web analytics

From around the world

ಪ್ರವೀಣ್ ತಾವ್ರೊ, ಕುಲ್ಶೇಕರ್
             
+971 50 7554105
ತುಮ್ಚ್ಯಾ ಗಮನಾಕ್:
Best be viewed in 1366 X 768 screen resolution and in Google Chrome

'ಕೊ೦ಕ್ಣಿ ಕುಟಾಮ್' ಪ್ರಶಸ್ತಿ ವಿಜೇತ್ ಡೊ| ಜೆರಾಲ್ಡ್ ಪಿ೦ಟೊ

Wednesday, August 9, 2017  /  By Admin

ಬರಯ್ಣಾರಾ ವಿಶಿಂ ಜಾಣಾ ಜಾ...

80.5
User Rating

'ಜೆರಿ ನಿಡ್ಡೋಡಿ' ಮ್ಹಳ್ಳ್ಯಾ ಲಿಕ್ಣೆ ನಾ೦ವಾರ್ ಫಾಮಾದ್ ಜಾಲ್ಲೊ ನಾಮ್ಣೆಚೊ ಸಾಹಿತಿ ಡೊ| ಜೆರಾಲ್ಡ್ ಪಿ೦ಟೊ, ಹಾಕಾ ಕೊ೦ಕ್ಣಿ ಕುಟಾಮ್, ಬಾಹ್ರೇನ್ ಹಾ೦ಚಿ 2017ವ್ಯಾ ವರ್ಸಾಚಿ ಸಾಹಿತ್ಯ್ ಪ್ರಶಸ್ತಿ ಲಾಬ್ಲ್ಯಾ. ರುಪಯ್ 50 ಹಜಾರ್, ಯಾದಿಸ್ತಿಕಾ ಆನಿ ಮಾನ್-ಪತ್ರ್ ಆಟಾಪುನ್ ಆಸ್ಚಿ ಹಿ ಪ್ರಶಸ್ತಿ ಆಗೊಸ್ತ್ 10 ವೆರ್ ಬ್ರೇಸ್ತಾರಾ ಸಾ೦ಜೆರ್ 6.30 ವೊರಾರ್ ಸೈ೦ಟ್ ಸೆಬಾಸ್ಟಿಯನ್ ಪ್ಲ್ಯಾಟಿನಮ್ ಜುಬಿಲಿ  ಸಭಾ೦ಗಣ್, ಬೆ೦ದೂರ್ ಹಾ೦ಗಾಸರ್ ಆಸಾ ಕೆಲ್ಲ್ಯಾ ಸ೦ಭ್ರಮಾವೆಳಿ೦ ಹಾತಾ೦ತರ್ ಕರ್ತಲೆ ಮ್ಹಣ್  ಸ್ಥಳೀಯ್ ಸ೦ಚಾಲಕ್ ಮಾನೆಸ್ತ್ ರಿಚಾರ್ಡ್ ಮೊರಾಸ್ ಹಾಣೆ೦ ಕಳಯ್ಲಾ೦. ಹ್ಯಾ ಸ೦ದರ್ಭಿಂ ಜೆರಿ ನಿಡ್ಡೋಡಿಚಾ ಸಾಹಿತಿಕ್ ವಾವ್ರಾಚಿ  ಏಕ್ ಝಳಕ್.
'ಜೆರಿ ನಿಡ್ಡೋಡಿ' ಲಿಕ್ಣೆ ನಾ೦ವಾರ್ ಕೊ೦ಕ್ಣಿ ಲೊಕಾಕ್ ವಳ್ಕಿಚೊ ಜಾಲ್ಲೊ, ಕಲ್ಯಾಣ್‌ಪುರ್ ಮಿಲಾಗ್ರಿಸ್ ಕೊಲೆಜಿಚೊ ನಿವೃತ್ ಪ್ರಾ೦ಶುಪಾಲ್ ಡೊ| ಜೆರಾಲ್ಡ್ ಪಿ೦ಟೊ ಏಕ್ ಉತ್ತಿಮ್ ಕೊ೦ಕ್ಣಿ ಸಾಹಿತಿ. ಕೊ೦ಕ್ಣಿ ಭಾಸ್, ಸ೦ಸ್ಕೃತಿ, ಸಾಹಿತ್ಯ್,  ಪತ್ರಿಕಾರ೦ಗ್ - ಅಶೆ೦ ವಿವಿಧ್ ಶೆತಾ೦ನಿ ತಾಣೆ೦ ಮೊಟೊ ವಾವ್ರ್ ಕರುನ್ ಯಶಸ್ವಿ ಜೊಡ್ಲ್ಯಾ.

