From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ದಾಯ್ಜಿ ಸಾಹಿತ್ಯ್ ಪುರಸ್ಕಾರ್ ವಿಜೇತ್, ಎಚ್.ಜೆ.ಗೋವಿಯಸ್
Saturday, May 27, 2017
ಸುಮಾರ್ ಚಾಳೀಸ್ ವರ್ಸಾಂ ಥಾವ್ನ್ ಕೊಂಕ್ಣಿ ಸಾಹಿತ್ಯ್ ಶೆತಾಂತ್ ವಾವುರ್ನ್ ಆಸ್ಚ್ಯಾ, ಕೊಂಕ್ಣಿಂತ್ಲೊ ನಾಮ್ಣೆಚೊ ಕಾದಂಬರಿಗಾರ್ ಮಾನೇಸ್ತ್ ಎಚ್.ಜೆ. ಗೋವಿಯಸ್ ಹಾಕಾ 2007ವ್ಯಾ ವರ್ಸಾಚೊ ದಾಯ್ಜಿ ಸಾಹಿತ್ಯ್ ಪುರಸ್ಕಾರ್ ಫಾವೊ ಜಾಲಾ. ಹೊ ಪುರಸ್ಕಾರ್ ಮೇ 27ವೆರ್ ಮಂಗ್ಳುರ್‍'ಚ್ಯಾ ಓರ್ಕಿಡ್ ಗ್ಯಾಲರಿಚ್ಯಾ ಸಭಾಂಗಣಾಂತ್ ಚಲೊಂಕ್ ಆಸ್ಚ್ಯಾ ದಾಯ್ಜಿಚ್ಯಾ 18ವ್ಯಾ ವರ್ಸುಗೆಚ್ಯಾ ಸಂದರ್ಭಾರ್ ಹಾತಂತರ್ ಜಾತಲೊ. ಹ್ಯೆ ದಿಶೆನ್ ಎಚ್.ಜೆ. ಗೋವಿಯಸ್ ಹಾಂಚಿ ಏಕ್ ಪರಿಚಯ್....
ಎಚ್. ಜೆ. ಗೋವಿಯಸ್ ಲಿಕ್ಣೆನಾಂವಾಚೊ ಹಿಲ್ರೊಡ್ ಜೋಸೆಫ್ ಗೋವಿಯಸ್ ಮಂಗ್ಳುರ್ಚ್ಯಾ ಮಿಲಾರಾಂತ್ ಜಲ್ಮಲ್ಲೊ. ಪ್ರಸ್ತುತ್ ಮುಂಬಂಯ್ತ್ ವಸ್ತಿ ಕರ್ನ್ ಆಸ್ಚೊ ತೊ ಕುವೇಯ್ಟಾಂತ್ ಕೊರಿಯನ್ ಎಂಬೆಸ್ಸಿಂತ್ ಕಮರ್ಶಿಯಲ್ ಮೆನೇಜರ್ ಜಾವ್ನ್ ಆಟ್ರಾ ವರ್ಸಾಂ ವಾವುರ್ಲಾ.
ಸೆವ್ರಿನ್ ಬಾಸಿಲ್ ಗೋವಿಯಸ್ ಆನಿ ಲಿಲ್ಲಿ ಮೇರಿ ಗೋವಿಯಸ್ ಕುಟ್ಮಾಂತ್ ಸಾತ್ ಭಾಂವ್ಡಾಂ ಪೈಕಿಂ ಚೊವ್ತೊ ಜಾವ್ನ್ ಜನ್ಮಾಲ್ಲೊ. ಲ್ಹಾನ್ ಪ್ರಾಯೆರ್ ಥಾವ್ನ್ ಜಮ್‌ಲ್ಲ್ಯಾ ಮಿತ್ರಾಂಚಾ ಪಂಗ್ಡಾಂತ್ ನವ್ಯೊ ನವ್ಯೊ ಕಾಣಿಯೊ ಘಡುನ್ ಸಾಂಗ್ಚಿ ಪಿಸಾಯ್ ವ್ಹಡ್ ಜಾತಾನಾ, ಸಾಹೀತ್ಯ್ ರಚುಂಕ್ ಪ್ರೇರಣ್ ಜಾಲಿ.
