From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಫೇ(ಕ್)ಸ್ ಬುಕ್ ಲವ್
Tuesday, August 30, 2016ಬರಯ್ಣಾರಾ ವಿಶಿಂ ಜಾಣಾ ಜಾ...
ಕಾಲ್ ರಾತಿಕ್ ಫೇಸ್ ಬುಕ್ ಖಾತೊ ತಾಣೆಂ ಮಾಜ್ವಾಯ್ಲೊ ಆನಿಂ ತಾಂಚೊ ಮೋಗ್ ಮಾಜ್ವೊನ್ ಗೆಲ್ಲೊ. ಆಜ್ ಫಕತ್ತ್ ಉಡಾಸ್ ಮಾತ್ರ್ ತಾಂಚ್ಯಾ ಚಿಂತ್ನಾಂನಿ ಆನಿಂ ಮತಿಂತ್ ಪಾಶಾರ್ ಜಾತೆತ್ ಆಸ್‍ಲ್ಲೊ. ಸುಮಾರ್ ಸ ಮಹಿನ್ಯಾ ಪಯ್ಲೆ೦ ಸುರು ಜಾಲ್ಲೊ ತಾಂಚೊ ಹೊ ಫೇಸ್ ಬುಕ್ ಲವ್. ದೀಪಕ್ ಪಾಪಾಚೊ ಆನಿಂ ದುಬ್ಳ್ಯಾ ಕುಟ್ಮಾಂತ್ಲೊ ಚಲೊ. ಸದಾಂಚೆಂ ಜೀವನ್ ಚಲೊವ್ನ್ ದಿಸ್ಪಡ್ತೊ ಗ್ರಾಸ್ ಜೊಡ್ಚ್ಯಾಕ್ ದೀಪಕ್ ಗಾಂವ್ ಸೊಡ್ನ್ ಪರ್ಗಾ೦ವಾಂಕ್ ಪಾವ್ಲೊ. ಬರೆಂ ಕಾಮ್ ಮೆಳೊಂಕ್ ನಾಂ ಜಾಲ್ಲ್ಯಾನ್ ಮೆಳ್‍ಲ್ಲ್ಯಾ ಕಾಮಾನ್ ಸಮದಾನ್ ಪಾವೊನ್ ಕಾಮ್ ಕರಿಜಾಯ್ ಪಡ್ಲೆಂ.
ಹರ್ಶೆಂಚ್ಯಾ ಬರಿಂ ಕಾಮಾಕ್ ವಚೊವ್ನ್ ಪಾಟಿಂ ಘರಾ ಆಯಿಲ್ಲ್ಯಾ ದೀಪಕಾಕ್ ಕಿತ್ಯಾಕ್ ಗೀ ಆಜ್ ಆಫೀಸಾಂತ್ ಆಪ್ಲ್ಯಾ ಇಷ್ಟಾನ್ ಸಾಂಗ್ ಲ್ಲಿಂ ಉತ್ರಾಂ ಉಡಾಸಾಕ್ ಆಯ್ಲಿಂ. "ದೀಪು ತುಜೆಲಾಗಿಂ ಫೇಸ್ ಬುಕ್ ನಾಂಗೀ, ತುಂ ಕಾಲೆಂ ಗಾಂಧಿ ಸಾಯ್ಬಾ! ಇಲ್ಲೊಸೊ ಮೊಡಾರ್ನ್ ಜಾಯ್ಜೆ ತುವೆಂ.. ಆನಿಂ ಅ೦ತರ್ ಜಾಳಿರ್ ವೇಳ್ ಪಾಶಾರ್ ಕರಿಜೆ, ಲೈಫ್ ಕಲರ್ ಫುಲ್ ಜಾತಾ...". ದೋನ್ ದಿಸಾಂ ಪಯ್ಲೆಂ ಮಹಿನ್ಯಾಚೊ ಸಾಂಬಾಳ್ ಜಾಲ್ಲೊ ಆನಿಂ ಘರ್ಚಿ ಜವಾಬ್ದಾರಿ ತಾಚೆರ್ ಆಸ್‍ಲ್ಲಿ, ದಾಕ್ಟೆಂ ಭಯ್ಣ್ ಶಿಕಪ್ ಶಿಕೊವ್ನ್ ಆಸಾ, ಘರ್ಚಾ ಖರ್ಚಾಕ್ ಪಯ್ಶೆ ಧಾಡುಂಕ್ ಆಸ್‍ಲ್ಲೆ.... ಚಿಂತ್ಪಾಚ್ಯಾ ವ್ಹಾಳ್ಯಾಕ್ ಕಾಟ್ ಬಾಂದುನ್ ದೀಪಕಾನ್ ನಿರ್ದಾರ್ ಕೆಲೊ, ಹ್ಯಾ ಮಹಿನ್ಯಾಚೊ ಅರ್ದೊ ಸಾಂಬಾಳ್ ಹಾಂವ್ ಘರಾ ಧಾಡ್ತಾಂ ಆನಿಂ ಬಾಕಿಚ್ಯಾ ಪಯ್ಶ್ಯಾಂನಿ ಬರೆಂ ಏಕ್ ಮೊಬಾಯ್ಲ್ ಕಾಣ್ಘೆತಾಂ. ಇತ್ಲ್ಯಾ ಭಿತರ್ ತಾಚ್ಯಾ ಇಷ್ಟಾನ್ ದೆಂವ್ಸಾರಾ ರುಪಾರ್ ತಕ್ಲೆಂತ್ ಶಿಮ್ಟಿ ರಿಗೊವ್ನ್ ಜಾಲ್ಲಿ. ಉಟೊನ್ ನ್ಹಾವ್ನ್ ಫ್ರೇಶ್ ಜಾಲ್ಲೊಚ್ ಶೋಪಿಂಗ್ ಮೋಲಾ ಸರ್ಶಿನ್ ಪಾವ್ಲೊ ದೀಪು, ಆನಿಂ ಸೊಭಿತ್ ಮೊಬಾಯ್ಲ್ ಕಾಣ್ಘೆವ್ನ್ ಆಯ್ಲೊಚ್. ಆತಾಂ ತಾಚೊ ಸಂತೊಸ್ ದೊಡ್ತೊ ಜಾಲ್ಲೊ ಆನಿಂ ಮೊಬಾಯ್ಲ್ ತಾಚೆಂ ಸಾಂಗಾತಿ ಜಾಲ್ಲೆಂ.
ದುಸ್ರೆ ದಿಸಾ ಆಫೀಸಾಂತ್ ಇಷ್ಟಾನ್ ಮೊಬಾಯ್ಲ್ ಕಶೆಂ ವಾಪಾರ್ಚೆಂ ಮ್ಹಣ್ ಶಿಕಯ್ಲೆಂ ಆನಿಂ ಫೇಸ್ ಬುಕ್ ಖಾತೊ ಉಗ್ತೊ ಕರ್ನ್ ದಿಲೊ. ದೀಪುಕ್ ಫೇಸ್ ಬುಕ್ ಮ್ಹಳ್ಯಾರ್ ಕಿತೆಂ ಮ್ಹಣ್ ಕಳಿತ್ ನಾತ್ಲೆಂ. ದೀಸ್ ವೆತಾಂ ವೆತಾಂ ಸಗ್ಳೆಂ ಶಿಕ್ಲೊ. ಸಬಾರ್ ಇಷ್ಟ್ ಮೆಳ್ಳೆ, ಪರ್ನೆ ಕ್ಲಾಸ್ ಮೇಟ್ ಆನಿಂ ಒಳ್ಕಿಚೆ ಸಂಪರ್ಕಾಕ್ ಆಯ್ಲೆ. ಮಹಿನೆ ಉತ್ರಾಲೆ ಆನಿಂ ದೀಪಕಾಕ್ ಫೇಸ್ ಬುಕ್ ನಾಸ್ತಾಂ ಜಿಯೆಂವ್ಕ್ ತ್ರಾಸ್ ಜಾಲೆಂ. ರಾತಿಕ್ ನಿದೆಂತ್ ಉಟೊವ್ನ್ ಫೇಸ್ ಬುಕ್ ಪಳೆನಾ ತರ್ ಸಮಾದಾನ್ ನಾತ್‍ಲ್ಲೆಂ. ಅಶೆಂ ದೀಸ್ ಪಾಶಾರ್ ಜಾತೆ ಆಸ್‍ಲ್ಲೆ ಆನಿಂ ಏಕ್ ದೀಸ್ ಅಚಾನಕ್ ಅಶ್ವಿನಿ ನಾಂವಾಚ್ಯಾ ಫೇಸ್ ಬುಕ್ ಖಾತ್ಯಾ ಥಾವ್ನ್ ಇಷ್ಟಾಗತೆಕ್ ವಿನಂತಿ ಯೆತಾ ಆನಿಂ ದೀಪಕ್, ಜಶೆಂ ಮಾಸಾಚೊ ಪರ್ಮಳ್ ಪಳೆವ್ನ್ ಖಾಂವ್ಕ್ ಅತ್ರೆಗ್ತಾಂವ್ ತಶೆಂ ಎಕಾಚ್ಚಾಣೆ ಮಸ್ತ್ ಖುಷಿ ಜಾತಾ ಆನಿಂ ತಾಚಿ ಇಷ್ಟಾಗತ್ ಸ್ವೀಕಾರ್ ಕರ್ತಾ. ಅಶೆಂ ದೀಸ್ ಪಾಶಾರ್ ಜಾತೆ ಆಸ್ತಾನಾ ಇಷ್ಟಾಗತ್ ಮಸ್ತ್ ಗೂಂಡ್ ಜಾತಾ ಆನಿಂ ಮೋಗ್ ಜಾವ್ನ್ ಬದ್ಲಾತಾ. ಎಕಾಮೆಕಾ ಮೆಸೇಜ್ ಕರ್ಚಿ ಸೊಡ್ಲ್ಯಾರ್ ದುಸ್ರೆಂ ಕಾಂಯ್ ತಾಂಚೆಂ ಮದೆಂ ನಾತ್‍ಲ್ಲೆಂ. ರಾತಿಕ್ ಮದೆಂ ಮದೆಂ ಉಟೊವ್ನ್ ತಾಚಿ ಮೆಸೇಜ್ ಆಯ್ಲ್ಯಾಗೀ ಮ್ಹಣ್ ಪಳೆಂವ್ಚೆಂ ಆನಿಂ ತಾಕಾ ಮೆಸೇಜ್ ಕರ್ಚಿ.... ಅಶೆಂ ದೀಸ್ ಆನಿಂ ಮಹಿನೆ ಪಾಶಾರ್ ಜಾಲೆ. ದೀಪುಕ್ ಅಶ್ವಿನಿ ಸಾ೦ಗಾತಾ ಸಳಾವಳ್ ಚಡ್ಲಿ, ದಿಸಾನ್ ದೀಸ್ ಮೋಗ್ ಚಡೊನ್ ಗೆಲೊ. ದೀಪುಕ್ ಅಶ್ವಿನಿಚ್ಯಾ ನಾಂವಾಚಿ ಮೆಸೇಜ್ ಪಳೆನಾ ತರ್ ಜೀವಾಂತ್ ಕಿತೆಂಗೀ ಭೊಗ್ತಾಲೆಂ ಆನಿಂ ಸಮಾದಾನ್ ನಾತ್‍ಲ್ಲೆಂ, ಅಶ್ವಿನಿಕ್ ಪಳೆಯ್ನಾಸ್ತಾಂ ಆನಿಂ ಉಲಯ್ನಾಸ್ತಾನಾ ಫಕತ್ ತಾಚ್ಯೊ ಫೊಟೆ ಮಾತ್ರ್ ಪಳೆವ್ನ್ ದೆವಾಚಾಕೀ ಚಡ್ ತಾಕಾ ಹೊ ಪಾತ್ಯೆಲ್ಲೊ ಆನಿಂ ತಾಚೆರ್ ಭುಲ್‍ಲ್ಲೊ. ತಾಣೆಂ ವಿಸಾರ್ಲ್ಯಾ ತಿತ್ಲೆ ಪಯ್ಶೆ ಸಮೆತ್ ತಾಚ್ಯಾ ಖಾತ್ಯಾಕ್ ಹೊ ಧಾಡ್ನ್ ದಿತಾಲೊ.
