From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಕಾಳ್ಜಾ ಮನಾಂಕ್ ಧಾದೊಸ್ - ಏಕ್ ಆಸ್ಲ್ಯಾರ್ ಏಕ್ ನಾ.....
Tuesday, May 24, 2016
ಪ್ರಾದೇಶಿಕ್ ಚಲನ ಚಿತ್ರಾಂಕ್, ಪಾಟ್ಲಿಂ ಥೊಡಿಂ ವರ್ಸಾಂ ಸುಗ್ಗೆಚೊ ಕಾಳ್. ಎಕಾ ವಯ್ರ್ ಎಕ್ ಮ್ಹಳ್ಳ್ಯಾಬರಿಂ ತುಳು ಚಲನ್‍ಚಿತ್ರಾಂ ಪ್ರದರ್ಶನಾಕ್ ಪಡ್ತೆಲಿಂ ತರೀ ಎಕ್ ಬೊರೆಂ ಕೊಂಕ್ಣಿ ಪಿಂತುರ್ ಪಳೆಂವ್ಚೆಂ ಭಾಗ್ ಆಮ್ಕಾಂ ಕೊಂಕ್ಣ್ಯಾಂಕ್ ಫಾವೊ ಜಾಂವ್ಕ್ ನಾಂ ನಂಯ್‌ಗಿ ಮ್ಹಣೊನ್ ಬೆಜಾರಾಯ್ ಮಸ್ತು ಆಸ್‍ಲ್ಲಿ. ಪುಣ್ ಹ್ಯಾ ಬೆಜಾರಾಯೆಕ್ ಪಯ್ಸ್ ಕರುನ್ ಹರ್ಯೇಕಾ ಕೊಂಕ್ಣ್ಯಾಚ್ಯಾ ಕಾಳ್ಜಾಂತ್ ಕೊಂಕ್ಣಿ ಪಿಂತುರಾಂತ್ ಏಕ್ ವರ್ತಿ ಕ್ವಾಲಿಟಿ ಆಸಾ, ಕೊಂಕ್ಣಿ ಪಿಂತುರಾಂಚೆಂ ಮಟ್ಟ್ ಕನ್ನಡ, ತಮಿಳ್ ಯಾ ತೆಲುಗು ಪಿಂತುರಾಂಕ್ ಉಣೆ ನಾ ಮ್ಹಳ್ಳೆಂ ದಾಕವ್ನ್ ದಿಂವ್ಕ್ ಜಾಯ್ ಮ್ಹಳ್ಳ್ಯಾ ಹಟ್ಟಾನ್, ಕೊಂಕ್ಣೆಂತ್ ಪಿಂತುರ್ ಕಾಡ್ಲ್ಯಾರ್ ನಶ್ಟಾಕ್ ದಿಂವ್ಚೆಂ ಆಪೊವ್ಣೆಂ ಮ್ಹಣೊನ್ ಕಳಿತ್ ಆಸೊನಿಯೀ ಹ್ಯಾ ಸಾಹಸಾಕ್ ದೆಂವ್‍ಲ್ಲೊ ಕೊಂಕ್ಣೆಚೊ ದೈರ್ಯಾಧಿಕ್ ಪುತ್ ಫ್ರ್ಯಾಂಕ್ ಫೆರ್ನಾಂಡಿಸ್ ತೊಟ್ಟಾಮ್ ಹಾಚ್ಯಾ "ಫರ್ನ್ಸ್ ಮೂವಿ ಇಂಟರ್‌ನ್ಯಾಶನಲ್" ಬೊಂದೆರಾಖಾಲ್ ಮೇ 20 ತಾರಿಕೇರ್ ದುಬಾಯಾಂತ್ಲ್ಯಾ ನೊವಾ ಥಿಯೆಟರ್, ಹಯಾತ್ ಗಲೇರಿಯಾ ಹಾಂತುಂನ್ ಪ್ರೀಮಿಯರ್ ಪ್ರದರ್ಶನಾಕ್ ಪಡ್‍ಲ್ಲೆಂ "ಎಕ್ ಆಸ್ಲ್ಯಾರ್ ಏಕ್ ನಾ" ಕೊಂಕ್ಣಿ ಪಿಂತುರ್ ಖಂಡಿತ್ ಜಾವ್ನ್ ಸರ್ವ್ ಕೊಂಕ್ಣ್ಯಾಂಚಿ ಬೆಜಾರಾಯ್ ಪಯ್ಸ್ ಕರುಂಕ್ ಸಕ್ಲೆಂ ಆನಿ ಕೊಂಕ್ಣಿಂ ಪಿಂತುರಾಂಕ್ ಏಕ್ ಊಂಚ್ ಮಟ್ಟ್ ಫಾವೊ ಕರುಂಕ್ ಸಕ್ಲೆಂ ಮ್ಹಣ್ಚ್ಯಾಂತ್ ಕಿತೆಂಚ್ ದುಬಾವ್ ನಾ.
