From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಹೆಂ ಮೆಲ್ಲೆಂ ಖಂಯ್ ಥಾವ್ನ್ ಆಯ್ಲೆಂ?
Thursday, August 3, 2017
ಎಕಾ ಬ್ಯಾಂಕ್ ಕಾಮೆಲಿಕ್ ಶಿಸ್ತೆಚೆಂ ಕ್ರಮ್ ಜಾವ್ನ್, ಎಕಾ ಪಯ್ಶಿಲ್ಯಾ ಹಳ್ಳೆಕ್ ವರ್ಗ್ ಕೆಲೊ. ಹಿ ಹಳ್ಳಿ ಶಹರಾ ಥಾವ್ನ್ ಪಯ್ಸ್ ಆಸ್‍ಲ್ಲಿ ಮಾತ್ರ್ ನಂಯ್, ಹ್ಯಾ ಗಾಂವಾಂತ್ ದುಕೊಳ್ ಪಡ್ಲಾ ಆನಿ ಖಾಣ್ - ಜೆವಣ್ - ಉದ್ಕಾಚೆ ವಾಂದೆ ಆಸಾತ್ ಮ್ಹಣ್ ಖಬರ್ ಆಸ್‍ಲ್ಲಿ. ಇತ್ಲೆಂ ಪಾವಾನಾತ್‍ಲ್ಲ್ಯಾಕ್ ತೊ ಮೆಲ್ಲ್ಯಾಂಚೊ ಗಾಂವ್ ಆನಿ ಹಾಂಗಾಸರ್ ಸ್ಪಿರಿತ್ ಭಂವ್ತಾತ್ ಮ್ಹಣ್ಚಿ ಜಾಗ್ವಣ್ ತಾಕಾ ವೆಚೆ ಫುಡೆಂ ಆಯ್ಕೊಂಕ್ ಲಾಭ್ಲಿ.
ದುಕೊಳ್ ಪಡ್‍ಲ್ಲ್ಯಾ ಗಾಂವಾಂತ್ ಮೆಲ್ಲ್ಯಾಂಕ್ ಕಿತೆಂ ಆಸಕ್ತ್? ಭೋವ್‍ಶ್ಯಾ ಮೆಲ್ಲ್ಯಾಂಕ್ ಉದಾಕ್ ಆನಿ ಜೆವ್ಣಾಚಿ ಗರ್ಜ್ ನಾ ಆಸ್ತೆಲಿ.
ಹಾಕಾ ಮೆಲ್ಲ್ಯಾಂಚೆಂ ವಿಶೇಸ್ ಭ್ಯೆಂ! ಖಬ್ರೊ ಆಯ್ಕೊನ್ ಹಾಚೊ ಜೀವ್ ಅರ್ಧೊ ಜಾಲೊ. ಚಿಂತಾನಾ ಕಾಮಾಕ್ ರಾಜಿನಾಮ್ ದಿವ್ಯಾಂ ಮ್ಹಣ್ ಭೊಗ್ಲೆಂ. ಪೂಣ್ ಶಹರಾಚ್ಯಾ ಬ್ಯಾಂಕ್ ಮೆನೆಜರಾನ್ ಹ್ಯಾ ಖಬ್ರೆಂನಿ ಸತ್ ನಾ ಆನಿ ವೆಗಿಂಚ್ ಪಾಟಿಂ ಹಾಡಯ್ತೊಲೊಂ ಮ್ಹಳ್ಳೊ ಭರ್ವಸೊ ದಿತಚ್ ಹೊ ಬಾವ್ಡೊ ನವ್ಯಾ ಗಾಂವಾಕ್ ವಚೊಂಕ್ ತಯಾರ್ ಜಾಲೊ.
ಪಯ್ಣಾಚಿ ಘಡಿ ಉದೆಲಿ. ರಾತಿಚೆಂ ನೋವ್ ವೊರಾಂಚೆಂ ಸರ್ಕಾರಿ ಬಸ್ಸ್. ರಾತಿಂ ಎಕಾ ಸೈಕಲ್ ಸವಾರ್ ಕರ್ತೆಲ್ಯಾಕ್ ಆಪ್ಟೊನ್ ಪಾಂಚ್ ವೊರಾಂಚೆರ್ ಪಾವೊಂಕ್ ಜಾಯ್ ಆಸ್‍ಲ್ಲೆಂ ಬಸ್ಸ್ ಸಕಾಳಿಂ ಸ ವೊರಾಂಚೆರ್ ಪಾವ್ಲೆಂ. ಹೊ ಸಕ್ಲಾ ದೆಂವ್ಲೊ.
