web analytics

From around the world

ಪ್ರವೀಣ್ ತಾವ್ರೊ, ಕುಲ್ಶೇಕರ್
             
+971 50 7554105
ತುಮ್ಚ್ಯಾ ಗಮನಾಕ್:
Best be viewed in 1366 X 768 screen resolution and in Google Chrome

ನತಲಾಂಕ್ ಶಾಂತೆ ಖೆಳ್

Monday, October 30, 2017  /  By Admin

ಬರಯ್ಣಾರಾ ವಿಶಿಂ ಜಾಣಾ ಜಾ...

80.5
User Rating

ದಫ್ತರಾಚ್ಯಾ ಕಾಮಾ ಮದೆಂ ತಪಾಲ್ ಆಯಿಲ್ಲೆಂ ತೆಂ ಪಳಯ್ತಾನಾ ಪತ್ರಾಂ ಮದೆಂ ಏಕ್ ವಾಂಕ್ಡೆ-ತಿಂಕ್ಡೆ ರಿತಿನ್ ವಿಳಾಸ್ ಬರಯಿಲ್ಲೆಂ ಕಾಗದ್ ಝಳ್ಕಾಲೆಂ. ಹೆರ್ ಕಾಗ್ದಾಂಕ್ ತೆವ್ಶಿನ್ ಲೊಟುನ್ ಪಯ್ಲೆಂ ತೆಂಚ್ ವಿಂಚ್ಲೆಂ. ಪಾಟ್ಲ್ಯಾನ್ ವಿಳಾಸ್ ನಾ. ಕೊಣಾ ಥಾವ್ನ್ ಆಯಿಲ್ಲೆಂ ತೆಂ ಸಮ್ಜೊಂಚ್ಯಾ ಆತುರಾಯೆನ್ ಫೊಡ್ಲೆಂ ಆನಿ ನಿಮಾಣ್ಯಾ ಪಂಗ್ತಿಚೆರ್ ನದರ್ ಧಾಂವ್ಡಾಯ್ಲಿ.
ದೊರ್ಜಿ.

ಮ್ಹಾಕಾ ಎಕಾಚ್ ಫರಾ ಶಾಂತೆಚೆಂ ವರಸ್ ಆನಿ ಯುವ ಮುಕೆಲಿ ಜೋರ್ಜಿ ಉಗ್ಡಾಸಾಕ್ ಯೇವ್ನ್ ನದ್ರೆಂ ಮುಕಾರ್ ನಾಚ್ಲೊ. ಆನಿ ಮತಿ ಪಡ್ದ್ಯಾಚೆರ್ ಮೇಬಲ್‌ಯೀ ಲಜೆನ್ ಹಾಸ್‌ಲ್ಲ್ಯೆ ಪರಿಂ ಭೊಗ್ಲೆಂ. ಜೋರ್ಜಿನ್ ಭಾರಿಚ್ ವಾಂವ್ಟ್ ಕಾಡುನ್ ಆಪ್ಲ್ಯಾಚ್ ಹಾತಾನ್ ಬರಯಿಲ್ಲೆಂ ಕಾಗದ್ ಹಾಂಗಾಸರ್ ಆಸಾ ತಶೆಂ ದಿಲಾಂ :

