From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಹನಿಮೂನ್
Thursday, April 20, 2017
ಪುಚ್ಚೆಮೊಗರುಚ್ಯಾ ಪೆಚ್ಚಾಕ್ ಪಂಜಿಮುಗೇರ್‍'ಚ್ಯಾ ಪಾಲ್ಲಿಕಡೆ ಲಗ್ನ್ ಖರಾರ್ ಜಾಲ್ಲೆಂ. ಪೆಚ್ಚಾ ಪಾಟ್ಲ್ಯಾ ಧಾ-ಬಾರಾ ವರ್ಸಾಂ ಥಾವ್ನ್ ಗಲ್ಫಾಂತ್ ವಾವುರ್ತಾಲೊ ಜಾಲ್ಲ್ಯಾನ್ ತಾಕಾ ಕಾಜಾರಾವಿಶಿಂ ಜಾಂವ್, ಚೆಡ್ವಾಂವಿಶಿಂ ಜಾಂವ್ ಚಿಂತುನ್ ಬಸೊನ್ ಮೆಣಾಚ್ಯೆ ವಾತಿಪರಿಂ ಕರ್ಗೊಂಚೆ ತಿತ್ಲಿ ಪುರ್ಸತ್ ನಾತ್‍ಲ್ಲಿ.
ದೋನ್ ವರ್ಸಾಂತ್ ಏಕ್ ಪಾವ್ಟಿಂ ಸುಟಿಯೆರ್ ಗಾಂವಾಕ್ ದೆಂವ್ಲೊ ತರ್ ಸಾತಾಟ್ ಚೆಡ್ವಾಂಕ್ ಪಳೆವ್ನ್, ತಾಂಗೆರ್ ಜೆವಾಣ್ ಕರ್ನ್ 'ಸಾಂಗೊನ್ ಧಾಡ್ತಾಂ' ಮ್ಹಣ್ ಗೆಲ್ಲ್ಯಾ ಪೆಚ್ಚಾನ್ ದಿಶ್ಟಿಕ್ ಪಡ್ಚೆಂ ಫುಡ್ಲ್ಯಾ ದೋನ್ ವರ್ಸಾಂ ಉಪ್ರಾಂತ್‍ಚ್.
ತಶೆಂ ತಾಕಾ ಸಯ್ರಿಕೆಂಕ್ ಕಾಂಯ್ ಬರ್ಗಾಲ್ ನಾತ್‍ಲ್ಲೊ. ತೊ ಗಾಂವಾಕ್ ದೆಂವ್ತಾನಾ ಇನ್ಸೂರೆನ್ಸಾಚ್ಯಾ ಎಜೆಂಟಾಂ ಪ್ರಾಸ್ ಚಡ್ ಸೈರಿಕೆಚೆ ಮಾಲೆ ಆನಿ ಮಾಲಿಣ್ಯೊ ತಾಕಾ ಮೆಳೊಂಕ್ ಯೆತಾಲಿಂ, ಯೆತಾನಾ ಚೆಡ್ವಾಂಚೆ ಆಲ್ಬಮ್, ತಾಂಚೆಂ ಜಾತಕ್‍ಚ್ ಹಾಡ್ನ್ ಯೆತಾಲಿಂ.
ಚೆಡ್ವಾಚ್ಯಾ ಆವಯ್ ಬಾಪಯ್‍ಚೆಂ ನಾಂವ್, ಚೆಡ್ವಾಚೆಂ ಶಿಕಾಪ್, ತಾಂಚ್ಯಾ ಪೆಂಕ್ಟಾಚಿ ರುಂದಾಯ್, ಹರ್ದ್ಯಾಚಿ ಉಬಾರಾಯ್, ಕುಲ್ಯಾಂಚಿ ದಾಟಾಯ್, ಪಾಂತಿಯೆಚಿ ಲಾಂಬಾಯ್, ದೊಳ್ಯಾಂಚಿ ಸೊಭಾಯ್... ಇತ್ಯಾದಿ ಇತ್ಯಾದಿ ಕವಿ ರತ್ನಾಕರವರ್ಣಿ ಭಾಶೆನ್ ವ ಮುದ್ದಣ್ಣ ಭಾಶೆನ್ ವರ್ಣಿತಾಲಿಂ.
