From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಕೊ೦ಕ್ಣಿ ಕುಟಾಮ್ ಬಾಹ್ರೇನ್ ಪ್ರಶಸ್ತಿ ವಿಜೇತ್ ಹೆರೊಲ್ಪಿಯುಸ್
Wednesday, September 14, 2016
ಕೊ೦ಕ್ಣಿ೦ತ್ಲೊ ಮಾಲ್ಗಡೊ ಸಾಹಿತಿ ಹೆರೊಲ್ಪಿಯುಸ್ ಹಾಕಾ 2016ವ್ಯಾ ವರ್ಸಾಚಿ ಕೊ೦ಕ್ಣಿ ಕುಟಾಮ್ ಬಾಹ್ರೇನ್, ಹಾ೦ಚಿ ಪ್ರಶಸ್ತಿ ಲಾಬ್ಲ್ಯಾ. ರುಪಯ್ 50 ಹಜಾರ್, ಯಾದಿಸ್ತಿಕಾ ಆನಿ ಮಾನ್ ಪತ್ರ್ ಆಟಾಪ್ಚಿ ಹಿ ಪ್ರಶಸ್ತಿ ಸಪ್ಟೆ೦ಬರ್ 23ವೆರ್ ಬಾಹ್ರೇನಾ೦ತ್ ಚಲೊ೦ಕ್ ಆಸ್ಚ್ಯಾ ಕೊ೦ಕ್ಣಿ ಕುಟಾಮ್ ಕಾರ್‍ಯಾವೆಳಿ೦ ಹಾತಾ೦ತರ್ ಕರ್‍ತಲೆ.
ಕೊರ್ಡೆಲ್ ಫಿರ್ಗಜೆಂತ್ ಅಗೋಸ್ತ್ 14, 1954 ವೆರ್ ಜನ್ಮಾಲ್ಲೊ ಗ್ರೇಶನ್ ಪಿಯುಸ್ ಡಿ'ಸಿಲ್ವಾ, ಆಪ್ಲ್ಯಾ ೧೬ ವರ್‍ಸಾಂ ಭರ್‍ಚೆ ಫುಡೆಂಚ್ 'ಹೆರೊಲ್ಪಿಯುಸ್' ಲಿಖ್ಣೆ ನಾಂವಾರ್ ಮಟ್ವ್ಯೊ ಕಾಣಿಯೊ ಬರಂವ್ಕ್ ಲಾಗ್‌ಲ್ಲೊ. ತಾಚೆ ದೋಗ್ ಜಣ್ ಯಜಕ್ ಭಾವ್ ಹೆರಿ ಆನಿ ರೊಲ್ಫಿ. ತಾ೦ಚ್ಯಾ ನಾ೦ವಾ೦ ಸ೦ಗಿ೦ ಆಪ್ಣಾಚೆ೦ ಪಿಯುಸ್ ಮೆಳೊವ್ನ್ 'ಹೆರೊಲ್ಪಿಯುಸ್' ಮ್ಹಳ್ಳೆ೦ ಲಿಕ್ಣೆ ನಾ೦ವ್ ತಾಣೆ೦ ಘೆತ್ಲೆ೦. ತಾಚಿ 1-2-1970 ವೆರ್ ಪ್ರಥಮ್ ಕೊಂಕ್ಣಿ ಮಟ್ವಿ ಕಾಣಿ ಆನಿ 25-11-1970 ವೆರ್ ಪಯ್ಲಿ ಕೊಂಕ್ಣಿ ಕವಿತಾ ಫಾಯ್ಸ್ ಜಾಲ್ಲಿ. ತಶೆಂ ಪಯಿಲ್ಲೆಂ 12 ಆಂಕ್ಯಾಂಚೆಂ ಸಾಂಕಳ್ ಲೇಖನ್ 15-11-1974 ವೆರ್ ಪ್ರಗಟುಂಕ್ ಪ್ರಾರಂಭ್ ಜಾಲ್ಲೆಂ. ಪದ್ವೆ ಶಿಕಪ್ ಸಂಪ್‌ಲ್ಲೆಂಚ್ ತೊ ಫುಡಾರಾ ಖಾತಿರ್ ಡೆಲ್ಲಿ ಗೆಲೊ. ಡೆಲ್ಲಿಂತ್ 'ಇಂಡಿಯನ್ ಕಾವ್ನ್‌ಸಿಲ್ ಒಫ್ ವರ್ಲ್ಡ್ ಎಫೇರ್ಸ್' ಹಾಂತು ಕಾಮಾಕ್ ಲಾಗ್‌ಲ್ಲ್ಯಾ ತಾಣೆಂ ಲಾಯ್ಬ್ರೆರಿ ಸಾಯ್ನ್ಸ್ ಶಿಕಪ್ ಜೊಡ್ಲೆಂ. ತಾಣೆಂ ಕೊಂಕಣಿಂತ್ ಪಿ.ಜಿ. ಡಿಪ್ಲೊಮಾಯಿ ಜೊಡ್ಲಾ. ಉಪ್ರಾಂತ್ ಸ್ಪರ್ದಾತ್ಮಕ್ ಪರೀಕ್ಶೆಂತ್ ಉತ್ತೀರ್ಣ್ ಜಾವ್ನ್ ತೊ ಕೇಂದ್ರ್ ಸರ್ಕಾರಾಚ್ಯಾ ಗೃಹ್ ಮಂತ್ರಾಲಯಾಚ್ಯಾ ಇಲಾಖ್ಯಾಂತ್ ಸೆರ್ವಾಲೊ.
