From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಶ್ರೀ ಜೆ. ಎಫ್. ಡಿಸೋಜಾಚೆಂ 'ಹಾಸೊಚ್ ಹಾಸೊ' ಪುಸ್ತಕ್ ಮೊಕ್ಳಿಕ್ ಜಾಲೆಂ
Tuesday, November 22, 2016
ಬಾಳ್ ಕಾಣಿಯಾಂ ಖಾತಿರ್ ಕೊಂಕ್ಣಿ ಪತ್ರಾಂನಿ ಬರೊಚ್ ಫಾಮಾದ್ ಜಾವ್ನಾಸ್ಚೊ ಚತುರ್ಭಾಶಾ ಲೇಖಕ್ ಮಾನೆಸ್ತ್ ಜೆ. ಎಫ್. ಡಿಸೋಜಾ, ಅತ್ತಾವರ್ ಹಾಚೊ ಹಾಸ್ಯಾಂಚೊ ಸಂಗ್ರಹ್ 'ಹಾಸೊಚ್ ಹಾಸೊ' ಬೂಕ್ ಹ್ಯೆಚ್ ನವೆಂಬರಾಚ್ಯಾ ಸತ್ರಾ-ವೆರ್ ಕೊಡಿಯಾಳ್ಚ್ಯಾ ಪತ್ರಿಕಾ ಭವನಾಂತ್ ಪತ್ರಿಕಾ ಗೋಷ್ಠಿ ವೆಳಾರ್ ಮಾಲ್ಗಡೊ ಕೊಂಕ್ಣಿ ಸಾಹಿತಿ ಶ್ರೀ ಡೊಲ್ಫಿ ಕಾಸಿಯಾನ್ ಮೊಕ್ಳಿಕ್ ಕೆಲೊ. ಲಗ್‌ಬಗ್ 350 ಹಾಸೊ ಎಕ್ಟಾಂಯ್ ಕರುನ್ ಹೆಂ ಪುಸ್ತಕ್ ಮಾನೆಸ್ತ್ ಡಿಸೋಜಾನ್ ಆಪ್ಣಾಚ್ಯಾ 'ಜ್ಯೋತಿ ಪ್ರಕಾಶನ್' ದ್ವಾರಿಂ ಪ್ರಕಟಿತ್ ಕೆಲಾಂ. 'ಭಾಂಗಾರ್' ಸರಣಿಂತ್ ಭುರ್ಗ್ಯಾಂಚ್ಯಾ ಕಥಾಂಚಿಂ ತಾಚಿಂ 9 ಪುಸ್ತಕಾಂ ಆನಿ ಜಿವಿತಾಂತ್ ಉಪ್ಕಾರಾಕ್ ಪಡ್ಚಿಂ 'ವೆಳಾ-ಕಾಳಾಚಿಂ ಸೂತ್ರಾಂ' ಮ್ಹಳ್ಳೆಂ ಪುಸ್ತಕ್‌ಯೀ ಪರ್ಗಟ್ ಜಾಲಾಂ. ಅಶೆಂ ತಾಚೆಂ ಹೆಂ 'ಹಾಸೊಚ್ ಹಾಸೊ' ಪುಸ್ತಕ್ 11-ವೆಂ ಪುಸ್ತಕ್ ಜಾವ್ನಾಸಾ.
ಫಾಮಾದ್ ಕೊಂಕ್ಣಿ ಲೇಖಕ್ - 'ಯುವಕ್' ಮಹಿನ್ಯಾಳ್ಯಾಚೊ ಮಾಜಿ ಸಂಪಾದಕ್, ಸ್ಟೇಟ್ ಬೆಂಕಾಚೊ ನಿವೃತ್ತ್ ಮೇನೇಜರ್ - ಶ್ರೀ ಜೆ. ಎಫ್. ಡಿಸೋಜಾಚೊ ಧಾಕ್ಟೊ ಭಾವ್, ಶ್ರೀ ಮಾಚ್ಚಾ ಮಿಲಾರ್ ಹಾಣೆ ಲೇಖಕ್ ಜೆ. ಎಫ್. ಡಿಸೋಜಾ ಆನಿ ಮೊಕ್ಳಿಕ್ ಜಾಂವ್ಕ್ ಆಸ್ಚ್ಯಾ 'ಹಾಸೊಚ್ ಹಾಸೊ' ಪುಸ್ತಕಾಚಿ ಪರಿಚಯ್ ಕರುನ್ ದಿವ್ನ್ ಲೇಖಕಾಕ್ ಜಯ್ತ್ ಮಾಗ್ಲೆಂ ಆನಿ ವಾಚ್ಪ್ಯಾಂನಿ ಹೆಂ ಪುಸ್ತಕ್ ಖರೀದ್ ಕರುನ್ ಪ್ರಕಾಶಕಾಕ್ ಆಧಾರ್‍ಸಿಜಯ್ ಮ್ಹಣ್ ವಿನಂತಿ ಕೆಲಿ.