"ಏಕ್ ಅಸ್ಲ್ಯಾರ್ ಏಕ್ ನಾ" ಏಕ್ ಸಂಪೂರ್ಣ್ ಮನೋರಂಜನ್‍ಭರಿತ್ ಪಿಂತುರ್ ಜಾವ್ನಾಸೊನ್, ಮನೋರಂಜನಾಚಿ ಸಂಪೂರ್ಣ್ ಪ್ಯಾಕೇಜ್ - ಕುಟಾಮ್, ನಾಚ್, ಸಾಹಸ್ ಆನಿ ಹಾಸ್ಯ್ ಹಾಂತುಂನ್ ಗುಟ್ಲಾವ್ನ್ ಪ್ರೇಕ್ಷಕಾಂಕ್ ದಿಲಾಂ. ಕಾಳ್ಜಾಕ್ ಲಾಗ್ಚ್ಯಾ ತಸಲಿ ಯಾ ಪರಿಣಾಮ್‍ಕಾರಿ ಸಂದೇಶ್ ದಿಂವ್ಚ್ಯಾ ತಸಲಿ ಕಥಾ ವಸ್ತ್ ಹ್ಯಾ ಪಿಂತುರಾಂತ್ ನಾ ತರೀ ಎಕ್ ಸಾಮಾನ್ಯ್ ಕಥಾವಸ್ತ್ ಭಂವಾರಿ ಚಿಂತಿನಾತ್‍ಲ್ಲ್ಯಾ ಘುಂವ್ಡ್ಯಾನಿ ಭರ್‌ಲ್ಲೆಂ ಹೆಂ ಪಿಂತುರ್ ಹರ್ಯೇಕಾ ಪ್ರೇಕ್ಷಕಾಕ್ ಅಖ್ರೇಕ್ ಪರ್ಯಾಂತ್ ಆಪ್ಲ್ಯಾ ಬಸ್ಕೆರ್ ಥಾವ್ನ್ ಉಟೊಂಕ್ ಸೊಡಿನಾ. ಆನಿ ಕಿತೆಂ ಪಿಂತುರ್ ಆಕೇರ್ ಜಾಲೆಂ ಮ್ಹಣೊನ್ ಪ್ರೇಕ್ಷಕ್ ಉಟೊಂಕ್ ಆಯ್ತೊ ಜಾತಾನಾ ಆನ್ಯೇಕ್ ಘುಂವ್ಡಿ.... ಹೆಂಚ್ ಮ್ಹಜೊ ಮಿತ್ರ್ ಪ್ರದೀಪ್ ಬರ್ಬೋಜಾ, ಪಾಲಡ್ಕಾ ಹಾಚ್ಯಾ ಕಾಣಿಯಾಂಚಿ ವೈಶಿಷ್ಟತಾ. ಏಕ್ ಸಾಧರಣ್ ಕಾಣಿ ಇತ್ಲ್ಯಾ ಉಂಚ್ಲ್ಯಾ ಮಟ್ಟಾನ್ ಪ್ರಸ್ತುತ್ ಕೆಲ್ಲ್ಯಾ ಹ್ಯಾ ಪಿಂತುರಾಚೊ ನಿರ್ದೇಶಕ್ ತಶೆಂಚ್ ನಾಯಕ್ ನಟ್ ಪ್ರದೀಪ್ ಬರ್ಬೋಜಾ ಪಾಲಡ್ಕಾ ಹಾಕಾ ಸರ್ವ್ ಹೊಗ್ಳಿಕ್ ಫಾವೊ. ಹ್ಯಾ ಪಿಂತುರಾಂತ್ ವಾಪರ್ಲೆಲಿ ತಾಂತ್ರಿಕತಾ ಕೊಂಕ್ಣಿ ಪಿಂತುರಾಂಚ್ಯಾ ಭವಿಷ್ಯಾಕ್ ಏಕ್ ನವೆಂ ಆಯಾಮ್ ದಿಂವ್ಕ್ ಸಕ್ತಾ. ಚಿತ್ರಿಕರಣ್ ಕೆಲ್ಲೆ ಹರ್ಯೇಕ್ ಜಾಗೆ ಹರ್ಯೇಕಾ ಪ್ರೇಕ್ಷಕಾಕ್ ಆಪ್ಲ್ಯಾ ಮಾಂಯ್ ಗಾಂವಾಂಕ್ ವ್ಹರ್ನ್ ಪಾಯ್ತಾ. ಹ್ಯಾ ದಿಶೆನ್ ಚಿತ್ರ್ ಪಂಗ್ಡಾನ್ ಜಾಯ್ತೆಂ ಕಾಮ್ ಆನಿ ಆಭ್ಯಾಸ್ ಕೆಲಾಂ. ಕನ್ನಡಾಂತ್ಲೊ ಖ್ಯಾತ್ ನಿರ್ದೇಶಕ್ ದೆವಾದಿನ್ ಪುಟ್ಟಣ್ಣ ಕಣಗಾಲ್ ಹಾಚೊ ಉಗ್ಡಾಸ್ ಪಿಂತುರಾಂತ್ ಪಾಚ್ವಿ ಪಾಚ್ವಿ ಪ್ರಕೃತಿ ಪಳೆಯ್ತಾನಾ ದೊಳ್ಯಾಂ ಮುಖಾರ್ ಯೆತಾ. ಕಿತ್ಯಾಕ್ ಮ್ಹಳ್ಳ್ಯಾರ್ ತಾಚ್ಯಾ ಹರ್ಯೇಕಾ ಪಿಂತುರಾಂತಿಯೀ ತೊ ಪ್ರಕೃತೆಕ್ ವಿಶೇಸ್ ಮಹತ್ವ್ ದಿತಾಲೊ.
