From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಮೈಕಲ್ ಸೂರಪ್ಪ - ಚಾರಿತ್ರಿಕ್ ಕಾಣಿ
Thursday, July 14, 2016
ಆಜ್ ಮಿಸಾ ಉಪ್ರಾಂತ್ ಫಿರ್ಗಜ್ ಗೊವ್ಳಿಕ್ ಪರಿಷದೆಚಿ ಜಮಾತ್ ಆಸಾ. ಜಮಾತೆಚೊ ವಿಶಯ್ - 'ಪಾಪಾ ಪಾವ್ಲ್ ದುಸ್ರ್ಯಾಕ್ ಸಾಂತ್ ಮ್ಹಣ್ ಆತಾಂಚ್ಯಾ ಪಾಪಾ ಸಾಯ್ಬಾನ್ ಪಾಚಾರ್‍ಲಾಂ ತೆಂ ಆಚರಣ್ ಕರ್ಚೆಂ. ತೊ 1986 ಇಸ್ವೆಂತ್ ಮಂಗ್ಳುರಾಕ್ ಆಯಿಲ್ಲೊ ಆನಿ ತಾಕಾ ಹಾಂವೆಂ ಪಳಯ್ಲಾಂ', ಮ್ಹಣಾಲೊ ಮೈಸೂರ್ ದಿಯೆಸೆಜಿಚ್ಯಾ ಕಿರಂಗೂರ್ ಫಿರ್ಗಜೆಚೊ ವಿಗಾರ್, ಕಳವ್ಣೆ ವೆಳಾರ್. ವಿಗಾರ್ ಕುಡ್ಸುನ್ ಮ್ಹಣಾಲೊ, 'ಸಗ್ಳೆ ಸಾಂತ್ ಜಾತಾತ್, ಕೇರಳಾಚಿಂ ಸಾಂತಿಣ್ ಜಾಲ್ಯಾಂತ್, ಗೊಂಯ್ಕಾರ್ ಫಾ| ಜುಜೆ ವಾಜ್ ಸಾಂತ್ ಜಾಲಾ, ಪೂಣ್ ಕರ್ನಾಟಕಾಚೆ ಕಿತ್ಯಾಕ್ ಸಾಂತ್ ಜಾಯ್ನಾಂತ್ ಮ್ಹಣ್ ಅಂತಸ್ಕರ್ನಾಚಿ ಝಡ್ತಿ ಕರ್ಯಾಂ....', ಕಳವ್ಣಿ ಆಯ್ಕೊನ್ ಶಾಂತ್ ಸ್ವಭಾವಾಚ್ಯಾ ಜೀವನ್ ರಾಜಾಕೀ ರಾಗ್ ಆಯಿಲ್ಲೊ. ಜೀವನ್ ರಾಜ್ ಏಕ್ ಕ್ರಿಸ್ತಾಂವ್ ಮುಖೆಲಿ ಆನಿ ಸರ್ಕಾರಿ ಹೈಸ್ಕೂಲಾಂತ್ ಶಿಕ್ಷಕ್. ಕನ್ನಡ ಕ್ರಿಸ್ತಾಂವ್ ಸಮುದಾಯಾನ್ ಮುಕಾರ್ ಯೇಜಾಯ್, ಅಭಿವೃದ್ಧಿ ಕರಿಜಾಯ್ ಮ್ಹಣ್ ಪ್ರಯತ್ನ್ ಕರ್ಚೊ ಮನಿಸ್. ಹರ್‍ಯೆಕಾ ಆಯ್ತಾರಾ ಆನಿ ರಜೆಚ್ಯಾ ದಿಸಾಂನಿ ಲೊಕಾಕ್ ಶಿಕ್ಷಿತ್ ಕರುಂಕ್, ಸಮುದಾಯಾಚ್ಯಾ ಭುರ್ಗ್ಯಾಂನಿ ಉಂಚ್ಲೆಂ ಶಿಕಾಪ್ ಜೊಡಿಶೆಂ ಕರುಂಕ್ ಫಿರ್ಗಜಾಂ ಥಾವ್ನ್ ಫಿರ್ಗಜಾಂಕ್ ಜಾಗ್ರತ್ ಕರುಂಕ್ ವೆಚೊ ವೆಕ್ತಿ. ಪವಿತ್ರ್ ಸಭೆನ್ ಲಾಯಿಕಾಂನಿ ಆಪ್ಲಿ ಜವಾಬ್ದಾರಿ ಪಾಳಿಜಾಯ್ ಮ್ಹಳ್ಳ್ಯಾ ಚಿಂತ್ಪಾಚೊ. ಫಿರ್ಗಜೆಂತ್ ಕಸಲೊಂಯೀ ಹುದ್ದೊ, ಮಾನ್ ಆಶೆನಾಸ್ತಾಂ, ಫಿರ್ಗಜೆಚ್ಯಾ ಹರ್‍ಯೆಕಾ ಚಟುವಟಿಕಾಂನಿ ಸಹಕಾರ್ ದಿತಾಲೊ. ಫಿರ್ಗಜ್ ಗೊವ್ಳಿಕ್ ಪರಿಷದೆಚೊ ಸಾಂದೊ. ವಿಗಾರಾಕ್, ಫಿರ್ಗಜ್ ಗೊವ್ಳಿಕ್ ಪರಿಷದ್ ಉಪಾಧ್ಯಕ್ಷ್ ಆನಿ ವಾಡ್ಯಾಚ್ಯಾ ಗುರ್ಕಾರಾಕ್ ಭೊವ್ ಮೊಗಾಚೊ.
