From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ದಬಾಜೊ
Monday, March 13, 2017
[ಆಯ್ಚ್ಯಾ ಸಂಸಾರಾರ್ ಶಿಕಾಪ್ ಚಡ್ಲಾಂ, ಮನಿಸ್ ಧನಾಕ್ ಭುಲ್ಲಾಂ, ಪರ್ಗಾಂವ್ಚ್ಯಾ ಜಿಣ್ಯೆಕ್ ಆಂವ್ಡೆಲಾ. ಶಿಕಪ್ ದೀಂವ್ಕ್, ಆಪ್ಲೊ ಘಾಮ್ ಪೀಳ್ನ್ ಕಷ್ಟಾಲ್ಲ್ಯಾ ಆವಯ್ ಬಾಪಯ್ಕ್ ಘರಾಂತ್ ಸಾಂಡುನ್ ತೊ ಕಾಮಾಕ್ ಪಯ್ಸ್ ಉಬ್ಲಾ. ಪರ್ಕಿ ಗಾವಾಂತ್ ವಾವ್ರಾರ್ ಆಸುನ್ ಪಯ್ಶ್ಯಾನಿ ಖೆಳ್ಚ್ಯಾ ಜಾಯ್ತ್ಯಾ ಕುಟ್ಮಾಂನಿ ಪಯ್ಶೆ ದರಬಸ್ತ್ ಆಸಾತ್ ಜಾಲ್ಯಾರೀ ಉತರ್ ಪ್ರಾಯೆಚ್ಯಾ ವ್ಹಡಿಲಾಂಕ್ ದಿಂವ್ಚಾ ಮೊಗಾಕ್ ಅಡ್ಕಳ್ ಪಡ್ಲ್ಯಾ. ಜಾಯ್ತ್ಯಾ ಕುಟ್ಮಾಂತ್ ಜಲ್ಮ್ ದಿಲ್ಲ್ಯಾ ಆವಯ್ ಬಾಪಾಯ್ನಿಂ, ಆಸ್ರ್ಯಾಂತ್ ವೇಂಗ್ ಮಾರ್ಲ್ಯಾ, ತಾಂಕಾಂ ಭುರ್ಗಿಂ ನಾಂತ್ ಮ್ಹಣ್ ನ್ಹಂಯ್, ಬಗಾರ್ ಭುರ್ಗಿಂ ಪರ್ಗಾಂವಾಂತ್ ಉಂಚ್ಲ್ಯಾ ಜೊಡಿರ್ ಆಸ್‌ಲ್ಲ್ಯಾನ್!!
ಸತ್ರಾ ಜಣಾಂ ನಾತ್ರಾಂ ಆಸುನ್, ಉತರ್ ಪ್ರಾಯೆಚೆಂ ಜಿವಿತ್ ಆಸ್ರ್ಯಾಂತ್ ಜಿಯೆಂವ್ಕ್ ಪೆಚಾಡ್ಚ್ಯಾ ಎಕಾ ನಿರ್ಭಾಗಿ ಪ್ರಾಯ್ವಂತ್ ಜೊಡ್ಯಾಚ್ಯಾ, ಪಾವುಣ್ಶೆಂ ವರ್ಸಾಂಚ್ಯಾ ಜುಬ್ಲೆವಾಕ್, ಪರ್ಗಾಂವಾಂತ್ ವಸ್ತಿ ಕರ್ಚ್ಯಾ ತಾಂಚ್ಯಾ ಭುರ್ಗ್ಯಾಂನಿ ಬೆಂಡಾವಾಜ್ಪಾರ್ ಗದ್ದಾಳಾಯೆನ್ ಆನಿ ನಾಟಕೀಯ್ ರಿತಿನ್ ಕೆಲ್ಲೊ ವೈಭವ್ ವರ್ಣುನ್ ಕಾಳ್ಜಾಕ್ ಲಾಗ್ಚ್ಯಾ ತಸಲೆ ಸಬ್ಧ್ ವಿಂಚುನ್, ವಿಣ್ಲಲಿ ಹಿ ಕವಿತಾ ಭೋವ್ ಅಪುರ್ಬಾಯೆಚಿ.]
ವಾಡ್ಯಾಂತ್ ಆಜ್ ಕಿತೆಂ ದಬಾಜೊ ಆಸಾ?
