From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಕೊಂಕ್ಣಿ ಕುಟಮ್ ಬಾಹ್ರೇನ್ ಪ್ರಶಸ್ತಿ ಜೊಡ್ತಾ ಬಾಪ್ ಪ್ರಶಾಂತ್ ಮಾಡ್ತ
Monday, July 23, 2018 / By Adminಬರಯ್ಣಾರಾ ವಿಶಿಂ ಜಾಣಾ ಜಾ...
ತ್ರಿಭಾಶಾ ಲೇಖಕ್, ಕೊಂಕ್ಣಿ ಸಂಸೊದಕ್, ಉತ್ತಿಮ್ ಭಾಶಣ್ಗಾರ್, ಸಂಘಟಕ್, ಬಾಪ್ ಪ್ರಶಾಂತ್ ಮಾಡ್ತ, ಜೆ.ಸ. ಹಾಂಕಾಂ ಹ್ಯಾ ವರ್ಸಾಚಿ ಕೊಂಕ್ಣಿ ಕುಟಮ್ ಬಾಹ್ರೇನ್ ಪ್ರಶಸ್ತಿ ಫಾವೊ ಜಾತಾ. ರುಪಯ್ 50 ಹಜಾರ್, ಯಾದಿಸ್ತಿಕಾ ಆನಿ ಮಾನ್ ಪತ್ರ್ ಆಟಾಪುನ್ ಆಸ್ಚಿ ಹಿ ಪ್ರಶಸ್ತಿ ಜುಲಾಯಿ 28ವೆರ್ ಸಾಂಜೆರ್ ಬೆಂದುರ್ ಸೈಂಟ್ ಸೆಬಾಸ್ಟಿಯನ್ ಪ್ಲ್ಯಾಟಿನಮ್ ಸಭಾಂಗಣಾಂತ್ ಚಲ್ಚಾ ಪರ್ಗಟ್ ಕಾರ್ಯಾವೆಳಿಂ ಹಾತಾಂತರ್ ಕರ್ತಲೆ. ಹ್ಯಾ ಕಾರ್ಯಾಕ್ ನಾಮ್ಣೆಚೊ ಕನ್ನಡ ಕವಿ ಜಯಂತ ಕಾಯ್ಕಿಣಿ ಮುಕೆಲ್ ಸಯ್ರೊ ಜಾವ್ನ್ ಆನಿ ಕೇಂದ್ರ್ ಸಾಹಿತ್ಯ್ ಅಕಾಡೆಮಿ ಪ್ರಶಸ್ತಿ ವಿಜೇತ್ ಕವಿ ಮೆಲ್ವಿನ್ ರೊಡ್ರಿಗಸ್ ಮಾನಾಚೊ ಸಯ್ರೊ ಜಾವ್ನ್ ಹಾಜರ್ ಆಸ್ತಲೆ. ಹಾಂಗಾಸರ್ ಬಾಪ್ ಪ್ರಶಾಂತ್ ಮಾಡ್ತಾಚಾ ಶೈಕ್ಶಣಿಕ್ ಆನಿ ಸಾಹಿತಿಕ್ ವಾವ್ರಾಚಿ ಏಕ್ ಝಳಕ್ ದಿಲ್ಯಾ.
ಶಿಕ್ಷಣ್ :
ಪದವಿ ಶಿಕ್ಷಣ್ : ಯುನಿವರ್ಸಿಟಿ ಕಾಲೇಜ್, ಮಂಗ್ಳುರ್ (ಕನ್ನಡ ಆನಿ ಸಂಸ್ಕೃತ್ ಶಿಕಾಪ್)
ಪದ್ಯುತ್ತರ್ ಶಿಕಾಪ್ : ಬೆಂಗ್ಳೂರ್ ವಿಶ್ವವಿದ್ಯಾನಿಲಯ್ ಥಾವ್ನ್ ಎಂ.ಎ. ಕನ್ನಡ, ಪಯ್ಲೆಂ ರೇಂಕ್, ತೀನ್ ಭಾಂಗಾರ್ ಪದಕಾಂ
ದೇವ್ಶಾಸ್ತ್ರ್ ಆನಿ ತತ್ತ್ವಶಾಸ್ತ್ರ್ ಶಿಕಾಪ್ : ಪುಣೆ - ಜ್ಞಾನದೀಪ ವಿದ್ಯಾಪೀಠ
ಸ್ಥಾನ್ಮಾನ್ :
ಕನ್ನಡ ಪ್ರಾದ್ಯಾಪಕ್ :
ಸೈಂಟ್ ಜೋಸೆಫ್ಸ್ ಕೊಲೇಜ್, ಬೆಂಗ್ಳುರ್ (1975-76)
ಸೈಂಟ್ ಅಲೋಶಿಯಸ್ ಕೊಲೇಜ್, ಮಂಗ್ಳುರ್ (1981-94)
ಪ್ರಿನ್ಸಿಪಾಲ್ :
ಸೈಂಟ್ ಅಲೋಶಿಯಸ್ ಕೊಲೇಜ್, ಮಂಗ್ಳುರ್ (1994 - 2003)
ಸೈಂಟ್ ಜೋಸೆಫ್ಸ್ ಈವ್ನಿಂಗ್ ಕೊಲೇಜ್, ಬೆಂಗ್ಳುರ್ (2005 - 2009)
ವ್ಹಡಿಲ್ ಆನಿ ದಿರೆಕ್ತೊರ್ :
ಆಶಿರ್ವಾದ್ ಅಂತರ್ ಧರ್ಮೀಯ್ ಸಂವಾದ್ಕೇಂದ್ರ್, ಬೆಂಗ್ಳುರ್ (2009 - 2014)
ಫಾತಿಮಾ ರೆತಿರ್ ಮಂದಿರ್, ಮಂಗ್ಳುರ್ (2015 - 2017)
ದಿರೆಕ್ತೊರ್ :
ಕೊಂಕಣಿ ಸಂಸ್ಥೊ, ಸಾಂ. ಲುವಿಸ್ ಕೊಲೇಜ್, ಮಂಗ್ಳೂರ್ (1994 - 2003)
