From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
'ನಶಿಬಾಚೊ ಖೆಳ್' - ಪಿಂತುರಾ ವಿಮರ್ಸೊ
Tuesday, August 16, 2016
ಪಿಂತುರ್ - 'ನಶಿಬಾಚೊ ಖೆಳ್' (ಕೊಂಕ್ಣಿ)
ಕಾಣಿ/ನಿರ್ಮಾಪಕ್ - ಹೆನ್ರಿ ಡಿ'ಸಿಲ್ವಾ
ನಿರ್ದೆಶನ್ - ಹ್ಯಾರಿ ಫೆರ್ನಾಂಡೀಸ್
ಕಲಾಕರ್ - ಪ್ರಿನ್ಸ್ ಜೇಕಬ್, ಎಸ್ತೆರ್ ನೊರೊನ್ಹಾ, ಎಲ್ಡನ್ ಮಸ್ಕರೇನ್ಹಸ್, ರಂಜಿತಾ ಲುವಿಸ್, ಕ್ಲೆನ್ವಿನ್ ಫೆರ್ನಾಂಡೀಸ್, ಸ್ಟೇನಿ ಅಲ್ವಾರಿಸ್, ಸುಜಾತಾ ಅಂದ್ರಾದೆ, ಆಲ್ವಿನ್ ಅಂದ್ರಾದೆ.
ಕೊಂಕಣ್ ಕರಾವಳಿಚ್ಯಾ ಕುಟ್ಮಾಂತ್ ವೊಳ್‍ಲ್ಲಿ 'ನಶಿಬಾಚೊ ಖೆಳ್' ಪಿಂತುರಾಚಿ ಕಾಣಿ, ಮುಂಬಯ್ ಗಾಂವ್ಚೊ ಗಾಂಚ್ ಘೇವ್ನ್ ಆಖೇರ್ ಜಾತಾ. ಸುರ್ವಾತ್ ಬಾರ್ಕುರ್ಚ್ಯಾ ಸೊಭಿತ್ ಗಾಂವಾಂತ್ ಸಿಂತಿಯಾಚೊ(ರಂಜಿತಾ) ಬಾಪಯ್ ಕಾಳ್ಜಾಘಾತ್ ಜಾವ್ನ್ ಮರಣ್ ಪಾವ್‍ಲ್ಲ್ಯಾ ಉಪ್ರಾಂತ್ ಐರಿನ್ ಬಾಯ್(ಸುಜಾತಾ), ಸಿಂತಿಯಾಕ್ ಪೊಸ್ಕೆಂ ಕರ್ನ್ ಸಾಂಬಾಳ್ತಾ. ಐರಿನ್ ಬಾಯೆಚಿ ಆಶಾ ಸಿಂತಿಯಾನ್ ಆಪ್ಲೊ ಪೂತ್ ಜೊನ್ಸನಾ(ಎಲ್ಟನ್) ಸಂಗಿಂ ಕಾಜಾರ್ ಕರ್ನ್ ದಿಂವ್ಚಿ.
ಹ್ಯಾ ಮಧೆಂ ವಾಡ್ಯಾಂತ್ಲೊ ಅನ್ನಾಡಿ ರೊಕ್ಕಿ (ಕ್ಲೆನ್ವಿನ್), ಸಿಂತಿಯಾಕ್ ಜಬರ್ದಸ್ತೆನ್ ಅಪ್ಣಾಚೆಂ ಕರುಂಕ್ ಪಳೆತಾಲೊ. ಹಾಕಾ ಸಿಂತಿಯಾ ಆನಿ ಐರಿನ್‌ಬಾಯ್ ವಿರೊಧ್. ಕಾರಣ್, ಸಿಂತಿಯಾಚ್ಯಾ ಬಾಪಾಯ್ಚ್ಯಾ ಮೊರ್ನಾಕ್ ರೊಕ್ಕಿಚೊ ಬಾಪಯ್ ಕಾರಣ್ ದೆಕುನ್.