ಧುಳಿಚೆಂ ಪರಿಸರ್! (ಬದ್ಲಾನಾತ್ಲ್ಲೊ ಗಾಂವ್?). ಬಸ್ಸ್-ಸ್ಟೊಪಾ ಥಾವ್ನ್ ಹಳ್ಳೆಕ್ ಪಾವೊಂಕ್ ಪಾಂಯ್ ವಾಟ್ ಚಲೊಂಕ್ ಆಸ್‍ಲ್ಲಿ. ವಾಟೆಚೊ ಸಂಕೇತ್ ಪಳೆವ್ನ್ ಬೇಗ್ ಉಕಲ್ನ್ ತೊ ಚಲೊಂಕ್ ಲಾಗ್ಲೊ. ಸುಮಾರ್ ಏಕ್ ಕಿಲೊ ಮೀಟರ್ ಚಲ್ತಚ್ ತಾಕಾ ಘರಾಂ ದಿಸೊಂಕ್ ಲಾಗ್ಲಿಂ. ಪೂಣ್ ಮನ್ಶಾ ದಿಸ್ಲಿಂ ನಾಂತ್.
ಜಾಗ್‍ಮಾಗ್ ನಾತ್‍ಲ್ಲಿ. ಭೋವ್‍ಶ್ಯಾ ಮೆಲ್ಲ್ಯಾಂಕ್ ಭಿಯೆವ್ನ್ ಗಳಾಯೆನ್ ಉಟ್ತಾತ್ ಆಸ್ತೆಲಿಂ ಮ್ಹಣ್ ಹಾಣೆ ಅಂದಾಜ್ ಕೆಲೊ. ಕಾಂಪ್ ಉಬ್ಜಾಂವ್ಚೆಂ ಘುಂಯ್ ವಾರೆಂ. ವಾರೆಂ ಯೆಂವ್ಚ್ಯಾ ದಬಾವಾಕ್ ಉಬೊನ್ ಕರ್ಕಸ್ ಆವಾಜ್ ಕರ್ಚ್ಯೊ ಖೊಲಿಯೊ. ಹಾಣೆ ಅಸಹಾಯಕ್‍ಪಣಿಂ ಥಿಂಪಿ ಗಿಳ್ಳಿ. ಕಿತೆಂ ಕರ್ಚೆಂ ಮ್ಹಣ್ ಸುಸ್ತಾನಾಸ್ತಾನಾ ಹೆಣೆ ತೆಣೆ ನದರ್ ಭಂವ್ಡಾಯ್ತಾನಾ ತಾಕಾ ಪಯ್ಶಿಲ್ಯಾನ್ ಸೊಪ್ಯಾರ್ ಬಸೊನ್ ದಿಸಾಳೆಂ ವಾಸ್ಚೊ ಎಕ್ಲೊ ಮಾನೇಸ್ತ್ ದಿಸ್ಲೊ.
''ಹಲೊ.... ಗುಡ್‍ಮೊರ್ನಿಂಗ್...'' ಹಾಣೆ ಸಂತೊಸಾನ್ ಉಲೊ ದಿಲೊ.
''ಗುಡ್‍ಮೊರ್ನಿಂಗ್'' ಮಧ್ಯಮ್ ಪ್ರಾಯೆಚೊ ಮಯ್ಪಾಸಿ ಸ್ವರ್.
''ಹಾಂವ್ ಹ್ಯಾ ಗಾಂವಾಕ್ ನವೊಚ್...'' ಹಾಣೆ ವಿವರ್ಸಿಲೆಂ. ''ಹ್ಯಾ ಗಾಂವಾಂತ್ ಮೆಲ್ಲಿಂ ಆನಿ ಖೊಟೆ ಸ್ಪಿರಿತ್ ಭಂವ್ತಾತ್ ಮ್ಹಣ್ ಹಾಂವೆಂ ಆಯ್ಕಾಲಾಂ. ತುವೆಂ ಪಳೆಯ್ಲಾಂಯ್ಗಿ?''
''ಹಾಂವ್‍ಯಿ ಹ್ಯಾ ಗಾಂವಾಕ್ ನವೊಚ್...'' ಮಾನೇಸ್ತಾಕ್ ತಕ್ಲಿ ಉಕಲ್ನಾಸ್ತಾನಾ ಜಾಪ್ ದಿಲಿ. ''ಮ್ಹಾಕಾ ಸಾರ್ಕೆಂ ಕಳಿತ್ ನಾ. ಹಾಂವ್ ಕಾಲ್ ರಾತಿಂ ಎಕ್ಸಿಡೆಂಟ್ ಜಾವ್ನ್ ಮರೊನ್ ಆಯ್ಲಾಂ ಮಾತ್ರ್!!!''
