From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ರೂತ್ ಕ್ಲೇರ್ ಡಿಸಿಲ್ವಾ - ಸಿ.ಎ.0ತ್ ರಾಶ್ಟ್ರ್ ಮಟ್ಟಾರ್ ಪಯ್ಲೆಂ ರ್‍ಯಾಂಕ್ ಜೊಡ್ಣಾರ್
Tuesday, October 19, 2021
2021 ಜುಲಾಯ್ ಮಹಿನ್ಯಾಂತ್ ಚಲ್‌ಲ್ಲ್ಯಾ ಸಿ.ಎ. ಪರೀಕ್ಶೆಂತ್ (ಪರ್‍ನೆಂ ಸಿಲೆಬಸ್) ಕದ್ರಿ-ಮಲ್ಲಿಕಟ್ಟಾಚಾ ರೂತ್ ಕ್ಲೇರ್ ಡಿ'ಸಿಲ್ವಾನ್ ರಾಶ್ಟ್ರ್ ಮಟ್ಟಾರ್ ಪಯ್ಲೆಂ ರ್‍ಯಾಂಕ್ ಜೊಡುನ್ ಮಂಗ್ಳುರಾಕ್ ಕೀರ್ತ್ ಹಾಡ್ಲ್ಯಾ.
ಜುಲಾಯ್ ಮಹಿನ್ಯಾಂತ್ ಚಲ್ಲೆಲ್ಯಾ ಸಿ.ಎ. ನಿಮಾಣೆ ಪರೀಕ್ಶೆಂತ್ (ಪರ್‍ನೆಂ ಸಿಲೆಬಸ್) ರಾಶ್ಟ್ರ್ ಮಟ್ಟಾರ್ ಪಯ್ಲೆಂ ರ್‍ಯಾಂಕ್ ಜೊಡುನ್ ಮಂಗ್ಳುರಾಕ್ ಕೀರ್ತ್ ಹಾಡ್ಲಲೆಂ ಆಸಾ - ಬೆಂದುರ್ ಫಿರ್‍ಗಜಿಚೆಂ ರೂತ್ ಕ್ಲೇರ್ ಡಿಸಿಲ್ವಾ. ತಾಚೆಲಾಗಿಂ ಚಲಯಿಲ್ಲ್ಯಾ ಸಂವಾದಾಂತ್ಲೆ ಥೊಡೆ ವಿಶಯ್ ಹಾಂಗಾಸರ್ ದಿಲ್ಯಾತ್.
ಸಿ.ಎ. ನಿಮಾಣೆ ಪರೀಕ್ಶೆಂತ್ ರಾಶ್ಟ್ರ್ ಮಟ್ಟಾರ್ ತುಕಾ ಪಯ್ಲೆಂ ರ್‍ಯಾಂಕ್ ಮೆಳ್ಳಾಂ ಮ್ಹಣ್ ಕಳ್ತಾನಾ ತುಕಾ ಕಿತೆಂ ಭೊಗ್ಲೆಂ? ಮ್ಹಣ್ ವಿಚಾರ್‍ಲಲ್ಯಾ ಸವಾಲಾಕ್ ರೂತಾನ್ ಅಶಿ ಜಾಪ್ ದಿಲಿ :
- ಪಯ್ಲೆಂ ಹಾಂವ್ ಪಾತ್ಯೆಲಿಂ ನಾ. ಪಾಸ್ ಜಾತಲಿಂ ಮ್ಹಳ್ಳೆಂ ಧಯ್ರ್ ಆಸ್‌ಲ್ಲೆಂ ತರೀ ದೇಶಾಂತ್‌ಚ್ ಪಯ್ಲೆಂ ರ್‍ಯಾಂಕ್ ಮೆಳ್ತಲೆಂ ಮ್ಹಣ್ ಚಿಂತುಂಕ್ ನಾ. ಪುಣ್ ಹೊ ಏಕ್ ವಿಸ್ರೊಂಕ್ ಜಾಯ್ನಾ ತಸಲೊ ವಿಶೇಸ್ ದೀಸ್. ಖಬರ್ ಆಯ್ಕೊನ್ ವರ್‍ತೊ ಸಂತೊಸ್ ಭೊಗ್ಲೊ. ಸರ್‍ವೆಸ್ಪರಾ ದೆವಾಕ್, ಸರ್‍ವಾಂಚಾ ಮೊಗಾಕ್ ಆನಿ ಉಲ್ಲಾಸುನ್ ಬರೆಂ ಮಾಗ್ಲಲ್ಯಾ ಸಮೇಸ್ತಾಂಕ್ ಹಾಂವ್ ಮಾನ್ ಬಾಗಾವ್ನ್ ದೇವ್ ಬರೆಂ ಕರುಂ ಮ್ಹಣ್ತಾಂ.