ವಿಲ್ಸನ್ ಕಟೀಲ್ ಹಾಚೆಂ ಸಾಹಿತ್ಯ್ ಕಾಳ್ಜಾಕ್ ಲಾಗ್ಚ್ಯಾ ತಸಲೆಂ, ಖಂಚ್ಯಾ ಮಹಾನ್ ಕವಿಕ್ ಚಿಂತುಂಕ್ ಕರ್ಚೆಂ ತಸಲೆಂ. "ಸುರ್ಯಾಕ್ ಮುಂಡಾಸ್ ಬಾಂದ್ಚೊ" ಖಂಚೊ ಕವಿ ಚಿಂತುಂಕ್ ಸಕ್ತಾ??? ಸದ್ದ್ಯಾಕ್ ವಿಲ್ಸನ್ ಕಟೀಲ್ ಮಾತ್ರ್ ಮುಣೊನ್ ಮ್ಹಾಕಾ ಕಾಂಯ್ ದುಬಾವ್ ನಾ. ಅಂತರಾಶ್ಟ್ರೀಯ್ ಪ್ರಶಸ್ತಿ ವಿಜೇತ್ ವನಿಲ್ ವೇಗಸ್ ಹಾಣಿಂ "ಎಕ್ ಆಸ್ಲ್ಯಾರ್ ಏಕ್ ನಾ" ಪಿಂತುರಾಕ್ ಆನಿಕಿ ಉಂಚಾಯೆರ್ ಸೊಭಾಯ್ಲ್ಯಾ. ಖಂಡಿತ್ ಜಾವ್ನ್ ನವೆಸಾಂವಾಂನಿ ಭರ್‌ಲ್ಲ್ಯಾ ಹ್ಯಾ ಪಿಂತುರಾಂತ್ ಹ್ಯಾ ದೊಗಾಂಚೊ ಪಾತ್ರ್ ಜಿವಾಕ್ ಥಂಡಾಯ್ ದಿತಾ, ಮತಿಕ್ ಉಲ್ಲಾಸ್ ದಿತಾ. ಫಿಲ್ಮಿ ಸಂಸಾರಾಂತ್ ಖಂಡಿತ್ ಜಾವ್ನ್ ಹ್ಯಾ ದೊಗಿ ತರ್ನಾಟ್ಯಾಂಕ್ ಉಂಚ್ಲೆ ಭವಿಷ್ಯ್ ಆಸಾ ಮ್ಹಣ್ಚ್ಯಾಕ್ ಕಿತೆಂಚ್ ದುಬಾವ್ ನಾ. ಹಾಂಚ್ಯಾ ಸಂಗಿಂ ಆರ್ವಿಲ್ಯಾ ದಿಸಾಂನಿ ಸಂಗೀತ್ ಕ್ಷೇತ್ರಾಂತ್ ವಾದಾಳ್ ಉಟೊವ್ನ್ ಆಸ್ಲ್ಲೊ ಯುವಕ್ ಪ್ರಜೋತ್ ಡೆಸಾ ಆನಿ ಸಾಂಗಾತ್ಯಾಂಚೆಂ ಗಾಯನ್ ಹ್ಯಾ ಪಿಂತುರಾಚ್ಯಾ ಯಶಸ್ವೆಂತ್ ವಿಶೇಸ್ ಪಾತ್ರ್ ಖೆಳ್ತಾ.