ಪುಸ್ತಕ್ ಮೊಕ್ಳಿಕ್ ಕರ್ತಚ್, ‘'ಮಾನೆಸ್ತ್ ಜೆ. ಎಫ್. ಡಿಸೋಜಾ ಬಹುಭಾಶಾ ಲೇಖಕ್ ಜಾವ್ನಾಸುನ್ ವ್ಹಡೇ ಉಮೆದಿನ್ ಆನಿ ಧಯ್ರಾನ್ ಕೊಂಕ್ಣಿ ಪುಸ್ತಕಾಂ ಫಾಯ್ಸ್ ಕರುನ್ ಆಯ್ಲಾ. ಆಯ್ಚ್ಯಾ ಕಾಳಾರ್ ಕೊಂಕ್ಣಿ ಪುಸ್ತಕ್ ಪರ್ಗಟ್ ಕರ್‍ಚೆಂ ಮ್ಹಳ್ಯಾರ್ ಉಪ್ಯೆಂವ್ಕ್ ಕಳಿತ್ ನಾತ್‌ಲ್ಲ್ಯಾನ್ ದರ್ಯಾಕ್ ಉಡಿ ಮಾರ್‌ಲ್ಲ್ಯೆಪರಿಂ, ರಿಸ್ಕೆಚಿ ಗಜಾಲ್ ಜಾವ್ನಾಸಾ. ಭುರ್ಗ್ಯಾಂಚ್ಯೊ ಕಾಣಿಯೊ ಬರಂವ್ಚ್ಯಾಂತ್ ಲೇಖಕಾನ್ ದಾಖ್ಲ್ಯಾಚೊ ವಾವ್ರ್ ಕೆಲಾ ಮಾತ್ರ್ ನ್ಹಯ್, ಹೆರ್ ಸಕಾಲಿಕ್ ವಿಷಯಾಂಚೆರ್ ಲಿಖಿತಾಂ, ಕವಿತಾ, ಚುಟುಕಾಂ ಬರಯಿತ್ತ್ ಆಸಾ. ಲಗ್‌ಬಗ್ 55 ವರ್ಸಾಂ ಥಾವ್ನ್ ಕೊಂಕ್ಣಿ ಬರ್ಪಾ ಕ್ಷೇತ್ರಾಂತ್ ತೊ ವಾವ್ರುನ್ ಆಸಾ. ಆಪ್ಲ್ಯೆ 74 ವರ್ಸಾಂಚ್ಯೆ ಪ್ರಾಯೆರ್ ತೊ ಆಸಾ ತರೀ ತಾಕಾ ಪುರಾಸಣ್ ಜಾಂವ್ಕ್ ನಾ. ಸಮಾಜ್ ಸೆವೆಂತ್‌ಯೀ ತೊ ಮುಖಾರ್ ಆಸಾ. ಲೊಕಾಚ್ಯಾ ನಮೂನ್ಯಾವಾರ್ ಸಮಸ್ಯಾಂವಿಶಿಂ ಸರ್ಕಾರಾಕ್ ಆನಿ ಸರ್ಕಾರಿ ದಫ್ತರೀ ವ್ಯಕ್ತಿಂಕ್ ಆಪ್ಲ್ಯಾ ವಾಚ್ಪ್ಯಾಚ್ಯಾ ಪತ್ರಾಂ ದ್ವಾರಿಂ ತೊ ಕಳವ್ನ್ ಆನಿ ಜಾಗವ್ನ್‌ಚ್ ಆಸಾ. ಕಾನಡಿ, ಕೊಂಕ್ಣಿ ಆನಿ ಇಂಗ್ಲೆಜ್ ಪತ್ರಾಂನಿ ತಾಣೆ 5,500 ವಯ್ರ್ ವಾಚ್ಪ್ಯಾಚಿಂ ಪತ್ರಾಂ ಬರವ್ನ್ ಆಪ್ಲೊಚ್ ಮ್ಹಳ್ಳೊ ದಾಖ್ಲೊ ರಚ್ಲಾ. ಕೊಂಕ್ಣಿಂತ್ಲೊ ಬಹುತೇಕ್ ಪ್ರಶಸ್ತ್ಯೊ ತಾಕಾ ಮೆಳ್ಳ್ಯಾತ್, ಮಾನ್-ಸನ್ಮಾನ್ ಚಲ್ಲ್ಯಾತ್. ಹಾಚ್ಯಾ ಪ್ರಕಾಶನ್ ವಾವ್ರಾಂತ್ ಆಪುಣ್ ತಾಕಾ ಸಂಪೂರ್ಣ್ ಜಯ್ತ್ ಮಾಗ್ತಾಂ' ಮ್ಹಣಾಲೊ ಶ್ರೀ ಡೊಲ್ಫಿ ಕಾಸ್ಸಿಯಾ.
