From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಕಲ್ಯಾಣ್‌ಪುರಾಂತ್ ವೈಭವಿಕ್ ಕೊಂಕಣಿ ಸಂಭ್ರಮ್
Thursday, December 21, 2017'ಸಾಹಿತ್ಯಾ ಮುಖಾಂತ್ರ್ ಸಮಾಜ್‌ಸೆವಾ' ಮ್ಹಳ್ಳ್ಯಾ ಇರಾದ್ಯಾಚೆಂ ಸಹಮಿಲನ್ 'ಕೊಂಕಣಿ ಸಂಭ್ರಮ್', ದಸೆಂಬರ್ 17 ತಾರಿಕೆರ್, ಕಲ್ಯಾಣ್‌ಪುರಾಂತ್ಲ್ಯಾ ಮಿಲಾಗ್ರಿಸ್ ಕೊಲೆಜಿಚ್ಯಾ ಸಾಲಾಂತ್ ಆದೇಸಾಚೆಂ ಕಾರ್ಯೆಂ ಭೋವ್ ವೈಭವಿಕ್ ಥರಾನ್ ಚಲ್ಲೆಂ. ನಾಮ್ಣೆಚೊ ಕೊಂಕ್ಣಿ ಬರಯ್ಣಾರ್ ದಾಯ್ಜಿವರ್ಲ್ಡ್ ಮೀಡಿಯಾಚೊ ಸಂಚಾಲಕ್ ಮಾನೆಸ್ತ್ ವಾಲ್ಟರ್ ಡಿ'ಸೋಜ್ ನಂದಳಿಕೆನ್ ಕಾರ್ಯಾಚೆಂ ಉಗ್ತಾವಣ್ ಕೆಲೆಂ, ಮುಖೆಲ್ ಸಯ್ರೆ ಜಾವ್ನ್ ದೊ| ಆಸ್ಟಿನ್ ಡಿ'ಸೋಜ್ ಪ್ರಭು, ಉದ್ಯಮಿ, ಸಂಘಟಕ್ ಮಾನೆಸ್ತ್ ಪಾಸ್ಕಲ್ ಬಿ. ಪಿಂಟೊ ಪೆರ್ಮುದೆ, ಸಯ್ರೆ ಜಾವ್ನ್ ಉಜ್ವಾಡ್ ಪಂದ್ರಾಳ್ಯಾಚೆ ಸಂಪಾದಕ್ ಮಾ| ಬಾ| ಚೇತನ್ ಲೋಬೊ, ಕಾಪುಜಿನ್ ತಶೆಂಚ್ ಮಿಲಾಗ್ರಿಸ್ ಕೊಲೆಜಿಚೆ ಪ್ರಿನ್ಸಿಪಾಲ್ ಮಾನೆಸ್ತ್ ವಿನ್ಸಿ ಪಾಂಬೂರ್ ವೆದಿಚೆರ್ ಹಾಜರ್ ಆಸ್ಲೆ.
