From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಮೆಂಗ್ಲೊ-ಇಂಡಿಯನ್ಸ್
Wednesday, November 9, 2016
ಎಕಾಮೆಕಾಚ್ಯೆ ಪಾಯ್ ವೊಡ್ಚ್ಯಾಂತ್, ಎಕಾಮೆಕಾಚಿಂ ಮಾಸಾಂ ಖಾಂವ್ಚ್ಯಾಂತ್ ಆನಿ ಎಕಾಮೆಕಾ ಆಡ್‍ನಾಂವಾಂನಿ ಆಪಂವ್ಚ್ಯಾಂತ್ ಭಾರತೀ ಲೋಕ್ ಕೆನ್ನಾಂಯ್ ಮುಕಾರ್.
ಗುಜ್ರಾತಿಂಕ್ 'ಗುಜ್ಜು' ಮ್ಹಣ್ ಆಪಯ್ತಾನಾ ಮಲ್‍ಬಾರಿಂಕ್ 'ಮಲ್ಲು' ಮ್ಹಣ್ ಆಪಯ್ತಾತ್. ಆನಿ ಮಂಗ್ಳುರ್'ಗಾರಾಂಕ್ 'ಮ್ಯಾಂಗಿಸ್' ಮ್ಹಣ್ ಆಪಯ್ತಾತ್. ಬರೆಂ ಜಾಲೆಂ, 'ಮಂಗಾಸ್' ವ 'ಮುಂಗೂಸ್' ಮ್ಹಣ್ ಆಪಯ್ನಾತ್‍ಲ್ಲೆ!
ಇಂಗ್ಲಿಶ್ ಆನಿ ಇಂಡಿಯನ್ ಜೊಡ್ಯಾಕ್ ಜಲ್ಮಲ್ಲಿ ಸಂತತ್ 'ಆಂಗ್ಲೊ - ಇಂಡಿಯನ್' ಜಾತಾ. ಹಾಂಚಿ ರೀತ್-ರಿವಾಜ್, ಸಂಪ್ರದಾಯ್-ಪರಂಪರಾ, ಸಂಸ್ಕೃತಿ, ಖಾಣ್-ಜೆವಣ್, ನ್ಹೆಸಣ್, ಫ್ಯಾಶನ್... ಇತ್ಯಾದಿ ಇಂಗ್ಲಿಶ್ ಮರ್ಜೆಚಿ. ಇಂಡಿಯನಾಂ ಪ್ರಾಸ್ ತಿಕ್ಕೆ ಉಂಚ್ಲಿಂ ಮ್ಹಳ್ಳೆಂ ಚಿಂತಪ್ ತಾಂಚೆಂ.
ಹಾಂಚಾ ಉಪ್ರಾಂತ್ ಪಳೆಂವ್ಕ್ ಮೆಳ್ಚೆಂ ಆನ್ಯೇಕ್ ವಿಚಿತ್ರ್ ಮನ್ಶಾಕುಳ್ ಮ್ಹಳ್ಯಾರ್ 'ಆಂಗ್ಲೆಂ - ಇಂಡಿಯನ್'. ಹಾಂಚೆಮದೆಂ ಮುಂಬಯ್‍ಕಾರಾಂಯಿ ಆಸ್ಯೆತ್. ಗೊಂಯ್‍ಕಾರಾಂಯಿ ಆಸ್ಯೆತ್ ಆನಿ ಮಂಗ್ಳುರ್'ಕಾರಾಂಯಿ ಆಸ್ಯೆತ್. ಹೆಂ ಜನಾಂಗ್ ಮಟ್ವೆಂ ನ್ಹೆಸಣ್ ಪಸಂದ್ ಕರ್ತಾ. ತಾಣಿಂ ನ್ಹೆಸ್ಚೆಂ ಮಿನಿ ಮಿನಿ ವಾ ಮಟ್ವೆಂ, ಧೊಂಪ್ರಾಚ್ಯೊ ಗಾಂಟಿ ದಾಕಂವ್ಚೆ ತಸಲೆಂ ಆಂಗ್ಲೆಂ ಜಾಲ್ಲ್ಯಾನ್ ತಾಂಕಾಂ 'ಆಂಗ್ಲೆಂ - ಇಂಡಿಯನ್' ಮ್ಹಣ್ ಆಪವ್ಯೆತ್. ಕಾತಿನ್ ಚಿಕ್ಕೆ ಸಾವ್ಳಿಂ ವಾ ಕಾಳ್ಶಾ ಕಾತಿಚ್ಯಾಂಕ್ 'ಇಂಗ್ಳೊ - ಇಂಡಿಯನ್' ಮ್ಹಣ್ ಆಪಂವ್ಚೆಂಯಿ ಆಸಾ!!!