ಚೆಡ್ವಾಚಿ ದೀಶ್ಟ್ ತಿಕ್ಕೆ 'ಈಸ್ಟ್-ವೆಸ್ಟ್' ಜಾಲ್ಯಾರ್'ಯಿ ತಾಚೆ ದೊಳೆ ಚಿತ್ಳಾಚ್ಯಾ ದೊಳ್ಯಾ ಭಾಶೆನ್ ಮ್ಹಣ್ ವರ್ಣನ್ ಸಯ್ರಿಕೆಚ್ಯಾ ಮ್ಹಾಲಿಣಿಂಚೆಂ. ಗೆಲ್ಲೆಕಡೆ 'ಪಿಸಿಎಮ್', ಫೋರ್ಕ್-ಚಿಕನ್-ಮಟನ್ ಜೆವಾಣ್ ಭೊಕಾವ್ನ್ ಲೈಟ್ ಹೌಜ್ ವಿಸ್ಕಿ ಘೊಟುನ್ ಟೈಟ್ ಜಾವ್ನ್ ಜಬರ್ದಸ್ತ್ ಧೆಂಕ್ ಕಾಡ್‍ಲ್ಲೊಚ್ ಆಯ್ಲೊ, ಪೆಚ್ಚಾ ಮಾಂಡೆಬೆಚ್ಚಾ ಘೆವ್ನ್ ಪಾಟಿಂ ಗಲ್ಫಾಕ್.
ಗಲ್ಫಾಂತ್ಲ್ಯಾ ಆನಿ ಗಾಂವ್ಚ್ಯಾ ಚೆಡ್ವಾಂ ಮಧೆಂ ರಾತ್-ದೀಸ್ ಫರಕ್. ಗಲ್ಫಾಂತ್ ಪಾಲೆಸ್ತಿನ್, ಲೆಬನಾನಿ, ಇಜಿಪ್ಟಿಯನ್ ವಾ ಫಿಲಿಪ್ಪಿನಿ ಚೆಡ್ವಾಂಕ್ ಪಳೆತಾನಾ ಪೆಚ್ಚಾಕ್ ತಕ್ಲಿ ಬೆಚ್ಚಾ ಜಾತಾಲಿ. ಗಾಂವಾಂತ್ ಸೈರಿಕೆಕ್ ಗೆಲ್ಲೆಕಡೆ ಪೆಚ್ಚಾನ್ ಥೊಡ್ಯಾ ಚೆಡ್ವಾಂಕ್ ಪಳೆವ್ನ್ 'ಸಿಲೆಕ್ಟ್' ಕೆಲ್ಲೆಂ ತರೀ ಚೆಡ್ವಾನಿಂಚ್ ತಾಕಾ 'ರಿಜೆಕ್ಟ್' ಕೆಲ್ಲೊ. ಗಲ್ಫಾಚ್ಯಾ ಚೆಡ್ಯಾಕಡೆ ಕಾಜಾರ್ ಜಾವ್ನ್ ದೋನ್ ವರ್ಸಾಂನಿ ದೋನ್ ಮಯ್ನೆ ಸಾಂಗಾತಾ ನಿದ್ಚ್ಯಾ ಬದ್ಲಾಕ್, ಆಂಕ್ವಾರಿ ಭಿತರ್ ಸೊಭಾಗಿಣಿ ಜಾವ್ನ್ ಮೊರ್ಚೆಂಚ್ ಬರೆಂ ಮ್ಹಣ್ ಥೊಡ್ಯಾಂನಿ ನಿಚೆವ್ ಕೆಲ್ಲೊ.
ಪೆಚ್ಚಾನ್ ಎಕಾ ಚೆಡ್ವಾಕ್ ಪಳೆವ್ನ್ ಪಸಂದ್ ಕರ್ತಚ್ ತಾಚೆವಿಶಿಂ ಆಪ್ಲ್ಯಾ ಇಶ್ಟಾಂ-ಮಿತ್ರಾಂಕಡೆ ವಿಚಾರ್ನ್ ಖಬರ್ ಕಾಡ್ತಾಲೊ.
''ತೆಂ ಚೆಡುಂ ನಾಕಾರೇ ಪೆಚ್ಚಾ, ತೆಂ ಮಾಡಾರ್ ಚಡೊನ್ ಬೊಂಡೆ ಕಾಡ್ತಾ, ಕುಬ್ಯಾರ್ ಬಸೊನ್ ಬೊಂಡೆ ತಾಸುನ್ ಪಿಯೆತಾ...''
''ತೆಂ ನಾಕಾರೇ ತುಕಾ, ತೆಂ ಪೋರ್ ಸಿಕಂದರ್ ಸಾಯ್ಬಾಚ್ಯಾ ಹೀರೊ ಹೊಂಡಾರ್ ಬಸೊನ್, ಬಿ,ಸಿ. ರೋಡ್ ತೆಣೆ ಪಾಶಾರ್ ಜಾತಾಲೆಂ. ತೇಂಗೀ.....''