ಇಗರ್ಜ್ ಮಾತಾ ವೊಟ್ವಾಸನ್ ಪಿಂತ್ರಾಯ್ಲ್ಯಾ
ಆಲ್ತಾರಿಕ್ ತಾಂಬ್ಶ್ಯಾ ರಂಗಾಚಿ ಶಿಂದ್ರಿ ಘಾಲ್ಯಾ
ಕೊಣಾಕ್ ಪುಣಿ ಲಗ್ನ್ ಹೊಳ್ಡಿಕ್ ಆಸಾ?
ಮ್ಹಾಕಾ ಮಾತ್ಶೆಂ ಸಾಂಗ್ಶಿ?
ಮಾರೊಗ್ ಸಗ್ಳೊ ಸುರ್ಗಾಂರಾಯ್ಲಾ
ಬೊಂಗ್ಲೊ ದೀಪ್ತಿವಂತ್ ಜಾಲಾ
ಪರ್ಗಾವಾಂ ಥಾವ್ನ್ ಭುರ್ಗ್ಯಾಬಾಳಾಂಚೆಂ ಬಿರೆ0 ಆಯ್ಲಾ
ವಾಡ್ಯಾಗಾರಾಂ ವಾಂಗ್ಡಾ ಜಾಲ್ಯಾಂತ್
ಗಾಟ್ಯೆ ಮಾತ್ಯಾರ್ ದಾರು ಲಾಸ್ಲಾ0
ಪಳೆಂವ್ಕ್ ದೋನ್ ದೊಳೆ ಪಾವನಾಂತ್
ಮೊಗಾಚೆಂ ಆಜ್ ಪುನರ್ ಜೀವಂತ್ಪಣ್ ಜಾಲಾಂ
ವ್ಹಯ್, ಆಜ್ ಪಾವುಣ್ಶೆಂ ವರ್ಸಾಂಚೊ ಜುಬ್ಲೆವ್ ಆಸಾ
ಲಾಯ್ತಾಂವಾಕ್ ದುಕೊರ್ ಹಾಡ್ಲಾ
ಚಡ್ ಮೊಲಾಚೊ ಸೊರೊ ಪಾವ್ಲಾ
ಬಾಪಯ್ಕ್ ಹಾಡುಂಕ್ ಸಾರೊಟ್ ಧಾಡ್ಲಾ
ಆವಯ್ಕ್ ಹಾಡುಂಕ್ ಪಾಲ್ಕಿ ಧಾಡ್ಲ್ಯಾ
ಬೆಂಡಾ ನಾದಾನ್ ಯೆವ್ಕಾರ್ ಮಾಗ್ಲಾ
ಆತಾ ಸಂಭ್ರಮ್ ಸುರು ಜಾಲಾ
ಗುರ್ಕಾರಾಮಾನ್ ದಾಮಸ್ ಧರ್ಲಾಂ
ಎಮ್.ಸಿ ನ್ ಸುವಾಳೊ ಸೊಬಾಯ್ಲಾಂ
ಶ್ರೆಷ್ಟ್ ವ್ಯಕ್ತಿನ್ ಭಲಾಯ್ಕಿ ಮಾಗ್ಲ್ಯಾ
ಪುತಾ ಸುನೆಂನಿ ಮುದಿ ಘಾಲ್ಯಾ
ಜಾವ್ಯಾನ್ ಮಾಂವಾಕ್ ಕುರೊವ್ ಘಾಲಾ
ಸತ್ರಾ ಜನಾಂ ನಾತ್ರಾಂನಿ ಗುಲೊಬ್ ದಿಲ್ಯಾತ್
ಅಜಾ-ಆಜಿಯೆಚ್ಯಾ ದೊಳ್ಯಾಂನಿ ದುಖಾಃ ಪಾಜರ್ಲ್ಯಾಂತ್
ಕುಟ್ಮಾಂ ಸಂಗಿ ತಸ್ವೀರೊ ಕಾಡ್ನ್ ಫೆಸ್ಬುಕಾರ್ ಘಾಲ್ಯಾತ್
ಪೀವನಾಚೆಂ ಬಾರ್ ಉಗ್ತೆಂ ಜಾಲಾಂ
ಖಾಣ್-ಜೆವಾಣ್ ದಡ್-ಪಾಡ್ ಜಾಲಾ
ಪಯ್ಶ್ಯಾಂಚಿ ವೀದ್-ವಾವ್ಳಿ ಜಾಲ್ಯಾ
ಕಾರ್ಯೆಂ ಸಗ್ಳೆಂ ಸಂಪದ್ಲಾ
ಆಜ್ ಆಂಗಣ್ ಪರತ್ ರಿತೆಂ ಜಾಲಾಂ
ಘಾಲ್ಲ್ಯೊ ಮುದಿಯೊ, ಕುರೊವ್ ಪಾಟಿ ಕಾಣ್ಗೆಲ್ಯಾತ್
ಭುರ್ಗಿಂ ನಾತ್ರಾ ಪಾಟಿ ಪರ್ಗಾವಾಂಕ್ ಪಾವ್ಲ್ಲ್ಯಾಂತ್
ಕಿತೆಂ ಸಾಂಗೊ ಸಂಭ್ರಮ್...?