ಲ್ಹಾನ್ಪಣಾರ್ ಕೊಂಕ್ಣಿ ಪತ್ರಾಂ, ಕೊಂಕ್ಣಿ ಬೂಕ್ ತಸೆಂಚ್ ಇಂಗ್ಲೀಷ್ ಕಾಣಿಯೆ ಬೂಕ್ ವಾಚುನ್ ಆಸ್‌ಲ್ಲೊ ಹೊ ತರುಣ್, ಕೊಂಕ್ಣೆಂತ್ಲೊ ಫಮಾದ್ ಕಾದಂಬರಿಕಾರ್ ಶ್ರೀ ಗಬ್ಬು ಆನಿ ಇಂಗ್ಲೀಷಾಂತ್ ಜೇಮ್ಸ್ ಹಾರ್ಡ್ಲಿ ಚೇಸ್ ಹಾಂಚ್ಯೊ ಕಾಣಿಯೊ ವಾಚೂನ್ ಉರ್ಬೆವಂತ್ ಜಾಲ್ಲೊ, ಆನಿ ಹಾಣೆ ಸ್ವತಾಃ ಆಪ್ಲ್ಯೊ ಕಾಣಿಯೊ ಲಿಖೊಂಕ್ ಸುರು ಕೆಲ್ಯೊ.......
16 ವರ್ಸಾಂಚಾ ಪ್ರಾಯೆರ್ 'ಕಾಂಟಿಯೆರ್ ನಾಸ್ ಜಾಲ್ಲೊ ಗುಲೊಬ್' ಮ್ಹಳ್ಳಿ ಮೊಗಾಚಿ ಬೃಹದ್ ಕಾದಂಬರಿ ಬರವ್ನ್, ತ್ಯಾ ಕಾಳಾರ್ ಫಾಮಾಧ್ ಜಾವ್ನ್ ಆಸ್‌ಲ್ಲ್ಯಾ 'ಪಯ್ಣಾರಿ' ಪತ್ರಾಕ್ ಧಾಡುನ್ ದಿಲ್ಲಿ. ಪುಣ್ ನವೊ ಆನಿ ನಾಂವ್ ನಾತ್‌ಲ್ಲೊ ಬರ್ಪಿ ಜಾಲ್ಲ್ಯಾನ್, ತಾಚಿ ತಿ ಕಾಣಿ ತ್ಯಾ ಪತ್ರಾಚಾ ಸಂಪಾದಕಾನ್ ವಾಚಿನಾಸ್ತಾಂ ಕಸ್ರ್ಯಾ ಡಬ್ಬ್ಯಾಕ್ ಉಡಯಿಲ್ಲಿ. (ಅಶೆಂ ಪಯ್ಲೆಂ ಫಾಮಾದ್ ಕೊಂಕ್ಣಿ ಪತ್ರಾಂಚೆಂ ಸಂಪಾದಕ್ ಕರ್ತಾಲೆ. ಕಿತ್ಯಾಕ್ ತ್ಯಾ ವೆಳಾ ಖಂಚಾಯ್ ಲೇಖಕಾಚೆಂ ಸಾಹಿತ್ಯ್ ಸಂಪಾದಕಾಚಾ ಮರ್ಜೆನ್ ಮಾತ್ರ್ ಫಾಯ್ಸ್ ಜಾತಾಲೆಂ. ತ್ಯಾ ಬಾಬ್ತಿಂ ಲೇಖಕಾಕ್ ಕಸಲಿಯಿ ಪ್ರತಿಕಿಯಾ ದಾಕಂವ್ಚೆಂ ವ ವಿಚಾರ್ಚೆಂ ಹಕ್ಕ್ ನಾತ್‌ಲ್ಲೆಂ.)
