From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ರಿಮೂವರ್ಸ್
Thursday, March 9, 2017
ಆಮ್ಚೆ ಸಮಾಜಿಂತ್ ಧಾರ್ಮಿಕ್ ತಶೆಂಚ್ ಸಾಮಾಜಿಕ್ ಕಾರ್ಯಿಂ ಚಲವ್ನ್ ದಿಂವ್ಚೆ ವಿವಿಧ್ ಪಂಗಡ್ ಆಸಾತ್. 'ಪಯ್ಸಾ ಫೇಂಕೊ, ತಮಾಶಾ ದೇಕೊ' ಮ್ಹಳ್ಳೆಪರಿಂ ಪಯ್ಶೆ ಉಡವ್ನ್ ಕಾಮಾಂ ಕರವ್ನ್ ಘೆವ್ಯೆತ್.
ಧಾಕ್ಲ್ಯಾಕ್, 'ಡೇಂಜರ್ಸ್' - ವೋಲ್, ಕುಮ್ಗಾರ್, ಕಾಜಾರ್, ಜುಬ್ಲೆವ್, ಜಾಲ್ಲೊ ದೀಸ್ ಆನಿ ಗೆಲ್ಲೊ ದೀಸ್ ಕಶೆಂ ಜಾಯ್ ತಶೆಂ 'ಎರೇಂಜ್' ಕರ್ತಾತ್. 'ಒಕೇಶನ್ಸ್' - ಜಲ್ಮಾ ಥಾವ್ನ್ ಮರ್ಣಾಪರ್ಯಾಂತ್ ಜಿವಿತಾಂತ್ಲ್ಯಾ ವಿವಿಧ್ ಸಂದರ್ಭಾಂಕ್ ಜಾಯ್ ತಶೆಂ ಕಾರ್ಯಿಂ ತೆ ಮಾಂಡುನ್ ಹಾಡ್ತಾತ್. ಮಾಗಿರ್ ಥೊಡೆ 'ಡೆಕೋರೇಟರ್ಸ್' ಆಸಾತ್. ತೆ ಭುರ್ಗ್ಯಾಂಚೆಂ ಪಾಳ್ಣೆಂ, ಹೊಕ್ಲೆ - ನೊವ್ರ್ಯಾಂಚೆಂ ಕಾರ್ ಆನಿ ಮೊರ್ಣಾಚಿ ಪೇಟ್, ಫುಲಾಂ-ಕಳ್ಯಾಂನಿ ಜಾಯ್‍ತಶಿ ಸುಂರ್ಗಾರಾಯ್ತಾತ್.
ಮಾಗಿರ್ 'ರೋಬರ್ಸ್', 'ಬಂಡಲ್ಸ್', 'ಮೆಂಟಲ್ಸ್', 'ಡೆವಿಲ್ಸ್', 'ಈಗಲ್ಸ್', 'ಬೀಟಲ್ ನಟ್ಸ್' ಇತ್ಯಾದಿ ಬೀಟ್, ಕ್ಯಾರೆಟ್, ಬಿಟ್‍ರೂಟ್ ಗ್ರೂಪ್ ಕಾನ್ ಕೆಪ್ಪೆ ಜಾಂವ್ಚೆ ತಸಲೆಂ ಮಧುರ್ ಸಂಗೀತ್ ದಿತಾತ್.
'ಅಂಡರ್ ಟೇಕರ್ಸ್' ಮ್ಹಳ್ಳೊ ಆನ್ಯೇಕ್ ಪಂಗಡ್ ಆಸಾ. ಹೆ ಮೆಲ್ಯಾ ಉಪ್ರಾಂತ್ ಮನ್ಶಾಂಕ್ ಶೀದಾ ಮಾತ್ಯೆ ಪಂದಾಚ್ ವ್ಹರ್ತಾತ್. ದೆಕುನ್‍ಚ್ ತಾಂಕಾಂ 'ಅಂಡರ್ ಟೇಕರ್ಸ್' (ಪಂದಾ ವ್ಹರ್ಚೆ) ಮ್ಹಣ್ತಾತ್.
'ಕೆಟರರ್ಸ್' ಪಂಗ್ಡಾಂವಿಶಿಂ ನೆಣಾಸ್‍ಲ್ಲೆ ಕೊಣ್‍ಯೀ ಆಸ್ಚೆನಾಂತ್. ಧಾದೊಶಿ, ಪೋಟ್‍ಭರ್ನ್ ಜೇವ್ನ್ ಲಾಂಬ್ ದೀಗ್ ಧೆಂಕ್ ಕಾಡಿಜೆ ತರ್ ಕೆಟರರ್ಸಾಂನಿ ಬರೆಂ ರಾಂದುನ್. ಬಿಕ್ಕೊನ್ ಬಿಕ್ಕೊನ್ ವಾಡ್‍ಲ್ಲೆಂ ಜೆವಿಜೆ.
