From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಯೆಯಾ... ಆಬ್ ಆನಿ ವ್ಹಡಿಮಾಂಯ್ಕ್ ನಮಾನ್ ಕರ್ಯಾಂ...
Monday, July 25, 2016ಬರಯ್ಣಾರಾ ವಿಶಿಂ ಜಾಣಾ ಜಾ...
ಇಗರ್ಜ್ ಮಾತೆಚ್ಯಾ ಕ್ಯಾಲೆಂಡರಾಂತ್ ಆಜ್ ಏಕ್ ವಿಶೇಷ್ ದೀಸ್. ಆಜ್ ಮ್ಹಣ್ಜೆ ಜುಲಾಯ್ 26 ಆಬಾಚೆಂ ಆನಿ ವ್ಹಡ್ಲಿ ಮಾಂಯ್‌ಚೆಂ ಫೆಸ್ತ್. ಆಬ್ ಆನಿ ವ್ಹಡಿ ಮಾಂಯ್ ಖಂಚ್ಯಾ ನಾತ್ರಾಂಕ್ ಪಸಂದ್ ನಾಂತ್?! ತಾಂಚೊ ಮೋಗ್, ಮಯ್ಪಾಸ್, ಸಾಕ್ರಿಫಿಸ್ ಚಿಂತಾನಾ ಮನಾಕ್ ಖುಶಿ ಜಾತಾ. ದೆವಾನ್ ಹ್ಯಾ ಸಂಸಾರಾಕ್ ಆಪ್ಲ್ಯಾ ಎಕಾಚ್ ಪುತಾಕ್ ಮನ್ಶಾ ರುಪಿಂ ಧಾಡ್ಲೊ. ತೊ ಎಕಾ ಸ್ತ್ರೀಯೆಚ್ಯಾ ಉದರಿಂ ಜಲ್ಮ್ ಘೆತ್ಲೊ. ತಶೆಂ ಮ್ಹಳ್ಯಾರ್ ಜೆಜುಕ್‍ಯೀ ತಾಂಣೆಂ ಸಂಬಂಧ್ ಆನಿ ಕುಟ್ಮಾ ಬಾಂಧಾಂತ್ ಘಾಲೊ. ಅಶೆಂ ಜೆಜುಕ್‍ಯೀ ಆಬ್ ಆನಿ ವ್ಹಡ್ಲಿ ಮಾಂಯ್ ಆಸ್‍ಲ್ಲಿಂ ಮ್ಹಣ್ ಜಾಲಿಂ. ಯೆಯಾ... ಆಜ್ ಆಮಿಂ ಆಬ್ ಆನಿ ವ್ಹಡಿಮಾಂಯ್ಕ್ ನಮಾನ್ ಕರ್ಯಾಂ...
ಜೆಜುಚಿಂ ಆಬ್ ಆನಿ ವಡ್ಲಿಮ್ಹಾಂಯ್ ಸಾಂ. ಜೊಕಿಂ ಆನಿ ಸಾಂ. ಆನ್ನಾ ಮ್ಹಣ್ ಮ್ಹಜ್ಯಾ ಲ್ಹಾನ್ಪಣಾರ್ ಥಾವ್ನ್ ಜಾಣಾ ಜಾಲ್ಲೊಂ ತರೀ ಮರಿಯೆಚಿಂ ಆವಯ್ ಆನಿ ಬಾಪಯ್ ಜಾವ್ನಾಸ್‌ಲ್ಲ್ಯಾ ಸಾಂ. ಜೊಕಿಂ ಆನಿ ಸಾಂ. ಆನ್ನಾ ವಿಶಿಂ ಹಾಂವೆಂ ಚಡಿತ್ ಕಿತೆಂಯ್ ಆಯ್ಕುಂಕ್ ನಾತ್‌ಲ್ಲೆಂ. ಹಾಂಚ್ಯೆ ವಿಶಿಂ ನವ್ಯಾ ಸೊಲ್ಲ್ಯಾಂತ್ ಮಾತೆವ್, ಮಾರ್ಕ್, ಲೂಕ್ ಯಾ ಜುವಾಂವ್ ಹಾಂಚ್ಯಾ ಸುವಾರ್ತೆಂತ್ ಉಲ್ಲೇಖ್ ಕರುಂಕ್ ನಾಂ. ಸಾಂ. ಮಾತೆವಾನ್ ಆನಿ ಸಾಂ. ಲೂಕಾನ್ ಬರಯ್ಲೆಲ್ಯಾ ಸುವಾರ್ತೆಂತ್ ಜೆಜು ಕ್ರೀಸ್ತಾಚ್ಯಾ ವಂಶಾವಳಿ ವಿಶಿಂ ವಿವರ್ ದಿಲಾ. ಪೂಣ್ ಹಾಂಗಾಸರ್ ಜುಜೆಚೆಂ ಕುಟಮ್ ಮಾತ್ರ್ ಲೆಕಾಕ್ ಘೆತ್ಲಾಂ. ಸಾಂ. ಜೊಕಿಂ ಆನಿ ಸಾಂ. ಆನ್ನಾಚಿ ಜಿಣಿ ಆಮ್ಕಾಂ ಜೇಮ್ಸಾನ್ (ಜೆಜುಚ್ಯಾ 'ಭಾವಾಂ' ಮಧ್ಲೊ ಎಕ್ಲೊ) ಬರಯ್ಲೆಲ್ಯಾ ಸುವಾರ್ತೆಂತ್ ವಾಚುಂಕ್ ಮೆಳ್ತಾ. ಇಗರ್ಜ್ ಮಾತೆನ್ ಹ್ಯಾ ಸುವಾರ್ತೆಕ್ ಥೊಡ್ಯಾ ಕಾರಣಾಂಕ್ ಲಾಗೊನ್ ಮಾನ್ಯಾತಾ ದೀಂವ್ಕ್ ನಾ! ಹರ್ಯೆಕಾ ವರ್ಸಾ ಜುಲೈಚ್ಯಾ 26 ತಾರಿಕೆರ್ ಆಮಿಂ ಸಾಂ. ಜೊಕಿಂ ಆನಿ ಸಾಂ. ಆನ್ನಾಚಿ ಪರಬ್ ಆಚರಣ್ ಕರ್ತಾಂವ್ ಆನಿ ಹ್ಯಾ ಪರ್ಬೆಕ್ "ಆಬಾಚೆಂ ಆನಿ ವ್ಹಡ್ಲಿ ಮಾಂಯ್‌ಚೆಂ ಫೆಸ್ತ್" ಮ್ಹಣ್ ಸಾಂಗ್ತಾತ್. ಚಡಾವತ್ ಜಾವ್ನ್ ಆಯ್ಚ್ಯಾ ಭುರ್ಗ್ಯಾಂಕ್ ಹ್ಯೆ ವಿಶಿಂ ಕಳಿತ್ ನಾ!!!!. ಆಯ್ಚ್ಯಾ ದಿಸಾ ಆಮಿ ಹಿ ಪರಬ್ ಆಚರಣ್ ಕರ್ಚ್ಯಾ ಸಂಧರ್ಬಿಂ ಹಾಂವೆಂ ವಾಚ್‌ಲ್ಲಿ ಸಾಂ. ಜೊಕಿಂ ಆನಿ ಸಾಂ ಆನ್ನಾಚಿ ಜಿಣ್ಯೆ ಕಥಾ ಮಟ್ವ್ಯಾನ್ www.maibhaas.com ವಾಚ್ಚ್ಪ್ಯಾಂಕ್ ವಾಚುಂಕ್ ಹಾಂಗಾಸರ್ ದಿಲಾ.