ಸಾಹಿತಿಕ್ ವಾವ್ರ್ :
ಆಟ್ರಾ ವರ್‍ಸಾಂ ಪ್ರಾಯೆರ್ ಕಾನಡಿ ಲಿಪಿಂತ್ ತಾಚಿ 'ದೋನ್ ಥೆಂಬೆ ದುಖಾಂ' (ಸಾಳಕ್ ಪ್ರಕಾಶನ್) ಕಾದಂಬರಿ ಫಾಯ್ಸ್ ಜಾಲಿ ಆನಿ ತಿ ದೇವ್‌ನಾಗರಿ ಲಿಪಿಂತ್ ಗೊಂಯಾಂ ಥಾವ್ನ್ 'ಸಾಹಿತ್ಯ್' ಪತ್ರಾರ್ ಪ್ರಕಾಶಿತ್ ಜಾವ್ನ್ ಕೊಂಕಣಿ ಭಾಷಾ ಮಂಡಳ್, ಗೊಂಯ್ ಥಾವ್ನ್ 1972 ವರ್ಸಾಚಿ ಪ್ರಶಸ್ತಿ ಜೊಡುಂಕ್ ಪಾವ್ಲಿ. ತಾಚ್ಯೊ ಕಾದಂಬರಿ 'ರಗತ್ ಆನಿ ಉದಕ್' (ಕೊಂಕ್ಣಿ ಸ್ವತಂತ್ರ್ ಪ್ರಕಾಶನ್, 1975); 'ಏಕ್ ಅಧುರೆಂ ಪಿಂತುರ್' (ಸಾಳಕ್, 1977); 'ಮ್ಹಜ್ಯಾ ಸಪ್ಣಾಚಿ ರಾಣಿ' (ಸಾಳಕ್, 1982); 'ಸಿಸ್ಟರ್ ಶೋಭಾ' (ಸಾಂಗಾತಿ ಬರವ್ಪಿ, ಸಾಳಕ್, 1982); 'ಕೊಂಕ್ಣಿ ಕ್ರೀಸ್ತಾಂವ್ ಕಾಜಾರಾಂ' (ಕರ್ನಾಟಕ ಕೊಂಕಣಿ ಸಾಹಿತ್ಯ್ ಎಕೆಡೆಮಿ, 2015); 'ಪೆನ್ನ್ ಭಾಯ್ರ್ ಪಡ್ಲಾಂ' (ಪಾಮ್‌ಗ್ರೋವ್ ಪ್ರಕಾಶನ್, 2015); ತಶೆಂ 'ಕುಡ್ಪಾಚ್ಯಾ ವ್ಹಾಳಾಚ್ಯೊ ಕುರ್ಲ್ಯೊ' (ಸೆವಕ್ ಪ್ರಕಾಶನ್, 2016) ಪುಸ್ತಕಾ ರುಪಾರ್ ಪ್ರಕಟಿತ್ ಜಾಲ್ಯಾತ್. ತಾಣೆಂ ಕೊಂಕ್ಣಿ ಸ್ವತಂತ್ರ್ ಪ್ರಕಾಶನ್ ಥಾವ್ನ್ ಫಾಯ್ಸ್ ಜಾಲ್ಲಿ 'ಮೋಗ್ ಆನಿ ತ್ಯಾಗ್' ತಶೆಂ ಸಂಗೀತ್ ಘರ್ ಥಾವ್ನ್ ಪರ್ಗಟ್ ಜಾಲ್ಲಿ 'ತುಂ ಮ್ಹಜೆಂಚ್ ಬಾ' ಕಾದಂಬರಿ ಆಪ್ಲ್ಯಾಚ್ ಶಯ್ಲೆನ್ ಬರಯ್ಲ್ಯಾತ್. ತಾಚಿ ಕಾದಂಬರಿ 'ಲಗ್ನಾಚಿ ಪಯ್ಲಿ ರಾತ್', 1984 ವರ್ಸಾ ಸಾಳಕ್ ಪ್ರಕಾಶನಾ ಥಾವ್ನ್ ಕರಡ್ ಪ್ರತಿಚ್ ಚುಕೊನ್ ಗೆಲ್ಲ್ಯಾನ್ ಫಾಯ್ಸ್ ಜಾಲಿ ನಾ. ತಾಚಿ ಭುಗ್ಯಾಂಚಿ ಸಾಂಕಳ್ ಕಾದಂಬರಿ : 'ಪುಸುನ್ ಘಾಲ್ಲೊ ಪೊಳೊ' ರಾಕ್ಣೊ ಪತ್ರಾರ್ ತಶೆಂ 'ಶಿಮ್ಟಿ ಪಳೆ ವಾಂಕ್ಡಿ' - 'ಕೊರ್ಡೆಲ್ಚೆಂ ಜಯ್ತ್' ಚೆರ್ ಆನಿ ನಂತರ್ 'ಕುಟಾಮ್' ಪತ್ರಾರ್ ಫಾಯ್ಸ್ ಜಾಲ್ಯಾತ್. ತಾಚಿಂ ತೀನ್ ಪುಸ್ತಕಾಂ : ಅ) 'ಫುಲಾಂ ಅನಿ ದಿವೆ' (ವಿಂಚುನ್ ಕಾಡ್‌ಲ್ಲ್ಯೊ ಮಟ್ವ್ಯೊ ಕಥಾ, ಆ) 'ಕಾಂಟೆ ಆನಿ ಫಾತರ್' (ಪರ್ನ್ಯೊ ಮಟ್ವ್ಯೊ ಕಾಣಿಯೊಂ ಆನಿ ಇ) 'ಆಮ್ಶೆಂ ತಿಕ್ಶೆಂ ಲೊಣ್ಚೆಂ' (ಕಾಲ್ಪನಿಕ್ ವಿಡಂಬನಾಂ) ಪ್ರಕಟಣೆಕ್ ತಯಾರ್ ಆಸಾತ್. ತಾಚ್ಯೊ ಆಜ್ ಪರ್ಯಾಂತ್ ಫಾಯ್ಸ್ ಜಾಲ್ಲ್ಯೊ ಕೊಂಕಣಿಂತ್ಲ್ಯೊ ಮಟ್ವ್ಯೊ ಕಥಾ ಆನಿ ವಿಡಂಬನಾಂ 197. ತಾಚ್ಯೊ ವಿಂಚ್ಣಾರ್ ಕಾಣಿಯೊಂ 'ಜಿವಿತಾಚಿಂ ಪಾನಾಂ', 'ವಳಕ್ ಆನಿ ಝಳಕ್', 'ಆನಿ ಆಯ್ಲೆಂ ಕ್ರಿಸ್‌ಮಸ್', 'ಪಾಂಚ್ ಪಾಕ್ಳ್ಯೊ', 'ಶಿರ್ಶಿರೊ', 'ತೆರಾ ಪಾಕ್ಳ್ಯೊ', 'ವಿಸಾವ್ಯಾ ಶೆಕ್ಡ್ಯಾಚ್ಯೊ ಕೊಂಕ್ಣಿ ಕಾಣಿಯೊಂ ಭಾಗ್ -1', 'ದಾಕ್ಡ್ಯಾಚ್ಯೊ ಕಾಣಿಯೊ', 'ಕೊಂಕ್ಣಿ ಕತಾ ಪೆಳೊ', 'ಹಾಸೊ ಆನಿ ತಮಾಸೊ' ತಶೆಂ ದಾಯ್ಜಿ ದುಬಾಯ್ ಪುಸ್ತಕಾಂತ್ ಫಾಯ್ಸ್ ಜಾಲ್ಯಾತ್. 9 ಕಥಾ ಕಾನಡಿಂತ್ - ಮಂಗಳ, ಉದಯವಾಣಿ, ಮುಂಗಾರು, ಜನವಾಹಿನಿ ಆನಿ ಹೊಸ ದಿಗಂತ ಪತ್ರಾಂನಿ, 'ಹನ್ನೆರಡು ಕೊಂಕಣಿ ಕಥೆಗಳು' ಪುಸ್ತಕಾಂತ್ ಆನಿ 4 ಕಾಣಿಯೊ ಹಿಂದಿಂತ್ ಧರ್ಮಯುಗ ಪತ್ರಾಂತ್ ಫಾಯ್ಸ್ ಜಾಲ್ಯಾತ್. ತಾಚಿ ಕಥಾ 'ಕಡಿ ಲಾಗ್‌ಲ್ಲಿ ಸತ್ರಿ' ಎಕಾ ಫಾಮಾದ್ ಕಲಾಕಾರಾನ್ ನಾಟ್ಕುಳೊ ಜಾವ್ನ್‌ಯಿ ಖೆಳವ್ನ್ ದಾಕಯ್ಲಾ.
