From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
www.ವಾಂಯ್ಗಿಂದುಬಾಯ್.com
Wednesday, August 10, 2016
ಮ್ಹಾಕಾ ಲ್ಹಾನ್ ಥಾವ್ನ್‌ಯಿ ವಾಂಯ್ಗ್ಯಾಂಚೆಂ ನಿಸ್ತೆಂ ಮ್ಹಳ್ಯಾರ್ ಭಾರೀ. ಕುಳ್ಳ ಭೊಟಾಚ್ಯೊ ಗುಳ್ಳ ಪೋಡಿ ಮ್ಹಳ್ಯಾರ್ ಜೀವ್. ರಾತಿಂ ಮ್ಹಜ್ಯಾ ಸ್ವಪ್ಣಾಂತ್ಯಿ ಗುಳ್ಳಾಚ್ ಗುಳ್ಳ, ವಾಂಯ್ಗಿಂಚ್ ವಾಂಯ್ಗಿಂ!
ಹ್ಯಾ ಸಂಸಾರಾಂತ್ ನಾಂವಾಂ ದವರ್ಚೆಂ ಕಾಮ್ ಕಷ್ಟಾಂಚೆಂ. ಬಾಳ್ಶ್ಯಾಂಕ್, ನವ್ಯಾ ಘರಾಂಕ್, ಉದ್ಯಮಾಂಕ್, ಪತ್ರಾಂಕ್ ಆನಿ ವೆಬ್‌ಸಾಯ್ಟಿಂಕ್ ನಾಂವಾಂ ದಿಂವ್ಚಿಂ ತಿತ್ಲೆಂ ಸಲೀಸ್ ನಹಿಂ.
ಮಲೆಯಾಳಿ ಲೊಕಾ ಮಧೆಂ ಪತಿ ಆನಿ ಪತಿಣೆಚಿಂ ಅಕ್ಷರಾಂ ಗುಂತುನ್ ಬಾಳ್ಶ್ಯಾಕ್ ನಾಂವ್ ದವರ್ತಾತ್. ಸಿಂಟೊ ಆನಿ ಲಿಲ್ಲಿಕ್ ಚೆಡುಂ ಭುರ್ಗೆಂ ಜನ್ಮಾಲ್ಯಾರ್ 'ಸಿಲ್ಲಿ' ಮ್ಹಳ್ಳೆಂ ನಾಂವ್ ದವರ್ಲ್ಯಾರ್, ಸಿಮೊನ್ ಆನಿ ಶರ್ಲಿಚೆಂ ಚೆಡುಂ 'ಸಿರ‍್ಲಿ' ಜಾತಾ. ಕುರಿಯಾಕೊಸಾಕ್ ಆನಿ ಮರ್ಲಿಕ್ ಚೆಡುಂ ಜನ್ಮಾಲ್ಯಾರ್ 'ಕುರ‍್ಲಿ' ದವರುಂಕ್ ಪುರೊ. ತಸೆಂಚ್ ಜೇಕಬ್ ಆನಿ ಮರ್ಸಿಚ್ಯಾ ಬಾಳ್ಶ್ಯಾಕ್ 'ಜೆರ‍್ಸಿ' ಮ್ಹಣ್ ಆಪಂವ್ಕ್ ಪುರೊ.