ಆನ್ಯೇಕ್ ಜನಾಂಗ್ ಆಸಾ. ತಿ ಏಕ್ ಅತ್ವಿಚ್ ಕುಳಿ, ವಿಂಚುನ್ ಕಾಡ್ಲೆಲಿ ಪರ್ಜಾ, ಸುಕಾಂತ್ ತಶೆಂ ದುಕಾಂತ್ ಸೊರೊ ಆನಿ ದುಕ್ರಾಮಾಸಾಕ್ ಪ್ರಮುಕ್ ಸ್ಥಾನ್-ಮಾನ್ ದಿಂವ್ಚೆಂ ಜನಾಂಗ್ ತೆಂ. ಹಿ ಕುಳಿ ಮಂಗಳಾಪುರಮ್ ಗಾಂವಾಂತ್ ಉಬ್ಜೊನ್ ಅಮೇರಿಕಾ, ಕೆನಡಾ, ನ್ಯೂಜಿಲ್ಯಾಂಡ್, ಆಸ್ಟ್ರೇಲಿಯಾ ತಶೆಂ ಸಂಸಾರಾಚ್ಯಾ ಚ್ಯಾರಾಂಯಿ ಕುಶಿಂನಿ ಪಾವ್ಲ್ಯಾ ಆಸ್ತಾಂ, ತಾಂಕಾಂ 'ಮೆಂಗ್ಲೊ - ಇಂಡಿಯನ್' ಮ್ಹಣ್ ಆಪಯ್ತಾತ್.
'ಮೆಂಗ್ಲೊ - ಇಂಡಿಯನ್ಸ್' ಆಜ್ ಸಗ್ಳ್ಯಾನ್‍ಯೀ ಆಸಾತ್. ತಿಂ ಕೆನರಾಂತ್‍ಯೀ ಆಸಾತ್, ಕೆನಡಾಂತ್‍ಯೀ ಆಸಾತ್, ಮುಂಬಯಿಂತ್‍ಯೀ ಆಸಾತ್, ದುಬಾಯಿಂತ್‍ಯೀ ಆಸಾತ್, ವೇಣೂರಾಂತ್‍ಯೀ ಆಸಾತ್, ಸಾಣೂರಾಂತ್‍ಯೀ ಆಸಾತ್, ಆರ್ವಾಂತ್‍ಯೀ ಆಸಾತ್, ಉರ್ವಾಂತ್‍ಯೀ ಆಸಾತ್, ಕಾಸ್ಸಿಯಾಂತ್‍ಯೀ ಆಸಾತ್, ರಶ್ಶಿಯಾಂತ್‍ಯೀ ಆಸಾತ್.