ಕಾಣಿ ಫಾಯ್ಸ್ ಜಾಯ್ನಾತ್‌ಲ್ಲಿ ನಿರಾಶಾ ಘೆವ್ನ್ ಆಸ್‌ಲ್ಲೊ ಹೊ ತರುಣ್ ಲೇಖಕ್, ಆಪ್ಲೆಂ ಪ್ರಯತನ್ ಸಾಂಡುನ್ ಸಾಹಿತ್ಯಾಕ್ ಪಾಟ್ ಕರುಂಕ್ ತಯಾರ್ ನಾತ್‌ಲ್ಲೊ. ಆಪ್ಣೆ ಧಾಡುನ್ ದಿಲ್ಲ್ಯಾ ಕಾಣ್ಯೆಚಿ ಜೆರೊಕ್ಸ್ ಕೊಪಿ ಸೈತ್ ನಾತ್‌ಲ್ಯಾ ತಾಣೆ, ತಿಚ್ ಕಾಣಿ ಉಗ್ಡಾಸ್ ಕರುನ್ ಪರತ್ ಬರಯ್ಲಿ ಆನಿ ತ್ಯಾ ಕಾಣ್ಯೆಕ್ 'ಯೆತಾಂ ತುಜಿ ವಾಟ್ ಧರುನ್' ಮ್ಹಳ್ಳೆಂ ನವೆಂಚ್ ನಾಂವ್ ದಿಲೆಂ.
ಪುಣ್ ತಿ ಕಾದಂಬರಿ ಪರತ್ ಖಂಚಾಯ್ ಕೊಂಕ್ಣಿ ಪತ್ರಾಕ್ ಧಾಡುಂಕ್ ಹಿಮ್ಮತ್ ತಾಕಾ ಜಾಲಿನಾ. ತಿ ಕಾದಂಬರಿ ಆಸಾ ತಸಿ ದವರುನ್, ತಾಣೆ ತಾಚಿ ದುಸ್ರಿ 'ಭುಂಯಾರಾಂತ್ಲೊ ಘುಟ್' ಮ್ಹಳ್ಳಿ ಪತ್ತೇದಾರಿ ಕಾದಂಬರಿ ರಚ್ಲಿ.
ಆಪ್ಲಿ ಏಕ್ ತರಿ ಸಾಂಕಳ್ ಕಾಣಿ ಪಯ್ಣಾರಿಚೆರ್ ಫಾಯ್ಸ್ ಜಾಂವ್ಕ್ ಜಾಯ್ ಮ್ಹಳ್ಳಿ ಆಶಾ ಆಸ್‌ಲ್ಲ್ಯಾ ಹ್ಯಾ ಲೇಖಕಾನ್, ಪಯ್ಣಾರಿಕ್ ಪತ್ರ್ ಬರಯ್ಲೆಂ, ತೊ ತಾಚಿ ಏಕ್ ಕಾದಂಬರಿ ಬುಕಾ ರುಪಾರ್ ಫಾಯ್ಸ್ ಕರುಂಕ್ ಆಶೆತಾ, ಬದ್ಲಾಕ್ ತ್ಯಾ ಬುಕಾಕ್ ಲಾಗ್ಚೊ ಖರ್ಚ್ ದೀಂವ್ಕ್ ತಯಾರ್ ಆಸಾ ಮ್ಹಣ್.
ಅಸೆಂ ಬೋವ್ಶಾ ಪಯಿಲ್ಲೆಂ ಎಕಾ ಕೊಂಕ್ಣಿ ಬರೊಪ್ಯಾನ್ ವಿನಂತಿ ಕೆಲ್ಲಿ ಜಾಂವ್ಕ್ ಪುರೊ. ದೆಕುನ್ ತ್ಯಾ ಬರೊಪ್ಯಾಚೆರ್ ದಯಾ ಕರುನ್, ಪಯ್ಣಾರಿ ಪತ್ರಾನ್ ತಾಕಾ ಜಾಪ್ ದಿಂವ್ಚೆಂ ಮನ್ ಕೆಲೆಂ. ಥೊಡ್ಯಾ ದಿಸಾಂನಿ ತಾಕಾ ಪಯ್ಣಾರಿ ಥಾವ್ನ್ ಜಾಪ್ ಆಯ್ಲಿ - ತಿಂ ಬೂಕ್ ಫಾಯ್ಸ್ ಕರಿನಾಂತ್, ತಾಣೆ ಮಂಗ್ಳೂರಾಂತ್ ಆಸ್ಚ್ಯಾ ಕೊಡಿಯಳ್ ಬೈಲ್ ಪ್ರೆಸ್ಸಾಕ್ ಸಂಪರ್ಕ್ ಕರ್ಯೆತ್ ಮ್ಹಣ್.