ಘರಾಂಚ್ಯಾ ನಾಂವಾಂವಿಷಿಂ ಸಾಂಗ್ಚೆಂ ಕಿತೆಂ? 'ಸ್ವಾಗತ್' ಮ್ಹಳ್ಳ್ಯಾ ಘರಾಚ್ಯಾ ಗೇಟಿ ಮುಖಾರ್ ರಾಕ್ಸಾಕಾಸ್ತಾಚೊ ಆಲ್ಸೇಶಿಯನ್ ಪೆಟೊ ಚವೀಸ್ ವರಾಂಯಿ ಘೊಂಕುನ್ ಸ್ವಾಗತ್ ಕರ್ತಾ. 'ಲಾಯ್ಟ್ ಹೌಜ್' ಮ್ಹಳ್ಳ್ಯಾ ನಾಂವಾಚ್ಯಾ ಘರಾಂನಿ ದೀಸಾ ಉಜ್ವಾಡಾಕ್ ದಿವ್ಟಿ ಜಳಯ್ಲ್ಯಾರ್‌ಯಿ ಕಾಳೊಕ್‍ಚ್. 'ಸನ್‌ಶಾಯ್ನ್' ನಾಂವಾಚ್ಯಾ ಘರಾಂನಿ ಜನೆಲಾಂ ಉಗ್ತಿಂ ದವರ‍್ಲ್ಯಾರ್‌ಯಿ ಸುರ‍್ಯಾಚಿಂ ಕಿರ್ಣಾಂ ಭಿತರ್ ರಿಗೊಂಕ್ ಕಾವ್ಜೆತಾತ್. 'ಮ್ಯೂಸಿಕ್ ಕೊಟೆಜ್' ನಾಂವಾಚ್ಯಾ ಘರಾಂನಿ ವ್ಹಾಜಾಂತ್ರಾಂಚೆಂ ಸಂಗೀತ್ ವ್ಹಾಳಾನಾ. ಬದ್ಲಾಕ್ ಬಾಯ್ಲೆ - ಭುರ್ಗ್ಯಾಂಚೆಂ ರಡ್ಣೆಂ ಆನಿ ಘೊವಾಚ್ಯೊ ಗಾಳಿ - ಶಿರಾಪ್.
'ದಾಧೊಶಿ' ಕೆಟರಿಂಗಾಚೆಂ ಜೆವಾಣ್ ಜೆವ್ಲೆಲ್ಯಾಂಚ್ಯಾ ಪೊಟಾಂನಿ ಧಾ - ಧೊಶಿ ಜಾವ್ನ್ ಆಸ್ಪತ್ರೆಚ್ಯಾ ಖಟ್ಲ್ಯಾರ್ ತಾತಿ. 'ಸಾಸು' ಕೆಟರಿಂಗಾಚೆಂ ಜೆವಾಣ್ ಜೆವ್‌ಲ್ಲ್ಯಾಂಕ್ ತಿಕ್ಸಾಣ್ ತಕ್ಲೆಕ್ ಚಡೊನ್ 'ಸುಸು' ಕರುಂಕ್‌ಯಿ ಕಷ್ಟ್. 'ಪಾಗುರ್ ಮಾಂವ್' ಕೆಟರಿಂಗಾಚೊ ರೊಸಾಚೊ ಪೊಳೊವ್ ಖೆಲ್ಲೆ ಉದ್ಕಾಕಡೆ ಧಾಂವಾನಾಸ್ತಾಂ ರಾವಾನಾಂತ್. 'ಬುಯಾಂವ್' ಕೆಟರಿಂಗಾಚೆಂ ಇಂದಾದ್ ವ ಬಾಫಾತ್ ಖೆಲ್ಲೆ ಹಫ್ತೊಭರ್ ಧೆಂಕ್ ಕಾಡಿತ್ತ್ ಆಸ್ತಾತ್.