ಸಿ.ಎ.ಕರ್‍ಚೆವಿಶಿಂ ತುವೆಂ ಕೆನ್ನಾ ನಿರ್‍ದಾರ್ ಕೆಲೊಯ್?
- ಮ್ಹಾಕಾ ಆರ್‍ಕಿಟೆಕ್ಚರ್ ಶಿಕೊಂಕ್ ಮೊಸ್ತು ಮನ್ ಆಸ್‌ಲ್ಲೆಂ. ಪುಣ್ ಪಿ.ಯು.ಸಿ.೦ತ್ ಆಸ್ತಾನಾ ಸಿ.ಎ. ವ ಕಾನೂನ್ ಶಿಕ್ಶಣ್ - ಹ್ಯಾ ದೊನಾಂ ಭಿತರ್ ಖಂಚೀಯ್ ಏಕ್ ವಿಂಚೊವ್ಣ್ ಕರ್‍ಚೊ ಸಂದರ್ಬ್ ಆಯ್ಲೊ. ಸಿ.ಎ. ಪಾಸ್ ಜಾಂವ್ಕ್ ಭಾರಿಚ್ ಕಶ್ಟ್ ಆಸಾತ್ ಮ್ಹಣ್ ಹಾಂವ್ ಜಾಣಾಂ ಆಸ್‌ಲ್ಲಿಂ. ಪುಣ್ ತೆಂ ಏಕ್ ಪಂತಾಹ್ವನ್ ಜಾವ್ನ್ ಸ್ವೀಕಾರ್ ಕೆಲೆಂ ಹಾಂವೆಂ.
ಹಾಚ್ಯಾ ಆದಿಂ ತುವೆಂ ಸಿ.ಎ.ಚಿ ಪರೀಕ್ಶಾ ಬರಯ್ಲ್ಯಾಗೀ?
- ವ್ಹಯ್, 2019 ಆನಿ 2020-ಂತ್ ದೋನ್ ಪಾವ್ಟಿಂ ಪ್ರಯತನ್ ಕೆಲ್ಲೆಂ. ಪುಣ್ ತವಳ್ ವೇಳ್ ಪಾವೊಂಕ್ ನಾತ್ಲಲ್ಯಾನ್ ತೆಂ ಸಾದ್ಯ್ ಜಾಲೆಂ ನಾ. ಹ್ಯಾ ಪಾವ್ಟಿಂ ಚಡಿತ್ ವೇಳ್ ಆನಿ ಗುಮಾನ್ ದೀವ್ನ್, ಕಠೀಣ್ ಪರಿಶ್ರಮ್ ಘಾಲ್ನ್ ಶಿಕ್ಲಿಂ. ಆನಿ ಆತಾಂ ತಾಚೊ ಪ್ರತಿಫಳ್ ಲಾಬ್ಲಾ.
ಹ್ಯಾಪಾವ್ಟಿಂಚಾ ಸಿ.ಎ.ನಿಮಾಣ್ಯಾ ಪರೀಕ್ಶೆಕ್ ತುವೆಂ ಕಶಿ ತಯಾರಿ ಕೆಲಿಯ್?
