From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಕೊಂಕ್ಣಿ ಮನ್ಶಾಂಚಿಂ ಶೆಕ್ಡೊ\ಅಮೃತ್ ಭರ್ಲ್ಲಿಂ ಬೆಂಕಾಂ
Tuesday, December 12, 2017 / By Adminಬರಯ್ಣಾರಾ ವಿಶಿಂ ಜಾಣಾ ಜಾ...
ಕೊಂಕಣ್ ಕರಾವಳ್, 'ಬೆಂಕಾಂಚ್ಯಾ ಶೆತಾಚೆಂ ಪಾಳ್ಣೆ ' ಮ್ಹಣ್ ನಾಂವಾಡ್ಡೀಕ್. ಹಾಕಾ ಕಾರಣ್, ವಿಸಾವ್ಯಾ ಶತಮನಾಚ್ಯಾ ಸುರ್ವೆರ್'ಚ್ ಹಾಂಗಾ ಬೆಂಕಾನಿಂ ಜಲ್ಮ್ ಘೆತ್ಲ್ಲೊ. ವಿಸಾವ್ಯಾ ಶೆಕ್ಡ್ಯಾಚ್ಯಾ ಪಯ್ಲ್ಯಾ ಪಾಂಚ್ ದಶಕಾಂನಿ 20 ವ್ಯಾಪಾರಿ ಬೆಂಕಾಂ ಹ್ಯಾ ಪ್ರದೇಶಾಂತ್ ಸುರು ಜಾಲ್ಲಿಂ. ತಾಂಚೆ ಪಯ್ಕಿಂ 14 ಬೆಂಕಾಂಕ್ ಕೊಂಕ್ಣಿ ಮ್ಹನ್ಶಾಂನಿ ಜಲ್ಮ್ ದಿಲ್ಲೊ. ತಾಂಚೆ ಪಯ್ಕಿಂ ತೀನ್ - ಕೊರ್ಪೋರೇಶನ್, ಕೆನರಾ ಆನಿ ಸಿಂಡಿಕೇಟ್, ದೇಶಾ ಹಂತಾರ್ ಪರ್ಜಳ್ತಾತ್ ಆನಿ ಹೆರ್ ಹ್ಯಾ ಬೆಂಕಾನಿಂ ಲೀನ್ ಜಾಲ್ಯಾಂತ್. ಕಥೊಲಿಕ್ ಬೇಂಕ್ ಮಂಗ್ಳುರಾಂತ್ 1925 ಇಸ್ವೆಂತ್ ಸುರುಜಾಲ್ಲೆಂ, ತೆಂ 1961 ಇಸ್ವೆಂತ್ ಸಿಂಡಿಕೇಟಾಂತ್ ಲೀನ್ ಜಾಲೆಂ. 1912 ಇಸ್ವೆಂತ್ ಸುರು ಜಾಲ್ಲೆಂ ಎಂ.ಸಿ.ಸಿ. ಬೆಂಕ್ ಆನಿಕೀ ಸಹಕಾರಿ ಬೆಂಕ್ ಜಾವ್ನ್ ಉರ್ಲಾಂ.