ಇಸ್ರಾಯೆಲಾಚ್ಯಾ ಬಾರಾಂ ಕುಳಿಯೆಚ್ಯಾ ಚರಿತ್ರೆಂತ್ ಮರಿಯೆಚೊ ಬಾಪಯ್ ಜೊಕಿಂ ಏಕ್ ಗ್ರೇಸ್ತ್ ಮನಿಸ್ ಜಾವ್ನಾಸ್‌ಲ್ಲೊ. ಹರ್ಯೆಕಾ ವೆಳಾ ಆಪ್ಲ್ಯಾ ಆದಾಯಾಂತ್ಲೆಂ ತೊ ದೆವಾಕ್ ದೊಡ್ತ್ಯಾನ್ ಭೆಟವ್ಣಿ ಜಾವ್ನ್ ಅರ್ಪಿತಲೊ ಆನಿ ಜಾಯ್ತ್ಯಾ ದುಬ್ಳ್ಯಾ ಭಾಂವ್ಡಾಂಕ್ ತೊ ಕುಮಕ್ ಜಾವ್ನ್ ದಿತಲೊ. ಆನ್ನಾ ಜಲ್ಮಾನ್ ಬೆತ್ಲೆಹೆಮ್ ಶಹರಾಂತ್ಲಿ ಆನಿ ನಜರೆತಾಂತ್ಲೆ ಜೊಕಿಂ ಲಾಗಿಂ ತಿಜೆಂ ಲಗ್ನ್ ಜಾಲ್ಲೆಂ. ಸಬಾರ್ ತೇಂಪ್ ಮ್ಹಣಾಸರ್ ಭುರ್ಗ್ಯಾಚೆ ದೆಣೆಂ ತಾಂಕಾ ಲಾಭಂವ್ಕ್ ನಾ. ಎಕಾ ವರ್ಸಾ, ಪರ್ಬೆಚೊ ದೀಸ್ ಲಾಗಿಂ ಯೆತಲೊ ಜಾಲ್ಲ್ಯಾನ್ ಸರ್ವಾಂ ದೆವಾಕ್ ಕಾಣಿಕ್ ಭೆಟಯ್ತಲಿಂ ಆನಿ ಅಶೆಂ ಜೊಕಿಂ ದಸ್ತುರೆ ಪರ್ಮಾಣೆಂ ಕಾಣಿಕ್ ಭೆಟಂವ್ಕ್ ಪಾವ್ತಾ. ಹ್ಯಾ ವೆಳಾ ದೆವಾಳಾಚೊ ಪ್ರಧಾನ್ ಯಾಜಕ್, ಜೊಕಿಂಮಾಕ್ ಭುರ್ಗಿಂ ಜಲ್ಮುಂಕ್ ನಾ ಜಾಲ್ಲ್ಯಾನ್ ತಾಣೆ ಹಾಡ್‌ಲ್ಲಿ ಕಾಣಿಕ್ ದೆವಾಕ್ ಅರ್ಪುಂಕ್ ತೊ ತಿರಸ್ಕಾರ್ ಕರ್ತಾ! ಖಳಾನಾಸ್ತಾನಾ ದೊಡ್ತ್ಯಾನ್ ಕಾಣಿಕ್ ಭೆಟಂವ್ಚ್ಯಾ ಜೊಕಿಂಮಾಕ್ ಪ್ರಧಾನ್ ಯಾಜಾಕಾಚೆಂ ಹೆಂ ವರ್ತನ್ ಭೋವ್ ಚಡ್ ನಿರಾಸ್ ಜಾಯ್ಶೆಂ ಕರ್ತಾ. ಇಸ್ರಾಯೆಲಾಚ್ಯೆ ಬಾರಾ ಕುಳಿಯೆಚ್ಯಾ ನಿತಿವಂತ್ ಮನ್ಶ್ಯಾ ಮಧೆಂ ಆಪ್ಣಾಕ್ ಮಾತ್ರ್ ಭುರ್ಗ್ಯಾಂಚೆಂ ದೆಣೆಂ ಲಾಭಂವ್ಕ್ ನಾ ಮ್ಹಳ್ಳೆಂ ಸಮ್ಜತಚ್ ತಾಕಾ ಭೋವ್ ಚಡ್ ದುಖ್ತಾ! ಪೂಣ್ ಸರ್ವೆಸ್ಪರ್ ದೆವಾಚೆರ್ ಭರ್ವಸೊ ಸಾಂಡಿನಾಸ್ತಾಂ, ಉತರ್ ಪ್ರಾಯೆರ್ ಆಬ್ರಾಹಾಮಾಕ್ ಚೆರ್ಕೊ ಭುರ್ಗೊ ಇಸಾಕ್ ಜಲ್ಮಾಲ್ಲೆಂ ಘಡಿತ್ ತೊ ಉಗ್ಡಾಸಾಕ್ ಹಾಡ್ತಾ. ಜಾಲ್ಯಾರೀ ಘಡ್‍ಲ್ಲಿ ಸಂಗತ್ ವಿಸ್ರುಂಕ್ ಜಾಯ್ನಾಸ್ತಾಂ ಖಂತಿನ್, ಆನ್ನಾಚೆ ದಿಷ್ಠಿಕ್ ತೊ ಯೇನಾಸ್ತಾಂ ಅರಣ್ಯಾಕ್ ವೆತಾ. ಥಂಯ್ ತೊ ಥಂಬು ಘಾಲ್ತಾ ಆನಿ ಚಾಳೀಸ್ ದೀಸ್ ಆನಿ ರಾತಿಂ ಉಪಾಸ್ ಕರ್ತಾ. ದೇವ್ ಆಪ್ಣಾಕ್ ಮೆಳುಂಕ್ ಯೆತಾ ಮ್ಹಣಾಸರ್ ಆಪುಣ್ ಕಿತೆಂಚ್ ಖಾಣ್ ಪೀವನ್ ಸೆಂವ್ಚೊನಾ ಮ್ಹಣ್ ನಿರ್ಧಾರ್ ತೊ ಕರ್ತಾ.
ಆಂಜ್ ಭಡ್ವ್ಯಾನಿ ದಿಲ್ಲ್ಯಾ ಸಂದೇಶಾ ಪರ್ಮಾಣೆಂ ಜೊಕಿಂ, ಸಂತೊಸಾನ್, ಬೊರಿ ಖಬಾರ್ ಸಂಭ್ರಮುಂಕ್ ಬೊಕ್ರ್ಯಾಂಚೊ, ತರ್ನ್ಯಾ ವಾಸ್ರಾಂಚೊ ಆನಿ ಶೆಳಿಯಾಂಚೊ ವ್ಹಡ್ ಹಿಂಡ್ ಘೆವ್ನ್ ಯೆತಾ. ದಾರ‍್ವಾಟ್ಯಾರ್ ವ್ಹಡಾ ಆತುರಾಯೆನ್ ಆಪ್ಲ್ಯಾ ಪತಿಚ್ಯಾ ಯೆಣ್ಯಾಕ್ ರಾಕುನ್ ಆಸ್‌ಲ್ಲಿ ಆನ್ನಾ ಜೊಕಿಂಮಾಕ್ ದೆಖ್ತಚ್ ಸಂತೊಸಾನ್ ತಿ ಭರ‍್ತಾ ಆನಿ ಆಪ್ಲ್ಯಾ ಪತಿಕ್ ವೇಂಗ್ ಮಾರ್ತಾ. ನೋವ್ ಮಹಿನೆ ಸಂಪ್ತಚ್ ಆನ್ನಾ ಎಕಾ ಚೆಡುಂ ಭುರ್ಗ್ಯಾಕ್ ಜಲ್ಮ್ ದಿತಾ ಆನಿ ತಿಚೆ ಅಶುದ್ಧ್‌ಪಣಾಚೆ ದೀಸ್ ಸಂಪ್ತಚ್ ತ್ಯಾ ಭುರ್ಗ್ಯಾಕ್ ತಾಂಣಿ "ಮರಿ" ಮ್ಹಣ್ ನಾಂವ್ ದಿಲೆಂ.
