From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಮೊಂತಿ ಫೆಸ್ತ್ ಫರಂಗಿಪೆಟ್ ಮೊಂತೆಮರಿಯಾನೊ ಕೊವೆಂತಾ ಥಾವ್ನ್ ಸುರು ಜಾಲ್ಲೆಂ?
Monday, September 7, 2020
ಹರ್‍ಯೇಕಾ ವರ್ಸಾ ಸಪ್ಟೆಂಬರ್ 8 ತಾರಿಕೆರ್ ಬಾಳೊಕ್ ಮರಿಯೆಚೆಂ ಜಲ್ಮಾ ದಿಸಾಚೆಂ ಫೆಸ್ತ್ ಮಂಗ್ಳುರಿ ಕ್ರಿಸ್ತಾಂವ್, ಮೊಂತಿ ಫೆಸ್ತ್ ಮ್ಹಣ್ ಆಚರಣ್ ಕರ್ತಾತ್. ಹೆಂ ಫೆಸ್ತ್ ಮಂಗ್ಳೂರಾಂತ್ ಮಾತ್ರ್ ಆಸಾ ಮ್ಹಳ್ಳೆಂ ಚಿಂತಾಪ್ ಆಸಾ. ಮೊಂತಿ ಫೆಸ್ತ್ ಫರಂಗಿಪೆಟ್ ಮೊಂತೆಮರಿಯಾನೊ ಕೊವೆಂತಾ ಥಾವ್ನ್ ಸುರು ಜಾಲ್ಲೆಂ ಮ್ಹಣ್ ಚಿಂತಾಪ್ ಆಸಾ. ಹೆಂ ಚಿಂತಾಪ್ ಸಂಪೂರ್ಣ್ ಸಾರ್ಕೆಂ ನ್ಹಯ್. ಸಗ್ಳ್ಯಾ ಸಂಸಾರಾರ್ ಸುರ್ವಿಲ್ಯಾ 6-ವ್ಯಾ ಶತಮಾನಾ ಥಾವ್ನ್ ಹೆಂ ಫೆಸ್ತ್ ಆಚರಣ್ ಕರ್ತಾತ್. ಪೂಣ್ ವಿದೇಶಾಂನಿ ಮರಿಯೆಚ್ಯಾ ಜಲ್ಮಾಚ್ಯಾ ಫೆಸ್ತಾ ಪ್ರಾಸ್, ತಿಚ್ಯಾ ಪಾಪ್ ಖತಾವಿಣ್ ಗರ್ಭಿ ಸಂಭವ್ಲೆಲ್ಯಾ ಫೆಸ್ತಾಕ್ ಚಡ್ ಮಹತ್ವ್ ದಿತಾತ್ ದೆಕುನ್ ಹೆಂ ಫೆಸ್ತ್ ಚಡಿತ್ ಗದ್ದಾಳಾಯೆನ್ ಆಚರಣ್ ಕರಿನಾಂತ್ ಜಾವ್ಯೆತ್.
ಪವಿತ್ರ್ ಪುಸ್ತಕಾಂತ್ ಮರಿಯೆಚೊ ಜಲ್ಮ್ :
ಪವಿತ್ರ್ ಪುಸ್ತಕಾಂತ್ ಮರಿಯೆಚ್ಯಾ ಜಲ್ಮಾಚೊ ಜಾಂವ್, ತಿಚ್ಯಾ ವ್ಹಡಿಲಾಂಚೊ ಜಾಂವ್ ಉಲ್ಲೇಖ್ ನಾ. ಕೇವಲ್ ದೋಗ್ ವಾಂಜೆಲಿಸ್ತ್ ಸಾಂ .ಮಾತೆವ್ ಆನಿ ಸಾಂ. ಲೂಕ್, ಭಡ್ವ್ಯಾನ್ ಮರಿಯೆಕ್ ಬರಿ ಖಬಾರ್ ಹಾಡ್ಲೆಲ್ಯಾ ವಿಶಿಂ ಉಲ್ಲೇಖ್ ಕರ್ತಾತ್. ಪೂಣ್ ಮುಸ್ಲಿಮಾಂಚ್ಯಾ ಪವಿತ್ರ್ ಪುಸ್ತಕ್ ಕುರಾನಾಂತ್ ಮರಿಯೆವಿಶಿಂ ಏಕ್ ಅಧ್ಯಾಯ್‌ಚ್ ಆಸಾ. ಸುಮಾರ್ ಕ್ರಿ.ಶ. 150 ಇಸ್ವೆಂತ್ ಜೋಸ್ವಾ ಮ್ಹಳ್ಳ್ಯಾನ್ ಬರಯಿಲ್ಲ್ಯಾ ಅನಧಿಕೃತ್ ಗ್ರಂಥಾಂತ್ ಮರಿಯೆಚಿಂ ವ್ಹಡಿಲಾಂ ಜೊಕಿಮ್ ಆನಿ ಆನ್ನಾ ಮ್ಹಣ್ ಬರಯ್ಲಾಂ. ತಾಂಕಾಂ ಭುರ್ಗಿಂ ನಾತ್ಲೆಲಿಂ ದೆಕುನ್ ಉತರ್ ಪ್ರಾಯೆರ್, ಭುರ್ಗೆಂ ಜಾತೆಲೆಂ ಮ್ಹಣ್ ದೇವ್ ದೂತಾನ್ ಸಾಂಗ್ಲೆಲೆಂ ಮ್ಹಣ್ ಲಿಖ್ಲಾಂ.