ತಸೆಂ ಹ್ಯಾ ಲೇಖಕಾನ್ ಪಯ್ಣಾರಿನ್ ದಿಲ್ಲ್ಯಾ ವಿಳಾಸಾಚೆರ್, ಕೊಡಿಯಳ್ ಬೈಲ್ ಪ್ರೆಸ್ಸಾಕ್ ಧೈರಾನ್ ಆಪ್ಲ್ಯಾ ಕಾದಂಬರಿಚಿ ಹಾತ್ ಬರ್ಪಾ ಕೊಪಿ ಧಾಡುನ್ ಪತ್ರ್ ಬರಯ್ಲೆಂ - 'ಹಾಂವ್ ಮ್ಹಜಿ ಹಿ ತಿ ಕಾದಂಬರಿ ಬುಕಾಂ ರುಪಿಂ ಫಾಯ್ಸ್ ಕರುಂಕ್ ಆಶೆತಾಂ ಆನಿ ತ್ಯಾ ಲಗ್ತಿ ಲಾಗ್ಚೊ ಖರ್ಚ್ ದೀಂವ್ಕ್ ತಯಾರ್ ಆಸಾಂ.' ಮ್ಹಣ್.
ತ್ಯಾ ವೆಳಾ ಕೊಡಿಯಳ್ ಬೈಲ್ ಪ್ರೆಸಾಂತ್ ಶ್ರೀ ಡೊಲ್ಫಿ ಕಾಸ್ಸಿಯಾ, ಎಕೌಂಟೆಂಟ್ ಜಾವ್ನ್ ಕಾಮ್ ಕರುನ್ ಆಸ್‌ಲ್ಲೊ. ಎಚ್. ಜೆ. ಗೋವಿಯಸಾಚಾ ಪತ್ತೇದಾರಿ ಕಾದಂಬರಿಯೆಚಿ ಹಾತ್ ಬರ್ಪಾ ಕೊಪಿ ಆನಿ ತಾಣೆ ವಾಚೂನ್ ಪಳಯ್ಲಿ. ಶ್ರೀ ಡೊಲ್ಫಿಕ್ ತಿ ಕಾದಂಬರಿ ರುಚ್ಲಿ ಆನಿ ತಾಣೆ ತಿ ಆಪ್ಲ್ಯಾ ನವ್ಯಾಚ್ ಸ್ಥಾಪನ್ ಕೆಲ್ಲ್ಯಾ ಪುನವ್ ಪ್ರಕಶನಾಖಾಲ್ ಫಾಯ್ಸ್ ಕರ್ಚೆಂ ಮನ್ ಕರುನ್, ಎಚ್. ಜೆ. ಗೋವಿಯಸಾಕ್ ಕಳಯ್ಲೆಂ ಕೀ, 'ತುಜಿ ಪತ್ತೇದಾರಿ ಕಾಣಿ ಹಾಂವೆಂ ವಾಚುನ್ ಪಳಯ್ಲಿ, ಕಾಣಿ ಬರಿ ಆಸಾ, ಪುಣ್ ತಾಂತು ಥೊಡ್ಯೊ ಚುಕಿ ಆಸಾತ್ ತ್ಯೊ ತಿದ್ವುನ್ ಆಪುಣ್ ಆಪ್ಲ್ಯಾ ಪುನವ್ ಪ್ರಕಶನಾ ಖಾಲ್ ಫಾಯ್ಸ್ ಕರುಂಕ್ ತಯಾರ್ ಆಸಾಂ' ಮ್ಹಣ್. ತ್ಯಾ ಲಗ್ತಿ ಲಾಗ್ಚೊ ಖರ್ಚ್‌ಯಿ ಕಳಯ್ಲೊ.
ಎಚ್. ಜೆ. ಗೋವಿಯಸಾನ್ ಸಂತೋಸಾನ್ ಪಾಟಿಂ ಮುಕಾರ್ ಪಳೆನಾಸ್ತಾಂ ಸಾಂಗ್‌ಲ್ಲೊ ಖರ್ಚ್ ಕೂಡ್ಲೆ ಧಾಡುನ್ ದಿಲೊ.