ಆದ್ಲ್ಯಾ ವಿದ್ಯಾರ್ಥಿಂಚೊ ಸಂಘ್, ಸಾಂ. ಲುವಿಸ್ ಕೊಲೇಜ್, ಮಂಗ್ಳೂರ್ (1994 - 2003)
ಸಾಂದೊ :
ಮಂಗ್ಳುರ್ ವಿಶ್ವವಿದ್ಯಾನಿಲಯ್ ಅಕಾಡೆಮಿಕ್ ಕೌನ್ಸಿಲ್
ರಾಕ್ಣೊ ಸಂಪಾದಕ್ ಮಂಡಳಿ
ಹಂಪಿ ಕನ್ನಡ ವಿಶ್ವವಿದ್ಯಾನಿಲಯ್ - ಧರ್ಮ ವಿಶ್ವಕೋಶ ಹಾಚೊ ಸಲಹಾ ಸಂಪಾದಕ್ (1996)
ಅದ್ಯಕ್ಷ್ :
ಮಂಗ್ಳೂರ್ ವಿಶ್ವವಿದ್ಯಾನಿಲಯ್ ಕೊಂಕಣಿ ಪಾಠ್ ಬೂಕ್ ಸಮಿತಿ
ಕೆನರಾ ಕೊಂಕಣಿ ಕಥೋಲಿಕ್ ಜಾಗತಿಕ್ ಸಮ್ಮೇಳ್ ಆರ್ಥಿಕ್ ಸಮಿತಿ (2004)
ಸಂಪಾದಕ್ :
ಅಮರ್ ಕೊಂಕಣಿ ಷಣ್ಮಾಸಿಕ್ (1994 - 2003)
ಯುವಚಿಂತನಾ, ಬೆಂಗ್ಳುರ್ (1975 - 76)
ಆತಾಂ :
ಆರ್ಥಿಕ್ ಅಧಿಕಾರಿ, ಸೈಂಟ್ ಜೊಸೆಫ್ಸ್ ಕೊಲೇಜ್ ಆಫ್ ಕೊಮರ್ಸ್, ಬೆಂಗ್ಳೂರ್ ಅನಿ ದಿರೆಕ್ತೊರ್, ಪೊಂಡಿಚೆರಿ ಯುನಿವರ್ಸಿಟಿ, ಎಂ.ಬಿ.ಎ. ಸ್ಟಡಿಸ್, ಬೆಂಗ್ಳುರ್ ವಲಯ್.
ಚಾರಿತ್ರಿಕ್ ದಾಖ್ಲೊ :
ಸಾಂ. ಪಾಪಾ ಜುವಾಂವ್ ಪಾವ್ಲು ದುಸ್ರೊ ಹಾಚಾ ಮಂಗ್ಳುರ್ಚಾ ಭೆಟೆ ವೆಳಾರ್ (6 ಫೆಬ್ರೆರ್ 1984), ತಾಚೆಂ ಭಾಷಣ್ ವೇದಿ ಥಾವ್ನ್ ಕನ್ನಡಾಂತ್ ಭಾಷಾಂತರ್ ಕೆಲ್ಲೆಂ.
ಕೊಂಕಣಿ ಶೈಕ್ಷಣಿಕ್ ಸೆವಾ
ಪಯ್ಲೆಪಾವ್ಟಿಂ ಕೊಲೇಜ್ ಪದವಿ ಮಟ್ಟಾರ್ ಕೊಂಕಣಿಕ್ ದುಸ್ರ್ಯಾ ಭಾಷೆಚೆಂ ಸ್ಥಾನ್ಮಾನ್ :
ಇಸ್ಕೊಲಾನಿಂ ಕೊಂಕ್ಣಿ ಭಾಸ್ ಶಿಕಂವ್ಚೆಂ ಹೆವ್ಶಿಲ್ಯಾ ದಿಸಾನಿಂ ಕೆಲ್ಲೆಂ. ಪೂಣ್ 1996 ಜುಲಾಯಿ ಮಹಿನ್ಯಾಂತ್ಚ್ಚ್ ಬಾಪ್ ಪ್ರಶಾಂತ್ ಮಾಡ್ತ, ಸಾಂ. ಲುವಿಸ್ ಕೊಲೇಜಿಚೊ ಪ್ರಿನ್ಸಿಪಾಲ್ ಜಾವ್ನಾಸ್ತಾಂ, ಮಂಗ್ಳುರ್ ವಿಶ್ವವಿದ್ಯಾಲಾಯಾಚಿ ಪರ್ವಣ್ಗಿ ಕಾಣ್ಗೆವ್ನ್, ಡಿಗ್ರಿ ವಿದ್ಯಾರ್ಥಿಂಕ್ ಕನ್ನಡ, ಹಿಂದಿ, ಸಂಸ್ಕೃತ ಬದ್ಲಾಕ್ ಕೊಂಕಣಿ ಸಾಹಿತ್ಯ್ ಕಾಣ್ಗೆಂವ್ಚೊ ಅವ್ಕಾಸ್ ಕರ್ನ್ ದಿಲ್ಲೊ ಏಕ್ ಚಾರಿತ್ರಿಕ್ ಘಡಿತ್ ಜಾವ್ನಾಸಾ. ಕರ್ನಾಟಕ ರಾಜ್ಯಾಂತ್ ಪ್ರಪ್ರಥಮ್ ಪಾವ್ಟಿಂ ಕೊಲೇಜ್ ಹಂತಾರ್ ಕೊಂಕಣಿ ಶಿಕಂವ್ಚೆಂ ಆನಿಂ ಶಿಕ್ಚೊ ಅವ್ಕಾಸ್ ಕರ್ನ್ ದಿಲೊ. ತ್ಯೆ ಶಿವಾಯ್ ಕೊಂಕಣಿ ಅಧ್ಯಾಪಕಾಚೊ ಸಾಂಬಾಳ್ ಅನಿ ಕೊಂಕಣಿ ವಿದ್ಯಾರ್ಥಿನಿಂ ವಿಶ್ವವಿದ್ಯಾನಿಲಯಾಕ್ ಪಾವಿತ್ ಕರಿಜಯ್ ಜಾಲ್ಲಿ ಶುಲ್ಕಾ (ಲಗ್ಭಗ್ ಜುಮ್ಲಾ ವರ್ಸಾಕ್ ಏಕ್ ಲಾಕ್ ರುಪಯ್) ಕೊಲೆಜಿನ್ಂಚ್ ಪಾವಿತ್ ಕರ್ಚಿ ವಿಲೆವಾರಿ ಕೆಲಿ.