'ಸಾಂತ್ ಕಿತ್ಯಾಕ್, ಕರ್ನಾಟಕಾಂತ್ ಮಂಗ್ಳುರಾ ಭಾಯ್ಲೆ ಪಾದ್ರಿ, ಬಿಸ್ಪ್ ಸಯ್ತ್ ಜಾಯ್ನಾಂತ್...' ವಿಗಾರಾಕ್ ತವಳ್‌ಚ್ ವಿಚಾರ್‍ಯಾಂ ಮ್ಹಣ್ ತಾಕಾ ಭೊಗ್ಲೆಂ. ತಶೆಂ ಕರ್ಚೆಂ ಸಮಾ ನ್ಹಯ್ ಮ್ಹಣ್ ಆಪ್ಣಾಕ್‌ಚ್ ತಾಣೆಂ ಸಮಾಧಾನ್ ಕೆಲೆಂ. ಮಿಸಾ ಉಪ್ರಾಂತ್ ಜಮಾತ್ ಸುರು ಜಾಲಿ.
'ಆಯ್ಚೊ ಎಕ್‌ಚ್ ಎಜೆಂಡಾ, ಪಾಪಾ ಜುವಾಂವ್ ಪಾವ್ಲ್ ದುಸ್ರ್ಯಾಕ್ ಸಾಂತ್ ಕೆಲ್ಲೆಂ ತೆಂ ಆಚರಣ್ ಕರ್ಚೆಂ. ಪೂಣ್ ಹಾಂವ್ ಪರ್ತ್ಯಾನ್ ಸಾಂಗ್ತಾಂ, ಕೇರಳಾಚೆ ಸಾಂತ್ ಜಾತಾತ್, ಗೊಂಯ್ಕಾರ್ ಸಾಂತ್ ಜಾತಾತ್, ಪೂಣ್ ಕರ್ನಾಟಕಾಚೆ ಕಿತ್ಯಾಕ್ ಸಾಂತ್ ಜಾಯ್ನಾಂತ್? ಅಂತಸ್ಕರ್ನಾಚಿ ತನ್ಕಿ ಕರ್ಯಾಂ...', ಮ್ಹಣಾಲೊ ವಿಗಾರ್. ಶಾಂತ್ ಸ್ವಭಾವಾಚ್ಯಾ ಜೀವನ್ ರಾಜಾಕ್ ಆತಾಂ ತಡ್ವುಂಕ್ ಜಾಲೆಂ ನಾ.
'ಗೊಂಯ್ಕಾರ್ ಆನಿ ಮಲಯಾಳಿ ಸಾಂತ್ ಜಾತಾತ್, ಭಾವಾಡ್ತಾ ಖಾತಿರ್ ಜೀವ್ ದಿಲ್ಲೆ ಯುರೋಪಾಚೆ ಪೂರಾ ಸಾಂತ್ ಜಾತಾತ್, ತಾಂಚಿಂ ಆವಯ್-ಬಾಪಯ್ ಸಾಂತ್ ಜಾತಾತ್, ಪೂಣ್ ಭಾವಾರ್ಥಾ ಖಾತಿರ್ ಸರ್ವ್ ಹುದ್ದೆ ಸಾಂಡುನ್ ಕ್ರೀಸ್ತಾಕ್ ಸಾಕ್ಸ್ ದಿಲ್ಲ್ಯಾ ಕನ್ನಡ ಕ್ರಿಸ್ತಾಂವಾಂಕ್ ಕಿತ್ಯಾಕ್ ಸಾಂತ್ ಕರಿನಾಂತ್ ಮ್ಹಣ್ ವಿಚಾರಾ ಫಾದರ್. ಆಮ್ಚಿ ನ್ಹಯ್, ಸಾಂತ್-ಸಾಂತಿಣ್ ಕರ್‍ತೆಲ್ಯಾಂಕ್ ಅಂತಸ್ಕರ್ನಾಚಿ ತನ್ಕಿ ಕರುಂಕ್ ಸಾಂಗಾ', ಮ್ಹಣಾಲೊ ಜೀವನ್ ರಾಜ್. ಶಾಂತ್ ಸ್ವಭಾವಾಚೊ, ಉಂಚ್ಲ್ಯಾ ಭಾವಾರ್ಥಾಚೊ, ಆಪ್ಣಾಕ್ ಲಾಗ್ಶಿಲೊ ಜಾವ್ನ್ ಆಸ್ಲೆಲ್ಯಾ ಜೀವನ್ ರಾಜಾನ್ ಅಶೆಂ ಮ್ಹಣ್ತಾನಾ, ವಿಗಾರಾಕೀ ತಾಚ್ಯಾ 'ಅಹಂ' - ಹಾಕಾ ಮಾರ್ ಬಸ್ಲೊ. ಬ್ಲಡ್-ಪ್ರೆಶ್ಶರ್ ಆಸ್ಲಲೊ ವಿಗಾರ್ ಮ್ಹಣಾಲೊ, 'ತುಂ ಎಜೆಂಡಾ ಭಾಯ್ರ್ ವೆತಾಯ್. ಎಜೆಂಡಾ ಭಿತರ್ ಉಲಯ್'.