''ತೆಂ ಮಹಾ ಚೂಡ್ ಕೊತ್ರು, ಏಕ್ ಉಲಯ್ಲ್ಯಾರ್ ಎಕ್ವೀಸ್ ಪಾಟಿಂ ದಿತಾ, ತಾಕಾ ಮಕ್ಕರ್ ಕೆಲ್ಲ್ಯಾ ಮಾಚ್ಚಾ ಮಾಸ್ತರಾಚ್ಯಾ ಕಾನ್ಸುಲಾಕ್ ವ್ಹಾಜಯ್ಲಾಂ ತಾಣೆ....''
''ತೆಂ ಮೂರೇ.... ತೆಂ ತ್ಯಾ ಮಿರ್ನಿಚ್ಯಾ ನಿಮಾಣ್ಯಾ ಪುತಾಸಂಗಿಂ ಕಾಜ್ಜ್ಯಾ ಫಾಡಿಂತ್ ಬಿಯೊ ಸೊಧ್ತಾಲೆಂ...!!''
ಹೆಂ ಚೆಡ್ವಾಂಯಣ್ ಆಯ್ಕೊನ್ ಆಯ್ಕೊನ್ ಪೆಚ್ಚಾಕ್ ಕಾಜಾರ್'ಚ್ ನಾಕಾ ಮ್ಹಣ್ ಭೊಗ್‍ಲ್ಲೆಂ. ಮಾಗಿರ್ ಕೊಣೆಂಗಿ ತಾಚೆ ಕಾನ್ ಫುಂಕ್‍ಲ್ಲೆ - ನೊವೆನಾಕ್ ಸೊಭಿತ್ ಸೊಭಿತ್ ಚೆಡ್ವಾಂ ಯೆತಾತ್, ನಿತ್ಯಾಧರ್ ಮಾಯೆಚ್ಯಾ, ಮಿನಿನ್ ಜೆಜುಚ್ಯಾ, ಸಾಂ. ಅಂತೊನಿಚ್ಯಾ, ಸಾಂ. ಜೂದ್ ಥಾದ್ದೆವಾಚ್ಯಾ, ಸಾಂ. ಲೊರೆಸಾಚ್ಯಾ ಪಾಯಾಂಥಳಾ ಪಡೊನ್ ಮಾಗ್ತಾತ್ - ಬರೊ ನವ್ರೊ ಫಾವೊ ಕರ್ ಸಾಯ್ಬಿಣಿ, ಸಾಂತಾ ಭಕ್ತಾ... ಮ್ಹಣ್ ಉಲೊ ಮಾರ್ತಾತ್.
ಪೆಚ್ಚಾಯೀ ನೊವೆನಾಕ್ ಗೆಲೊ. ಸಬಾರ್ ಚೆಡ್ವಾಂಕ್ ತಾಣೆಂ ಪಳೆಲೆಂ. ಪೂಣ್ ಇಗರ್ಜೆ ಭಿತರ್ ರಿಗ್ತಾನಾ ಕುಡ್ಕುಡ್ಯಾಂತ್ಲ್ಯಾ ಸಾಂತಿಣಿಪರಿ ಮಾನ್ ಬಾಗಾವ್ನ್ ಮರ್ಯಾದೆನ್ ಮೆಟಾಂ ಕಾಡುನ್ ಧ್ಯಾನ್ ವೊರೆಸಾಂವಾಂತ್ ಮಗ್ನ್ ಜಾಲ್ಲಿಂ ತಿಂ, ನೊವೆನ್ ಆನಿ ಮೀಸ್ ಸಂಪವ್ನ್ ಇಗರ್ಜೆ ಭಾಯ್ರ್ ಯೆತಚ್ ಗೇಟಿಕಡೆಂ ರಾಕೊನ್ ಆಸ್‍ಲ್ಲ್ಯಾ ಕೊಂಬ್ಲ್ಯಾ ಬಾಬಾಂಚ್ಯಾ ಬೈಕಾಂಚೆರ್ ಸ್ಕೂಟರಾಂಚೆರ್ ವಾ ಕಾರಾಂಚೆರ್ ಬಸೊನ್ ನಪಂಯ್ಚ್ ಜಾತಾಲಿಂ.
ಪೆಚ್ಚಾ ತವಳ್ ಬೆಚ್ಚಾ ಜಾತಾಲೊ ಆನಿ ಮಂಗಳಾ ಬಾರಾಕ್ ವಚೊನ್ ಸೊಡಾ ಭರ್ಶಿನಾಸ್ತಾಂ ಎಕ್ಶೆಂ ಸಾಟ್ ಮಾರ್ತಲೊ ಆನಿ ಘರಾ ವಚೊನ್ ಫ್ಯಾನಾ ಪಂದಾ ಉದಾರೊಚ್ ಪರ್ತಾತಾಲೊ.
