:: www.maibhaas.com - ಘಾಣ್ ::

ಬರಯ್ಣಾರಾ ವಿಶಿಂ ಜಾಣಾ ಜಾ...

3/3/2017
ರೋಶು ಬಜ್ಪೆ

'ರೋಶು ಬಜ್ಪೆ' ಹ್ಯಾ ಲಿಕ್ಣೆನಾಂವಾನ್ ಕೊಂಕ್ಣಿ ಸಾಹಿತ್ಯ್ ಸಂಸಾರಾಂತ್ ಒಳ್ಕೆ಼ಚೊ ತರ್ನೊ ಬರವ್ಪಿ ರೋಶನ್ ಮೆಲ್ಕಿ ಸಿಕ್ವೇರಾ, ಗಾಂವಾನ್ ಬಜ್ಪೆಚೊ. ಪಾಟ್ಲ್ಯಾ ವರ‍್ಸಾಂನಿ, ಚಡುಣೆ ಹರ್ಯೆಕಾ ಕೊಂಕ್ಣಿ ಪತ್ರಾನಿಂ ಚಲಯಿಲ್ಲ್ಯಾ ಕೊಂಕ್ಣಿ ಸಾಹಿತ್ಯ್ ಸ್ಪರ್ಧ್ಯಾಂತ್ ಇನಾಮಾಂ ಜಿಕ್ಲೆಲ್ಯಾಂ ಮಧೆಂ ರೋಶನ್ ಸಿಕ್ವೇರಾಚೆಂ ನಾಂವ್ ಝಳ್ಕತಾ. ಕವನಾಂ, ಕಾಣಿಯೊ, ಲೇಖನಾಂ ಬರಂವ್ಚಿ ವಿಶಿಷ್ಟ್ ತಾಂಕ್ ಆಸ್ಚ್ಯಾ ರೋಶುಚೆಂ ಖಾಸ್ ಶೆತ್ - ವಿನೋದ್. ತಾಚ್ಯಾ ಮಟ್ವ್ಯಾ ಕಾಣಿಯಾಂನೀಯ್ ವಿನೋದಿಕ್ ಶೈಲಿಚ್ ಝಳ್ಕತಾ. ಖಂಚೊಯ್ ಏಕ್ ವಿಷಯ್ ಯಾ ಘಡಿತಾಂ ಆಪ್ಲ್ಯಾ ವಿಶಿಶ್ಟ್ ವಿನೋದಿಕ್ ಶೈಲೆನ್, ಮಾರ್ಮಿಕ್ ರಿತಿನ್ ಬರವ್ನ್, ವಾಚ್ಪ್ಯಾಂಕ್ ಹಾಸ್ಯಾಚ್ಯಾ ಲ್ಹಾರಾಂನಿ ಧಲಂವ್ಚೆ ತಸಲಿ ಶ್ಯಾಥಿ ರೋಶುಕ್ ಆಸಾ. ಹಾಸ್ಯ್ ಎಟ್ಯಾಕ್ ಮ್ಹಳ್ಳ್ಯಾ ನಾಂವಾನ್ ತಾಣೆ 17 ವಿನೋದಾಂಚೊ ಬೂಕ್ ಫಾಯ್ಸ್ ಕೆಲಾ.

