:: www.maibhaas.com - ಬ್ಲ್ಯಾಕ್ ಏಂಡ್ ವೈಟ್ ::

ಬರಯ್ಣಾರಾ ವಿಶಿಂ ಜಾಣಾ ಜಾ...

6/28/2020
ಸಿಜ್ಯೆಸ್, ತಾಕೊಡೆ

'ಸಿಜ್ಯೆಸ್ ತಾಕೊಡೆ' ಮ್ಹಳ್ಳೆಂ ನಾಂವ್ ಆಯ್ಕತಾನಾಂಚ್ ತೊಂಡಾರ್ ಹಾಸೊ ಉದೆತಾತ್... ಕಾರಣ್ ಸಿಜ್ಯೆಸಾಚಿಂ ಬರ್ಪಾಂ. ಕೊಂಕ್ಣಿ ಸಾಹಿತ್ಯಾಂತ್ ಆಸ್ಚಾ ಭೋವ್ ಥೊಡ್ಯಾ ಹಾಸ್ಯ್ ಸಾಹಿತಿಂ ಪಯ್ಕಿ ಸಿಜ್ಯೆಸ್ ಎಕ್ಲೊ ಆನಿ ತಾಚಿಂ ಬರ್ಪಾಂ ವಾಚುನ್ ಹಾಸೊಂಕ್ ಕಳಿತ್ ನಾತ್‌ಲ್ಲೆ ಸಯ್ತ್ ಹಾಸೊಂಕ್ ಶಿಕ್ತಾತ್. 'ಸಿಜ್ಯೆಸ್ ತಾಕೊಡೆ' ನಾಂವಾರ್ ಪಾಟ್ಲ್ಯಾ ಚಡುಣೆಂ ಪಾಂಚ್ ಧಾಕ್ಡ್ಯಾಂಥಾವ್ನ್ ಕೊಂಕ್ಣಿ ಸಾಹಿತಿಕ್/ಪತ್ರಿಕೋದ್ಯಮ್ ಶೆತಾಂತ್ ಭಂವೊನ್, ಚಲೊನ್, ಧಾಂವೊನ್, ಪಿಕೊನ್ ಗೆಲ್ಲೊ ಮಾನೆಸ್ತ್ ಸಿರಿಲ್ ಜಿ. ಸಿಕ್ವೇರಾ ಏಕ್ ಖರೊ ಕಲಾಕಾರ್ ಮ್ಹಳ್ಯಾರ್ ಚೂಕ್ ಜಾಂವ್ಚಿನಾ. ಆಪ್ಲ್ಯಾ ಜಿಣ್ಯೆಂತ್ ಕಸಲೀಂಯಿ/ಕಿತ್ಲೀಂಯಿ ಕಷ್ಟ್ ಅನ್ವಾರಾಂ ಆಯ್ಲ್ಯಾರ್‌ಯಿ ತಿಂ ತೊ ಭೊಗುನ್, ಸದಾಂ ಆಪ್ಲ್ಯಾ ಬರ್ಪಾಂನಿ ತೊ ವಾಚ್ಪ್ಯಾಂಕ್ ಹಾಸಂವ್ಕ್ ಪ್ರೇತನ್ ಕರ್ತಾ. ಹೆಂ ಕರುಂಕ್ ಸಾದ್ಯಾಂಕ್ ಖಂಡಿತ್ ಜಾವ್ನ್ ಅಸಾಧ್ಯ್. ಸಾಹಿತ್ಯಾಚಾ ಚಡ್ತಾವ್ ಪ್ರಕಾರಾಂನಿ ಹೆಳ್‌ಲ್ಲೊ ಸಿಜ್ಯೆಸ್ ಅಜೂನ್ ತೊಚ್ ಕೊಂಕ್ಣೆಚೊ ಮೋಗ್ ಆಪ್ಲ್ಯಾ ಕಾಳ್ಜಾಂತ್ ಭರ್ನ್ ಘೆತ್‌ಲ್ಲೊ ಆನಿ ಹೊಚ್ ಮೋಗ್ ಆಸ್ಚಾ ಹೆರಾಂಕ್ ಹುಮೆದೆಚಿಂ ಪಾಕಾಂ ಲಾಂವ್ಚೊ ಏಕ್ ಅಪ್ರೂಪ್ ಸಾಹಿತಿ ಜಾವ್ನಾಸಾ.