ಮೊರೊನ್ ಧೊಸ್ಚ್ಯಾ ಸ್ಪಿರಿತಾಂ ವಿಶಿಂ ವಿಭಿನ್ನ್ ಅಭಿಪ್ರಾಯ್ ಆಸಾತ್. ಥೊಡೆ ಮೆಲ್ಲಿಂ ಭಂವ್ತಾತ್ ಮ್ಹಣೊನ್ ಶೆಂಭರ್ ಠಕ್ಕೆ ಪಾತ್ಯೆತಾತ್ ಆನಿ ಭಿಂಯಾನ್ ಥರ್ಥರ್ತಾತ್. ಹೆರ್ ಥೊಡ್ಯಾಂಕ್ ಅಪಧೈರ್, ಕಶೆಂ ಸಾಧ್ಯ್, ಮೆಲ್ಲಿಂ ಪಾಟಿಂ ಯೇನಾಂತ್... ಪುಣ್ ಆಯ್ಲಿಂ ತರ್? ಮ್ಹಣ್ಚ್ಯಾ ಸವಾಲಾಂಕ್ ಜಾಪಿ ಸೊಧ್ತಾನಾ ತಾಂಕಾಂ ಶಿರ್ಶಿರೊ ಧಾಂವ್ತಾ. ಬಿಲ್ಕುಲ್ ಪಾತ್ಯೆನಾ ಮ್ಹಣ್ಚೆ ಜಾಯ್ತೆ ಆಸಾತ್. ಪುಣ್ ಸಗ್ಳಿ ಕಾಳ್ಕಿ ರಾತ್ ಸಿಮಿಸ್ತ್ರಿಂತ್ ಪಾಶಾರ್ ಕರ್ಚೆಂ ಧೈರ್ ಕಿತ್ಲ್ಯಾಂಕ್ ಆಸಾ?
'ಆಪುಣ್ ತಯಾರ್ ಆಸಾಂ, ಬೆಟ್ ಘಾಲ್ಯಾಂಗಿ, ಕಿತ್ಲೆ ದಿತಾಯ್?' ಮ್ಹಣ್ ಪಂಥಾಹ್ವಾನ್ ಕರ್ತೆಲೆ ಆಸಾತ್. ಪಯ್ಶಾಂಚ್ಯಾ ಆಂಗಾಲಾಪಾಕ್ ಜೀವ್ ರಿಸ್ಕೆರ್ ಘಾಲ್ತೆಲೆ ಜಾಯ್ತೆ ಆಸಾತ್. ಪುಣ್ ಕಿತೆಂಚ್ ಅಪೇಕ್ಷಿನಾಸ್ತಾನಾ ಏಕ್ ರಾತ್ ಸ್ಮಶಾನಾಂತ್ ಯಾ ಸಿಮಿಸ್ತ್ರಿಂತ್ ಪಾಶಾರ್ ಕರುಂಕ್ ಸಕ್ತಾಯ್? ಪಾಶಾರ್ ಕರ್ನ್ ಆಪ್ಣಾಕ್ ಖಂಚ್ಯಾಚ್ ವಗ್ತಾ ಮೆಲ್ಲ್ಯಾಂಚೆಂ ಭ್ಯೆಂ ದಿಸ್ಲೆಂ ನಾ ಮ್ಹಣ್ ಫಟಿಂ ಮಾತ್ರ್ ಸಾಂಗಾನಾಕಾ!
