸಿಂತಿಮೆಂತಾ ಪಿಕ್ತಾತ್. ಆದ್ಲೆಂ ಚಿಂತುನ್ ಕಾಳಿಜ್ ಹಾಲ್ತಾ ವಾ ಹಾಸ್ತಾ. ಮತ್ ಖುಶಾಲ್ ಜಾತಾ ವಾ ದುಕಿ ಜಾತಾ. ಎಕಾ ಆಲ್ಬಮಾಂತ್ ಆಮಿ ಆಮ್ಚಿಂ ಚರಿತ್ರಾ ಪಳೆಂವ್ಕ್ ಸಕ್ತಾಂವ್. ಆಮಿ ಕಶೆಂ ಆಸ್‌ಲ್ಲ್ಯಾಂವ್, ಆಮಿ ಕಿತೆಂ ಕರ್ತೆಲ್ಯಾಂವ್, ಕಶೆಂ ಜಿಯೆತೆಲ್ಯಾಂವ್ ಮ್ಹಳ್ಳೆ ಸಂಗ್ತೆಕ್ ಏಕ್ ಆಲ್ವಮ್ ಆರ್ಸೊ ದವರ್ತಾ ತೆಂ ಖರೆಂ ಆನಿ ಖಂಡಿತ್.
ಆಲ್ಬಮ್...
ಭುರ್ಗ್ಯಾಚೆ ವೋಲ್. ತೆಂ ಮ್ಹಜೆಂಚ್ ವೋಲ್.. ಮ್ಹಜಿಂ ಆವಯ್-ಬಾಪುಯ್ ತಾಂಚ್ಯಾ ತೊಂಡಾರ್ ತೃಪ್ತಿ. ದೆವಾಕ್ ಅರ್ಗಾಂ ದಿಂವ್ಚಿ ದೀಷ್ಟ್. ಆದ್ಲೆಂ ವಸ್ತುರ್. ಮ್ಹಜಿ ಪೊದೊರ್ನ್ ಆನಿ ಮೊದೊರ್ನ್... ಹಾಂವೆಂ ಮ್ಹಜೆ ವೋಲ್ ಪಳೆಂವ್ಕ್ ನಾ ತರ್‌ಯಿ ಹಾಂವ್ ಸರ್ವ್ ಚಿಂತುಕ್ ಸಕ್ತಾಂ, ನಿಯಾಳುಂಕ್ ಸಕ್ತಾ.... ಮ್ಹಜಿ ಮತ್ ಪಯ್ಸ್ ವೆತಾ.
ಆನ್ಯೇಕ್ ಆಲ್ಬಮ್.....
ಮ್ಹಜೊ ಪಯ್ಲೊ ಕುಮ್ಗಾರ್. ಹಾಂವ್ ಸಂತುಶ್ಟ್ ಆಸಾಂ. ಧವೆಂ ಪೇಂಟ್ ಆನಿ ಶರ್‍ಟ್ ಘಾಲ್ನ್ ಹಾಂವ್ ಸಂತೊಸ್ ಪಾವ್ಲಾಂ. ಮಾತ್ಯಾರ್ ಏಕ್ ಕುರೊವ್, ಹಾತಾಂತ್ ಏಕ್ ವಾತ್. ಮ್ಹಾಕಾ ಸರ್ವ್ ಉಡಾಸ್ ಯೆತಾ. ಮ್ಹಜ್ಯಾ ಪಯ್ಲ್ಯಾ ಕುಮ್ಗಾರಾಚ್ಯಾ ಸಂಭ್ರಮಾಚೆ. ಪೊದೊರ್ನಿನ್ ದಿಲ್ಲೆಂ ಇನಾಮ್ ಸಯ್ರಾಂನಿ ದಿಲ್ಲೆಂ ಇನಾಮ್. ಮ್ಹಜಿ ಮತ್ ಏಕ್ ಘಡಿ ರಾವ್ತಾ. ಆದ್ಲ್ಯಾ ವರ್ಸಾ ಮ್ಹಜಾ ಪುತಾಚೊ ಕುಮ್ಗಾರ್ ಜಾಲೊ. ಪುತಾನ್ ತಾಚ್ಯಾ ಕಾಜಾರಾಚಿ ಏಕ್ ಕೂಸ್ ದಾಕಯಿಲ್ಲ್ಯಾಬರಿ ತೆಂ ಆಚರಣ್ ಕರುಂಕ್ ಸಾಂಗ್ಲೆಂ. 'ತೆಂ ಜಾಯ್, ಹೆಂ ಕರುಂಕ್ ಜಾಯ್. ತಾಕಾ ಆಪಯ್ಜೆ.....'. ಹಾಂವೆಂ ಕಿತೆಂ ಕೆಲೆಂ. ತ್ಯಾ ಮ್ಹಜ್ಯಾ ಪುತಾನ್ ಆಶೆಲ್ಲೆಬರಿ ಕೆಲೆಂ. "ತಾಚೊ ಪಯ್ಲೊ ಕುಮ್ಗಾರ್" ಹಾಂವ್ ಮ್ಹಾಕಾಚ್ ಸಮಾಧಾನ್ ಕರುಂಕ್ ಪಡ್ಲೊಂ.