ಆತಾಂ ನವೊಚ್ ಏಕ್ ಪಂಗಡ್ ಉದೆಲಾ. 'ರಿಮೂವರ್ಸ್' ತಾಂಚೆಂ ನಾಂವ್. ಕಾರ್ಯೆಂ ಜಾಲ್ಯಾ ಉಪ್ರಾಂತ್ ಹೊಲಾಂತ್ಲಿಂ ಕದೆಲಾಂ ದೊಡ್ಚಿಂ, ಉಶ್ಟ್ಯಾಚ್ಯೊ ಬೊಶಿಯೊ ಕಾಡ್ಚ್ಯೊ, ಉಶ್ಟೆಂ ಝಾಡ್ನ್ ಕಾಡ್ಚೆಂ... ಇತ್ಯಾದಿ ಕಾಮ್ ತೆ ಕರ್ತಾತ್.
ಮಾಡಾವಯ್ಲೆ ನಾರ್ಲ್ ಕಾಡ್ಚೆ, ರುಕಾವಯ್ಲೆ ಆಂಬೆ, ಕಾಜು, ಬಿಂಡ್ಡಾಂ, ಪಣಸ್, ಪಾಲ್ಪಣಸ್ ಕಾಡ್ಚೆ, ಮಾಡಿಯೆವಯ್ಲಿಂ ಪೊಪ್ಳಾಂ, ಪೊವ್ಲ್ಯೊ ಕಾಡ್ಚ್ಯೊ 'ರಿಮೂವರ್ಸ್' ಪಂಗಡ್ ಕರ್ತಾತ್.
ಬೆಂಗ್ಳುರ್, ಬೊಂಬಯ್, ಚೆನ್ನಯ್ ತಸಲ್ಯಾ ಶೆರಾಂನಿ 'ರಿಮೂವರ್ಸ್' ಪಂಗ್ಡಾಚೆ ಸಾಂದೆ ಎದೊಳ್‍ಚ್ ಕಾರ್ಯಾಳ್ ಜಾಲ್ಯಾತ್. ತೆ ದಾದ್ಲ್ಯಾಂಕ್ ಬಸವ್ನ್, ಹಾತಿಂ ಆರ್ಸೊ ದೀವ್ನ್ ಖಾಡ್ ತಾಸ್ತಾತ್, ಕೇಸ್ ಕಾತರ್ತಾತ್. ಮಾಗಿರ್ ಥೊಡೆ ಮಾತ್ಯಾರ್ ವ್ಹಡ್ಲೊ ರಂಗಾಳ್ ಮುಂಡಾಸ್ ಬಾಂಧುನ್ ಪಾರ್ಕಾಂಲಾಗಿಂ ಆನಿ ಫುಲಾಂಚ್ಯಾ ವೊಡ್ತಾಂಲಾಗಿಂ ಬಸೊನ್ ದಾದ್ಲ್ಯಾಂಕ್ ಸರ್ಶಿನ್ ಬಸವ್ನ್ ಕಾನಾಂತ್ ಕಾಡಿಯೊ ಘಾಲ್ನ್ ರಾಸ್ ರಾಸ್ ಕಾನ್ಪೊ ಕಾಡ್ಚೆ 'ರಿಮೂವರ್ಸ್'ಯೀ ಆಸಾತ್.
ಧಾಂವ್ಚ್ಯಾ ರಯ್ಲಾಂನಿ, ರಾಂವ್ಚ್ಯಾ ಸಿಟಿ ಬಸ್ಸಾಂನಿಯೀ ಥೊಡ್ಯಾ ವರ್ಗಾಚೆ 'ರಿಮೂವರ್ಸ್' ಪಾಂಟಾಚ್ಯಾ ಬಲ್ಸಾಂತ್ಲೆ ಪಯ್ಶೆ ವಾ ವ್ಯಾನಿಟಿ ಬೆಗಾಂತ್ಲಿ ಪರ್ಸ್ ನಪಂಯ್ಚ್ ಕರ್ತಾತ್.