'ಹಾಂವ್ ಎಜೆಂಡಾ ಭಿತರ್‌ಚ್ ಆಸಾಂ. ದೇಶಾಚ್ಯಾ ದಿಯೆಸೆಜಿಚ್ಯಾ ವೆಕ್ತಿಕ್ ಸಾಂತ್ ಕರ್‍ಚ್ಯಾ ಪಯ್ಲೆಂ, ಆಮ್ಚ್ಯಾಚ್ಚ್ ಕಿಲಂಗೂರ್ ಫಿರ್ಗಜೆ ಖಾತಿರ್ ಆನಿ ಕ್ರಿಸ್ತಾಂವ್ ಸಮಡ್ತಿ ಖಾತಿರ್ ಎಕ್ಲ್ಯಾನ್ ನ್ಹಯ್, ಬಗಾರ್ ಆಪ್ಲ್ಯಾ ಹಾತಾಖಾಲ್ ಆಸ್ಲೆಲ್ಯಾ ಸರ್ವ್ ಸೈನಿಕಾಂನಿ ಜೀವ್ ದಿಂವ್ಚ್ಯಾ ಪರಿಂ ಕೆಲ್ಲ್ಯಾ ಮೈಕಲ್ ಸೂರಪ್ಪ ಹಾಚೆ ಖಾತಿರ್ ಆಮ್ಚ್ಯಾ ಬಿಸ್ಪಾನ್ ಆನಿ ಪಾಪಾಸಾಯ್ಬಾನ್ ಕಿತೆಂ ಕೆಲಾಂ? ಆಯ್ಲೆವಾರ್ ಒರಿಸ್ಸಾಚ್ಯಾ ಕಂದಮಾಲಾಂತ್ ಶೆಂಬೊರಾಂ ವಯ್ರ್ ಭಾವಾರ್ಥ್ಯಾಂನಿ, ಕ್ರಿಸ್ತಾಂವ್ ಧರ್ಮಾ ಖಾತಿರ್ ತ್ಯಾಗ್ ಕೆಲಾ. ಜಾಯ್ತೆ ಗಾಂವ್ ಸಾಂಡುನ್ ದೇಶಾಂತರ್ ಗೆಲ್ಯಾಂತ್. ತಾಂಚೆ ಖಾತಿರ್ ಆಮಿ ಕಿತೆಂ ಕೆಲಾಂ?' ಮ್ಹಣಾಲೊ ಜೀವನ್ ರಾಜ್.
'ಕೋಣ್ ತೊ ಮೈಕಲ್ ಸೂರಪ್ಪ? ತಾಚೆ ವಿಶಿಂ ಹಾಂವೆಂ ಕಾಂಯ್ ಆಯ್ಕೊಂಕ್ ನಾ', ಮ್ಹಣಾಲೊ ವಿಗಾರ್.
'ಕ್ರಿಸ್ತಾಂವಾಂ ಪಯ್ಕಿ ಕೋಣ್ ರಾಜಕಾರಣಿ ಆಸ್ಲಲೆ, ಮಂತ್ರಿ ಆಸ್ಲಲೆ, ಸರ್ಕಾರಿ ಅಧಿಕಾರಿ ಆಸ್ಲಲೆ ಆನಿ ಆಸಾತ್ ತಾಂಚಿ ಪರಿಚಯ್ ಬಿಸ್ಪಾಂಕ್, ತುಮ್ಕಾಂ ಆಸಾ. ಚಾರ್ ವರ್ಸಾಂ ಥಾವ್ನ್ ತುಮಿ ಹ್ಯಾ ಫಿರ್ಗಜೆಚೆ ವಿಗಾರ್ ಜಾವ್ನ್ ಆಸಾತ್ ಆನಿ ಮೈಕಲ್ ಸೂರಪ್ಪ ಕೋಣ್ ಮ್ಹಣ್ ತುಮ್ಕಾಂ ಕಳಿತ್ ನಾ, ಹಿ ತುಮ್ಚಿ ಚೂಕ್ ನ್ಹಯ್, ಆಮ್ಚ್ಯಾ ಮಾಲ್ಗಡ್ಯಾಂಚಿ ಚೂಕ್! ಇಗರ್ಜೆಚೆಂ ಬಾಂದಾಪ್ ಕೊಣೆಂ ಬಾಂದ್ಲೆಂ, ಘಾಂಟಿಚಿ ತೋರ್ ಕೊಣೆಂ ಬಾಂದ್ಲಿ, ಇಸ್ಕೊಲಾಚೆಂ ಬಾಂದಾಪ್ ಕೊಣೆಂ ಬಾಂದ್ಲೆಂ, ಹೆಂ ಪೂರಾ ಮಾರ್ಬಲಾರ್ ಕಾಂತಯ್ತಾತ್. ಪೂಣ್ ಲಾಯಿಕ್ ಮುಕೆಲ್ಯಾಂನಿ ಭಾವಾಡ್ತ್ ಉರೊಂಕ್ ಆನಿ ವಾಡೊಂಕ್ ಕೆಲ್ಲೆಂ ಖಂಯ್ ಪುಣೀ ದಾಖಲ್ ಜಾಲಾಂ?' ವಿಚಾರಿ ಜೀವನ್ ರಾಜ್.