- ಹ್ಯಾ ಪಾವ್ಟಿಂ ಪರೀಕ್ಶೆಚಾ ಚಾರ್ ಮಹಿನ್ಯಾಂ ಆದಿಂಚ್ ಹಾಂವೆಂ ಗಂಭೀರಾಯೆನ್ ತಯಾರಿ ಆರಂಬ್ ಕೆಲ್ಲಿ. ದಿಸಾಕ್ 8 ಥಾವ್ನ್ 10 ಘಂಟೆ ಪರ್‍ಯಾಂತ್ ಹಾಂವ್ ಅಭ್ಯಾಸ್ ಕರ್‍ತಾಲಿಂ. ಸಿ.ಎ.ಕ್ ಸಂಬಂದ್ ಜಾಲ್ಲೆ ವಿಶಯ್ ಸೊಡ್ನ್ ಹೆರ್ ಖಂಚ್ಯಾಯಿ ವಿಶಯಾಂಥಂಯ್ ಹಾಂವೆಂ ಗುಮಾನ್ ದೀಂವ್ಕ್ ನಾ. ಮತಿಚಾ ಉಲ್ಲಾಸಾ ಖಾತಿರ್ ಇಲ್ಲೆಶೆಂ ಸಂಗೀತ್ ಆಯ್ಕತಾಲಿಂ. ಸಾರ್‍ಕಿ ನೀದ್ ಕಾಡ್ತಾಲಿಂ. ಎಕಾ ಥರಾಚಿ ಶಿಸ್ತ್ ಹಾಂವೆಂ ಸಾಂಬಾಳ್ಳೆಲಿ. ಹಾಚ್ಯೆ ಶಿವಾಯ್ ಡ್ಯಾಡಿ ಆನಿ ಮಾಮ್ಮಿನ್ ಮ್ಹಾಕಾ ಬರೊಚ್ ಪ್ರೋತ್ಸಾವ್ ಆನಿ ಉತ್ತೇಜನ್ ದಿಲಾಂ.
ರೂತ್ ಕ್ಲೇರ್ ಡಿಸಿಲ್ವಾನ್ ಜುಲಾಯ್ ಮಹಿನ್ಯಾಂತ್ ಚಲ್ಲೆಲ್ಯಾ ಅಖಿಲ್ ಭಾರತ್ ಮಟ್ಟಾಚಾ ಚಾರ್‍ಟರ್ಡ್ ಅಕಾಂವ್ಟೆನ್ಸಿ (ಸಿ.ಎ.) ನಿಮಾಣ್ಯಾ ಪರೀಕ್ಶೆಂತ್(ಪರ್‍ನೆಂ ಸಿಲೆಬಸ್) ರಾಶ್ಟ್ರ್ ಮಟ್ಟಾರ್ ಪಯ್ಲೆಂ ರ್‍ಯಾಂಕ್ ಕಾಡುನ್ ತಾಚಾ ಕುಟ್ಮಾಕ್ ಆನಿ ಅಖ್ಖ್ಯಾ ಕೊಂಕ್ಣಿ ಕಥೊಲಿಕ್ ಸಮುದಾಯಾಕ್ ನಾಂವ್ ಹಾಡ್ಲಾಂ. ಶಿವಾಯ್ ಮಂಗ್ಳುರ್‌ಚಾ ಚರಿತ್ರೆಂತ್ ಏಕ್ ದಾಕ್ಲೊ ರಚ್ಲಾ. ಏಕ್ ಸ್ಪಶ್ಟ್ ಶೆವೊಟ್, ದೃಢ್ ನಿರ್‍ಧಾರ್, ಕಠೀಣ್ ಮ್ಹಿನತ್, ನಿರಂತರ್ , ಪರಿಶ್ರಮ್ ಆನಿ ಸಾದನ್ ಸಾಂಗಾತಾ ಘಾಲ್ನ್, ಸಮಾಜಿಕ್ ಮಾದ್ಯಮಾಂ ಥಾವ್ನ್ ಪಯ್ಸ್ ಉರೊನ್, ಶಿಸ್ತೆನ್ ಶಿಕ್ಲ್ಯಾರ್ ಸಿ.ಎ. ತಸಲಿ ಭೋವ್ ಕಶ್ಟಾಂಚಿ ಪರೀಕ್ಶಾಯಿ ಪಾಸ್ ಜಾವ್ಯೆತ್ ಮ್ಹಣ್ಚಾಕ್ ರೂತ್ ಏಕ್ ಬಳ್ವಂತ್ ಸಾಕ್ಸ್.