80.5

User Rating

ಬ್ಲ್ಯಾಕ್ ಏಂಡ್ ವೈಟ್

ಮ್ಹಣ್ಜೆ

ಕಾಳ್ಯಾಂ ಆನಿ

ಧೊವ್ಯಾಂ ಮದೆಂ

ಅಮೇರಿಕಾ ಜಾಲೆಂ

ತಾಂಬ್ಡೆಂ

ಜನಾಂಗೀಯ್

ದ್ವೇಷಾಕ್ ಲಾಗುನ್

ಸಂಸಾರಾ ಮುಕಾರ್

ನಾಗ್ಡೆಂ!

ಸಿಗ್ರೆಟ್ ಪ್ಯಾಕೆಟ್

ಘೆತಾನಾ

ವೀಸ್ ಡೊಲರಾಂಚೊ

ನಕ್ಲಿ ನೋಟ್ ದಿಲ್ಲ್ಯಾಕ್

ಜೋರ್ಜ್ ಫ್ಲೋಯ್ಡಾಕ್

ಪೊಲಿಸಾಂನಿ

ಕಯ್ದ್ ಕೆಲೊ!

ಹಾತ್ ತಾಚ್ಯೆ

ಪಾಟ್ಲ್ಯಾನ್ ಬಾಂದುನ್

ಖೊಡೊ ಘಾಲೊ.

ಧರ್ಣಿರ್ ತಾಕಾ

ನಿದಾವ್ನ್

ದೊಗಾಂ ಪೊಲಿಸಾಂನಿ

ಹರ್ದ್ಯಾರ್ ತಾಚ್ಯಾ

ಪಾಂಯ್ ದವೊರ್ನ್

ಗುಡ್ಡಾವ್ನ್ ಧರ್ಲೊ

ಪೊಲಿಸ್ ಅಧಿಕಾರಿ

ಡೆರಿಕ್ ಶಾವಿನಾನ್

ಆಪ್ಲ್ಯಾ ಪಾಂಯಾಚ್ಯಾ

ಧೊಂಪ್ರಾ ಗಾಂಟಿನ್

ಜೋರ್ಜ್ ಫ್ಲೋಯ್ಡಾಚಿ

ಗೊಮ್ಟಿ ಧರ್ಲಿ

ದಾಂಬುನ್

'ಐ ಕಾಂಟ್ ಬ್ರೀದ್

ಆಫಿಸರ್'

'ಮ್ಹಾಕಾ ಉಸ್ವಾಸ್

ಘೆಂವ್ಕ್ ಜಾಯ್ನಾ

ಆಫಿಸರ್'

ಜೋರ್ಜ್ ಫ್ಲೋಯ್ಡ್

ಉಸ್ವಾಸ್ ಘೆಂವ್ಕ್

ವದ್ದಾಡ್ಲೊ

ಆಡ್ದೊಸ್ ಮಾಗುನ್

ವಳ್ವಳ್ಳೊ

ಗಳೊ ಫುಮಾರ್

ಜಾವ್ನ್ ಕಳ್ವಳ್ಳೊ!

ಜಾಲ್ಯಾರೀ ಸೊಡ್ಲೆಂ ನಾ

ರಗ್ತಾಕ್ ತಾನೆಲ್ಲ್ಯಾ

ತ್ಯಾ ಸುಣೆಂ ವಾಗ್ಟಾನ್

ಫಾತ್ರಾ ಕಾಳ್ಜಾಚ್ಯಾ

ತ್ಯಾ ರಾಕ್ಸಾನ್!

ಕಾಳ್ಯಾಂಚ್ಯಾ ಜಿವಾಕ್‌ಯಿ

ಮೋಲ್ ಆಸಾ

ಮ್ಹಳ್ಳೆಂ ನೆಣಾಂ ತೊ

ದೊಳ್ಯಾಂತ್

ರಗತ್ ನಾತ್ಲಲೊ

ಫಾತ್ರಾ ಕಾಳ್ಜಾಚೊ

ಕಸಾಪ್ಪಿ ಕಸಾಯ್ಗಾರ್

ಕಾಳ್ಯಾಂಚ್ಯಾ

ರಗ್ತಾಕ್ ತಾನೆಲ್ಲೊ

ಗೊರೊ ಖುನಿಗಾರ್!