80.5

User Rating

ಕುಶಿಲ್ಯಾ ಕಾರ್ಖಾನ್ಯಾಂತ್

ಖಾವ್ನ್ ಸೊಂರ್ಗೆಲ್ಲೊ ಏಕ್ ಉಂದಿರ್

ಆಜ್ ಅಚಾನಕ್ ಕಿತೆಂಗೀ ಭೊಕಾವ್ನ್

ಥೆಂಬೊ ಸಯ್ತ್ ಉದಾಕ್ ಮೆಳಾನಾ ತಶೆಂ

ನಿತಳ್ ಕೆಲ್ಲ್ಯಾ ಮ್ಹಜ್ಯಾ ಫ್ಲ್ಯಾಟಾಚ್ಯಾ ಗ್ಯಾಲರಿಂತ್ ಯೇವ್ನ್

ಪ್ರಾಣ್ ಸೊಡ್ತಾನಾ

ತಾಚ್ಯಾ ಘಾಣಿನ್ ಮ್ಹಾಕಾ ಚಾಳ್ವಯ್ಲೊ

ಘರಾ ಭಿತರ್‌ಚ್ಚ್ ಭೊಂವ್ಚ್ಯಾ ಪೆಟ್ಯಾಕ್

ಉಂದಿರ್ ದಾಕಯ್ಲೊ ತರೀ

ಮಾಸಾಚೆ ಮುದೆಚ್ಚ್ ಖಾವ್ನ್ ವಾಡ್‌ಲ್ಲ್ಯಾ ತಾಕಾ

ಮೆಲ್ಲ್ಯಾ ಉಂದ್ರಾಕ್ ಪಳೆವ್ನ್

ವೊರೊಡ್ ಆಯ್ಲೊ

ಸಕಾಳಿಂ ದಿಂವ್ಚೆಂ ಖಾಣ್ ಚುಕೊವ್ನ್

ಭುಕೆಲ್ಲ್ಯಾ ಸುಕ್ಣ್ಯಾಕ್

ಗ್ಯಾಲರಿಚ್ಯಾ ಪಿಂಜ್ರ್ಯಾಥಾವ್ನ್ ವ್ಹಳೂ ಸುಟಯ್ಲೆಂ ತರೀ

ಉಂದ್ರಾಚೆರ್ ದೀಷ್ಟ್ ಸೊಡ್ಯಾಂ

ಇತ್ಲಿಂ ವರ್ಸಾಂ ಪೊಸ್‌ಲ್ಲ್ಯಾಕ್

ಉಪ್ಕಾರ್ ಸಯ್ತ್ ಆಟಯ್ನಾಸ್ತಾಂ

ಮೆಳ್‌ಲ್ಲೊ ಆವ್ಕಾಸ್ ಗಳ್ಸುನ್

ತೆಂ ಆಕಾಸಾರ್ ಉಬೊನ್ ಗೆಲೆಂ

ಉಂದ್ರಾಂಕ್ ಧರ್ಚ್ಯಾ ಮಾಜ್ರಾಕ್‌ಚ್ಚ್ ಹಾಡ್ಯಾಂ ಮ್ಹಳ್ಯಾರ್

ಎದೊಳ್‌ಚ್ಚ್ ದೂದ್ ಪಿಯೆಲ್ಲೆಂ ತೆಂ

ಮಾಲ್ಕಿನಿಕ್ ವೆಡೊ ಘಾಲ್ನ್ ನಿದ್‌ಲ್ಲೆಂ

ಖಟ್ಲ್ಯಾರ್‌ಥಾವ್ನ್ ಸಕ್ಲಾ ದೆವೊಂಕ್‌ಚ್ಚ್ ಆಯ್ಕಾನಾಂ

ತೆದ್ನಾಂ ಏಕ್ ಬಾವ್ಡೊ ಕಾವ್ಳೊ

ತಾಕಾ ಮ್ಹಜಿ ಖಂತ್ ಕಳ್ಳಿಗೀ ಕಿತೆಂ

ಗ್ಯಾಲರಿಂತ್ ರಿಗ್ಲೊ

ಆನಿ ಮೆಲ್ಲ್ಯಾ ಉಂದ್ರಾಕ್ ಬೊಂಚಿಯೆಂತ್ ಘೆವ್ನ್ ಧಾಂವ್ಲೊ

ವ್ಯಸ್ತ್ ಕಾರ್ಖಾನ್ಯಾಕ್ ಲಾಗೊನ್

ಸದಾಂನೀತ್ ಉಂದಿರ್ ಮೊರ್ತಾನಾ

ಕಾವ್ಳ್ಯಾನ್ ಮ್ಹಜ್ಯಾ ಗ್ಯಾಲರಿಚಿ

ಮರ್ಯಾದ್ ಉರಯ್ಲಿ

ಆಜ್ ಕಾರ್ಖಾನೊ ಬಂಧ್

ಗ್ಯಾಲರಿಯೀ ನಿತಳ್

ತರೀ ಭಾಯ್ರ್ ಕಾವ್ಳ್ಯಾಂಚಿ ಬೊಬಾಟ್

ಗ್ಯಾಲರಿಂತ್ ವಚೊನ್ ಪಳಯ್ತಾಂ ತರ್

ಕಾವ್ಳೊ ವಾಯಾರಾಂ ಮಧೆಂ ಚಿಡ್ಕೊನ್ ಮೆಲಾ

ಕಾವ್ಳ್ಯಾಚಿ ಬಿರ್ಮತ್

ಕಾವ್ಳ್ಯಾ ಸಾಂಗಾತಾಚ್ಚ್ ಉಬೊನ್ ಗೆಲಿ

ಆನಿ ಮ್ಹಾಕಾ

ಕಾವ್ಳ್ಯಾಚ್ಯಾ ಘಾಣಿ ಸಾಂಗಾತಾ

ಉಂದ್ರಾಂಚಿಂ ಘಾಣ್

ಖಂತೀಷ್ಟ್ ಕರ್ನ್ ಗೆಲಿ

From around the world

ಘಾಣ್

User Rating

2 Comment/s.

Post your comments

ಏಕ್ ಆಸ್ಲ್ಯಾರ್ ಏಕ್ ನಾ!...

ಬ್ಲ್ಯಾಕ್ ಏಂಡ್ ವೈಟ್...

ವರ್‍ಸಾಕ್ ಏಕ್ ಪಾವ್ಟಿಂ...

ಇಜ್ಮೊಲಾಚಿ ವಾಟ್ಲಿ...

ಉಗ್ಡಾಸಾಚಿಂ ಲ್ಹಾರಾಂ!...

ತುಜ್ಯಾ ಸೊಧ್ನೆರ್.......

ಪಶ್ಚಾತ್ತಾಪ್...

"ಆಮ್ಚೊ ಗಾಂವ್, ಆಮ್ಚಿ ಮಾತಿ...."...

ವ್ಹಯ್, ಸಂಸಾರ್ ನಿಜಾಯ್ಕಿ ಬದಲ್ಲಾ!!...

ಮರ್ಯೆ ಭೊಂವಾರಿಂ, ಸೊಭಿತ್ ಫುಲಾಂ......

ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...

ನಾಮ್ಣೆಚೊ ಕೊಂಕ್ಣಿ ಸಾಹಿತಿ ಹೆರೊಲ್ಪಿಯುಸ್ ಅಂತರ್...

ಸಾಮಾಜಿಕ್ ಜಾಳಿ ಜಾಗ್ಯಾಂನಿ ಆಮ್ಚೆ ವೈಯುಕ್ತಿಕ್ ವ್...

ಹೆಲಿಕಾಪ್ಟರ್ ಮನಿ...

ಕಾಜಾರ್ ಕೆದಾಳಾ..?...

ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...

'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...

ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...

ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...

ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...

Connect

Our Address
Mangalore

Our Address
Udupi

Our Address
Dubai