ಡಿಗ್ರಿ ಹಂತಾರ್ ಕೊಂಕಣಿ ಪಾಠ ಸುರು ಕೆಲ್ಯಾ ವೆಳಾರ್, ಮಂಗ್ಳುರ್ ವಿಶ್ವವಿದ್ಯಾಲಯಾನ್ ಕೊಂಕಣಿ ಪಾಠ್ ಬೂಕ್ ವಿಂಚುನ್ ಕಾಡುಂಕ್ ಏಕ್ ತಜ್ಞಾಂಚಿ ಸಮಿತಿ ನಮಿಯಾರ್ಲಿ, ಆನಿಂ ಬಾಪ್ ಪ್ರಶಾಂತ್ ಮಾಡ್ತಕ್ ಹ್ಯಾ ಸಮಿತಿಚೊ ಅಧ್ಯಕ್ಷ್ ಜಾವ್ನ್ ನಮಿಯಾರ್ಲೊ. ಹ್ಯಾ ಪರಿಂ, ಚಾರ್ ಕೊಂಕಣಿ ಪಾಠ್ಬೂಕ್ ವಿಂಚುನ್ ನಂತರ್ ಪರ್ಗಟ್ ಕರ್ಚೆಂ ಕಾಮ್ ಬಾಪ್ ಪ್ರಶಾಂತ್ ಮಾಡ್ತಾನ್ ಹಾತಿಂ ಘೆವ್ನ್ ವಿದ್ಯಾರ್ಥಿಂಕ್ ಧರ್ಮಾರ್ಥ್ ವಾಂಟ್ಲೆ. (1996)
ಕೊಂಕಣಿ ಸಂಸ್ಥ್ಯಾಚೊ ದಿರೆಕ್ತೊರ್ ಜಾವ್ನಾಸ್ತಾಂ, ಘರಾಚ್ಚ್ ಆಸೊನ್ ಕೊಂಕಣಿ ಪರಿಣತಿ ಜೊಡುಂಕ್ ಆನಿ ಶಿಕೊಂಕ್, ಕರೆಸ್ಪೊಂಡೆನ್ಸ್ ಕೊಂಕಣಿ ಪದ್ಯುತ್ತರ್ ಡಿಪ್ಲೊಮಾ, ದೋನ್ ವರ್ಸಾಂಚೊ ಕೋರ್ಸ್, 1997 ಇಸ್ವೆಂತ್ ಪ್ರಾರಂಭ್ ಕೆಲೊ, ಆನಿ ತ್ಯಾ ಖಾತಿರ್ ಜಾಯ್ ಆಸ್ಲ್ಲೊ ನೋಟ್ಸ್ ತಯಾರ್ ಕೆಲೊ. ಪಯ್ಲ್ಯಾ ದೋನ್ ವರ್ಸಾನಿಂ, ಲಗ್ಭಗ್ 250 ದೇಶ್-ವಿದೇಶಾಂಚಾ ಕೊಂಕಣಿ ಲೊಕಾನ್ ಹೊ ಕೋರ್ಸ್ ಕೆಲೊ. ಹಾಚೆಂ ಸಂಗಿಂ ಸುಫಳ್ ರೀತಿನ್ ಕೋರ್ಸ್ ಕರ್ನ್ ಉತ್ತೀರ್ಣ್ ಜಾಲ್ಯಾ ವಿದ್ಯಾರ್ಥಿಂಕ್ ಪದವಿ ವಿತರಣ್ ಸಮಾರಂಭ್ (ಕೋನ್ವೊಕೇಶನ್) ಮಾಂಡುನ್ ಹಾಡ್ನ್, ಗೊವಾ ವಿಶ್ವವಿದ್ಯಾನಿಲಯಚೊ ಉಪಕುಲಪತಿ ಡಾ. ಬಿ. ಎಸ್. ಸೊಂದೆಚ್ಯಾ ಅಧ್ಯಕ್ಷ್ಪಣಾಖಾಲ್ 2000 ಇಸ್ವೆಂತ್ ಕೊಂಕಣಿ ಚರಿತ್ರೆಂತ್ ಪ್ರಥಮ್ ಜಾವ್ನಾಸ್ಚೊ ಹೊ ಸಮಾರಂಭ್ ಚಲ್ಲೊ. ಹೊ ಕೋರ್ಸ್ ಕೆಲ್ಲ್ಯಾನಿಂ ಕಾಲೆಜಿಂತ್ ಕೊಂಕಣಿ ಸಾಹಿತ್ ಶಿಕಯೆತ್ ಮ್ಹಳ್ಳಿ ಪರ್ವಣ್ಗಿ ವಿಶ್ವವಿದ್ಯಾಲಯಾ ಥಾವ್ನ್ ಮೆಳಾಶೆಂ ಕೆಲೆಂ.