ಭೊವ್ ಮೊಗ್ಯಾಚಾ ಪೀ ವೂಸಾಕು,

ಥುಜಾ ಮೊಗ್ಯಾಚಾ ದೊರ್ಜಿನು ಭೊರೊಮ್ಚೆಂ ಖಾಘಾತು ಆನಿಕು ಮಾಗುಚೆಂ ಧೆವಾಚೆಂ ಬೆಸಾಮು. ಹಾಂವು ಭೊರೊ ಹಸಾಂ ಆನಿಕು ಥುಂಯ್ ಭೆರೊ ಹಸ್ತಲೊಯ್ ಮುನು ಪಾಂತಿಯೆತಾಂ. ಹಾಂವು ಥುಜೊ ಇಮೊರ್ಸೊ ಕೊರ್ತಾಂ ಮುನು ಚಿಂಥಿ ನಾಕಾ. ಥುಮೆಂ ಮೂಜಾ ಇಸ್ಯಾಂತು ಪೇಪರಾರು ಪರ್ಕಟ್ ಕರುನ್ ಮೂಜಿ ಮೋರ್‌ಯಾದು ಖಾಡ್ಲ್ಯಾಯ್. ಸ್ಪೋಡ್ದ್ಯಾಂ ಇಸ್ಯಾಂತು ಭೊರಯ್ತಾನಾ ಥುಮೆಂ ಮೆಬೋಲಾಚಿ ಕೊಬಾರು ಕಿತ್ಯಾಕು ಗಾಲ್ಯಾಯ್? ಆನಿಕು ಥುಮೆಂ ಪಂಜಿ ರೇಯ್ಲ್ ಈಗೊರ್ಜೆಚಿಯ್ ಮೊರ್ಯಾದು ಖಾಡುಂಕು ಪೊಲೆಲ್ಯಾಯ್. ಧೆಖುನ್ ಆಂಗಾಚಾ ಇಗಾರಾಕು, ಖಾಜಿ ತೋರಾಕು ಆನಿಕು ಆಮುಕಾಂ ಸೊಕ್ಟಾಂಕು ಬಾರಿ ರಾಗು ಆಯ್ಲಾ. ಆಮಿಂ ಸೊಕ್ಟಾಂನಿ ಏಕ್ ನಿರ್ನೊಯ್ ಕೆಲಾ - ಥುಮೆಂ ಪೇಪರಾರು ಯ್ಯಾ ಕಾತಿರ್ ಬೊಗ್ಸಾನೆ ಮಾಗಾಜೆ. ನಾ ತೋರು ಆಮಿ ಥುಜ್ಯಾ ಗೊರಾಚಾ ಗೆಟಿ ಮುಕಾರು ದೊರ್ನಾಂ ಕೊರ್ತೆಲ್ಯಾಂವ್. ಕಾಲಿಂ ರಿಬ್ಬನಾಂ ಬಾಂದುನು ಥುಕಾ ಮುರ್ದಾಬಾದ್ ಮುನ್ ನಾರೆ ಗಾಲ್ತೆಲ್ಯಾಂವ್. ಥುಜಾ ಗೊರಾಚಾ ಪಾಕಯಾಕು ಪತೊರು ಅನಿಕು ಜೊನೆಲಾಕು ತಾಂತಿಯಾಂ ಉಡಯ್ತೆಲ್ಯಾಂವ್!

ಥುಮ್ ಗೆಲ್ಯಾ ಉಬ್ರಾಂತು ಆಮುಚೆಂ ಆಂಗಾ ಪೊರ್ತುನು ಮಿಟಿಂಗು ಜಾಲೆಂ. ಆಮಿ ಸ್ಪೊಡ್ದ್ಯಾಂಕು ಡೇಟ್ ಪಿಸ್ಕ್ ಖೆಲ್ಯಾ. ಸೊಕ್ಕಡೀ ಸ್ಪೊಡ್ದೆ ದೊಸೆಂಬೊರ್ 25 ತಾರ್ಕೆರು ನೊತ್ಲಾಂ ಪೆಸತಾ ದಿಸಾತ್ತ್ ಸೊಲ್ತೆಲೆ. ಆಮಿ ಅನಿಕೀ ದೋನ್ ಸ್ಪೊಡ್ದೆ ಖುಡ್ಸಿಲ್ಯತು. ತೆ ವೊಡ್ಲ್ಯಾ ಪಾದ್‌ರಾಬಾನು ಮುಲ್ಯಾರು ಇಗಾರಾನ್ ತೊಂಡಾನು ಸಾಂಗೊನು ಮೊಜೆ ಕೊರ್ನಾಂ ಭೊರೊಂವ್ಕ್ ಲಾಯ್‌ಲ್ಲ್ಯಾ ಪೊರ್ಮಾನೆಂ ಆಸೆ ಆಸಾತ್ (ಮೊಜಿಂ ಆಸ್ಕರಾಂ ಭೊರಿಂ ನಾಂತು ದೆಖುನು ತೊಪ್ಪು ಆಲ್ಲ್ಯಾರ್ ಸೊಮಾ ಖೊರ್).