ನಿರ್ದೇಶಕ್ ಪ್ರದೀಪ್ ಬರ್ಬೋಜಾ ಹಾಚೆಂ ಎಕ್ ವರ್ತೆಂಪಣ್ ಜಾವ್ನಾಸಾಕಿ, ನಟನಾಂತ್ ಕೊಣಾಕ್ ಆಸಕ್ತ್ ಆಸಾ ತಾಂಕಾಂ ಕೆದಾಳಾಯ್ ತೊ ಸೊಡ್ನ್ ಘಾಲಿನಾ. ತಾಂಕಾಂ ತಾಚೊ ಪುರ್ತೊ ಸಹಕಾರ್ ದೀವ್ನ್ ವೇದಿರ್ ಯೆಂವ್ಚ್ಯಾಬರಿ ಪಳೆತಾ. ಹ್ಯಾ ಪಿಂತುರಾಂತ್ ಜಾಲ್ಯಾರಿ ಪ್ರದೀಪಾನ್ ಹೆಂಚ್ ಕೆಲಾಂ ಆನಿ ತಾಚೆಂ ವರ್ತೆಂಪಣ್ ದಾಕವ್ನ್ ದಿಲಾಂ. ಪುಣ್ ಹಾಂಗಾ ಎಕ್ ಕಾನಿ ಉತಾರ್ ಪ್ರದೀಪಾಕ್ ದಿಂವ್ಕ್ ಆಶೆಂತಾಂಕಿ, ಆನಿ ಮುಕಾರ್ ಎಕ್ ಪಿಂತುರ್ ವ್ಯಾವಹರಿಕ್ ನದ್ರೆಂತ್ ಕಾಡ್ತಾನಾ ಇಲ್ಲೆಂ ಮನ್ ಘಟ್ಟ್ ಕರ್ಚೆಂ ಚಡ್ ಗರ್ಜ್ ಆಸಾ!
ಹ್ಯಾ ಪಿಂತುರಾಂತ್ ಗೊಂಯ್ಚೊ ಪ್ರಖ್ಯಾತ್ ನಟ್ ಜೋನ್ ಡಿ'ಸಿಲ್ವಾ, ಆಮ್ಚೆಚ್ ಮೆಲ್ವಿ ಆನಿ ರಿಚ್ಚಾಮ್ (ಮೆಮೊರಿ ಪಂಗಡ್) ಸಾಂಗಾತಾ ಲವೀನಾ ಫೆರ್ನಾಂಡಿಸ್ ಪಾಂಗ್ಳಾ ಹಾಣಿಂ ಖಂಚಾಯ್ ಉಂಚ್ಯಾ ಹಾಸ್ಯ್ ಕಲಾಕರಾಂಕ್ ಸೊಡ್ನ್ ದಿನಾತ್‍ಲ್ಲೆಂ ಹಾಸ್ಯ್ ನಟನ್ ಕರುನ್ ಕೊಂಕ್ಣೆಂತ್ ಉಂಚ್ಲ್ಯಾ ನಟನಾಚ್ಯಾ ದೆಣ್ಯಾಚೊ ಕಿತೆಂಚ್ ಆಭಾವ್ ನಾ ಮ್ಹಣೊನ್ ದಾಕವ್ನ್ ದಿಲಾಂ. ದೀಪಕ್ ಪಾಲಡ್ಕಾ ಥಾವ್ನ್ ಆನೀಕಿ ಬೊರೆಂ ಆಶೇವ್ನ್ ಆಸ್‍ಲ್ಲೊಂ. ಭಾಯ್ರ್ ಉಬೆ ಕೆಲ್ಲೆ ತಾಚೆ ವ್ಹಡ್ಲೆ ಕಟ್-ಔಟ್ ಪಳೆವ್ನ್ ತಾಚೊ ವ್ಹಡ್ಲೊ ಪಾತ್ರ್ ಆಸ್ತಾಲೊ ಆನಿ ಖಂಡಿತ್ ಜಾವ್ನ್ ಕುಸಾಳಾಂ ದುಕಾಸರ್ ಹಾಸಯ್ತಾಲೊ ಮ್ಹಣೊನ್ ಭರ್ವಾಸೊನ್ ಭಿತರ್ ಗೆಲ್ಲೊಂ ಪುಣ್ ಖಂಡಿತ್ ಜಾವ್ನ್ ಮ್ಹಾಕಾ ವರ್ತಿ ನಿರಾಶಾ ಭಗ್ಲಿ. ಮಾರ್ಕೆಟಿಂಗ್ ವಿಭಾಗಾಂತ್ ದೀಪಕಾನ್ ಕೆಲ್ಲೆಂ ವಿಜ್ಮಿತಾಯೆಚೆಂ ಕಾಮ್ ಥಿಯೇಟರಾ ಭಿತರ್ ಭರ್ನ್ ಲೊಕಾಂಕ್ ಪಳೆತಾನಾ ಉಟೊನ್ ದಿಸೊನ್ ಯೆತೆಲೆಂ.