ಪೂಣ್ ಅಧಿಕೃತ್ ಪವಿತ್ರ್ ಸಭೆಚ್ಯಾ ಪುಸ್ತಕಾಂತ್ ಮರ್ಯೆಚಾ ಜಲ್ಮಾ ವಿಶಿಂ ತಿಚ್ಯಾ ವ್ಹಡಿಲಾಂವಿಶಿಂ ಕಿತೆಂಚ್ ನಾ ತರಿ ಸಂಪ್ರದಾಯ್ ಆಮ್ಕಾಂ ಸಭಾರ್ ವಿಷಯ್ ಸಾಂಗ್ತಾ.
ಪವಿತ್ರ್ ಸಭೆಚ್ಯಾ ಇತಿಹಾಸಾಂತ್ ಮರಿಯೆಚ್ಯಾ ಜಲ್ಮಾಚೆಂ ಫೆಸ್ತ್ :
ಮುಡ್ಲಾಚ್ಯಾ ಒರ್ಥೊಡೆಕ್ಸ್ ಪವಿತ್ರ್ ಸಭೆಂತ್ ಮರಿಯೆಚ್ಯಾ ಜಲ್ಮಾಚೆಂ ಫೆಸ್ತ್ ಸವ್ಯಾ ಶತಮಾನಾ ಥಾವ್ನ್ ಆಚರಣೆಕ್ ಆಯ್ಲೆಂ ತರಿ ಸಾತ್ವ್ಯಾ ಶತಮಾನಾಂತ್ ರೋಮಾಂತ್ ತೆಂ ಆಚರಣ್ ಸುರು ಜಾಲೆಂ ಆನಿ ಉಪ್ರಾಂತ್ಲ್ಯಾ ಶತಮಾನಾಂನಿ ಸಂಸಾರಾರ್ ವಿಸ್ತಾರ್ಲೆಂ. ಪೂಣ್ ಹೆಂ ಫೆಸ್ತ್ ಸಪ್ಟೆಂಬರ್ 8 ತಾರಿಕೆರ್ ಕಿತ್ಯಾಕ್ ಆಚರಣ್ ಕರ್ತಾತ್ ಮ್ಹಳ್ಳೆಂ ಸವಾಲ್ ಉದೆಂವ್ಚೆಂ ಸಹಜ್.
ಸಾಧಾರಣ್ ಸಪ್ಟೆಂಬರಾಚ್ಯಾ ಸುರ್ವೆರ್ ಉತ್ತರ್‌ಗೋಲಾಂತ್ ಗರ್ಮೆಚೆ ದೀಸ್ ಸಂಪೊನ್ ಹಿಂವಾಳೆ ದೀಸ್ ಸುರು ಜಾತಾತ್. ಪಾವ್ಶಿಲೆ ಆನಿ ಗಿಮ್ಶಿಲೆ ದೀಸ್ ಅಖೇರ್ ಜಾವ್ನ್ ಬೆಳೆಂ ಫಳ್ ದಿತಾ. ಹಾಚ್ಯಾ ಖಾತಿರ್ ಮರಿ ಪ್ರಥಮ್ ಮ್ಹಳ್ಳೆಂ ಸಂಕೇತ್ ಜಾವ್ನ್ ಹೆಂ ಫೆಸ್ತ್ ಹ್ಯಾ ವೆಳಾರ್ ಆಚರಣ್ ಕರ್ತಾತ್. ಆಮಿ ವಾಪಾರ್ಚೆಂ ಕ್ಯಾಲೆಂಡರ್ ಜೆಜುಕ್ರೀಸ್ತ್ ಮೆಲ್ಯಾ ಉಪ್ರಾಂತ್ ಸುರು ಜಾಲ್ಲೆಂ ಜಾಲ್ಲ್ಯಾನ್ ಮರಿ ಜಲ್ಮೊಂಚ್ಯಾ ವೆಳಾರ್ ಸಪ್ಟೆಂಬರ್ 8 ಮ್ಹಳ್ಳಿ ತಾರಿಕ್ ನಾತ್‌ಲ್ಲಿ.