ಹಾಂವೆಂ ಆನ್‌ಏಕ್ ಅಲ್ಬಮ್ ಉಗ್ತೊ ಕೆಲೊ. ಮ್ಹಜ್ಯಾ ರೊಸಾಚೊ. ತಿ ರೊಸಾಚಿ ಸೆರೆಮನಿ. ತ್ಯೊ ವೊವ್‌ಯೊ....ಬಾಯ್ಲಾಂ... ಬಾಯ್ಲಾಂ... ಮದ್ಯೆಂ ವೊವ್ಯೆಂತ್ ಪಂತಾಟ್ ಆನಿ ಎಕ್ಲೆ ಪ್ರಾಸ್ ಆನ್‌ಎಕ್ಲಿ ಹುಶ್ಯಾರ್. ಎಕಾಪ್ರಾಸ್ ಬರಿ ಆನ್‌ಏಕ್ ವೊವಿ. ಮ್ಹಜಿ ಆವಯ್, ಮ್ಹಜ್ಯೊ ಭಯ್ಣಿ... ಕುಟಮ್... ಇಶ್ಟ್.
ಹಾಂವೆ ಮ್ಹಜಿ ಮತ್ ಪಾಟಿಂ ವೆಚಿ ಆಡಯ್ಲಿ ನಾ.. ಮ್ಹಾಕಾ ದೂಕ್ ಭಗ್ಲೆಂ. ಕಿತ್ಲ್ಯಾ ವರ್ಸಾಂಚೊ ಉಡಾಸ್ ಹ್ಯಾ ಆಲ್ಬಮಾಚ್ಯಾ ತಸ್ವಿರೆಂನಿ ಜಿವೊ ಕೆಲೊ ಮ್ಹಣ್ ಚಿಂತುನ್. ಮ್ಹಜ್ಯಾ ಜಿಣ್‌ಯೆಂತ್ ಧರ್ಣಿ ಪಂದಾ ಲಿಪೊನ್ ಗೆಲ್ಲಿಂ ಘಡಿತಾಂ ಏಕಾಚ್‌ಫರಾ ಕಶಿಂ ಪರತ್ ಉಬಿಂ ಜಾಲಿಂಗಿ ಮ್ಹಣ್...
ಪೋರ್ ಹಾಂವ್ ಎಕಾ ರೊಸಾಕ್ ಗೆಲ್ಲೊಂ. ವೊವ್‌ಯೊ ಮ್ಹಣೂಂಕ್ ಮನ್ಶಾಂ ನಾಂತ್. ಎಕ್ಲಿ ಆಧುನಿಕ್ ರಿತಿರ್ ನ್ಹೆಸ್‌ಲ್ಲಿ ಎಕಾ ಬುಕಾಂತ್ಲ್ಯೊ ವೊವ್‌ಯೊ ವಾಚ್ತಾ. ಹಾಯ್ ದೆವಾ... ಖಂಯ್ ಗೆಲಿ ಆಮ್ಚಿ ಸಂಸ್ಕೃತಿ? ಖಂಯ್ ಗೆಲಿ ಆಮ್ಚಿ ಸಂಪ್ರದಾಯ್? ರೋಸ್ ಜಾತಾನಾ ಕಾಣ್ಗೆ ದರಬಸ್ತ್ ತಾಂತ್‌ಯಾಂ, ಟೊಮೆಟೊ ಆನಿ ಬಿಯರ್ ನೊವ್ರ್ಯಾ ವಯ್ರ್ ಮಾರ್‍ಲಿಂ. ಆದ್ಲಿ ಸೊಭಾಯ್ ಪಳೆಂವ್ಕ್ ಮ್ಹಾಕಾ ಆಲ್ಬಮಾಚಿ ಗರ್ಜ್ ಪಡ್ಲಿ.