ಜಲ್ಮ್ ಆನಿ ಶಿಕಪ್ :

1957 ಮೇ 25ವೆರ್ ನಿಡ್ಡೋಡಿ ಫಿರ್ಗಜಿ೦ತ್ ಜೆರಾಲ್ಡ್ ಜಲ್ಮಲೊ. ಸುರ್ವಿಲೆ೦ ಶಿಕಪ್ ನಿಡ್ಡೋಡಿ ಲ್ಹಾನ್ ಫುಲಾಚಾ ಪ್ರಾಥಮಿಕ್ ಇಸ್ಕೊಲಾ೦ತ್ ಜಾಲೆ೦. ಹೈಸ್ಕೂಲ್, ಪಿಯುಸಿ ಪೊ೦ಪಯ್ ಕಿರೆ೦ ಹಾಗಾಸರ್ ಆನಿ ಬಿಎಸ್ಸಿ. ಪದ್ವೆಚೆ೦ ಶಿಕಪ್ ಸೈ೦ಟ್ ಫಿಲೊಮಿನಾ ಕೊಲೆಜ್, ಮೈಸೂರ್ ಹಾ೦ಗಾ ಸ೦ಪಯ್ಲೆ೦.

ಎಂ.ಎಸ್ಸಿ. (ಭೌತ್‌ಶಾಸ್ತ್ರ್), ಮೈಸೂರ್ ಯುನಿವರ್ಸಿಟಿ 1981, ಡಾಕ್ಟರೇಟ್, ನ್ಯೂಕ್ಲಿಯರ್ ಭೌತ್‌ಶಾಸ್ತ್ರ್, ಮಂಗ್ಳುರ್ ಯುನಿವರ್ಸಿಟಿ - 1992, ಡಿಪ್ಲೊಮಾ ಪತ್ರಿಕೋದ್ಯಮ್ 1982, ಪದ್ಯುತ್ತರ್ ಡಿಪ್ಲೊಮಾ - ಕೊಂಕಣಿ - ಡಿಸ್ಟಿಂಕ್ಷನ್ - 2000. (ಸಾಂ ಲುವಿಸ್ ಕೊಂಕ್ಣಿ ಸಂಸ್ತೊ - ಪಯ್ಲೆ೦ ಬ್ಯಾಚ್)

ಶಿಕ್ಶಣ್ ಶೆತಾ೦ತ್ :

ಡೊ| .ಜೆರಿ ನಿಡ್ಡೋಡಿನ್  ಭೌತ್‌ಶಾಸ್ತ್ರ್ ಪ್ರಾದ್ಯಾಪಕ್ ಜಾವ್ನ್ ಮಿಲಾಗ್ರಿಸ್ ಕೊಲೇಜ್ ಕಲ್ಯಾಣ್‌ಪುರ್ ಹಾಂಗಾಸರ್ - 1981 ಇಸ್ವೆ  ಥಾವ್ನ್ ಆನಿ 1-7-2016 ಮ್ಹಣಾಸರ್, ಆನಿ ಉಪ್ರಾ೦ತ್  31-5-2017 ಪರ್ಯಾಂತ್ ಮಿಲಾಗ್ರಿಸ್ ಕೊಲೇಜಿಚೊ ಪ್ರಿನ್ಸಿಪಾಲ್ ಜಾವ್ನ್ ವಾವ್ರ್ ಕೆಲಾ. 

