From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ನಗೊರೊ - ಜಪಾನಾಂತ್ಲೊ ವಿಚಿತ್ರ್ ರಿವಾಜೆಚೊ ಬಾವ್ಲ್ಯಾಂಚೊ ಗಾಂವ್
Thursday, September 24, 2020
ಮನ್ಶ್ಯಾ ಜಿವಿತಾಂತ್ ಖಂಯ್ಚೆಂಚ್ ಶಾಶ್ವಿತ್ ನ್ಹಯ್. ಕಾಲ್ ಆಸ್‌ಲ್ಲೊ ಮನಿಸ್ ಆಜ್ ಆಸಾನಾ. ಆಮ್ಚೆ ಸಂಗಿಂ ಹಾಸೊನ್, ಖೆಳೊನ್ ಆಸ್‌ಲ್ಲಿಂ ಮ್ಹನ್ಶ್ಯಾಂಚ್ ಹ್ಯಾ ಸಂಸಾರಾ ಥಾವ್ನ್ ನಪಂಯ್ಚ್ ಜಾತಾತ್. ಕಾಲ್ ಮ್ಹಣಾಸರ್ ಭಲಾಯ್ಕೆಂತ್ ಆಸ್‌ಲ್ಲೊ ಮನಿಸ್ ಆಜ್ ಆಮ್ಚೆ ಮಧೆಂ ಆಸ್ತಾ ಮ್ಹಳ್ಳಿಂ ಗ್ಯಾರಂಟಿ ನಾ. ತಶೆಂ ಮ್ಹಳ್ಯಾರ್ ಜಲ್ಮ್ ಆನಿ ಮರಣ್ ಆಮ್ಚ್ಯಾ ಹಾತಾಂತ್ ನಾ ಮ್ಹಣ್ ಜಾಲೆಂ. ವ್ಹಯ್, ಹ್ಯಾ ಸಂಸಾರಾಂತ್ ಆಮ್ಚೆ ಮ್ಹಳ್ಳೆಂ ಕಿತೆಂಚ್ಚ್ ನಾ. ಪಯ್ಶೆ, ಅಧಿಕಾರ್, ಗ್ರೇಸ್ತ್ ಕಾಯ್ ಆನಿ ಸಂಸಾರಿ ಖುಶಾಲಾಯ್ ಸರ್ವ್ ತಾತ್ಕಾಲಿಕ್. ಕೆದೊ ವ್ಹಡ್ಲೊ ಗ್ರೇಸ್ತ್ ವ ಬುದ್ವಂತ್ ಮನಿಸ್ ಸಯ್ತ್ ವೇಳ್ ಯೆತಾನಾ ಮರಣ್ ಪಾವ್ತಾ. ಎಕಾ ಕಾಳಾರ್ ಘರ್ ಭರ್ನ್ ಜಣಾಂ ಆಸೊನ್ ಆವಾಜಾನ್ ಸೊಭ್ಚೆ ಘರ್, ಥೊಡ್ಯಾ ವರ್ಸಾಂ ಉಪ್ರಾಂತ್ ರಿತೆಂ ಜಾವ್ನ್ ಪಾಡ್ ಜಾಂವ್ಚೆಂ ಜಾಯ್ತೆ ಉದಾಹರಣ್ ಆಮಿ ಪಳೆಯ್ಲ್ಯಾತ್. ತಸಲೊಚ್ ಏಕ್ ಜಪಾನಾಂತ್ಲೊ ಗಾಂವ್ ನಗೊರೊ.