ಆನ್ಯೇಕಾ ಕಾಸ್ತಾಚಿಂ 'ರಿಮೂವರ್ಸ್'ಯೀ ಆಸಾತ್. ಹಿಂ ತಂಗಣೆ-ಮಂಗಣೆ ಕರುನ್ ತರ್ನಾಟ್ಯಾಂಕ್, ದಾದ್ಲ್ಯಾಂಕ್ ಕ್ರೀಮ್ ಪಾರ್ಲರಾಂಕ್ ವಾ ಹೊಟೆಲಾಂಕ್ ಆಪವ್ನ್ ವ್ಹರ್ತಾತ್. ತಾಂಚೆ ಆಟ್‍ನೇಟ್ ಸಾಧಾರ್ಣ್ ಮಾಧುರಿ ದೀಕ್ಷಿತ್, ಪೂಜಾ ಭಟ್, ಕರೀಶ್ಮಾ ಕಪೂರ್ ವ
ದೀಪಿಕಾ ಪಡುಕೋಣೆಬರಿಂ. ಹಾಂಚ್ಯಾ ಸನ್ನಿಧಾನಾಂತ್ ಸಂಸಾರ್ ವಿಸ್ರೊನ್ ಸರ್ಗ್ ಭೊಗ್ಚ್ಯಾ ದಾದ್ಲ್ಯಾಂಕ್ ಜಾಗ್ ಜಾತಾನಾ ತಾಂಚ್ಯಾ ಪ್ಯಾಂಟಾಚ್ಯಾ ಬಲ್ಸಾಂತ್ ಪರ್ಸ್ ಆಸಾನಾ. ತಿತ್ಲ್ಯಾರ್ ಹಿಂ 'ರಿಮೂವರ್ಸ್' ಮಾಯಾಗ್ ಜಾವ್ನ್ ಆನ್ಯೇಕಾ ಬೊಕ್ರ್ಯಾಚೆ ಸೊಧ್ನೆರ್ ಪಡ್ತಾತ್.
ಇಗರ್ಜೆಂತ್ ಇಜ್ಮೊಲಾಚೆ ವಾಟ್ಲೆಂತ್ಲೆ ಪಯ್ಶೆ ಕಾಡ್ನ್ ಬೊಲ್ಸಾಂತ್ ಗಳಂವ್ಚೆ 'ರಿಮೂವರ್ಸ್'ಯೀ ಕಾಂಯ್ ಉಣೆಂ ನಾಂತ್. ದೆಕುನ್‍ಂಚ್ ಹೆ ಇಜ್ಮೊಲಾಚಿ ವಾಟ್ಲಿ ಘುಂವ್ಡಾಯ್ತಾನಾ ಏಕ್ ಹಾತ್ ಹರ್ದ್ಯಾಕ್ ದಾಂಬುನ್ ಧರ್ತಾತ್.
ಗಲ್ಫಾಕ್ ವಾ ವಿದೇಶಾಂಕ್ ವೆಚ್ಯಾ ಪಯ್ಣಾರ್ಯಾಂಕ್ ಎಕಾ ವಿಶಿಷ್ಟ್ ರಿತಿಚೆ 'ರಿಮೂವರ್ಸ್' ಮೆಳೊಂಕ್ ಫುರೊ. ವಿಮಾನ್ ನಿಲ್ದಾಣಾಂತ್ ಕಸ್ಟಮ್ಸ್, ಸೆಕ್ಯೂರಿಟಿ... ಇತ್ಯಾದಿ ತಪಾಸ್ಣಿ ಜಾವ್ನ್ ವಿಮಾನಾರ್ ಚಡೊಂಕ್ ವೆಚ್ಯಾ ಆದಿಂ ಎಕ್ಲೊ ಪೊಲೀಸ್‍ಗಾರ್ ಪಯ್ಣಾರ್ಯಾಂಚಿ ಬಲ್ಸಾಂ ತಪಾಸುನ್ ತಾಂಚ್ಯಾ ಬೊಲ್ಸಾಂನಿ ಭಾರತೀಯ್ ರುಪ್ಯಾಂಚೆ ನೋಟ್ ಮೆಳ್ಳ್ಯಾರ್ ತೆ ಕಾಡ್ನ್ ಆಪ್ಲ್ಯಾ ಬೊಲ್ಸಾಂತ್ ಚೆಪುನ್ ಮುಕಾರ್ ಧಾಡ್ತಾತ್.