ಬರ್ಪಾಂಚಿ ಸುರ್ವಾತ್ :

ನವೆ ಕ್ಲಾಸಿಂತ್ ಶಿಕೊನ್ ಆಸ್ತಾನಾ, 16 ವರ್ಸಾಂಚೆ ಪ್ರಾಯೆರ್ ತಾಚಿ ಪಯ್ಲಿ ಮಟ್ವಿ ಕಾಣಿ 'ಸೆವಕ್' ಮಹಿನ್ಯಾಳ್ಯಾರ್ ಫಾಯ್ಸ್ ಜಾಲಿ. ಪಯಿಲ್ಲ್ಯೆ ಪಿ.ಯು.ಸಿಂತ್ ಆಸ್ತಾನಾ 'ರಾಕ್ಣೊ' ಸಾಹಿತ್ಯ್ ಸ್ಪರ್ಧ್ಯಾಂತ್ ಲೇಕಾನಾಂತ್ ದುಸ್ರೆಂ ಇನಾಮ್ ಲಾಭ್ಲೆಂ ಅನಿ ತವಳ್ ತಾಕಾ ಬರೊಂವ್ಚೆಂ ದೆಣೆ ಅಸಾ ಮ್ಹಣ್ ಕಳಿತ್ ಜಾಲೆಂ. ಉಪ್ರಾಂತ್ ಪಯ್ಣಾರಿರ್ ಸರಾಗ್ ಲೇಖನಾಂ ವ್ಹಾಳ್ಳಿಂ. ಉಪ್ರಾಂತ್ 'ಕಾಣಿಕ್' ಪತ್ರಾರ್ ಬರಯ್ಲೆಂ. ಮಾ| ಬಾ| ಮಾರ್ಕ್ ವಾಲ್ಡಾರ್ 'ರಾಕ್ಣೊ' ಸಂಪಾದಾಕ್ ಅಸ್ತಾಂ ಆಮ್ಚ್ಯಾ ಸಮುದಾಯಾಚೆ ಮಾನ್ ಮುಕೆಲಿ ವಿಶೀಂ ಸಾಂಕಳ್ ಲೇಕಾನಾ೦ವಾಳ್ ಬರಯ್ಲಿ.  ಬಾಪ್ ವಿಶೆ೦ತ್ ವಿತೊರ್ ಮಿನೇಜ್ 'ರಾಕ್ಣೊ' ಸಂಪಾದಕ್ ಆಸ್ತಾನಾ 'ತುಜೆಂ ಶಿಕಾಪ್, ತುಜಿ ವೃತ್ತಿ' ಸಾಂಕಳ್ ಲೇಕಾನಾವಳ್ ಬರಯ್ಲಿ, ತಿ ಲೊಕಾಮೊಗಾಳ್ ಜಾಲಿ. 

ಡೊಲ್ಪಿ ಕಾಸ್ಸಿಯಾಚಾ ಸ೦ಪಾದಕ್ಪೊಣಾರ್ 'ಮಿತ್ರ್' ಅನಿ 'ಝೆಲೊ' ಪತ್ರಾ೦ ಚಲೊನ್ ಆಸ್ತಾನಾ ಜೆರಿ ನಿಡ್ಡೋಡಿನ್ ಸರಾಗ್ ಲೇಖನಾ೦ ಆನಿ ಮಟ್ವ್ಯೊ ಕಾಣಿಯೊ ಬರಯ್ಲ್ಯೊ. ಡೊಲ್ಫಿಚಾ ಮಾರ್ಗದರ್ಶನಾನ್ ಆನಿ ಪ್ರೋತ್ಸವಾನ್ ಸಾಂಕಳ್ ಕಾಣಿಯೊ 'ಮಿತ್ರ್' ಪತ್ರಾರ್ ಬರಯ್ಲ್ಯೊ. ತಾಚಾ  ಉಪ್ರಾಂತ್ ತಾಣೆ೦ ಪಾಟಿ೦ ಪಳೆ೦ವ್ಕ್ ನಾ. ಆಜೂನ್ ಕೊ೦ಕ್ಣಿ ಪತ್ರಾ೦ನಿ ತೊ ಸರಾಗ್ ಬರೊವ್ನ್ ಅಸಾ. ಮಾಂಯ್‍ಭಾಸ್.ಕೊಮ್, ಕೊಂಕ್ಣಿ ಪ್ರೆಂಡ್ಸ್ ಯು,ಕೆ ಅನಿ ಇತರ್ ಅಂತರ್ ಜಾಳಿ೦ಚೆರ್ ಸಬಾರ್ ಲೇಖನಾ೦ ಬರಯ್ಲ್ಯಾಂತ್. 

