From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಮ೦ಗ್ಳುರ್ಚಿ ಮದರ್ ತೆರೆಜಾ ಆನಿ ನಾ
Monday, January 23, 2017
ದುಬ್ಳ್ಯಾ ಧಾಕ್ಟ್ಯಾ೦ಚಿ ನಿಸ್ವಾರ್ಥ್‌ಪಣಿ ಸೆವಾ ಕರುನ್ ಕ್ರಿಸ್ತಾಚೊ ಸ೦ದೇಶ್ ಕಾರ್ಯರುಪಿ೦ ಪರ್ಗಟುನ್ 'ಮ೦ಗ್ಳುರ್ಚಿ ಮದರ್ ತೆರೆಜಾ' ಮ್ಹಣ್ ನಾ೦ವಾಡ್ಲಲಿ ಜೂಡಿತ್ ಮಸ್ಕರೇನ್ಹಸ್ ಹ್ಯೆಚ್ ಜನೆರ್ 9ವೆರ್ 'ಪ್ರಶಾ೦ತ್ ನಿವಾಸ್' ಜೆಪ್ಪು, ಹಾ೦ಗಾಸರ್ ಅ೦ತರ್ಲಿ. ಸರ್ತಾನಾ ತಿಕಾ 85 ವರ್ಸಾ೦ ಪ್ರಾಯ್.
'ದ ಫ್ಲವರೆಟ್' - ಮ೦ಗ್ಳುರ್ಚಾ ಮಲ್ಲಿಕಟ್ಟೆ೦ತ್ ಜೂಡಿತ್ ಮಸ್ಕರೇನ್ಹಸಾಚೆ೦ ಘರ್. ಸಕಾಳಿ೦ ಸಾತ್ ವೊರಾರ್‌ಚ್ ತಿಚಾ ಘರಾ ಬಾಗ್ಲಾರ್ ದುಬ್ಳ್ಯಾ ಧಾಕ್ಟ್ಯಾ೦ಚೊ, ಗರ್ಜೆವೊ೦ತಾ೦ಚೊ, ಕೊಡ್ಕಾರ್ ಪಿಡೆಸ್ತಾ೦ಚೊ ಆನಿ ದುಬ್ಳ್ಯಾ ವಿದ್ಯಾರ್ಥಿ೦ಚೊ ಜಮೊ ಪಳೆ೦ವ್ಕ್ ಮೆಳ್ತಾಲೊ. ಮ೦ಗ್ಳುರ್ ಶಹರಾ೦ತ್ಲ್ಯಾ ಆನಿ ಶಹರಾ ಭಾಯ್ಲ್ಯಾ ದುಬ್ಳ್ಯಾ ಧಾಕ್ಟ್ಯಾ೦ಚಾ, ನಿರ್ಗತಿಕಾ೦ಚಾ ಆನಿ ಶೋಶಿತಾ೦ಚಾ ಹಕ್ಕಾ೦ ಆನಿ ಸವ್ಲತಾಯೆ೦ ಪಾಸತ್ ವಾವುರ್ಲೆಲಿ ಜೂಡಿತ್ ಮಸ್ಕರೇನ್ಹಸ್ ಕೊ೦ಕ್ಣಿ ಕಥೊಲಿಕ್ ಸಮುದಾಯಾನ್ ದೆಕ್‌ಲ್ಲಿ, ಸಮಾಜ್ ಸೆವೆಕ್ ಆಪ್ಣಾಕ್‌ಚ್ ಪರಿಪೂರ್ಣ್ ಥರಾನ್ ಸಮರ್ಪಿತ್ ಕೆಲ್ಲಿ, ಸಾ೦ ಮದರ್ ತೆರೆಜಾಚ್ಯಾ ಮೆಟಾ೦ನಿ ಚಲೊ೦ಕ್ ಪ್ರಯತನ್ ಕರುನ್ 'ಮ೦ಗ್ಳುರ್ಚಿ ಮದರ್ ತೆರೆಜಾ' ಮ್ಹಣ್ ನಾ೦ವಾಡ್ಲೆಲಿ ಏಕ್ ಭೋವ್ ಆಪುರ್ಬಾಯೆಚಿ, ಅಪ್ರೂಬ್ ತಶಿಚ್ ಅಪೂರ್ವ್ ಸ್ತ್ರೀ.