ಎದೊಳ್ ಪರ್ಯಾಂತ್ ತಾಣೆಂ ಬರಯಿಲ್ಲಿಂ 329 ಲೇಕನಾಂ ಕೊಂಕ್ಣೆಂತ್, 3 ಕಾನಡಿಂತ್ ಆನಿ 12 ಇಂಗ್ಲೆಜಾಂತ್ ಪರ್ಗಟ್ ಜಾಲ್ಯಾಂತ್. 35 ಆಂಕ್ಯಾಂನಿ 5 ಸಾಂಕಳ್ ಲೇಕನಾಂ, ತಸೆಂ ರಾಕ್ಣೊ ಪತ್ರಾರ್ 'ಆವಯ್ ಪುತಾಚೊ ಖೆಳ್' 16 ಅಂಕ್ಯಾಂಚೆಂ ಲೇಕನ್ ಫಾಯ್ಸ್ ಜಾಲಾಂ. ತಾಚ್ಯೊ 225 ಕವಿತಾ ಕೊಂಕ್ಣೆಂತ್, 14 ಕಾನಡಿಂತ್ ಆನಿ 8 ಹಿಂದಿಂತ್ ಛಾಪುನ್ ಆಯ್ಲ್ಯಾತ್. ಕೊಂಕ್ಣಿ ಉಲಂವ್ಚ್ಯಾ ಕೆನರಾ ಕಾತೊಲಿಕಾಂಚ್ಯಾ ಲಗ್ನಾ-ಸಂಸ್ಕೃತೆ ವಿಶಿಂಚಿ 16 ಅಂಕಣಾಂಚಿ ಸಾಂಕಳ್ ಲೇಕನಾಂವಳ್ ನಮಾನ್ ಬಾಳೊಕ್ ಜೆಜು ಮಹಿನ್ಯಾಳ್ಯಾಚೆರ್ ಬರಯ್ಲ್ಯಾ. ತಾಣೆಂ ರಚ್‌ಲ್ಲೆ ಸಬ್ದಾಂ-ಗೊಂದೊಳ್ : 101. ತಾಚೆ 1200 ವಯ್ರ್ ಹಾಸ್ಕುಳೆ ವೆವೆಗ್ಳ್ಯಾ ಪತ್ರಾಂನಿ ಪರ್ಗಟ್ ಜಾಲ್ಯಾತ್. ಸೆವಕ್ ಪತ್ರಾರ್ ತಾಚಿಂ ಮಟ್ವಿಂ ಬರ್ಪಾಂ 'ತೀನ್ ಖಿಳೆ' ತಕ್ಲೆನಾಂವಾರ್ ಫಾಯ್ಸ್ ಜಾವ್ನ್ ಆಸಾತ್. ತಾಚಿಂ ಬರ್ಪಾಂ ಝೆಲೊ, ಮಿತ್ರ್, ಕಾಣಿಕ್, ಮಾಯ್ಗಾಂವ್, ಜಿವಿತ್, ಉದೆವ್, ಪಯ್ಣಾರಿ, ಉಮಾಳೊ, ಕಲಾ ಕಿರಣ್, ಯುವಕ್, ಜಯ್ತ್, ಆಮ್ಚೊ ಸಂದೇಶ್, ಸೆವಕ್, ದಿವೊ, ಕುಟಾಮ್, ದಿರ್ವೆಂ, ದೈವಿಕ್ ಅಮೃತ್, ನಮಾನ್ ಬಾಳೊಕ್ ಜೆಜು, ರಾಕ್ಣೊ ಆನಿ ಉಜ್ವಾಡ್ ಪತ್ರಾಂನಿ, ತಶೆಂ ಕಿಟಾಳ್, ಸಕಾಳಿಕ್, ಬುಡ್ಕುಲೊ, ಮಾಯ್‌ಭಾಸ್ ಜಾಳಿ ಜಾಗ್ಯಾಂನಿ ಪರ್ಗಟ್ ಜಾಲ್ಯಾಂತ್.