Anti Hero ಆಲ್ಫೊನ್ಸ್ ಡಿ'ಸೋಜಾ ಹಾಚೆ ಥಾವ್ನ್ ಹಾಂವ್ ಕಿತೆಂ ಆಶೆವ್ನ್ ಆಸುಲ್ಲೊಂಗಿ ತಾಚ್ಯಾಕಿ ಭೊವ್ ವರ್ತೆಂ ಪ್ರದರ್ಶನ್ ದಿಲಾಂ. ಮ್ಹಾಕಾ ಭೋವ್ ವಿಸ್ಮಿತ್ಕಾಯ್ ಕೆಲ್ಲೊ ನಟ್ ಜಾವ್ನಾಸಾ ಕ್ಲೋಡಿ ಡಿ'ಲಿಮಾ. ಹಾಚೆ ವಿಶಿಂ ಹಾವೆಂ ಆಯ್ಕಾಲ್ಲೆಂ ಮಾತ್ರ್. ಪುಣ್ ತಾಣೆ ದಿಲ್ಲೆಂ ಪ್ರದರ್ಶನ್ ಪಳೆತಾನಾ ಕಾಳ್ಜಾಂತ್ ಭ್ಯೆಂ ಉಬ್ಜಾತಾ, ಆಂಗಾಚೊ ಲೊಂವ್ ಉಬ್ಯೊ ಜಾತಾತ್... ತಿತ್ಲೆಂ ತಾಣೆ ಆಪ್ಲ್ಯಾ ಪಾತ್ರಾಕ್ ಜೀವ್ ಭರ್ಲಾ.
ಪ್ರದೀಪ್ ಬರ್ಬೋಜಾನ್ ಆಪುಣ್ ವೆದಿಚೆಂ ಸಂಪೂರ್ಣ್ ಭಂಡಾರ್ ಮ್ಹಣೊನ್ ದಾಕವ್ನ್ ದಿಲಾಂ ತರೀ ಥಂಯ್ ಹಾಂಗಾ ನಾಟಕಾಂತ್ಲೊ ಪ್ರದೀಪ್ ದಿಷ್ಟಿಕ್ ಪಡ್ತಾಲೊ. ತಾಚ್ಯಾ ನಟನಾಕ್ ದೋನ್ ವಾಂಟೆ ಕರುಂ ತರ್ ತಾಚ್ಯಾ ಹಾಸ್ಯ್ ನಟನಾಕ್ ಮ್ಹಜೆ 9 ಮಾರ್ಕ್ಸ್ ತರ್ ಉರ್ಲ್ಯಾ ನಟನಾಕ್ 7 ದಿತಾಂ. ನಾಯಕಿಚೊ ಪಾತ್ರ್ ಖೆಳ್‍ಲ್ಲೆಂ ಪ್ರಿಯಾ ಮಿನೆಜಸ್ ಹಿಣೆಂ ಆಪ್ಲ್ಯಾ ಪಾತ್ರಾಕ್ ನ್ಯಾಯ್ ದಿಲಾ. ತರೀ ತಿಣೆಂ ಆಪ್ಲ್ಯಾ ಪಾತ್ರಾ ವಯ್ರ್ ಆನಿ ಇಲ್ಲೆಂ ಮನೆ ಕೆಲಸ ಕರ್ಚಿ ಗರ್ಜ್ ಆಸ್‍ಲ್ಲಿ. ಕಿತ್ಯಾಕ್ ಮ್ಹಳ್ಳ್ಯಾರ್ ಫಿಲ್ಮಿ ಕ್ಷೇತ್ರಾಂತ್ ತಿಕಾ ಏಕ್ ಉಂಚ್ಲೆಂ ಭವಿಷ್ಯ್ ಆಸಾ ಮ್ಹಣೊನ್ ತಿಣೆಂ ರುಜು ಕರುನ್ ಜಾಲಾಂ.