ಆತಾಂ ದೀಪುಕ್ ವರ್ಸಾಚಿ ರಜಾ ಮೆಳೊನ್ ಗಾಂವಾಂಕ್ ಉಬ್ಚಿ ವೇಳ್ ಘಡಿ ಉದೆಲಿ. ಗಾಂವಾಂಕ್ ವೆಚೆ ಆದಿಂ ದೀಪುನ್ ಅಶ್ವಿನಿಕ್ ಮೆಸೇಜ್ ಕರ್ನ್ ಸಾಂಗ್ಲೆಂ. ಆಪ್ಣಾಕ್ ಗಾಂವಾಂಕ್ ಯೇಂವ್ಕ್ ರಜಾ ಮೆಳ್ಳ್ಯಾ ಆನಿಂ ಹಾಂವ್ ಗಾಂವಾಂಕ್ ಯೆತೆ ಆಸಾಂ ಮ್ಹಕಾ ತುಕಾ ಮೆಳಾಜೆ ಆನಿಂ ಉಲಯ್ಜೆ. ತುಜೊ ಫೋನ್ ನಂಬರ್ ಮ್ಹಕಾ ಧಾಡ್ ಮ್ಹಣ್. ಎದೊಳ್ ಮ್ಹಣಾಸರ್ ತಾಂಚೆಂ ಮದೆಂ ಫೋನ್ ನಂಬರ್ ಯಾ ವಿಳಾಸ್ ಜಾಂವ್ದಿ ವಿನಿಮಯ್ ಜಾವ್ನಾತ್ಲೊ. ಫಕತ್ ಫೇಸ್ ಬುಕ್ ಮೆಸೇಜಿರ್ ತಿಂ ದೊಗಾಂಯ್ ಉಲಯ್ತಾಲಿಂ. ಆತಾಂ ದೀಪಕ್ ಗಾಂವಾಂಕ್ ವೆತಾ ಜಾಲ್ಲ್ಯಾನ್ ತಾಕಾ ಗಾಂವಾಂಕ್ ವಚೊವ್ನ್ ಅಶ್ವಿನಿಕ್ ಮೆಳೊವ್ನ್ ತಾಚೆಲಾಗಿಂ ಕಾಜಾರ್ ಜಾವ್ನ್ ಫುಡಾರ್ ಬಾಂದ್ಚೆಂ ವಿಶಿಂ ಉಲಂವ್ಕ್ ಜಾಯ್ ಆಸ್‍ಲ್ಲೆಂ. ಅಶ್ವಿನಿನ್ ಫೋನ್ ನಂಬರ್ ದೀಂವ್ಕ್ ಘಳಾಯ್ ಕೆಲಿ ಆನಿಂ ನಿಬಾಂ ದೀಂವ್ಕ್ ಸುರು ಕೆಲಿಂ. ಜಾಲ್ಯಾರೀ ದೀಪಕಾನ್ ಸೊಸುನ್ ವ್ಹೆಲೆಂ, ಆಕೇರಿಕ್ ದೀಪಕಾಕ್ ಸೊಸನಾ ಜಾಲೆಂ ಆನಿಂ ತಾಚ್ಯಾ ಸೊಸ್ಣಿಕಾಯೆಚೊ ಕಾಟ್ ತುಟ್ಲೊ. ತಾಣೆಂ ರಾಗಾಚ್ಯಾ ಲೋಟಾನ್ ಮೆಸೇಜ್ ಕೆಲಿ "ತುಕಾ ನಂಬರ್ ದೀಂವ್ಕ್ ಮನ್ ನಾಂ ತರ್ ಸಾರ್ಕೆಂ ಸಾಂಗ್, ಹಾಂವೆಂ ತುಕಾ ಪಾತ್ಯೆವ್ನ್ ಇತ್ಲೆಂ ಸಗ್ಳೆಂ ಕೆಲೆಂ ಆನಿಂ ತುಂ ಮ್ಹಕಾ ಆತಾಂಯ್ ಪಾತ್ಯೆಂವ್ಕ್ ತಯಾರ್ ನಾಂಯ್, ಮ್ಹಕಾ ತುಜೆಂ ಹೆಂ ನಡ್ತೆಂ ಸಮಾ ದಿಸಾನಾ ಆನಿಂ ಕಿತ್ಲೆ ದೀಸ್ ಮ್ಹಣ್ ಹಾಂವ್ ರಾಕೊನ್ ರಾವೊಂ? ತುಜ್ಯಾ ಮೊಗಾ ಖಾತಿರ್ ಹಾಂವ್ ಪಿಸೊ ಜಾಲಾಂ, ರಾತಿಚಿ ನೀದ್ ಮ್ಹಕಾ ನಾಂ, ಜೆವಾಣ್ ರುಚಾನಾ, ಕಾಮ್ ಕರುಂಕ್ ಮನ್ ಜಾಯ್ನಾ, ಕೊಣಾಲಾಗಿಂ ಸಾಂಗೊಂವ್ ಮ್ಹಜ್ಯಾ ಭಿತರ್ಲಿಂ ಭೊಗ್ಣಾಂ?!..." ಅಶೆಂ ರಾಗಾನ್ ಮೆಸೇಜಿ ವಯ್ರ್ ಮೆಸೇಜ್ ಧಾಡ್ತೆ ಗೆಲೊ. ಪುಣ್ ತಿಶಿಲ್ಯಾ ಕುಶಿನ್ ಥಾವ್ನ್ ಕಸಲಿಯ್ ಜವಾಬ್ ಆಯ್ಲಿನಾಂ. ದೀಪಕಾನ್ ಚಿಂತ್ಲೆಂ ಅಶ್ವಿನಿ ರಾಗಾರ್ ಜಾಲಾಂ ಆಸ್ತೆಲೆಂ. ಸಮಾಂ ಜಾತಾನಾ ಮೆಸೇಜ್ ಕರ್ತಾಲೆಂ ಮ್ಹಣ್. ಪುಣ್ ತೀನ್ ದಿಸಾಂ ಉಪ್ರಾಂತ್ ತಿಶಿಲ್ಯಾ ಕುಶಿನ್ ಥಾವ್ನ್ ಮೆಸೇಜ್ ಆಯ್ಲಿ. ತಾಳೊ ಸುಕ್‍ಲ್ಲ್ಯಾ ಘಡ್ಯೆ ಉದ್ಕಾ ಥೆಂಬ್ಯಾಕ್ ರಾಕೊವ್ನ್ ಆಸ್‍ಲ್ಲ್ಯಾ ಮನ್ಶಾಬರಿಂ ಜಾಲ್ಲಿ ದೀಪಕಾಚಿ ಪರಿಸ್ಥಿತಿ. ವೆಗಿಂ ವೆಗಿಂ ಮೆಸೇಜ್ ಉಗ್ತಿ ಕರ್ನ್ ವಾಚುಂಕ್ ಲಾಗ್ಲೊ. ''ಮೊಗಾಳ್ ಫೇಸ್ ಬುಕ್ ಇಷ್ಟಾ, ಬೆಜಾರ್ ಪಾವಾನಾಕಾ, ಹಾಂವ್ ನೀಜ್ ಜಾವ್ನ್ ಅಶ್ವಿನಿ ನ್ಹಂಯ್, ಹಾಂವ್ ಏಕ್ ಚೆಡೊ ಆನಿಂ ಹೊ ಏಕ್ ನಕಲಿ ಫೇಸ್ ಬುಕ್ ಖಾತೊ. ತುಂವೆಂ ತೆ ಧಾಡ್‍ಲ್ಲೆ ಪಯ್ಶೆ ಮ್ಹಜ್ಯಾ ಬಾಯ್ಲೆಚ್ಯಾ ನಾಂವಾರ್ ಆನಿಂ ತಾಚೆಂ ನಾಂವ್ ಅಶ್ವಿನಿ. ತುಜಿ ಪರಿಸ್ಥಿತಿ ಪಳೆವ್ನ್ ಮ್ಹಕಾ ತುಕಾ ತಿಳ್ಸಿಯಾಂ ಮ್ಹಣ್ ಭೊಗ್ಲೆಂ. ಮ್ಹಜೆಂ ಕಾಮ್ ಪಾಪಾಂಚ್ಯಾ ಚೆಡ್ಯಾಂಕ್ ಮೋಸ್ ಕರ್ನ್ ತಾಂಚೆಂ ಲಾಗಿಂ ಪಯ್ಶೆ ಪಿಂಕ್ಳಾಂವ್ಚೆ. ತುಕಾ ಹಾಂವೆಂ ಮೋಸ್ ಕೆಲಾ, ತ್ಯಾ ದೆಕುನ್ ಭೊಗ್ಸಾಣೆಂ ಮಾಗ್ತಾಂ, ಸಾದ್ಯ್ ತರ್ ಮ್ಹಕಾ ಭೊಗ್ಶಿ. ಯೆಂವ್ಚ್ಯಾ ಜಲ್ಮಾಂತ್ ನಶೀಬ್ ಆಸ್ಲ್ಯಾರ್ ಚೆಡುಂ ಜಾವ್ನ್ ಜಲ್ಮಾತಾಂ ಆನಿಂ ತುಜೆಂ ಸಾಂಗಾತಾ ಕಾಜಾರ್ ಜಾತಾಂ. ಮ್ಹಕಾ ಮೆಸೇಜ್ ಕರ್ಚೆಂ ಪ್ರಯತ್ನ್ ಕರಿನಾಕಾ, ಹೊ ಫೇಸ್ ಬುಕ್ ಖಾತೊ ಹಾಂವ್ ಮಾಜ್ವಾಯ್ತಾಂ. ತುಕಾ ಮೋಸ್ ಕೆಲ್ಲೊ ಅನಾಮಿಕ್.''