ಹ್ಯಾ ಕೊರ್ಸಾಚಿ ಡಿಪ್ಲೊಮಾ ಡಿಗ್ರಿ ಆಪ್ಣಾಂವ್ಕ್, ಹರ್ಯೆಕ್ಲ್ಯಾನಿಂ ಸಂಶೋಧನ್ ಲೇಖನ್ ಬರಯ್ಜಯ್ ಜಾಲ್ಲೆಂ ಕಡ್ಡಾಯ್ ಕರ್ನ್, ಕೊಂಕಣಿ ವಿಶ್ಯಾಂತ್ ವ್ಹಡಾ ಮಟ್ಟಾಚೆಂ ಸಂಶೋಧನ್ ಲೇಖನಾಂ ಉಜ್ವಾಡಾಕ್ ಹಾಡಯ್ಲಿಂ. ಬಾಪ್ ಪ್ರಶಾಂತ್ ಮಾಡ್ತಾಚಾ ಮಾರ್ಗಾದರ್ಶನಾಖಾಲ್ ಚವ್ಗಾ ವಿದ್ಯಾರ್ಥಿನಿಂ ಸಂಶೋಧನ್ ಲೇಖನಾಂ ಫಾಯ್ಸ್ ಕೆಲ್ಯಾಂತ್.
ಕೊಂಕಣಿ ಸಂಘ್ ಸ್ಥಾಪನ್ :
1994 ಇಸ್ವೆಂತ್ ಪ್ರಿನ್ಸಿಪಾಲ್ ಜಾವ್ನಾಸ್ತಾಂ ಬಾಪ್ ಪ್ರಶಾಂತ್ ಮಾಡ್ತಾನ್ ಕೊಂಕಣಿ ಸಂಘ್ ಸ್ಥಾಪನ್ ಕೆಲೊ. ಹೊ ಸಂಘ್, ವಿದ್ಯಾರ್ಥಿಂ ಖಾತಿರ್ ಸಬಾರ್ ಚಟುವಟಿಗ್ಯೊ ಚಲವ್ನ್ ವರ್ತಾಲೊ ಅನಿ ವಿದ್ಯಾರ್ಥಿಂ ಥಂಯ್ ಸೃಜನಾತ್ಮಕ್ ಬರಪ್ ಫುಲಂವ್ಚಾ ಖಾತಿರ್ 'ಪರ್ಜಳ್' ಮ್ಹಳ್ಳೆಂ ದಾಟೆಂಮೊಟೆಂ ಪತ್ರಿಕಾ ಪ್ರಗಟ್ ಕರ್ತಾಲೊ.
ಕೊಂಕಣಿ ಸಂಸ್ಥ್ಯಾಕ್ ಲಾಭ್ಲ್ಯೊ ಪ್ರಶಸ್ತ್ಯೊ :
ಬಾಪ್ ಪ್ರಶಾಂತ್ ಮಾಡ್ತ ಕೊಂಕಣಿ ಸಂಸ್ಥೆಚೊ ದಿರೆಕ್ತೊರ್ ಜಾವ್ನಾಸ್ತಾ ಹ್ಯಾ ಸಂಸ್ಥ್ಯಾಕ್ ಲಾಭ್ಲ್ಯೊ ಪ್ರಶಸ್ತ್ಯೊ :
ಕೊಂಕಣಿ ಲೇಖಕಾಂಚೊ ಎಕ್ವಟ್ ಕರ್ನಾಟಕ್ (ರಿ) ಪ್ರಶಸ್ತಿ (2001)
ಕೊಂಕಣಿ ಭಾಸ್, ಸಾಹಿತ್ಯ್, ಸಂಸ್ಕೃತೆಚ್ಯಾ ಉದರ್ಗತೆಖಾತಿರ್ ಕೆಲ್ಯಾ ವಾವ್ರಾಕ್ 'ಕಾಣಿಕ್' ಪ್ರಶಸ್ತಿ (2001)
ಕೊಂಕಣಿ ಭಾಷಾ ಮಂಡಳ್, ಕರ್ನಾಟಕ್ (ರಿ), ಮಂಗ್ಳೂರ್ - ಕೊಂಕಣಿಖಾತಿರ್ ಖಳ್ಮಿತ್ ನಾಸ್ತಾಂ ದಿಲ್ಲೊ ವಾವ್ರ್ ವಾಖಣುನ್ (2002)
ಕೊಂಕಣಿ ಸಂಸ್ಥ್ಯಾಚೊ ದಿರೆಕ್ತೊರ್ ಜಾವ್ನಾಸ್ತಾಂ ಸಂಘಟಿತ್ ಕೆಲ್ಲಿಂ ಕಾಮಾಸಾಳಾಂ :
ರಾಷ್ಟ್ರ್ ಮಟ್ಟಾರ್ 'ಕೊಂಕಣಿ ಲಿಪಿ ಆನಿ ಸಾಹಿತ್ಯ್' ವಿಶ್ಯಾಂತ್ ದೋನ್ ಸೆಮಿನಾರ್ - 13 ಆನಿ 20 ಜನೆರ್ 2002, ಸಾಂ. ಲುವಿಸ್ ಕಾಲೇಜಿಂತ್ ಕಾನಡಿ ಲಿಪಿಂತ್ ಕೊಂಕಣಿ ಬರಂವ್ಚಿ ಪ್ರಮಾಣ್ ರೀತಿ ವಿಶಿಂ ದೋನ್ ಕಾಮಾಸಾಳಾಂ ಮಾಂಡುನ್ ಹಾಡ್ಲಿಂ. 29, 30 ನವೆಂಬರ್ 2002 - ಅಖಿಲ್ ಭಾರತ್ ಸಾಹಿತ್ಯ್ ಅಕಾದೆಮಿ ಆನಿ ಕರ್ನಾಟಕ ಕೊಂಕಣಿ ಸಾಹಿತ್ಯ್ ಅಕಾದೆಮಿಚ್ಯಾ ಸಹಭಾಗಿತ್ವಾನ್, 'ಶೆಣಯ್ ಗೊಂಯ್ಬಾಬ್' ವಿಶಿಂ ದೋನ್ ದಿಸಾಂಚೆಂ ಕಾರ್ಯಾಗಾರ್ ಚಲಯ್ಲೆಂ.