ಕಾರ್ಯಾಚೆ ಸುರ್ವಾತೆರ್ ನಾಮ್ಣೆಚೊ ಕಾರ್ಯೆಂ ಚಲಯ್ಣಾರ್ ಮಾನೆಸ್ತ್ ಜಿಯೋ ಆಗ್ರಾರಾನ್ ಪ್ರಸ್ತಾವಿಕ್ ಉತ್ರಾಂನಿ ಆಯ್ಚ್ಯಾ ಕಾರ್ಯಾಚಿ ತಶೆಂಚ್ ವಾವ್ರಾಚಿ ಕಿತ್ಯಾಕ್ ಗರ್ಜ್ ಮ್ಹಳ್ಳೆವಿಶಿಂ ಸಾಂಗ್ತಚ್, ಐಕಫಾಚ್ಯಾ ಯುವಜಣಾಂನಿ ಸ್ವಾಗತ್ ಗಿತಾಚೆಂ ಮಾಗ್ಣೆಂ ಕೆಲೆಂ. ವಿನ್ಸಿ ಪಾಂಬೂರಾನ್ ಸ್ವಾಗತ್ ಉಲವ್ಪ್ ಉಲಯ್ಲೊ. ಉದ್ಘಾಟಕಾಚ್ಯಾ ಉತ್ರಾಂನಿ ಉಲವ್ನ್ ವಾಲ್ಟರ್ ನಂದಳಿಕೆನ್, ಅಜೀಕ್ ಪಂಚ್ವೀಸ್-ತೀಸ್ ವರ್ಸಾದಿಂ ಕೊಂಕ್ಣಿ ಬರ್ಪಾಚಿ ಪಿಸಾಯ್/ಹವ್ಯಾಸ್ ಕಸೊ ಆಸ್ಲೊ ಆನಿ ಅಪ್ಲ್ಯಾ ತೆರಾ ವರ್ಸಾಂಚ್ಯಾ ಪ್ರಾಯೆರ್‌ಚ್ ಪಯ್ಲಿಂ; ಸವಾಲಾಂ-ಜಾಪಿ ಥಾವ್ನ್ ಸುರ್ವಾತ್ ಕರುನ್ ಉಪ್ರಾಂತ್ ಕಾಣ್ಯೊ ಬರಂವ್ಕ್ ಸುರು ಕೆಲೆಂ ಮ್ಹಳ್ಳೆವಿಶಿಂ ಆಧ್ಲೆ ಉಡಾಸ್ ಜಿವಾಳ್ ಕೆಲೆ. ತ್ಯಾ ವೆಳಾರ್ ತಾಂತ್ರಿಕ್ ಸಕ್ತೆಚೊ ಪಾಟಿಂಬೊ ಜಿತ್ಲೊ ನಾತ್ಲೊ ಜಿತ್ಲೊ ಆಜ್ ಆಸಾ, ಪುಣ್ ಆಜ್ ಅಮಿಂಚ್ ಬರವ್ಪಿ, ಅಮಿಂಚ್ ಸಂಪಾದಕ್, ಅಮಿಂಚ್ ವಿಮರ್ಶಕ್ ಆನಿ ಅಮಿಂಚ್ ವಾಚ್ಪಿ ಮ್ಹಳ್ಳಿ ಪರಿಸ್ಥಿತಿ ಆಯ್ಲ್ಯಾ ಮ್ಹಣಾಲೊ.
ಹಿಲರಿ ಡಿ'ಸಿಲ್ವಾ (ಪ್ರಸನ್ನ ನಿಡ್ಡೋಡಿ)ನ್ ಮೊಕ್ಳಿಕ್ ಜಾಂವ್ಕ್ ಆಸ್ಚ್ಯಾ ಬುಕಾಂಚಿ ಸವಿಸ್ತಾರ್ ವಳೊಕ್ ಕರುನ್ ದಿತಚ್ಚ್, ನಾಮ್ಣೆಚಿ ಕೊಂಕ್ಣಿ ಬರವ್ಪಿಣ್ ಮಾನೆಸ್ತಿಣ್ ಆಯ್ರಿನ್ ಪಿಂಟೊನ್ 'ಪಯ್ಣಾರಿ ಕ್ರಿಸ್ಮಸ್ ವಿಶೇಸ್ ಅಂಕೊ'ಚಿ ಮೊಕ್ಳಿಕ್ ಕೆಲಿ ತರ್, ಸಾಹಿತ್ಯ್ ಅಕಾಡೆಮಿ ಪ್ರಶಸ್ತಿ ಜಿಕ್ಪಿ ಮಾನೆಸ್ತ್ ಮೆಲ್ವಿನ್ ಲುದ್ರಿಗಾನ್ ಜೋನ್ ಸುಂಟಿಕೊಪ್ಪಾಚೊ ಫುಡ್ಲದ್ ಕವಿತಾ ಜಮೊ 'ಮೊನಿ ಬೋಬ್'ಚಿ ಮೊಕ್ಳಿಕ್ ಕೆಲಿ, ರಾಶ್ಟ್ರೀಯ್ ಪ್ರಶಸ್ಥಿ ಜಿಕ್ಪಿ ಆದರ್ಶ್ ಶಿಕ್ಷಕ್ ನಕ್ರೆಚೊ ಮಾನೆಸ್ತ್ ಜೋರ್ಜ್ ಕ್ಯಾಸ್ತಲಿನೊನ್ ವಲ್ಲಿ ಕ್ವಾಡ್ರಸಾಚೊ ದುಸ್ರೊ ಸಂಪಾದಕೀಯಾಂಚೊ ಜಮೊ 'ಮುಖಾಮುಖಿ' ಮೊಕ್ಳಿಕ್ ಕೆಲೊ, ತ್ಯಾ ಉಪ್ರಾಂತ್ ಮಾನೆಸ್ತ್ ಆಸ್ಟಿನ್ ಪ್ರಭುನ್, ದಿವ್ಯದೀಪ ಪ್ರಕಾಶನಾನ್ ಪರ್ಗಟ್ ಕೆಲ್ಲೊ ವಿನ್ಸಿ ಪಾಂಬೂರಾಚೊ ಫುಡ್ಲದ್ ಮಟ್ವ್ಯಾ ಕಾಣಿಯಾಂಚೊ ಜಮೊ 'ಮೆಲ್ಲ್ಯಾ ಪೆಟ್ಯಾ ಭಂವಾರಿಂ' ಬುಕಾಚಿ ಮೊಕ್ಳಿಕ್ ಕರ್ತಚ್, ಅಪ್ಲಿಂ ಭಗ್ಣಾಂ ಉಚಾರುನ್ ಜೋನ್ ಸುಂಟಿಕೊಪ್ಪನ್ ಕಶೆಂ ಅಪುಣ್ ಏಕ್ ಕೊಂಕ್ಣಿ ಭಾಶಿಕ್ ಜಾವ್ನ್ ಸಯ್ತ್ ಮಂಗ್ಳುರ್‌ಚ್ಯಾ ಕೊಂಕ್ಣಿ ಲೊಕಾಂಲಾಗಿಂ ಕೊಂಕ್ಣಿ ಉಲಯ್ತಾನಾ ಭಗ್ಚ್ಯಾಆ ಆಟೆವಿಟ್ಯಾಂವಿಶಿಂ, ತಶೆಂಚ್ ಆಪ್ಲ್ಯಾ ಸಾಹಿತಿಕ್ ಪಯ್ಣಾಚೆರ್ ಅಪ್ಣಾಕ್ ಆಧಾರ್ ದಿಲ್ಲೆ, ತಶೆಂಚ್ ದಿಂವ್ಚ್ಯಾ ಸರ್ವಾಂಚೊ ಉಪ್ಕಾರ್ ಆಟಯ್ಲೊ.
'ಸಾಧಕಾಂಕ್ ಪರ್ಗಟ್ ಮಾನ್' ಕಾರ್ಯಾಚೆ ಸುರ್ವಾತೆರ್ ಆದ್ಲ್ಯಾ ಪಯ್ಣಾರಿ ವಿಶೇಸ್ ಅಂಕೊ ಕಾರ್ಯಾವೆಳಾರ್ ಆಮ್ಚೆಸವೆಂ ಆಸುನ್ ಆಜ್ ಆಮ್ಚೆಥಾವ್ನ್ ಸಾಸ್ಣಾಕ್ ಆದೇವ್ಸ್ ಮಾಗುನ್ ಗೆಲ್ಲ್ಯಾ ಕೊಂಕ್ಣಿ ಬರವ್ಪ್ಯಾಂಚ್ಯಾ ಅತ್ಮ್ಯಾಕ್ ಶಾಂತಿ ಮಾಗೊನ್ ಏಕ್ ಮಿನುಟಾಚೆಂ ಮೌನ್ ಮಾಗ್ಣೆಂ ಜಾತಚ್ ಉಲವ್ನ್, ಆಮ್ಚ್ಯಾ ಭಾಸೆಚೆರ್ ಮಾನ್ ಯೆಂವ್ಚಿಂ ಕಾಮಾಂ ಆಮಿಂಚ್ ಕರುಂಕ್ ಜಾಯ್, ದೆಕುನ್ ತ್ಯಾ ಮಾನಾಕ್ ಆಮಿಂಚ್ ಯೋಗ್ಯ್ ಜಾಂವ್ಕ್ ಜಾಯ್, ಹೆರಾಂಚಿಂ ಕಾಮಾಂ ಪಳೆಂವ್ಚಿ ನದರ್ ಆಮ್ಚೆಥಂಯ್ ಆಸುಂಕ್ ಜಾಯ್ ಆನಿ 'ಆಮಿ ಮಾನ್ ದೀಂವ್ಕ್ ಶಿಕಾಜಯ್ ಶಿವಾಯ್ ಮಾನ್ ಕಾಡುಂಕ್ ನ್ಹಯ್'. ಕೊಂಕ್ಣೆಚ್ಯಾ ವೆವೆಗ್ಳ್ಯಾ ಶೆತಾಂನಿ ಮಹತ್ವಾಚಿ ದೇಣ್ಗಿ ದಿಲೆಲ್ಯಾ ಹ್ಯಾ ಸಾಧಕಾಂಕ್ ದಿಂವ್ಚೊ ಮಾನ್, ಆಮ್ಚ್ಯಾ ಕೊಂಕ್ಣೆಕ್ ಮಾನ್ ದಿಲ್ಲೆಪರಿಂ, ಆಮ್ಕಾಂ ದಿಂವ್ಚೊ ಮಾನ್ ಮ್ಹಳ್ಳೆಪರಿಂ ಮ್ಹಳೆಂ. ಜಿಯೋ ಆಗ್ರಾರ್, ಹಿಲರಿ ಡಿ'ಸಿಲ್ವಾ ಆನಿ ವಲ್ಲಿ ಕ್ವಾಡ್ರಸಾನ್ ಮಾನ್‌ಪತ್ರಾಂ ವಾಚ್ಲಿಂ. ಮಾನೆಸ್ತ್ ಜೆಮ್ಮಾ ಪಡೀಲಾನ್ ಮಾನೆಸ್ತ್ ವಲ್ಲಿ ವಗ್ಗ ಮಯ್ಸೂರ್ (ಸಾಹಿತ್ಯ್ - ಕಾಣಿಯೊ) ಹಾಂಕಾಂ, ಮಾನೆಸ್ತಿಣ್ ಗ್ಲೇಡಿಸ್ ರೇಗೊನ್ ಮಾನೆಸ್ತ್ ದೊ| ಆಸ್ಟಿನ್ ಪ್ರಭು (ಅಂತರ್‌ರಾಶ್ಟ್ರೀಯ್ ಕೊಂಕ್ಣಿ ಮಾನ್-ಮನಿಸ್) ಹಾಂಕಾಂ, ಮಾನೆಸ್ತಿಣ್ ಆಯ್ರಿನ್ ಪಿಂಟೊನ್ ಮಾನೆಸ್ತಿಣ್ ಕನ್ಸೆಪ್ಟಾ ಫೆರ್ನಾಂಡಿಸ್ ಆಳ್ವ (ಕೊಂಕ್ಣಿ ವಾವ್ರ್ - ಮಾಧ್ಯಮ್) ಹಾಂಕಾಂ ಪರ್ಗಟ್‌ಮಾನ್ ಕೆಲೊ. ಮಾನೆಸ್ತ್ ದೊ| ಎಡ್ವರ್ಡ್ ನಜ್ರೆತ್ (ಸಾಹಿತ್-ಲೇಕನಾಂ) ತರ್ಫೆನ್ 'ಬುಡ್ಕುಲೊ.ಕೊಮ್' ಚೊ ಸಂಪಾದಕ್ ಮಾನೆಸ್ತ್ ಡೋನಿ ಪಿರೇರಾನ್ ತಶೆಂಚ್ ಮಾನೆಸ್ತ್ ಜೆರಾಲ್ಡ್ ವಿ. ಕಾರ್ಲೊ (ಸಾಹಿತ್ - ಅನುವಾದ್) ತರ್ಪೆನ್ ರಾಕ್ಣೊ ಪತ್ರಾಚೊ ಆಧ್ಲ್ಯ್ ಸಹ-ಸಂಪಾದಕ್ ಮಾನೆಸ್ತ್ ಟೋನಿ ಫೆರೋಸ್ ಜೆಪ್ಪು ಹಾಣಿಂ ಮಾನ್ ಸ್ವೀಕಾರ್ ಕೆಲೊ. ಹೊ ಮಾನ್, ಮಾನ್‌ಪತ್ರ್, ಕಾಣಿಕ್ ಆನಿ ಯಾದಿಸ್ತಿಕಾ ಆಟಾಪ್ತಾ.