ಹಾಂವ್‍ಯಿಂ ಭಿಯೆಲ್ಲೊಂ 'ಎರ್ಗ್ಜೊರ್ಸಿಸ್ಟ್' ಪಿಂತುರ್ ಪಳೆಯಿಲ್ಲ್ಯಾ ಉಪ್ರಾಂತ್. ತವಳ್ ಮ್ಹಜ್ಯಾ ಡಿಗ್ರೆಚೆಂ ನಿಮಾಣೆಂ ವರಸ್. ನ್ಯೂಚಿತ್ರಾಂತ್ ಹಾಂವ್ ಸ ವೊರಾಂಚಿ ದಾಕವ್ಣ್ ಪಳೆಂವ್ಕ್ ಗೆಲ್ಲೊಂ. ಪಿಂತುರ್ ದೆಕ್ತಾನಾ ಜಾಲ್ಲೊ ಆಕಾಂತ್ ಸಾಂಗ್ಚೊ ನೈಂ. ಯೇವ್ನ್ ಫಸ್ಲೊಂ ಮ್ಹಣ್ ಚಿಂತ್ಲೆಂ. ದಾಕವ್ಣ್ ಜಾವ್ನ್ ಹಂಪನ್‍ಕಟ್ಟಾ ಪಾವ್ತಾನಾ ನೋವ್ ವೊರಾಂ. ಸಾಡೆ ನೊವಾಂಚೆಂ ಮುಲ್ಕಿ ವೆಚೆಂ ಬಸ್ಸ್. ಮುಲ್ಕಿ ಬಸ್ಸ್ ಸ್ಟೆಂಡಾರ್ ದೆಂವ್ತಾನಾ ರಾತಿಚಿಂ ಧಾ ಉತ್ರಾಲ್ಲಿಂ. ಬಸ್ಸ್ ಸ್ಟೆಂಡಾ ಥಾವ್ನ್ ಘರಾ ಪಾವೊಂಕ್ ಸುಮಾರ್ ಪಂದ್ರಾ ಮಿನುಟಾಂಚಿ ವಾಟ್. ಪಾಂಚ್ ಮಿನುಟಾಂ ಚಲ್ಲಾಂ ಮಾತ್ರ್... ಬಗ್ಲೆನ್ ಕೊಣೆಂಗಿ ಚಲ್ಚೊ ಅನ್ಭೋಗ್ ಜಾಲೊ. ಘುಂವೊನ್ ಪಳೆತಾನಾ ಕೋಣ್೦ಚ್ ನಾ. ಮ್ಹಜಾ ಕಾಳ್ಜಾಚಿ ಉಡಿ ಚುಕ್ಲಿ. ಕಾಂಪ್ ನಿಶ್ಯಕ್ತ್ ಕರುಂಕ್ ಲಾಗ್ಲಿ. ಥಿಂಪಿ ಗಿಳ್ಯಾಂ ಮ್ಹಳ್ಯಾರ್ ತಾಳೊ ಸುಕ್‍ಲ್ಲೊ. ದುಸ್ರ್ಯಾ ಕ್ಷಣಾ ಹಾಂವೆಂ ಪಾಂಯಾಂಕ್ ಉಲೊ ದಿಲೊ. ಕಿತೆಂಚ್ ಚಿಂತಿನಾಸ್ತಾನಾ ಘರಾ ಪರ್ಯಾಂತ್ ಖರ್ಶೆವ್ನ್ ಧಾಂವ್ಲೊಂ. ಪಾವಾನಾತ್ಲ್ಯಾಕ್ ಪೆಟ್ಯಾಂಚೊ ಧೊಶಿ! (ಮೆಲ್ಲೆಂ ಮ್ಹಣೊನ್ ಇಂಜೆಕ್ಷನಾಂ ಘೆಂವ್ಚಿ ಗತ್ ಯೆತಾ ಆಸ್‍ಲ್ಲಿ).
ಆತಾಂ ಮೆಲ್ಲ್ಯಾಂ ವಿಶಿಂ ಮ್ಹಜೆಂ ದಿಶ್ಟಿಕೋನ್ ಬದ್ಲಾಲಾಂ... ಮ್ಹಾಕಾ ಭೊಗ್ತಾ ಆಮಿ ಮೆಲ್ಲ್ಯಾಂಕ್ ಗರ್ಜೆವಿಣೆಂ ಭಿಯೆತಾಂವ್. ಮೆಲ್ಲೆಂ ಆಮ್ಚೆ ಮತಿಂತ್ ರಾಜ್ ಕರ್ತಾ. ಆಮ್ಚೊ ಮೆಂದು ಆಮ್ಚೆ ತಾಬೆಂತ್ ನಾ. ಆಮ್ಚಿ ಅಸಹಾಯಕತಾ ಆಮ್ಕಾಂ ಭೆಷ್ಟಾಯ್ತಾ. ಮೆಲ್ಲಿಂ ಪಾಪ್ ತಾಂಚೆ ಇತ್ಲ್ಯಾಕ್ ಆಸ್ತಾತ್. ತಿಂ ಕೊಣಾಂಯ್ಕೀ ಧೊಶಿನಾಂತ್. ಕೊಣಾಯ್ಚೆ ಜಿಣ್ಯೆಂತ್ ಖರ್ಗ್ ಹಾಡಿನಾಂತ್. ಜೀವ್ ಆಸ್‍ಲ್ಲ್ಯಾಂಚೊ ಶಿಂತ್ರ್ಯೊ ಪಳೆಯ್ತಾನಾ ಮೆಲ್ಲಿಂ ಭಿಯೆವ್ನ್ ಕಾಲುಬುಲಿಂ ಜಾಂವ್ಕ್ ಆಸಾತ್. ಜೀವ್ ಆಸ್‍ಲ್ಲ್ಯಾಂನಿ ದಿಂವ್ಚೊ ಧೊಶಿ ಮೆಲ್ಲ್ಯಾಂನಿ ಚಿಂತುಂಕ್ ಅಸಾಧ್ಯ್!