ಶಿಕ್ಶಕಿ - ಸಮಾಜ್ ಸೆವಕಿ :
ಜೂಡಿಬಾಯ್ ಎಕಾ ದೇವ್ ಭಿರಾ೦ತಿಚಾ ಕುಟ್ಮಾ೦ತ್ ಜಲ್ಮೊನ್ ವ್ಹಡ್ ಜಾಲ್ಲಿ. ತಿಚೊ ಬಾಪಯ್ 'ಕೊ೦ಕ್ಣಿ ದಿರ್ವೆ೦' ಪತ್ರಾಚೊ ಸ್ಥಾಪಕ್ ಸ೦ಪಾದಕ್ ಆನಿ 'ಅಬ್ರಾ೦ವ್ಚೆ೦ ಯಜ್ನದಾನ್' ಕಾವ್ಯಾ ನಾಟಕ್ ಖ್ಯಾತೆಚೊ ವರಕವಿ ಲುವಿಸ್ ಮಸ್ಕರೆ೦ಜ಼್ ಆನಿ ಆವಯ್ ಮೇರಿ ಮಾಗ್ದಲೆನ್. ಜೂಡಿಬಾಯ್ ಶಿಕ್ಪಾ೦ತ್ ಖೂಬ್ ಹುಶಾರ್. ಮದ್ರಾಸ್ ವಿಶ್ವವಿದ್ಯಾಲಯಾ ಥಾವ್ನ್ ಬಿ.ಎ., ಬಿ.ಟಿ.(ಗಣಿತ್) ಹಾ೦ತು೦ ರೇ೦ಕ್ ಜೊಡ್‌ಲ್ಲಿ ಪ್ರತಿಭಾವ೦ತ್. ದೇವ್ ಭಿರಾ೦ತಿಚಾ ಆನಿ ಶಿಸ್ತೆಚಾ ಕುಟ್ಮಾ೦ತ್ ವಾಡ್‌ಲ್ಲಿ ತಿ ಏಕ್ ಉತ್ತಿಮ್ ಶಿಕ್ಶಕಿ ಜಾವ್ನ್ ವಾವುರ್ಲಿ.
ಪುಣ್ ತಿಕಾ ವೋಡ್ ಆಸ್‌ಲ್ಲಿ ದುಬ್ಳ್ಯಾ ಧಾಕ್ಟ್ಯಾ೦ಚಾ ಸೆವೆ ಥ೦ಯ್. ಶೋಶಿತ್ ವರ್ಗಾಚಾ ಲೊಕಾಪಾಸತ್, ದುಬ್ಳ್ಯಾ೦ ಧಾಕ್ಟ್ಯಾ೦ಚಾ ಹಕ್ಕಾ೦ಪಾಸತ್, ನ್ಯಾಯ್ ನಿತಿ ಪಾಸತ್ ವಾವುರ್ಚಾ ತಿ ಶಿಕ್ಶಕಿಚಾ ಹುದ್ದ್ಯಾ ಥಾವ್ನ್ ನಿವೃತಿ ಜೊಡುನ್ ಸಮಾಜ್ ಸೆವೆ೦ತ್ ಖಳ್ಮಿತ್ ನಾಸ್ತಾ೦ ವಾವ್ರು೦ಕ್ ಲಾಗ್ಲಿ.
ಸಾಮಾಜಿಕ್ ವಾವ್ರ್ :
ಮ೦ಗ್ಳುರಾ೦ತ್ಲ್ಯಾ ವಿವಿಧ್ ಸ೦ಘ್ ಸ೦ಸ್ಥ್ಯಾ೦ನಿ ಜೂಡಿಬಾಯ್ ನಿಸ್ವಾರ್ಥ್‌ಪಣಿ ವಾವುರ್ಲ್ಯಾ.
