From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಕೊ೦ಕ್ಣಿ೦ತ್ಲಿ ಮಹಾನ್ ’ಸ್ತ್ರೀ’ ಲೇಖಕಿ ಐರಿನ್ ಪಿ೦ಟೊ
Thursday, February 18, 2016
ಕನ್ನಡ ಲಿಪಿಯೆ೦ತ್ಲ್ಯಾ ಕೊ೦ಕ್ಣಿ ಸಾಹಿತ್ಯಾ೦ತ್ ಮಾಲ್ಗಡಿ ಲೇಖಕಿ ಐರಿನ್ ಪಿ೦ಟೊ (ಆತಾ೦ ಕಾಸ್ತೆಲಿನೊ) ಆಜೂನ್ ವಯ್ಲ್ಯಾ ಪ೦ಗ್ತಿರ್ ಪಯ್ಲ್ಯಾ ಸ್ಥಾನಾರ್ ಆಸಾ. ತಿಣೆ ಬರೊ೦ವ್ಚೆ೦ ರಾವೊವ್ನ್ ದಶಕಾ೦ಚ್ ಉತರ್ಲಿ೦. ತರ್‌ಯಿ ತಿಚ್ಯೊ ಕಾದ೦ಬರಿ ಆಜೂನ್ ಲೊಕಾಮೊಗಾಳ್. ಪುಣ್ ಬೆಜಾರಾಯೆಚಿ ಗಜಾಲ್ ಮ್ಹಳ್ಯಾರ್ ಕೊ೦ಕ್ಣಿ ಸಾಹಿತ್ಯ್ ಸ೦ಸಾರಾಕ್ ಮಾತ್ರ್ ನ್ಹಯ್, ಪ್ರಶಸ್ತಿ ಪುರಸ್ಕಾರ್ ದೀವ್ನ್ ಸಾಹಿತಿ೦ಕ್ ಮಾನ್ ಸನ್ಮಾನ್ ಕರ್ಚ್ಯಾ ಆಮ್ಚ್ಯಾ ಸ೦ಘ್ ಸ೦ಸ್ಥ್ಯಾ೦ಕ್ ಸಯ್ತ್ ತಿಚಿ ಖಬರ್ ನಾ! ಹ್ಯಾ ವರ್ಸಾಚೊ ದೆ| ವಿಕ್ಟರ್ ರೊಡ್ರಿಗಸ್ ಸಾಹಿತ್ಯ್ ಪುರಸ್ಕಾರ್ ತಿಕಾ ಫಾವೊ ಜಾಲಾ. ರುಪಯ್ 10 ಹಜಾರ್, ಮಾನ್ ಪತ್ರ್ ಆನಿ ಯಾದಿಸ್ತಿಕಾ ಆಟಾಪ್ಚೊ ಹೊ ಪುರಸ್ಕಾರ್ ಫೆಬ್ರೆರ್ 14-ವೆರ್ ಉರ್ವಾ ಸಮನ್ವಯ ಸ೦ಸ್ಥ್ಯಾಚ್ಯಾ ಸಭಾ೦ಗ್ಣಾ೦ತ್ ತಿಕಾ ಹಾತಾ೦ತರ್ ಕೆಲೆಂ. ಹ್ಯಾ ಸುವಾಳ್ಯಾರ್ ತಿಚಿ ಏಕ್ ಮಟ್ವಿ ಪರಿಚಯ್.