ಮಾನ್ ಆಪ್ಣಾಯಿಲ್ಲ್ಯಾಂ ತರ್ಫೆನ್ ಉಲಯಿತ್ತ್ ಆಸ್ಟಿನ್ ಪ್ರಭುನ್ 'ಕೊಂಕ್ಣಿ ವಾವ್ರ್' ಕರುಂಕ್ ಆಜ್ ಮಾತ್ರ್ ನ್ಹಯ್, ಅಜೀಕ್ ಚಾಳಿಸ್-ಪನ್ನಾಸ್ ವರ್ಸಾದಿಂ ಸಯ್ತ್ ಕಶ್ಟ್ ಆಸ್ಲೆ, ತ್ಯಾ ವೆಳಾರ್ ಸಯ್ತ್ ಆಮ್ಚ್ಯಾ ಚಡ್ತಾವ್ ಲೊಕಾಕ್ ಕೊಂಕ್ಣಿ ವಾವ್ರಾಕ್ ಪಾಟಿಂಬೊ ದೀವ್ನ್ ಕಳಿತ್ ನಾ. ತರ್‌ಯೀ ಹಟಾನ್ ಮ್ಹಳ್ಳೆಪರಿಂ ಥೊಡೆ ಹೊ ವಾವ್ರ್ ಕರುನ್‌ಚ್ ಆಸಾತ್. ಆಜ್ ಆಮಿ ಕೊಂಕ್ಣಿ ವಾವ್ರ್ ಕರಿಜಾಯ್ ಫಕತ್ತ್ ಆಮ್ಚ್ಯಾ ಆತ್ಮ್ ತೃಪ್ತೆಕ್ ಮಾತ್ರ್ ಶಿವಾಯ್ ಕೊಂಕ್ಣೆಥಾವ್ನ್ ಕಸಲೆಂಚ್ ಜೊಡುಂಕ್ ಸಾಧ್ಯ್ ನಾ ಬಗಾರ್ ಹೊಗ್ಡಾಂವ್ಕ್‌ಚ್ ಪಡ್ಚೆಂ ಚಡ್ ಮ್ಹಣಾಲೊ.
T3 ಪ್ರಾಯೋಜಿತ್ ಪಯ್ಣಾರಿ ಸಾಹಿತಿಕ್ ಸ್ಪರ್ಧ್ಯಾಂತ್ ಇನಾಮಾಂ ಜೊಡ್‌ಲ್ಲ್ಯಾಂಚಿಂ ನಾಂವಾಂ ಪ್ರಸನ್ನ ನಿಡ್ಡೋಡಿನ್ ಘೋಶಿತ್ ಕೆಲಿಂ; ಮೆಲ್ವಿನ್ ಜೆ. ವಾಸ್ ಕೆಲರಾಯ್ (ಮಟ್ವಿ ಕಾಣಿ), ಜೂಲಿಯೆಟ್ ಮೋರಸ್, ಪಾವ್ಲ್ ಮೋರಸ್ (ಲೇಕನಾಂ), ಮೆಲ್ವಿನ್ ಜೆ. ವಾಸ್, ಆನಿ ಜೋನ್ ಸುಂಟಿಕೊಪ್ಪ (ಕವಿತಾ), ತಶೆಂಚ್ ಪಯ್ಣಾರಿ.ಕೊಮ್ ಚೆರ್ ಆಸಾ ಕೆಲ್ಲ್ಯಾ ಮಯ್ನ್ಯಾಳ್ಯಾ 'ಚಿತ್ರಾಂ ವಿಚಿತ್ರಾಂ' ಸ್ಪರ್ಧ್ಯಾಂತ್ ಮಯ್ನ್ಯಾಳೆ ಕವಿ ಜಾಲ್ಲ್ಯಾಂಕ್ ಸಂಗೀತ್ ಸಾಮ್ರಾಟ್ ಮಾನೆಸ್ತ್ ಹೆನ್ರಿ ಡಿ'ಸೋಜ್, ಆದ್ಲೊ ಆಮ್ಚೊ ಯುವಕ್ ಸಂಪಾದಕ್ ಮಾನೆಸ್ತ್ ರೋಬರ್ಟ್ ಫುರ್ಟಾಡೊ ಸಾಸ್ತಾನ್, ಪಾಸ್ಕಲ್ ಪಿಂಟೊ ಆನಿ ವಾಲ್ಟರ್ ನಂದಳಿಕೆನ್ ಇನಾಮಾಂ ವಾಂಟ್ಲಿಂ.