ವಿಗಾರ್ ಆತಾಂ ಇಲ್ಲೊ ಮೋವ್ ಜಾಲೊ. ಜೀವನ್ ರಾಜಾನ್ ಸಾಂಗ್ಚ್ಯಾಂತ್ ರಾಜಾಂವ್ ಆಸಾ ಮ್ಹಣ್ ವಿಗಾರಾಕ್ ಭೊಗ್ಲೆಂ.
'ಜೀವನ್, ದಯಾಕರ್ನ್ ಮೈಕಲ್ ಸೂರಪ್ಪ ವಿಶಿಂ ಮ್ಹಾಕಾ ಆನಿ ಹ್ಯಾ ಸಮಿತಿಕ್ ಮಾಹೆತ್ ದೀ. ಆತಾಂಚ್ಯೆ ಪಿಳ್ಗೆಕ್ ಮಾಯ್ಕಲ್ ಸೂರಪ್ಪ ವಿಶಿಂ ಮಾಹೆತ್ ನಾ. ಹಾಂವ್ ಪಯ್ಶಿಲ್ಯಾ ಮಂಗ್ಳುರಾಚೊ. ಟಿಪ್ಪು ಸುಲ್ತಾನಾನ್ 1784 ಇಸ್ವೆ ಥಾವ್ನ್ 1798 ಮ್ಹಣಾಸರ್ ಮಂಗ್ಳುರಾಂತ್ ಕೆಲ್ಲ್ಯಾ ಅನ್ಯಾಯಾ ವಿಶಿಂ ಹಾಂವ್ ಜಾಣಾ. ಹೆರ್ ಹಾಂವ್ ನೆಣಾ...' ಮ್ಹಣಾಲೊ ವಿಗಾರ್. ತಾಚಿ ಬಿ.ಪಿ. ಆತಾಂ ದೆಂವ್ಲಲಿ.
'ತುಮ್ಚ್ಯಾ ಮಂಗ್ಳುರ್‌ಗಾರಾಂಕ್ ಮಾತ್ರ್ ಟಿಪ್ಪುನ್ ದಗ್ದಿಲ್ಲೆಂ ನ್ಹಯ್, ಮೈಸೂರ್ ಸಂಸ್ಥಾನಾಚ್ಯಾ ಸರ್ವ್ ಕ್ರಿಸ್ತಾಂವಾಂಕ್ ತಾಣೆಂ ದಗ್ದಿಲಾಂ. ಹಾಕಾ ಪ್ರಮುಖ್ ಕಾರಣ್ ಮಂಗ್ಳುರ್‍ಚ್ಯಾ ಮಂತನಾಚ್ಯಾ ಕುಟ್ಮಾಂನಿ, ಟಿಪ್ಪು ವಿರೋದ್ ಝುಜೊಂಕ್ ಬ್ರಿಟಿಶಾಂಕ್ ಕುಮೊಕ್ ಕೆಲ್ಲಿ.'
'ಹಾಂಗಾಯೀ ತಶೆಂಚ್ ಜಾಲಾಂಗಿ? ಇಗರ್ಜೊ ಪರ್ತಿಲ್ಯಾತ್‌ಗಿ?' ವಿಚಾರಿಲಾಗ್ಲೊ ವಿಗಾರ್.
'ಆಯ್ಕಾ', ಮ್ಹಣಾಲೊ ಜೀವನ್ ರಾಜ್. 'ಮೈಸೂರ್ ಒಡೆಯರ್ ರಾಯಾಚೊ ಲ್ಹಾನ್ ಶಿಪಾಯ್ ಜಾವ್ನ್ ಸೆರ್‍ವಾಲ್ಲ್ಯಾ ಹೈದರ್ ಆಲಿಕ್, ತಾಚಿ ಸಾಮರ್ಥಿ ಪಳೆವ್ನ್ ರಾಯಾನ್, ತಾಕಾ ಸೇನಾಧಿಪತಿಚೊ ಹುದ್ದೊ ದಿಲೊ. ಖಾಂವ್ಕ್ ಶಿತ್ ದಿಲ್ಲ್ಯಾ ಹಾತಾಕ್ ಘಾಸ್ ಘಾಲ್ನ್, ಹೈದರಾಲಿನ್ 1761 ಇಸ್ವೆಂತ್, ಚಿಕ್ಕ ಕೃಷ್ಣರಾಜ ಒಡೆಯರ್ ಆನಿ ಕುಟ್ಮಾಕ್ ಜೈಲಾಕ್ ಘಾಲ್ನ್, ತೊಚ್ಚ್ ಮೈಸುರ್ಚೊ ರಾಯ್ ಜಾಲೊ. ತಾಚೆ ಸಾಂಗಾತಾ ಹೆವ್ಶಿಲ್ಯಾನ್ ಕೊಡಗು ರಾಜ್ಯ್ ಆನಿ ತೆವ್ಶಿಲ್ಯಾನ್ ಹೈದರಾಬಾದ್ ನಿಜಾಮಾಚೆಂ ರಾಜ್ಯ್ ವೋಡ್ನ್ ಘೆತ್ಲೆಂ. 1780 ಇಸ್ವೆಂತ್ ಮಂಗ್ಳುರ್ ಬ್ರಿಟಿಶಾಂಚ್ಯಾ ಹಾತಾ ಥಾವ್ನ್ ವೋಡ್ನ್ ಘೆತ್ಲೆಂ.' ವಿಗಾರ್ ಆನಿ ಸಾಂದೆ ಚೀತ್ ದೀವ್ನ್ ಆಯ್ಕಾತಾಲೆ.