'ಅಮರ್ ಕೊಂಕಣಿ' ಸಂಶೋಧನ್ ಪತ್ರಿಕೆಚೆಂ ಸಂಪಾದಕ್ ಜಾವ್ನ್ ತಾಚೆಂ ರೂಪ್ ಬದಲ್ ಕೆಲೆಂ.
ಕೊಂಕಣಿ ಸಂಸ್ಥ್ಯಾಚೊ ಮೂಳ್ ಬಂಡ್ವಳ್ ದೋನ್ ಲಾಕ್ ರುಪಯ್ ಆಸ್ಲ್ಲೊ ತೊ ಅಟ್ರಾ ಲಾಕಾಂಕ್ ಚಡಯ್ಲೊ.
ಕೊಂಕಣಿ ಸಂಸ್ತ್ಯಾಕ್ ಕಂಪ್ಯೂಟರೀಕರಣ್ ಕೆಲೆಂ. ಕೊಂಕಣಿ ಸಂಸ್ಥೊ ವಿಶಾಲ್ ಜಾಗ್ಯಾಕ್ ವೆಲೆಂ.
ಕೊಂಕಣಿ ಸಂಸ್ಥೊ ಆಸ್ಲ್ಲೊ ಕೊಂಕಣಿ ಸಂಶೋಧನ್ ಕೇಂದ್ರ್ ಕೆಲೆಂ.
ಕೊಂಕಣಿ ಸಂಸ್ಥ್ಯಾಚೊ ದಿರೆಕ್ತೊರ್ ಆಸ್ತಾಂ ಸ ಬೂಕ್ ಪ್ರಗಟ್ ಜಾಂವ್ಕ್ ಕಾರಣ್ ಜಾಲೊ (ಕಾವ್ಯಾಂ ಪೆಳೊ, ಕೊಂಕಣಿ ದಾಯ್ಜ್, ಅಂಕ್ವಾರ್ ಅವಯ್, ಭಾಂಗಾರ್ ಮನಿಸ್, ವೊವಿಯೊ ಅನಿ ವೇರ್ಸ್, ಕೊಂಕಣಿ ಕಲಿಯೋ.)
ಕೊಂಕಣಿ ಸಂಬಂಧಿತ್ ಸಂಘಟಿತ್ ಕೆಲ್ಲಿಂ ವಿವಿಧ್ ಕಾರ್ಯಕ್ರಮಾಂ :
2000 ಮಾರ್ಚಾಚಾ 26 ತಾರಿಕೆರ್ ಜೆಪ್ಪುಚಾ ಫಾತಿಮಾ ರೆತಿರ್ ಮಂದಿರಾಂತ್ ಕೊಂಕಣಿಚೊ ಉಂಚ್ಲೊ ಸಾಹಿತಿ ದೆವಾಧೀನ್ ವಿ.ಜೆ.ಪಿ. ಸಲ್ದಾನಾ ಹಾಕಾ ಶ್ರದ್ಧಾಂಜಲಿ ಪಾಟಂವ್ಚೆಂ ಕಾರ್ಯಕ್ರಮ್ ಯೋಜಿತ್ ಕೆಲ್ಲೆಂ. ಹ್ಯಾ ಕಾರ್ಯಕ್ರಮಾಂತ್, ಎಡ್ವಿನ್ ಡಿ'ಸೋಜ, ದೆವಾಧೀನ್ ಮೊನ್ಸಿಝೋರ್ ಅಲೆಕ್ಸಾಂಡರ್ ಡಿ'ಸೋಜ, ಮಾನಾಧಿಕ್ ಮಾರ್ಕ್ ವಾಲ್ಡರ್, ದೆವಾಧೀನ್ ಪ್ರೊ. ಬೆನೆಟ್ ಪಿಂಟೊ, ದೆವಾಧೀನ್ ವಿಲ್ಫಿ ರೆಬಿಂಬಸ್, ಡಾ. ಎಡ್ವರ್ಡ್ ನಜರೇತ್, ಆಲ್ಬನ್ ಕಾಸ್ತೆಲಿನೊ, ದೆವಾಧೀನ್ ಲಿಯೊ ಡಿ'ಸೋಜಾ, ಮಾವ್ರಿಸ್ ಡೆಸಾ ಉಲಯ್ಲೆ. ಸಂಘಟಕ್ ಬಾಪ್ ಪ್ರಶಾಂತ್ ಮಾಡ್ತಾ ಮುಖೆಲ್ ಸೈರೊ ಜಾವ್ನಾಸ್ಲೆ.