ಸ್ಪಡ್ದೊ ನೊಂಬೊರ್ 13 - ಕುಟ್ಟಿ ದೊನ್ನೊ : ಇಸ್ಕೊಲಾಕು ವೊಸಾನಾತ್‌ಲ್ಲ್ಯಾ 16 ವೊರ್ಸಾಂ ವೊಯ್ಲ್ಯಾ ಚೆಡ್ಯಾಂಕು. ವೊ ಕೆಲ್ ಕೆಲ್ತೆಲ್ಯಾನಿಂ ಆಪಾಪ್ಲಿ ಕುಟ್ಟಿ ಹಾಡುನು ಯೇಜೆ. ದೊನ್ನೊ ರೆಪ್‌ರಿ ಹಾಡ್ತಾ. ಕುಟ್ಟೆಚಿ ಮೊಟಾಯ್ ಮೊದೆಂ ದೋನು ಇಂಚಾ ವಯ್ರ್ ಆಸೊನೊಜೊ ಆನಿ ಲಾಂಬಾಯ್ ಪಾಂಚ್ ಇಂಚು. ಎಕೆಕಾ ಪಾಡ್ತಿ ತಾವುನು ಪಾಂಸ್ ಜೊನಾಂ ಮಾತ್ ಕೆಲೊಂಕ್. ಕೆಲ್ತೆಲ್ಯಾನು ಚಿಲ್ಲೋ ಪಾಲ್ಲೋ, ಆಂಡಾ, ಅಡ್ಸೂಲು ತಸಲೆ ಸಬ್ದ್ ಸೊಕ್ಟಾಂಕು ಆಯ್ಕೊಂಚ್ಯಾ ಬೊರಿ ಮುನಾಜೆ. ಕೆಲ್ತೆಲ್ಯಾನಿ ಮೊಟ್ವಿಂ ಬೊರ್‌ಮುಡಾಂ ಯಾ ಇಜಾರಾಂ ಅನಿ ಲಾಂಬ್ ಆತಾಚೆಂ ಬಾಂಜಾಣು ಗಾಲಿಜೆ. ಆಜ್ ಕಾಲ್ ಕಾರ್‌ನಾಟಕಾಂತು ವೊ ಕೆಲ್ ಮೊಸ್ತು ಕಡೆ ಕೆಲೊಂಕು ಸುರು ಕೆಲಾ ದೆಕುನ್ ಆಚ್ಯೊ ರೂಲಿ ರೆಗ್‌ರೊ ಪೂರಾ ರಾಜ್ ಮಟ್ಟಾಚ್ಯೊ ಹಸ್ತೆಲ್ಯೊ. ಕುಟ್ಟಿ ದೊಲ್ಯಾಕು ಲಾಗೊನು ಕೊನೀ ರೊಡ್ಲ್ಯಾರು ಸಗ್ಲೆಂ ಟೀಮ್ ಡಿಸ್ಕೊಲಿ ಕರ್ತೆಲೆ. ಕುಟ್ಟಿ ಪೊರಾಮಸೆನ್ ರೆಪ್‌ರಿಕು ಲಾಗ್ಲಿ ತರ್ ಕೆಲ್ತೊಲೊ ಆವುಟ್. ಮ್ಹಾರ್‌ಲ್ಲಿ ಕುಟ್ಟಿ ಆನಿ ಉಸ್ಲಾಲ್ಲೊ ದೊನ್ನೊ ಲಾಗೊನು ಮ್ಹಾರ್ ಜಾಲ್ಲ್ಯಾಂಕ್ ಉಚಿತ ಚಿಕಿತ್ಸೆ ಮೆಲ್ತೆಲಿ.