ಕೊ೦ಕ್ಣಿ ಕೃತಿಯೊ  :

ಜೆರಿ ನಿಡ್ಡೋಡಿಚ್ಯೊ ಯೆದೊಳ್ ಪರ್ಗಟ್ ಜಾಲ್ಲ್ಯೊ ಕೃತಿಯೊ :
ಕಾದಂಬರಿ (7),  ಇತರ್ ಪುಸ್ತಕಂ (7), ಮಟ್ವ್ಯೊ ಕಾಣಿಯೊ ಸಂಗ್ರಹ್ (2), ಕೊಂಕ್ಣಿ ಸಂಸೋದ್(2), ಮಟ್ವ್ಯೊ ಕಾಣಿಯೊ (45), ಕವಿತಾ (8), ಲೇಕನಾಂ (950) ಬರಯ್ಲ್ಯಾಂತ್.

'ಲಡಾಯಿ', 'ಪಾಟಿ೦ ಘರಾ', 'ಮಹಾತ್ಮಾ', 'ಶೆವೊಟ್ ಪರ್ಯಾಂತ್', 'ತಿಸ್ರಿ ತಕ್ಲಿ' ಆನಿ 'ಗುರ್ಕಾರ್' - ಜೆರಿ ನಿಡ್ಡೋಡಿಚ್ಯೊ 6 ಕಾದ೦ಬರಿ. ಹಾಚೆ ಶಿವಾಯ್ ತಾಚ್ಯೊ 75 ಮಟ್ವ್ಯೊ ಕಾಣಿಯೊ ಆನಿ 950 - ೦ಕ್ ಮಿಕ್ವೊನ್ ವಿವಿಧ್ ವಿಶಯಾ೦ಚೆರ್ ಬರಯಿಲ್ಲಿ೦ ಲೇಖನಾ೦ ವಿವಿಧ್ ಕೊ೦ಕ್ಣಿ, ಕನ್ನಡ ಆನಿ ಇ೦ಗ್ಲಿಶ್ ಪತ್ರಾ೦ನಿ ಪರ್ಗಟ್ ಜಾಲ್ಯಾ೦ತ್.

'ಫಾ| ಟೊನಿ ಆನಿ ಇತರ್ ಕಥಾ', 'ಪೊಸ್ಕೊ ಪತಿ ಆನಿ ಇತರ್ ಕಥಾ' ತಾಚಾ ಮಟ್ವ್ಯಾ ಕಾಣಿಯಾ೦ಚೆ ದೋನ್ ಸ೦ಗ್ರಹ್. 'ತುಜೆ೦ ಶಿಕಾಪ್ ಆನಿ ತುಜಿ ವೃತ್ತಿ', 'ಗ್ಯಾಲಕ್ಸಿ', 'ವಿಸಾವ್ಯಾ ಶೆಕ್ಡ್ಯಾಚೆ ಮ್ಹಾನ್ ಮನಿಸ್', 'ಲಾಯಿಕ್ ಆಪೊಸ್ತಲಾದ್', 'ಕಥೊಲಿಕ್ ಸಭೆಚಿ ಚರಿತ್ರಾ', 'ವಿಸಾವ್ಯಾ ಶೆಕ್ಡ್ಯಾ೦ತ್ ಮ್ಹಾನ್ ಕಾಮ್ ಕೆಲ್ಲ್ಯೊ ಸಾಮಾನ್ಯ್  ಸ್ತ್ರೀಯೊ', 'ವಿಶ್ವ ವಿಜ್ನಾನ್' - ಹ್ಯೊ ತಾಚ್ಯೊ ಇತರ್ ಕೃತಿಯೊ.

'ಕುಡ್ಮಿ ಕೊ೦ಕ್ಣಿ ಲೋಕ್‌ವೆದ್' ಆನಿ 'ವಿಸಾವ್ಯಾ ಶೆಕ್ಡ್ಯಾಚೆ ಮ್ಹಾನ್ ಮನಿಸ್' ಜೆರಿ ನಿಡ್ಡೋಡಿಚ್ಯೊ ಸ೦ಶೋಧಿತ್ ಕೃತಿಯೊ. ಆಪ್ಲ್ಯಾ 'ದಿವ್ಯಾ ದೀಪಾ ಪ್ರಕಾಶನಾ'ದ್ವಾರಿ೦ ತಾಣೆ೦ ಸಬಾರ್ ಕೊ೦ಕ್ಣಿ ಪುಸ್ತಕಾ೦ ಪರ್ಗಟ್ ಕೆಲ್ಯಾ೦ತ್.