ಕೊಂಕಣಿಂತ್ ನವೆಂ ಪತ್ರ್ ಕಾಡ್ಚೆಂ ತರ್ 'ಚೆಪೆಂ' ವ 'ಪಾಕಾಂ' ಮ್ಹಳ್ಳೆಂ ನಾಂವ್ ದಿವ್ಯೆತ್ ಮ್ಹಣ್ ಮ್ಹಜ್ಯಾ ಎಕಾ ಲೇಖಕ್ ಮಿತ್ರಾನ್ ದಿಲ್ಲೆಂ ಸೂಚನ್ ಭಾರಿಚ್ ಅರ್ಥಾಭರಿತ್. ಕಾರಣ್ ಕೊಂಕಣಿಂತ್ಲ್ಯಾ ಲೇಖಕಾಂನಿ ಎಕಾಮೆಕಾ ಚೆಪೆಂ ಉಕಲ್ಚೆಬರಿ ಹೆರ್ ಖಂಯ್ಚ್ಯಾಯಿ ಭಾಸೆಂತ್ಲೆ ಬರವ್ಪಿ ಉಕಲ್ನಾಂತ್. ಕೊಂಕಣಿ ಮಾಯೆಚ್ಯಾ ಕುರೊವಾಕ್ ಚಿಟ್ಕೊಂಚೆ ತಿತ್ಲಿಂ ಪಾಕಾಂ ಹೆರ್ ಖಂಯ್ಚ್ಯಾಯಿ ಮಾಯೆಚ್ಯಾ ಕುರೊವಾಕ್ ಚಿಟ್ಕಾನಾಂತ್. ಆಮ್ಚ್ಯಾ ಭಾರತಾಂತ್ ಸಂಪಾದಕ್ ವ ರಾಜ್ ಕಾರ್ಭಾರಿ ಕೊಣೆಂಯಿ ಜಾವ್ಯೆತ್. ಹ್ಯಾ ದೋನ್‌ಯಿ ಕಾಮಾಂಕ್ ಕಸ್ಲಿ‌ಯಿ ಅರ್ಹತಾ ಜಾಂವ್, ಯೋಗ್ಯತಾ ಜಾಂವ್, ಮುಳಾವೆಂ ಶಿಕಾಪ್ ಜಾಂವ್ ಗರ್ಜ್ ನಾ. ಮ್ಹಾಕಾ ರಾಜ್ ಕಾರ್ಭಾರಿ ಜಾಂವ್ಕ್ ಮನ್ ನಾ. ಕೊಣೆಂ - ಕೊಣೆಂ ಬರವ್ನ್ ದಿಲ್ಲಿಂ ತಿಂ ಪೊಟ್ಟು ಭಾಷಣಾಂ ವಾಚ್ಚಿಂ ಕೊಣೆ? ಆನಿ ಲೊಕಾಚ್ಯೊ ಗಾಳಿ - ಶಿರಾಪ್ ಕೊಣಾಕ್ ಜಾಯ್?
ದೆಕುನ್, ಹಾಂವೆಂ ಸಂಪಾದಕ್ ಜಾಂವ್ಕ್ ಚಿಂತ್ಲೆಂ; ಪತ್ರಾಚೊ ನಹಿಂ, ವೆಬ್‌ಸಾಯ್ಟಿಚೊ. ಪತ್ರ್ ಛಾಪ್ಚೆಂ ಆನಿ ವಿಕ್ಚೆಂ ಮ್ಹಳ್ಯಾರ್ ಹಜಾರ್ ರಾಟಾವಳಿ. ವೆಬ್‌ಸಾಯ್ಟಿಚೆಂ ಕಾಮ್ ಭೋವ್ ಸಲೀಸ್. ದುಬಾಯ್ ವ ಬೊಂಬಯ್, ಖಟಾರ್ ವ ಘಾಟಾರ್, ಆಸ್ಪತ್ರೆಚ್ಯಾ ಮೆಟಾರ್ ವ ಘಾಂಟಿಚ್ಯಾ ತೊರಿರ್ ಬಸೊನ್‌ಯಿ ವೆಬ್‌ಸಾಯ್ಟ್ ಚಲವ್ಯೆತ್.