2001, ಜುಲಾಯಿ 15 ತಾರಿಕೆರ್, ಸಾಂ. ಲುವಿಸ್ ಕೊಲೇಜ್ aaನಿ ಟಿ.ಎಂ.ಎ.ಪೈ ಫೌಂಡೆಶನ್ ಮಣಿಪಾಲ್, ಹಾಣಿಂ ಪ್ರಿನ್ಸಿಪಾಲ್ ಬಾಪ್ ಪ್ರಶಾಂತ್ ಮಾಡ್ತಚ್ಯಾ ಮುಖೇಲ್ಪಣಾರ್ 'ಡಾ. ಸಿ. ಸಿ. ಎ. ಪೈ (ಸ್ವಾಮಿ ಸುಪ್ರಿಯ) ಸಂಸ್ಮರಣ್ ವಿಚಾರ್ ಸಾತೆಂ' ಮಾಂಡುನ್ ಹಾಡ್ಲೆಂ.
2004 ಎಪ್ರಿಲಾಚ್ಯಾ 24 ತಾರಿಕೆರ್, ಕೊಂಕಣಿ ಬರ್ಪಿ ಬಾಪ್ ಸಿಲ್ವೆಸ್ಟರ್ ಮೊಂತೆರೊ ಸ್ಮಾರಕ್ ಉಪನ್ಯಾಸ್ ಕೊಂಕಣಿ ಸಂಸ್ಥ್ಯಾಚಾ ತರ್ಫೆನ್ ಚಲಯ್ಲೊ ಆನಿ ಬಾಪ್ ಪ್ರಶಾಂತ್ ಮಾಡ್ತಾಚೆ ಚಾರ್ ಬೂಕ್ ಮೊಕ್ಳಿಕ್ ಕೆಲೆ.
2002 ದೆವಾಧೀನ್ 'ಪ್ರೊ. ಬೆನೆಟ್ ಪಿಂಟೊ ಸ್ಮಾರಕ್ ವಾರ್ಷಿಕ್ ಉಪನ್ಯಾಸ್' ಬಾಪ್ ಪ್ರಶಾಂತ್ ಮಾಡ್ತಾನ್ ಪ್ರಾರಂಭ್ ಕೆಲೊ.
ಕೊಂಕಣಿ ಸಮಾಜೆಂತ್ ಸಂಘಟನ್ ಸೆವಾ :
ಕೊಂಕಣಿ ಸಾಂಸ್ಕೃತಿಕ್ ಉತ್ಸವ್ : 11 ಜನೆರ್ 1996, ಸಾಂ. ಲುವಿಸ್ ಕಾಲೇಜಿಂತ್, ಕೊಂಕಣಿ ಸಾಂಸ್ಕೃತಿಕ್ ಉತ್ಸವ್ ಚಲಯ್ಲೊ ಆನಿ ಕೊಂಕಣಿ ಸಾಂಸ್ಕೃತಿಕ್ ವಸ್ತುಪ್ರದರ್ಶನ್ ಮಾಂಡುನ್ ಹಾಡ್ಲೆಂ
ಡಿಸೆಂಬರ್ 28, 29, 30, 1999, ಟಿಪ್ಪು ಸುಲ್ತಾನಾಚ್ಯೆ ಬಂದಡೆ ಥಾವ್ನ್ ಕ್ರಿಸ್ತಾವಾಂಕ್ ಸುಟ್ಕಾ ಮೆಳ್ಲ್ಯಾ ದ್ವಿಶತಮಾನೋತ್ಸವ್ ಸಂಭ್ರಮ್ ಸಾಂ. ಲುವಿಸ್ ಕೊಲೆಜಿಂತ್ ಚಲಯ್ಲೆಂ ಆನಿ ಆರ್ಥಿಕ್ ಸಮಿತಿಚೆಂ ಮುಖೇಲ್ಪಣ್ ಘೆವ್ನ್ ಕೊಂಕಣಿ ದಾಕ್ತೆರಾಂಕ್, ಇಜ್ನೆರಾಂಕ್, ಸಾಹಿತಿಂಕ್ ಶಿಕ್ಪಾ ಕ್ಷೇತ್ರಾಂಚಾಂಕ್ ಎಕ್ವಾಟಾವ್ನ್ ಕೊಂಕಣಿ ಸಮಾಜೆಚಾ ಉದರ್ಗತೆ ವಿಶ್ಯಾಂತ್ ಸಂವಾದ್ ಚಲಯ್ಲೊ.
ದಸೆಂಬರ್ 27 - 30, 2004 : ಮಂಗ್ಳುರಾಂತ್ ಚಲ್ಲ್ಯಾ 'ಕೆನರಾ ಕೊಂಕಣಿ ಕಥೋಲಿಕ್ ಜಾಗತಿಕ್ ಸಮ್ಮೇಳನ್' ಹಾಚ್ಯಾ ಆರ್ಥಿಕ್ ಸಮಿತಿಚೊ ಅಧ್ಯಕ್ಷ್ ಜಾವ್ನಾಸ್ಲ್ಲೊ.