ಥೊಡ್ಯಾ ತೆಂಪಾನ್ (1978 ಇಸ್ವೆಂತ್) ಎಚ್. ಜೆ. ಗೋವಿಯಸಾಚಿ 'ಭುಂಯಾರಾಂತ್ಲೊ ಘುಟ್' ಮ್ಹಳ್ಳಿ ಪತ್ತೇದಾರಿ ಕಾದಂಬರಿ ಪುನವ್ ಪ್ರಕಶನಾಖಾಲ್ ಫಾಯ್ಸ್ ಜಾಲಿ. ಎಚ್. ಜೆ. ಗೋವಿಯಸ್ ಸಾಹಿತ್ಯ್ ಶೆತಾಂತ್ ನವೊಚ್ ಆನಿ ವಾಚ್ಪಿ ತ್ಯಾ ನಾಂವಾಂ ಥಂಯ್ ಅಪರಿಚಿತ್ ಅಸ್‌ಲ್ಲೆ ತರ್‌ಯಿ, ತಾಚಿ ಪಯಿಲ್ಲಿ ಕಾದಂಬರಿ ವಾಚ್ಪ್ಯಾಂಕ್ ಬರಿಚ್ ರುಚೊನ್, ತಾಣಿಂ ಹ್ಯಾ ನವ್ಯಾ ಲೇಖಕಾಕ್ ಸಾಹಿತ್ಯ್ ಶೆತಾಂತ್ ವರ್ತ್ಯಾ ಮಾನಾನ್ ಪ್ರೋತ್ಸಾಹ್ ದೀವ್ನ್ ಸ್ವಾಗತ್ ಕೆಲೊ. 'ಭುಂಯಾರಾಂತ್ಲೊ ಘುಟ್' ಕಾಣಿಯೆಚ್ಯೊ ಏಕ್ ಹಜಾರ್ ಕೊಪಿಯೊ ಘಡ್ಯೆ ಭಿತರ್ ವಿಕೊನ್ ಗೆಲ್ಯೊ.
ತ್ಯಾ ಕಾಳಾ ರಾಕ್ಣೊ ಪತ್ರಾಂತ್ ಸಹ-ಸಂಪಾದಕ್ ಜಾವ್ನ್ ವಾವುರ್ಚೊ ಶ್ರೀ ಸಿಜ್ಯೆಸ್, ತಾಕೊಡೆ ಮ್ಹಳ್ಳೊ ಹಾಸ್ಯ್ ಬರ್ಪಾಂ ಘಡ್ಚೊ ಫಾಮಾದ್ ಆನ್ಯೇಕ್ ತರ್ನೊ ಲೇಖಕ್ ಎಚ್. ಜೆ. ಗೋವಿಯಸಾಚೊ ಬರೊ ಮಿತ್ರ್ ಜಾಲೊ. ಶ್ರೀ ಸಿಜ್ಯೆಸಾನ್ ಎಚ್. ಜೆ. ಗೋವಿಯಾಚಿ ಶಿಫಾರಸ್ ಕರುನ್, ತ್ಯಾ ಕಾಳಾ ಪಯ್ಣಾರಿ ಪತ್ರಾಚೊ ಸಂಪಾದಕ್ ಜಾವ್ನಾಸ್ಚ್ಯಾ (ಆತಾಂ ದೆವಾದೀನ್) ಶ್ರೀ. ಪಿ. ಡಿ'ಸೋಜಾ ಹಾಕಾ ಪತ್ರ್ ಬರವ್ನ್ ಎಚ್. ಜೆ. ಗೋವಿಯಸಾಕ್ ಪಯ್ಣಾರಿ ಪತ್ರಾಂತ್ ಅವ್ಕಾಸ್ ದೀಂವ್ಕ್ ವಿನಂತಿ ಕೆಲಿ. ಶ್ರೀ. ಪಿ. ಡಿ'ಸೊಜಾನ್, ಸಿಜ್ಯೆಸಾಚಾ ಪತ್ರಾಕ್ ಮತಿಂ ಧರುನ್, ಎಚ್. ಜೆ. ಗೋವಿಯಸಾಕ್ ಆಪ್ಲಿ ಕಾದಂಬರಿ ಪಾವಿತ್ ಕರುಂಕ್ ಕಳಯ್ಲೆಂ. ಎಚ್. ಜೆ. ಗೋವಿಯಸ್ ಪಯಿಲ್ಲೆ ಪಾವ್ಟಿಂ ಪಯ್ಣಾರಿ ದಫ್ತಾರಾಕ್, ಆಪ್ಲಿ ಮೊಗಾಚಿ 'ಯೆತಾಂ ತುಜಿ ವಾಟ್ ಧರುನ್' ಮ್ಹಳ್ಳಿ ಕಾದಂಬರಿ ಘೆವ್ನ್ ಪಾವ್ಲೊ.