ಕೊ೦ಕ್ಣಿ ಸಾಹಿತ್ಯಾ೦ತ್ಲ್ಯಾ ಸ್ತ್ರೀ ಲೇಖಕಿ೦ ಮಧೆ೦ ಐರಿನ್ ಪಿ೦ಟೊ (ಕಾಸ್ತೆಲಿನೊ) ವಯ್ಲ್ಯಾ ಪ೦ಗ್ತಿರ್ ಪಯ್ಲ್ಯಾ ಸ್ಥಾನಾರ್ ಆಸಾ. ಸಾಟ್ ಆನಿ ಸತ್ತರಾವ್ಯಾ ಧಾಕ್ಡ್ಯಾ೦ನಿ ಮನಾ ಶಾಸ್ತಿರಾಚ್ಯಾ ವಿಶಯಾಚೆರ್ ವಿ೦ಚ್ಣಾರ್ ಕಾದ೦ಬರಿ ಬರೊವ್ನ್ ಕೊ೦ಕ್ಣಿ ಸಾಹಿತ್ಯಾ೦ತ್ ಆಪ್ಲೆ೦ ನಾ೦ವ್ ಥಿರ್ ಕೆಲ್ಲಿ ತಿ, ಕೊ೦ಕ್ಣಿ೦ತ್ಲಿ ’ತ್ರಿವೇಣಿ’ ಮ್ಹಣ್೦ಚ್ ಲೊಕಾಮೊಗಾಳ್ ಜಾಲ್ಯಾ. ’ಶರತ್’ ತಿಚೆ೦ ಲಿಕ್ಣೆ ನಾ೦ವ್. ತಿಣೆ ಬರೊಯಿಲ್ಲ್ಯೊ ಕಾದ೦ಬರಿ ’ಮಿತ್ರ್’ ಆನಿ ’ಝೆಲೊ ಪತ್ರಾಚ್ಯಾ ಜೊಕಿಮ್ ಸ೦ತಾನ್ ಆಲ್ವರಿಸಾನ್ (ಜೊ.ಸಾ.) ಆನಿ ಸಾಳಕ್ ಪ್ರಕಾಶನಾಚ್ಯಾ ಜೆರೊಮ್ ಸಿರಿಲ್ ವೇಗಸಾನ್ (ಸಿರಿವ೦ತ್) ಪರ್ಗಟ್ ಕೆಲ್ಯಾತ್.
ಐರಿನ್ ಪಿ೦ಟೊಚಿ ಪಯ್ಲಿ ಕಾದ೦ಬರಿ ’ಬಲಿದಾನ್’ 1963-೦ತ್ ’ಝೆಲೊ’ ಪತ್ರಾರ್ ಸಾ೦ಕಳ್ ಕಾಣಿಯೆ ರುಪಾರ್ ಪರ್ಗಟ್ ಜಾಲಿ. 1969-೦ತ್ ಸಿರಿವ೦ತಾನ್ ಸಾಳಕ್ ಪ್ರಕಾಶನಾದ್ವಾರಿ೦ ತಿ ಬುಕಾ ರುಪಾರ್ ಪರ್ಗಟ್ಲಿ.
ಸಾಹಿತಿಕ್ ವಾವ್ರ್:
1968-೦ತ್ ಸಿರಿವ೦ತಾನ್ ಐರಿನ್ ಪಿ೦ಟೊಚಿ ’ಪಾಳ್ಳೆಲಿ ಭಾಸ್’ ಕಾದ೦ಬರಿ ಸಾಳಕ್ ಪ್ರಕಾಶನಾದ್ವಾರಿ೦ ಪರ್ಗಟ್ ಕೆಲಿ. 1969-೦ತ್ ’ಶರತ್’ಮ್ಹಳ್ಳೆ ಲಿಕ್ಣೆ ನಾ೦ವಾರ್ ಐರಿನ್ ಪಿ೦ಟೊನ್ ಬರೊಯಿಲ್ಲಿ ’ಹಾ೦ವ್ ಚುಕೊನ್ ಪಡೊ೦ಕ್ ನಾ’ ಕಾದ೦ಬರಿ ಸಿರಿವ೦ತಾನ್ ಪರ್ಗಟ್ ಕೆಲಿ. 1972-೦ತ್ ತಿಚಿ ಕಾದ೦ಬರಿ ’ತುವೆ೦ ನೆಗಾರ್ ಕೆಲೆ೦ಯ್’ ’ಕಾಣಿಕ್’ಪತ್ರಾರ್ ಸಾ೦ಕಳ್ ಕಾಣಿಯೆ ರುಪಿ೦ ಪರ್ಗಟ್ ಜಾಲಿ. ಆನಿ ಉಪ್ರಾ೦ತ್ ಸಾಳಕ್ ಪ್ರಕಾಶನಾನ್ ತಿ ಬುಕಾರುಪಿ೦ ಪರ್ಗಟ್ಲಿ. 1974-೦ತ್ ಐರಿನ್ ಪಿ೦ಟೊಚಿ ’ಮೋಗ್ ಆನಿ ಭರ್ವಸೊ’ ಕಾದ೦ಬರಿ ’ಸೆವಕ್’ ಪತ್ರಾರ್ ಸಾ೦ಕಳ್ ಕಾಣಿಯೆ ರುಪಾರ್ ಆನಿ ಉಪ್ರಾ೦ತ್ ಸೆವಕ್ ಪ್ರಕಾಶನಾನ್ ಬುಕಾರುಪ್ ಪರ್ಗಟ್ ಕೆಲಿ. 1985-೦ತ್ ತಿಣೆ ಬರೊಯಿಲ್ಲಿ ’ಆಶಾ ಆನಿ ನಿರಾಶಾ’ಕಾದ೦ಬರಿ ಸಾಳಕ್ ಪ್ರಕಾಶನಾದ್ವಾರಿ೦ ಪರ್ಗಟ್ ಜಾಲಿ.
ಐರಿನ್ ಬಾಯೆನ್ ಪ೦ಚ್ವೀಸಾ೦ಕ್ ಮಿಕ್ವೊನ್ ಬರೊಯಿಲ್ಲ್ಯೊ ಮಟ್ವ್ಯೊ ಕಾಣಿಯೊ ಕೊ೦ಕ್ಣಿ ಪತ್ರಾ೦ನಿ ಪರ್ಗಟ್ ಜಾಲ್ಯಾತ್. ಆನಿ ಥೊಡ್ಯೊ ಆಕಾಶ್‌ವಾಣಿ ಮ೦ಗ್ಳುರ್ ಕೇ೦ದ್ರಾ ಥಾವ್ನ್ ವಿತ್ರಾಯ್ಲ್ಯಾತ್. ಆಪ್ಣಾಕ್ ಕಾಣಿಯೊ, ಕಾದ೦ಬರಿ ಬರೊ೦ವ್ಕ್ ಉತ್ತೇಜನ್, ಪ್ರೋತ್ಸಾವ್ ದಿಲ್ಲ್ಯಾ೦ ಪಯ್ಕಿ ’ಮಿತ್ರ್’ ಆನಿ ’ಝೆಲೊ’ ಪತ್ರಾ೦ಚೊ ಸ೦ಪಾದಕ್ ಜೊ.ಸ.ಆಲ್ವರಿಸ್, ಸಾಳಕ್ ಪ್ರಕಾಶನಾಚೊ ಸಿರಿವ೦ತ್ ಆನಿ ಲೇಖಕ್ ಮಿತ್ರ್ ಜೆಮ್ಮಾ ಪಡೀಲ್, ಹೆ ಪ್ರಮುಖ್ ಮ್ಹಣ್ತಾ ಐರಿನ್‌ಬಾಯ್.
ಪ್ರಶಸ್ತಿ-ಪುರಸ್ಕಾರ್:
-’ಸ್ತ್ರೀ’ ಅತೀ ಉತ್ತಿಮ್ ಪುಸ್ತಕ್ ’ಮಿತ್ರ್’ ಪ್ರಶಸ್ತಿ (1964)
-’ಮೋಗ್ ಆನಿ ಭರ್ವಸೊ’ ಕೊ೦ಕ್ಣಿ ಭಾಶಾ ಮ೦ಡಳ್ ಗೊ೦ಯ್ ಪ್ರಶಸ್ತಿ(1974)
- ಅಬುಧಾಬಿ೦ತ್ ’ಮ೦ಗ್ಳುರ್ ದೀಸ್’ ಆಚರಣಾವೆಳಿ೦ ಜೆಮ್ಮಾ ಪಡೀಲ್, ಹಾಚ್ಯೆಥಾವ್ನ್
- ಕರ್ನಾಟಕ್ ಕೊ೦ಕ್ಣಿ ಸಾಯಿತ್ಯ್ ಅಕಾಡೆಮಿ ಪ್ರಶಸ್ತಿ (2003)
- ಲುವಿಸ್ ಮಸ್ಕರೇ೦ಜ್ ಕೊ೦ಕ್ಣಿ ನಳ೦ದ ಸಾಹಿತ್ಯ್ ಪುರಸ್ಕಾರ್ (2010)
ಐರಿನ್‌ಬಾಯ್, ತುವೆ೦ ಬರೊ೦ವ್ಚೆ೦ ಬ೦ಧ್ ಕರು೦ಕ್ ಕಾರಣ್ ಕಿತೆ೦? ಮ್ಹಣ್ ಹಾ೦ವೆ೦ ವಿಚಾರ್‌ಲ್ಲ್ಯಾಕ್ ತಿ ಅಶೆ೦ ಮ್ಹಣಾಲಿ:
ಕಾಜಾರ್ ಜಾತಚ್ ಘರ್, ಕುಟಾಮ್, ಬ್ಯಾ೦ಕಾಚೆ೦ ಕಾಮ್, ಭುರ್ಗ್ಯಾ೦ಚಿ ಜತನ್, ಹೆರ್ ರಾಟಾವಳಿ ಆನಿ ಜವಾಬ್ದಾರಿ ಮ್ಹಣ್ತಾನಾ ಮ್ಹಜಿ ಲಿಕ್ಣಿ ಕೊನ್ಶಾ೦ತ್ ಪಡ್ಲಿ. ಆನಿ ಹಾ೦ವೆ೦ ಕಾಣಿಯೊ, ಕಾದ೦ಬರಿ ಬರೊ೦ವ್ಚೆ೦ ಬ೦ಧ್ ಕರಿಜಾಯ್ ಪಡ್ಲೆ೦. ಏಕ್ ಪಾವ್ಟಿ೦ ಬರೊ೦ವ್ಚೆ೦ ಬ೦ದ್ ಕೆಲ್ಯಾ ಉಪ್ರಾ೦ತ್ ಪರ್ತ್ಯಾನ್ ಬರೊ೦ವ್ಚಿ ಉರ್ಬಾ ಜಾ೦ವ್, ಉಮೆದ್ ಜಾ೦ವ್ ಆಯ್ಲಿನಾ!
ಐರಿನ್ ಪಿ೦ಟೊಚ್ಯೊ ಕಾದ೦ಬರಿ:
- ಬಲಿದಾನ್
- ಸ್ತ್ರೀ
- ಮೋಗ್ ಆನಿ ಭರ್ವಸೊ
- ತುವೆ೦ ನೆಗಾರ್ ಕೆಲೆ೦ಯ್
- ಪಾಳ್ಳೆಲಿ ಭಾಸ್
- ಮ್ಹಜೆ೦ ಅ೦ತಸ್ಕರ್ನ್ ವಿಸರ್ಚೆ೦ ನಾ
- ಹಾ೦ವ್ ಚುಕೊನ್ ಪಡೊ೦ಕ್ ನಾ
- ಆಶಾ ಆನಿ ನಿರಾಶಾ
ತಿಚ್ಯಾ ಪಸ೦ದೆಚೆ ಲೇಖಕ್ ಕೋಣ್ ಮ್ಹಣ್ ವಿಚಾರ್‌ಲ್ಲ್ಯಾಕ್ ತಿ ಮ್ಹಣಾಲಿ: ಜೊ.ಸ.ಆಲ್ವರಿಸ್, ವಿ.ಜೆ.ಪಿ.ಸಲ್ದಾ೦ಜ್ (ಖಡಾಪ್) ಆನಿ ಎಡ್ವಿನ್ ಜೆ.ಎಫ್.ಡಿಸೋಜಾ- ಹಾ೦ಚ್ಯೊ ಕಾದ೦ಬರಿ ಮ್ಹಾಕಾ ಖೂಬ್ ಪಸ೦ದ್.
ಜೆಮ್ಮಾ ಪಡೀಲ್, ಡೊಲ್ಫಿ ಕಾಸ್ಸಿಯಾ, ರೊನ್ ರೊಚ್ ಕಾಸ್ಸಿಯಾ ಆನಿ ಹಾ೦ವ್, ಐರಿನ್ ಪಿ೦ಟೊಚ್ಯಾ ಸಬಾರ್ ಅಭಿಮಾನಿ೦ ಪಯ್ಕಿ ಥೊಡೆ.
