From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಉಡುಪಿಂತ್ ಕೊಂಕಣಿ ಜಾಗೃತಿ ಅಭಿಯಾನಾಕ್ ಚಾಲನ್
Wednesday, June 15, 2016
ಕರ್ನಾಟಕ ಕೊಂಕ್ಣಿ ಸಾಹಿತ್ಯ್ ಅಕಾಡೆಮಿನ್ ಕಾರವಾರಾಂತ್ 100 ಆನಿ ದಕ್ಷಿಣ್ ಕನ್ನಡಾಂತ್ 112 ಶಾಳಾಂಕ್ ಭೆಟ್ ದೀವ್ನ್ ಕೊಂಕ್ಣಿ ಶಿಕ್ಪಾ ವಿಶಿಂ ಜಾಗೃತಿ ಉಬ್ಜಯಿಲ್ಲೆಂ ಅಭಿಯಾನ್ 14/06/2016 ಥಾವ್ನ್ ಉಡುಪಿ ಜಿಲ್ಲಾ ಮಟ್ಟಾರ್ ಸುರ್ವಾತ್ಲೆಂ. ವಳಕಾಡು ಸರಕಾರಿ ಹೈಸ್ಕೂಲಾಂತ್ ಆಸಾ ಕೆಲ್ಲ್ಯಾ ಕಾರ್ಯಾಂತ್ ಶಿಕ್ಷಣಾಧಿಕಾರಿ ಅಶೋಕ್ ಕಾಮತ್ ಹಾಣೆಂ ಶಿಕ್ಷಕಾಂಕ್ ಕೊಂಕ್ಣಿ ಬಾವ್ಟೊ ತಶೆಂಚ್ ಪುಸ್ತಕಾಲಯಾಕ್ ಪುಸ್ತಕಾಂ ಹಾತಾಂತರ್ ಕರುನ್ ಹ್ಯಾ ಕಾರ್ಯಾಕ್ ಚಾಲನ್ ದಿಲೆಂ. ಖಂಚಿಯ್ ಏಕ್ ಭಾಸ್ ಶಿಕ್ಚ್ಯಾಂತ್ ಫಕತ್ ಲಾಭ್ ಕಿತೆಂ ಮ್ಹಣ್ ವಿಚಾರ್ಚೆಂ ಭೊಗ್ಣಾಂವೀಣ್ ಚಿಂತಪ್. ಭಾಸ್ ಫಕತ್ ಪೊಟಾಗ್ರಾಸ್ ಜೊಡುನ್ ದಿಂವ್ಚ್ಯಾಕ್ ಮಾತ್ರ್ ಆಸ್ಚಿ ನ್ಹಯ್. ಅಸ್ಮಿತಾಯ್ ಮ್ಹಳ್ಳಿ ಗಜಾಲ್‌ಯಿ ಆಸಾ. ಎಕಾ ಪಿಳ್ಗೆನ್ ಭಾಸ್ ಶಿಕ್‌ಲ್ಲ್ಯಾನ್ ತಿ ಸಂಸ್ಕೃತಿ, ಪರಂಪರಾ ತ್ಯಾ ಪಿಳ್ಗೆಕ್ ಪಾಶಾರ್ ಜಾತಾ, ಉರ್ತಾ ಆನಿ ವಾಡ್ತಾ ಮ್ಹಣ್ ಆಪ್ಲ್ಯಾ ಸಂದೇಶಾಂತ್ ತಾಣೆಂ ಸಾಂಗ್ಲೆಂ.
ಸ್ವಾಗತ್ ಕರುನ್ ಪ್ರಸ್ತಾವಿಕ್ ಉಲಯಿಲ್ಲ್ಯಾ ಅಕಾಡೆಮಿ ಅಧ್ಯಕ್ಷ್ ರೊಯ್ ಕ್ಯಾಸ್ತೆಲಿನೊನ್ ಕೊಂಕ್ಣಿ ಶಿಕ್ಷಣ್ ಚಲುನ್ ಆಯಿಲ್ಲಿ ವಾಟ್ ವಿವರಾವ್ನ್, ಚಡ್ ಆನಿ ಚಡ್ ಭುರ್ಗ್ಯಾಂನಿ ಕೊಂಕ್ಣಿ ಶಿಕ್ಲ್ಯಾರ್ ಮಾತ್ರ್ ಪಿಯುಸಿಂತ್ ಕೊಂಕ್ಣಿ ಯೆತಾ, ಕೊಂಕ್ಣಿ ಶಿಕೊವ್ಪಿ ಫಾವೊ ಜಾತಾತ್, ಹಿ ನಿರಂತರತಾ ಉರ್ತಾ ಮ್ಹಣ್ ಸಾಂಗ್ಲೆಂ.