ಆಟ್ ಮಿನುಟಾಂ

ಸವೆಚಾಳೀಸ್ ಸೆಕುಂದಾಂ

ಉಸ್ವಾಸಾಖಾತಿರ್

ಉಡ್ಡೊನ್, ಉಸ್ಮೊಡುನ್

ಪ್ರಾಣ್ ಸೊಡ್ಲೊ

ಜೋರ್ಜ್ ಫ್ಲೋಯ್ಡಾನ್!

ಆಮೇರಿಕಾಚೊ ಲೋಕ್

ಪ್ರತಿಭಟನ್ ಕರುನ್

ರಸ್ತ್ಯಾ ಕ್ ದೆಂವ್ಲೊ

ಜೋರ್ಜ್ ಫ್ಲೋಯ್ಡಾಚ್ಯಾ

ಕುಟ್ಮಾಕ್

ನೀತ್ ಮಾಗುನ್

ಬೊಬಾಟ್ಲೊ!

ಲೊಕಾಚ್ಯಾ ಕ್ರೋಧಾಕ್

ಉಜ್ಯಾ ಜಿಬಾಂ ಮದೆಂ

ಅಮೇರಿಕಾ ಜಳೊಂಕ್

ಲಾಗ್ಲೆಂ!

ಗೊರ್‍ಯಾಂಚ್ಯಾ

ಗಾಂವಾಂತ್

ಕಾಳ್ಯಾಂಚ್ಯಾ ಜಿವಾಕ್

ಮೊಲ್ ನಾ ಮ್ಹಳ್ಳೆಂ

ಮನ್ಶಾಪಣ್ ಹೊಗ್ಡಾಯಿಲ್ಲ್ಯಾ

ಅಮೇರಿಕಾನ್

ಆಪ್ಣಾಕ್‌ಚ್

ವಿಣ್ಗೆಂ ಕರುನ್

ಸಂಸಾರಾಕ್

ದಾಕಯ್ಲೆಂ!

From around the world

ಬ್ಲ್ಯಾಕ್ ಏಂಡ್ ವೈಟ್

User Rating

0 Comment/s.

Post your comments

ಏಕ್ ಆಸ್ಲ್ಯಾರ್ ಏಕ್ ನಾ!...

ಬ್ಲ್ಯಾಕ್ ಏಂಡ್ ವೈಟ್...

ವರ್‍ಸಾಕ್ ಏಕ್ ಪಾವ್ಟಿಂ...

ಇಜ್ಮೊಲಾಚಿ ವಾಟ್ಲಿ...

ಉಗ್ಡಾಸಾಚಿಂ ಲ್ಹಾರಾಂ!...

ತುಜ್ಯಾ ಸೊಧ್ನೆರ್.......

ಪಶ್ಚಾತ್ತಾಪ್...

"ಆಮ್ಚೊ ಗಾಂವ್, ಆಮ್ಚಿ ಮಾತಿ...."...

ವ್ಹಯ್, ಸಂಸಾರ್ ನಿಜಾಯ್ಕಿ ಬದಲ್ಲಾ!!...

ಮರ್ಯೆ ಭೊಂವಾರಿಂ, ಸೊಭಿತ್ ಫುಲಾಂ......

ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...

ನಾಮ್ಣೆಚೊ ಕೊಂಕ್ಣಿ ಸಾಹಿತಿ ಹೆರೊಲ್ಪಿಯುಸ್ ಅಂತರ್...

ಸಾಮಾಜಿಕ್ ಜಾಳಿ ಜಾಗ್ಯಾಂನಿ ಆಮ್ಚೆ ವೈಯುಕ್ತಿಕ್ ವ್...

ಹೆಲಿಕಾಪ್ಟರ್ ಮನಿ...

ಕಾಜಾರ್ ಕೆದಾಳಾ..?...

ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...

'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...

ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...

ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...

ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...

Connect

Our Address
Mangalore

Our Address
Udupi

Our Address
Dubai