ಕೊಂಕಣಿ ಸಾಹಿತಿಕ್ ಸೆವಾ :
ಸೃಜನಾತ್ಮಕ್ ಬರೊವ್ಪಿ : 1981 ಇಸ್ವೆ ಥಾವ್ನ್ ಕೊಂಕ್ಣೆಂತ್ 'ರಾಕ್ಣೊ' ಸಾತೊಳ್ಯಾರ್ ಆನಿ 'ನಮಾನ್ ಬಾಳೊಕ್ ಜೆಜು' ಮಹಿನ್ಯಾಳ್ ಪತ್ರಾರ್ ಬರಂವ್ಕ್ ಪ್ರಾರಂಭ್ ಕೆಲೆಂ. ರಾಕ್ಣೊ ಸಾತೊಳ್ಯಾರ್ ಹ್ಯಾ ಶೀರ್ಷಿಕಾಂ ಖಾಲ್ ಅಂಕಣಾಂ ಬರಯ್ಲಿಂ - 'ಕಿಟಾಳ್', 'ರಾಟಾವಳ್', 'ಲಾರಾಂ ತಾರಾಂ', 'ಅಮ್ಗೆರ್' ಆನಿ 'ವಲ್ಲಿ ಪಾದ್ರ್ಯಾಬ್'. ತಾಂಚಾ ವಿಡಂಬನಾತ್ಮಕ್ ಲೇಖನಾಂಚಿಂ ಅಂಕಣಾಂ ಆನಿ ಪುಸ್ತಕಾಂ ಭಾರಿಚ್ ಲೊಕಾಮೊಗಾಳ್ ಜಾವ್ನ್ ತೊ 'ಕಿಟಾಳ್ ಪಾದ್ರ್ಯಾಬ್' ಆನಿ 'ವಲ್ಲಿ ಪಾದ್ರ್ಯಾಬ್' ಮ್ಹಣ್ ನಾಂವಾಡ್ಲೊ.
ಬಾಪ್ ಪ್ರಶಾಂತ್ ಮಾಡ್ತಾಚಿಂ ಕೊಂಕಣಿ ಪುಸ್ತಕಾಂ :
ಶೆಂಬರ್ ಕಿಟಾಳಾಂ - ಪಯ್ಲಿ ಆವೃತ್ತಿ (1986)
ಶೆಂಬರ್ ಕಿಟಾಳಾಂ - ದುಸ್ರಿ ಆವೃತ್ತಿ (2004)
ರಾಟಾವಳ್ (2004)
ಕೊಂಕಣಿ ಪಿಕೊಳಿಂ ಸಬ್ದಾಕೋಶ್, ಪಾನಾಂ 650 (2004)
ವಲ್ಲಿ ಪಾದ್ರ್ಯಾಬ್ (ವಿನೋದ್ ಲೇಖನಾಂ) (2014)
ಇತರ್ ಭಾಸೆನಿಂ - ಇಂಗ್ಲಿಷಾಂತ್ :
ಆನ್ ಈಗಲ್ಸ್ ವಿಂಗ್ಸ್ - ಸಾಂ. ಲುವಿಸ್ ಕೊಲೇಜಿಚಿ 125 ವರ್ಸಾಂಚಿ ಚರಿತ್ರಾ, ಇಂಗ್ಲಿಷ್ ಭಾಸೆಂತ್ (500 ಪಾನಾಂ)
ಕನ್ನಡಾಂತ್ :
ವೀರ ವಿರಕ್ತ
ಕ್ರಿಸ್ತ ಅನುಕರಣೆ - ಪಯ್ಲಿಆವೃತ್ತಿ (1978), ದುಸ್ರಿ ಅವೃತ್ತಿ 'ನಿನ್ನಂತೆ ನಾನಾಗಲು' (2004)
ಸಾನಿಧ್ಯ (2004)
'ಸಾವಿರ ಹೂಗಳು ಅರಳಲಿ' - ಹೊ ಬೂಕ್ ಹಿಂದಿಕ್ ತರ್ಜುಮೊ ಜಾಲಾ - 'ಫೂಲ್ ಖಿಲೆಂ ಹಜಾರ್' (1988)
ಕನ್ನಡ ಪದನಿಧಿ - ಕನ್ನಡಾಚೊ ಪ್ರಖ್ಯಾತ್ ಸಮಾನಾರ್ಥಕ್ ಪದಕೋಶ್ (ಪಾನಾಂ 800), ದೋನ್ ಆವೃತ್ತಿ ಪ್ರಗಟ್ ಜಾಲ್ಯಾತ್.
ಫಾಮಾದ್ ಅಂಕಣ್ ಬರೊವ್ಪಿ :
'ಉದಯವಾಣಿ' ಕನ್ನಡ ದಿಸಾಳ್ಯಾರ್ ಹರ್ಯೆಕಾ ಆಯ್ತಾರಾ ತಾಚೆಂ ವೈಚಾರಿಕ್ ಅಂಕಣ್ 'ಚಕಿತ ಚಿತ್ತ' ಲಗ್ಭಗ್ 9 ವರ್ಸಾಂ ಥಾವ್ನ್ ಖಳ್ಮಿತ್ ನಾಸ್ತಾಂ ಪ್ರಗಟ್ ಜಾಲಾಂ.