''ಕಾಣಿ ವಾಚುನ್ ಪಳೆತಾಂ. ಬರಿ ಆಸ್ಲ್ಯಾರ್ ಮಾತ್ರ್ ಫಾಯ್ಸ್ ಕರ್ತಾಂ...'' ಮ್ಹಣ್ ಶ್ರೀ ಪಿ. ಡಿ'ಸೋಜಾ ಸಾಂಗಾಲಾಗ್ಲೊ. ಎಚ್. ಜೆ. ಗೋವಿಯಸ್ ಒಪ್ವೊನ್ ಪಾಟಿಂ ಗೆಲೊ. ಥೊಡ್ಯಾ ದಿಸಾಂ ಉಪ್ರಾಂತ್ ಶ್ರೀ ಪಿ. ಡಿ'ಸೊಜಾನ್ ಎಚ್. ಜೆ. ಗೋವಿಯಸಾಕ್ ಫೊನ್ ಕರುನ್ ಕಳಯ್ಲೆಂ ''ಕಾಣಿ ಬರಿ ಆಸಾ, ಪುಣ್ ಫಾಯ್ಸ್ ಕರುಂಕ್ ಥೊಡೊ ತೇಂಪ್ ಲಾಗೊಂಕ್ ಪುರೊ'', ಕಿತ್ಯಾಕ್ ತ್ಯಾ ವೆಳಾ ಶ್ರೀ ವಿಕ್ಟರ್ ರೊಡ್ರಿಗಸಾಚಿ ಏಕ್ ಸಾಂಕಳ್ ಕಾಣಿ ಪಯ್ಣಾರಿ ಪತ್ರಾರ್ ಚಾಲು ಆಸ್‌ಲ್ಲಿ.
ಸ್ವೀಕಾರ್ ಕೆಲ್ಲ್ಯಾ ಕಾಣಿಯೆ ಬಾಬ್ತಿಂ ಸಂಭಾವನ್ ಕಿತ್ಲೆಂ ಘೆತಾಯ್ ಮ್ಹಣ್ ಸಂಪಾದಕಾನ್ ವಿಚಾರ್ತಾನಾ, ಎಚ್. ಜೆ. ಗೋವಿಯಸ್ ಸಾಂಗಾಲಾಗ್ಲೊ, ''ಮ್ಹಾಕಾ ಮ್ಹಜಿ ಕಾಣಿ ಪಯ್ಣಾರಿ ಪತ್ರಾರ್ ಫಾಯ್ಸ್ ಜಾಂವ್ಚಿಚ್ ವರ್ತಿ ಆನಿ ಜ್ಯಾರಿ ಜಾಂವ್ಚೆಂ ಸ್ವಪಾಣ್ ಜಾವ್ನಾಸಾ. ತ್ಯಾ ಲಾಗೊನ್, ಮ್ಹಾಕಾ ಕಸಲೆಂಚ್ ಸಂಭಾವನ್ ನಾಕಾ.''