'1782 ಇಸ್ವೆಂತ್, ಹೈದರಾಲಿ ಮರಣ್ ಪಾವ್ತಚ್ ಟಿಪ್ಪು ರಾಯ್ ಜಾಲೊ. ಕಟ್ಟಾ ಕೋಮುವಾದಿ ತೊ. ದುಸ್ರ್ಯಾ ಮೈಸೂರ್ ಲಡಾಯೆಂತ್ ಮಂಗ್ಳುರ್‍ಚ್ಯಾ ಕ್ರಿಸ್ತಾಂವಾಂನಿ, ಬ್ರಿಟಿಶಾಂಕ್ ಕುಮೊಕ್ ಕೆಲ್ಯಾ ಮ್ಹಳ್ಳೆಂ ನೀಬ್ ಘೆವ್ನ್, 1783 ಇಸ್ವೆಂತ್ ಮೈಸೂರ್ ರಾಜ್ಯಾಂತ್ ಆಸ್ಲಲ್ಯೊ ಇಗರ್ಜೊ ಪರ್ತುಂಕ್ ಆದೇಶ್ ದಿಲೊ. ತಾಂತುಂ ಹಿ ಆಮ್ಚಿ, ಕಿಲಂಗೂರ್ ಇಗರ್ಜ್ ಏಕ್. ಮೈಕಲ್ ಸೂರಪ್ಪ, 600 ಜಣ್ ಕ್ರಿಸ್ತಾಂವ್ ಸೈನಿಕಾಂಚೊ ಮುಖೆಲಿ. ತೊ ಏಕ್ ಎಕೀನ್ ಮನಿಸ್. ಹ್ಯಾಚ್ ಖಾತಿರ್, ಹೈದರಾಲಿನ್ ತಾಕಾ ಆಪ್ಲೊ ಅಂಗ್‌ರಕ್ಷಕ್ ಜಾವ್ನ್ ನೇಮಕ್ ಕೆಲ್ಲೊ. ಪ್ರಾಮಾಣಿಕ್‌ಪಣಿ ರಾಯಾಚಿ ತಾಣೆಂ ಸೆವಾ ಕೆಲ್ಲಿ. ನಿಜಾಮಾ ವಿರೋದ್ ಆನಿ 1780 ಇಸ್ವೆಂತ್ ಮಂಗ್ಳುರಾಂತ್ ಬ್ರಿಟಿಶಾಂ ವಿರೋದ್ ಜಾಲ್ಲ್ಯೆ ಲಡಾಯೆಂತ್, ಹೈದರಾಲಿಚ್ಯಾ ಪಾಡ್ತಿನ್ ತೊ ಝುಜ್ಲಲೊ. ಅಮ್ಚಿ ಹಿ, ಕಿಲಂಗೂರ್ ಇಗರ್ಜ್ ಮೊಡುಂಕ್, ಟಿಪ್ಪುನ್ ಆಜ್ಞಾ ದಿಲಿ. ಹಿ ಖಬರ್ ಮೈಕಲ್ ಸೂರಪ್ಪಾಕ್ ಪಾವ್ಲಿ. ಥಂಯ್ಚ್ಯಾ ಗೊಂಯ್ಕಾರ್ ವಿಗಾರಾಕ್ ಪಯ್ಲೆಂಚ್ ಗೊಯಾಂಕ್ ಗಡಿಪಾರ್ ಕೆಲ್ಲೆಂ. ವೆತಾನಾ ವಿಗಾರ್, ಫಿರ್ಗಜೆಚಿಂ ಗರ್ಜೆಚಿಂ ದಸ್ತಾವೆಜಾಂ ವ್ಹರುನ್ ಗೆಲ್ಲೊ. ಫಿರ್ಗಜ್ ಆನಿ ಫಿರ್ಗಜ್‌ಗಾರ್ ಗೊವ್ಳಿ ನಾತ್ಲೆಲ್ಯಾ ಹಿಂಡಾಪರಿಂ ಜಾಲ್ಲೆ.'