ನಾಟಕ್ ಶೆತಾ೦ತ್ :
ತಾಣೆಂ ಏಕ್ ಕೊಂಕ್ಣಿ ನಾಟಕ್ 'ದಿಸ್ಪಡೊ ಗ್ರಾಸ್' ಆನಿ 5 ನಾಟ್ಕುಳೆ 'ದುಸ್ರೆಂ ಕೆಳೆಂ', 'ದುಕ್ರಾ ಮಾಸ್', 'ಬೊಟ್ಲೆರ್ ಬಾಲ್ತು', 'ಧುವೆಚಿ ಸಯ್ರಿಕ್' ಆನಿ 'ಬಾಬುಕ್ ತಾಪ್ ಯೆತಾ' ಬರಯ್ಲ್ಯಾತ್, ತಾಂಕಾಂ ದಿಗ್ದರ್ಶನ್ ದಿಲಾಂ ಆನಿ ನಟ್ ಜಾವ್ನ್ ಪಾತ್ರ್‌ಯಿ ಘೆತ್ಲಾ. ಮಾತ್ರ್ ನ್ಹಯ್, ಕುವಾಳ್ಯಾಚಿ ವಾಲ್, ದೋನ್ ಘಡಿ ಹಾಸುನ್ ಕಾಡಿ, ದೀ ಮಾ ಕಾ ಭೊಗ್ಸಾಣೆಂ, ಕಾಜಾರಾಚಿ ದೊತೊರ್ನ್ ನಾಟಕಾಂಕ್ ಆನಿ ದುಕ್ರಾ ಮಾಸ್ ನಾಟ್ಕುಳ್ಯಾಕ್ ದಿಗ್ದರ್ಶನ್ ದೀವ್ನ್ ಡೆಲ್ಲಿಂತ್ ಖೆಳೊನ್ ದಾಕಯ್ಲ್ಯಾತ್. 12 ತುಳು ಆನಿ ಕೊಂಕ್ಣಿ ನಾಟಕಾಂನಿ ತಶೆಂ ದೋನ್ ನಾಟ್ಕುಳ್ಯಾಂನಿ ತಾಣೆಂ ನಟನ್ ಕೆಲಾಂ.
ಸ೦ಘಟನಾ೦ನಿ ವಾವ್ರ್ :
ತೊ 'ಆಥರ್ಸ್ ಗಿಲ್ಡ್ ಒಫ್ ಇಂಡಿಯಾ' ನ್ಯೂ ಡೆಲ್ಲಿ - ಹಾಚೊ ಮಾಜಿ ಸಾಂದೊ. ಕೆನರಾ ಕಾಥೊಲಿಕ್ ಎಸೋಶಿಯೇಶನ್, ಡೆಲ್ಲಿ, ಹಾಚೊ ಆದ್ಲೊ ಹುದ್ದೆದಾರ್. ಕೊಂಕ್ಣಿ ಲೇಖಕಾಂಚೊ ಎಕ್ತಾರ್, ಮಂಗ್ಳುರ್ ಹಾಚೊ ಜಿಣ್ಯೆ ಸಾಂದೊ ಆನಿ ಆದ್ಲೊ ಹುದ್ದೆದಾರ್, ಅಖಿಲ್ ಭಾರತ್ ಕೊಂಕ್ಣಿ ಲೇಕಕ್ ಸಂಘಟನ್, ಹಾಚೊ ಸಾಂದೊ. ತಶೆಂಚ್ ತೊ ಲೀಜನರಿ, ಸಿ.ವಾಯ್.ಎಮ್,, ಕಾಥೊಲಿಕ್ ಸಭಾಚೊ ಸಾಂದೊ ಜಾವ್ನಾಸ್‌ಲ್ಲೊ. ಕೊರ್ಡೆಲ್ ಫಿರ್ಗಜ್ ಗೊವ್ಳಿಕ್ ಮಂಡಳಿ ಆನಿ ಆರ್ಥಿಕ್ ಸಮಿತಿಚೊ ಸಾಂದೊ ತಶೆಂ ಕೊಲ್ಕೊತ್ತಾಚಿ ಸಾ೦ ತೆರೆಜ್ ಫಿರ್ಗಜೆಚ್ಯಾ ಗೊವ್ಳಿಕ್ ಪರಿಶದೆಚೊ ಸಾಂದೊ ಆಸ್‌ಲ್ಲೊ.