ತಾಕಾ 'ಲವೇರಿಯಾ' ಪಿಡೆಚೊ ವೊಸೊ ಲಾಗಾನಾತ್‍ಲ್ಲ್ಯಾನ್ ಬಚಾವ್. ನಾ ತರ್ ದೀಸ್ ರಾತ್ ಚೆಡ್ವಾಂಚೆಂ ಧ್ಯಾನ್ ಕರ್ನ್ ಯೋಗಾಭ್ಯಾಸ್ ಕರುನ್ ಸರ್ಗಿಂಚೆಂ ಸುಖ್ ಜೊಡುನ್ ಘೆತೊ.
ಅಶೆಂ ತಶೆಂ ಮ್ಹಣ್ತಾನಾ ಪೆಚ್ಚಾಕ್ ಪಾಲ್ಲಿಚಿ ಸೈರಿಕ್ ಜಾಲಿಚ್. ಚೆಡ್ವಾಚೆಂ ನಾಂವ್ ಪಾವ್ಲಿನ್. ತಾಕಾ ಮೊಗಾನ್ 'ಪಾಲ್ಲಿ' ಮ್ಹಣ್ತಾಲಿಂ. ತೆಂಯಿ ಧಾ-ಬಾರಾ ವರ್ಸಾಂ ಥಾವ್ನ್ ಗಲ್ಫಾಂತ್ ವಾವುರ್ನ್ ಆಸ್‍ಲ್ಲೆಂ. ಘರ್ ಕಾಮಾಕ್ ಮ್ಹಣ್ ಗೆಲ್ಲೆಂ ಪಾಲ್ಲಿ, ಸವ್ಕಾಸ್ ಸವ್ಕಾಸ್ ನಿಸ್ಣಿಚಿಂ ಮೆಟಾಂ ಚಡೊನ್ ಧನಿಯಾಚೆಂ ಸೆಕ್ರೆಟರಿ ಜಾಂವ್ಕ್ ಪಾವ್‍ಲ್ಲೆಂ.
ವರ್ಸಾಂ ಪಾಂತ್ತೀಸ್ ಉತರ್ಲೆಲಿಂ ತರೀ ಪಳೆಂವ್ಕ್ ಪಿಕ್ಲೆಲಿ ಪೊಪಾಯ್. ಎಪ್ಪಾಲಾ ಸಾರ್ಕೊ ರಂಗ್ ತಾಚೊ. ಪೆಚ್ಚಾನ್ ಪಾಲ್ಲಿಕ್ ಪಳೆತಚ್ ಮೊಗಾರ್ ಪಡ್ಲೊಚ್, ತುಪಾಂತ್ ನೇಯಪ್ಪ ಪಡ್‍ಲ್ಲೆಬರಿಂ. 'ಲವ್ ಎಟ್ ಫಸ್ಟ್ ಸೈಟ್' ಮ್ಹಳ್ಳೆಂಪರಿ ಪೆಚ್ಚಾ ಮೊಗಾಚ್ಯಾ ಅಮಾಲಾಂತ್ ಟೈಟ್ ಜಾಲ್ಲೊ.
ಪಾಲ್ಲಿಕ್ ಪಳೆಲ್ಲೊ ಕೋಣ್‍ಯಿ ದಾದ್ಲೊ ಪಿಸೊ ಜಾಯ್ನಾಸ್ತಾಂ ರಾವ್ತೊನಾ. ತಾಚೆ ಲಾಂಬ್ ನೀಳ್ ಘೊಸ್ ಘೊಸ್ ಕೇಸ್, ದಾಂಳ್ಬಾಂಚ್ಯಾ ಬಿಯಾಂ ತಸಲೆ ಸೊಭಿತ್ ನಿತಳ್ ದಾಂತ್, ಆಕರ್ಶಿಕ್ ದೊಳೆ... ವ್ಹಾವ್... ಪಾಲ್ಲಿ ಚಂದ್ರಾಚೊ ಕಿಸ್ಪೊರ್‍'ಚ್ ಸಯ್.
ದೊಗಾಂಯ್ಚೆಂ ಲಗ್ನಾ ಖರಾರ್ ಜಾಲೆಂ. ರೆಸ್ಪೆರ್'ಯೀ ಜಾಲೆಂ. ಕಿರಾಸಾಳೆರಿಚೆಂ ಮೊಗಾ ಜೊಡೆಂ ಹನಿಮೂನಾಖಾತಿರ್ ಊಟಿ ಗೆಲೆಂ.