'ಮೈಕಲ್ ಸೂರಪ್ಪಾ ಆನಿ ತಾಚ್ಯಾ ಉರ್‍ಲೆಲ್ಯಾ 599 ಸೈನಿಕಾಂನಿ ಕಿಲಂಗೂರ್ ಫಿರ್ಗಜೆಚಿ ಜವಾಬ್ದಾರಿ ಘೆತ್ಲಿ. ತೇರ್ಸ್ ಮ್ಹಣೊಂಕ್ ಆನಿ ಸಾಲ್ವೆ ರೆಜೀನಾ ಗಾಯನ್ ಗಾಂವ್ಕ್ ಲೊಕಾಕ್ ತಾಣೆಂ ಸಾಂಗ್ಲೆಂ. ಭಾವಾಡ್ತಾಂತ್ ಥಿರ್ ರಾವೊಂಕ್, ಗರ್ಜ್ ಪಡ್ಲ್ಯಾರ್ ಜೀವ್ ಸಯ್ತ್ ದೀಂವ್ಕ್ ಲೊಕಾಕ್ ತೊ ಧೈರ್ ದೀಂವ್ಕ್ ಲಾಗ್ಲೊ. ಮೈಕಲ್ ಸೂರಪ್ಪಾ ಆನಿ ತಾಚೆ 599 ಸೈನಿಕ್ ಮಿತ್ರ್, ಟಿಪ್ಪುಚ್ಯಾ ಸೈನಿಕಾಂಚೊ ವೇಸ್ ಘಾಲ್ನ್, ಹ್ಯಾಚ್ ಆಮ್ಚ್ಯಾ ಕಿಲಂಗೂರು ಇಗರ್ಜೆ ಭಿತರ್ ರಿಗ್ಲೆ. ಟಿಪ್ಪುಚೆ ಸೈನಿಕ್, ಇಗರ್ಜ್ ನಾಸ್ ಕರುಂಕ್ ಯೆತಾನಾ, ತಾಂಚ್ಯಾ ಆಂಗಾರ್ ಪಡೊನ್ ತಾಂಕಾಂ ಧಾಂವ್ಡಾಯ್ಲೆಂ. ಆಪ್ಲ್ಯಾ ಸಾಂಗಾತ್ಯಾಂಕ್ ಸಾಂಗಾಲಾಗ್ಲೊ ಮಾಯ್ಕಲ್, ಆತಾಂ ಸುಲ್ತಾನ್ ವೆಗಿಂಚ್ ಆಮ್ಕಾಂ ಬಂಧಿಂತ್ ಘಾಲ್ತಲೊ ಆನಿ ಮುಸ್ಲಿಂ ಜಾಂವ್ಕ್ ಸಾಂಗ್ತಲೊ. ನಾ ತರ್ ಧಗ್ದಿತಲೊ ಆನಿ ಜಿವೆಶಿಂ ಮಾರ್ತಲೊ. ಹಾಂವ್ ಆನಿ ಮ್ಹಜೆಂ ಕುಟಮ್, ಜೆಜು ಕ್ರಿಸ್ತಾ ಖಾತಿರ್ ಜೀವ್ ದಿತೆಲ್ಯಾಂವ್ ಪೂಣ್ ಆಮ್ಚೊ ಭಾವಾಡ್ತ್ ಸಾಂಡ್ಚಿನಾಂವ್. ತುಮ್ಚಿ ವಿಂಚವ್ಣ್ ತುಮ್ಕಾಂ, ಹಾಂವ್ ಬಲತ್ಕಾರ್ ಕರಿನಾ.'
'ಆಮಿ ಆನಿ ಆಮ್ಚೆಂ ಕುಟಮ್ ಭಾವಾಡ್ತ್ ಸಾಂಡ್ಚೆನಾಂವ್. ಪೂಣ್ ಕ್ರಿಸ್ತಾ ಖಾತಿರ್ ಜೀವ್ ದಿತೆಲ್ಯಾಂವ್...' ಎಕಾ ತಾಳ್ಯಾನ್ ಮ್ಹಣಾಲೆ 599 ಕ್ರಿಸ್ತಾಂವ್ ಸೈನಿಕ್ ಆನಿ 'ಸಾಲ್ವೆ ರೆಜೀನಾ' ಕಂತಾರ್ ಗಾಂವ್ಕ್ ಲಾಗ್ಲೆ.
ಟಿಪ್ಪು ಸುಲ್ತಾನ್, ಹೆಂ ಸಗ್ಳೆಂ ಘಡಿತ್ ಜಾಣಾ ಜಾವ್ನ್ ರಾಗಾನ್ ಕಡ್ಕಡ್ತಾಲೊ. ಮೈಕಲ್ ಸೂರಪ್ಪಾಕ್ ಆನಿ ಸೈನಾಚ್ಯಾ 20 ಜಣ್ ಮುಕೆಲ್ಯಾಂಕ್ ತಾಣೆಂ ಆಪಯ್ಲೆಂ.
'ಎಕ್‌ಚ್ಚ್ ತುಮಿ ತುಮ್ಚೊ ಕ್ರಿಸ್ತಾಂವ್ ಧರ್ಮ್ ಸಾಂಡುನ್ ಮುಸ್ಲಿಂ ಜಾಯ್ಜಯ್, ನಾ ತರ್ ತುಮ್ಕಾಂ ಬಂಧಿಂತ್ ಘಾಲ್ತಾಂ...' ಮ್ಹಣಾಲೊ ಸುಲ್ತಾನ್.