ಸ್ಪಡ್ದೊ ನೊಂಬೊರ್ 14 - ಗುಟಿಯೊ : ಇಸ್ಕೊಲಾಕ್ ಒಸಾನಾತ್‌ಲ್ಲ್ಯಾ 16 ವೊರ್ಸಾಂ ಸೊಕೊಯ್ಲ್ಯಾ ಚೆಡ್ಯಾಂಕು. ಎಕೆಕಾ ಪಿರ್‌ಗೆಜೆ ತಾವುನು ದೊಗಾಂಕು ಮಾತ್ ಪರ್ವೇಸ್ ಹಸ್ತೊಲೊ. ತಾಂಚ್ಯೊ ತಾಂಚ್ಯೊ ಗುಟಿಯೊ ತಾಣಿಂತ್ತ್ ಆಡಿಜೆ. ಪೂನ್ ಜಿಕುಲ್ಲ್ಯಾಂನಿ ಪೂರಾಯ್ ಗುಟಿಯೊ ಈಗೊರ್ಜೆಕ್ ದಾನ್ ದಿಂವ್ಕ್ ಹಸ್ತೆಲೆಂ. ಗುಟಿಯೊ ಸೊಡಾ ಬೊತ್ಲೆಚ್ಯೊ ಜಾಯ್ಜೆ. ಪೂನ್ ಗುಟಿಯಾಂ ಕಾತಿರ್ ಆಂಗ್ಡಿ ವೊಸೊನು ಸೊಡಾ ಬೊತ್ಲಿ ಪುಟಯಿಲ್ಲೆಂ ಕೊಲ್ಲ್ಯಾರ್ ಸಗ್ಲೆಂ ಟೀಮ್ ಡಿಸ್ಕೊಲಿ ಕೊರ್ತೆಲೆ. ಕೆಲ್ತೆಲ್ಯಾಂನಿ ಪೇಂಟ್ ಪಿಂದುನು ಕೆಲ್ಲಿಂ ಮಟ್ವಿಂ ಇಜಾರಾಂ ಗಾಲ್ಯೆತಾ. ಆಚೊ ರೆಪ್‌ರಿ ಇಗೊರ್ಜೆಚೊ ಮಿನ್ಯಾಮ್ ಹಸ್ತೊಲೊ.

ಸ್ಪಡ್ದೊ ನೊಂಬೊರ್ 15 - ಮೊಡ್ಕಿ ಫುಟಂವ್ಚೆಂ : ವೊ ಖೆಲ್ ದಾರ್ಲ್ಯಾಂಕು ಆನಿ ಬಾಯ್ಲಾಂಕು ವೋಪನ್ ಟು ಓಲ್ ಹಸ್ತೊಲೊ. ಕಸಲೆಂಯ್ ವೊಸ್ತುರು ನೆಸೊನು ಎವ್ಯೆತಾ. ದೊಲ್ಯಾಂಕು ಬಾಂದುಂಕು ಕುಡ್ಕೊ ಈಗೊರ್ಜೆ ತಾವುನ್ ಮೆಲ್ತೊಲೊ. ಲಾಂಬ್ ದೊನ್ನೊ ಅಡಾಲ್ತೆದಾರ್ ಆಡ್ತೊಲೊ ಆನಿ ದೋನ್ ಮೊಡ್ಕಿಯೊ ಸಂಗಾಚೊ ಪೆರ್ಸಿಡೆಂಟ್ ಆಡುನು ಯೆತೊಲೊ. ಮೊಡ್ಕಿ ಬಾರಾ ಪೀಟ್ ಉಬಾರಾಯೆಕ್ ಬಾಂದ್ತೆಲೆ. ರಾಂವ್‌ಡ್ ಸುಣ್ಯಾನ್ ಗೀಟ್ ಗಾಲ್ತೆಲೆ, ತಾಚಾ ಬಾಯ್ರ್ ಒಸೊಂಕು ನಾ. ಗಿಟಾಚಾ ಬಿತೊರ್ ಕೊನೆಂಯ್ ಯೆರಾಂನಿ ರಾವೊಂಕು ನಾ. ದಾಟೊ ಪಾದ್ರ್ಯಾಬ್ ರೆಪ್‌ರಿ ರಾವ್ತೊಲೊ. ದೊನ್ನೊ ತಾಕಾ ಉಬ್ರಾವುಂಕು ಆಡ್ವಾರ್ಲಾಂ.
  