ಸಂಸೊಧ್ ವಾವ್ರ್ :
- ಮೂಳ್ ವಸ್ತುಂ ಥಾವ್ನ್ ಗಾಮಾ ಕಿರಣಾಂಕ್ ಧುಸ್ಪಟಾಂವ್ಚೆಂ - ಹ್ಯಾ ವಿಶಯಾಚೆರ್ 8 ಸಂಸೊಧ್ ಅಂತರಾಷ್ಟ್ರೀಯ್ ಸಂಸೊಧ್ ಪತ್ರಿಕೆಚೆರ್ (ಲಂಡನ್ ಥಾವ್ನ್) ಪ್ರಗಟ್ ಜಾಲ್ಯಾತ್) 
- 5 ರಾಷ್ಟ್ರೀಯ್ ಕಾರ್ಯಾಗಾರಾಂಚೆರ್ ಮಂಡನ್

ಕರಾವಳ್ ಕರ್ನಾಟಕಾಚ್ಯಾ ತಶೆಂ ಉಡುಪಿ ಜಿಲ್ಲೆಂಚ್ಯಾ ಮಾತ್ಯೆಂತ್ ಅನಿ ವಾತಾವರಣಂತ್ ಅಸ್ಚ್ಯಾ ಅಣು ವಿಕಿರನ್ ಧಾತು ವಿಶಿಂ ದೋನ್ ಸಂಸೋಧ್ - ವಿಶ್ವವಿದ್ಯಾನಿಲಯ್ ಧನ್‌ಸಹಾಯ್ ಆಯೋಗಾ ಕುಮ್ಕೆನ್ ಕರುನ್ ಪ್ರಗಟ್ ಕೆಲ್ಯಾತ್.

ಮಂಗ್ಳೂರ್ ಯುನಿವರ್ಸಿಟಿ ಫಿಸಿಕ್ಸ್ ಪ್ರಾಧ್ಯಾಪಕ್ ಸಂಘಟಾನಾಚೊ ದೋನ್ ಆವ್ದೆಂಕ್ ಅಧ್ಯಕ್ಶ್, ಶಿಕ್ಶಕಾಂಚ್ಯಾ ಸಂಘಟಾನಾಚೊ ಸಹ ಕಾರ್ಯದರ್ಶಿ, ಯುನಿವರ್ಸಿಟಿ ಶೈಕ್ಶಣಿಕ್ ಮಂಡಳಿಚೊ ತಸೆಂ ಸೈ೦ಟ್ ಆಗ್ನೆಸ್ ಅಟೊನೊಮಸ್ ಕೊಲೆಜಿಚೊ ಶೈಕ್ಶಣಿಕ್ ಮಂಡಳಿಚೊ ಸಾಂದೊ ಜಾವುನ್ ವಿವಿಧ್ ಹುದ್ದ್ಯಾಂನಿ ವಾವ್ರ್ ದಿಲಾ. ಮಂಗ್ಳೂರ್ ಯುನಿವರ್ಸಿಟಿ ಬಿ.ಎಸ್ಸಿ - ಫಿಸಿಕ್ಸ್ ಅಂತಿಮ್ ಪರೀಕ್ಶೆಚೊ ಚೆಯರ್‌ಮ್ಯಾನ್ ಜಾವ್ನ್ ವಾವ್ರ್ ದಿಲಾ.