ಥೊಡ್ಯಾ ತೆಂಪಾನ್ ಪಯ್ಣಾರಿರ್ 'ಯೆತಾಂ ತುಜಿ ವಾಟ್ ಧರುನ್' ಮ್ಹಳ್ಳಿ ಕಾಣಿ ಬುಕಾರುಪಿಂ 29 ಅವಸ್ವರಾಂನಿ ಫಾಯ್ಸ್ ಜಾಲಿ. ಹಿ ಕಾಣಿ ವಾಚ್ಪ್ಯಾಂಕ್ ಬರಿಚ್ ರುಚೊನ್, ತಾಣಿಂ ಎಚ್. ಜೆ. ಗೋವಿಯಸಾಕ್ ಬರೊಚ್ ಸಹಕಾರ್ ದಿಲೊ.
ಎಚ್. ಜೆ. ಗೋವಿಯಸಾನ್ ಕಾಣಿಯೆ ಬಾಬ್ತಿಂ ಕಿತೆಂಚ್ ಸಂಭಾವನ್ ನಾಕಾ ಮ್ಹಳ್ಳೆಂ ತರಿ, ಪಯ್ಣಾರಿಚಿ ಮಾಲ್ಕಿಣ್, ಶ್ರೀಮತಿ ನೆಲ್ಲಿ ಡಿ'ಕೊಸ್ತಾ (ಆತಾಂ ದೆವಾದೀನ್) ಹಿಣೆ, ಎಚ್. ಜೆ. ಗೋವಿಯಸಾಕ್ ಏಕ್ ಹಜಾರ್ ರುಪಯ್ ಸಂಭಾವನ್ ಜಾವ್ನ್ ಧಾಡ್ಲೆ. ಪುಣ್ ಎಚ್. ಜೆ. ಗೋವಿಯಸಾನ್ ತೆ ಪಯ್ಶೆ ಅಸಾ ತಸೆ ಪಾಟಿಂ ಧಾಡುನ್, ಶ್ರೀಮತಿ ನೆಲ್ಲಿ ಡಿ'ಕೊಸ್ತಾಚೊ ಉಪ್ಕಾರ್ ಭಾವ್ಡುನ್, ತೆ ಪಯ್ಶೆ ಪಯ್ಣಾರಿ ಪತ್ರಾಚಿ ವರ್ಗಣಿ ಭರೂಂಕ್ ತಾಂಕ್ ನಾತ್‌ಲ್ಲ್ಯಾ ಗರೀಬಾಂಕ್ ದಿಯಾ ಮ್ಹಣ್ ಕಳಯ್ಲೆಂ.
ತ್ಯಾ ಉಪ್ರಾಂತ್ ಎಚ್. ಜೆ. ಗೋವಿಯಸಾನ್ ಪಾಟಿಂ ಪಳೆಂವ್ಕ್ ನಾ. ತಾಚ್ಯೊ ಸಭಾರ್ ಮಟ್ವೊ ಆನಿ ಸಾಂಕಳ್ ಕಾಣಿಯೊ ಪಯ್ಣಾರಿ ಪತ್ರಾರ್ ಫಾಯ್ಸ್ ಜಾಲ್ಯೊ.
ಅಸೆಂ ಪಯ್ಣಾರಿ ಪತ್ರಾಂ ದ್ವಾರಿಂ ಸುರು ಜಾಲ್ಲೆಂ ಎಚ್. ಜೆ. ಗೋವಿಯಸಾಚೆಂ ಸಾಹಿತಿಕ್ ಪಯ್ಣ್, ಚಡಾವೊತ್ ಸಗ್ಳ್ಯಾ ಕೊಂಕ್ಣಿ ಪತ್ರಾಂನಿ ಫಾಯ್ಸ್ ಜಾಲಾಂ ಆನಿ ತೆಂ ಪಯ್ಣ್ ತೊ ಕಳಾನಾಸ್ತಾಂ ಮುಂದರ್ಸುನ್ ಆಯ್ಲಾ.