ಮೆಲ್ಲಿಂ ಆಕ್ರಮಣ್ ಕರ್ತಾತ್ ಮ್ಹಣ್ಚೆಂ ಭೊಗಾಪ್ ಮನ್ಶಾ ಕುಳಾನ್ ಕಿತ್ಯಾಕ್ ಬಾಂಧುನ್ ಹಾಡ್ಲಾಂ? ಮೆಲ್ಲಿಂ ಧೊಸ್ತಾತ್ ಮ್ಹಣೊನ್ ಚರಿತ್ರೆಂತ್ ಮನ್ಶಾಕುಳಾನ್ ಮೆಲ್ಲ್ಯಾಂಚೆರ್ ಅನ್ಯಾಯ್ ಕೆಲಾ, ಮೋಗ್ ಆನಿ ಮಯ್ಪಾಸಾ ಥಾವ್ನ್ ಸ್ಪಿರಿತಾಂಕ್ ವಂಚಿತ್ ಕೆಲಾಂ, ತಾಂಚೆಂ ನಾಂವ್ ಪಾಡ್ ಕೆಲಾಂ. (ಮೆಲ್ಲ್ಯಾಂಕ್ ಮನ್ಶಾಂಚೆರ್ ಮಾನ್ ನಷ್ಟ್ ಕೇಜ್ ಘಾಲುಂಕ್ ಸಂಪೂರ್ಣ್ ಹಕ್ಕ್ ಆಸಾ!). ತಾಂಕಾಂ ಗೌರವ್ ದೀಂವ್ಕ್ ಮನಿಸ್ ನೆಣಾ.
ಮೆಲ್ಲ್ಯಾನ್ ರಾತಿಂ ಬಾರಾ ವೊರಾಂಚೆರ್ ಘರಾ ಭೆಟ್ ಕೆಲಿ ತರ್ ಚಡ್ಡೆಂತ್ ಸುಸು ಕರ್ಚಿ ಕಿತೆಂ ಗರ್ಜ್? ದಾರ್ ಉಗ್ತೆಂ ಜಾತಾನಾ, ''ಹಾಯ್, ಕಸೊ/ಕಶೆಂ ಆಸಾಯ್? ಯೆ ಬಸ್. ಕಿತೆ0 ಖಾತಾಯ್, ಪಿಯೆತಾಯ್?'' ಮ್ಹಣ್ ವಿಸಾರ್ಚ್ಯಾಂತ್ ಕಿತೆಂ ಚೂಕ್ ಆಸಾ?
ಘರಾ ಆಯಿಲ್ಲ್ಯಾಂಕ್ ಯೆವ್ಕಾರ್ ಮಾಗೊನ್ ತಾಂಚಿ ಜತನ್ ಆನಿ ಸನ್ಮಾನ್ ಕರ್ಚೆಂ ಮನ್ಶಾಚೆಂ ಧರ್ಮ್ ನೈಂಗೀ? (ಮೆಲ್ಲ್ಯಾಂಕ್ ಹ್ಯಾ ವಿಶಿಂ ಮನ್ಶಾಂಚೆರ್ ಶಿಣ್ ಜರೂರ್ ಆಸ್ತೊಲೊ). ''ಆಮ್ಕಾಂ ಸಂಸಾರಾಚಿ ಭೆಟ್ ಕರಾ. ಕಿತ್ಲ್ಯಾ ಮೊಗಾನ್ ಆಮಿ ತುಮ್ಕಾಂ ಸಾಂಬಾಳ್ತೆಲ್ಯಾಂವ್ ಮ್ಹಣ್ ತುಮ್ಕಾಂ ಕಳ್ತೆಲೆಂ...'' ಮ್ಹಣ್ತಾತ್ ಜಾಂವ್ಕ್ ಪುರೊ ಮೆಲ್ಲಿಂ.
''ಮುಕ್ಲೆ ಪಾವ್ಟಿಂ ಯೆತಾನಾ, ರಾತಿಂ ಬಾರಾ ವೊರಾಂಚೆರ್ ದಯಾಕರ್ನ್ ಯೇನಾಕಾ. ದನ್ಪಾರಾಂ ಜೆವ್ಣಾಕ್ ಯೇ...'' ಮ್ಹಣ್ ಆಪವ್ಣೆಂ ದಿಲ್ಯಾರ್ ಮೆಲ್ಲ್ಯಾಕ್ ಕಿತ್ಲೊ ಸಂತೊಸ್ ಜಾಂವ್ಕ್ ಆಸಾ!?