'ತುಂ ಆನಿ ಥೊಡಿಂಚ್ ವರ್ಸಾಂ ಆವ್ಕ್ ಆಸ್ಚ್ಯಾ ಹ್ಯೆ ಕುಡಿಚೊ ಜೀವ್ ಕಾಡ್ಶಿ, ಹ್ಯಾ ಕುಡಿ ಭಿತರ್ ಆಸಾ, ಅಮರ್ ಅತ್ಮೊ. ತಾಕಾ ಜಿವೆಶಿಂ ಮಾರುಂಕ್ ತುಕಾ ಜಾಂವ್ಚೆಂ ನಾ. ಇತ್ಲಿಂ ವರ್ಸಾಂ ಆಮಿ ತುಜ್ಯಾ ಭಾವಾಂಚ್ಯಾ ಆನಿ ತುಜಿ, ಪ್ರಾಮಾಣಿಕ್‌ಪಣಿ ಸೆವಾ ಕೆಲಿ. ಹಾಕಾ ಇನಾಮ್ ಜಾವ್ನ್ ಬಂಧಿತ್ ಘಾಲುಂಕ್ ಭಾಯ್ರ್ ಸರ್ಲಾಯ್! ಹಾಂವ್ ಆನಿ ಮ್ಹಜ್ಯಾ ಪಂಗ್ಡಾಂತ್ ಆಸ್ಚೆ ಸರ್ವ್ 600 ಜಣ್ ಆನಿ ಆಮ್ಚೆಂ ಕುಟಮ್ ಕ್ರಿಸ್ತಾಂವ್ ಭಾವಾಡ್ತ್ ಸಾಂಡಿನಾಂವ್, ಜೆಜು ಕ್ರಿಸ್ತಾ ಖಾತಿರ್ ಮೊರೊಂಕ್ ಆಮಿ ತಯಾರ್...' ಖಡಕ್ಕ್ ಜಾಪ್ ದಿಲಿ ಮೈಕಲ್ ಸೂರಪ್ಪಾನ್.
'ಹಾಂಚ್ಯಾ ಸಕ್ಡಾಂಚೊ ಜಿಬೊ ಕಾತರಾ' ಘರ್ಜಾಲೊ ಸುಲ್ತಾನ್! ಟಿಪ್ಪುಚ್ಯಾ ಕ್ರೂರಿ ಸೈನಿಕಾಂನಿ ಮೈಕಲ್ ಸೂರಪ್ಪ ಆನಿ 20 ಜಣಾಂಚ್ಯೊ ಜಿಬೊ ಕಾತರ್‍ಲ್ಯೊ ಆನಿ ತಾಂಕಾಂ ಜೈಲಾಂತ್ ಘಾಲೆಂ.
'ಮೈಕಲ್ ಸೂರಪ್ಪಾಚ್ಯಾ ಹಾತಿಂ ಆಸ್ಚ್ಯಾ ಸರ್ವ್ 599 ಸೈನಿಕಾಂಚ್ಯಾ ಕುಟ್ಮಾ ಸಾಂದ್ಯಾಂಕ್ ಕಯ್ದ್ ಕರ್ನ್, ಶ್ರೀರಂಗ ಪಟ್ಟಣಾಕ್ ಹಾಡಾ', ಆಜ್ಞಾ ದಿಲಿ ಟಿಪ್ಪುನ್.
ಟಿಪ್ಪುಚೆ ಸೈನಿಕ್ ಗೆಲೆ, ಆನಿ ಸರ್ವ್ 600 ಸೈನಿಕಾಂಕ್ ಆನಿ ತಾಂಚ್ಯಾ ಕುಟ್ಮಾಚಾಂಕ್ - ಪ್ರಾಯೆಸ್ತಾಂಕ್ ಆನಿ ಪಿಡೆಸ್ತಾಂಕ್ ಥಂಯ್ಚ್ ಮೊರೊಂಕ್ ಸೊಡ್ಲೆಂ ಆನಿ ಹೆರಾಂಕ್ ಲ್ಹಾನ್ ಬಾಳ್ಶಾಂ ಥಾವ್ನ್ ವ್ಹಡಾಂಕ್, ಶ್ರೀರಂಗಾ ಪಟ್ಟಣಾಕ್ ವ್ಹರ್ನ್ ಕೈದ್ ಕೆಲೆಂ. ಮೈಕಲ್ ಸೂರಪ್ಪಾಕ್ ಆನಿ ಇತರ್ 599 ಸೈನಿಕಾಂಕ್, ಗುಳೊ ಘಾಲ್ನ್ ಜಿವೆಶಿಂ ಮಾರ್ಲೆಂ.