ನಗೊರೊ ಹಳ್ಳೆಂತ್ ಚಾರ್ ಜಣಾಂ ಭುರ್ಗ್ಯಾಂ ಪಯ್ಕಿ ಮಾಲ್ಘಡೆಂ ಜಾವ್ನ್ ಜಲ್ಮೊನ್, ಮುಳಾವೆಂ ಶಿಕಾಪ್ ಥಂಯ್ಸರ್ ಸಂಪವ್ನ್ ಫುಡಾರಾಖಾತಿರ್ ಆಪ್ಲ್ಯಾ ಬಾರಾ ವರ್ಸಾಂಚೆ ಪ್ರಾಯೆರ್ ಬಾಪಯ್ ಸಂಗಿಂ ಒಸಾಕಾ ಮ್ಹಳ್ಳೆ ಗಾಂವಾಕ್ ಆಯೊನಾ ಪಾವ್‌ಲ್ಲೆಂ. ಒಸಾಕಾ ಜಪಾನಾಚಾ ಪ್ರಮುಖ್ ಶ್ಹೆರಾ ಪಯ್ಕಿ ತಿಸ್ರೆಂ ಸ್ಥಾನ್ ಘೆತಾ. ಆಯೊನ್‌ಚಾ ಬಾಪಾಯ್ಕ್ ಎಕಾ ಬರ‍್ಯಾ ಕಂಪ್ಣೆಂತ್ ಕಾಮ್ ಮೆಳ್‌ಲ್ಲೆಂ ಜಾಲ್ಲ್ಯಾನ್ ಥಂಯ್ಸರ್ ತಾಂಚಿ ವಸ್ತಿ ಖಾತ್ರಿ ಜಾಲ್ಲಿ. ಕಾಜಾರ್ ಜಾವ್ನ್ ದೊಗಾಂ ಭುರ್ಗ್ಯಾಂಕ್ ಆಯೊನಾನ್ ವಾಡಾಯ್‌ಲ್ಲೆಂ ಶ್ಹೆರಾಂತ್‌ಚ್. ಲ್ಹಾನ್ಪಣಾರ್ ಶ್ಹೆರಾಚಿ ವಾಟ್ ಚಡ್‌ಲ್ಲ್ಯಾ ಆಯೊನೊಕ್, 2002 ಇಸ್ವೆಂತ್ ಆವಯ್ ಕಿಡ್ನೆಚೆ ಪಿಡೆ ವರ್ವಿಂ ಮರಣ್ ಪಾವ್ತಾನಾ ಜಲ್ಮಾಲ್ಲ್ಯಾ ಹಳ್ಳೆಕ್ ಪಾಟಿಂ ಯೇಜಯ್ ಪಡ್ಲೆಂ. ಉತರ್ ಪ್ರಾಯೆಕ್ ಪಾವುಲ್ಲೊ ಬಾಪಯ್ ಎಕ್ಸುರೊ ಆಸ್ತಾಂ, ಆಯಾನೊ ಮುಕ್ಲೆ ದೀಸ್ ಬಾಪಯ್ಕ್ ಆಧಾರ್ ಜಾವ್ನ್ ನಗೊರೊ ಹಳ್ಳೆಂತ್ ಜಿಯೆಂವ್ಕ್ ಲಾಗ್ಲೆಂ. ನಗೊರೊಂತ್ಲೊ ಮಾಲ್ಘಡೊ ಮನಿಸ್ ಮ್ಹಳ್ಯಾರ್ 90 ವರ್ಸಾಂಚಾ ಪ್ರಾಯೆರ್ ಆಸ್ಚೊ ಆಯಾನೋಚೊ ಬಾಪುಯ್ ಆನಿ ತರ್ನಾಟೊ ಮ್ಹಣ್ಜೆ 38 ವರ್ಸಾಂ ಪ್ರಾಯೆಚೊ ಟಾಟ್ಸುಯಾ ಮಟ್ಸೂರ. ಆಪ್ಲ್ಯಾ ಘರಾ ಮುಕ್ಲ್ಯಾ ಗಾದ್ಯಾಂತ್ ಉತ್ಪತ್ತ್ ಜಾಂವ್ಚಿಂ ಖಾಣಾ ವರ್ವಿ ಸುಕ್ಣಿ ಯೇವ್ನ್ ವಿಬಾಡ್ತಾನಾ ಆಯಾನೊನ್ ಏಕ್ ಬಾವ್ಲಿ(ಬೆಳ್ಚಪ್ಪ) ಕರ್ನ್ ಪೀಕ್ ಭರ್ಲೆಲ್ಯಾ ಝಡಾಂ ಮಧೆಂ ದವರ‍್ಲಿ. ಹ್ಯಾ ಬೆಳ್ಚಪ್ಪಾಕ್ ಅಯಾನೊನ್ ಬಾಪಯ್ಚೆಂಚ್ ಪರ್ನೆಂ ವಸ್ತುರ್ ನ್ಹೆಸಯ್ಲೆಂ. ಎಕ್ ದಿಸಾ ಎಕಾ ವ್ಯಕ್ತಿನ್ ಹ್ಯಾ ಬೆಳ್ಚಾಪ್ಪಾಕ್ ಪಳೆವ್ನ್ ಅಯಾನೊಚೊ ಬಾಪುಯ್ ಮ್ಹಣ್ ಚಿಂತುನ್ ಪ್ರಣಾಮ್ ದಿತಾನಾ ಅಯಾನೊನ್ ಪಳೆಲೆಂ. ಮುಕಾರಿಕ್ ಹೆಂಚ್ ಘಡಿತ್ ತಾಕಾ ಜಣಾಸಂಖೊ ಉಣೆ ಜಾಲ್ಲ್ಯಾ ಹ್ಯಾ ಹಳ್ಳೆಂತ್ ಮುಕ್ಲ್ಯಾ ದಿಸಾಂನಿ ಬಾವ್ಲ್ಯೊ ಸೊಭೊಂವ್ಕ್ ಕಾರಣ್ ಜಾಲೆಂ.