ಕೊಲೆಜಿ ಹಂತಾರ್ - ಎನ್.ಎಸ್.ಎಸ್ ಆಫೀಸರ್, ನ್ಯಾಕ್ ಕೊ-ಆರ್ಡಿನೆಟರ್, ಶಿಕ್ಪಾ ಮಟ್ಟ್ ಚಡಂವ್ಚ್ಯಾ ಕೋಶಾಚೊ ಕೊ-ಆರ್ಡಿನೇಟರ್, ಕ್ಯಾಂಪಸ್ ಪ್ಲೇಸ್ಮೆಂಟ್ ಅಫೀಸರ್ ಅನಿ ಇತರ್ ಪ್ರಮುಕ್ ಹುದ್ದೆ ಜವಾಬ್ದಾರೆನ್ ನಿರ್ವಹಣ್ ಕೆಲ್ಯಾತ್.  ಸಬಾರ್ ಭುರ್ಗ್ಯಾಂಕ್  ಕ್ಯಾ೦ಪಸ್ ವಿಂಚೊವ್ಣೆ ಮುಕಾಂತ್ರ್ ಬರೆ ಉದ್ಯೋಗ್ ಮೆಳೊಂವ್ಕ್ ಕಾರಣ್ ಜಾಲಾ. 2016-17 ಇಸ್ವೆಂತ್ ಕೊಲೆಜಿಚೊ ಭಾಂಗಾರೋತ್ಸವ್ ಅರ್ಥಾಭರಿತ್ ಥರಾನ್ ಆಚರಣ್ ಕರ್ಚ್ಯಾಂತ್ ತಾಚೊ ವಾವ್ರ್ ವ್ಹರ್ತೊ.

ಕೊಂಕ್ಣಿ ಪತ್ರಿಕೋದ್ಯಮ್ :

- 'ರಾಕ್ಣೊ' ಸಂಪಾದಕೀಯ್ ಮಂಡಳೆಚೊ ಸಾಂದೊ 1984 - 1994
- 'ಆಮ್ಚೊ ಸಂದೇಶ್' ಮಹಿನ್ಯಾಳೆಂ ಸಹಸಂಪಾದಕ್ 2005-06, ಸಂಪಾದಕ್ 2000-2003, 2006-2009
- 'ಮಿಲಾರ್ಚಿಂ ಲ್ಹಾರಾಂ' ಫಿರ್ಗಜ್ ಪತ್ರ್ - ತ್ರೈಮಾಸಿಕ್,  ಸಂಪಾದಕ್ 23 ವರ್ಸಾಂ ಥಾವ್ನ್ (ಡಿಸೆಂಬರ್ 1994 ಥಾವ್ನ್) 
- ವಿವಿಧ್ ಕೊಂಕ್ಣಿ ಪತ್ರಾಂಕ್, ಅಂತರ್‌ಜಾಳಾಂಕ್ ವರ್ದಿಗಾರ್

1994 ಇಸ್ವೆಂತ್, ಕಥೊಲಿಕ್ ಸಭೆಚೊ ಕೇಂದ್ರೀಯ್ ಅಧ್ಯಕ್ಷ್ ಜಾವ್ನ್ ಆಸ್ತಾಂ, ಫಿರ್ಗಜ್, ವಾರಾಡೊ ಆನಿ ದಿಯೆಸೆಜಿ ಹಂತಾರ್ ಪಾಂಚ್ ವಿಭಾಗಾಂನಿ ಕೊಂಕ್ಣಿ ಭಾಷಣ್ ಸ್ಪರ್ಧೊ ಆಸಾ ಕೆಲಾ. ಹಾಕಾ ಪರ್ಯಾಯ್ ಫಲಕ್ ವ್ಯವಸ್ಥಾ ಕೆಲ್ಯಾ. ಹರ್ಯೆಕಾ ವರ್ಸಾ ಸುಮಾರ್ 2 ಹಜಾರ್ ಭುರ್ಗಿಂ ಆನಿ ಯುವಜಣಾಂ ಕೊಂಕ್ಣಿ ಭಾಷಣಾಂ ತಯಾರ್ ಕರ್ತಾತ್. ಹಿ ವ್ಯವಸ್ಥಾ ನಿರಂತರ್ ಮುಂದರುನ್ ವೆತಾ.

ಕೊಂಕ್ಣಿ ಸಂಘಟನ್ - ಉಡುಪಿ ಜಿಲ್ಲೊ, ಬಾಂಧುನ್ ಹಾಡುನ್, ನೋವ್ ವರ್ಸಾಂ ಅದ್ಯಕ್ಶ್ ಜಾವ್ನ್ ವಾವ್ರ್ ದಿಲಾ. ಸಭಾರ್ ಕೊಂಕ್ಣಿ ಕಾರ್ಯಾಕ್ರಮಾಂ ಕಲ್ಯಾಣ್ಪುರ್ ಮಿಲಾರ್ ಕೊಲೆಜಿಂತ್ ವಿವಿಧ್ ಸಂಘಟನಾಂಚ್ಯಾ ಸಹಯೋಗನ್ ಆಯೋಜನ್ ಕೆಲ್ಯಾಂತ್. 

'ಆಮ್ಚೊ ಸ೦ದೇಶ್' ಪತ್ರಾಚೊ ಸ೦ಪಾದಕ್ ಜಾವ್ನ್, 'ಸ೦ಪರ್ಪ' ತ್ರಿಮಾಸಿಕ್ ಪತ್ರಾಚೊ ಸ೦ಪಾದಕ್ ಜಾವ್ನ್ ತಾಣೆ ವಾವ್ರ್ ಕೆಲಾ.

ಸಾಮಾಜಿಕ್ ವಾವ್ರ್  :

- ಕೊಂಕಣಿ ಸಮಾಜೆಚಾ, ಭಾಷೆಚಾ ಅಭಿವೃದ್ಧೆ ಖಾತಿರ್ ವಾವುರ್ಚೆಂ ಸಂಘಟನ್ ಕಥೋಲಿಕ್ ಸಭಾ ಮಂಗ್ಳುರ್ ಪ್ರದೇಶ್ (ರಿ.) ಹಾಚೊ ಕೇಂದ್ರಿಯ್ ಅಧ್ಯಕ್ಷ್ 1994 - 1996 
- ಯುವಜಣಾಂ ಖಾತಿರ್ ಆನಿ ಭುರ್ಗ್ಯಾಂ ಖಾತಿರ್ 500 ವಯ್ರ್ ವೃತ್ತಿ ಮಾರ್ಗದರ್ಶನ್ ಶಿಬಿರಾಂ ಮಾಂಡುನ್ ಹಾಡ್ಲ್ಯಾಂತ್ 
- ಕಥೋಲಿಕ್ ಸಭೆಚೊ ಕೇಂದ್ರಿಯ್ ಅಧ್ಯಕ್ಷ್ ಜಾವ್ನ್ ಆಸ್ತಾನಾ ಉಡುಪಿ ತಾಲೂಕಾಚಾ ಪಾಂಬೂರಾಂತ್, ಬುದ್ಧಿಮಾಂದ್ಯ್ ಭುರ್ಗ್ಯಾಂಕ್ ತರ್ಬೆತಿ ದಿಂವ್ಚ್ಯಾ ಖಾತಿರ್ ಟ್ರಸ್ಟ್ ಆಸಾ ಕರ್ನ್, ಕೇಂದ್ರಾಚಿ ಬುನ್ಯಾದ್ ಘಾಲ್ಯಾ ಆನಿ ಅಜೂನ್‌ಯೀ ಕಾರ್ಯದರ್ಶಿ ಜಾವ್ನ್ ವಾವುರ್ತಾ. 

ಸಾಹಿತ್ಯ್ ಪುರಸ್ಕಾರ್ :

ಡೊ| ಜೆರಿ ನಿಡ್ಡೋಡಿಚಾ ಸಾಹಿತಿಕ್ ವಾವ್ರಾಕ್ ಯೆದೊಳ್ ಪರ್ಯಾಂತ್ ಮೆಳ್‌ಲ್ಲೆ ಪುರಸ್ಕಾರ್ ಅಶೆ ಆಸಾತ್ :
  1. - ದಾಂತಿ ಸಾಹಿತ್ಯ್ ಪುರಸ್ಕಾರ್ 1997 - ಕನ್ನಡ ಪುಸ್ತಾಕಾಕ್
  2. - ದಿವೊ ಸಾಹಿತ್ಯ್ ಪುರಸ್ಕಾರ್ 2007
  3. - ಕೊಂಕಣ್ ಸ್ಟಾರ್ ಸಾಹಿತ್ಯ್ ಪುರಸ್ಕಾರ್  - ಕೊಂಕಣಿಫ಼್ರೆಂಡ್ಸ್ ಇಂಗ್ಲೆಂಡ್ 2007
  4. - ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ಗೌರವ್ ಪುರಸ್ಕಾರ್ 2007
  5. - ಕರ್ನಾಟಕ ಕೊಂಕಣಿ ಸಾಹಿತ್ಯ್ ಅಕಾಡೆಮಿ ಪುಸ್ತಕ್ ಪುರಸ್ಕಾರ್ 2007 'ತಿಸ್ರಿ ತಕ್ಲಿ' ಕಾದಂಬರಿಕ್ 
  6. - ದಾಯ್ಜಿ ದುಬಾಯ್ ಸಾಹಿತ್ಯ್  ಪುರಸ್ಕಾರ್ - 2012
  7. - ಆಮ್ಚೊ ಸಂದೇಶ್ ರುಪ್ಯೋತ್ಸವ್ ಸಾಹಿತ್ಯ್ ಪುರಸ್ಕಾರ್ -2017
ಕುಟ್ಮಾ ಜಿವಿತ್ :