ದೋಗ್ ಬೊಣ್ಕೆ ವಾ ಪೂಜಾರಿ ಸಾಂಗಾತಾ ಮೆಳ್ತಾನಾ ''ಬಲೇ ಚಾ ಪರ್ಕಾ'' ಮ್ಹಣ್ತಾತ್. ದೋಗ್ ಮಲ್‍ಬಾರಿ ಸಾಂಗಾತಾ ಮೆಳ್ತಾನಾ ''ತೇಂಗಾಯಿ ಉಂಡೋ?'' ಮ್ಹಣ್ ವಿಚಾರ್ತಾತ್. ದೋಗ್ ತಮ್ಳಾಂಚೆ ಸಾಂಗಾತಾ ಮೆಳ್ತಾನಾ ''ವಣಕ್ಕಮ್ ಸಾರ್'' ಮ್ಹಣ್ ವಂದನ್ ಕರ್ತಾತ್. ದೋಗ್ ಭಯ್ಯಾ ಸಾಂಗಾತಾ ಮೆಳ್ತಾನಾ ''ಯೆ ಚೀಜ್ ಹೇ ಬಡೀ ಮಸ್ತ್ ಮಸ್ತ್'' ಮ್ಹಣ್ ಪಾನ್ಪೊಡ್ ಚಾಬ್ತಾತ್. ಪುಣ್, ದೋಗ್ ಮೆಂಗ್ಲೊ - ಇಂಡಿಯನ್, ಸಾಂಗಾತಾ ಮೆಳ್ಳ್ಯಾರ್, ''ವೋಟ್ ಮ್ಯಾನ್, ತಾರ್ಲೆ ಖಾವ್ನ್ ಪೊಟಾಂತ್ ಗುಳು ಗುಳು ಮ್ಹಾನ್'' ಮ್ಹಣ್ 'ಕೊಂಗ್ಳಿಶ್' ಮ್ಹಳ್ಳಿ ವಿಚಿತ್ರ್ ಭಾಸ್ ಉಲಯ್ತಾತ್. ವಿಚಿತ್ರ್ ಜನಾಂಗ್ ಹೆಂ, ವಿಚಿತ್ರ್ ಭಾಸ್ ತಾಂಚಿ. ಗಲ್ಫಾಚೆ ದಾರ್ವಟೆ ಉಗ್ತೆ ಜಾಂವ್ಚ್ಯಾ ಆದಿಂ ಹಿ ಕುಳಿ ಬೊಂಬಯಿಂತ್ ಶಿಂಪ್ಡೊನ್ ಆಸ್‍ಲ್ಲಿ. ಆನಿ ಥಂಯ್ಸರ್ 'ಹಿಂಗ್ಳಿಶ್' (ಹಿಂದಿ+ಇಂಗ್ಲಿಶ್) ಉಲಯ್ತಾಲಿಂ. ಉಟ್ತಾಂ ಬಸ್ತಾನಾ ''ಚಲ್ಲ್, ಬಸ್ಸ್'' ಮ್ಹಣ್ಚೆ, ಥೊಡೆ ಕೊಂಕ್ಣಿ ಮಧೆಂ, ''ಕುಟೆ ಕುಟೆ'' ಮ್ಹಣ್ ಮರಾಠಿ ಭರ್ಸುನ್ ಕೊವ್ಡ್ಯಾಂಪರಿ 'ಕುಟು ಕುಟು' ಕರ್ನ್ ಉಲಯ್ತಾಲೆ.
ಗಲ್ಫಾಚೆಂ ದಾರ್ ಉಗ್ತೆಂ ಜಾಲ್ಲೆಂಚ್, ಇಜ್ನೆರ್ ಥಾವ್ನ್ ಕುಜ್ನೆರ್ ಪರ್ಯಾಂತ್, ಬೊಟ್ಲೆರ್ ಥಾವ್ನ್ ಹಿಟ್ಲರ್ ಪರ್ಯಾಂತ್, ಕ್ರೇನ್ ಒಪರೇಟರ್ ಥಾವ್ನ್ ಸುಲೇಮನಿ ಒಪರೇಟರ್ ಪರ್ಯಾಂತ್, ಘರ್ಚಿ ಸಾಯ್ಬಿಣ್ ಥಾವ್ನ್ ಕುಜ್ನಾಂತ್ಲಿ ರಾಂದ್ಪಿಣ್ ಪರ್ಯಾಂತ್, ಸಕ್ಕಡ್ 'ಕೊಂಗ್ಲಿಶ್' ಉಲಂವ್ಕ್ ಸುರು.
''ಸುಸೂ ಕಮಿಂ ಬಾಬಾ? ಕಕ್ಕಾ ಮೇಕಿಂಗ್ ಮುನ್ನೀ? ಆಗ್ಗಾ ಕಮಿಂಗ್ ಶಾನಾ...?'' - ವ್ಹಾ! ಕಿತ್ಲಿ ಸೊಭಿತ್ ಅರ್ಥಾಭರಿತ್, ಕುರ್ಕುರಿತ್ ಭಾಸ್!!!