ಪ್ರಮುಕ್ ಉಲವ್ಪಾಂತ್ ನಾಮ್ಣೆಚೊ ಬರವ್ಪಿ/ಉಲವ್ಪಿ ಮಾನಾಧಿಕ್ ಚೇತನ್ ಲೋಬೊನ್, 'ಆಯ್ಚ್ಯಾ ಕಾಳಾರ್ ಎಕಾ ಬರವ್ಪ್ಯಾಚಿ ಜವಾಬ್ದಾರಿ ಕಸಲಿ?' ಮ್ಹಳ್ಳೆವಿಶಿಂ ಸವಿಸ್ತಾರ್ ರಿತಿನ್ ಉಲಯ್ಲೊ. ಸತ್, ನಯ್ತಿಕ್ ಮವ್ಲ್ಯಾಂವಿಶಿಂ ಆಮಿಂ ಸುಕಿಂ ಉತ್ರಾಂ ಬರಂವ್ಚ್ಯೆಪ್ರಾಸ್ ಪಯ್ಲೆಂ ಆಮಿಂ ಪ್ರಾಮಾಣಿಕ್ ಜಾವ್ನ್ ತಿಂ ಆಮ್ಚ್ಯಾ ಜಿಣ್ಯೆಕ್ ಕಿತ್ಲಿಂ ಲಗ್ತಿ ಜಾತಾತ್ ಮ್ಹಳ್ಳೆಂ ಪಾರ್ಕುಂಚಿ ಗರ್ಜ್ ಮ್ಹಣಾಲೊ. ಆಮಿ ಬರಯಿಲ್ಲೆಂ ಸಕ್ಕಡ್ ಸಾಹಿತ್ ಜಾಯ್ನಾ ದೆಕುನ್ ಆಮಿ ಬರಂವ್ಚ್ಯಾ ಆದಿಂ ಆಮಿ ಸಮ್ಜುಂಕ್ ಜಾಯ್. 'ಲಿಖ್ಣಿ ತಾಲ್ವಾರೆಚ್ಯಾಕೀ ಬಳಿಶ್ಟ್ ಹಾತೆರ್' ಜಾವ್ನಾಸ್ತಾಂ, ಆಮಿಂ ಹ್ಯಾ ಸಕ್ತೆಚೊ ಬರೊ ಉಪೇಗ್ ಕರ್ಚಿ ಗರ್ಜೆವಿಶಿಂ ಧಾಕ್ಲೆ ದಿವುನ್ ಉಲಯ್ಲೊ.
ತ್ಯಾ ಉಪ್ರಾಂತ್ ವಲ್ಲಿ ಕ್ವಾಡ್ರಸಾಚ್ಯಾ ಅಧ್ಯಕ್ಷ್ ಪಣಾಖಾಲ್ ಚಲ್‌ಲ್ಲ್ಯಾ ಕವಿತಾಗೋಶ್ಟಿಂತ್ ನಾಮ್ಣೆಚೆ ಕವಿ ಮಾನೆಸ್ತ್ ಆಂಡ್ರು ಎಲ್ ಡಿ'ಕುನ್ಹಾ, ಜೋನ್ ಸುಂಟಿಕೊಪ್ಪ, ಮೆಲ್ವಿನ್ ಜೆ. ವಾಸ್, ರಿಚ್ಚಿ ಪಿರೇರ್, ಕ್ಯಾಥರಿನ್ ರೊಡ್ರಿಗಸ್ ಕಟ್ಪಾಡಿ ಆನಿ ಆಂಟನಿ ಬಾರ್ಕೂರ್ ಹಾಣಿಂ ಆಪ್ಲಿಂ ಕವಿತಾ ಪ್ರಸ್ತುತ್ ಕೆಲಿಂ.
