From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಮೊನ್ಸಿಇಜೊರ್ ಡೆನಿಸ್ ಜೆರೊಮ್ ಡಿ'ಸೋಜಾಚಿ ಶಿಕ್ಪಾ ಆನಿ ಭಲಾಯ್ಕೆ ಶೆತಾಕ್‌ ದೇಣ್ಗಿ
Saturday, September 23, 2017
ಕಲ್ಯಾಣ್ಪುರ್ ಮಿಲಾಗ್ರಿಸ್ ಕಾಥೆದ್ರಾಲಾಚ್ಯಾಇತಿಹಾಸಾಂತ್ ಗೆಲೆತ್ಯಾ ದಸೆಂಬರಾಚೆ 12, 2016 ವೆರ್ ಕಾಥೆದ್ರಾಲ್ ಬಾಂದ್ಪಾಚೊ ಅಮೃತೋತ್ಸವ್‌ ಆಚರಣ್ ಕೆಲೊ ತರ್, ಜನೆರ್ 13, 2017 ವೆರ್ ಮಿಲಾಗ್ರಿಸ್ ಕೊಲೆಜಿಚೊ ಭಾಂಗಾರೋತ್ಸವ್‌ ಆಚರಣ್ ಕೆಲೊ. ಹ್ಯಾ ದೊನಾಂಯ್ಚೊ ರೂವಾರಿ ಜಾವ್ನ್ ಅಸಾ ಮೊನ್ಸಿಇಜೊರ್ ಡೆನಿಸ್ ಜೆರೊಮ್ ಡಿ'ಸೋಜಾ. ತಾಣಿಂ ಆಪ್ಲ್ಯಾ 83 ವರ್ಸಾಂಚ್ಯಾ ಪ್ರಾಯೆರ್ ಮಿಲಾಗ್ರಿಸ್ ಕೊಲೆಜಿಕ್ ಜಲ್ಮ್ ದಿಲೊ. ಮೊನ್ಸಿಇಜೊರ್ ಡೆನಿಸ್ ಜೆರೊಮ್ ಡಿ'ಸೋಜಾನ್, ಕುಂದಾಪುರ್ ಅನಿ ಮಂಗ್ಳುರಾಂತ್ ತಾಣಿ ಸುರುಕೆಲ್ಲೆ ಶಿಕ್ಶಣ್ ಸಂಸ್ಥೆ ಆಜ್ ಜೂನಿಯರ್ ಕೊಲೆಜ್ ಆನಿ ಡಿಗ್ರಿ ಕೊಲೆಜಿ ಜಾವ್ನ್ ಪರ್ಜಳ್ತಾತ್ ಅನಿ ತಾಣಿ ಬಾಂಧ್‍ಲ್ಲಿ ಕಲ್ಯಾಣ್‍ಪುರ್ಚಿ ಗೊರೆಟ್ಟಿ ಅಸ್ಪೊತ್ರ್ ಆಪ್ಲೆಂ ಭಲಾಯ್ಕೆ ಮಿಸಾಂವ್‌ ಕರುನ್ ಅಸಾ. ತಾಣಿ ಬಾಂಧ್ಲೆಲ್ಯೊ ಕೆಮ್ಮಾಣ್ ಅನಿ ತೊಟ್ಟಾಮ್ ಇಗರ್ಜೊ ಆಜ್ ಉಡ್ಪಿ ದಿಯೆಸೆಚೆಂ ಅಲಂಕಾರ್ ಜಾವ್ನ್ ಅಸಾತ್.