ಪುಣ್, ವೆಬ್‌ಸಾಯ್ಟಿಕ್ ಏಕ್ ಆಕರ್ಷಿಕ್ ನಾಂವ್ ಗರ್ಜೆಚೆಂ. ನಾಂವಾಂ ಪಾಟ್ಲ್ಯಾನ್ 'ದುಬಾಯ್' ಮ್ಹಳ್ಳಿ ಶಿಮ್ಟಿ ಲಾಯ್ಜಾಯ್. ಕಿತ್ಯಾಕ್, ದುಬಾಯ್ ಸಂಸಾರಾಂತ್ಲೊ ಸರ್ಗ್. ಹ್ಯಾ ಲ್ಹಾನ್ಶ್ಯಾ ಗಾಂವಾಂತ್ ಸಂಸಾರಾಂತ್ಲ್ಯಾ ಶೆಂಭರ್ ದೇಶಾಂಚೆ ನಾಗರಿಕ್ ಪಳೆಂವ್ಕ್ ಮೆಳ್ತಾತ್ - ಮೊಗೊರ್ಲ್ಯಾಚ್ಯಾ ಕಾಂಟಿಂತ್ಲ್ಯಾ ಭರ್ಶಿಕ್ ಮಾಸ್ಳೆಪರಿಂ.
ಆತಾಂ ಹಾಂವೆಂ ಸುರು ಕರುಂಕ್ ಆಸ್ಚ್ಯಾ ನವ್ಯಾ ವೆಬ್‌ಸಾಯ್ಟಿವಿಷಿಂ ಥೊಡೆಂ - ಥೊಡೆಂ ನವೆಂ - ನವೆಂ. ಮ್ಹಾಕಾ ಲ್ಹಾನ್ ಥಾವ್ನ್‌ಯಿ ವಾಂಯ್ಗ್ಯಾಂಚೆಂ ನಿಸ್ತೆಂ ಮ್ಹಳ್ಯಾರ್ ಭಾರಿ. ಕುಳ್ಳ ಭೊಟಾಚ್ಯೊ ಗುಳ್ಳ ಪೋಡಿ ಮ್ಹಳ್ಯಾರ್ ಜೀವ್. ಏಕ್ ಪಾವ್ಟಿಂ ಹಾಂವ್ ಉಡ್ಪಿ ಥಾವ್ನ್ ಮಂಗ್ಳುರಾಕ್ ಯೆತಾನಾ, ರಸ್ತ್ಯಾ ಬಗ್ಲೆರ್ ಮಟ್ಟು ಗುಳ್ಳಾಚಿ ರಾಸ್ ಪಳೆಲಿ. ತ್ಯಾ ರಾತಿಂ ಮ್ಹಜ್ಯಾ ಸ್ವಪ್ಣಾಂತ್ಯಿ ಗುಳ್ಳಾಚ್ ಗುಳ್ಳಾ, ವಾಂಯ್ಗಿಂಚ್ ವಾಂಯ್ಗಿಂ.
ದುಬಾಯಿಂತ್‌ಯಿ ಹಾಂವೆಂ ವಸ್ತಿ ಕರುನ್ ಆಸ್ಚ್ಯಾ ಘರಾಂತ್ ಎಕ್ಲೆಂ 'ಲೇಡಿ ಡಾಯನಾ' ಆಸ್‌ಲ್ಲೆಂ. ತೆಂಯಿ ಅಪ್ರೂಪ್ ವಾಂಯ್ಗ್ಯಾಂಚೆಂ ನಿಸ್ತೆಂ ಖಾತಾ - ಖಾತಾನಾ 'ಯಮ್ಮಿ ಯಮ್ಮಿ' ಮ್ಹಣೊನ್ ಮಿಟಿಯೊ ಮಾರುನ್ ಬೊಟಾಂ ಚಿಂವ್ತಾಲೆಂ. ಮ್ಹಜ್ಯಾ ನವ್ಯಾ ವೆಬ್ ಸಾಯ್ಟಿಚೆಂ ನಾಂವ್ ಮ್ಹಜ್ಯಾ ಮತಿ ಪಡ್ಡ್ಯಾರ್ ಝಳ್ಕಾಲೆಂ :
'www.ವಾಂಯ್ಗಿಂದುಬಾಯ್.com'
ಹ್ಯಾ ವೆಬ್ ಸಾಯ್ಟಿಂತ್ಲೆ ಥೊಡೆ ವಿಭಾಗ್ ಅಸೆ ಆಸ್ತೆಲೆ :
ಆಂಕ್ವಾರ‍್ಯಾಂಚೊ ವಿಭಾಗ್ :
ಹ್ಯಾ ವಿಭಾಗಾಂತ್ ಆಂಕ್ವಾರಿ ಭಿತರ್ ಸೊಭಾಗಿಣಿ, ಆಂಕ್ವಾರ್ ಚಲಿಯಾಂಚಿ ಶಾರೊತಿಣ್ ಸಿಸ್ಟರ್ ಉಮಾಭಾರತಿ, ಆಂಕ್ವಾರ‍್ಯಾಂಚ್ಯಾ ಸಳ್ಸಳ್ಯಾ ಸವಾಲಾಂಕ್ ಸುರ‍್ಸುರ‍್ಯೊ ಜಾಪಿ ದಿತೆಲಿ.