'ರಿಮೂವರ್ಸ್' ಪಯ್ಕಿ ಆನಿಕ್‍ಯೀ ಥೊಡೆ ಆಸಾತ್. ತುಮ್ಚಿಂ ಬಾಯ್ಲ್-ಭುರ್ಗಿಂ ಆಂಗ್‍ಭರ್ ಭಾಂಗಾರ್ ಘಾಲುನ್ ಕಾಜಾರಾಂ-ಸೊಭಾಣಾಂಕ್ ವೆತಾನಾ 'ರಿಮೂವರ್ಸ್' ರುಂಯ್ಯ್ ಕರುನ್ ಬಾಯ್ಕಾರ್ ಯೇವ್ನ್ ಗಳ್ಯಾಂತ್ಲಿ ಚೇಯ್ನ್ ವಾ ಕರಿಯಮಣಿ ವೊಡುನ್ ಸುಂಯ್ಯ್ ಕರ್ನ್ ಧಾಂವ್ತಾತ್.
ದಾಕ್ತೆರಾಂ ಮಧೆಂಯೀ ಎಕಾ ವರ್ಗಾಚೆ 'ರಿಮೂವರ್ಸ್' ಆಸಾತ್. ತುಮಿ ಪೊಟಾಂತ್ ದುಕ್ತಾ ವಾ ಚಾಬ್ತಾ ಮ್ಹಣ್ ಆಸ್ಪತ್ರೆಕ್ ಗೆಲ್ಯಾರ್ ಫುರೊ, ತುಮ್ಚೆಂ ಪೋಟ್ ಚೀರ್ನ್, ಕಿಡ್ನಿ ಫಾರ್ನ್ ಸಾವ್ದಿಚ್ಯಾ ಶೆಕಾಂಕ್ ವಿಕ್ತಾತ್.
ರಿಕ್ಷಾ ಡ್ರಾಯ್ವರಾಂಪಯ್ಕಿ ಥೊಡೆ 'ರಿಮೂವರ್ಸ್' ಆಸಾತ್. ಮೀಟರ್ ಘಾಲ್ಯಾರೀ, ಘಾಲಿನಾತ್ಲ್ಯಾರೀ ಪಾಂಚ್ ರುಪಯ್ ಚಡ್ತಿಕ್ ವಸೂಲ್ ಕರ್ತಾತ್. ಸಿಟಿ ಬಸ್ಸಾಂಚೆ ಕಂಡಕ್ಟರ್ ಅಸ್ಸಲ್ 'ರಿಮೂವರ್ಸ್'. ಪಾಂಚ್ ರುಪ್ಯಾಂಚೊ ನೋಟ್ ದೀವ್ನ್ 3.75 ಚಿ ಟಿಕೇಟ್ ಕಾಡ್ಲ್ಯಾರ್ ಚ್ಯಾರಾಣೆಂ ಪಾಟಿಂ ದೀಂವ್ಕ್ ತಾಂಚೆಲಾಗಿಂ ಚಿಲ್ಲರೆ ಆಸಾನಾಂತ್.
ಯುವಜಣಾಂ ಮಧೆಂ 'ಲವೇರಿಯಾ' ಪಿಡೆನ್ ವಳ್ವಳ್ಚಿಂ ಚಲೊ ಜಾಂವ್, ಚಲಿ ಜಾಂವ್ ಎಕಾಮೆಕಾಚಿಂ ಕಾಳ್ಜಾಂ ಚೊರ್ಚಿಂ 'ರಿಮೂವರ್ಸ್' ಜಾವ್ನಾಸಾತ್.
Tags:
CGS Taccode, Konkani Humour, Vinod, Comedy, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/9/2018 ಮಂಗಳೂರು ಸಿಲ್ವಂಗಾರ್ ಬೇಕರಿ...
-
10/30/2017 ನತಲಾಂಕ್ ಶಾಂತೆ ಖೆಳ್ ...
-
10/9/2017 ಆಮ್ಚೆ ಮನಿಸ್...
-
9/13/2017 ಶಾಂತಿ ಖಾತಿರ್ ಸ್ಪರ್ದೆ...
-
8/7/2017 ಆಶೆಂ ಏಕ್ ಸಂದರ್ಶನ್...
-
8/3/2017 ಹೆಂ ಮೆಲ್ಲೆಂ ಖಂಯ್ ಥಾವ್ನ್ ಆಯ್ಲೆಂ?...
-
7/19/2017 ವಿನ್ಸಿಚ್ಯೊ ಭಯ್ಣಿಂ...
-
6/8/2017 ನವಿಂ ನವಿಂ ಉದ್ಯಮಾಂ......
-
5/18/2017 ಕಷ್ಟ್ ಆಯ್ಲ್ಯಾತ್...
-
4/20/2017 ಹನಿಮೂನ್...
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
0 Comment/s.