ಆಪ್ಣಾಕ್ ಕೊಂಕ್ಣಿ ಪತ್ರಾಂನಿ ಜಾಗೊ ದಿಲ್ಲ್ಯಾ ಸರ್ವ್ ಪತ್ರಾಂಚ್ಯಾ ಸಂಪಾದಕಾಂಕ್, ಸುರ್ವೆರ್ ಫಾವೊತೆಂ ಮಾರ್ಗದರ್ಶನ್ ದಿಲ್ಲ್ಯಾ ದಿ| ಜೊ. ಸಂ. ಆಲ್ವರಿಸಾಕ್, ಆತಾಂ ಮೆಟಾಮೆಟಾಕ್ ಸಾಂಗಾತ್ ದಿಂವ್ಚ್ಯಾ ಡೊಲ್ಫಿ ಕಾಸ್ಸಿಯಾಕ್, ಆಪ್ಣಾಚಿಂ ಪುಸ್ತಕಾಂ ಪ್ರಗಟ್ ಕೆಲ್ಲ್ಯಾ ವಿವಿಧ್ ಪ್ರಕಾಶಕಾಂಕ್ ಆನಿ ಸಬಾರ್ ಹಿತೈಷಿ ಲೇಖಕಾಂಕ್, ಅಭಿಮಾನಿ ವಾಚ್ಪ್ಯಾಂಕ್, ಮೊಗಾನ್ ಪಾಠಿಂಬೊ ದಿಂವ್ಚ್ಯಾ ಹರ್‍ಯೆಕ್ಲ್ಯಾಕ್ ಮಾನೆಸ್ತ್ ಜೆ. ಎಫ್. ಡಿಸೋಜಾನ್ ಧನ್ಯವಾದ್ ಪಾಠಯ್ಲೆ. ಆನಿ ಆಪ್ಣಾಲಾಗಿಂ ಆನಿಕೀ ಆಯ್ತ್ಯೊ ಆಸ್ಲಲ್ಯೊ ಭುರ್ಗ್ಯಾಂಚ್ಯೊ ಕಾಣಿಯೊ ಹ್ಯಾ ಫುಡೆಂಯೀ ಆಪ್ಣಾಚ್ಯೆ 'ಭಾಂಗಾರ್' ಸರಣಿಂತ್ 5 ಪುಸ್ತಕಾಂನಿ ಪ್ರಕಟ್ ಕರ್‍ಚಿ ಆಲೋಚನ್ ಆಸಾ ಮ್ಹಣ್ ತಾಣೆ ಕಳಯ್ಲೆಂ.
ವೇದಿಚೆರ್ ಮಾನೆಸ್ತ್ ಜೆ. ಎಫ್. ಡಿಸೋಜಾ ಸಂಗಿಂ ಸರ್ವ್‌ಶ್ರೀ ಡೊಲ್ಫಿ ಕಾಸ್ಸಿಯಾ, ಮಾಚ್ಚಾ ಮಿಲಾರ್, ಎ. ಡಿಸೋಜಾ ಆನಿ ಶ್ರೀ ಜೆ. ಎಫ್. ಡಿಸೋಜಾಚಿ ಪತಿಣ್ ಮಾನೆಸ್ತಿಣ್ ಟ್ರೆಸ್ಸಿ ಪಿಂಟೊ ಹಾಜರ್ ಆಸ್‌ಲ್ಲಿಂ.
Tags:
Hasoc Haso. JF Dsouza Attavar, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
-
-
-
-
3/14/2019 'ಚಂದ್ರ್ ಆನಿ ತಾರಾಂ' ಪುಸ್ತಕ್ ಮೊಕ್ಳಿಕ್...
-
10/29/2018 'ಸಂಸ್ಕೃತಿ ಆನಿ ಸಂಭ್ರಮ್' - ಪುಸ್ತಕ್ ಉಗ್ತಾವಣ್...
-
10/9/2018 ದುಬಾಂಯ್ತ್ ''ಗೀತ್ ಗಜಾಲ್''...
-
-
-
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
1 Comment/s.
Congratulations to the writer and all the best.