From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
'ವಂದೇ ಭಾರತ್' ಮಿಸಾಂವಾಚೊ ಮಂಗ್ಳುರ್‌ಗಾರ್ ಪಾಯ್ಲೆಟ್ ಕ್ಯಾ| ಮೈಕಲ್ ಸಲ್ಡಾನ್ಹಾ
Friday, June 12, 2020
ಮಂಗ್ಳುರ್ (ಬಜ್ಪೆ) ಅಂತರ್ ರಾಶ್ಟ್ರೀಯ್ ವಿಮಾನ್ ನಿಲ್ದಾಣಾಚೊ ರನ್‌ವೇ ಭಾರಿಚ್ ಅಪಾಯಾಭರಿತ್ ಮ್ಹಳ್ಳಿ ಜೆರಾಲ್ ಅಭಿಪ್ರಾಯ್. ಹಾಕಾ ರುಜ್ವಾತ್ ಮ್ಹಳ್ಳೆಬರಿಂ 2010 ಮೇ 22 ತಾರಿಕೆರ್ ಘಡ್ಲಲೆಂ ಹ್ಯಾ ಶತಮಾನಾಂತ್ಲೆಂ ಭೊವ್ ವ್ಹಡ್ ವಿಮಾನ್ ದುರಂತ್. ಆನಿ ಹ್ಯಾ ಅವ್ಗಡಾಂತ್ 158 ಪಯ್ಣಾರಿ ಮರಣ್ ಪಾವ್ಲೆ ಆನಿ ಥೊಡೆ ಘಾಯೆಲೆ.
ಮಂಗ್ಳುರ್‌ಚೊ 'ಟೇಬಲ್ ಟೊಪ್' ಏರ್‌ಪೊರ್ಟ್ ಆಮ್ಚ್ಯಾ ದೇಶಾಂತ್ಲ್ಯಾ ಉತ್ತೀಮ್ ಏರ್‌ಪೊರ್ಟಾಂ ಪಯ್ಕಿ ಏಕ್ ಮ್ಹಣ್ತಾ ಕ್ಯಾಪ್ಟನ್ ಮೈಕಲ್ ಸಲ್ಡಾನ್ಹಾ. ಮಂಗ್ಳುರ್ ಬೇಜ್ ಮೆನೆಜರ್ ಆನಿ ಚೆಕ್ ಪಾಯ್ಲೆಟ್, ಏರ್ ಇಂಡಿಯಾ ಎಕ್ಸ್‌ಪ್ರೆಸ್ ಕಮಾಂಡರ್/ಪಾಯ್ಲೆಟ್.
ಕೊರೊನಾ ವೈರಸ್ ಮ್ಹಳ್ಳೆ ಮಹಾಮಾರಿಕ್ ಲಾಗೊನ್ ಹಜಾರೊಂ ಭಾರತೀಯ್ ಲೋಕ್ ಗಲ್ಫ್ ಆನಿ ಹೆರ್ ರಾಶ್ಟ್ರಾಂನಿ ಕಶ್ಟಾಂಕ್ ಸಾಂಪಡ್ಲೊ. ತಾಂಕಾಂ ಪಾಟಿಂ ಭಾರತಾಕ್ ಆಪೊವ್ನ್ ಹಾಡ್ಚ್ಯಾಕ್ ಆಮ್ಚ್ಯಾ ಸರ್‍ಕಾರಾನ್ 'ವಂದೇ ಭಾರತ್' ಮ್ಹಳ್ಳೆಂ ಮಿಸಾಂವ್ ಆರಂಬ್ ಕೆಲೆಂ. ಹ್ಯಾ ಮಿಸಾಂವಾಂತ್ ಕ್ಯಾಪ್ಟನ್ ಮೈಕಲ್ ಸಲ್ಡಾನ್ಹಾಸಂಗಿಂ 30 ಜಣ್ ಪಾಯ್ಲೆಟಾಂನಿ ಆನಿ ಸಮರ್ಪಿತ್ ಶಿಬಂದೆಂನಿ ಸ್ವಯಂ ಪ್ರೇರಿತ್ ಜಾವ್ನ್ ಭಾಗ್ ಘೆತ್‌ಲ್ಲೊ. ತಾಂಚೆಂ ಮಿಸಾಂವ್ ಜಾವ್ನಾಸ್‌ಲ್ಲೆಂ - ಗಲ್ಫ್ ದೇಶಾಂನಿ ಸಂದಿಗ್ದ್ ಪರಿಸ್ಥಿತೆಕ್ ಸಾಂಪ್ಡೊನ್ ಭಾರತಾಕ್ ಪಾಟಿಂ ಯೇಂವ್ಕ್ ಪ್ರಯತನ್ ಕರ್‍ಚ್ಯಾ ಲೊಕಾಕ್ ಆಪೊವ್ನ್ ಹಾಡ್ಚೆಂ.