ಮಾದಕ್ ದ್ರವ್ಯಾ೦ಕ್ ಆನಿ ಅಮಾಲ್ ಪಿಯೊಣ್ಯಾಕ್ ಬಲಿ ಜಾಲ್ಲ್ಯಾ೦ಕ್ , ತಾ೦ಚಾ ಸವಯೆ೦ ಥಾವ್ನ್ ಸುಟ್ಕಾ ಲಾಬವ್ನ್ ತಾ೦ಕಾ೦ ಬರೆ೦ ಜಿವಿತ್ ಸಾರು೦ಕ್ ಪ್ರೇರಣ್ ಆನಿ ಮಾರ್ಗ್‌ದರ್ಶನ್ ದಿವ್ಪಾಕ್ 1991-೦ತ್ ಮ೦ಗ್ಳುರಾ೦ತ್ ಸುರ್ವಾತ್ ಜಾಲ್ಲ್ಯಾ 'ಲಿ೦ಕ್ ಟ್ರಾಡಾ' ಪುನರ್ ವಸ್ತೇ ಕೇ೦ದ್ರಾಚಾ ಸ್ಥಾಪಕ್ ಸಾ೦ದ್ಯಾ೦ ಪಯ್ಕಿ ಜೂಡಿಬಾಯ್‌ಯಿ ಎಕ್ಲಿ. ತ್ಯಾ ಕೇ೦ದ್ರಾಚಿ ಖಜನ್ದಾರ್ ಜಾವ್ನ್ಯಿ ತಿಣೆ ವಾವ್ರ್ ಕೆಲಾ.
ದಕ್ಶಿಣ್ ಕನ್ನಡ ಆನಿ ಉಡುಪಿ ಜಿಲ್ಲಾ ಮಹಿಳಾ ಸಹಕಾರಿ ಬ್ಯಾ೦ಕ್ ಆನಿ ಮ೦ಗ್ಳುರ್ಚಾ ಎಮ್.ಸಿ.ಸಿ. ಬ್ಯಾ೦ಕಾಚಿ ನಿರ್ದೇಶಕಿ ಜಾವ್ನ್ ವಾವುರ್ಲೆಲ್ಯಾ ಜೂಡಿಬಾಯೆನ್ ದುಬ್ಳ್ಯಾ ಧಾಕ್ಟ್ಯಾ ಗರ್ಜೆವ೦ತಾ೦ ಪಾಸತ್ 1991-೦ತ್ ಪ್ರೀತಿ ನೀತಿ ಟ್ರಸ್ಟ್(ರಿ) ರಚ್ಲಿ. ತ್ಯಾ ಶಿವಾಯ್ ತಿ ಕೆನರಾ ಕಥೊಲಿಕ್ ಕೊ-ಆಪರೇಟಿವ್ ಎಜ್ಯುಕೇಶನ್ ಸೊಸಾಯ್ಟಿಚಿ ನಿರ್ದೇಶಕಿ ಆನಿ 'ಜಾಗ್ರತ್ ಭಾರತ್' ಹಾಚಿ ಸ೦ಚಾಲಕಿ ಜಾವ್ನ್ ತಿ ವಾವುರ್ಲ್ಯಾ.
ಪತ್ರಿಕಾ ಶೆತಾ೦ತ್ :
ಮ೦ಗ್ಳುರ್ ದಿಯೆಸಿ೦ತ್ಲ್ಯಾ ಯುವಜಣಾ೦ ಪಾಸತ್ 'ಭಾವಾಡ್ತಿ ಯುವಕ್' ಮ್ಹಳ್ಳೆ೦ ಕೊ೦ಕ್ಣಿ ಮಯ್ನ್ಯಾಳ್ಯಾ ಪತ್ರಾಚಿ ಸ್ಥಾಪಕ್ ಸ೦ಪಾದಕಿ ಜಾವ್ನ್ ಬರಾಬರ್ 5 ವರ್ಸಾ೦ ತಿಣೆ ತ್ಯಾ ಪತ್ರಾಚೊ ಪೋಸ್ ಕೆಲಾ. 'ದೀಪಿಕಾ' ನೆಮಾಳ್ಯಾಚಿ ಸ೦ಪಾದಕಿ ಜಾವ್ನಾಸ್‌ಲ್ಲಿ ತಿ. ಮ೦ಗ್ಳುರ್ ಮಹಾನಗರ್‌ಪಾಲಿಕಾಚಿ ಕೊರ್ಪೊರೇಟರ್ ಜಾವ್ನಾಸ್ತಾನಾ ಆಪ್ಲ್ಯಾ ವಾರ್ಡಾಚಾ ಲೊಕಾಚೆ ಸಮಸ್ಸೆ ಜಾಣಾ೦ ಜಾ೦ವ್ಚಾಕ್ ಆನಿ ಲೊಕಾಥ೦ಯ್ ನಿತಳಾಯ್ ಆನಿ ಪರಿಸರಾಚಾ ಸ೦ರಕ್ಶಣಾವಿಶಿ೦ ಜಾಗ್ರತಿ ಉಟ೦ವ್ಚಾ ದಿಶೆನ್ ಜೂಡಿಬಾಯೆನ್ 'ನಗರ ದೀಪಿಕಾ' ಮ್ಹಳ್ಳೆ೦ ಮಹಿನ್ಯಾಳೆ೦ ಪತ್ರ್ ಸುರು ಕರುನ್ 15 ವರ್ಸಾ೦ಬರ್ ತಿಣೆ೦ ತೆ೦ ಚಲಯ್ಲೆ೦. ತೀನ್ ಆವ್ದೆ೦ಕ್ ಕೊರ್ಪೊರೇಟರ್ ಜಾವ್ನ್ ಲೊಕಾಪಾಸತ್ ವಾವುರ್ಲೆಲಿ ತಿ ದೋನ್ ಆವ್ದೆ೦ಕ್ ಉಪಮೇಯರ್ ಜಾವ್ನಾಸ್‌ಲ್ಲಿ.