ನವ್ಯಾ ಕಾಜಾರಿ ಜೊಡ್ಯಾಚೆಂ ಹನಿಮೂನಾಚಿ ಪಯ್ಲಿ ರಾತ್... ಸುಮಧುರ್ ಘಡಿ... ಸರ್ಗಿಂಚ್ಯಾ ಸುಖಾಕ್ ದೋನ್ ಕುಡಿ ರಾಕೊನ್ ಆಸ್‍ಲ್ಲ್ಯೊ...
ದೊಗಾಂಯ್ಚ್ಯೊ ಕಾಳ್ಜಾ ಉಡಿ ಚಡೊನ್ ಯೆತಾಲ್ಯೊ. ಕುಡಾಂತ್ ಮಂದ್ ಮಂದ್ ಉಜ್ವಾಡ್. ಪೆಚ್ಚಾ ಭುಕೆಲ್ಲ್ಯಾ ವಾಗಾಪರಿಂ ಪಾಲ್ಲಿಕ್ ವೆಂಗೆಂತ್ ಆರಾವ್ನ್ ಧರಿಲಾಗ್ಲೊ.
''ಏಕ್ ಮಿನುಟ್, ಮ್ಹಜ್ಯಾ ರಾಯಾ...'' ಪಾಲ್ಲಿ ಆಪ್ಲಿ ಪಾತಳ್ ನೈಟಿ ತಿಕ್ಕೆ ಉಕ್ಲುನ್ ಖಾಟಿಯೆರ್ ಥಾವ್ನ್ ಉಟೊನ್ ಉಬೆಂ ಜಾಲೆಂ.
ಪಾಲ್ಲಿನ್ ಪಯ್ಲೆಂ ಆಪ್ಲ್ಯಾ ದೊಳ್ಯಾಂಕ್ ಲಾಯಿಲ್ಲೆಂ ಕೊಂಟ್ಯಾಕ್ಟ್ ಲೆನ್ಸ್ ಮೆಜಾರ್ ದವರ್ಲೆಂ. ಉಪ್ರಾಂತ್ ಮಾತ್ಯಾಕ್ ಬಸಯಿಲ್ಲೆಂ ವಿಗ್ ಕಾಡ್ನ್ ಸಕಯ್ಲ್ ದವರ್ಲೆಂ. ಮಾಗಿರ್ ತೊಂಡಾ ಭಿತರ್ಲೆಂ ದಾಂತಾಚೆಂ ಸೆಟ್ಟ್'ಯೀ ನಿಕ್ಳಾಯ್ಲೆಂ...
ಸಿಸ್ರಿಚ್ಯಾ ತೊಂಡಾಪರಿ ತೋಂಡ್ ಉಗ್ತೆಂ ಕರ್ನ್ ಪೆಚ್ಚಾಕ್ ವೆಂಗೆಂತ್ ಧರುಂಕ್ ಯೆತಾನಾ, ಪೆಚ್ಚಾ ಬಾವ್ಡೊ ಭಿಂಯಾನ್ 'ಭುತ್ ಭುತ್' ಮ್ಹಣೊನ್ ಖಾತಿಯೆ ಪಂದಾ ರಿಗ್‍ಲ್ಲೊ!
Tags:
CGS Taccode, Konkani Humour, Vinod, Comedy, HoneyMoon, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/9/2018 ಮಂಗಳೂರು ಸಿಲ್ವಂಗಾರ್ ಬೇಕರಿ...
-
10/30/2017 ನತಲಾಂಕ್ ಶಾಂತೆ ಖೆಳ್ ...
-
10/9/2017 ಆಮ್ಚೆ ಮನಿಸ್...
-
9/13/2017 ಶಾಂತಿ ಖಾತಿರ್ ಸ್ಪರ್ದೆ...
-
8/7/2017 ಆಶೆಂ ಏಕ್ ಸಂದರ್ಶನ್...
-
8/3/2017 ಹೆಂ ಮೆಲ್ಲೆಂ ಖಂಯ್ ಥಾವ್ನ್ ಆಯ್ಲೆಂ?...
-
7/19/2017 ವಿನ್ಸಿಚ್ಯೊ ಭಯ್ಣಿಂ...
-
6/8/2017 ನವಿಂ ನವಿಂ ಉದ್ಯಮಾಂ......
-
5/18/2017 ಕಷ್ಟ್ ಆಯ್ಲ್ಯಾತ್...
-
4/20/2017 ಹನಿಮೂನ್...
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
0 Comment/s.