1. ಕಾರ್ಪೊರೇಶನ್ ಬೇಂಕ್ : ಹೆಂ ಹ್ಯಾ ಪ್ರದೇಶಚೆಂ ಪಯಿಲ್ಲೆಂ ಬೇಂಕ್. ಕೆನರಾ ಬೆಂಕಿಂಗ್ ಕಾರ್ಪೊರೇಶನ್ ನಾಂವಾರ್ ಎಕಾ ಫಂಡಾ ರೂಪಾರ್ 1906, ಮಾರ್ಚ್ 14ವೆರ್ ಸುರು ಜಾಲ್ಲೆಂ ತೆಂ 1980ವೆರ್ ರಾಷ್ಟೀಕರಣ್ ಜಾಲೆಂ. ಹಾಚೊ ಸ್ಥಾಪಕ್ ಉರ್ದು ಮಾಯ್ ಭಾಶೆಚೊ ಮುಸ್ಲಿಮ್ ಭಾವ್, ಖಾನ್ ಭಹದೂರ್ ಹಾಜಿ ಅಬ್ದುಲ್ಲಾ. ಪುಣ್ ಹೆಂ ಮುಕಾರ್ಸುನ್ ವ್ಹೆಲೆಂ ಗೌಡ ಸಾರಸ್ವತ್ ಕೊಂಕ್ಣಿ ಮುಕೆಲಿಂನಿ. ಪಾಂಚ್ ಹಜಾರ್ ಬಂಡ್ವಳ್ ಘೆವ್ನ್ ಸುರು ಜಾಲ್ಲ್ಯಾ ಬೇಂಕಾಂತ್, ಆಜ್ ದೇಶ್- ವಿದೇಶಾಂತ್ 2021 ಶಾಖೆ, 4000 ಉಪ ಶಾಕೆ ಆನಿ 2264 ಎ.ಟಿ.ಎಂ. ಅಸಾತ್. 1923ವೆರ್ ಪಯ್ಲೊ ಶಾಖೊ ಕುಂದಾಪುರಾಂತ್ ಸುರು ಜಾವ್ನ್ 1934ವೆರ್ ಶೆಡೂಳ್ಡ್ ಬೇಂಕ್ ಜಾಲೆಂ.
2. ಕೆನರಾ ಬೇಂಕ್ : 1906 ಜುಲಾಯ್ ಪಯಿಲ್ಲ್ಯಾವೆರ್, ಅಮ್ಮೆಂಬಳ್ ಸುಬ್ಬರಾವ್ ಪೈ-ನ್, 50 ರುಪ್ಯಾಂಚೆ 2 ಹಜಾರ್ ಶೆರ್ ಆನಿ 4 ಜಣ್ ಕಾಮೆಲಿ ಘೆವ್ನ್ ಕೆನರಾ ಹಿಂದು ಪರ್ಮನೆಂಟ್ ಫಂಡ್ ನಾಂವಾರ್ ಹೆಂ ಬೇಂಕ್ ಸ್ಥಾಪನ್ ಕೆಲ್ಲೆಂ. 1910ವೆರ್ ಕೆನರಾ ಬೇಂಕ್ ಲಿಮಿಟೆಡ್ ನಾಂವ್ ಘೆವ್ನ್ 1969 ಜುಲಾಯ್ 19ವೆರ್ ಇಂದಿರಾಗಾಂಧಿನ್ ಪಯ್ಲೆ ಪಾವ್ಟಿಂ 14 ಬೇಂಕಾ ರಾಷ್ಟೀಕರಣ್ ಕರ್ತಾನಾ, ಕೆನರಾ ಬೇಂಕ್ ರಾಷ್ಟೀಕರಣ್ ಜಾಲೆಂ. ಆಜ್ ಹ್ಯಾ ಬೇಂಕಾಂತ್ 3600 ಶಾಖೆ, ದೇಶ್- ವಿದೇಶಾಂತ್ ಅಸಾತ್.