ಹ್ಯೆ ಶಿವಾಯ್ ತಾಚಿಂ ಸಂಶೋಧನ್ ಲೇಖನಾಂ ಪರ್ಗಟ್ ಜಾಲ್ಲಿಂ ಕನ್ನಡ ಪತ್ರಾಂ - 'ಸಾಧನಾ' (ಬೆಂಗ್ಳುರ್ ವಿಶ್ವವಿದ್ಯಾನಿಲಯ್), 'ಜೀವನ' ಮಹಿನ್ಯಾಳೆಂ, 'ಕಸ್ತೂರಿ' ಮಹಿನ್ಯಾಳೆಂ, 'ಸಂತೋಷ' ಮಹಿನ್ಯಾಳೆಂ, 'ಉಷಾಕಿರಣ' ದಿಸಾಳೆಂ...
ಬಾಪ್ ಪ್ರಶಾಂತ್ ಮಾಡ್ತ ಅಧ್ಯಕ್ಷ್ ಜಾವ್ನ್ :
ಕನ್ನಡ ಸಾಹಿತ್ಯ ಸಮ್ಮೇಳನ - ಕಡಬ, ಪುತ್ತೂರು (2000)
ಕನ್ನಡ ಸಾಹಿತ್ಯ ಸಮ್ಮೇಳನ, ಮುಚ್ಚೂರು( 2005)
ಕನ್ನಡ ಸಾಹಿತ್ಯ ಸಮ್ಮೇಳನ, ಸುಳ್ಯ ತಾಲೂಕು( 2013)
ಉದ್ಘಾಟಕ್ - ಕರ್ನಾಟಕ ಸರಕಾರ - ಕರಾವಳಿ ಉತ್ಸವ
ಪ್ರಶಸ್ತಿ - ಪುರಸ್ಕಾರ್ :
ಇಂಡಿಯನ್ ಕಥೋಲಿಕ್ ಪ್ರೆಸ್ಸ್ ಅಸೊಸಿಯೆಷನ್ ಅವಾರ್ಡ್ (2008)
ದಾಂತಿ ಸ್ಮಾರಕ್ ಪ್ರಶಸ್ತಿ (2008)
ಸಂದೇಶ ಪ್ರಶಸ್ತಿ - ಕೊಂಕಣಿ ಸಾಹಿತ್ಯ ಖಾತಿರ್ (2009)
ಲೈಫ್ಟಾಯ್ಮ್ ಅಚೀವ್ಮೆಂಟ್ ಅವಾರ್ಡ್ - ಫೆಡರೇಶನ್ ಆಫ್ ಕೊಂಕಣಿ ಕ್ಯಾಥೊಲಿಕ್ ಆಸೋಸಿಯೆಶನ್ಸ್ ಅಫ್ ಕರ್ನಾಟಕ (2011)
'ಇಂಡಿಯಾ ಟುಡೇ' ವೀಕ್ಲಿ ಥಾವ್ನ್, ಭಾರತಾಚ್ಯಾ 50 ಸೃಜನಾತ್ಮಕ್ ವೆಕ್ತಿಂ ಪಯ್ಕಿ ಎಕ್ಲೊ ಮ್ಹಳ್ಳಿ ವಿಂಚವ್ಣಿ ಆನಿ ತ್ಯಾ ವಿಶ್ಯಾಂತ್ ಲೇಖನ್ ಪರ್ಗಟ್ (ಇಂಡಿಯಾ ಟುಡೇ - 2008).
2018 ಫೆಬ್ರವರಿಂತ್, ಪ್ರಶಾಂತ್ ಮಾಡ್ತ ವಿರಚಿತ್ ಕೊಂಕಣಿಚೊ ಅಪೂರ್ವ್ 'ಥೆಸಾರ್' (ಸಮಾನಾರ್ಥಕ್-ವಿರೊಧಾತ್ಮಕ್ ಸಬ್ದಾಂಕೋಶ್) ಉತ್ರಾಂ ನಿಧಿ ಪರ್ಗಟ್ ಜಾಲೊ. ಪಾನಾಂ 500. ಸುಮಾರ್ 5000 ಕೊಂಕಣಿ ಸಬ್ದಾಂಕ್ ಸಮಾನಾರ್ಥಕ್ ಸಬ್ದ್.
ಕೊಂಕ್ಣಿ ಸಾಹಿತ್ಯಾಕ್ ದಿಲ್ಲ್ಯಾ ವಿಶೇಸ್ ದೆಣ್ಗೆ ಖಾತಿರ್ ಕೊಂಕ್ಣಿ ಕುಟಮ್ ಬಾಹ್ರೇನ್ ಹಾಂಚಿ ಸಾಹಿತ್ಯ್ ಪ್ರಶಸ್ತಿ ಜೊಡ್ಲೆಲ್ಯಾ ಬಾಪ್ ಪ್ರಶಾಂತ್ ಮಾಡ್ತಾಕ್ ಆಖ್ಖ್ಯಾ ಕೊಂಕ್ಣಿ ಸಮಾಜೆ ತರ್ಫೆನ್ ಹಾರ್ದಿಕ್ ಉಲ್ಲಾಸ್ ಆನಿ ಅಭಿನಂದನ್.
Tags:
Fr Prashanth Madtha, Thesar, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *
|
-
-
-
-
4/26/2020 ವಿವಿಧ್ ಮುಳಾಂ ಥಾವ್ನ್ ಹೆಲಿಕಾಪ್ಟರ್ ಮನಿ...
-
2/5/2020 ಸನ್ನು, ನಿಡ್ಡೋಡಿ. ಕಾಜಾರ್ ಕೆದಾಳಾ..?...
-
9/30/2018 ಹೆರೊಲ್ಪಿಯುಸ್ ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
-
-
-
0 Comment/s.