ಅಖಂಡ್ ಬ್ರಹ್ಮಾಚಾರಿ ಅಟಲ್ ಬಿಹಾರಿ ವಾಜಪೇಯಿ, ದಾದ್ಲ್ಯಾಂನಿ ನಿಸ್ಕಳ್‌ಪಣ್ ಸಾಂಬಾಳ್ಚೆ ವಿಶಿಂ ಬೂಧ್‌ಬಾಳ್ ಸಾಂಗ್ತೊಲೊ.
ಕಾಜಾರ‍್ಯಾಂಚೊ ಕೊನ್ಸೊ :
ಹಾಂತುಂ ಸೆಕೆಂಡ್ ಹೇಂಡ್ ಕಾಜಾರಿ ಧರ್ಮೇಂಧ್ರ - ಹೇಮಮಾಲಿನಿ, ಅಮೀರ್‌ಖಾನ್ - ಕಿರಣ್‌ರಾವ್, ಅಜರುದ್ದೀನ್ - ಸಂಗೀತ ಬಿಜಲಾನಿ ಆನಿ ಹೆರ್ ಸೆಕೆಂಡ್ ಹೇಂಡ್ ಜೊಡಿಂ ತವಳ್ - ತವಳ್ ಆಪ್ಲೊ ಅನ್ಭೋಗ್ ವಾಂಟುನ್ ಘೆತೆಲಿಂ.
ರಾಂದ್ಪಾ ಕುಡಾಂತ್ :
ಹ್ಯಾ ವಿಭಾಗಾಂತ್ 'ಕಾಳಿಜ್ - ಅನ್ಕಿಟಿ' ಸ್ಪೆಶಲಿಸ್ಟ್ ಸಿಸಿಲ್‍ಬಾಯ್, ಬಾಂಳ್ತಿಚೊ ರಾಂದೊ ಸ್ಪೆಶಲಿಸ್ಟ್ ಆನ್ನಿಬಾಯ್, ಲೊಣ್ಚೆಂ ಸ್ಪೆಶಲಿಸ್ಟ್ ಲೆತ್ತಿಬಾಯ್ ತವಳ್ - ತವಳ್ ನವಿಂ ಶಿಂದ್ಪಾ ಆನಿ ರಾಂದ್ಪಾ ಸಾದರ್ ಕರ್ತೆಲಿಂ.
ಬಾಟ್ಲಿಬಾಯ್ಸ್ :
ಹ್ಯಾ ವಿಭಾಗಾಂತ್ ಪೊಟ್ಲಿ ಪೊಕಾ, ಕಂಟ್ರಿ ಸೊರೊ ಕಾಡ್ಚೆವಿಷಿಂ ಭರ್ಪೂರ್ ಮಾಹೆತ್ ದಿತೊಲೊ.