ಆನಿ ಮ್ಹಜೊಜ್ ಗಾಂವ್ ಭಾವ್ ಫ್ರ್ಯಾಂಕ್ ಫೆರ್ನಾಂಡಿಸ್ ಹಾಣೆಂ ಕೊಂಕ್ಣೆಕ್ ಏಕ್ ಭೊವ್ ಉಂಚ್ಲೆಂ ಪಿಂತುರ್ ದಿಲಾಂ ಮಾತ್ರ್ ನಹಿಂ ಆಸ್ತಾಂ ಪಿಂತುರಾಂತ್ ಪೊಲೀಸ್ ಇನ್ಸ್ ಪೆಕ್ಟಾರಾಚೊ ಪಾತ್ರ್ ಖೆಳೊನ್ ಭೋವ್ ವಿಜ್ಮಿತ್ ಕೆಲಾಂ. ಹಾಂಗಾ ಎಕ್ ಕಾನಿ ಉತಾರ್ ನಿರ್ದೇಶಕ್ ಆನಿ ಸಂಬಂದ್ ಆಸ್‌ಲ್ಯಾಂಕ್: ಫ್ರ್ಯಾಂಕ್ ಫೆರ್ನಾಂಡಿಸ್ ಹಾಚ್ಯಾ ತಾಳ್ಯಾಕ್ ಆಜ್ ಸಗ್ಳೊ ಕೊಂಕ್ಣಿ ಸಂಸಾರ್ ವಳ್ಕತಾ. ತಶೆಂ ಆಸ್ತಾಂ ತಾಚೊ ಡಬ್ಬಿಂಗ್ ಆವಾಜ್ ಭೊವ್‍ಚ್ ಉಣ್ಯಾ ಮಾಪಾನ್ ಆಸೊನ್ ತಾಕಾ ತಾಳ್ ಪಡಾನಾ. ಆನಿ ಹೆಂ ತಾಕಾ ಮಾತ್ರ್ ನಹಿಂ ಆಸ್ತಾಂ ಹೆರ್ ಥೊಡ್ಯಾ ಪಾತ್ರಾಂ ಥಂಯ್ ಸಯ್ತ್ ಜಾಲ್ಯಾ. ಹ್ಯೆ ದಿಶೆನ್ ಮುಖಾರಿಂ ಜಾಗ್ರುತ್ಕಾಯ್ ಘೆತಾಲೆ ಮ್ಹಣೊನ್ ಪಾತ್ಯೆತಾಂ.
ಆಖ್ರೇಕ್ ದೋನ್ ಉತ್ರಾಂ ನಿರ್ಮಾಣ್ ಸಂಸ್ಥ್ಯಾಕ್. ಪಿಂತುರ್ ತುಮ್ಚೆಂ, ಪಯ್ಶೆ ತುಮ್ಚೆಂ ಅನಿ ಘೆಂವ್ಚೆಂ ಯಾ ಸೊಡ್ಚೆಂ ಹೆಂ ಸಯ್ತ್ ತುಮ್ಚೆಂ. ಪುಣ್ ಮ್ಹಾಕಾ ಸಂಪೂರ್ಣ್ ಕೊಂಕ್ಣಿ ಖೊರೊಜ್. ತ್ಯಾ ದೆಕುನ್ ದೋನ್ ಉತ್ರಾಂ ಸಾಂಗ್ಚಿ ಗರ್ಜ್ ಮ್ಹಣೊನ್ ಮ್ಹಾಕಾ ಭಗ್ತಾ. ಪಾಟ್ಲ್ಯಾ ಎಕಾ ಸಂದರ್ಭಾರ್ ಮಾರ್ಕೆಟಿಂಗಾಂತ್ಲೊ ಎಕ್ಲೊ ಮಾನೆಸ್ತ್ ಮ್ಹಣಾಲೊ ಹಾಂಗಾ ಪ್ರದರ್ಶನಾಕ್ ಪಡ್‌ಲ್ಲ್ಯಾ ದೋನ್ ಪ್ರಾದೇಶಿಕ್ ಪಿಂತುರಾಂಕ್ 70% ಲೋಕ್ ಮಂಗ್ಳೂರಿಯನ್ ಕ್ರೀಸ್ತಾಂವ್ ಆಸ್ಲ್ಲೊ ಮ್ಹಣೊನ್. ಇತ್ಲೆಂ ಕಳಿತ್ ಆಸೊನಿ ಆಮ್ಚ್ಯಾ ಹ್ಯಾ ಪಿಂತುರಾಕ್ ಅನ್ಯ್ ಭಾಶೆಚ್ಯಾ ಕಲಾಕರಾಂಕ್ ಮಾರ್ಕೆಟಿಂಗಾ ಖಾತಿರ್ ಕಿತ್ಯಾಕ್ ಉಪಯೋಗ್ಸಿಲಾಂ ತೆಂ ಸಮ್ಜೊನಾ. ತ್ಯಾ ಕಲಾಕರಾಂ ವಯ್ರ್ ಮ್ಹಾಕಾ ವರ್ತೊ ಆಭಿಮಾನ್ ಆಸಾ ಪುಣ್ ಆಮ್ಚ್ಯಾ ಲಾಗಿಂ ಲೋಕ್ ಆಸ್ತಾನಾ ತಾಂಕಾಂ ಆವ್ಕಾಸ್ ದಿಂವ್ಚೊ ಪಯ್ಲೊ ಕರ್ತವ್ಯ್ ಜಾವ್ನಾಸಾ. ಹಾಂಗಾ ಹಾಂವ್ ಕಿತೆಂ ಮ್ಹಣ್ ಸಾಂಗೊಂ, ಮಾರ್ಕೆಟಿಂಗ್ ಪಂಗ್ಡಾಕ್ ಕೊಂಕ್ಣಿ ಲೋಕಾಚಿ ವ್ಹಳೊಕ್ ನಾತ್‌ಲ್ಲಿ ಯಾ ತಾಚಿ ಗರ್ಜ್ ಮ್ಹಣೊನ್ ಭಗುಂಕ್ ನಾ??? ಥೊಡಿಂ ಆತಾಂಯ್ ಕೊಂಕ್ಣಿ ಉಲಯ್ತೆಲ್ಯಾಂಚಿಂ ನಾಂವಾಂ ಕಾಡುಂ ತರ್ ಲತಾ ಮಂಗೇಶ್ಕರ್, ಆಶಾ ಭೋಂಸ್ಲೆ , ದೀಪಿಕಾ ಪಡುಕೋಣೆ, ಅನಂತ್‌ನಾಗ್, ರೆಮೊ ಫೆರ್ನಾಂಡಿಸ್, ರೊಹಿಣಿ ಹಟ್ಟಂಗಡಿ, ರಾಜ್‍ದೀಪ್ ಸರ್ದೆಸಾಯ್, ವರ್ಷಾ ಉಸ್ಗಾಂವ್ಕಾರ್, ಗಿರಿಶ್ ಕಾರ್ನಾಡ್.... ಜಡ್ ಜಾತಾ ಜಾಲ್ಯಾರ್ ಫ್ರಾನ್ಸಿಸ್ ಫೆರ್ನಾಂಡಿಸ್ ಕಾಸ್ಸಿಯಾ, ಎರಿಕ್ ಒಝೆರಿಯೊ, ರೇಮಂಡ್ ಡಿ'ಸೋಜಾ , ದಕ್ಷ್ ಪೊಲಿಸ್ ಆಧಿಕಾರಿ ವ್ಯಾಲೆಂಟಾಯ್ನ್ ಡಿ'ಸೋಜಾ, ರೊಯ್ ಕ್ಯಾಸ್ತೆಲಿನೊ, ಜೆ.ಆರ್.ಲೋಬೊ, ಐವನ್ ಡಿ'ಸೊಜಾ ಚಡ್ ಕಿತ್ಯಾಕ್ ಶಾರ್ಜಾ ಆನಿ ದುಬಾಯ್ ಫಿರ್ಗಜಾಂತ್ಲೆ ಮಂಗ್ಳೂರಿಯನ್ ವಿಗಾರ್ ಬಾಪ್ ಆನಿ ವಿಶೇಸ್ ಮ್ಹಳ್ಳ್ಯಾರ್ ನಿರ್ಮಾಪಕಾಕ್ ವ್ಹಳ್ಕಾನಾತ್‍ಲ್ಲೆ ಕೊಣಿ ನಾಂತ್. ತಾಚ್ಯಾ ಎಕ್‍ಚ್ ಉತ್ರಾನ್ ಕಿತ್ಲೆಚ್ ಸಂದೇಶ್ ಕ್ಷಣಾನ್ ಯೆತೆ. ಆನಿ ಗೊಂಯ್ಚೊ ಪ್ರಖ್ಯಾತ್ ಕಲಾವಿದ್ ಜೋನ್ ಡಿ'ಸಿಲ್ವಾ ಆಸ್ಲ್ಲೊ ತರಿ ಗೊಂಯ್ಚ್ಯಾ ಲೊಕಾಕ್ ವೊಡ್ಚೆಂ ಕಿತೆಂಚ್ ಪ್ರಯತ್ನ್ ಜಾಂವ್ಕ್ ನಾ ತರ್ ಹಾಂವ್ ಕಿತೆಂ ಮ್ಹಣೊನ್ ಸಮ್ಜೊಂ??? ಮಾರ್ಕೆಟಿಂಗ್ ಟೀಮಾ ಥಾವ್ನ್ ಕೊಂಕ್ಣೆಚಿ ನಿರ್ಲಕ್ಷಾ?????