ಜೊನ್ಸಾನ್ ಮುಂಬಯ್ತ್ ಬಿಲ್ಡರ್(ಸ್ಟೆನಿ) ಹಾಚ್ಯಾ ದಫ್ತರಾಂತ್ ಕಾಮ್ ಕರ್ನ್ ಅಸ್ತಾನಾ, ಸೊಫಿಯಾ(ಎಸ್ತೆರ್), ಜೆಂ ಜೊನ್ಸಾನಾಚ್ಯಾ ಬೊಸಾಚೆಂ ಧು, ಜೊನ್ಸಾನಾ ಕಡೆಂ ಪಿಶ್ಯಾರ್ ಪಡೊನ್ ಮೊಗಾರ್ ಪಡ್ತಾ. ಐರಿನ್ ಬಾಯ್ ಪಿಡೆನ್ ಪಡೊನ್ ಘಡೀಸ್ ಆಸ್ತಾನಾ ಸಿಂತಿಯಾ ತಿಚಿ ಚಾಕ್ರಿ ಕರ್ತಾ. ಹಾಚೆಂ ರೂಣ್ ಫಾರಿಕ್ ಕರ್ಚ್ಯಾಕ್ ಐರಿನ್ ಬಾಯ್, ಸಿಂತಿಯಾಕ್ ಆನಿ ಜೊನ್ಸಾನಾಕ್ ಭಾಸ್ ದೀವೊವ್ನ್ ಗಾಂವಾಂತ್ ಕಾಜಾರ್ ಕರ್ತಾ.
ಹಾಂಗಾ ಮುಂಬಯ್ತ್ ಸೊಫಿಯಾಚೊ ಬಾಪಯ್ ಅವ್ಘಾಡಾಂತ್ ಮೊರ್‍ಚ್ಯಾ ಪಯ್ಲೆಂ ಜೊನ್ಸಾನಾಕ್ ಅಪ್ಲ್ಯಾ ಧುವೆಂ ಸಂಗಿಂ ಲಗ್ನ್ ಜಾಂವ್ಚ್ಯಾಕ್ ಭಾಸ್ ಘೆತಾ. ಕಾತ್ರಿಂತ್ ಶಿರ್ಕಾಲ್ಲ್ಯಾ ಜೊನ್ಸಾನಾಚೊ ಮೊಗಾಚೊ ಖೆಳ್, ಕಶೆಂ 'ನಶಿಬಾಚೊ ಖೆಳ್' ಜಾವ್ನ್ ಬದ್ಲಾತಾ ತೆಂ ಹ್ಯಾ ಕೊಂಕ್ಣಿ ಪಿಂತುರಾಂತ್ ಪಿಂತ್ರಾಯ್ಲಾ.
ಅಡೇಸ್ ವೊರಾಚ್ಯಾ ಫಿಲ್ಮಾಂತ್ ಕ್ಲೈಮೆಕ್ಸ್, ಘುಂವ್ಡಿ, ದೂಖ್, ನಿತಳ್ ಹಾಸ್ಯ್, ಮಾರ್ ಫಾರ್, ಸ ಪದಾಂ, ನಾಚ್ ಸಂಗೀತ್ ಆಸೊನ್ ಕಂಪ್ಲೀಟ್ ಪ್ಯಾಕೆಜ್, ಸಿನೆಮಾ ಪ್ರೇಮಿಂಕ್ ದಿಲ್ಯಾ.
ದಶಕಾ ಉಪ್ರಾಂತ್ ಮುಂಬಯ್ಚ್ಯಾ ಕೊಂಕ್ಣಿ ನಾಟಕ್ ಕ್ಶೆತ್ರಾಂತ್ 'ಕಾಜಾರಾ ಉಪ್ರಾಂತ್' ಖ್ಯಾತೆಚ್ಯಾ ಹೆನ್ರಿ ಡಿ'ಸಿಲ್ವಾನ್ ಕಾಣಿ ಲಿಕುನ್, ಕೊಂಕ್ಣೆ0ತ್ ಪಿಂತುರ್ ಕಾಡ್ನ್ ಆಪ್ಲೆಂ ನಶೀಬ್ ಉಗಡ್ಲೆಂ. ತೀಸ್ ವರ್ಸಾಂ ಆದ್ಲ್ಯಾ ಕಾಣಿಯೆಕ್ ಆಧುನಿಕ್ ರೂಪ್ ದೀಂವ್ನ್, ಫಿಲ್ಮಾಂತ್ ಕಾಣ್ಯೆಚೆಂ ರೂಪ್ ದೀವ್ನ್ ಮೊಳ್‍ಲ್ಲಿ ಕೀರ್ತ್ ಹ್ಯಾರಿ ಫೆರ್ನಾಂಡೀಸಾಕ್ ಫಾವೊ. ಹ್ಯಾರಿ ಫೆರ್ನಾಂಡೀಸ್ ನಶಿಬಾಚೊ ಖೆಳ್ ಪಿಂತುರಾಚೊ ದಿಗ್ದರ್ಶಕ್ ಜಾಂವ್ಚೆಂ ಪಯ್ಲೆಂ, ಭೊಜ್‍ಪುರಿ ಪಿಂತುರಾಂ ದಿಗ್ದರ್ಶನ್ ಕರ್ನ್ ಅನ್ಬೊಗಾಂತ್ ಪಿಕ್‍ಲ್ಲೊ. ಹೆನ್ರಿ/ಹ್ಯಾರಿಚ್ಯಾ ಜೊಡ್ಯಾನ್ ಕೊಂಕ್ಣಿ ಪಿಂತುರಾಕ್ ಜಾಯ್ತ್ಯಾ ವರ್ಸಾ ಉಪ್ರಾಂತ್ ನವಿ ದಿಶಾ ದಾಕಯ್ಲ್ಯಾ.
ಫಿಲ್ಮಾಂತ್ ಪ್ರಮುಕ್ ಆಕರ್ಶನ್ ಜೊ ಆಸಾ ಪ್ರಿನ್ಸ್ ಜೇಕಬ್, ಗೊಂಯ್ಚೊ ತಿಯಾತ್ರ್ ಮಾಂಚಿಯೆಂತ್ ಹೆಳ್‍ಲ್ಲೊ ಕಲಾಕರ್ 'ಶೆರಟೊನ್' ಜಾವ್ನ್ ಲೊಕಾಂಕ್ ಖೂಬ್ ಹಾಸಯ್ತಾ. ಎಸ್ತೆರ್ ಜಾಯ್ತ್ಯಾ ಪಿಂತುರಾಂನಿ ಜೊಡ್‍ಲ್ಲ್ಯಾ ಅನ್ಬೊಗಾನ್, ನಶಿಬಾಚ್ಯಾ ಖೆಳಾಂತ್ ಜಿಕ್ಲಾ ಮ್ಹಣ್ಯೆತ್. ಎಲ್ಟನ್ ಹೀರೊಚ್ಯಾ ಲಕ್ಶಣಾಂತ್ ಆಕರ್ಶಿತ್ ದಿಸ್ತಾ. ನವೆಂ ಕಲಾಕರ್ ರಂಜಿತಾ ಲುವಿಸ್ 'ನವ್ಯಾಂತ್ ಇತ್ಲೆಂ ತರ್ ಮುಕಾರ್ ಕಿತ್ಲೆಂ' ಅಶೆಂ ಆಪ್ಲ್ಯಾ ಪಾತ್ರಾಂತ್ ಸಗ್ಳೆಂಚ್ ಮಿಸ್ಳೊನ್ ಸೊಭಿತ್ ದಿಸ್ತಾಲೆಂ. ಕಲಾಕುಲ್ ನಾಟಕ್ ಪಂಗ್ಡಾಂತ್ ಉದೆಲ್ಲೊ ಕ್ಲೆನ್ವಿನ್ ದಿಷ್ಟಿಂತ್, ಉಲೊವ್ಣ್ಯಾಂತ್, ನಟನಾಂತ್, ಆಪ್ಲ್ಯಾ ಖಳ್ ನಟ್ ಪಾತ್ರಾಕ್ ಸಾರ್ಕೆಂ ನಟನಾಂತ್ ಮಿಸ್ಳಾಲಾ. ಡೆನಿಸ್ ಮೊಂತೇರೊ, ಕಿಶೂ ಬಾರ್ಕುರ್, ಆಲ್ವಿನ್ ಅಂದ್ರಾದೆ, ಸುಜಾತಾ ಆನಿ ಸ್ಟೆನಿ ಅಲ್ವಾರಿಸಾನ್ ಭರ್ಪೂರ್ ಆಪ್ಲೊ ಅನ್ಬೊಗ್ ನಟನಾಂತ್ ಸಾದರ್ ಕೆಲಾಂ.