ಮುನ್ನಿಚೆಂ ಸುಸೂ ಆನಿ ಶಾನ್ನಾಚೆಂ ಕಕ್ಕಾ ಜಾಲ್ಯಾ ಉಪ್ರಾಂತ್ ''ಗಾಂಡ್ ವೋಶಿಂಗ್? ವೋಟರ್ ಪೋರಿಂಗ್?'' ಮ್ಹಳ್ಳಿಂ ಸವಾಲಾಂ.
ಮೆಂಗ್ಲೊ - ಇಂಡಿಯನ್ ಜನಾಂಗ್, ಅಮೇರಿಕಾ, ಕೆನಡಾ, ನ್ಯೂಜಿಲ್ಯಾಂಡ್, ಆಸ್ಟ್ರೇಲಿಯಾ, ದುಬಾಯ್, ಕುವೇಯ್ಟ್, ಬಾಹ್ರೇನ್, ಖಟಾರ್, ಸಾವ್ದಿ, ಮಸ್ಕತಾಂತ್ ಮಾತ್ರ್ ನ್ಹಂಯ್, ಮಂಗಳಾಪುರಮ್ ಮ್ಹಳ್ಳ್ಯಾ ಗಾಂವಾಂತ್‍ಯೀ ಆಸಾ. ತಾಣಿ ಮಾತ್ರ್ ಆಸ್ಚೆಂ ಹಾಯ್ ಸೊಸಾಯ್ಟಿಂತ್ ಆನಿ ತಾಂಣಿ ಪಿಯೆಂವ್ಚೊ, ಹಾಯ್ ಸ್ಪಿರಿಟ್! ಹಾಂಚೆ ಮದೆಂ ನಳ್ಯಾಂ ಸಾವ್ಕಾರ್, ಕಳ್ಯಾಂ ಸಾವ್ಕಾರ್, ಘಾಟಾಗಾರ್, ಭಾಟಾಗಾರ್ ಆನಿ ಪೊಟಾಗಾರ್'ಯಿ ಆಸಾತ್.
ಹ್ಯೆ ಕುಳಿಯೆಕ್ ಸುಣಿಂ ಆನಿ ಮಾಜ್ರಾಂ ಬೋವ್ ಮೊಗಾಚಿಂ. ಮಾಜ್ರಾಂ ತಾಂಚಾ ಉಸ್ಕ್ಯಾರ್ ನಿದ್ತಾತ್ ಆನಿ ಸುಣಿಂ ಬೆಡ್ಡಾರ್. ಪುಣ್ ಹಾವ್ಜ್ ಮೆಡಾಂ ಘರಾ ಭಾಯ್ಲ್ಯಾ ಕಾರ್-ಶೆಡ್ಡಾಂತ್ ವ ಗ್ಯಾರೆಜೀಂತ್. ತಾಂಚ್ಯಾ ಸುಣ್ಯಾಂಕ್ ಶಾಂಪೂ ಘಾಲ್ನ್ ನ್ಹಾಣಯ್ತಾತ್, ಪಾವ್ಡಾರ್ ಘಾಲ್ತಾತ್, ಲೋಂವ್ ಉಗಯ್ತಾತ್. ಹಾವ್ಜ್ ಮೆಡಾಂಕ್ ರಿನ್ನ್, ನಿರ್ಮಾ ವ ಕಸ್ತೂರಿ ಸೋಪ್.