ಆವಯ್-ಬಾಪಯ್ ಪರತ್ ಆಶ್ರಾಮಾಕ್ ಪಾವ್ಲ್ಯಾಂತ್...
Tags:
Stephen Vamanjoor, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
8/27/2020 ಏಕ್ ಆಸ್ಲ್ಯಾರ್ ಏಕ್ ನಾ!...
-
6/28/2020 ಬ್ಲ್ಯಾಕ್ ಏಂಡ್ ವೈಟ್...
-
5/9/2020 ವರ್‍ಸಾಕ್ ಏಕ್ ಪಾವ್ಟಿಂ...
-
5/3/2020 ಇಜ್ಮೊಲಾಚಿ ವಾಟ್ಲಿ...
-
8/7/2019 ಉಗ್ಡಾಸಾಚಿಂ ಲ್ಹಾರಾಂ!...
-
10/16/2018 ತುಜ್ಯಾ ಸೊಧ್ನೆರ್.......
-
11/8/2017 ಪಶ್ಚಾತ್ತಾಪ್...
-
10/24/2017 "ಆಮ್ಚೊ ಗಾಂವ್, ಆಮ್ಚಿ ಮಾತಿ...."...
-
9/11/2017 ವ್ಹಯ್, ಸಂಸಾರ್ ನಿಜಾಯ್ಕಿ ಬದಲ್ಲಾ!!...
-
9/3/2017 ಮರ್ಯೆ ಭೊಂವಾರಿಂ, ಸೊಭಿತ್ ಫುಲಾಂ......
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
2 Comment/s.
Very nicely written. I really liked it. It is very true.
ಉಫ್...........ಸ್ಟೀಫನ್ ಶೀಧಾ ಕಾಳ್ಜಾಚ್ಯಾ ಶಿರಾಂ ಶಿರಾಂಕ್ ಮಾರ್ಲಾಂಯ್ ತುವೆಂ.ಪಾಟ್ಲ್ಯಾ ದಿಸಾಂನಿ ಪಾಶಾರ್ ಜಾಲ್ಲ್ಯಾ ಫಾದರ್ಸ್ ಡೇ, ಮದರ್ಸ್ ಡೇ ವೆಳಾರ್ ಹಿಂಛ್ ಚಿಂತ್ನಾಂ ಆಟೊವ್ನ್ ಆಸ್‍ಲ್ಲೊಂ. ತ್ಯಾ ದಿಸಾ ಆವಯ್ ಬಾಪಯ್ ಸಂಸಾರಾಂತ್ಲಿಂ ಉತ್ತೀಮ್ ಮನ್ಶ್ಯಾಂ ಮುಣೊನ್ ಫುಲಾಯ್ತಾತ್ ತರೀ ಆವಯ್ ಬಾಪಯ್ ಆಸ್ರ್ಯಾಂನಿ ನರ್ಗಾತಾತ್. ಪಾಟಿಂ ಕವಿತಾ ತೆವ್ಶಿಂ ಘುಂವ್ತಾನಾ ಸ್ಟೀಫನ್ ಭರ್ಪೂರ್ ಭರ್ವ್ಯಾಶ್ಯಾ ಸಂಗಿಂ ಕೊಂಕ್ಣಿ ಕವಿತಾ ಕ್ಷೇತ್ರಾಕ್ ಪ್ರವೇಶ್ ಜಾಲಾ,ತೀಕ್ಶ್ಣ್ ವಿಷಯಾಂಕ್ ತಾಚೆ ಥಾಂಯ್ ಬರ್ಗಾಲ್ ನಾ ತೆಂ ತಾಣೆಂ ಎದೊಳ್‍ಚ್ ರುಜು ಕೆಲಾಂ.ಆನಿ ಹಿ ಕವಿತಾ ತರೀ ಹಾಕಾ ಸೊಡುನ್ ದಿನಾ. ಆಮ್ಛ್ಯಾ ಸಂಸ್ಕ್ರತೆಚ್ಯಾ ಸುಖ್ಯಾ ಆಡಂಬರಾಕ್ ಸ್ಟೀಫನಾನ್ ನಾಗ್ಡೆಂ ಕೆಲಾಂ, ಜಾಂವ್ದಿ ತೆ ಇಗರ್ಜೆಕ್ ವೈಟ್ವಾಸ್ ಕರುನ್ ಘೆಂವ್ಛೆ ಪಾದ್ರ್ಯಾಬ್, ಪರಿಸ್ಥಿತಿ ಕಳೋನ್ ಆಸೊನಿ ಪಯ್ಶ್ಯಾಂ ಪಾಟ್ಲ್ಯಾನ್ ಲಬ್ದೊಂಛೆ ಕಾರ್ಯೆಂ ನಿರ್ವಾಹಕ್, ಫಟಿಂ ಮಾರುನ್ ಭಲಾಯ್ಕಿ ಮಾಗ್ತೆಲೆ, ಕೇಟರಿಂಗ್ ವಾಲೆ ಇತ್ಯಾದಿ, ಕವಿತೆಂತ್ ಉತ್ರಾಂ ಮಾತ್ರ್ ಸಾಧಿಂ ಉಪಯೋಗ್ ಕೆಲ್ಯಾಂತ್, ಪ್ರಬಂದ್ ವಾಚ್‍ಲ್ಲೊ ಆನ್ಭೊಗ್ ಜಾತಾ, ಉತ್ರಾಂ ಸಂಗಿಂ ಖೆಳ್ಛಿ ಜಾಣ್ವಾಯ್ ಕವಿನ್ ಆಪ್ಣಾಂವ್ಕ್ ಜಾಯ್ ಪುಣ್ ಖಂಡಿತ್ ಜಾವ್ನ್ ಆನ್ಭೊಗ್ಚ್ ತಾಕಾ ಜಾಣ್ತೊ ಕರ್ತಾಲೊ ಮುಣ್ಛ್ಯಾಕ್ ಮ್ಹಾಕಾ ಕಿತೆಂಚ್ ದುಭಾವ್ ನಾ. ಎಕ್ ಕಾನಿಂ ಉತಾರ್ ಕವಿಕ್ ದಿಂವ್ ತರ್ ಕೊಂಕ್ಣೆಂತ್ ಥೊಡೆ ಶಭ್ದ್ ಪ್ರಾದೇಶಿಕ್ ಜಾವ್ನಾಸ್ತಾತ್ ತರ್ ತ್ಯಾ ಶಬ್ಧಾಂಕ್ ಜೆರಾಲ್ ಶಬ್ಧ್ ಆಸ್ತಾತ್,ತೆ ಜೆರಾಲ್ ಶಭ್ದ್ ಕವಿನ್ ಉಪಯೋಗ್ ಕೆಲ್ಯಾರ್ ಕೊನ್ಶ್ಯಾ ಕೊನ್ಶ್ಯಾಚ್ಯಾ ಕೊಂಕ್ಣಿ ವಾಛ್ಪ್ಯಾಂಕ್ ಸಮ್ಜೊಂಕ್ ಸಲಿಸ್ ಜಾತೆಲೆಂ,ಆನಿ ತಶೆಂಚ್ ಜಾಂವ್ ಮುಣೊನ್ ಆಂವ್ಡೆತಾಂ. ಕವಿಕ್ ಸರ್ವ್ ಬೊರೆಂ ಮಾಗ್ತಾಂ.