ವಿವಿಧ್ ಸ೦ಘಟನಾ೦ನಿ ವಾವ್ರ್ :
ಜೂಡಿಬಾಯ್ ಏಕ್ ಮೊಗಾಳ್, ಮೊವಾಳ್ ಆನಿ ಪ್ರಾಮಾಣಿಕ್ ಸಮಾಜ್ ಸೆವಕಿ. ದುಬ್ಳೊ ಗ್ರೇಸ್ತ್, ಶಿಕ್ಪಿ ಅಶಿಕ್ಪಿ ಮ್ಹಳ್ಳೆ೦ ಚಿ೦ತಪ್ ತಿಚೆಕಡೆ ನಾತ್‌ಲ್ಲೆ೦. ವಿವಿಧ್ ರಾಜಕೀಯ್ ಪಾಡ್ತಿಚೆ ಫುಡಾರಿ ಆನಿ ಕಾರ್ಯಕರ್ತ್ ತಿಕಾ ಮೆಳೊ೦ಕ್ ಯೆತಾಲೆ. ಬೆ೦ದುರ್ ಫಿರ್ಗಜಿಚಾ ಲೀಜನ್ ಆಫ್ ಮೇರಿ ಸ್ತ್ರೀಯಾ೦ಚಾ ಸ೦ಘಟನಾ೦ತ್ ತಿ ಭೋವ್ ಕ್ರಿಯಾಳ್ ಜಾವ್ನಾಸ್‌ಲ್ಲಿ. ಸನ್ವಾರಾ ಆನಿ ಆಯ್ತಾರಾ ಮಿಸಾ ಉಪ್ರಾ೦ತ್ ಕೊ೦ಕ್ಣಿ ಪುಸ್ತಕಾ೦, ರಾಕ್ಣೊ, ಆನಿ ಹೆರ್ ಧಾರ್ಮಿಕ್ ಪತ್ರಾ೦ ಆನಿ ವಸ್ತು ವಿಕ್ರ್ಯಾಕ್ ದವರ್ತಾಲಿ. ರೊಮಾ೦ತ್ ಚಲ್‌ಲ್ಲ್ಯಾ ಜಾಗತಿಕ್ ಕಥೊಲಿಕ್ ಸ್ತ್ರೀಯಾ೦ಚಾ ಸಮ್ಮೇಳನಾ೦ತ್ ಭಾರತಾಚಿ ಪ್ರತಿನಿಧಿ ಜಾವ್ನ್ ತಿಣೆ೦ ಪಾತ್ರ್ ಘೆತ್ಲಾ. 2006-೦ತ್ ಶ್ರೀಲ೦ಕಾ೦ತ್ ಚಲ್‌ಲ್ಲ್ಯಾ ದಕ್ಶಿಣ್ ಏಶ್ಯಾ ರಾಶ್ಟ್ರಾ೦ಚಾ ಸಮ್ಮೇಳನಾ೦ತ್ ಕರ್ನಾಟಕ್ ರಾಜ್ಯಾಚಿ ಪ್ರತಿನಿಧಿ ಜಾವ್ನ್ ತಿ ಹಾಜರ್ ಜಾಲ್ಯಾ. ಮ೦ಗ್ಳುರ್ ದಿಯೆಸಿಜಿಚಾ ಫುಡಾರಾ೦ತ್ಲ್ಯಾ ಯೋಜನ್ ಆನಿ ಅನಿಶ್ಟಾನ್ ಸಮಿತಿ೦ತ್ ತಿಣೆ ಕಾರ್ಯನಿರ್ವಾಹಕ್ ಸಾ೦ದೊ ಜಾವ್ನ್ ವಾವ್ರ್ ಕೆಲಾ.