ಕ್ಯಾಪ್ಟನ್ ಮೈಕಲ್ ಸಲ್ಡಾನ್ಹಾನ್ ಮೇಯಾಚ್ಯಾ 7-ವೆರ್ 'ವಂದೇ ಭಾರತ್' ಮಿಸಾಂವಾಚೆಂ ಪಯ್ಲೆಂ ಫ್ಲಾಯ್ಟ್ (ಏರ್ ಇಂಡಿಯಾ ಎಕ್ಸ್‌ಪ್ರೆಸ್ IX 344) ದುಬಾಯ್ ಅಂತರ್‌ರಾಶ್ಟ್ರೀಯ್ ಏರ್‌ಪೊರ್ಟಾ ಥಾವ್ನ್ ಉಬೊವ್ನ್ ಕೇರಳಾಂತ್ಲ್ಯಾ ಕೋಝಿಕೊಡ್ (ಕ್ಯಾಲಿಕಟ್) ಅಂತರ್‌ರಾಶ್ಟ್ರೀಯ್ ವಿಮಾನ್ ನಿಲ್ದಾಣಾಂತ್ ವ್ಹರುನ್ ದೆಂವಯ್ಲೆಂ. ಕ್ಯಾಬಿನಾಂತ್ ತಾಚೆಸಂಗಿಂ ಫಸ್ಟ್ ಆಫಿಸರ್ ಆಖಿಲೇಶ್ ಕುಮಾರ್ ಆನಿ ಕ್ಯಾಬಿನ್ ಕ್ರೂ ಸಾಂದೆ ಜಾವ್ನ್ ವಿನೀತ್ ಶಾಮಿಲ್, ಆಬ್ದುಲ್ ರಾವುಫ್, ರಸೀನಾ ಪಿ. ಆನಿ ರಿಜೋ ಜೊನ್ಸನ್ ಆಸ್‌ಲ್ಲಿಂ. ಹ್ಯಾ ಫ್ಲಾಯ್ಟಾರ್ 177 ಪಯ್ಣಾರಿ ಆಸ್‌ಲ್ಲೆ. ದುಸ್ರೆಪಾವ್ಟಿಂ ಮೇಯಾಚ್ಯಾ 20-ವೆರ್ ತಾಣೆಂ ಏರ್ ಇಂಡಿಯಾ ಎಕ್ಸ್‌ಪ್ರೆಸ್ ಫ್ಲಾಯ್ಟ್ ಮಸ್ಕತ್ ಥಾವ್ನ್ ಉಬೊವ್ನ್ ಬೆಂಗ್ಳುರ್ ಏರ್‌ಪೊರ್ಟಾಂತ್ ಆನಿ ಥಂಯ್ ಥಾವ್ನ್ ಮಂಗ್ಳುರ್ ವಿಮಾನ್ ನಿಲ್ದಾಣಾಂತ್ ಹಾಡುನ್ ದೆಂವಯ್ಲೆಂ. ಹ್ಯಾ ಫ್ಲಾಯ್ಟಾರ್ 180 ಜಣ್ ಪಯ್ಣಾರಿ ಆಯಿಲ್ಲೆ.