ಜಲ್ಮ್ ಆನಿ ಶಿಕಪ್ :
ಮಲ್ಲಿಕಟ್ಟಾಂತ್ ವಸ್ತಿ ಕರುನ್ ಆಸ್ಚಿಂ ಇಜ್ನೆರ್ ರುಫರ್ಟ್ ಡಿಸಿಲ್ವಾ ಆನಿ ಮಾನೆಸ್ತಿಣ್ ರೊಜಿ ಡಿಸಿಲ್ವಾ, ಕುವೆಯ್ಟ್ ಆಸ್‌ಲ್ಲಿಂ. ತಾಂಕಾಂ ಚವ್ಗಾಂ ಭುರ್‍ಗಿಂ - ರೋಶೆಲ್, ರ್‍ಯಾಮ್ಸಿ, ರೊನೆಲ್ ಆನಿ ನಿಮಾಣೆಂ ರೂತ್ ಕ್ಲೇರ್. ಮಾಲ್ಗಡಿ ಭಯ್ಣ್ ರೋಶೆಲ್ ಹಿಣೆಂ A.C.C.A. (ಯು.ಕೆ.)ಕೆಲಾಂ. ದೊಗೀ ಭಾವ್ - ರ್‍ಯಾಮ್ಸಿ ಆನಿ ರೊನೆಲ್ ಇಜ್ನೆರ್.
ರೂತ್ 1996-ಂತ್ ಕುವೆಯ್ಟಾಂತ್ ಜಲ್ಮಲೆಂ. ಬಾಳ್‌ಪಣಾಚೆಂ ಕೆಜಿ ಕುವೇಯ್ಟ್‌ಚಾ ಇಂಡಿಯನ್ ಸ್ಕೂಲಾಂತ್ ಜಾತಚ್ ಆವಯ್ ಆನಿ ಭುರ್‍ಗಿಂ ಗಾಂವಾಂತ್ ಯೇವ್ನ್ ಮಲ್ಲಿಕಟ್ಟಾಂತ್ಲ್ಯಾ ತಾಂಚ್ಯಾ ಘರಾಂತ್ ವಸ್ತಿ ಕರುಂಕ್ ಲಾಗ್ಲಿಂ. ತಶೆಂ ಜಾಲ್ಲ್ಯಾನ್ ಪ್ರಾಥಮಿಕ್ ಥಾವ್ನ್ ಧಾವಿ ಪರ್‍ಯಾಂತ್ ರೂತ್ ಬೆಂದುರ್ ಸಾಂ. ತೆರೆಜಾ ಶಾಳೆಂತ್ ಶಿಕ್ಲೆಂ. ಧಾವೆ ಕ್ಲಾಸಿಚಾ ನಿಮಾಣ್ಯಾ ಪರೀಕ್ಶೆಂತ್ 86% ಅಂಕ್ ಆನಿ ಪಿ.ಯು.ಸಿ. ನಿಮಾಣ್ಯಾ ಪರೀಕ್ಶೆಂತ್ ತಾಣೆಂ 93% ಅಂಕ್ ಜೊಡ್ಲೆ. ಮಂಗ್ಳುರ್ ವಿಶ್ವವಿದ್ಯಾಲಯಾಚಾ CPT/IPCC ಪರೀಕ್ಶೆಂನಿ ರೂತಾಕ್ ದಕ್ಶಿಣ್ ಕನ್ನಡ ಜಿಲ್ಲ್ಯಾಂತ್ ಪಯ್ಲೆಂ ಸ್ಥಾನ್ ಮೆಳ್‌ಲ್ಲೆಂ.