''ದಾರ್ ಉಗ್ತೆಂ ಕರ್ತಾನಾ 'ಕಿರ್ರ್...' ಆವಾಜ್ ಕರಿನಾಕಾ'' ಮ್ಹಣೊನ್‍ಯಿ ಸಾಂಗ್ಯೆತ್. ತಾಳೊ ಬದ್ಲುನ್ ಮೊಟ್ಯಾ ಸ್ವರಾನ್ ಉಲಯ್ನಾಕಾ ಮ್ಹಣ್ ವಿನಂತಿ ಕರ್ಯೆತ್. ಲಾಂಬ್ ನಾಕ್ಷ್ಯೊ ಕಾತ್ರುಂಕ್ 'ನೇಯ್ಲ್ ಕಟ್ಟರ್' ಆಸ್ಲ್ಯಾರ್ ದಿವ್ಯೆತ್. ಲಾಂಬ್ ದಾಂತ್ ವೊಂಟಾಂಕ್ ಚಿಡ್ಕೊನ್ ಭಾಯ್ರ್ ತಿಳ್ತಾತ್ ತರ್ ಡೆಂಟಿಸ್ಟಾ ಲಾಗಿಂ ಆಪವ್ನ್ ವ್ಹೆಲ್ಯಾರ್ ತಾಕಾ ಸಂತೊಸ್ ಜಾಂವ್ಕ್ ಆಸಾ. (ಡೆಂಟಿಸ್ಟಾಚೆಂ ಕಾಳಿಜ್ ಬಸಾನಾತ್‍ಲ್ಲೆ ಪರಿಂ ಚತ್ರಾಯ್ ಸಾಂಬಾಳಿಜಾಯ್!). ''ವಿಕಟ್ ಹಾಸೊ ಹಾಸಾನಾಕಾ ಸಾಯ್ಬಾ ಆನಿ ಧವೆಂ ವಸ್ತುರ್ ಮಾತ್ರ್ ನೆಸಾಜಾಯ್ ಮ್ಹಣ್ ನಿಯಮ್ ನಾ, ರಂಗಾಳ್ ನೆಸಾಣ್‍ಯೀ ಸೊಭ್ತಾ... '' ಮ್ಹಣ್ ಹಳೂ ವಿವರ್ಸಿಯೆತ್. (ಕೋಣ್ ಜಾಣಾಂ, ಧವೆಂ ವಸ್ತುರ್ ಮೆಲ್ಲ್ಯಾಂಚೆಂ ಯೂನಿಫಾರ್ಮ್ ಆಸ್ತೆಲೆಂ!). ಮುಕಮಳ್ ವಿದ್ರೂಪ್ ಆಸ್ಲ್ಯಾರ್ ಪ್ಲಾಸ್ಟಿಕ್ ಸರ್ಜರಿ ವಿಶಿಂ ಮಾಹೆತ್ ದಿವ್ಯೆತ್. ಜನೆಲಾಂ ದಾರಾಂ ಆಪ್ಟಾಲ್ಯಾರ್ ನಶ್ಟ್ ಜಾತಾ ಮ್ಹಣ್ ಸಮ್ಜಯ್ಲ್ಯಾರ್, ತಾಂಕಾಂ ಕಿತೆಂ ಸಮ್ಜಾನಾಂಗೀ? ಸರ್ವ್ ಸಮ್ಜಾತಾ. ಮೆಲ್ಲೆಂ ವಾರ್‍ಯಾಚೆರ್ ಉಬೊಂಕ್ ಸಕ್ತಾ ತರ್, ಹಿತ್ಲಾಂತ್ಲೆ ನಾರ್ಲ್ ಕಾಡುಂಕ್ ಮಯ್ನ್ಯಾಕ್ ಏಕ್ ಪಾವ್ಟಿಂ ಖಂಡಿತ್ ಯೇ ಮ್ಹಣ್ ವಿಚಾರ್'ಲ್ಲ್ಯಾಂತ್ ಕಿತೆಂ ಚೂಕ್? ಸಕಾಳಿಂ ವೊಕಿಂಗ್, ಜೊಗಿಂಗ್ ಕರ್ತಾನಾ ಸಾಂಗಾತ್ ವಿಚಾರ್ಯೆತ್. 'ಹೈಡ್ ಎಂಡ್ ಸೀಕ್' ಮಾತ್ರ್ ಖೆಳೊಂಕ್ ಜಾಂವ್ಚೆಂ ನಾ. ತೊ/ತೆಂ ಲಿಪ್ಲ್ಯಾರ್ ಕಶೆಂ ಸೊಧ್ಚೆಂ? ಮೆಲ್ಲ್ಯಾಂಚೆಂ ಮೊಗಾಚೆಂ ಪೀವನ್ ಸೊರೊ ಮ್ಹಣ್ತಾ ಎಕ್ಲೊ ಮಾಲ್ಘಡೊ ಲೇಖಕ್. ಸ್ಪಿರಿತಾಂನಿ ಸ್ಪಿರಿಟ್ ಘೇನಾ ತರ್ ಹೆರ್ ಕೊಣೆಂ ಸೆಂವ್ಚೆಂ?