ಮೊನ್ಸಿಇಜೊರ್ ಡೆನಿಸ್ ಜೆರೊಮ್ ಡಿ'ಸೋಜಾ 8-3-1884 ವೆರ್ ಮಂಗ್ಳೂರ್ ಕೊಡಿಯಲ್ ಬೈಲಾಂತ್‌ ಜಲ್ಮಾಲ್ಲೆ. ತಾಂಚೆ ಸುರ್ವಿಲ್ಲೆಂ ಶಿಕಾಪ್ ಸಾಂ. ಲುವಿಸ್ ಶಿಕ್ಪಾ ಸಂಸ್ಥ್ಯಾಂನಿ ಜಾಲ್ಲೆಂ. ಮೊನ್ಸಿಇಜೊರ್ ಡೆನಿಸ್ ಜೆರೊಮ್ ಡಿ'ಸೋಜಾಕ್ 1910 ಇಸ್ವೆಂತ್ ಯಾಜಕೀ ದೀಕ್ಶಾ ಲಾಭ್ಲಿ. ತ್ಯೆಚ್ಚ್ ವರ್ಸಾ ಸಹಯಾಕ್ ಯಾಜಕ್ ಜಾವ್ನ್ ಕಲ್ಯಾಣ್ಪುರ್ ಮಿಲಾಗ್ರಿಸ್ ಫಿರ್ಗಜಿಕ್ ಆಯ್ಲೆ ಅನಿ ತವಳ್ ಆಸ್‍ಲ್ಲ್ಯಾ ಇಸ್ಕೊಲಾಂತೀ ಸೆವಾ ದೀಂವ್ಕ್ ಲಾಗ್ಲೆ. 1915 ಇಸ್ವೆಂತ್ ತಾಂಚ್ಯಾ ಮ್ಹಿನತೆನ್ ಪೆರಂಪಳ್ಳಿಂತ್ ಇಸ್ಕೊಲ್ ಸುರುಜಾಲೆಂ. ತ್ಯೆಚ್ಚ್ ವರ್ಸಾ ತಾಂಕಾ ಬಾರ್ಕೂರ್ ಫಿರ್ಗಜಿಕ್ ವರ್ಗ್ ಜಾಲೊ. ಬಾರ್ಕೂರ್ ಬೋರ್ಡ್ ಇಸ್ಕೊಲಾಂತ್ ತಾಂಣಿ ದಾಕೊಂವ್ಚಿ ಉರ್ಬಾ ಪಳೊವ್ನ್, ತಾಲೂಕ್ ಬೊರ್ಡ್ ಅಧ್ಯಕ್ಶನ್ ಹ್ಯಾ ಇಸ್ಕೊಲಾಚಿ ಜಾವಾಬ್ದಾರಿ ತಾಂಕಾ ದಿಲಿ. ಉಪ್ರಾಂತ್ ತೆ ಕುಂದಾಪುರ್ ಫಿರ್ಗಜಿಕ್ ವರ್ಗ್ ಜಾವ್ನ್ ಗೆಲೆ. ಥಂಯ್ಸರ್ ಆಸ್‍ಲ್ಲೆಂ ಎಲಿಮೆಂಟರಿ ಇಸ್ಕೊಲ್ ಹಾಯರ್ ಎಲಿಮೆಂಟರಿ ಜಾವ್ನ್ ಪರಿವರ್ತನ್ ಕೆಲೆಂ ಆನಿ ಚಲಿಯಾಂಕ್ ಇಸ್ಕೊಲ್ ಸುರು ಕೆಲೆಂ. ಆಜ್ ಹಿಂ ಇಸ್ಕೊಲಾಂ ಆನಿಕೀ ಊಂಚಾಯೆಕ್ ಪಾವ್ಲ್ಯಾಂತ್.
1934 ಇಸ್ವೆಂತ್ ವಿಗಾರ್ ಜಾವ್ನ್ ತೆ ಕಲ್ಯಾಣ್ಪುರ್ ಮಿಲಾಗ್ರಿಸ್ ಫಿರ್ಗಜಿಕ್ ಆಯ್ಲೆ. ಹ್ಯಾಚ್ಚ್ ವರ್ಸಾ ಸಂತೆಕಟ್ಟೆ ವೆಂಕಟರಮಣ ಪ್ರಾಥಮಿಕ್ ಇಸ್ಕೊಲ್, ಗಾಂವ್ಕಾರ್ ಕುಟ್ಮಾ ಥಾವ್ನ್ ಕಲ್ಯಾಣ್ಪುರ್ ಮಿಲಾಗ್ರಿಸ್ ಫಿರ್ಗಜಿಚ್ಯಾ ತಾಬೆನ್‌ ಘೆತ್ಲೆಂ ಅನಿ ತಾಚೆ ಉದರ್ಗತೆ ಖಾತಿರ್ ವಾವುರ್ಲೆ. ಹ್ಯಾ ಇಸ್ಕೊಲಾಕ್ ಆತಾಂ ಎಲ್.ವಿ. ಇಸ್ಕೊಲ್ ಮ್ಹಣ್ತಾತ್. ಹ್ಯಾಚ್ಚ್ ವೆಳಾರ್ ತೊಟ್ಟಾಮಾಂತ್‌ ಇಸ್ಕೊಲ್ ತಾಣಿಂ ಉಘಡ್ಲೆಂ.
1799 ಇಸ್ವೆಚ್ಯಾ ಮೇಯಾಚ್ಯಾ 4 ತಾರಿಕೆರ್, ಟಿಪ್ಪು ಸುಲ್ತಾನ್ ಮೊರ್ತಚ್ಚ್ ವಾಂಚೊವ್ನ್ ಉರ್‍'ಲ್ಲೆ, ಮಿಲಾರ್ ಫಿರ್ಗಜ್‌ಗಾರ್ ಪಾಟಿಂ ಆಯ್ಲೆ. ಪೂಣ್ ಚಡಾವತ್ ಜಣಾಂಚಿ ಆಸ್ತ್ ಹೆರಾಂನಿ ಭಿತರ್ ಘಾಲ್ಲಿ. ಹಾಂಗಾ ಯೇವ್ನ್ ನವೆಂ ಜಿವಿತ್ ಸುರು ಕರ್ತಾನಾ 1806 ಇಸ್ವೆಂತ್ ಗೊಂಯ್ಕಾರ್ ಯಾಜಕ್ ಬಾಪ್ ಜೋಕಿಂ ಜೋಸ್ ಬ್ರಿಟ್ಟೊನ್ ಪರತ್ ಏಕ್ ಇಗರ್ಜ್ ಬಾಂಧುಂಕ್ ಸುರು ಕರ್ನ್ 1808 ಇಸ್ವೆಂತ್ ಸಂಪೂರ್ಣ್ ಕೆಲಿ. 140 ವರ್ಸಾಂ ಹ್ಯಾ ಇಗರ್ಜೆಚ್ಯಾ ಬಾಂಧ್ಪಾಂತ್, ಯಾಜಕಾಂನಿ, ಲೊಕಾಚ್ಯೊ ಆತ್ಮೀಕ್‌ ಗರ್ಜೊ ಸುಧಾರ್ಸಿಲ್ಯೊ, ಕ್ರಮೇಣ್ 1940 ಇಸ್ವೆಂತ್ ಮೊನ್ಸಿಇಜೊರ್ ಡೆನಿಸ್ ಜೆರೊಮ್, ಡಿಸೊಜಾನ್, ಪರ್ನಿ ಜಾಲ್ಲಿ ಇಗರ್ಜ್ ಮೋಡ್ನ್ ನವೆಂ ಬಾಂಧಾಪ್ ಬಾಂದುಂಕ್ ಸುರು ಕರ್ನ್, 1942 ಎಪ್ರಿಲ್ 15 ತಾರಿಕೆರ್ ಪೂರ್ಣ್‌ ಕರ್ನ್, ಮಂಗ್ಳುರ್ಚೆ ಭಿಸ್ಪ್ ವಿಕ್ಟರ್ ಫೆರ್ನಾಂಡಿಸಾನ್ ಬೆಂಜಾರ್ ಕೆಲೆಂ. ತೆಂಚ್ಚ್ ತೆಂ ಆತಾಂ ಉಬೆಂ ಆಸ್ಚೆಂ, ಮಜ್ಭೂತ್ ದೇವ್ ಮಂದಿರ್. ಆದ್ಲಿ ಇಗರ್ಜ್ ಆತಾಂ ಸಾಕ್ರಿಸ್ತ್ ಜಾವ್ನ್ ವಾಪರ್ತಾತ್.
1942 ಇಸ್ವೆಂತ್ ಮೊನ್ಸಿಇಜೊರ್ ಬಾಪಾಂಕ್ ಮಂಗ್ಳೂರ್ ಮಿಲಾರ್ ಫಿರ್ಗಜಿಚೊ ವಿಗಾರ್ ಜಾವ್ನ್ ಧಾಡ್ಲೊ. ಥಂಯ್ ಆಸ್‍ಲ್ಲೆಂ ಪ್ರಾಥಮಿಕ್ ಇಸ್ಕೊಲ್ ಹೈಸ್ಕೂಲ್‌ ಜಾವ್ನ್ ಪರಿವರ್ತನ್ ಕೆಲೆಂ ಅನಿ ಆಜ್ ಥಂಯ್ಸರ್ ಕೊಲೆಜ್ ಅಸಾ. ನಂತೂರ್ ಗುಡ್ಯಾರ್ ಪ್ರಾಥಮಿಕ್ ಇಸ್ಕೊಲ್ ಸುರು ಕೆಲೆಂ ಅನಿ ಆಜ್ ಥಂಯ್ಸರೀ ಕೊಲೇಜ್ ಜಾಲ್ಯಾ.