ಬಾಕಿ ಸೊಕ್ಕೊಡ್ ನಿಯಮಾಂ ಪೊಯ್ಲೆಂ ಕೊಲೊಯಿಲ್ಲೆ ಬೊರಿತ್ತು ಹಸ್ತೆಲಿಂ. ಸ್ಪೊಡ್ದ್ಯಾಕು ಪರ್ವೇಸ್ ದಾಡುಂಕು ನಿಮಾನಿ ತಾರಿಖು ಆಲ್ಮಾಂಚೊ ದೀಸ್. ಪಿರ್ಗೊಜೆಚಾ ಇಗಾರಾಚಿ ದೊಸ್ಕೊತು ನಾತುಲ್ಲಿಂ ಪರ್ವೇಸ್ ಪೊತ್ರಾಂ ಆಮಿ ಲೆಕ್ಕಕು ದೊರಿ ನಾಂವ್. 

ಮೊಗ್ಯಾಚಾ ಪೀವುಸಾ, ಥುಂ ಯೆ ದೊನೀ ಸ್ಪೊಡ್ದೆ ಪೊತ್ರಾರ್ ಪರ್ಕಟ್ ಕರ್.

ಸ್ಪೊಡ್ದ್ಯಾಂತ್ ಜಿಕುಲ್ಲ್ಯಾಂಕು ಇನಾಮಾಂ ದೀಮ್ಕ್ ಆಮಿಂ ದೊಸೆಂಬೊರಾಚಾ 31 ತಾರಿಖೆರು ಮೊದ್ಯಾನೆಚಾ ಮೀಸಾ ಉಬ್ರಾಂತು ಈಗೊರ್ಜೆಚಾ ಬೊಲ್ಕಾಂವಾಂತು ಏಕ್ ಸಂಸ್ಕರಿತಿಕ ಕಾರ್ಯಕ್ರೊಮು ದೊವೊರ್ಲಾಂ. ತಾಂತು ಏಕ್ ಡಾರಾಮಾ ಹಸ್ತೊಲೊ. ತೊ ಆವೆಂತ್ತ್ ಭೊರಯ್ಲಾ. ಆನಿ ತಾಚೊ ಈರೊ ಆಂವ್‌ತ್ತ್. ದಿಗ್ಗ್ ದರ್‍ಶನ್ ಮಾತ್ ದಾಟ್ಯಾ ಪಾದ್ರಾಬಾಚೆಂ. ಇನಾಮಾಂ ವಾಂಟುಂಕು ಕೊನಾಕು ಆಪೊಂವ್ಚೆಂ ಮುಲ್ಲೆಂ ತೆಂ ಚಡ್ಡ್ ದಾನು ಕೋನು ದಿತಾ ತಾಕಾ ಮುನ್ ನಿಗೊಂಟು ಕೆಲಾಂ. ತುಕಾಯ್ ಉಗ್ತೆಂ ಚಾನ್ಸ್ ಆಸಾ. 
ಥುಮ್ ನೊತಾಲಾಂ ಪೆಸ್ತಾಕು ಗಾಂವಾಕು ಎತಾಯ್ ತೊರ್ ಮಾಕಾ ಭೊರಯ್. ಆಮ್ ಥುಕಾ ಎಕಾ ಪುನೀ ಸ್ಪೊಡ್ದ್ಯಾಚೊ ರೆಪರಿ ಕೊರ್ತಾಂ. ಆನಿ ಥುಮ್ ಏನಾ ಜಾಲ್ಯಾರೀ ವೊಡ್ ನಾ, ಪೂನ್ ಥುಜೆಂ ದಾನು ವೆಗ್ಗಿಂ ದಾಡುನ್ ದಿ. ಆಮುಕಾಂ ಆಯಿಲ್ಲ್ಯಾ ದಾನಾ ತಾವುನು ಪೂರಾಯ್ ಕರ್ಚ್ ಕಾಡುನು ಉರುಲ್ಲ್ಯಾ ಪೊಯ್ಶಂನಿಂ ಆಮಿ ಈಗೊರ್ಜೆಕ್ ಏಕ್ ವೊಡ್‌ಲಿ ಗಾಂಟ್ ಆಡಿಜೆ ಮುನು ಚಿಂತ್ಲಾಂ.