3. ಸಿಂಡಿಕೆಟ್ ಬೇಂಕ್ : 1925 ನವೆಂಬರ್ 10ವೆರ್, ಕೆನರಾ ಇಂಡಸ್ಟ್ರಿಯಲ್ ಎಂಡ್ ಬೆಂಕಿಂಗ್ ಸಿಂಡಿಕೇಟ್ ಮ್ಹಳ್ಳೊ ಸಂಸ್ಥೊ ಡಾ| ಟಿ.ಎಂ.ಎ. ಪೈ, ಉಪೇಂದ್ರ ಪೈ ಆನಿ ವಾಮನ್ ಕುಡ್ವಾ ಹಾಣಿಂ ಮಣಿಪಾಲಾಂತ್ ಸುರು ಕೆಲೊ. ಮಾಗ್ ವೊಳ್ತೆಲ್ಯಾಂಚೆಂ ಬೊರೆಂಪಣ್ ಮೊತಿಂತ್ ದವೊರ್ನ್ ಹೆಂ ಬೇಂಕ್ ಸುರು ಜಾಲೆಂ. ದಿಸಾಕ್ ದೋಣ್ ಆಣೆ ಲೊಕಾಚ್ಯಾ ಘರಾ ಬಾಗ್ಲಾರ್ ಥಾವ್ನ್ ಸಂಗ್ರಹ್ ಕರ್ನ್ (ಪಿಗ್ಮಿಯೋಜನ್), ದುಬ್ಳ್ಯಾ ಲೊಕಾಂಕ್ ಬೇಂಕಿಂಗ್ ಯೋಜನಾ ಭಿತರ್ ಹಾಡ್ನ್, ಡಾ| ಟಿ.ಎಂ.ಎ. ಪೈನ್ ಬೇಂಕ್ ಬಾಂದುನ್ ಹಾಡ್ಲೆಂ. 1959 ಥಾವ್ನ್ 1966 ಭಿತರ್, 18 ವಿವಿಧ್ ಬೇಂಕಾಂ ಸಿಂಡಿಕೇಟ್ ಬೇಂಕಾಂತ್ ಲೀನ್ ಜಾಲಿಂ. 1969 ಜುಲಾಯ್ 19ವೆರ್ ಇಂದಿರಾಗಾಂಧಿನ್ ಪಯ್ಲೆ ಪಾವ್ಟಿಂ 14 ಬೇಂಕಾ ರಾಷ್ಟೀಕರಣ್ ಕರ್ತಾನಾ, ಹೆಂ ಬೇಂಕ್ ರಾಷ್ಟೀಕರಣ್ ಜಾಲೆಂ. ಆಜ್ ಹ್ಯಾ ಬೇಂಕಾಂತ್ 4211 ಶಾಖೆ, ದೇಶ್ - ವಿದೇಶಾಂತ್ ಆಸಾತ್.
4. ಎಮ್.ಸಿ.ಸಿ. ಬೇಂಕ್ : ಎಂ.ಸಿ.ಸಿ. ಸಹಕಾರಿ ಬೆಂಕ್, 1912 ಮೇ 8ವೆರ್, ಮೆಂಗಳೂರ್ ಕೆಥೋಲಿಕ್ ಕ್ರೆಡಿಟ್ ಸೊಸಾಯ್ಟಿ ನಾಂವಾರ್, 67 ಕೊಂಕ್ಣಿ ಕತೊಲಿಕ್ ಮುಕೆಲ್ಯಾಂನಿ, ಸುರು ಕೆಲೆಂ. ಹಾಕಾ ಮೂಳ್ ಕಾರಣ್ ಮದ್ರಾಸ್ ಕೊ-ಒಪರೇಟಿವ್ ಸೊಸಾಯ್ಟಿಚೊ ರಿಜಿಸ್ಟ್ರಾರ್ ಎಲ್.ಡಿ.ಕಣ್ಣಪ್ಪ. 67 ಕೊಂಕ್ಣಿ ಕತೊಲಿಕ್ ಮುಕೆಲ್ಯಾಂ ಪಂಯ್ಕಿಂ ಪ್ರಮುಕ್ ಜಾವ್ನ್ ಆಸಾತ್ ಎಲ್.ಎಲ್.ಡಿ'ಸಿಲ್ವಾ, ಜಿ.ಎಂ.ಕಾಸ್ತೆಲಿನೊ, ಜಿ.ಎ.ಸಾಲ್ಡಾನ ಆನಿ ಪಿ.ಡಿ'ಸೋಜ. ಪಿ.ಎಫ್. ಸಾಲ್ಡಾನ ಬೇಂಕಾಚೊ ಪಯ್ಲೊ ಅದ್ಯಕ್ಷ್ ಜಾವ್ನ್ ವಿಂಚೊವ್ನ್ ಆಯ್ಲೊ. ಪ್ರಸ್ತುತ್ ಎಮ್.ಸಿ.ಸಿ. ಬೇಂಕಾಂತ್ 16 ಶಾಕೆ ಆಸಾತ್ ಆನಿ ದ.ಕ. ಆನಿ ಉಡ್ಪಿ ಜಿಲ್ಲ್ಯಾಂನಿ ವಿಸ್ತಾರೊನ್ ಆಸಾತ್. ಕೋರ್ ಬೇಂಕಿಂಗ್ ವ್ಯವಸ್ತಾ ಆಸಾ. ಪೂಣ್ ಶೆಡ್ಯೂಳ್ಡ್ ಬೇಂಕ್ ಜಾವ್ನಾ ಮ್ಹಳ್ಳೆಂ ಉಣೆಂಪಣ್ ಆಸಾ.