ಇತ್ಲೆಂ ವಾಚುನ್ ದೀಪು ಧೆದೆಸ್ಪರ್ ಜಾಲ್ಲೊ ಆನಿಂ ಫೇಸ್ ಬುಕ್ ಖಾತೊ ಖಿಣಾನ್ ಮಾಜ್ವಾಯ್ಲೊ. ತಾಕಾ ಉದ್ಕಾಂತ್ ಬುಡೊವ್ನ್ ಉಸ್ವಾಸ್ ವಯ್ರ್ ಸಕಯ್ಲ್ ಜಾತಾನಾ ಉದಾಕ್ ಪಿಯೆಲ್ಲೊ ಅನ್ಭೋಗ್ ಜಾಲೊ ಆನಿಂ ಚಿಂತ್ನಾಚಾ ಸಾಗೊರಾಂತ್ ಬುಡೊನ್ ಗೆಲ್ಲೊ. ಸಗ್ಳೊ ಸಂಸಾರ್ ಆಪ್ಣಾಚ್ಯಾ ತಕ್ಲೇರ್ ಕಾಣ್ಘೆವ್ನ್ ವ್ಹಾವಾಯ್ಲೆಂ ಬರಿಂ ಜಾತಾಲೆಂ. ಆನಿಂ ಕೆದಿಂಕೀ ಅಸಲಿ ಚುಕ್ ಕರಿಸೊನಾ ಆನಿಂ ಫೇಸ್ ಬುಕ್ ಖಾತೊ ವಾಪಾರ್ಚೊ ನಾಂ ಮ್ಹಣ್ ಘಟ್ಟ್ ನಿಚೆವ್ ಕೆಲೊ. ಅಶೆಂ ಫೇಸ್ ಬುಕಾನ್ ದೀಪಕಾಕ್ ಜಿವಿತಾಚೊ ಪಾಟ್ ಶಿಕಾಯ್ಲೊ.
Tags:
Facebook love, Konkani Story, Robin Neerude, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/24/2020 ಉದೆಂತಿಚೆಂ ನೆಕೆತ್ರ್...
-
11/28/2020 ಚೂಕಿ ತಿದ್ವಿನಾ ಜಾಲ್ಯಾರ್!...
-
11/4/2020 ಅನಿವಾಸಿ ರಾಯ್...
-
10/23/2020 ಘಾಣ್...
-
-
9/13/2020 ರಾತ್ ಪಾಳಿ...
-
6/18/2018 ವೆಚಿಕ್ ಪುತಾಚೊ ದಾಟ್ಟು...
-
11/12/2017 ನ್ಯೂ ಐನ್‌ಸ್ಟೀನ್...
-
9/7/2017 ಮ್ಹಜ್ಯಾ ಮೊಗಾಚೆಂ ಮೆಲ್ಬಾ...
-
8/29/2017 ಕೊಲ್‍ಗರ್ಲ್...
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
2 Comment/s.
ಮ್ಹಜ್ಯಾ ಜಿಣ್ಯೆಂತ್ಯೀ ಅಶೆಂ ಘಡ್ಲಾಂ. ಪುಣ್ ಹಾಂವೆಂ ಪಯ್ಶೆ ದೀವ್ನ್ ಧಾಡುಂಕ್ ನಾಂ. ಮ್ಹಾಕಾ ದುಬಾವ್ ಆಯ್ಲೊ. ಜಾಗ್ರುತ್ ರಾವಾ.
This will happen to any teenager now a days... Be careful about these people. Sweet and short story. Kudos to Robin