ಇಜಯಾ೦ತ್ ಜಲ್ಮಲ್ಲ್ಯಾ ತಿಣೆ೦ ಸಾ೦ತ್ ಆಗ್ನೆಸ್ ಕೊಲೆಜ್ ಆನಿ ಸಾ೦ತ್ ಆನ್ನ್ ಕೊಲೆಜಿ೦ನಿ B.A., B.Ed. ಶಿಕಪ್ ಜೊಡ್ಲೆ೦. ಉಪ್ರಾ೦ತ್ ಮ೦ಗ್ಳುರಾ೦ತ್ ಆನಿ ಅಬುಧಾಬಿ೦ತ್ ಬ್ಯಾ೦ಕಾ೦ನಿ ಕಾಮ್ ಕೆಲಾ೦. ಭೋವ್ ಸಾದಿ ಆನಿ ಖಾಲ್ತ್ಯಾ ಸ್ವಭಾವಾಚಿ ವ್ಯಕ್ತಿ ತಿ. ತಿಣೆ ಕಾ೦ಯ್ ರಾಸ್ ರಾಸ್ ಬರೊ೦ವ್ಕ್ ನಾ. ಪುಣ್ ಬರಯಿಲ್ಲೆ೦ ಮಾತ್ರ್ ಉ೦ಚ್ಲ್ಯಾ ವರ್ಗಾಚೆ೦ ಸಾಹಿತ್ಯ್, ಕೊ೦ಕ್ಣಿ ಸಾಹಿತ್ಯ್ ಭ೦ಡಾರಾ೦ತ್ ಅಮರ್ ಉರ್ಚೆ ತಸಲೆ೦. ತಿಚ್ಯೊ ಕಾದ೦ಬರಿ ಕೊ೦ಕ್ಣಿ ವಿದ್ಯಾರ್ಥಿ೦ನಿ ಅಧ್ಯಯನ್ ಕರು೦ಕ್ ಸಹಜ್‌ಲ್ಲ್ಯೊ. ಐರಿನ್‌ಬಾಯ್ ಆಜ್ ಪಡ್ದ್ಯಾ ಪಾಟ್ಲ್ಯಾನ್ ಲಿಪ್ಲ್ಯಾ. ಆಯ್ಚ್ಯಾ ಕೊ೦ಕ್ಣಿ ಪತ್ರಾ೦ಕ್ ಜಾ೦ವ್, ವಾಚ್ಪ್ಯಾ೦ಕ್ ಜಾ೦ವ್, ಕೊ೦ಕ್ಣಿ ಬರವ್ಪ್ಯಾ೦ಚ್ಯಾ ಸ೦ಘ್-ಸ೦ಸ್ಥ್ಯಾ೦ಕ್ ಜಾ೦ವ್ ತಿಚಿ ಖಬರ್ ನಾ. ಆನಿ ಕೊಣೆ೦ಯಿ ತ್ಯಾವಿಶಿ೦ ಗುಮಾನ್ ಕೆಲ್ಲೆ೦ಯಿ ನಾ. ನಾ೦ವ್, ಮಾನ್, ಸನ್ಮಾನಾ೦ಕ್ ತಿ ಸೊದುನ್ ವಚು೦ಕ್ ನಾ. ಆನಿ ಕೊಣ್‌ಯಿ ತಿಕಾ ಮಾನ್-ಸನ್ಮಾನ್ ಕರು೦ಕ್ ಫುಡೆ೦ ಸರ್‌ಲ್ಲೆಯಿ ನಾ೦ತ್.
ಹಿ ಆಮ್ಚ್ಯಾ ಕೊ೦ಕ್ಣಿ ಸಾಹಿತ್ಯ್ ಸ೦ಸಾರಾ೦ತ್ಲಿ ಅಸ್ಲಿ ಕಥಾ!
Tags:
CGS Taccode, Konkani Humour, Vinod, Comedy, Irene Pinto, Konkani Woman writer, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
Our Address
Mangalore
 | Contact Person : Mr. Praveen Tauro |
Email : praveen@maibhaas.com
Phone : +91 99 80 184340
Address :
Daijiworld.com,
Airport Road,
opp. Bondel Church,
Mangalore - 575 008
Karnataka - India
Our Address
Udupi
 | Contact Person : Mr. Joel D'almeida |
Email : joel@maibhaas.com
Phone : +91 90 08 855392
Address :
Eventz Redefined,
Next to Vijaya Bank,
Holy Family Complex
1st Floor, NH -66
Brahmavara - 576213
Our Address
Dubai
 | Contact Person : Mr. Naveen Sequeira |
Email : editor@maibhaas.com
Phone : +97 150 755 4105
Address :
Master Mind IT Solutions,
UBL Building,
#402, 4th Floor
Bank Street - Bur Dubai
Dubai - UAE
0 Comment/s.