ಆಳ್ವೊನ್ ಗೆಲ್ಲಿಂ ಇತರ್ ಬೆಂಕಾ : ಭಾರತಾಕ್ ಸ್ವತಂತ್ರ್ ಮೆಳ್ಚಾ ಆದಿಂಚ್ ಸ್ವದೇಶಿ ಚಳ್ವಳ್ ಜಾವ್ನ್ ಕೊಂಕ್ಣಿ ಲೊಕಾನ್ ಹಾಂಗಾ ಬೇಂಕಾ ಸುರು ಕೆಲ್ಲ್ಯಾಚೊ ಉಲ್ಲೇಕ್ ಕರಿಜಾಯಿಚ್ಚ್. ತಾಂತ್ಲಿಂ ಥೊಡಿಂ ಇತರ್ ಬೇಂಕಾಂನಿ ಲೀನ್ಜಾಲಿಂ ಹಾಂಚಿ ಮಾಹೆತ್ ಪಟ್ಟಿ 2 ಹಾಂತುಂn ದಿಲ್ಯಾ.
ಬೇಂಕಾನಿಂ ದಿಲ್ಲಿ ದೇಣ್ಗಿ : ಕೊಂಕಣ್ ಕರಾವಳಿಚ್ಯಾ ಆರ್ಥಿಕ್ ಆನಿ ಸಾಮಾಜಿಕ್ ವಾಡಾವಳಿಕ್ ಪಟ್ಟಿ 1 ಆನಿ ಪಟ್ಟಿ 2 ಹಾಂತುಂ ದಿಲ್ಲ್ಯಾ ಸರ್ವ್ ಬೇಂಕಾಂನಿ ದೇಣ್ಗಿ ದಿಲ್ಯಾ. ಲೊಕಾಕ್ ಕಾಮ್, ಸ್ವಉದ್ಯೋಗಾಕ್, ಉಂಚ್ಲ್ಯಾ ಶಿಕ್ಪಾಕ್, ಘರ್ ಬಾಂಧುಂಕ್ ಆನಿ ಕೃಶೆಕ್ ರೀಣ್, ಲೊಕಾಚ್ಯಾ ದುಡ್ವಾಕ್ ವಾಡ್ ದೀವ್ನ್ ದ.ಕ. ಆನಿ ಉಡ್ಪಿ ಜಿಲ್ಲೆ, ಸಗ್ಳ್ಯಾ ಭಾರಾತಾಂತ್ ಅಭಿವೃದ್ದಿ ಜಾಲ್ಲೆ ಜಿಲ್ಲೆ ಜಾಂವ್ಕ್ ಕಾರಾಣ್ ಜಾಲ್ಯಾಂತ್.
Tags:
Gerry Niddodi, Mangalorean Banks, Canara Bank, Corporation Bank, Syndicate Bank, MCC Bank, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *
|
-
-
-
-
-
12/6/2020 ಪ್ರವೀಣ್ ತಾವ್ರೊ, ಕುಲ್ಶೇಕರ್ ಆಸ್ತ್ ........
-
-
-
-
-
-
-
-
-
4/26/2020 ವಿವಿಧ್ ಮುಳಾಂ ಥಾವ್ನ್ ಹೆಲಿಕಾಪ್ಟರ್ ಮನಿ...
-
2/5/2020 ಸನ್ನು, ನಿಡ್ಡೋಡಿ. ಕಾಜಾರ್ ಕೆದಾಳಾ..?...
-
9/30/2018 ಹೆರೊಲ್ಪಿಯುಸ್ ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
-
-
-
0 Comment/s.