ಸಾಂ. ಜೊಕಿಂ ಆನಿ ಸಾಂ. ಆನ್ನಾ ಏಕ್ ಭಾವಾಡ್ತಿ ಜಿಣಿ ಜಿಯೆಲಿಂ. ಮರಿಯೆಕ್ ದೇವ್ ಭಿರಾಂತಿನ್ ತಾಣಿಂ ವಾಗಯ್ಲೆಂ. ತಾಂಣಿಂ ದಿಲ್ಲೆಂ ಲಿಸಾಂವ್ ಮರಿಯೆಕ್, ದೆವಾನ್ ಗಾಬ್ರಿಯೆಲ್ ದುತಾನ್ ಮಾರಿಫಾತ್ ದಿಲ್ಲೊ ಆದೇಶ್ ಪಾಳುಂಕ್ ಆವ್ಕಾಸ್ ಕರ್ನ್ ದೀಂವ್ಕ್ ಪಾವ್ಲೆಂ. ಸಾಂ. ಜೊಕಿಂ ಆನಿ ಸಾಂ ಆನ್ನಾ ಸರ್ವ್ ಆಜಾ ಆಜಿಯಾಂಚಿ, ಕಾಜಾರಿ ಜೊಡ್ಯಾಚಿಂ ಪಾತ್ರೊನ್ ಜಾವ್ನಾಸಾತ್. ಸಾಂ ಜೊಕಿಂಮಾಚ್ಯಾ ಪೆಸ್ತಾಚ್ಯಾ ಸಂಭ್ರಮಾಕ್ 1948 ಇಸ್ವೆಂತ್ ಸಾಂ. ಜುಜೆಚ್ಯಾ ಪೆಸ್ತಾಚ್ಯಾ ದುಸ್ರೆ ದಿಸಾ ಮ್ಹಣ್ಜೆ ಮಾರ್ಚ್ ಮಹಿನ್ಯಾಚ್ಯಾ 20 ತಾರಿಕೆರ್ ಸುರ್ವಾತ್ ದಿಲಿ. ಪಾಪಾ ಪಿಯುಸ್ ಧಾವ್ಯಾನ್ ಸಾಂ ಜೊಕಿಂ ಚೊ ಉಗ್ದಾಸ್ ಸದಾಂಚ್ ಉರೊಂ ಮ್ಹಳ್ಳ್ಯಾ ಉದ್ದೇಶಾನ್ ಹಿ ಪರಬ್ ಮರಿಯೆಚ್ಯಾ ಸರ್ಗಿಂ ಘೆಣ್ಯಾಚ್ಯಾ ಫೆಸ್ತಾಚ್ಯಾ ದುಸ್ರೆ ದಿಸಾ ಮ್ಹಣ್ಜೆ ಆಗೋಸ್ತಾಚ್ಯಾ 16 ತಾರಿಕೆರ್ ಆಚರಣ್ ಕರ್ಚ್ಯಾಕ್ ಉಲೊ ದಿಲೊ ತರ್, 1969 ಇಸ್ವೆಂತ್ ಥಾವ್ನ್ ಹಿ ಪರಬ್ ಖಳಾನಾಸ್ತಾಂ ಜುಲೈಚ್ಯಾ 26 ತಾರಿಕೆರ್ ಆಚರಣಾಕ್ ಆಯ್ಲಿ.
ಕಾಜಾರಿ ಜೊಡ್ಯಾನ್ ಸಾಂ. ಜೊಕಿಂ ಆನಿ ಸಾಂ. ಆನ್ನಾಚಿ ದೇಕ್ ಕಾಣ್ಘೆಂವ್ಕ್ ಜಾಯ್! ಉತರ್ ಪ್ರಾಯ್ ಪರ್ಯಾಂತ್ ತಾಂಕಾ ಭುರ್ಗಿಂ ನಾತ್‍ಲ್ಲಿಂ ಜಾಲ್ಯಾರೀ ದೆವಾ ವಯ್ರ್ ಪಾತ್ಯೆಣಿ ಆನಿ ಹೆರಾಂಚೊ ಹುಸ್ಕೊ ತಾಂಣಿ ಸಾಂಡುಂಕ್ ನಾ. ದೆವಾನ್ ದಿಲ್ಲಿ ಗ್ರೇಸ್ತ್ ಕಾಯ್ ಹೆರಾಂ ಥಂಯ್ ತಾಂಣಿ ವಾಂಟುನ್ ಕಾಣ್ಘೆಲಿ. ಕಿತೆಂಚ್ ದುರ್ಸೊಣೆಂ ನಾಸ್ತಾಂ ದೆವಾಕಡೆಂ ತಾಂಣಿ ಆಖೇರ್‍ ಪರ್ಯಾಂತ್ ಮಾಗ್ಲೆಂ. ಆನಿ ದೇವ್ ತಾಂಚ್ಯಾ ಮಾಗ್ಣ್ಯಾಂಕ್ ಮಾನ್ವಾಲೊ ಆನಿ ತಾಂಕಾ ಊಂಚ್ ಉಬಾರ್ಲೆಂ. ಆಮಿಂಯೀ ಆಮ್ಚ್ಯಾ ದಿಸ್ಪಡ್ತ್ಯಾ ಜೀವನಾಂತ್, ಕಷ್ಟಾಂಕ್ ಭಿಯೆನಾಸ್ತಾಂ, ದೆವಾಚೆರ್ ಪಾತ್ಯೆಣಿ ದವ್ರುಂಕ್ ಸಾಂ. ಜೊಕಿಂ ಆನಿ ಸಾಂ. ಆನ್ನಾ ಆಮ್ಕಾಂ ಧಯ್ರ್ ದೀಂವ್. ಸರ್ವ್ ಕಾಜಾರಿ ಜೊಡಿಂ, ತಾಂಚ್ಯಾ ಸಂಬಂಧಾಂತ್ ವಿಶ್ವಾಸಿ ರಾವೊನ್, ಭುರ್ಗ್ಯಾಂಕ್ ಬೊರಿ ದೇಕ್ ದೀವ್ನ್, ಸಮಾಧಾನೆಚೆಂ ಆನಿ ಯಶಸ್ವೆಚೆಂ ಜಿಣಿ ಜಿಯೆಂವ್ದಿತ್ ಮ್ಹಣ್ ಆಶೆತಾಂ. ಹಾಚ್ಯೆ ಸಾಂಗಾತಾ, ಜಿಣ್ಯೆಂತ್ ಬೊರೆಂ ಝುಜ್ ಝುಜವ್ನ್, ಆಜ್ ಜಿಣ್ಯೆಚ್ಯಾ ಸಾಂಜೆರ್ ಪಾವ್‍ಲ್ಲ್ಯಾ ಸರ್ವ್ ಆಬ್ ಆನಿ ವ್ಹಡ್ಲಿ ಮಾಂಯ್ ಪಾಸತ್ ಏಕ್ ಘಡಿಭರ್ ಮಾಗ್ಯಾಂ. ತಾಂಕಾ ತಾಂಚ್ಯಾ ಹ್ಯಾ ಉತರ್ ಪ್ರಾಯೆರ್, ಜಾಯ್ ಆಸ್ಚಿ ಭಲಾಯ್ಕಿ, ಮೋಗ್ ತಾಂಚ್ಯಾ ಭುರ್ಗ್ಯಾಂ ಥಾವ್ನ್ ಆನಿ ನಾತ್ರಾಂ ಥಾವ್ನ್ ಲಾಭೊಂವ್ದಿ ಮ್ಹಣ್ ಮಾಗ್ಯಾಂ. ಜರ್ ತರ್ ಆಮ್ಚಿ ಆಬ್ ಆನಿ ವ್ಹಡ್ಲಿಮಾಂಯ್ ಜೀವಂತ್ ಆಸಾತ್, ತರ್ ಪಯ್ಲೆಂ ತಾಂಕಾಂ ನಮಾನ್ ಕರ್ಯಾಂ....
Tags:
St. Joachim and St. ann, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್ವಸೊ' ನವೆಂ ಪದ್...
-
-
2/27/2021 ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...
-
12/20/2020 ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...
-
12/6/2020 ಆಸ್ತ್ ........
-
11/25/2020 ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...
-
11/9/2020 ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...
-
10/17/2020 ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...
-
-
-
12/18/2021 ಕೆನಡಾಂತ್ 'ನವೊ ಭರ್ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
1 Comment/s.
Very informative article,appreciate and congratulations for your efforts on your literature skills, Sannu Niddodi. Good luck in your future endures ang God bless you. Mark Denis d'souza