ವಾದ್ - ವಿವಾದ್ :
ಹ್ಯಾ ವಿಭಾಗಾಂತ್ ರಾಷ್ಟ್ರೀಯ್ ಆನಿ ಅಂತರಾಷ್ಟ್ರೀಯ್ ಮಟ್ಟಾಚ್ಯಾ ಸಮಸ್ಸ್ಯಾಂವಿಷಿಂ ತರ್ಕ್ - ವಿತರ್ಕ್, ಭಾಸಾಭಾಸ್ ಚಲ್ತೆಲಿ.
ದಾಖ್ಲ್ಯಾಕ್ :
- ಆಯ್ಚೆ ಯುವಜಣ್ ಆನಿ ಸಾನಿಯಾ ಮಿರ್ಜಾಚೊ ಮಿನಿಸ್ಕರ್ಟ್.
- ಭಾರತೀಯ್ ರಾಜ್ ಕಾರಣಾಂತ್ಲ್ಯೊ ತೆಗಿ ಆಂಕ್ವಾರಿ ರಾಣಿಯೊ ; ಜಯಲಲಿತಾ, ಮಾಯಾವತಿ ಆನಿ ಮಮತಾ ಬ್ಯಾನರ್ಜಿ
- ಲಾಲೂ ಪ್ರಸಾದ್ ಯಾದವ್, ತಾಚ್ಯೊ ಮ್ಹೊಶಿ ಆನಿ ರೇಯ್ಲಾಂ.
- ನಿಮಾಣ್ಯೊ ಚ್ಯಾರ್ ವಸ್ತು : ಮಾಂಯ್, ಸುನ್, ಪೆಟ್ರೊಲ್ ಆನಿ ಕಾಡಿಯಾಂ ಪೇಟ್.
ಕೃಷಿ ಶ್ಹೆತ್ :
ಹ್ಯಾ ವಿಭಾಗಾಂತ್ ಗಾಂವ್ಚೆಂ ಜಯ್ತೆವಂತ್ ರೈತ್ ಆಪ್ಲೊ ಅನ್ಭೋಗ್ ವಾಂಟುನ್ ಘೆತೆಲೆ.
ದಾಖ್ಲ್ಯಾಕ್ :
ಗುಸ್ತಿನಾಮಾಚೊ ಘಡಾಯ್, ಬೆನ್ನಿಬಾಯೆಚಿಂ ಬೊಬ್ಳಿಂ, ದೆಲ್ಫಿನ್‌ಬಾಯೆಚಿಂ ದುದಿಯಾಂ, ತೆಜ್ಜುಬಾಯೆಚಿಂ ತೆಂಡ್ಲಿಂ, ಬಾಬಿಯಾಮಾಚಿಂ ಬಿಂಬ್ಲಿಂ, ಸೆಲ್ಲಿಬಾಯೆಚೆ ನಾರ್ಲ್, ಕಿಟ್ಟಿಬಾಯೆಚೆ ಕೀರ್ಲ್, ಕೊಶಾಬಾಯೆಚೆ ಆವಾಳೆ, ಮೊರ್ನೆಲ್ ಬಾಯೆಚೆ ಮೊಗ್ರೆ ಕಳೆ ಇತ್ಯಾದಿ ಕೃಷೆವಿಷಿಂ ಭಾಷಣಾಂ, ಭಾಸಾಭಾಸ್, ಪ್ರದರ್ಶನಾಂ ಆಸ್ತೆಲಿಂ.