ಹಾಂವೆಂ ಆನ್‌ಏಕ್ ಆಲ್ಬಮ್ ಉಗ್ತೊ ಕೆಲೊ. ಹಾಂವೆಂ ದುಕಿನ್ ದೊಳೆ ಧಾಂಪ್ಲೆ. ಮ್ಹಜಾ ಆವಯ್-ಬಾಪಯ್ಚೆ ಮೋರ್ನ್ ಚಿಂತುನ್ ಕಾಳಿಜ್ ಹಾಲ್ಲೆಂ. ಏಕ್ ತೇಂಪ್ ಆಸ್‌ಲ್ಲೊ. ತಾಂಚೆ ಉಲವ್ಣೆಂ ಹಾಸೊ, ಮೋಗ್ ಆನಿ ಸಂಸ್ಕಾರ್ ಆಮ್ಚ್ಯಾ ಘರಾಂತ್ ಉಟೊನ್ ದಿಸ್ತಾಲೊ. ಆತಾಂ ತಿ ಉರ್ಬಾ, ತಾಂಚೊ ಉಡಾಸ್, ಫಕತ್ ಉಡಾಸ್ ಮಾತ್. ಹ್ಯಾ ಸಂಸಾರಾಂತ್ ಜಿಯೆವ್ನ್ ಮ್ಹಜ್ಯಾ ಆವಯ್-ಬಾಪಯ್ಕ್ ನಿಯಾಳುಂಕ್ ಆಲ್ಬಮಾಚಿ ಗರ್ಜ್ ಪಡ್ಲಿ. ಸಾದೆಂ ಮರಣ್. ಸಾದೆ ಮರ್ಣಾಂ ಉಪ್ರಾಂತ್ಲಿ ಕಾಮಾಂ.
ಪೋರ್ ಏಕ್ ಮೋರ್ನ್ ಜಾಲ್ಲೆಂ. ಹಾಂವ್ ಮರ್ಣಾಕ್ ಗೆಲ್ಲೊಂ. ಥಂಯ್ ವಿಡಿಯೊ, ಫೊಟೊ ಆನಿ ಬೇಂಡ್ ಸರ್ವ್ ಆಸ್‌ಲ್ಲೆಂ. ಕಾಂಯ್ ಚುಕ್‌ಲ್ಲೆಂ ತರ್ ನಾಚ್ ವಾ ರಂಗಾಳ್ ತೊರ್ಣಾಂ. ದುಕೆಸ್ತಾಂಚ್ಯಾ ಘರಾ ರಾತಿಂ ಜೆವ್ಣಾಕ್ ಮಾತ್ ಸೊರೊ....
ಮ್ಹಾಕಾ ಜೇಂವ್ಕ್ ಕಶ್ಟ್ ಜಾಲ್ಲೆ.
ಎಕಾ ಆಲ್ಬಮಾಂತ್ ಆಮಿ ಸರ್ವ್ ಪಳೆತಾಂವ್. ಸರ್ವ್ ಪಾಟ್ಲೆಂ ನಿಯಾಳ್ತಾಂವ್. ವಿಸ್ರೊನ್ ಗೆಲ್ಲಿಂ ಘಡಿತಾಂ, ಲಿಪ್‌ಲ್ಲ್ಯೊ ಕುಡಿ, ಅಮರ್ ಜಾಲ್ಲೆ ಸಂದರ್ಭ್, ಆಮ್ಕಾಂ ಆಲ್ಬಮಾತ್ ಮೆಳ್ತಾತ್.
ಆಲ್ಬಮ್......
ಜಿವಿತ್ ಏಕ್ ಆಲ್ವಮ್. ಪಾಟ್ಲಿಂ ಘಡಿತಾಂ ನಿಯಾಳುಂಕ್, ಫೊಟೊ ಭರ್‌ಲ್ಲಿಂ ಆಲ್ವಮಾಂ ಪಳೆತಾನಾ ಆಮ್ಕಾಂ ಸರ್ವ್ ಉಡಾಸ್ ಯೆತಾ. ಅಸ್ಕತ್ ಉಡಾಸಾಕ್, ತತ್ಕಾಲಾಕ್ ಉಡಾಸಾಚಿ ಗುಳಿ ಅಲ್ಬಮ್ ಅಮ್ಕಾಂ ದಿತಾತರ್ ಆಮ್ಕಾಂ ಜಿವಿತ್ ಮ್ಹಳ್ಳ್ಯಾ ಆಲ್ಬಮಾಕ್ ಪಳೆಂವ್ಚೆಂ ಕೆದ್ನಾಂ?
