From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಭಾರತಾಚೊ ಪಯ್ಲೊ ಕ್ರಿಸ್ತಾಂವ್ ಐ.ಸಿ.ಎಸ್. ಅಧಿಕಾರಿ - ದೊ| ಎಫ್. ಸಾವೆರ್ ಡಿ'ಸೋಜಾ
Tuesday, August 22, 2017
ಪ್ರಸ್ತುತ್ ಮೂಲ್ಕಿ ಫಿರ್ಗಜೆಚೊ ಚಿತ್ರಾಪು ಗಾಂವ್, ಕೆನರಾ ಕೊಂಕ್ಣಿ ಕ್ರಿಸ್ತಾಂವಾಂಚೆಂ ಕುಳಾರ್. ಹ್ಯಾಚ್ ಕುಳಾರಾ ಥಾವ್ನ್ ಸಬಾರ್ ನಾಂವಾಡ್ದಿಕ್ ಕೊಂಕ್ಣಿ ಕ್ರಿಸ್ತಾಂವ್ ಮನಿಸ್ ಆಮ್ಚ್ಯಾ ಸಮಾಜೆಕ್ ಲಾಭ್ಲ್ಯಾತ್. ತಾಂಚ್ಯಾ ಪಯ್ಕಿ ಪ್ರಮುಖ್ ಜಾವ್ನಾಸಾತ್ ದೊ| ಎಫ್. ಸಾವೆರ್ ಡಿ'ಸೋಜಾ, ಭಾರತಾಚೊ ಪಯ್ಲೊ ಕ್ರಿಸ್ತಾಂವ್ ಐ.ಸಿ.ಎಸ್. ಅಧಿಕಾರಿ ಆನಿ ತಾಚೊ ಭಾಚೊ ಜೆಜ್ವಿತ್ ಸಭೆಚೊ ಬಾ| ಜೆರೊಮ್ ಡಿ'ಸೋಜಾ ಪ್ರಮುಖ್.
ದೊ| ಎಫ್.ಎಕ್ಸ್. ಡಿ'ಸೋಜಾ, ಮಾನೆಸ್ತ್ ಪೀಟರ್ ರುಜಾರ್ ಡಿ'ಸೋಜಾಚೊ ಆನಿ ಎಮಿಲಿಯನ್ ಫೆರ್ನಾಂಡಿಸಾಚೊ ಪೂತ್. ತಾಚೊ ಜಲ್ಮ್ 28-07-1869 0ತ್ ಚಿತ್ರಾಪುಂತ್, 'ಸಾಗರ ಭವನ್' ಘರಾಂತ್ ಜಾಲ್ಲೊ. ತಾಚೆಂ ಪ್ರಾಥಮಿಕ್ ಆನಿ ಹೈಸ್ಕೂಲ್ ಶಿಕಾಪ್ ಮೂಲ್ಕಿಂತ್ ಶಿಕ್ಲೊ. ಟ್ರಿಚ್ಚಿಚ್ಯಾ ಸಾಂ. ಜುಜೆ ಕೊಲೆಜಿ ಥಾವ್ನ್ 1887 0ತ್ ಬಿ.ಎ. ಸನದ್ ಜೊಡ್ಲಿ. ಬಿ.ಎ. ಶಿಕ್ಪಾಂತ್ ಇಂಗ್ಲಿಷಾಂತ್ ಆನಿ ವಿಜ್ಞಾನಾಂತ್ ತಾಣೆಂ ಪ್ರಥಮ್ ಸ್ಥಾನ್ ಜೋಡ್ನ್, ಭಾಂಗಾರಾಚಿಂ ದೋನ್ ಪದಕಾಂ ಜೊಡ್ಲಿಂ. ಉಪ್ರಾಂತ್ ಇಂಗ್ಲೆಂಡಾಂತ್ ಶಿಕ್ಪಾ ಖಾತಿರ್ ಚಲ್ಲೆಲ್ಲ್ಯಾ ಪರೀಕ್ಷೆಂತ್ ತೊ ಪಯ್ಲೊ ಆಯ್ಲೊ. ಇಂಗ್ಲೆಂಡಾಂತ್, ಸೈಂಟ್ ಜೋನ್ಸ್ ಕೊಲೆಜ್, ಕೇಂಬ್ರಿಜ್ ಹಾಂಗಾ ಥಾವ್ನ್ ಕಾನೂನ್ ಶಿಕಾಪ್ ತಾಣೆಂ ಜೊಡ್ಲೆಂ. ಉಪ್ರಾಂತ್ ಐ.ಸಿ.ಎಸ್. ಪರೀಕ್ಷಾ ಉತ್ತೀರ್ಣ್ ಜಾವ್ನ್, ಭಾರತಾಂತ್ 'ಇಂಡಿಯನ್ ಜ್ಯುಡಿಶಿಯಲ್ ಸರ್ವಿಸಾ'ಕ್ ಸೆರ್ವಾಲೊ. ಸಿಂಧ್ ಪ್ರಾಂತ್ಯಾಂತ್ ಕಮಿಷನರ್ ಜಾವ್ನ್ ಆಸ್ತಾನಾ, ಮಹಾತ್ಮಾ ಗಾಂಧೀಜಿಚಿ, ತನ್ಕಿ ಕರ್ಚಿ ಜವಾಬ್ದಾರಿ ತಾಕಾ ದಿಲ್ಲಿ, ತಿ ತಾಣೆ ಇನ್ಕಾರ್ ಕೆಲ್ಲಿ. ಕರಾಚಿಚೊ ಕಮಿಷನರ್ ಜಾವ್ನ್ ತಾಣೆಂ ವಾವ್ರ್ ದಿಲಾ.