ಫ್ರಾನ್ಸಾಂತ್ ಸಪ್ಟೆಂಬರ್ 8 ಮರಿಯೆಚ್ಯಾ ಜಲ್ಮಾಚೊ ತಶೆಂಚ್ ನವ್ಯಾ ಬೆಳ್ಯಾಚೆಂ ಫೆಸ್ತ್ ಆಚರಣ್ ಕರ್ತಾತ್. ಆಸ್ಟ್ರೇಲಿಯಾಂತ್ ಸಪ್ಟೆಂಬರ್ 8 ಮರಿಯೆಚ್ಯಾ ಜಲ್ಮಾಚೆಂ ಫೆಸ್ತ್, ನೊವೆಂ ಜೆಂವ್ಚೆಂ ಫೆಸ್ತ್ ಜಾವ್ನ್ ಆಚರಣ್ ಕರ್ತಾತ್.
ಭಾರತಾಂತ್ ಮರಿಯೆಚ್ಯಾ ಜಲ್ಮಾ ದಿಸಾಚೆಂ ಆಚರಣ್ :
1510 ಇಸ್ವೆಂತ್ ಗೊಂಯ್ ಪೋರ್ಚುಗಿಸಾಂಚ್ಯಾ ಹಾತಿಂ ಆಯ್ಲೆಂ. ಪೋರ್ಚುಗಿಸಾಂನಿ ಗೊಂಯ್ಕಾರಾಂಕ್ ಕನ್ವೆಡ್ತರ್ ಕೆಲೆಂ. ತಾಚ್ಯಾಕ್‌ಯಿ ಪಯ್ಲೆಂ ಅಕ್ರಿಸ್ತಾಂವ್ ಗೊಂಯ್ಕಾರ್, ಸಪ್ಟೆಂಬರಾಂತ್ ನವೆಂ ಜೆಂವ್ಚೆಂ ಫೆಸ್ತ್ ಆಚರಣ್ ಕರ್ತಾಲೆ. ಥಂಯ್ ವಾವ್ರ್ ಕರ್ಚ್ಯಾ ಯಾಜಕಾಂನಿ ಸಂಸಾರಾಚ್ಯಾ ಇತರ್ ಪ್ರದೇಶಾಂನಿ ಆಸ್ಲೆಲ್ಯಾಪರಿಂ ಗೊಂಯಾಂತ್‌ಯಿ ಮರಿಯೆಚ್ಯಾ ಜಲ್ಮಾಚೆಂ ಫೆಸ್ತ್ ನೊವೆಂ ಜೆಂವ್ಚೆಂ ಫೆಸ್ತ್ ಜಾವ್ನ್ ಆಚರಣ್ ಕರುಂಕ್ ಸುರು ಕೆಲೆಂ. ಹಾಕಾ ಕಾರಣ್ ಹ್ಯಾಚ್ ವೆಳಾರ್ ಚೌತಿ ಫೆಸ್ತ್ ಯೆತಾ ದೆಕುನ್ ಕ್ರೀಸ್ತಾಂವ್ ಜಾವ್ನ್ ಕನ್ವೆಡ್ತಾರ್ ಜಾಲ್ಲ್ಯಾಂಕ್ ಸಮಾಧಾನ್ ಕರುಂಕ್ ಪಾವ್ಲೆಂ. ಸುಮಾರ್ 1560 ಇಸ್ವೆಂತ್ ಗೊಂಯ್ಕಾರ್(ಆಮ್ಚೆ ಪೂರ್ವಜ್) ಮಂಗ್ಳುರ್ ಪ್ರದೇಶಾಕ್ ಆಯ್ಲೆ. ತಾಣಿ ಹೆಂ ಫೆಸ್ತ್ ಹಾಂಗಾ ಆಚರಣ್ ಕರುಂಕ್ ಸುರು ಕೆಲೆಂ.
ಮರಿಯೆಚ್ಯಾ ಜಲ್ಮಾಚ್ಯಾ ಫೆಸ್ತಾಕ್ ಮೊಂತಿಫೆಸ್ತ್ ಮ್ಹಣ್ ನಾಂವ್ ಕಿತ್ಯಾಕ್?