ಹ್ಯಾ ದ್ವಾರಿಂ ಮನಿಸ್ ಆನಿ ಮೆಲ್ಲ್ಯಾಂಚೊ ಬಾಂಧ್ ಬಳ್ ಜಾತೊಲೊ. ಸಮ್ಜೊಣಿ ಚಡ್ತೆಲಿ. ಎಕಾಮೆಕಾಚೆಂ ಭ್ಯೆಂ ಪಯ್ಸ್ ಚರ್ತೆಲೆಂ.
ಮ್ಹಜಾ ದೊಗಾಂ ಖಾಸ್ ಈಷ್ಟಾಂನಿ ಮುಲ್ಕಿ ಸಿಮಿಸ್ತ್ರಿಚ್ಯಾ ಬಗ್ಲೆಚೊ ಜಾಗೊ ಮೊಲಾಕ್ ಘೇವ್ನ್ ಘರ್ ಬಾಂಧ್ಲ್ಯಾಂತ್. (ಎಕಾಮೆಕಾಚಾ ಧೈರಾನ್ ಬಾಂಧ್ಲಾಂ ಆಸ್ತೆಲೆಂ). ಹ್ಯಾ ಜಾಗ್ಯಾರ್ ಸಮಾಧಾನ್ ರಾಜ್ ಕರ್ತಾ ಮ್ಹಣ್ತಾತ್ ತೆ ಆನಿ ತಾಂಚೆಂ ಕುಟಾಮ್. ಮೊಸ್ರಿ ಸೆಜಾರ್ ನಾ ಮ್ಹಣ್ ತಿಂ ಖುಶ್ ಜಾಲ್ಯಾಂತ್.
ಗಾಂವ್ಚೊ ಏಕ್ ಮೊಸ್ರಿ ತಾಂಕಾಂ ಭೆಟೊಂಕ್ ಆಯ್ಲೊ.
''ಆಮ್ಚ್ಯಾ ವಾಡ್ಯಾ ಥಾವ್ನ್ ಪಯ್ಸ್ ಗೆಲ್ಯಾತ್....'' ತಾಣೆ ಮ್ಹಜ್ಯ ಈಷ್ಟಾಕ್ ತುಕ್ಲಾಯ್ಲೆಂ. ''ಖಂಯ್ಸರ್ ಯೇವ್ನ್ ಘರ್ ಬಾಂಧ್ಲಾಂ ತುಮಿಂ? ಹಾಂಗಾಸರ್ ಆಸ್ಚಿಂ ತುಮ್ಚಿ ಫಕತ್ ದೋನ್ ಘರಾಂ. ಉಪ್ರಾಂತ್ ಲಾಗ್ಶಿಲೆಂ ಸೆಜಾರ್ ಮ್ಹಳ್ಯಾರ್ ಸಿಮಿಸ್ತ್ರ್!'' ತೊ ಹ್ಹೀ... ಹ್ಹೀ.. ಕರ್ನ್ ಮೆಲ್ಲ್ಯಾಂಚೊ ಹಾಸೊ ಹಾಸ್ಲೊ.
''ತುಂ ಖಂತ್ ಕರಿನಾಕಾ ಮಾಮಾ...'' ಮ್ಹಜ್ಯಾ ಈಷ್ಟಾನ್ ಸಿಮಿಸ್ತ್ರಿಕ್ ನದರ್ ಮಾರ್ನ್ ಜಾಪ್ ದಿಲಿ. ''ತುಂವೆಂ ಆಮ್ಚ್ಯಾ ಸೆಜಾರಾ ಯೇವ್ನ್ ವಸ್ತಿ ಕರ್ಚೆ ದೀಸ್ ಚಡ್ ಪಯ್ಸ್ ನಾಂತ್!!''
ಆಮ್ಚಾ ಪಿಂತುರಾಂನಿ ಕ್ರೀಸ್ತಾಂವಾ ವಿಶಿಂ ಚೂಕ್ ಮನೋಭಾವ್ ಪಿಂತ್ರಾಯ್ತಾತ್ ಮ್ಹಣ್ ಆಮಿ ಕೆದಾಳಾಯಿ ದುರ್ಸಾತಾಂವ್. ತರ್ ಮೆಲ್ಲ್ಯಾಂನಿ ಕಿತೆಂ ಮ್ಹಣಾನಾಕಾ? ತಾಂಚಾ ಇಮೇಜಿಚೊ ಪಿಂತುರಾಂನಿ ಭಂಗಸ್ತಳ್ ಕೆಲಾ! ತಾಂಚೆಂ ನಾಂವ್ ಪಿಡ್ಡ್ಯಾರ್ ಕೆಲಾಂ. ಮನ್ಶಾಕ್ ಭೊಗ್ಸುನ್ ತಿಂ ಎದೊಳ್ ವೊಗೊಚ್ ಆಸಾತ್. ತಾಂಣಿ ಆಕ್ರಮಣ್ ಕೆಲೆಂ ತರ್ ರಾಮ್ ಗೋಪಾಲ್ ವರ್ಮಾಕ್ 'ಭೂತ್' ಜಾಂವ್ಕ್ ವೇಳ್ ಲಾಗ್ಚೊನಾ.
ಘರ್ಚ್ಯಾಂನಿ ಪಸಂದ್ ಕೆಲ್ಲ್ಯಾ ಚಲ್ಯಾ ಲಾಗಿಂ ಎಕಾ ಚಲಿಯೆಚೆಂ ಖರಾರ್ ಜಾಲೆಂ. ಕಾಜಾರಾಕ್ ದೋನ್ ಮಯ್ನೆ ಬಾಕಿ ಆಸ್‍ಲ್ಲೆ. ಹಾಂಣಿ ಸಾಂಗಾತಾ ವೇಳ್ ಖರ್ಚುಂಕ್ ಸುರು ಕೆಲೆಂ. ದೋನ್ ಹಫ್ತೆ ಜಾಂವ್ಕ್ ನಾಂತ್. ಚೆಡುಂ ಆವಯ್ ಲಾಗಿಂ ಚೆಡ್ಯಾ ವಿಶಿಂ ದುರ್ಸೊಣೆಂ ಹಾಡ್ನ್ ಆಯ್ಲೆಂ.
''ವ್ಹಯ್, ಕಿತೆಂ ಜಾಲೆಂ?'' ಆವಯ್ನ್ ಧುವೆಕ್ ವಿಚಾರ್ಲೆಂ...
''ಪೂಣ್ ತೊ ಮಾತ್ರ್ ಖೊಟೊ ಸ್ಪಿರಿತ್ ಆಸಾ ಮ್ಹಣ್ ಪಾತ್ಯೆನಾ...''
''ವ್ಹಯ್‍ಗಿ ನಿಜಾಯ್ಕಿ ಪಾತ್ಯೆನಾ?''
''ನಾ ಮಾಮ್ಮಿ.. ತೊ ಖೊಟೊ ಸ್ಪಿರಿತ್ ಆಸಾ ಮ್ಹಣ್ ಬಿಲ್ಕುಲ್ ಪಾತ್ಯೆನಾ.''
''ತುಂ ಖಂತ್ ಕರಿನಾಕಾ ಬೇಬಿ...'' ಆವಯ್ನ್ ಧುವೆಕ್ ಸಮ್ಜಾಯ್ಲೆಂ... ''ಏಕ್ ಪಾವ್ಟಿಂ ಕಾಜಾರ್ ಜಾಂವ್ದಿ. ಉಪ್ರಾಂತ್ ತೊ ಆಪ್ಶೆಂಚ್ ಪಾತ್ಯೆತೊಲೊ!!''
Tags:
Stan Ageira, Spirit, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/9/2018 ಮಂಗಳೂರು ಸಿಲ್ವಂಗಾರ್ ಬೇಕರಿ...
-
10/30/2017 ನತಲಾಂಕ್ ಶಾಂತೆ ಖೆಳ್ ...
-
10/9/2017 ಆಮ್ಚೆ ಮನಿಸ್...
-
9/13/2017 ಶಾಂತಿ ಖಾತಿರ್ ಸ್ಪರ್ದೆ...
-
8/7/2017 ಆಶೆಂ ಏಕ್ ಸಂದರ್ಶನ್...
-
8/3/2017 ಹೆಂ ಮೆಲ್ಲೆಂ ಖಂಯ್ ಥಾವ್ನ್ ಆಯ್ಲೆಂ?...
-
7/19/2017 ವಿನ್ಸಿಚ್ಯೊ ಭಯ್ಣಿಂ...
-
6/8/2017 ನವಿಂ ನವಿಂ ಉದ್ಯಮಾಂ......
-
5/18/2017 ಕಷ್ಟ್ ಆಯ್ಲ್ಯಾತ್...
-
4/20/2017 ಹನಿಮೂನ್...
-
12/18/2021 ಕೆನಡಾಂತ್ 'ನವೊ ಭರ್ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
1 Comment/s.
Good article i liked it.