ಪಿ.ಯು.ಸಿ. ಶಿಕಪ್ ಸಾಂತ್ ಆಗ್ನೆಸ್ ಕೊಲೆಜಿಂತ್ ಸಂಪಯ್ಲೆಂ. ಬಿ.ಕೊಮ್. ದೋನ್ ವರ್‍ಸಾಂ ಸಾಂ ಲುವಿಸ್ ಕೊಲೆಜಿಂತ್ ಕೆಲೆಂ.
ಬಿ.ಕೊಮ್. ತಿಸ್ರೆಂ ವರಸ್ ತಾಣೆಂ ಮಂಗ್ಳುರ್ ವಿಶ್ವವಿದ್ಯಾಲಯಾಚಾ ಡಿಸ್ಟೆಂಟ್ ಶಿಕ್ಪಾ ಮುಕಾಂತ್ರ್ ಪೂರ್ಣ್ ಕೆಲೆಂ.
ಅರ್‍ಟಿಕಲ್‌ಶಿಪ್ ಪಯ್ಲೆಂ ವರಸ್ ತಾಣೆಂ ಬೆಂಗ್ಳುರ್ ಅರ್‍ನೆಸ್ಟ್ ಏಂಡ್ ಯಂಗ್ ಚಾರ್‍ಟರ್ಡ್ ಅಕಾಂವ್ಟೆಂಟ್ಸ್ (ಯು.ಕೆ. ಕಂಪೆನಿ) ಹಾಂಗಾಸರ್ ಕೆಲೆಂ. ದುಸ್ರೆಂ ಆನಿ ತಿಸ್ರೆಂ ವರಸ್ ಬಲ್ಮಠ ವಿವಿಯನ್ ಪಿಂಟೊ ಎಂಡ್ ಕಂಪೆನಿ, ಚಾರ್‍ಟರ್ಡ್ ಅಕಾಂವ್ಟೆಂಟ್ಸ್ ಹಾಂಗಾಸರ್ ಸಂಪಯ್ಲೆಂ. ಸಿ.ಎ. ವಿವಿಯನ್ ಪಿಂಟೊಚಾ ದಫ್ತರಾಂತ್ಲೆಂ ವಾತಾವರಣ್ ಭೋವ್ ಬರೆಂ. ತೊ ಮೊಗಾಳ್, ಮಯ್ಪಾಸಿ ಆನಿ ಖುಶಾಲಿ ಮನಿಸ್. ತಾಚೆಂ ಮಾರ್ಗ್‌ದರ್‍ಶನ್ ಆಪ್ಣಾಕ್ ಮೊಸ್ತು ಉಪ್ಕಾರ್‍ಲೆಂ ಮ್ಹಣ್ತಾ ರೂತ್.