ಪ್ರಕಟಿತ್ ಬರ್ಪಾಂ :
ಕತಾ/ವಿಡಂಬನಾ೦ : 196 ಕೊಂಕ್ಣೆಂತ್, 9 ಕಾನಡಿಂತ್ ಆನಿ 4 ಹಿಂದಿಂತ್.
ಕವಿತಾ : 225 ಕೊಂಕ್ಣೆಂತ್, 14 ಕಾನಡಿಂತ್ ಆನಿ 8 ಹಿಂದಿಂತ್.
ಲೇಕನಾಂ : 329 ಕೊಂಕ್ಣೆಂತ್, 3 ಕಾನಡಿಂತ್ ಆನಿ 12 ಇಂಗ್ಲೆಜಾಂತ್.
ಸಬ್ದಾಂ-ಗೊಂದೊಳ್/ಸಬ್ದಾಂ-ಖೆಳ್ : 101.
ಹಾಸ್ಕುಳೆ : 1200 ಪ್ರಾಸ್ ಚಡ್. 'ತೀನ್ ಖಿಳೆ' : 127.
ಸಾಂಕಳ್ ಲೇಕನಾಂ : 5
ಫಾಯ್ಸ್ ಜಾಂವ್ಚ್ಯಾಕ್ ತಯಾರ್ ಆಸಾತ್ :- 'ಕಾಳ್ಜಾಕ್ ಭಾಲಿ' - 9 ಭಾಲಿಯೊ ಕತಾ : 3 ಕವಿತಾ : 4 ವಿಡಂಬನಾಂ : 3 ಲೇಕನಾಂ : 5 'ತೀನ್ ಖಿಳೆ' : 28 ಸಬ್ದಾಂ-ಗೊಂದೊಳ್
ಮಾನ್ ಸನ್ಮಾನ್ :
ತಾಕಾ ಕೊರ್ಡೆಲ್ ಫಿರ್ಗಜೆ ಲೊಕಾ ಥಾವ್ನ್ ಸನ್ಮಾನ್ (1998), ಕರ್ನಾಟಕ್ ಕೊಂಕ್ಣಿ ಸಾಹಿತ್ಯ್ ಅಕಾಡೆಮಿ ಥಾವ್ನ್ 'ಮಹಾನ್ ವ್ಯಕ್ತಿ' ಸನ್ಮಾನ್ (2007), ಪಾಲ್ದಾನೆ ಫಿರ್ಗಜೆ ಲೊಕಾ ಥಾವ್ನ್ ಸನ್ಮಾನ್ (2013) ಲಾಭ್ಲಾ. ತಾಚ್ಯಾ ಸಭಾರ್‌ಶಾ ಕಾಣಿಯಾಂ ಆನಿ ಕವಿತೆಂಕ್ ಬಹುಮಾನಾಂ ಲಾಭ್ಲ್ಯಾಂತ್. ತಾಚ್ಯಾ ಅವಿರತ್ ಚಾರ್ ದಶಕಾಂಚಾ ಸಾಹಿತಿಕ್ ವಾವ್ರಾ ಖಾತಿರ್ ತಾಕಾ 2012 ವರ್ಸಾಚಿ 'ದಾಯ್ಜಿ ದುಬಾಯ್' ಸಾಹಿತಿಕ್ ಪ್ರಶಸ್ತಿ ಲಾಭ್ಲಾ.
ತಾಚಿ ಪತಿಣ್ ಗ್ರೇಸ್ ಮರಿಯಾ. ತಾಂಕಾಂ ಗ್ಲೇನಿಶ್ ಆನಿ ಗ್ಲೆಸ್ಟರ್ ನಾಂವಾಚೆ ದೋಗ್ ಪೂತ್. ಆತಾಂ ತೊ ಆಪ್ಲೆ ಪತಿಣೆಸ೦ಗಿ೦ ಕುಡುಪು, ಕುಲ್ಶೇಕರ್, ಹಾ೦ಗಾಸರ್ ನಿವೃತ್ ಜೀವನ್ ಚಲವ್ನ್ ಆಸಾ.
- ಸಿಜ್ಯೆಸ್ ತಾಕೊಡೆ
Tags:
Herolpius, Konkani Writer, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
0 Comment/s.