ಕೆದ್ನಾಂ ?
ಸದಾಂ ನಿದ್ಚ್ಯಾ ಪಯ್ಲೆಂ ಆಮಿ ಪಾಶಾರ್ ಕೆಲ್ಲ್ಯಾ ದಿಸಾಚೊ ಉಡಾಸ್ ಕರ್ನ್ ಬರೆಂ, ಪಾಡ್, ಅನೀತ್ ಆನಿ ಅಸ್ಕತ್ಕಾಯೆನ್ ಕೆಲ್ಲ್ಯಾ ಕಾಮಾಚೊ ಏಕ್ ವಿಮರ್ಸೊ ಕೆಲ್ಯಾರ್, ಸದಾಂಯ್ ಆಮ್ಚ್ಯಾ ದಿಸಾಚೊ ಆಲ್ಬಮ್ ಪಳೆಯಿಲ್ಲ್ಯಾಬರಿ ಜಾಯ್ತ್. ಬರೆಂ ಕೆಲ್ಲ್ಯಾ ಕಾಮಾಕ್ ದೆವಾಕ್ ಹೊಗೊಳ್ಸುನ್, ಪಾಡ್ ಕೆಲ್ಲ್ಯಾ ಕಾಮಾಕ್ ದೆವಾಲಾಗಿಂ ಮಾಫ್ ಮಾಗೊನ್, ದುಸ್ರ್ಯಾಂಕ್ ಕೆಲ್ಲ್ಯಾ ಅನ್ಯಾಯಾಚೊ ವಿಮರ್ಸೊ ಕರ್ನ್, ಎಕ್ ನವೊ ಆಲ್ಬಮ್ ಕರುಂಕ್ ಖಂಡಿತ್ ಸಾಧ್ಯ್ ಆಸಾ.
ನವೊ ಆಲ್ಬಮ್ !
ಫೊಟೊಗ್ರಾಫರಾನ್ ಮುದ್ರಿತ್ ಕೆಲ್ಲೆಂ ಪಿಂತುರ್ ಪರ್‍ನ್ಯಾ ಆಲ್ಬಮಾಂತ್ ಪರ್‍ನೊ ಉಡಾಸ್ ಜಿವೊ ಕರ್ತಾ. ಜಿಣ್‌ಯೆಚ್ಯಾ ನವ್ಯಾ ಆಲ್ಬಮಾಂತ್ ಮ್ಹಜಿ, ತುಜಿ ವಾ ತಾಚಿ ನವ್ಯಾ ಜಿವಿತಾಚಿ ಸುರ್ವಾತ್ ಜಾತಾ.
Tags:
Jemma Padil. Konkani, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
Our Address
Mangalore
 | Contact Person : Mr. Praveen Tauro |
Email : praveen@maibhaas.com
Phone : +91 99 80 184340
Address :
Daijiworld.com,
Airport Road,
opp. Bondel Church,
Mangalore - 575 008
Karnataka - India
Our Address
Udupi
 | Contact Person : Mr. Joel D'almeida |
Email : joel@maibhaas.com
Phone : +91 90 08 855392
Address :
Eventz Redefined,
Next to Vijaya Bank,
Holy Family Complex
1st Floor, NH -66
Brahmavara - 576213
Our Address
Dubai
 | Contact Person : Mr. Naveen Sequeira |
Email : editor@maibhaas.com
Phone : +97 150 755 4105
Address :
Master Mind IT Solutions,
UBL Building,
#402, 4th Floor
Bank Street - Bur Dubai
Dubai - UAE
3 Comment/s.
ಲೇಕಾನಾಂ ವಾಚುನ್ ಭಾರಿ ಖುಶಿ ಜಾಲಿ.
ಕಾಳ್ಜಾಕ್ ಲಾಗ್ಚ್ಯಾ ಬರಿಂ ಬರಂವ್ಕ್ ಜೆಮ್ಮಾಬ್ ಭಾರಿಚ್ ಹುಶಾರ್. ತಾಚಿಂ ಬರ್ಪಾಂ ವಾಚುಂಕ್ ಮ್ಹಾಕಾ ಬೊರಿಂ ಲಾಗ್ತಾತ್.
Good writing. Usually i am reading this section. As a sentimental i like this type of write ups. Keep writing...