ಮೆಂಗ್ಲೊ - ಇಂಡಿಯನ್ ಲೊಕಾಕ್ ತಾಂಚಿಚ್ ಮ್ಹಳ್ಳಿ ಸಂಸ್ಕೃತಿ, ಸಂಪ್ರದಾಯ್ ವ ಪರಂಪರಾ ನಾ. ಸಜ್ಜಿಗೆ-ಬಜಿಲ್ ಸಂಸ್ಕೃತಿ ತಾಂಚಿ. ತಾಂಚ್ಯಾ ರೊಸಾಕ್ ವ್ಹೊವಿಯೊ ಬರವ್ನ್ ಹಾಡ್ತಾತ್ ಆನಿ ಇಂಗ್ಳಿಶ್ ಶಯ್ಲೆರ್ ಬಿಕ್ಕೊನ್ ಬಿಕ್ಕೊನ್ ವ್ಹೊವಿಯೊ ಮ್ಹಣ್ತಾತ್. ಮಾಗಿರ್ ರೊಸಾಕ್ ಬಸ್‍ಲ್ಲ್ಯೆ ಹೊಕ್ಲೆಕ್ ವಾ ನೊವ್ರ್ಯಾಕ್ ಕುಸ್‍ಲ್ಲ್ಯಾ ಟೊಮೆಟೊಂಚೊ, ತಾಂತಿಯಾಂಚೊ, ಶೆಣಾಚ್ಯಾ ಉದ್ಕಾಚೊ ಆನಿ ಬಿಯರಿಚೊ ಅಭಿಶೇಕ್!
ತಾಂಚಿಂ ರೆಸ್ಪೆರಾಂ ಇಂಗ್ಳಿಶಾಂತ್. ಕಾರಣ್, ತಾಂಚಾ ಜೀಸಸಾಕ್ 'ಕೊಂಕೆನಿ' ಸಮ್ಜಾನಾ. ರೆಸ್ಪೆರಾಚಾ ಮಿಸಾಕ್ ಸಯ್ರ್ಯಾ ಪಾದ್ರಿಚೊ ಬ್ಯೂಟಿಫುಲ್ ಇಂಗ್ಲಿಶ್ ಶೆರ್ಮಾಂವ್. ಗಲ್ಫಾಕ್ ಪಾವ್ಲ್ಯಾ ಉಪ್ರಾಂತ್ ಹೊಕ್ಲೆ-ನೊವ್ರ್ಯಾಕ್ ಮಾಯ್‍ಭಾಸ್ ವಿಸರ್ಲ್ಯಾ.
ಹೊಲಾಂತ್ ಸತ್ಕಾರ್ ಕಾರ್ಯೆಂ ಇಂಗ್ಲಿಶಾಂತ್. ಕೊಂಕ್ಣಿ ಎಮ್ಸಿಕ್ ಪಾಂಚ್ ಹಜಾರ್ ಜಾಲ್ಯಾರ್, ಇಂಗ್ಲಿಶ್ ಎಮ್ಸಿ ಧಾ ಹಜಾರ್ ಕಾಣ್ಘೆತಾ. ಭಲಾಯ್ಕಿ ಯಾ ಟೋಸ್ಟ್ - ಇಂಗ್ಲಿಶಾಂತ್. ಬೀಟ್‍ಗ್ರೂಪಾಚಿಂ ಪಾಶ್ಚಾತ್ಯ್ ಪದಾಂ. ಮೈಕಲ್ ಜಾಕ್ಸನಾಪರಿ ಆಂಗಾರ್ ಆಯಿಲ್ಲೆಪರಿಂ ಆರಾಬಾಯೊ ದೀವ್ನ್ ಗಾಯ್ತಾತ್. ಖಂಚ್ಯಾ ಭಾಶೆನ್ ತೆ ಗಾಯ್ತಾತ್ ತಾಂಕಾಂಯಿ ಕಳಿತ್ ನಾ, ದೆವಾಕ್‍ಯಿ ಕಳಿತ್ ಆಸ್ಚೆಂನಾ. ಒಪ್ಸುನ್ ದಿಂವ್ಚೆಂ ಕಾರ್ಯೆಂ ಮಾತ್ರ್ ಕೊಂಕ್ಣಿಂತ್. ಆನಿ 'ಲಾವ್ದಾತೆ' ಲಾತಿನಾಂತ್. ಪಾಶ್ಚಾತ್ಯ್ ಶಯ್ಲೆಚ್ಯಾ ಕಾಜಾರಾಕ್ ಮಾತ್ರ್ ಧಾದೊಶಿ ಕೆಟರರ್ಸ್ ಕಂಟ್ರಿ ದುಕ್ರಾಚೆಂ ಮಾಸ್ ವಾಡ್ತಾತ್!