ಎಚ್. ಜೆ. ಗೋವಿಯಸಾಚೊ ಸಾಹಿತಿಕ್ ವಾವ್ರ್ :
ಕೊಂಕ್ಣೆಂತ್ಲ್ಯಾ (ಚಡಾವತ್) ಸಗ್ಳ್ಯಾ ಪತ್ರಾಂನಿ ಎಚ್. ಜೆ. ಗೋವಿಯಸಾಚೆಂ ಸಾಹಿತ್ಯ್ ಫಾಯ್ಸ್ ಜಾಲಾಂ. ಪಯ್ಣಾರಿ, ರಾಕ್ಣೊ, ಝೆಲೊ, ಮಿತ್ರ್, ಕಾಣಿಕ್, ಸೇವಕ್, ಕುರೊವ್, ದಿವೊ, ಕುಟಾಮ್, ದಿರ್ವೆಂ, ದೈವಿಕ್ ಆಮೃತ್, ಆರ್ಸೊ, ಉಜ್ವಾಡ್....ಇತ್ಯಾದಿ.
ಕೊಂಕ್ಣಿ ಪತ್ರಾಂನಿ ಫಾಯ್ಸ್ ಜಾಲ್ಲ್ಯೊ ಸಾಂಕಳ್ ಕಾಣಿಯೊ 31 (ಹ್ಯಾ 31 ಸಾಂಕಳ್ ಕಾಣಿಯೆಂ ಪೈಕಿ ಸಾತ್ ಫಾಯ್ಸ್ ಜಾಲ್ಲೆ ಬೂಕ್‌ಯಿ ಆಸಾತ್.)
ಕೊಂಕ್ಣಿ ಪ್ರಕಶನಾ ಥಾವ್ನ್ ಫಾಯ್ಸ್ ಜಾಲ್ಲೆ ಬೂಕ್ 12
ಒಟ್ಟುಕ್ ಕಾದಂಬರಿಯೊ: 36
ನೀಳ್‌ಕಥಾ 14 (ವಿವಿದ್ ಕೊಂಕ್ಣಿ ಪತ್ರಾಂನಿ)
ಮಟ್ಯೊ ಕಾಣಿಯೊ, ಲಗ್ಬಗ್ 1500 (ಪಾಟ್ಲ್ಯಾ ಚಾಳಿಸ್ ವರ‍್ಸಾಂನಿ ವಿವಿದ್ ಕೊಂಕ್ಣಿ ಪತ್ರಾಂನಿ)
ಹೆರ್ ಲೇಖನಾಂ ಕೊಂಕ್ಣಿ ಪತ್ರಾಂನಿ ಧಾರಾಳ್ ಫಾಯ್ಸ್ ಜಾಲ್ಯಾಂತ್ ಆನಿ ಜಾತೆ ಆಸಾತ್.
ಕುಟಾಮ್ ಪತ್ರಾರ್, ಪಾಟ್ಲ್ಯಾ ಸ ವರ್ಸಾಂ ಭಿತರ್ ನಿರಂತರ್ ಲಿಖ್ಣಿ ಝರವ್ನ್ 'ಲಿಸಾಂವಾಚ್ಯೊ ಕಾಣಿಯೊ' 100 ಅಂಕಣಾಂ ಆನಿ 'ನೀಜ್ ಘಡಿತಾಂಚಿಂ ಪಾನಾಂ' 100 ಅಂಕಣಾ ಕರುನ್ ದೋನ್ ಸೆಂಚುರಿ ಮಾರ್ಲ್ಯಾತ್. ಪ್ರಸ್ತುತ್ 'ಕಾರಣಾಂ ಜಾಲಿಂ ಅನ್ವಾರಾಂ' ಮ್ಹಳ್ಳ್ಯಾ ಲೇಖನಾಚೆಂ ಅಂಕಣ್, ಸಿಲ್ವರ್ ಅಂಕಣಾಂಕ್ ಪಾವ್ಲಾಂ.
ಪುರಾಸ್ಕಾರ್: 2007 'ಹಾಂವ್ ತುಕಾ ಭಗ್ಸುಂಚಿ ನಾ' ಬುಕಾಕ್ ಕರ್ನಾಟಕಾ ಸಾಹಿತ್ಯ್ ಎಕಾಡೆಮಿ
2008 - ೦ತ್ Konkanifriends.com U.K, ಹಾಂಚೆ ಥಾವ್ನ್ "ಕೊಂಕಣ್ ಸ್ಟಾರ್'' ಪುರಾಸ್ಕಾರ್.
Tags:
H.J. Goveas, Daiji Dubai Award, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
0 Comment/s.