ತ್ಯಾ ಶಿವಾಯ್ ಜೂಡಿಬಾಯ್ ಸೆಕ್ಯುಲರ್ ಫ್ರಾನ್ಸಿಸ್ಕನ್ ಮೆಳಾಚಿ ರಾಶ್ಟ್ರೀಯ್ ಅಧ್ಯಕ್ಶ್ ಜಾವ್ನ್ ವಾವುರ್ಚೊ ವ್ಹಡ್ ಅವ್ಕಾಸ್ ತಿಕಾ ಲಾಬ್ಲಾ. ಲಗ್‌ಬಗ್ 15 ವರ್ಸಾ೦ಬರ್ ಜೂನಿಯರ್ ರೆಡ್‌ಕ್ರೊಸ್ ಸೊಸಾಯ್ಟಿಚಿ ಕೌನ್ಸಿಲರ್ ಜಾವ್ನ್ ತಿಣೆ ಸೆವಾ ದಿಲ್ಯಾ.
ಪರಿಸರ್ ಪ್ರೇಮಿ :
ಜೂಡಿಬಾಯ್ ಲ್ಹಾನ್ ಥಾವ್ನ್‌ಯಿ ಪರಿಸರ್ ಪ್ರೇಮಿ. ಪರಿಸರಾ ಥ೦ಯ್ ತಿಕಾ ವಿಶೇಸ್ ಹುಸ್ಕೊ ಆನಿ ಕಾಳ್ಜಿ. ಜಿಲ್ಲಾ ಪರಿಸರ್ ಸಮಿತಿಚೊ ಆನಿ ಪರಿಸರ ಚಿ೦ತನಾ ಸಮೂಹ-ಹಾಚಿ ಕಾರ್ಯನಿರ್ವಾಹಕ್ ಸಾ೦ದೊ ಜಾವ್ನ್ ತಿಣೆ ವಾವ್ರ್ ಕೆಲಾ. ಶಿವಾಯ್ ಮಲೇರಿಯಾ ಜಯ್ವಿಕ್ ನಿಯ೦ತ್ರಣ್ ಸಮಿತಿಚೊ ಕಾರ್ಯನಿರ್ವಾಹಕ್ ಸಾ೦ದೊ ಜಾವ್ನ್ಯಿ ತಿ ವಾವುರ್ಲ್ಯಾ. ಜಿಲ್ಲಾ ಹೊರ್ಟಿಕಲ್ಚರ್ ಸೊಸಾಯ್ಟಿಚಿ ಕಾರ್ಯನಿರ್ವಾಹಕ್ ಸಾ೦ದೊ ಜಾವ್ನ್ ವಾವುರ್ಲೆಲಿ ತಿ 'ಪ್ಲಾಸ್ಟಿಕ್ ಹೆಕ್ಕಿ ಕೊ' ಆ೦ದೋಲನಾಚಿ ಖಜನ್ದಾರ್ ಜಾವ್ನ್ ತಿಣೆ ವಾವ್ರ್ ಕೆಲಾ. 2001-೦ತ್ ಜಿಲ್ಲಾ ಕ್ರಿಮಿ ನಿಯ೦ತ್ರಣ್ ಸಮಿತೆಚಿ ಅಧ್ಯಕ್ಶ್ ಜಾವ್ನ್ ಜಿಲ್ಲಾದಿಕಾರಿ ಥಾವ್ನ್ ನಾ೦ವ್ ನಿರ್ದೇಶಿತ್ ಜಾಲ್ಲಿ.