ದೀಸ್ ವೆತಾಂ ವೆತಾಂ ಉತರ್ ಪ್ರಾಯೆಚಿಂ ಮರಣ್ ಪಾವ್ತಾನಾ, ತರ್ನಾಟಿಂ ಗಾಂವ್ ಸೊಡುನ್ ವೆತಾನಾ, ಗಾಂವ್ಚೊ ಲೋಕ್ ಉಣೆ ಜಾಂವ್ಚೆ ಪಳೆಲ್ಲ್ಯಾ ಆಯಾನೊನ್ ಗಾಂವ್ ಸಾಂಡ್ಲೆಲ್ಯಾಂಚಾ ಉಡಾಸಾಕ್ ತಾಂಚಾಚ್ ಸಾರ್ಕ್ಯಾಚೊ ಬಾವ್ಲ್ಯೊ ಕರ್ಚೆಂ ಕಾಮ್ ಸುರು ಕೆಲೆಂ. ಕಾಂಯ್ ಥೊಡಿಂ ಕಾಲ್ಪನಿಕ್ ಸನ್ನಿವೆಶಾಂ ಮತಿಂತ್ ದವರುನ್ ಜಾಯ್ತ್ಯೊ ಬಾವ್ಲ್ಯೊ ತಾಣೆ ಕೆಲ್ಯೊ. ತಾಜಾ ಹ್ಯಾ ಕಾಮಾಕ್ ಗಾಂವ್ಚ್ಯಾಂನಿ ಪುರ್ತೊ ಪಾಟಿಂಬೊ ದಿಲೊ. ಅಯಾನೊಚಿ ಮೊಗಾಚಿ, ಸದಾಂಚ್ ಉಲೊವ್ಣ್ಯಾಂತ್ ಸಾಂಗಾತ್ ದಿಂವ್ಚಿ ತಾಜಿ ಶೆಜಾರ್ನ್ ಮರಣ್ ಪಾವ್ಲ್ಯಾ ನಂತರ್ ತಿಜಾ ಸುರುಪಾಯೆಚಿ ಏಕ್ ಬಾವ್ಲಿ ಕರುನ್ ಅಯಾನಾನ್ ತಿಜೊ ಉಡಾಸ್ ಜಿವಾಳ್ ದವಾರ್ಲಾ. ಆಪ್ಲ್ಯಾ ಘರಾಂತ್ ಸರ್‌ಲ್ಲ್ಯಾ ಆವಯ್ಚಿ ಬಾವ್ಲಿ ತಾಣೆ ಉಬಾರ್ಲ್ಯಾ ಮಾತ್ ನೈಂ ಆಪ್ಲ್ಯಾ ಅಜಿಯಾಚಾ ಉಡಾಸಾಕ್ ತಾಣೆ ಕೆಲ್ಲಿ ಬಾವ್ಲಿ ತೆಂ ತಾಜಾ ಸಾಂಗಾತಾ ಪೆಂಟೆಕ್ ವೆತಾನಾ ದೋನ್ ವರಾಂಚಾ ಲಾಂಬ್ ಪಯ್ಣಾಕ್ ಸಾಂಗಾಂತ್ ದೀಂವ್ಕ್ ಆಪ್ಲ್ಯಾ ಕಾರಾರ್ ಕಾಣ್ಘೆವ್ನ್ ವೆತಾ!