ಮೆಂಗ್ಲೊ - ಇಂಡಿಯಸ್ ಲೊಕಾಚಿಂ ಪಸಂದೆಚಿಂ ಖಾಣಾಂ - ಪಿಜ್ಜಾ, ಬರ್ಗರ್, ಫ್ರೆಂಚ್ ಫ್ರಾಯ್ಸ್, ಉಕಡ್ಲೆಲೆಂ ಸುಣೆಂ (ಹೊಟ್‍ಡೊಗ್)... ಇತ್ಯಾದಿ.
ತಾಂಕಾಂ ಪಾಶ್ಚಾತ್ಯ್ ಸಂಗೀತ್ ಮ್ಹಳ್ಯಾರ್ ಜಾಲೆಂ. ವಿಲ್ಫಿ, ಜೆರೊಮ್, ಹೆನ್ರಿ, ಎರಿಕ್, ಮೆಲ್ವಿನ್, ಕ್ಲೊಡ್ ವಾ ವಿಕ್ಟರಾಚಿ ಒಳೊಕ್ ನಾ. ಬದ್ಲಾಕ್ ಸರೊಪ್(ಕೋಬ್ರಾ), ಆಚಾರಿ(ಕಾರ್ಪೆಂಟರ್ಸ್), ಇಚು(ಸ್ಕೊರ್ಪಿಯನ್ಸ್), ಪಾನ್‍ಫೊಡ್(ಬೀಟಲ್ಸ್), ಧವಿ ಜಿವ್ದಾಳ್(ವಾಯ್ಟ್ ಸ್ನೇಕ್), ಗರಮ್ ಮಸಲಾ ಚೆಡ್ವಾಂ(ಸ್ಪಾಯ್ಸ್ ಗರ್ಲ್ಸ್)... ಮ್ಹಳ್ಯಾರ್ ಜಾಲೆಂ... ಮಲೇರಿಯಾ ತಾಪಾಚ್ಯೊ ಕುಲ್ಕುಲೊ ಲಾಗ್‍ಲ್ಲೆಪರಿಂ ನಾಚ್ತಾತ್.
ಮೆಂಗ್ಲೊ - ಇಂಡಿಯನ್ ಲೊಕಾಕ್ ಕೊಂಕ್ಣಿ ಪತ್ರಾಂಚೆರ್ ಜಾಂವ್, ಕೊಂಕ್ಣಿ ಪುಸ್ತಕಾಂಚೆರ್ ಜಾಂವ್ ಚಿಮ್ಟಿಭರ್ ಮೋಗ್ ನಾ. ಪುಣ್ ಮಾಯ್‍ಗಾಂವ್ ಸೋಡ್ನ್ ಕೆನಡಾ ವ ಆಸ್ಟ್ರೇಲಿಯಾ ವೆತಾನಾ ಕಾಜಾರಿ ಲಂಯ್ಗಿಕ್ ಜಿವಿತ್, ಭುರ್ಗ್ಯಾಂಚಿ ಜತನ್, ಸಾಂಬಾರ್ಡೊ, ಭಲಾಯ್ಕೆ ದಾಯ್ಜ್ ಆನಿ ರಾಂದಪ್-ಶಿಂದಪ್ ಮ್ಹಳ್ಳೆ ಕೊಂಕ್ಣಿ ಬೂಕ್ ಮಾತ್ರ್ ವ್ಹರುಂಕ್ ವಿಸ್ರನಾಂತ್.
ಹ್ಯಾ ಲೊಕಾಚಿಂ ಪಿಕ್ನಿಕಾಂ ಆನಿ ಶುಭ್‍ಕಾರ್ಯಿಂ ಪಳೆಂವ್ಕ್ ಭಾರಿ ಮಝಾ. ವೋಲ್, ಕುಮ್ಗಾರ್, ಜಲ್ಮಾದೀಸ್, ವಾರ್ಷಿಕ್ ದೀಸ್ ವಾ ಜುಬ್ಲೆವಾಕ್ ನೇತ್ರಾವತಿ ನಂಯ್ತ್ ವ್ಹಾಳ್ಚ್ಯಾ ಉದ್ಕಾಪರಿಂ ಸೊರೊ ವ್ಹಾಳ್ತಾ. ದುಕ್ರಾಚ್ಯೊ ಬೊರಿಯೊ, ಕುಂಕ್ಡಾಚಿಂ ಜಾಂಗ್ಳಾಂ, ಬಫಾತ್, ಇಂದಾದ್ ಆನಿ ಲಯ್ತಾಂವ್ ಮ್ಹಣೊನ್ ಧೆಂಕ್ ಕಾಡ್ತಾಸರ್ ಗಡ್ಡ್ ಜೆವಣ್.