ಹ್ಯಾ ವೆದಿ ಥಾವ್ನ್ ಅಕಾಡೆಮಿನ್ ಪರ್ಗಟ್ಲಲಿಂ ದೋನ್ ಪುಸ್ತಕಾಂ ಲೊಕಾರ್ಪಣ್ ಜಾಲಿಂ. ಮನು ಬಜಾಲ್ ಹಾಣೆಂ ಬರಯಿಲ್ಲೆಂ 'ಪರಿಸರಾಚ್ಯೆ ವೆಂಗೆಂತ್' ಕಾದಂಬರಿ, ಮಂಗ್ಳುರ್ ವಿವಿಚ್ಯಾ ಅಕಾಡೆಮಿ ಕೌನ್ಸಿಲ್ ಆನಿ ಕೊಂಕ್ಣಿ ಅಧ್ಯಯನ ಪೀಠಚೊ ಸಾಂದೊ ಅಮೃತ್ ಶೆಣೈ ಹಾಣೆಂ ತಶೆಂಚ್ ಓಂ ಗಣೇಶ್, ಉಪ್ಪುಂದಾ ಹಾಣೆಂ ಅನುವಾದ್ ಕೆಲ್ಲೊ ನಾಟಕ್ 'ನಾಣಿಭಟ್ಟಾಲೆ ಸ್ವರ್ಗಾಚೆ ಸಪನ' ವಿಶ್ವ ಕೊಂಕ್ಣಿ ಕೇಂದ್ರಾಚೊ ಕಾರ್ಯದರ್ಶಿ ನರೇಶ್ ಕಿಣಿನ್ ಉಗ್ತಾಯ್ಲೊ.
ವೆದಿರ್ ನಾಗಭೂಷಣ್ ಸೇಟ್, ಇಂದೂ ಆರ್ ಭಟ್, ಶೈಲಾ ಫೆರ್ನಾಂಡಿಸ್, ಪೂರ್ಣಿಮಾ ಸುರೇಶ್, ದಯಾನಂದ ನಾಯಕ್ ಆನಿ ದೊನಿ ಶಾಳೆಚಿಂ ಮುಖೆಲ್ ಶಿಕೊವ್ಪಿ ನಿರ್ಮಲ ಆನಿ ಕುಸುಮಾ ಹಾಜರ್ ಆಸ್‌ಲ್ಲಿಂ. ಕಾವ್ಯ, ಗೌರಿ, ಚೈತ್ರ ಆನಿ ಜಾಗೃತಿ ಹಾಣಿ ಪ್ರಾರ್ಥನ್ ಗೀತ್ ಗಾಯ್ಲೆಂ ತರ್ ರಿಜಿಸ್ಟ್ರಾರ್ ಡಾ| ಬಿ. ದೇವದಾಸ ಪೈ ಹಾಣೆಂ ಧನ್ಯವಾದ್ ಪಾಟಯ್ಲೆ. ವಿತೊರಿ ಕಾರ್ಕಳಾನ್ ಕಾರ್ಯೆಂ ಚಲಯ್ಲೆಂ. ಅಕಾಡೆಮಿ ಸಾಂದೆ ಕಮಲಾಕ್ಷ ಶೇಟ್ ಆನಿ ಶೇಖರ್ ಗೌಡ ಹಾಜರ್ ಆಸ್‌ಲ್ಲೆ.
ಉಪ್ರಾಂತ್ ಉದ್ಯಾವರ್, ಪಾಂಗ್ಳಾ ಆನಿ ಬೆಳ್ಮಣ್ ಪರಿಸರಾಂತ್ಲ್ಯಾ ಶಾಳೆಂನಿ ಅಭಿಯಾನ್ ಚಲ್ಲೆಂ. ಸಾಹಿತಿ ರೊನ್ ರೋಚ್ ಕಾಸ್ಸಿಯಾ, ಜೆ.ಎಫ್. ಅತ್ತಾವರ್, ಮನು ಬಜಾಲ್, ಕೊಂಕ್ಣಿ ಪ್ರಚಾರ್ ಸಂಚಾಲನಾಚೊ ಕಾರ್ಯದರ್ಶಿ ಜೇಮ್ಸ್ ಡಿಸೋಜ, ಸ್ಟ್ಯಾನ್ಲಿ ಬಂಟ್ವಾಳ್, ಸೂರಜ್, ಮೊಬೈಲ್ ಬಜಾರಾಚೆ ಸಂದೀಪ್, ಡೆನಿಸ್, ಸುನೀಲ್ ಹಾಜರ್ ಆಸ್‌ಲ್ಲೆ. ಮದರ್ ತೆರೆಜಾ ಬ್ರಾಸ್‌ಬ್ಯಾಂಡ್ ಸಾಂದ್ಯಾಂನಿ ಸಾಂಗಾತ್ ದಿಲೊ.
Tags:
Konkani Abhiyan. Konkani Sahithy Academy, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
-
-
-
-
3/14/2019 'ಚಂದ್ರ್ ಆನಿ ತಾರಾಂ' ಪುಸ್ತಕ್ ಮೊಕ್ಳಿಕ್...
-
10/29/2018 'ಸಂಸ್ಕೃತಿ ಆನಿ ಸಂಭ್ರಮ್' - ಪುಸ್ತಕ್ ಉಗ್ತಾವಣ್...
-
10/9/2018 ದುಬಾಂಯ್ತ್ ''ಗೀತ್ ಗಜಾಲ್''...
-
-
-
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
0 Comment/s.