ಆಯಾನೊನ್ ಆನಿ ತಾಜಾ ಸಾಂಗಾತ್ಯಾನಿಂ ಮೆಳೊನ್ ಚಡುಣೆಂ 350-400 ಬಾವ್ಲ್ಯೊ ಕರುನ್ ಹ್ಯಾ ಗಾಂವಾಂತ್ ಸೊಭಾಯ್ಲ್ಯಾತ್. ಬಂಧ್ ಜಾಲ್ಲ್ಯಾ ಇಸ್ಕೊಲಾಂತ್ ಭುರ್ಗಿಂ, ಟೀಚರಾಂ, ಅಂಗ್ಡಿ ಬಾಗ್ಲಾರ್ ಬಸವ್ನ್ ಉಲಂವ್ಚೆ ಗ್ರಾಯ್ಕ್ , ಮಾಸ್ಳಿ ಧರ್ಚಿಂ ದ್ರಶ್ಯಾಂ, ಕುಟ್ಮಾಂತ್ ಸಾಂಗಾತಾ ಮೆಳೊನ್ ಉಲಂವ್ಚಿಂ ದ್ರಶ್ಯಾಂ, ಬಸ್-ಟ್ಸ್ಯಾಂಡಾಂತ್ ಬಸೊನ್ ಬಸ್ಸಾಕ್ ರಾಕ್ಚಿಂ ಪಯ್ಣಾರಿ, ತೊಟಾನಿಂ-ಗಾದ್ಯಾನಿಂ ಕಾಮೆಲಿ, ಇಸ್ಕೊಲಾಚೊ ಖೆಳ್ಚೆ ದಿವಸ್, ದೊರಿ ವೊಡ್ತಾನಾ ದೊರಿಯಾಂಕ್ ಬಾವ್ಲೆಕ್ ಬಾಂದ್ಚೆಂ ಅಶೆಂ ಇತರ್ ಜಾಯ್ತಿಂ ಸನ್ನಿವೆಶಾಂ ರಚುನ್ ಹರ್ ಜಾಗೆ ಅಯಾನೊನ್ ಆನಿ ತಾಜಾ ಸಾಂಗಾತ್ಯಾನಿಂ ಮೆಳೊನ್ ಬಾವ್ಲ್ಯಾನಿಂಚ್ ಸೊಭಾಯ್ಲ್ಯಾತ್. ಅಶೆಂ ಆಜ್ ಲೋಕ್ ನಾತ್‌ಲ್ಲ್ಯಾ ಹಳ್ಳೆಂತ್ ಪಳೆಂವ್ಕ್ ಮೆಳ್ಚೊ ಚಡುಣೆಂ ತಿನ್ಶಾಂ ವಯ್ರ್ ಬಾವ್ಲ್ಯೊ ಮಾತ್ರ್!