ಆಮ್ ಥುಜೆ ಕೊಡೆನು ಏಕ್ ಉಪ್ಪುಕಾರು ಮಾಗ್ತಾಂ. ಆಮಿ ಯಾ ವೊರ್ಸಾ ಆಮುಚಾ ಪಿರ್ಗೊಜೆಂತು ಸಾಂತೆಚೆ ವೋರ್ಸ್ ಸೊಲೊಯ್ತಾಂವ್. ಹ್ಯಾ ಸೊಂದೊರ್ಬಾರ್ ಆವೆಂ ಕೊನ್‌ಕಾನಿಂತು ಏಕ್ ಬೊರೀ ಕಾಣಿ ಭೊರಯ್ಲ್ಯಾ. ಆಂತು ಮೋಗ್ ನಾ, ಸಾಂತಿ ಮಾತ್. ಮಾಕಾ ಏಕ್ ಲೇಕಾಕು ಜಾಯ್ಜೆ ಮುನು ಬಾರಿ ಮೋನು ಹಸಾ. ಥುಕಾ ತಿ ಆಂವುಂ ಪಾಲ್ಯಾಂ ದಾಡುನು ದಿತಾಂ, ತಿ ಥುಜಾ ಖೊಂಯ್ಚಾಯ್ ಸೊಂಪಾದಕಾಕು ದಾಡುನು ಪಾಯ್ಸ್ ಕೊರುಂಕು ಇಂಪ್ಲುಯೆನ್ಸು ಕೋರು.
 
ಮಾಯ್ನ್, ಮೊಲ್ಯಾರು ಥುಜಾ ಆಕೊಯಿನು ಥುಕಾ ಇಸಾರ್ಲಾಂ. ತೊಸೆಂತ್ತ್ ಮೇಬುಲ್‌ಯೀ ಥುಕಾ ವಿಸಾರ್ತೆಲೆಂ ಕೊಂಡಿತು. ತಾಚೆಂ ರಿಜಲ್ಟ್ ಆಯ್ಲಾಂ ಆನಿಕು ತೆಂ ಪಾಸು. ಥುಕಾ ಅನಿಕೀ ಮುಜೆಂ ನೀಜ್ ನಾಮ್ ಗೊತ್ತು ನಾ ಮುಲ್ಲೆಂ ವಾಸುನು ಥುಜಿ ಮಾಕಾ ಬಿರ್ಮೊತ್ ದಿಸ್ಲಿ. ದಾನ್ ದಾಡ್‌ಲ್ಲ್ಯಾಕು ರಸೀದಿ ದಿತಾನಾ ತಾಂತು ಮುಜೆಂ ಪುರ್ತೆಂ ನಾಮ್ ಭೊರಯ್ತಾಂ.

ಆಂ, ಥುಮೆ ಆದ್ಲೆ ಪುಟಿಂ ದಿಲ್ಲೆಂ ಮೊಬಾಯ್ಲ್ ಪಾಡ್ ಜಾಲಾಂ. ತೆಂ ರಿಪೇರಿ ಕರುಂಕು ಗೆಲ್ಲ್ಯಾ ಕಡೆ ಮೆಕೆನಿಕಾನು ತೆಂ ಲಾಟರಿ, ತಿನ್ಶಿಂ ರುಪಯಾಂಚೆಂ ಹಸ್ತೆಲೆಂ, ಕೊಸ್ರ್ಯಾ ಡೊಬ್ಬ್ಯಾಕು ಉಡಯ್ ಮುಲಾಂ. ಯೆ ಪುಟಿಂ ಎತಾನಾ ಬರ್‍ಯಾ ಮೊಲಾಚೆಂ ಕಾಂಯ್ ಪುನೀ ಆಡ್. ಬೆಟ್ಟೆ, ಡೆಲ್ಲಿಚಾ ಮಾರ್ಗಾ ದೆಗೆಕು ರಾಸ್ ಗಾಲ್ಲ್ಯಾಂತುಲೆಂ ಇಂಸುನು ಆಡಿನಾಕಾ.

ಇಸೇಸ್ ಖಾಂಯ್ ನಾ. ಆಸೆಂ ಥುಜೆಮ್ ಬೆಸಾಂಮು ಮಾಗೊನು ಎಂ ಖಾಘಾತು ಆಕೇರು ಕೊರ್ತಾಂ. 