ಪಿಯೆಲ್ಲೆಂ ಆನಿ ಜೆವ್‍ಲ್ಲೆಂ ಜಿರಂವ್ಚೆಖಾತಿರ್ ಭಿರಾಂಕುಳ್ ನಾಚ್, ಕುಲೆ ಡಾನ್ಸ್, ಪೊಲೆ ಡಾನ್ಸ್, ಬೆಲ್ಲಿ ಡಾನ್ಸ್ ಆನಿ ಬೊಂಬ್ಲಿ ಡಾನ್ಸ್ ಮ್ಹಣ್ ಆಂಗಾರ್ ಪಂಜುರ್ಲಿ ವ ಕಲ್ಲುರ್ಟಿ ಆಯಿಲ್ಲೆಪರಿಂ ಉಡ್ಕಾಣಾಂಚ್ ಉಡ್ಕಾಣಾಂ.
ಸಂಸಾರ್‍'ಭರ್ ಶಿಂಪಡ್ಲೆಲ್ಯಾ ಮೆಂಗ್ಲೊ - ಇಂಡಿಯನ್ ಲೊಕಾಪಾಸಾರ್ ಹಾಂಚೆಂ ಆಮ್ಚ್ಯಾ ಖಾಣಾ-ಜೆವ್ಣಾಚೊ, ಮಾಸಾಂ-ಮಾಸ್ಳೆಂಚೊ, ಸಂಪ್ರದಾಯ್-ಸಂಸ್ಕೃತಿಚೊ, ರಿತಿ-ರಿವಾಜಿಂಚೊ ಸಂಪೂರ್ಣ್ ವಿವರ್ ಆಟಾಪ್ಚಿ ಏಕ್ ನವಿಚ್ ವೆಬ್‍ಸಾಯ್ಟ್ ಸುರ್ವಾತ್ ಕರುಂಕ್ ಚಿಂತ್ಲಾಂ. ವೆಬ್‍ಸಾಯ್ಟಿಚೆಂ ನಾಂವ್ ಅಶೆ ಚಿಂತ್ಲಾ - www.ಕಾಳಿಜ್-ಅಣ್ಕಿಟಿ.com
Tags:
Mangaloreans, Menglo-Indians, CGS, Konkani Humour, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/9/2018 ಮಂಗಳೂರು ಸಿಲ್ವಂಗಾರ್ ಬೇಕರಿ...
-
10/30/2017 ನತಲಾಂಕ್ ಶಾಂತೆ ಖೆಳ್ ...
-
10/9/2017 ಆಮ್ಚೆ ಮನಿಸ್...
-
9/13/2017 ಶಾಂತಿ ಖಾತಿರ್ ಸ್ಪರ್ದೆ...
-
8/7/2017 ಆಶೆಂ ಏಕ್ ಸಂದರ್ಶನ್...
-
8/3/2017 ಹೆಂ ಮೆಲ್ಲೆಂ ಖಂಯ್ ಥಾವ್ನ್ ಆಯ್ಲೆಂ?...
-
7/19/2017 ವಿನ್ಸಿಚ್ಯೊ ಭಯ್ಣಿಂ...
-
6/8/2017 ನವಿಂ ನವಿಂ ಉದ್ಯಮಾಂ......
-
5/18/2017 ಕಷ್ಟ್ ಆಯ್ಲ್ಯಾತ್...
-
4/20/2017 ಹನಿಮೂನ್...
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
1 Comment/s.
ಭಾರಿ ಸೊಭಿತ್ ಬರಯ್ಲಾಯ್ ಸಿಜ್ಯೆಸ್. ಶಹಬ್ಭಾಸ್ ತುಕಾ.