ಆಯಾನೊನ್ ತಿಳ್ಸಿಲ್ಲ್ಯಾ ಪರ್ಮಾಣೆಂ ಏಕ್ ವಡ್ ಗಾತ್ರಾಚಿ ಬಾವ್ಲಿ ಕರಿಜಯ್ ತರ್ ತೀನ್ ದೀಸಾಂಚೊ ವೇಳ್ ಜಾಯ್. ದಿಸಾಳಿಂ ಪತ್ರಾಂ, ಕಾಪುಸ್, ಬುತಾಂವ್, ಲುಗ್ಟಾಂ, ಸ್ಟೀಲ್ ವಯಾರಾಂ, ರಂಗ್, ಸುತಾಂ, ಅಂಟ್ ವಾಪರ್ನ್ ರೂಪ್ ದಿಂವ್ಚ್ಯಾ ಬಾವ್ಲ್ಯಾಂಕ್ ಪರ್ನಿಂ ವಸ್ತುರಾಂ ನ್ಹೆಸಯ್ತಾತ್. ಆಯಾನೊ ಆನಿ ತಾಚೊ ಪಂಗಡ್ ಬಾವ್ಲ್ಯೊ ಕರ್ತಾತ್ ಮಾತ್ರ್ ನೈಂ ಸದಾಂ ತ್ಯಾ ಬಾವ್ಲ್ಯಾಂಚಿ ಜತನ್ ಘೆತಾತ್. ವಸ್ತುರಾಂ ಮ್ಹೆಳಿಂ ಜಾಲಿಂ ತರ್ ನಿತಳ್ ಕರ್ಚೆಂ, ಪರ್ನೆ ಜಾಲ್ಲ್ಯಾ ವಸ್ತುಂಕ್ ಬದ್ಲುಂಚೆ ಕಾಮ್ ತಿಂ ಕರ್ನ್‌ಚ್ ಆಸ್ತಾತ್. ಜರ್ ಕೂಣಾಕೀ ಹ್ಯೊ ಬಾವ್ಲ್ಯೊ ಕಸೊ ಕರ್ಚ್ಯೊ ಆನಿ ಬಾವ್ಲ್ಯಾಂಚಾ ತೊಂಡಾರ್ ಆಕರ‍್ಷಣ್ ಕಶೆಂ ಹಾಡ್ಚೆಂ ಮ್ಹಣ್ ಶಿಕುಂಕ್ ಆಸಕ್ತ್ ಆಸ್‌ಲ್ಲ್ಯಾಂಕ್ ಆಯಾನೊ ಕಾರ್ಯಾಗಾರಾಂಯ್ ಆಸಾ ಕರ‍್ತಾ. ನಗೋರಾಂತ್ ಅತಾಂತಾಂ ಆಚರಣ್ ಕರ್ಚ್ಯಾ ಬಾವ್ಲ್ಯಾಂಚಾ ಫೆಸ್ತಾ ಪಾಟ್ಲೆಂ ಚಿಂತಪ್ ಆನಿ ಆಸ್ಚೊ ವಾವ್ರ್ ಆಯಾನಾಚೊ ಜಾವ್ನಾಸಾ. ಹರ್ಯೆಕಾ ವರ್ಸಾ ಅಕ್ತೋಬರಾಚಾ ಪಯ್ಲ್ಯಾ ಅಯ್ತಾರಾ ನಗೋರಾಂತ್ ಬಾವ್ಲ್ಯಾಂಚೆಂ ಫೆಸ್ತ್ ಆಚರಣ್ ಕರ್ತಾತ್. ಹ್ಯಾ ವರ್ಸಾ ಕೊರೊನಾ ಪಿಡೆಚಾ ದೆಸ್ವಾಟೆ ಮಧೆಂ ಹೆಂ ಫೆಸ್ತ್ ಆಚರಣ್ ಜಾಯ್ತ್ ಯಾ ನಾ ಮ್ಹಳ್ಳೊ ದುಬಾವ್ ಆಸಾ ತರೀ ತುಮ್ಕಾ ಕಾಂಯ್ ಹ್ಯಾ ಗಾಂವಾಕ್ ವೆಚೊ ಅವ್ಕಾಸ್ ಮೆಳ್ಳೊ ತರ್ ಏಕ್ ಬಾವ್ಲಿ ಮಾತ್ರ್ ಜರೂರ್ ಕಾಣ್ಘೆವ್ನ್ ಯೆಯಾ.
ಸಹಾಯ್ : ಸನ್ನು ನಿಡ್ಡೋಡಿ
Tags:
ಥೊಡ್ಯಾ ವರ್ಸಾಂ ಪಯ್ಲೆಂ ಚಡುಣೆ ತಿನ್ಶಿಂ ಜಣಾಸಂಖೊ ಆಸ್ಚ್ಯಾ ಹ್ಯಾ ಹಳ್ಳೆಂತ್ 2019ಚ್ಯಾ ಆಖ್ರೇಕ್ ಆಸ್‌ಲ್ಲೆ ಫಕತ್ 27 ಜಣ್ ಮಾತ್ರ್!! ಹಾಕಾ ಕಾರಾಣಾಂಯ್ ಜಾಯ್ತಿಂ., Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
2/27/2021 ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...
-
12/20/2020 ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...
-
12/6/2020 ಆಸ್ತ್ ........
-
11/25/2020 ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...
-
11/9/2020 ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...
-
10/17/2020 ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...
-
-
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
1 Comment/s.
Eye opener article, described so nicely with effectiveness