ಥುಜಾ ಮೊಗ್ಯಾಚೊ - ದೊರ್ಜಿ.

ವ್ಹಾವ್! ತಿಸ್ರೆಂತ್ ತೀನ್ ಪಾವ್ಟಿಂ ಲಾಟ್ ಘಾಲುನ್ ಶಿಕಪ್ ಬಂದ್ ಕೆಲ್ಲೆಂ ತರ್‌ಯೀ ಸ್ವ ಪ್ರಯತ್ನಾನ್ ಇತ್ಲೆಂ ಪುಣೀ ಬರಂವ್ಕ್ ಪಾವ್‌ಲ್ಲ್ಯಾ ಜೋರ್ಜಿಚೆರ್ ಮ್ಹಾಕಾ ಅಭಿಮಾನ್ ಭೊಗ್ಲೊ. ತರ್ನಾಟ್ಯಾಂ ಮದೆಂ ಆಸಲ್ಯೊ ಚಟುವಟಿಕೊ ಕರುನ್ ಸಮಾಜ್ ಸೆವಾ ಕರ್ಚೆ ಧಾ-ಪಂದ್ರಾ ಯುವಕ್ ಹರ್ ಫಿರ್ಗಜೆಂನಿ ಆಸ್ತಿತ್ ತರ್ ಆಮ್ಚೊ ಕ್ರೀಸ್ತಾಂವ್ ಲೋಕ್ ಖಂಡಿತ್ ಹರ್ ವಾಟೆಂನಿ ಮುಕಾರ್ ಯೇಂವ್ಕ್ ಸಕಾತ್ ಮ್ಹಣ್ ಮ್ಹಾಕಾ ದೂರ್ ದೃಶ್ಟೆಂತ್ ಝಳಕ್ ಯೇಂವ್ಕ್ ಲಾಗ್ಲೆಂ.

ಕಿತ್ಲೆಂ ದಾನ್ ಧಾಡ್ಚೆಂ ಮ್ಹಣ್ ಚಿಂತುಂಕ್ ಲಾಗ್ತಾನಾಂಚ್ ಫೋನ್ ವ್ಹಾಜ್ಲೆಂ. ಜೋರ್ಜಿಚೆಂ ರೂಪ್ ಮತಿಂತ್ಲೆಂ ಹಳೂ ರಿತಿರ್ ಮಾಜ್ವೊಂಕ್ ಲಾಗ್ತಾನಾ ಮತ್ ಕಾಮಾಂತ್ ವೆಸ್ತ್ ಕರಿಜೆ ಪಡ್ಲಿ.

Tags:  Herolpius, Konkani Writer, Peaceful Competitions, Konkani, Mangalore, Mangalorean, Mother Tongue

0 Comment/s.

Post your comments

Your email address will not be published. Required fields are marked *

Konkani English
Name  : 
Email  : 
Place  : 
Mobile  : 
I Am Human  : 
   Message :


Connect

Maibhaas

Within a short span of time, www.maibhaas.com made a niche in the hearts of Konkani readers with its clean reading, attracting design in Konkani media. www.maibhaas.com, a dream child of Naveen Sequeira Brahmavar, has able to create its impact and wonders from the day of its inception in Konkani world. As each day passing www.maibhaas.com is growing as a strong pillar of Konkani media.

Our Address
Mangalore

Contact Person :
Mr. Praveen Tauro

 Email : praveen@maibhaas.com

 Phone : +91 99 80 184340

 Address :
          Daijiworld.com,
          Airport Road,
          opp. Bondel Church,
          Mangalore - 575 008
          Karnataka - India

Our Address
Udupi

Contact Person :
Mr. Joel D'almeida

 Email : joel@maibhaas.com

 Phone : +91 90 08 855392

 Address :
          Eventz Redefined,
          Next to Vijaya Bank,
          Holy Family Complex
          1st Floor, NH -66
          Brahmavara - 576213

Our Address
Dubai

Contact Person :
Mr. Naveen Sequeira

 Email : editor@maibhaas.com

 Phone : +97 150 755 4105

 Address :
          Master Mind IT Solutions,
          UBL Building,
          #402, 4th Floor
          Bank Street - Bur Dubai
          Dubai - UAE