ಅಭಿಪ್ರಾಯೊ :
ಸಿ.ಎ. ವಿವಿಯನ್ ಪಿಂಟೊ ಅಶೆಂ ಮ್ಹಣ್ತಾ : 'ರೂತ್ ಭಾರಿಚ್ ಚುರುಕ್ ಆನಿ ಹುಶಾರ್. ತಾಕಾ ದಿಲ್ಲೆಂ ಕಾಮ್ ತೆಂ ಪಂಥಾಹ್ವನ್ ಜಾವ್ನ್ ಸ್ವೀಕಾರ್ ಕರ್‍ತಾಲೆಂ. ಆಪ್ಣಾಚಾ ತಾಂಕಿವಿಶಿಂ ತಾಕಾ ಅಖಂಡ್ ಪಾತ್ಯೆಣ್ ಆಸ್‌ಲ್ಲಿ. ತಾಚಾ ವಾವ್ರಾ ಶಿಸ್ತ್ ಆನಿ ನಯ್ತಿಕತೆವಿಶಿಂ ದಫ್ತರಾಂತ್ಲ್ಯಾ ಸರ್‍ವಾಂಕ್ ಮೆಚ್ವಣಿ ಆಸ್‌ಲ್ಲಿ. ತರ್‍ಬೆತಿವೆಳಾರ್ ತಾಚಿ ಹುಶಾರ್‍ಗಾಯ್ ಆನಿ ತಾಚಿ ಪ್ರತಿಭಾ ಝಳ್ಕತಾಲಿ. '
'ಸೆಂಟರ್ ಫೋರ್ ಇಂಟೆಗ್ರೇಟೆಡ್ ಲರ್‍ನಿಂಗ್'(CIL) ಹಾಚೊ ಸಂಚಾಲಕ್ ಆನಿ ರೂತಾಚೊ ಮಾರ್ಗ್‌ದರ್‍ಶಕ್ ಶ್ರೀನಿವಾಸ್ ನಂದಗೋಪಾಲ್ ರೂತಾಚಾ ಯಶಸ್ವಿವಿಶಿಂ ಉಲಯಿತ್ತ್ ಅಶೆಂ ಸಾಂಗಾಲಾಗ್ಲೊ : 'ರೂತಾನ್ ಚರಿತ್ರಾ ರಚ್ಲ್ಯಾ. ಆಪ್ಣಾಚೊ ಶೆವಟ್ ಪೊಂತಾಕ್ ಪಾಂವ್ಚಾ ಪರ್‍ಯಾಂತ್ ತಾಣೆಂ ಆಪ್ಲೆಂ ಸಾದನ್ ಸೊಡ್ಲೆಂ ನಾ. ಹೆಂ ಏಕ್ ಅಜಾಪ್, ರಾಶ್ಟ್ರ್ ಮಟ್ಟಾರ್ ರೂತಾಕ್ ಸಿ.ಎ.-ಂತ್ ಪಯ್ಲೆಂ ರ್‍ಯಾಂಕ್ ಮೆಳಾತ್ ಮ್ಹಣ್ ಆಮಿ ಕೊಣೀ ಚಿಂತುಂಕ್ ನಾ. ರೂತಾಥಂಯ್ ಆಮ್ಕಾಂ ವರ್‍ತೊ ಅಭಿಮಾನ್ ಭೊಗ್ತಾ.'
'ಆರ್‍ವಿಲ್ಯಾ ವರ್‍ಸಾಂನಿ ಆರ್‍ಥಿಕ್ ಶೆತಾಂತ್ ಚಲಿಯೊ ಬರ್‍ಯೊಚ್ ಪರ್‍ಜಳ್ತಾತ್. ಸಿ.ಎ. ಪರೀಕ್ಶಾ ಬರಂವ್ಚ್ಯಾ ಚಲಿಯಾಂಚೊ ಸಂಕೊ ವರ್‍ಸಾನ್ ವರ್‍ಸಾ ಚಡತ್ತ್ ಯೆತಾ, ಶಿವಾಯ್ ತಿಂ ಪರೀಕ್ಶೆಂತ್‌ಯಿ ಉತ್ತೀರ್ಣ್ ಜಾಂವ್ಚೆಂ ದಿಸೊನ್ ಯೆತಾ' ಮ್ಹಣ್ತಾ ಮಂಗ್ಳುರ್ ಶ್ಹರಾಂತ್ಲೊ ಸಿ.ಎ. ಎ.ರ್.ಶೆಟ್ಟಿ.
ಹವ್ಯಾಸ್ :
ರೂತ್ ಟೇಬಲ್ ಟೆನ್ನಿಸ್ ಖೆಳ್ತಾ, ಪಿಯಾನೊ ವ್ಹಾಜಯ್ತಾ, ಸಂಗೀತ್ ಖೆಳ್ತಾ, ಗಾಯನ್ ಕರ್ತಾ. ತೆಂ ಥಾಯಿ ಬೊಕ್ಸಿಂಗ್ (ಮಾರ್‍ಶಲ್ ಆರ್‍ಟ್)ಜಾಣಾಂ. ಅಶೆಂ ರೂತ್ ವಿವಿದ್ ಚಟುವಟಿಕೆಂನಿ ಪಾತ್ರ್ ಘೆತಾಲೆಂ ತರೀ ಶಿಕ್ಪಾ ಥಂಯ್ ಚಡಿತ್ ಗುಮಾನ್ ದಿತಾಲೆಂ.