1986 ಎಪ್ರಿಲ್ 1 ತಾರಿಕೆರ್ ಮಡಂತ್ಯಾರ್ಚ್ಯಾ ಮಾರ್ಸೆಲೀನ್ ಸೇರಾಲಾಗಿಂ ಜೆರಿ ನಿಡ್ಡೋಡಿಚೆ೦ ಲಗ್ನ್ ಜಾಲೆ೦. ತಿ ಅತಾಂ ಕಲ್ಯಾಣ್ಪುರ್ ಮಿಲಾಗ್ರಿಸ್ ಹೈಸ್ಕೂಲಾಂತ್ ಶಿಕ್ಶಕಿ. ದೊಗಾಂ ಭುರ್ಗಿಂ ತಾ೦ಕಾ೦ - ದೀಪಾ ಆನಿ  ದಿವ್ಯಾ . ದೊಗಾಂಯ್ ಇಂಜಿನಿಯರಿಂಗ್ ಶಿಕಾಪ್ ಜೊಡುನ್ ಲಗ್ನ್ ಜಾಲ್ಯಾಂತ್. 1986 ಇಸ್ವೆ ಥಾವ್ನ್ ಕಾಯಮ್ ವಸ್ತಿ ಕಲ್ಯಾಣ್ಪುರ್ ಮಿಲಾಗ್ರಿಸ್ ಫಿರ್ಗಜೆಂತ್.

ಕೊ೦ಕ್ಣಿ ಕುಟಾಮ್ ಬಾಹ್ರೇನ್, ಹಾ೦ಚಿ 2017ವ್ಯಾ ವರ್ಸಾಚಿ ಸಾಹಿತ್ಯ್ ಪ್ರಶಸ್ತಿ ಜೊಡ್ಲೆಲ್ಯಾ ನಾಮ್ಣೆಚೊ ಲೇಖಕ್ ಡಾ| ಜೆರಾಲ್ಡ್ ಪಿ೦ಟೊಕ್ (ಜೆರಿ ನಿಡ್ಡೋಡಿ) ಉಲ್ಲಾಸ್ ಆನಿ ಅಭಿನ೦ದನ್.

Tags:  Konkani Kutam Bahrain, Dr. Gerry Niddodi, Konkani, Mangalore, Mangalorean, Mother Tongue

0 Comment/s.

Post your comments

Your email address will not be published. Required fields are marked *

Konkani English
Name  : 
Email  : 
Place  : 
Mobile  : 
I Am Human  : 
   Message :


Connect

Maibhaas

Within a short span of time, www.maibhaas.com made a niche in the hearts of Konkani readers with its clean reading, attracting design in Konkani media. www.maibhaas.com, a dream child of Naveen Sequeira Brahmavar, has able to create its impact and wonders from the day of its inception in Konkani world. As each day passing www.maibhaas.com is growing as a strong pillar of Konkani media.

Our Address
Mangalore

Contact Person :
Mr. Praveen Tauro

 Email : praveen@maibhaas.com

 Phone : +91 99 80 184340

 Address :
          Daijiworld.com,
          Airport Road,
          opp. Bondel Church,
          Mangalore - 575 008
          Karnataka - India

Our Address
Udupi

Contact Person :
Mr. Joel D'almeida

 Email : joel@maibhaas.com

 Phone : +91 90 08 855392

 Address :
          Eventz Redefined,
          Next to Vijaya Bank,
          Holy Family Complex
          1st Floor, NH -66
          Brahmavara - 576213

Our Address
Dubai

Contact Person :
Mr. Naveen Sequeira

 Email : editor@maibhaas.com

 Phone : +97 150 755 4105

 Address :
          Master Mind IT Solutions,
          UBL Building,
          #402, 4th Floor
          Bank Street - Bur Dubai
          Dubai - UAE