'ಸಾಂಗಾ ಫಾದರ್, ಮೈಕಲ್ ಸೂರಪ್ಪ ಆನಿ ತಾಚ್ಯಾ ಸಾಂಗಾತ್ಯಾಂಚೊ ಉಡಾಸ್ ಆಮ್ಕಾಂ ಆಸಾ? ಹ್ಯಾ 600 ಜಣಾಂಚಿಂ, ಭಾವಾಡ್ತಾ ಖಾತಿರ್ ಮೆಲ್ಲ್ಯಾಂಚಿಂ ನಾಂವಾಂ ಖಂಯ್ ಪುಣಿ ಕೊಣೆಂಯೀ ಬರಯ್ಲ್ಯಾಂತ್?' ವಿಚಾರ್‍ಲೆಂ ಜೀವನ್ ರಾಜಾನ್.
ಹೆಂ ಆಯ್ಕೊನ್ ವಿಗಾರಾಚ್ಯಾ ದೊಳ್ಯಾಂನಿ ದುಃಖಾಂ ಭರ್ಲಿಂ. ಸ್ತ್ರೀಯೊ ದುಃಖಾಂ ಗಳೊಂವ್ಕ್ ಲಾಗ್ಲ್ಯೊ.
'ಮೊಗಾಚ್ಯಾಂನೊ', ಮ್ಹಣಾಲೊ ವಿಗಾರ್, 'ಮೈಕಲ್ ಸೂರಪ್ಪಾಕ್ ಪಾಪ್ ಸಾಯ್ಬ್ ಆನಿ ಪವಿತ್ರ್ ಸಭಾ ಸಾಂತ್ ಕರ್‍ತಾಲಿ ಯಾ ನಾ ತೆಂ ಹಾಂವ್ ನೆಣಾ. ಆಮ್ಚ್ಯೆ ಫಿರ್ಗಜೆಕ್ ಆನಿ ವಾರಾಡ್ಯಾಕ್, ಸೈಂಟ್ ಮೈಕಲ್ ಸೂರಪ್ಪ ಆನಿ ಸಾಂಗಾತಿ ಪಾತ್ರೊನ್ ಸಾಂತ್. ತಾಂಕಾಂ ಸ್ಮಾರಕ್ ಆಮಿ ಬಾಂಧ್ಯಾಂ. ತಾಂಚೊ ಭಾವಾಡ್ತ್, ಸಕ್ಡಾಂಕ್ ಪಾಚಾರ್ಯಾಂ. ಮೈಕಲ್ ಸೂರಪ್ಪಾಕ್ ಆನಿ ಸಾಂಗಾತ್ಯಾಂಕ್ ಸ್ಮಾರಕ್ ಬಾಂದುಂಕ್ ಆನಿ ತಾಂಕಾಂ ಮುಕ್ತಿವಂತ್ ಮ್ಹಣ್ ಪಾಚಾರುಂಕ್, ಮೈಸೂರ್ ದಿಯೆಸೆಜಿಚ್ಯಾ ಭಿಸ್ಪಾಂಕ್ ವಿನಂತಿ ಕರುಂಕ್ ಫಿರ್ಗಜ್ ಗೊವ್ಳಿಕ್ ಪರಿಷದೆನ್ ನಿರ್ಣಯ್ ಘೆತ್ಲೊ. ಟಿಪ್ಪುನ್ ತಾಂಕಾಂ ಜಿವೆಶಿಂ ಮಾರ್ಲಲೊ ದೀಸ್ ದಸೆಂಬ್ರ್ 20, ಹ್ಯಾ ದೀಸ್ ಮೈಕಲ್ ಸೂರಪ್ಪ ಆನಿ ಸಾಂಗಾತ್ಯಾಂಚೆಂ ಫೆಸ್ತ್ ಆಚರಣ್ ಕರ್ಯಾಂ...' ವಿಗಾರಾನ್ ಕೂಡ್ಲೆನ್ ಬರೆ ನಿರ್ದಾರ್ ಘೆತ್ಲೆ, ಲೊಕಾನ್ ಮೈಕಲ್ ಸೂರಪ್ಪಾಕ್ ಸಾಂತ್ ಮ್ಹಣ್ ಆಪಂವ್ಕ್‌ಯೀ ಸುರು ಕೆಲೆಂ.
(ಷರೊ: ಮೈಕಲ್ ಸೂರಪ್ಪ ನೀಜ್ ಚಾರಿತ್ರಿಕ್ ವ್ಯಕ್ತಿ)
Tags:
Gerry Niddodi, Konkani Short Story, Michael Surappa, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/24/2020 ಉದೆಂತಿಚೆಂ ನೆಕೆತ್ರ್...
-
11/28/2020 ಚೂಕಿ ತಿದ್ವಿನಾ ಜಾಲ್ಯಾರ್!...
-
11/4/2020 ಅನಿವಾಸಿ ರಾಯ್...
-
10/23/2020 ಘಾಣ್...
-
-
9/13/2020 ರಾತ್ ಪಾಳಿ...
-
6/18/2018 ವೆಚಿಕ್ ಪುತಾಚೊ ದಾಟ್ಟು...
-
11/12/2017 ನ್ಯೂ ಐನ್‌ಸ್ಟೀನ್...
-
9/7/2017 ಮ್ಹಜ್ಯಾ ಮೊಗಾಚೆಂ ಮೆಲ್ಬಾ...
-
8/29/2017 ಕೊಲ್‍ಗರ್ಲ್...
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
0 Comment/s.