ಪ್ರಾದೇಶಿಕ್ ಭಾಶೆಂತ್, ತುಳು ಭಾಶೆಂತ್ ಇತ್ಲಿಂ ಪಿಂತುರಾ ಯೆತಾನಾ ಉಣ್ಯಾ ಬಜೆಟಾಂತ್, ಉಂಚ್ಲ್ಯಾ ಮಟ್ಟಾಚಿಂ ಕೊಂಕ್ಣಿ ಫಿಲ್ಮಾ ಕಾಡುನ್ ಲೊಕಾಂಕ್ ದಿವ್ಯೆತ್ ತೆಂ, ನಶೀಬಾಚ್ಯಾ ಖೆಳಾನ್ ದಾಕೊವ್ನ್ ದಿಲಾ. ತಾಂತ್ರಿಕತೆಂಚೆಂ ಉಣೆಪಣ್ ಆಸೊನ್, ಅನೀಕೀ ಮಟ್ಟ್ ಹಾಡ್‍ಲ್ಲೆಂ ತರ್ ಬೊರೆಂ ಆಸ್ತೆ. ಕಾಣ್ಯೆಚ್ಯಾ ಗಾಂಚಾಂತ್ ಥೊಡಿ ಗುಸ್ಪೊಡ್ ಆಸೊನ್, ಥೊಡ್ಯಾ ಗಜಾಲಿಂನಿ ಹಕೀಗತ್ ನಾ ಆಸ್ಚೆಂ ಫಿಲ್ಮಾಚೆಂ ಉಣೆಪಣ್ ಜಾವ್ನಾಸಾ. ಪಿಂತುರಾಚೊ ವ್ಹಾಳೊ ಎಕಾಚ್ ಹಂತಾನ್ ವ್ಹಾಳೊನ್, ಪಟ್ (back ground) ಸಂಗೀತ್ ಅತುರಾಯೆಚೆಂ. ದೋನ್ ಪದಾಂಚೆಂ ಸಂಗೀತ್ ಮಾರಾಠಿ ಭಾಶೆಕ್ ಲಾಗಿಂ ಆಸೊನ್, ಆಮ್ಚ್ಯಾ ಗಾಂವಾಂತ್ ಸೊಭಾಯೆಚೆಂ ಜಾಗೆ ಆಸ್ಲ್ಯಾರೀ ಪೊದಾಂ ಪಿಂತ್ರಾಯ್ಲೆಂ ಆಕರ್ಶಿತ್ ಜಾಲೆನಾಂ.
'ನಶಿಬಾಚೊ ಖೆಳ್' ಕೊಂಕ್ಣಿ ಪಿಂತುರ್ ಹಿಟ್ ಜಾಂವ್ಚೆಂಚ್ ಏಕ್ ಖೆಳ್. ಹ್ಯೆ ಮೆಳಿಂತ್ ಹೆನ್ರಿ ಡಿ'ಸಿಲ್ವಾನ್ ಜೀಕ್ ಆಪ್ಣಾಯ್ಲಿ ಮ್ಹಣ್ಯೆತ್. ಹ್ಯಾರಿ ಫೆರ್ನಾಂಡೀಸಾಚೆಂ ನಿರ್ದೆಶನಾನ್ ಪ್ರಿನ್ಸ್ ಜೇಕಪ್, ಎಲ್ಟನ್, ಎಸ್ತೆರ್ ಆನಿ ರಂಜಿತಾನ್ ಕೊಂಕ್ಣಿ ಸಿನೆಮಾಕ್ ಏಕ್ ಮೊಲ್ ದಿಲೆಂ. ಸಗ್ಳ್ಯಾ ಕುಟ್ಮಾಸಂಗಿಂ ಪಳೆಜಾಯ್ ಜಾಲ್ಲೆಂ ಕೊಂಕ್ಣಿ ಪಿಂತುರ್,.., ದಶಕಾ ಉಪ್ರಾಂತ್ ಮಾಯ್‍ಭಾಶೆಂತ್ ಎಕ್ ಉತ್ತಿಮ್ ಪಿಂತುರ್ ಪಳೆಲೆಂ ಮ್ಹಳ್ಳಿ ದಾಧೊಸ್ಕಾಯ್ ಲಾಭ್ಲಿ.
- ವಿನ್ಸಿ ಪಿಂಟೊ, ಆಂಜೆಲೊರ್.
Songs Promo:
Movie promo:
People Review
Tags:
Noshibacho Khell, Konkani Movie, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
-
8/16/2016 'ನಶಿಬಾಚೊ ಖೆಳ್' - ಪಿಂತುರಾ ವಿಮರ್ಸೊ ...
-
-
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
5 Comment/s.
ಆಮ್ಚ್ಯಾ ಮಾಂಯ್ ಭಾಸೆಚೆಂ ಬೊವ್ ಆಪುರ್ಭಾಯೆಚೆ ಪಿಂತುರ್ ಪಳೆವ್ನ್ ಮಸ್ತು ಖುಶಿ ಜಾಲಿ. 'ನಶಿಬಾಚೊ ಖೆಳ್' ಪಂಗ್ಡಾಕ್ ಶಾಭಾಸ್ಕಿ ಪಾಟತಯ್ತಾ ಆನಿಂ ಸರ್ವ್ ಬರೆಂ ಮಾಗ್ತಾ.
I just can't wait to see 'Noshibacho Khell'.
I just can't wait to see 'Noshibacho Khell'.
This movie proves that , we are not less than bollywood. Music is really awesome.
Dear Producer When it will be released in Bengaluru?. We all are waiting....