ಆಖ್ರೇಕ್ ಸರ್ವ್ ಕಲಾವಿದಂಕ್ ಮ್ಹಜಿ ಏಕ್ ನಮ್ರ್ ವಿನಂತಿ. ಪಿಂತುರ್ ಸುಪರ್ ಹಿಟ್ಟ್, ಡ್ಯೂಪರ್ ಹಿಟ್ಟ್ ಮ್ಹಣೊನ್ ತುಮ್ಚೊಚ್ ದಾಂಗ್ರೊ ಫುಲಾಯ್ನಾಕಾತ್. ತೆಂ ಕಾಮ್ ಪ್ರೇಕ್ಷಕಾಂಚೆಂ... ತೆ ಕರುಂದಿತ್. ಕಾಮ್ ಆನೀಕಿ ಜಾಯ್ತೆಂ ಆಸಾ. ಕಿತ್ಯಾಕ್ ಮ್ಹಳ್ಳ್ಯಾರ್ ಪ್ರಖ್ಯಾತ್ ಉಧ್ಯಮಿ ಮೈಕಲ್ ಡಿ'ಸೊಜಾನ್ ಸಾಂಗ್‌ಲ್ಲ್ಯಾಬರಿ 'ಎಕ್ ಪಿಂತುರ್ ಕಿತ್ಲೆಂ ಯಶಸ್ವಿ ಮ್ಹಣೊನ್ ಕಳ್ಚೆಂ ಎಕಾ ದಿಸಾಚ್ಯಾ ಪ್ರದರ್ಶನಾಂತ್ ನಂಯ್ ಬಗಾರ್ ಕಿತ್ಲೆಂ ಲಾಂಬ್ ಆವ್ದೆಂತ್ ಯಶಸ್ವೆನ್ ಚಲ್ತಾ ತಾಚ್ಯಾ ವಯ್ರ್....'
ಆನಿ ಹ್ಯೆಚ್ ಭರ್ವಾಶ್ಯಾನ್ ಮಂಗ್ಳೂರಾಂತ್ ಹೆಂ ಪಿಂತುರ್ ಹಪ್ತ್ಯಾಂಚೆ ಹಪ್ತೆ ಚಲೊಂದಿ, ಜಶೆಂ ಹ್ಯಾ ಪಿಂತುರಾನ್ ಕೊಂಕ್ಣಿ ಪಿಂತುರಾಂಕ್ ಏಕ್ ನವೆಂ ಆಯಾಮ್ ರಚುನ್ ದಿಲಾಂಗಿ ತಶೆಂಚ್ ಪ್ರೇಕ್ಷಕಾಂಕ್ ಆಪ್ಣಾ ಥಂಯ್ ಆಕರ್ಶಿತ್ ಕರ್ಚ್ಯಾಂತ್ ಹೆಂ ಪಿಂತುರ್ ಯಶಸ್ವಿ ಜಾಂವ್ದಿ ಮ್ಹಣೊನ್ ಆಶೆತಾಂ.
ಹ್ಯಾ ಪಿಂತುರಾವಿಶಿಂ, ಪಿಂತುರ್ ಪಳೆವ್ನ್ ಆಯಿಲ್ಲೊ ಲೋಕ್ ಕಿತೆಂ ಮ್ಹಣ್ತಾ? ತುಮಿಂಚ್ ಪಳೆಯಾ:
Tags:
Konkani Film, Ek Aslyaar Ek Na, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
-
8/16/2016 'ನಶಿಬಾಚೊ ಖೆಳ್' - ಪಿಂತುರಾ ವಿಮರ್ಸೊ ...
-
-
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
Our Address
Mangalore
 | Contact Person : Mr. Praveen Tauro |
Email : praveen@maibhaas.com
Phone : +91 99 80 184340
Address :
Daijiworld.com,
Airport Road,
opp. Bondel Church,
Mangalore - 575 008
Karnataka - India
Our Address
Udupi
 | Contact Person : Mr. Joel D'almeida |
Email : joel@maibhaas.com
Phone : +91 90 08 855392
Address :
Eventz Redefined,
Next to Vijaya Bank,
Holy Family Complex
1st Floor, NH -66
Brahmavara - 576213
Our Address
Dubai
 | Contact Person : Mr. Naveen Sequeira |
Email : editor@maibhaas.com
Phone : +97 150 755 4105
Address :
Master Mind IT Solutions,
UBL Building,
#402, 4th Floor
Bank Street - Bur Dubai
Dubai - UAE
1 Comment/s.
I am not totally agree with this and Deepak Paladka has received much appreciation along with actor for his role and marketing abilities in all the 3 movies...Whole world knows about it...we have witnessed his involvement in this movie...so this reviews does not matter at all..God bless u The film is super.... i love all actor's acting esp.. Godwin, Lavina Deepak for their comedy and also the acting of our own Hero Pradeep and other member are superb acting... i loved watching the movie very much... everybody has to come to watch the movie with the entire family