ನಿವೃತ್ತಿ ಉಪ್ರಾಂತ್, ಸೆಂಟ್ರಲ್ ಲೆಜಿಸ್ಲೇಟಿವ್ ಎಸೆಂಬ್ಲಿಚೊ ತೊ ಸಾಂದೊ ಜಾವ್ನ್ ನೇಮಕ್ ಜಾಲ್ಲೊ (1929). ಅಖಿಲ್ ಭಾರತೀಯ್ ಕಥೊಲಿಕ್ ಸಂಘಟನಾಚೊ ಅಧ್ಯಕ್ಷ್ ಜಾವ್ನ್ ತಾಣೆಂ ವಾವ್ರ್ ದಿಲಾ.
ದೊ| ಎಫ್.ಎಕ್ಸ್. ಡಿ'ಸೋಜಾ ಭಾರತಾಚೊ ಐ.ಸಿ.ಎಸ್. ಹುದ್ದೊ ಆಪ್ಣಾಯ್‌ಲ್ಲೊ ಪಯ್ಲೊ ಕ್ರಿಸ್ತಾಂವ್, ಆನಿ ಅವಿಭಾಜ್ಯ್ ದಕ್ಷಿಣ ಕನ್ನಡ ಜಿಲ್ಲ್ಯಾಚೊ ಪಯ್ಲೊ ನಾಗರಿಕ್ ಜಾವ್ನಾಸಾ. ತಾಚೊ ಎಕ್ಲೊ ಭಾವ್ ಸಾಲ್ವದೋರ್ ಜೆಜ್ವಿತ್ ಯಾಜಕ್, ಪೂಣ್ ತೊ ವೆಗಿಂಚ್ ಮರಣ್ ಪಾವ್‌ಲ್ಲೊ (1872-1904). ತಾಚಿ ಭಯ್ಣ್ ಸೆರ್ಫಿನ್, ಅನ್ಯೇಕ್ ಮ್ಹಾನ್ ಕೊಂಕ್ಣಿ ಮನಿಸ್ ಜೆಜ್ವಿತ್ ಬಾ| ಜೆರೊಮ್ ಡಿ'ಸೋಜಾಚಿ ಆವಯ್.
ದೊ| ಎಫ್.ಎಕ್ಸ್. ಡಿ'ಸೋಜಾ 27-2-1943ವೆರ್ ಅಂತರ್ಲೊ. ಕೊಡಿಯಾಲ್‌ಬೈಲ್ ಕೊಪೆಲಾಂತ್ ತಾಕಾ ನಿಕೆಪಿಲೆಂ.