1954 ಇಸ್ವೆಂತ್ ಲೊಕಾಚ್ಯಾ ಉಲ್ಯಾಕ್ ಮಾನ್ ದೀವ್ನ್ ತಿಸ್ರೆ ಪಾವ್ಟಿಂ ಮೊನ್ಸಿಇಜೊರ್ ಬಾಪ್ ಕಲ್ಯಾಣ್ಪುರ್ ಮಿಲಾಗ್ರಿಸ್ ಫಿರ್ಗಜಿಕ್ ಆಯ್ಲೆ. 1956 ಇಸ್ವೆಂತ್ ಚಲಿಯಾಂಕ್ ಹಾಯ್‍ಸ್ಕೂಲಾಂತ್ ಪ್ರತ್ಯೇಕ್ ವಿಭಾಗ್ ಸುರು ಕೆಲೊ. ಉಪ್ರಾಂತ್ ದಿಯೆಸೆಜಿಚ್ಯಾ ಉಲ್ಯಾಕ್ ಪಾಳೊ ದೀವ್ನ್ ಗೊರೆಟ್ಟಿ ಆಸ್ಪೊತ್ರ್ ಬಾಂಧ್ಲಿ ಆನಿ ಎಸ್.ಆರ್.ಎಸ್ ಸಿಸ್ಟರಾಂಕ್ ಹಾತಾಂತರ್ ಕೆಲಿ. 1967 ಇಸ್ವೆಂತ್ ಮಂಗ್ಳೂರ್ ಕಥೊಲಿಕ್ ಶಿಕ್ಶಣ್ ಮಂಡಳಿಚಿ (ಸಿ.ಬಿ.ಇ) ಪಯ್ಲಿ ಕೊಲೆಜ್, ತಾಂಚ್ಯಾ 83 ವರ್ಸಾಂಚ್ಯಾ ಪ್ರಾಯೆರ್ ಸುರು ಕೆಲಿ. (ಪುತ್ತೂರ್ ಸಾಂ. ಫಿಲೊಮೆನಾ ಕೊಲೆಜ್ ಪಯಿಲ್ಲೆಂ ಸುರು ಕೆಲ್ಲಿ ತರೀ, ಕಥೊಲಿಕ್ ಶಿಕ್ಶಣ್ ಮಂಡಳಿಚಿ (ಸಿ.ಬಿ.ಇ)ಕ್ ಹಾತಾಂತರ್ ಕೆಲ್ಲಿ ಉಪ್ರಾಂತ್.) ಪಿ.ಯು.ಸಿ ಆನಿ ಡಿಗ್ರಿ ಕ್ಲಾಸಿ 1967 ಜೂನಾಂತ್ ಸುರು ಜಾಲ್ಯೊ. ಹ್ಯಾ ಕೊಲೆಜಿಂತ್ ಆತಾಂ ಪಿ.ಯು.ಸಿ ಥಾವ್ನ್ ಪೋಸ್ಟ್‌ಗ್ರೇಜ್ಯುವೇಟ್ ಶಿಕಾಪ್ ಲಾಭ್ತಾ. ಗಾದ್ಯಾಂತ್ ಕಾಮ್ ಕರ್ಚ್ಯಾ ದುಬ್ಳ್ಯಾ ಭುರ್ಗ್ಯಾಂನಿ ಕೊಲೇಜ್ ಶಿಕಾಪ್ ಜೊಡಿಜಾಯ್ ಮ್ಹಳ್ಳ್ಯಾ ಉದ್ದೇಶಾನ್ ಕೊಲೆಜ್ ಸುರು ಜಾಲಿ ಆನಿ ಹ್ಯಾ ವರ್ವಿಂ ಸಬಾರ್ ದುಬ್ಳಿಂ, ವಿಶೇಷ್ ಜಾವ್ನ್ ಹಳ್ಳೆಚಿಂ ಚೆಡ್ವಾಂ ಭುರ್ಗಿಂ ಉಂಚ್ಲೆಂ ಶಿಕಾಪ್ ಜೊಡುಂಕ್ ಪಾವ್ಲಿಂ. ಪಯಿಲ್ಲ್ಯಾ ಬೆಚಾಚಿ ವಿದ್ಯಾರ್ಥಿನ್ ಜಾನಕಿ ಬ್ರಹ್ಮಾವಾರ್, ಏಕ ಮ್ಹಾನ್ ಸಾಹಿತಿ ಜಾವ್ನ್ ಅಸುನ್ ಕರ್ನಾಟಕ ತುಳು ಸಾಹಿತ್ಯ ಅಕೆಡೆಮಿಚಿ ಆದ್ಲಿ ಅದ್ಯಕ್ಶಿಣ್‌ ಜಾವ್ನ್ ಕಾಮ್ ಕೆಲಾ. ಹಿ ಕೊಲೆಜ್ ನಾತ್‍ಲ್ಲಿ ತರ್ ಘರಾಚ್ ಆಸ್ತಿಂ ಮ್ಹಣ್ತಾ ತಿ.
ಮೊನ್ಸಿಇಜೊರ್ ಡೆನಿಸ್ ಜೆರೊಮ್ ಡಿ'ಸೋಜಾ ವಿಶಾಲ್ ಮನಾಚೊ ವೆಕ್ತಿ. ಮಾನ್ ಸಂಶೋಧಕ್ ಡೊ| ಗುರುರಾಜ್ ಭಟ್ಟ್ ಹಾಕಾ ಕೊಲೆಜಿಚೊ ಪಯಿಲ್ಲೊ ಪ್ರಿನ್ಸಿಪಾಲ್ ಕೆಲ್ಲೊಚ್ ಹಾಕಾ ಸಾಕ್ಸ್. ಪಾದ್ರಿಂಕ್ ಮಾತ್ರ್ ಪ್ರಿನ್ಸಿಪಾಲ್ ಕರ್ಚೊ ಸಂಪ್ರಾದಾಯ್. ಲಾಯಿಕ್ ಕಥೊಲಿಕಾಂಕ್ ಸಯ್ತ್ ಅಸಲೊ ಆವ್ಕಾಸ್ ನಾತ್ಲೊಲೊ.
1960 ಇಸ್ವೆಂತ್ ಪಾಪ್ ಸಾಯ್ಬಾನ್ ತಾಂಕಾ 'ಮೊನ್ಸಿಇಜೊರ್' ಪದ್ವಿ ದೀವ್ನ್ ಮಾನ್ ಕೆಲೊ. 1964 ಇಸ್ವೆಂತ್ ಮಣಿಪಾಲ್ ಅಕೆಡೆಮಿನ್ ಶಿಕ್ಶಣ್ ಕ್ಷೇತ್ರಾಂತ್ ತಾಂಣಿ ದಿಲ್ಲ್ಯಾ ಸೆವೆಕ್ ಸನ್ಮಾನ್ ಕೆಲೊ. 4-6-1975 ಇಸ್ವೆಂತ್ ತೆ ಮರಣ್ ಪಾವ್ಲೆ. ತಾಂಚೆ ನಿಮಾಣೆ ದೀಸ್ ತಾಂಣಿ ಬಾಂಧ್ಲೆಲ್ಯಾ ಗೊರೆಟ್ಟಿ ಆಸ್ಪತ್ರೆಂತ್ ತಾಂಣಿ ಖರ್ಚಿಲೆ. ತಾಂಚ್ಯಾ ಸೆವೆ ನಿಮ್ತಿಂ ತೆ ಅಮರ್ ಜಾಲ್ಯಾತ್. ಉಡ್ಪಿ ಆನಿ ಮಂಗ್ಳೂರ್ ದಿಯೆಸೆಜಿ ತಾಂಕಾ ಋಣಿ ಜಾವ್ನ್ ಅಸಾತ್.
Tags:
Monsignor Very Rev Denis J. D'Souza. Milagres College Kallianpur, Goretti Hospital, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
0 Comment/s.