ಜಲ್ಮ್ ಆನಿ ಶಿಕಪ್ :
ಕ್ಯಾಪ್ಟನ್ ಮೈಕಲ್ ಸಲ್ಡಾನ್ಹಾ ಮಂಗ್ಳುರ್‌ಚ್ಯಾ ವಾಲೆನ್ಸಿಯಾಚೊ. ತಾಚೊ ಬಾಪಯ್ ಮಾನೆಸ್ತ್ ಪ್ಲಾಸಿಡ್ ಸಲ್ಡಾನ್ಹಾ ವಕೀಲ್ ಆನಿ ಕಾಫಿ ಪ್ಲಾಂಟರ್. ಆವಯ್ ಮಾನೆಸ್ತಿಣ್ ಫ್ರೀಡಾ ಸಲ್ಡಾನ್ಹಾ, IIM ಬೆಂಗ್ಳುರ್ ಹಾಂಗಾಸರ್ 'ಫೇಕಲ್ಟಿ' ಜಾವ್ನ್ ತಿಣೆಂ ವಾವ್ರ್ ಕೆಲಾ. ಹ್ಯಾ ಜೊಡ್ಯಾಕ್ ತೇಗ್ ಜಣ್ ಪೂತ್. ಮಾರ್ಕ್, ಮೈಕಲ್ ಆನಿ ಮರ್‍ವಿನ್. ಮಾಲ್ಗಡೊ ಪೂತ್ ಮಾರ್ಕ್ ಸಲ್ಡಾನ್ಹಾ, ಮಾಜಿ ಕೇಂದ್ರ್ ಮಂತ್ರಿ ಆಸ್ಕರ್ ಫೆರ್‍ನಾಂಡಿಸಾಚ್ಯಾ ಧುವೆಲಾಗಿಂ ಕಾಜಾರ್ ಜಾಲಾ. ಧಾಕ್ಟೊ ಭಾವ್ ಮರ್‍ವಿನ್ ಸಲ್ಡಾನ್ಹಾ , ಬಿ.ಇ.(ಮೆಕ್ಯಾನಿಕಲ್) ಜಾತಚ್ ಆಮೆರಿಕಾಂತ್ ಪೆಟ್ರೊಲಿಯಮ್ ಇಂಜಿನಿಯರಿಂಗಾಂತ್ ಮಾಸ್ಟರ್ಸ್ ಕರುನ್ ಪ್ರಸ್ತುತ್ Exxon Mobile ಕಂಪೆನಿಂತ್ ಪೆಟ್ರೊಲಿಯಮ್ ಇಂಜಿನಿಯರ್ ಜಾವ್ನ್ ವಾವುರ್ನ್ ಆಸಾ.
ಮೈಕಲ್ ಸಲ್ಡಾನ್ಹಾಚೆಂ ಸುರ್‍ವಿಲೆಂ ಶಿಕಪ್ ಮಂಗ್ಳುರ್‌ಚ್ಯಾ ಮಿಲಾಗ್ರಿಸ್ ಹೈಸ್ಕೂಲಾಂತ್ ಜಾಲೆಂ. ಸೈಂಟ್ ಅಲೋಶಿಯಸ್ ಕೊಲೆಜಿಂತ್ ಪಿಯುಸಿ ಜಾತಚ್ ಬೆಂಗ್ಳುರ್‌ಚ್ಯಾ ಆರ್.ವಿ. ಇಂಜಿನಿಯರಿಂಗ್ ಕೊಲೆಜಿಂತ್ ತಾಣೆಂ ಬಿ.ಇ.(ಮೆಕ್ಯಾನಿಕಲ್) ಶಿಕಪ್ ಕೆಲೆಂ.