'www.ವಾಂಯ್ಗಿಂದುಬಾಯ್.com' ಪಯ್ಲೆಂ ಕೊಂಗ್ಲಿಷ್ ಒನ್ ಲಾಯ್ನ್ ಪತ್ರ್. ಹಾಂತುಂ ಸಯ್ರಿಕ್, ಕಾಜಾರ್, ವೊಲ್, ಕುಮ್ಗಾರ್, ಜನ್ಮಾ ದೀಸ್, ಜುಬ್ಲೆವ್, ವೆಗ್ಳಾಚಾರ್ ಇತ್ಯಾದಿ ವಿಭಾಗ್ ಆಸ್ತೆಲೆ. ದಾಕ್ತೆರ್, ವಕೀಲ್, ಪ್ರೊಫೆಸರ್, ತತ್ವ್‌ಶಾಸ್ತ್ರಿ ವಾಚ್ಪ್ಯಾಂಚ್ಯಾ ಸವಾಲಾಂಕ್ ಜಾಪಿ ದಿತೆಲೆ. ನವಿಂ ಉದ್ಯಮಾಂ ಸುರು ಕರುಂಕ್, ನವಿಂ ಫಿಲ್ಮಾಂ ಕಾಡುಂಕ್, ನಾಟಕ್ ಸಾದರ್ ಕರುಂಕ್ ತರ್ಭೆತಿ‌ಯಿ ಮೆಳ್ತೆಲಿ.
ತವಳ್ - ತವಳ್ ಸೊಭಾಯೆಚೊ ಸ್ಪರ್ಧೊ 'ಮಿಸ್ ಸ್ಲಿಮ್ ಎಂಡ್ ಟ್ರಿಮ್', 'ಮಿಸೆಸ್ ದಾಟಿಮೊಟಿ', 'ಮಿಸ್ಟರ್ ಏರ್‌ಪೊರ್ಟ್' ತಸಲೆ ಸ್ಪರ್ಧೆಯಿ ಚಲಯ್ತೆಲೆ.
'www.ವಾಂಯ್ಗಿಂದುಬಾಯ್.com' ಉಗ್ತಾವಣೆಕ್ ವಿವಿಐಪಿ ಲೋಕ್ ಆಸ್ತೊಲೊ. ಮಲ್ಲಿಕಾ ಶೆರಾವತ್ ಸಯ್ರ್ಯಾಂಕ್ ಲಿಂಬ್ಯಾಚೆಂ ಶರ್ಬತ್ ವಾಂಟ್ತೆಲೆಂ. ಬಿಪಾಶಾ ಬಸು ಜೆವ್ಣಾವೆಳಿಂ ಬೀಫಾಚೆಂ ಮಾಸ್ ವಾಡ್ತೆಲೆಂ. ರಾಖಿ ಸಾವಂತ್ ದಾದ್ಲ್ಯಾಂಚ್ಯಾ ಹಾತಾಂಕ್ ರಾಖಿ ಬಾಂಧ್ತೆಲೆಂ. ದುರ್ಗಾ ಶೆಟ್ಟಿ ಆನಿ ಪಂಗಡ್ ಕಾಳೊಕಾಂತ್ ನಾಚ್ತೆಲಿಂ. ಸೆರೆನಾ ಆನಿ ವೀನಸ್ ಕಾಂಳ್ಗಾಂ ಆನಿ ಪೊಪಾಯೊ ಕಾತರ್ನ್ ದಿತೆಲಿಂ. ಕಾಜೊಲ್ ತಾನೆಲ್ಲ್ಯಾಂಕ್ 'ಬಾಜಲ್' ವಾಂಟ್ತೆಲೆಂ. ಸನ್ನಿ ಲಿಯೋನ್ ಉಂಡ್ಯಾಕ್ ಲೊಣಿ ಸಾರಯ್ತೆಲೆಂ. ಉಗ್ತಾವಣ್ ಕಾರ‍್ಯಾಕ್ ಸೊನಿಯಾ, ಸಾನಿಯಾ, ಜಯಲಲಿತಾ, ಮಾಯಾವತಿ, ಸಿಸ್ಟರ್ ಉಮಾಭಾರಾತಿ, ಲಾಲು ಪ್ರಸಾದ್ ಯಾದವ್, ಶ್ರೀದೇವಿ, ರಾಬ್ರಿ ದೇವಿ, ಬಂಗಾರಪ್ಪ, ಮೋಟಮ್ಮ, ಬಾಯಮ್ಮಾ, ಕೊಟ್ರೇಶ, ದೇಜಪ್ಪ ಆನಿ ಹೆರಾಂಕ್ ಆಪವ್ಣೆಂ ಧಾಡ್ಲಾಂ.