ಪರ್‍ಜಳಿಕ್ ಫುಡಾರ್ :
ಆತಾಂ ವಾಣಿಜ್ಯ್ ಶೆತಾಂತ್ ಧಾರಾಳ್ ಅವ್ಕಾಸ್ ಆಸಾತ್. ಬಿ.ಕೊಮ್. ಶಿಕ್ತಲ್ಯಾಂನಿ ಸಿ.ಎ.ಥಂಯ್ ಚಡಿತ್ ಉರ್‍ಭಾ ಆನಿ ಉಮೆದ್ ದಾಕಯ್ಲಿ ತರ್ ಫುಡಾರ್ ಬರೊ ಜಾತಾ. ಕಾಮಾಚೆ ಅವ್ಕಾಸ್‌ಯಿ ಮೊಸ್ತು ಆಸಾತ್. ಸಮಾಜೆಂತ್‌ಯಿ ಬರೊ ಮಾನ್ ಆನಿ ಗವ್ರವ್ ಮೆಳ್ತಾ. ಪ್ರಸ್ತುತ್ ಭಾರತಾಂತ್ 20 ಲಾಖ್ ಲೇಕ್‌ಪರಿಶೋದಕಾಂಚಿ ಗರ್ಜ್ ಆಸಾ ಖಂಯ್. ಪುಣ್ ಹಾಂಚೆಪಯ್ಕಿ 3.5 ಲಾಖ್ ಮಾತ್ರ್ ಭರ್‍ತಿ ಜಾಲ್ಯಾತ್.
ಐ.ಎ.ಎಸ್. ಸಪಣ್ :
ಸಿ.ಎ.-ಂತ್ ರಾಶ್ಟ್ರ್ ಮಟ್ಟಾರ್ ಪಯ್ಲೆಂ ರ್‍ಯಾಂಕ್ ಮೆಳ್‌ಲ್ಲ್ಯಾನ್ ದೇಶಾಂತ್ಲ್ಯಾ ವಿವಿದ್ ಪ್ರತಿಶ್ಟಿತ್ ಕಂಪೆನಿಂ ಥಾವ್ನ್ ರೂತಾಕ್ ಆಪವ್ಣಿಂ ಯೆತಾತ್ ಖಂಯ್.ಪುಣ್ ತಾಣೆಂ ಎದೊಳ್ ಕಸ್ಲೊಚ್ ನಿರ್‍ಧಾರ್ ಘೆಂವ್ಕ್ ನಾ. ಖಂಚ್ಯಾಯಿ ವ್ಹಡ್ ಕಂಪೆನಿ ಥಾವ್ನ್ ನಿರ್‍ದೇಶಕ್ ಜಾಂವ್ಕ್ ಆಪವ್ಣೆಂ ಆಯ್ಲ್ಯಾರ್ ತ್ಯಾವಿಶಿಂ ಚಿಂತುನ್ ಪಳೆತಾಂ ಮ್ಹಣ್ತಾ ತೆಂ. ರೂತಾಕ್ ಐ.ಎ.ಎಸ್. ಪರೀಕ್ಶಾ ಬರೊಂವ್ಚಿ ಆಶಾ ಪಯ್ಲೆಂ ಥಾವ್ನ್‌ಯಿ ಆಸಾ ಖಂಯ್.
'maaibhaas.com' ರೂತಾಕ್ ಅಭಿನಂದನ್ ಪಾಟವ್ನ್ ತಾಚೆಂ ಸಪಣ್ ಖರೆಂ ಜಾಂವ್ ಮ್ಹಣ್ ಆಶೆತಾ.
Tags:
Ruth Claire Dsilva, CA First Rank, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
0 Comment/s.