ಏರ್ ಇಂಡಿಯಾ ಪೈಲಟ್ :
Schneider Electric Ltd ಮ್ಹಳ್ಳ್ಯಾ ಬಹುದೇಶೀಯ್ ಕಂಪೆನಿಂತ್ ಪ್ರೊಡಕ್ಶನ್ ಇಂಜಿನಿಯರ್ ಜಾವ್ನ್ ಮೈಕಲ್ ಸಲ್ಡಾನ್ಹಾನ್ ದೋನ್ ವರ್‍ಸಾಂ ಕಾಮ್ ಕೆಲೆಂ. 2008-0ತ್ ಕೆಡೆಟ್ ಪಾಯ್ಲೆಟ್ ಜಾವ್ನ್ ತೊ ಏರ್ ಇಂಡಿಯಾಂತ್ ಭರ್‍ತಿ ಜಾಲೊ. ಏರ್ ಇಂಡಿಯಾ ಕೆಡೆಟ್ ಪಾಯ್ಲೆಟ್ ಪ್ರೊಗ್ರಾಮಾಕ್ ಅರ್‍ಜಿ ಘಾಲಿಜಾಯ್ ತರ್ ಇಂಜಿನಿಯರಿಂಗ್ ಡಿಗ್ರಿ ಜಾಯ್ಜಯ್. ತಾಂಚ್ಯಾ ಆಲ್ ಇಂಡಿಯಾ ರಿಕ್ರುಟ್‌ಮೆಂಟಾಕ್ 30 ಹಜಾರ್ ಯುವ ಇಂಜಿನಿಯರಾಂನಿ ಅರ್‍ಜಿ ಘಾಲ್ಲಿ. ಆನಿ ತಾಂತುಂ ಫಕತ್ 100 ಜಣಾಂಕ್ ವಿಂಚುನ್ ಕಾಡುನ್ ಪಾಯ್ಲೆಟ್ ತರ್‍ಬೆತಿ ಖಾತಿರ್ ಆಮೆರಿಕಾಕ್ ಧಾಡ್‌ಲ್ಲೆ. ತಾಂಚ್ಯಾ ಪಯ್ಕಿ ಮೈಕಲ್ ಸಲ್ಡಾನ್ಹಾಯಿ ಎಕ್ಲೊ. ಆಮೆರಿಕಾಂತ್ಲ್ಯಾ ಬೋಯಿಂಗ್ ವಿಮಾನಾಂನಿ ತರ್‍ಬೆತಿ ಜೊಡ್ಲ್ಯಾ ಉಪ್ರಾಂತ್ ತಾಕಾ ಕಮರ್‍ಶಿಯಲ್ ಪಾಯ್ಲೆಟಾಚೆಂ ಲೈಸನ್ಸ್ ಮೆಳ್ಳೆಂ. ಆನಿ ತ್ಯಾ ಲೈಸನ್ಸಾಕ್ ಭಾರತಾಚಿ ಮಾನ್ಯತಾ ಲಾಬ್ಲ್ಯಾ.
ಏರ್ ಇಂಡಿಯಾಚೊ ಪಾಯ್ಲೆಟ್ ಜಾವ್ನ್ ಕ್ಯಾಪ್ಟನ್ ಮೈಕಲ್ ಸಲ್ದಾನ್ಹಾ ಪಾಟ್ಲ್ಯಾ 12 ವರ್‍ಸಾಂ ಥಾವ್ನ್ ವಾವುರ್ನ್ ಆಸಾ. ತಾಂತುಂ ೮ ವರ್‍ಸಾಂ ತಾಣೆಂ ಮಂಗ್ಳುರಾಂತ್ ವಾವ್ರ್ ಕೆಲಾ.