'www.ವಾಂಯ್ಗಿಂದುಬಾಯ್.com' ಒನ್ ಲಾಯ್ನ್ ಕೊಂಗ್ಲಿಷ್ ಪತ್ರಾಕ್ ಅಂಕಣಾಂ ಬರಯ್ತೆಲೆ, ಖಬ್ರೊ ಧಾಡ್ತೆಲೆ, ಜಾಯ್ರಾತಾಂ ದಿತೆಲೆಂ ನಕ್ಲಿ ನಾಂವಾಂನಿ ಭಾಸಾಭಾಸ್ ಚಲಂವ್ಚೆ ಬರವ್ಪಿ, ಅಭಿಮಾನಿ ಅನಿ ಹಿತಚಿಂತಕ್ ಗರ್ಜ್ ಆಸಾತ್. ಉಮೆದ್ ಉರ್ಭಾ ಆಸ್‌ಲ್ಲ್ಯಾಂನಿ ತಾಂಚೆಂ 'ಬಿಯೊಡಾಟಾ' ವೆಗಿಂಚ್ ಆಮ್ಕಾಂ ಧಾಡುನ್ ದಿಂವ್ಚೆಂ.
Tags:
CGS Taccode, Konkani Humour, Vinod, Comedy, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/9/2018 ಮಂಗಳೂರು ಸಿಲ್ವಂಗಾರ್ ಬೇಕರಿ...
-
10/30/2017 ನತಲಾಂಕ್ ಶಾಂತೆ ಖೆಳ್ ...
-
10/9/2017 ಆಮ್ಚೆ ಮನಿಸ್...
-
9/13/2017 ಶಾಂತಿ ಖಾತಿರ್ ಸ್ಪರ್ದೆ...
-
8/7/2017 ಆಶೆಂ ಏಕ್ ಸಂದರ್ಶನ್...
-
8/3/2017 ಹೆಂ ಮೆಲ್ಲೆಂ ಖಂಯ್ ಥಾವ್ನ್ ಆಯ್ಲೆಂ?...
-
7/19/2017 ವಿನ್ಸಿಚ್ಯೊ ಭಯ್ಣಿಂ...
-
6/8/2017 ನವಿಂ ನವಿಂ ಉದ್ಯಮಾಂ......
-
5/18/2017 ಕಷ್ಟ್ ಆಯ್ಲ್ಯಾತ್...
-
4/20/2017 ಹನಿಮೂನ್...
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
5 Comment/s.
ಭೋವ್ ಆಪುರ್ಬಾಯೆಚೆಂ .ಕೊಮ್.....ಹಾಸಂವ್ಕ್ ಜಾಯ್ ಪುರ್ತೆಂ ವೊಕಾತ್ ಹ್ಯಾ .ಕೊಮಾಚೆರ್ ಆಸಾ.
Fentastic. I sent the messages before also. Please publish the messages. Thanks maibhaas.com for publishing humour articles. I am big fan of Sijyes Uncle. :)
ಪೋಟ್ ಭರ್ ಹಾಸ್ಲೊ. ಸಿಜ್ಯೆಸಾ ಬರಿಂ ಹಾಸ್ಯ್ ಕೊಣಾಕ್ಯೀ ಬರೊಂಕ್ ಜಾಯ್ನಾ. ತಾಕಾ ಹಾಂವ್ ಚೆಪೆಂ ಉಕಲ್ತಾ.
www.ವಾಂಯ್ಗಿಂದುಬಾಯ್.com... super website.. All the best sir...
ವಾಂಯ್ಗಿಂದುಬಾಯ್ ವಾಚುನ್ ಮಸ್ತು ಖುಷಿ ಜಾಲಿ.