ಅಖ್ರೇಚ್ಯಾ 'ಕಾವ್ಯ - ಕಥಾರಂಗ್' ಕಾರ್ಯಾಂತ್, ನಾಮ್ಣೆಚೊ ಯುವನಿರ್ದೇಶಕ್ ಕ್ರಿಸ್ಟಿ ನೀನಾಸಂ ಆನಿ ಪಾದ್ವಾ ಕೊಲೆಜಿಚ್ಯಾ ನಾಟಕ್ ಪಂಗ್ಡಾಥಾವ್ನ್ ಚಾ.ಫ್ರಾ. ದೆಕೋಸ್ತಾ, ಟಯ್ಟಸ್ ನೊರೊನ್ಹಾ ಹಾಂಚ್ಯಾ ಕವಿತೆಂಚೆರ್ ನಟನ್, ತಶೆಂಚ್ ಬಾತ್ತಿ ಕೆಲರಾಯ್ ಹಾಚೊ 'ಘಡ್ಗಡೊ' ತಶೆಂಚ್ ವಲ್ಲಿ ಕ್ವಾಡ್ರಸಾಚ್ಯಾ 'ಸಛ್ ಕಾ ಸಾಮ್ನಾ' ಕಾಣಿಯೆಚೆರ್ ಕಥಾರಂಗ್ ಖೆಳವ್ನ್, ಹಾಜರ್ ಆಸ್‌ಲ್ಲ್ಯಾ ಶೆಂಭೊರಾಂ ವಯ್ರ್ ಲೊಕಾಂಕ್ ಭರ್ಪೂರ್ ಧಾದೊಸ್ ಕೆಲೆಂ. ಕಾವ್ಯ-ಕಥಾರಂಗಾಂತ್ ವಾಂಟೆಲಿ ಜಾಲ್ಲ್ಯಾಂಕ್ ಆಂಡ್ರು ಎಲ್. ಡಿ'ಕುನ್ಹಾನ್ ಇನಾಮ್ ವಾಂಟ್ತಚ್, ವಲ್ಲಿ ಕ್ವಾಡ್ರಸಾನ್ ಉಪ್ಕಾರ್ ಆಟಯ್ಲೊ.
ಕಾರ್ಯಾಕ್ ಹಾಜರ್ ಜಾಲ್ಲ್ಯಾಂಕ್ ಸಕಾಳಿಂ ಕಾಫಿ-ಫಳಾರ್ ತಶೆಂಚ್ ದನ್ಪಾರಾಂ ಜೆವ್ಣಾಚಿ ವಿಲೇವಾರಿ ಕೆಲ್ಲಿ. ಜಿಯೋ ಆಗ್ರಾರಾನ್ ಹೆಂ ಸಗ್ಳೆಂ ಕಾರ್ಯೆಂ ಅಪುರ್ಬಾಯೆನ್ ಚಲಯ್ಲೆಂ.
Tags:
Valley Quadrus, Konkani Poetry, Pionnari, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
-
-
-
-
3/14/2019 'ಚಂದ್ರ್ ಆನಿ ತಾರಾಂ' ಪುಸ್ತಕ್ ಮೊಕ್ಳಿಕ್...
-
10/29/2018 'ಸಂಸ್ಕೃತಿ ಆನಿ ಸಂಭ್ರಮ್' - ಪುಸ್ತಕ್ ಉಗ್ತಾವಣ್...
-
10/9/2018 ದುಬಾಂಯ್ತ್ ''ಗೀತ್ ಗಜಾಲ್''...
-
-
-
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
0 Comment/s.