ಕೊಂಕ್ಣಿ ಮನಿಸ್ ಸಾಹಸಿ, ಬುದ್ವಂತ್ ಆನಿ ಖಂಯ್ಚ್ಯಾ ಜಾಗ್ಯಾರ್ ಪಾವ್ತಾತ್, ಥಂಯ್ಚ್ಯಾ ಸಂಸ್ಕೃತಿಂತ್ ಏಕ್ ಜಾವ್ನ್ ಜಿಯೆತಾತ್ ಹಾಕಾ ಧಾಕ್ಲೊ ಜಾವ್ನಾಸಾ ದೊ| ಎಫ್.ಎಕ್ಸ್. ಡಿ'ಸೋಜಾ. ಚಿತ್ರಾಪು ತಸಲ್ಯಾ ಗ್ರಾಮಾಂತರ್ ಪ್ರದೇಶಾಂತ್ ಜಲ್ಮಲ್ಯಾರೀ, ಪಯ್ಶಿಲ್ಯಾ ಇಂಗ್ಲೆಂಡಾಕ್ ವೊಚೊನ್ ಕಾನೂನ್ ಆನಿ ಐ.ಸಿ.ಎಸ್. ಶಿಕಾಪ್ ಶಿಕ್ಲೊ. ತಾಚಿ ದೇಕ್ ಘೆವ್ನ್, ಹಾಂಗಾಚ್ಯಾ ಅವಿಭಾಜ್ಯ್ ದ.ಕ. ಜಿಲ್ಲ್ಯಾಚೆ ಮಾಗಿರ್ ಸಬಾರ್ ಜಣ್ ತಾಚಿ ವಾಟ್ ಧರ್ನ್ ಗೆಲ್ಯಾತ್. ತಾಂಕಾಂ ವಾಟ್ ವ್ಹರ್ನ್ ವೆಲ್ಲೊ ಪಯ್ಲೊ ಮ್ಹನಿಸ್ ತೊ ಜಾವ್ನಾಸಾ.
ಸಗ್ಳ್ಯಾ ಭಾರತಾಚಾ ಕ್ರಿಸ್ತಾಂವ್ ಲೊಕಾಚಾ ಸಂಘಟನಾಕ್ ಮುಕೆಲ್ಪಣ್ ದಿಲ್ಲಿ ಕೀರ್ತ್ ತಾಚಿ ಜಾವ್ನಾಸಾ. ಮಹಾತ್ಮಾ ಗಾಂಧಿ ತಸಲ್ಯಾ ಮಹಾನ್ ವೆಕ್ತಿಚಿ ತನ್ಕಿ ಕರುಂಕ್ ಇನ್ಕಾರ್ ಕೆಲ್ಲೆಂ ತಾಚೆ ಥಂಯ್ ದೇಶ್ ಭಕ್ತಿ ಅಸ್ಲಾಲಿ ಮ್ಹಳ್ಳ್ಯಾಕ್ ರುಜ್ವಾತ್ ಜಾವ್ನಾಸಾ.
ಅವಿಭಾಜ್ಯ್ ದ.ಕ. ಜಿಲ್ಲ್ಯಾಚೊ ಪಯ್ಲೊ ಐ.ಸಿ.ಎಸ್. ನಾಗರಿಕ್ ಜಾವ್ನ್ ದೇಶ್ ಭರ್ ಆನಿ ಆತಾಂಚಾ ಪಾಕಿಸ್ತಾನಾಂತ್ ತಾಣೆಂ ದಿಲ್ಲಿ ಸೆವಾ ಆದರ್ಶ್ ಜಾವ್ನಾಸಾ. ಸೆಂಟ್ರಲ್ ಅಸೆಂಬ್ಲಿಚೊ ಸಾಂದೊ ಜಾವ್ನ್ ವಾವ್ರ್ ದಿಲ್ಲೊ ಆಮ್ಚ್ಯಾ ಜಿಲ್ಲ್ಯಾಚೊ ಮಾಲ್ಗಡೊ ಶಾಸಕ್ ಮ್ಹಣ್ಯೆತ್. ಅಶೆಂ ದಶಕಾಂ ಆದಿಂ ಸರ್ಕಾರಿ ಹುದ್ದೆ, ರಾಷ್ಟ್ರೀಯ್ ಹಂತಾರ್ ಸಂಘಟನಾತ್ಮಕ್ ಮುಕೆಲ್ಪೊಣ್, ಶಾಸನ್ ಸಭೆಚೆಂ ಸಾಂದೆಪಣ್ ಆಪ್ಣಾಯಿಲ್ಲೊ ಮ್ಹಾನ್ ಕೊಂಕ್ಣಿ ಮ್ಹನಿಸ್ ದೊ| ಎಫ್.ಎಕ್ಸ್. ಡಿ'ಸೋಜಾ ಜಾವ್ನಾಸಾ.
Tags:
Dr. F. X. Dsouza, Dr. F. Xavier. Dsouza, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
0 Comment/s.