ಜೂಡಿಬಾಯೆಕ್ ಸರ್ವ್ ರಾಜಕೀಯ್ ಪಾಡ್ತಿ೦ಚೆ ಮುಕೆಲಿ ಮಾನ್ತಾಲೆ. ತಿ ರಾಜ್ ಕಾರಣಿ೦ಕ್ ಏಕ್ ಆದರ್ಶ್ ವ್ಯಕ್ತಿ. ನಿಸ್ವಾರ್ಥಿ, ಪ್ರಾಮಾಣಿಕ್ ಆನಿ ಸಮರ್ಪಿತ್ ಮನೋಭಾವಾಚಿ ಏಕ್ ಅಪೂರ್ವ್ ತಶಿ ಅಪ್ರೂಬ್ ಸಮಾಕ್ ಸೇವಕಿ. ತಿಚ್ಯಾ ನಿಸ್ವಾರ್ಥ್ ವಾವ್ರಾಖಾತಿರ್ ಚೇತನಾ ಲಿಟರರಿ ಸೊಸಾಯ್ಟಿ ಪುರಸ್ಕಾರ್, ಸ೦ದೇಶ ಪ್ರಶಸ್ತಿ ಆನಿ ಹೆರ್ ಸಬಾರ್ ಮಾನ್-ಸನ್ಮಾನ್, ಪ್ರಶಸ್ತ್ಯೊ-ಪುರಸ್ಕಾರ್ ತಿಕಾ ಸೊದುನ್ ಆಯ್ಲ್ಯಾತ್.
ಘರ್ ದಾನ್ :
ಮಲ್ಲಿಕಟ್ಟೆ ಕಮಾ೦ಡರ್ ಜೋರ್ಜ್ ಮಾರ್ಟಿಸ್ ರಸ್ತ್ಯಾ ದೆಗೆರ್ ಆಸ್ಚೆ೦ ಆಪುಣ್ ಲ್ಹಾನ್-ವ್ಹಡ್ ಜಾಲ್ಲೆ೦ ಆನಿ ಆಪ್ಣಾಚ್ಯಾ ಸಮಾಜ್ ಸೆವೆಕ್ ಸಾಕ್ಸ್ ಜಾಲ್ಲೆ೦ ಆಪ್ಣಾಚೆ೦ ಮೊಗಾಚೆ೦ ಘರ್ 'ದ ಫ್ಲವರೆಟ್' ಜೂಡಿ ಬಾಯೆನ್ ಆಪ್ಣಾ ನ೦ತರ್ ಸಮಾಜ್ ಸೆವೆಚೊ ವಾವ್ರ್ ಚಲೊನ್ ವ್ಹರು೦ಕ್ ಮುಕಾರ್ ಸರ್‍ಚ್ಯಾ ಮಯಾಮೊಗಾಚ್ಯಾ ಸ೦ಸ್ಥ್ಯಾಕ್ ದಾನ್ ಜಾವ್ನ್ ಮೆಳ್ತಲೆ೦ ಮ್ಹಣ್ 'ವೀಲ್' ಬರೊವ್ನ್ ದವೊರ್‍ಲಾ. ಅಶೆ೦ ಜಿಣಿಯೆ೦ತ್ ದುಬ್ಳ್ಯಾ ಧಾಕ್ಟ್ಯಾ೦ಚೊ ಮೋಗ್ ಕೆಲ್ಲ್ಯಾ ಜೂಡಿಬಾಯೆನ್ ಮರ್ಣಾಂತ್‍ಯೀ ತಾ೦ಚೊ ಉಡಾಸ್ ದವೊರ್‍ಲಾ.
ಆಪ್ಲ್ಯಾ ನಿಸ್ವಾರ್ಥಿ ಸಮಾಜ್ ಸೆವೆಕ್ ಲಾಗೊನ್ 'ಮ೦ಗ್ಳುರ್ಚಿ ಮದರ್ ತೆರೆಜಾ' ಮ್ಹಣ್ ನಾ೦ವಾಡ್ಲೆಲ್ಯಾ ಜೂಡಿತ್ ಮಸ್ಕರೇನ್ಹಸ್ ಹಿಕಾ ಆಮಿಂ ಶ್ರದ್ಧಾಂಜಲಿ ಭೆಟಯ್ತಾಂವ್.
ಕುರ್ಪಾ: ಸಿಜ್ಯೆಸ್ ತಾಕೊಡೆ
Tags:
Judith Mascarenhas, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
-
-
-
-
3/14/2019 'ಚಂದ್ರ್ ಆನಿ ತಾರಾಂ' ಪುಸ್ತಕ್ ಮೊಕ್ಳಿಕ್...
-
10/29/2018 'ಸಂಸ್ಕೃತಿ ಆನಿ ಸಂಭ್ರಮ್' - ಪುಸ್ತಕ್ ಉಗ್ತಾವಣ್...
-
10/9/2018 ದುಬಾಂಯ್ತ್ ''ಗೀತ್ ಗಜಾಲ್''...
-
-
-
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
1 Comment/s.
She Was a Great Person,Let us do some thing to socity in her name...