'ವಂದೇ ಭಾರತ್' :
ಕುಟ್ಮಾಥಾವ್ನ್ ಪ್ರೋತ್ಸಾವ್ :
ಆಪ್ಣಾಕ್ ಆಪ್ಲ್ಯಾ ಕುಟ್ಮಾಥಾವ್ನ್ ಸರ್ವ್ ಥರಾಂಚೊ ಪ್ರೋತ್ಸಾವ್ ಆನಿ ಪಾಟಿಂಬೊ ಮೆಳ್ತಾ ಮ್ಹಣ್ತಾ ಕ್ಯಾಪ್ಟನ್ ಮೈಕಲ್ ಸಲ್ಡಾನ್ಹಾ. ತಾಚೊ ಆಜೊ(ಆವಯ್‌ಚೊ ಬಾಪಯ್) ಕರ್‍ನಲ್ ಜೆ.ಡಬ್ಲ್ಯು.ಸುವಾರಿಸ್ ಕಣ್ಣಾನೂರಾಂತ್ ಕಮಾಂಡೆಂಟ್ ಜಾವ್ನ್ ವಿಶೇಸ್ ಹುದ್ದ್ಯಾರ್ ಆಸ್‌ಲ್ಲೊ. ದುಸ್ರ್ಯಾ ಮಹಾಝುಜಾ ಸವೆಂ ತೀನ್ ಝುಜಾಂನಿ ಪಾತ್ರ್ ಘೆತ್‌ಲ್ಲೊ ಇಂಡಿಯನ್ ಆರ್‍ಮಿ ಆಫಿಸರ್. ತಾಚಿ ಪತಿಣ್ ಮಾನೆಸ್ತಿಣ್ ಬ್ಲೋಸಮ್ ಸುವಾರಿಸ್. ತಾಚೊ ಆಜೊ ಶ್ರೀ ಪಾಸ್ಕಲ್ ಸಲ್ಡಾನ್ಹಾ (907-70) ರಾಶ್ಟ್ರ್‌ಪತಿ ಥಾವ್ನ್ ಭಾಂಗ್ರಾಳೆಂ ಪದಕ್ ಜೊಡ್ಲಲೊ ಪೊಲಿಸ್ ಅಧಿಕಾರಿ. ಉಪ್ರಾಂತ್ ತೊ ಕಾಫಿ ಪ್ಲ್ಯಾಂಟರ್ ಜಾಲೊ. ಕ್ಯಾಪ್ಟನ್ ಮೈಕಲಾಚಿ ಆಜಿ ಶ್ರೀಮತಿ ಆಡ್ಡಿ ಸಲ್ಡಾನ್ಹಾ 1962-ಂತ್ ಮಂಗ್ಳುರ್ ಕ್ಶೇತ್ರಾಥಾವ್ನ್ ಕೊಂಗ್ರೆಸ್ ಪಾಡ್ತಿಚಿ ಅಬ್ಯರ್‍ಥಿ ಜಾವ್ನ್ ಚುನಾವಣಾಂತ್ ಜಿಕೊನ್ ಆಯಿಲ್ಲಿ ಪಯ್ಲಿ ಕಥೊಲಿಕ್ ಸ್ತ್ರೀ ಶಾಸಕಿ. ಶಿವಾಯ್ ತಿ ಎಕ್ಲಿ ಲೊಕಾಮೊಗಾಳ್ ಸಮಾಜಿಕ್ ವಾವ್ರಾಡಿ.
'ವಂದೇ ಭಾರತ್' ಮಿಸಾಂವಾಂತ್ ಭಾಗ್ ಘೆವ್ನ್ ಮಂಗ್ಳುರಾಕ್ ಮಾನ್ ಆನಿ ಗವ್ರವ್ ಹಾಡ್‌ಲ್ಲ್ಯಾ ಕ್ಯಾಪ್ಟನ್ ಮೈಕಲ್ ಸಲ್ಡಾನ್ಹಾಕ್ ಉಲ್ಲಾಸ್ ಆನಿ ಅಭಿನಂದನ್. ತಶೆಂಚ್ ತಾಚ್ಯಾ ಶಿಬಂದಿ ವರ್‍ಗಾಕ್‌ಯಿ ಶುಭಾಶಯ್.
Tags:
Vande Bharath, Capt. Michael Saldanha, Covid 19, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
0 Comment/s.