ಸಪ್ಟೆಂಬರ್ 8 ಮರಿಯೆಚ್ಯಾ ಜಲ್ಮಾ ದಿಸಾಚೆಂ ಫೆಸ್ತ್, ನೊವೆಂ ಜೆಂವ್ಚೆಂ ಫೆಸ್ತ್ ಹಾಕಾ ಮೊಂತಿ ಫೆಸ್ತ್ ಮ್ಹಣ್ತಾತ್ ಕಿತ್ಯಾಕ್ ಹ್ಯಾ ಸವಾಲಾಕ್ ಮ್ಹಾಕಾ ಆನಿಕ್‌ಯಿ ಸಾರ್ಕಿ ಜಾಪ್ ಮಳೊಂಕ್ ನಾ. ಎಕಾ ಸಾಂಗ್ಣೆ ಪ್ರಕಾರ್ ಫರಂಗಿಪೇಟೆಂತ್ ಮೊಂತಿ ಮರಿಯಾನೊ ಪ್ರಾಯರಿಂತ್ ಹೆಂ ಫೆಸ್ತ್ ಆಚರಣ್ ಕರುಂಕ್ ಸುರು ಕೆಲೆಂ. ದೆಕುನ್ ಹ್ಯಾ ಫೆಸ್ತಾಕ್ ಮೊಂತಿ ಫೆಸ್ತ್ ಮ್ಹಳ್ಳೆಂ ನಾಂವ್ ಮ್ಹಣ್ತಾತ್. ಮೊಂತಿ ಮರಿಯಾನೊ ಮ್ಹಳ್ಯಾರ್ ದೊಂಗ್ರಾಚಿ ಸಾಯ್ಬಿಣ್ ಮ್ಹಣ್ ಅರ್ಥ್.
ಬೊಂಬಯ್ಚ್ಯಾ ಬೆಂಡ್ರಾಂತ್ ಮೊಂತಿ ಫೆಸ್ತ್ ಗದ್ದಾಳಾಯೆನ್ ಆಚರಣ್ ಕರ್ತಾತ್. ಥಂಯ್ಚಿ ಪಾತ್ರೊನ್ ಮೌಂಟ್ ಮೇರಿ ಮ್ಹಳ್ಯಾರ್ ದೊಂಗ್ರಾಚಿ ಸಾಯ್ಬಿಣ್. ಮರಿಯೆಚ್ಯಾ ಜಲ್ಮಾಚ್ಯಾ ಫೆಸ್ತಾಚೆಂ ಆಚರಣ್, ಸಪ್ಟೆಂಬರ್ 8 ತಾರಿಕೆರ್ ಜಾಂವ್ಚೆಂ ತೆಂ ಫಕತ್ ಫರಂಗಿಪೇಟ್ ಥಾವ್ನ್ ಜಾಲ್ಲೆಂ ನ್ಹಯ್. ಬಗಾರ್ 6-ವ್ಯಾ ಶತಮಾನಾಂತ್ ರೊಮಾಂತ್, ಉಪ್ರಾಂತ್ ಯುರೋಪಾಂತ್, ತಾಚೆ ಉಪ್ರಾಂತ್ ಗೊಂಯಾಂತ್ ಆಸ್ಲೆಲೆಂ ತೆಂ ಫರಂಗಿ ಪೇಟ್ ಪಾವ್ಲೆಂ ಜಾಂವ್ಕ್ ಪುರೊ.
ಮಂಗ್ಳುರಾಂತ್ ಮೊಂತಿಫೆಸ್ತಾಚಿ ವಿಶೇಷತಾ :
ಕ್ರೀಸ್ತಾಂವಾಂಚಿಂ ಧಾರ್ಮಿಕ್ ಫೆಸ್ತಾಂ ಕ್ರಿಸ್ಮಸ್, ಪಾಸ್ಕಾಂ ಫೆಸ್ತ್ ಆನಿ ಇತರ್, ಸಗ್ಳ್ಯಾ ಸಂಸಾರಾರ್ ಗದ್ದಾಳಾಯೆನ್ ಆಚರಣ್ ಕರ್ತಾತ್. ಪೂಣ್ ಮೊಂತಿ ಫೆಸ್ತ್ ಕುಟ್ಮಾಚೆಂ ತಸೆಂಚ್ ನೊವೆಂ ಜೆಂವ್ಚೆಂ ಫೆಸ್ತ್ ಆತಾಂ ಆಮ್ಚ್ಯಾ ಸಂಸ್ಕೃತೆಚೆಂ ಅವಿಭಾಜ್ಯ್ ಅಂಗ್ ಜಾವ್ನಾಸಾ. ಪರ್ಗಾಂವಾಂತ್ ಆಸ್ಚೊ ಲೋಕ್ ಮೊಂತಿ ಫೆಸ್ತ್ ಏಕ್ ಸಮುದಾಯ್ ಜಾವ್ನ್ ಆಚರಣ್ ಕರ್ತಾತ್. ಪರ್ದೆಶಾಂತ್ ಕೆನರಾ ಕೊಂಕ್ಣಿ ಕ್ರಿಸ್ತಾಂವಾಂಕ್ ಸಾಂಗಾತಾ ಹಾಡ್ಚೆಂ ಫೆಸ್ತ್ ಹೆಂ ಜಾಂವ್ಕ್ ಪಾವ್ಲಾಂ.
ಆಮ್ಚ್ಯಾ ಫೆಸ್ತಾಂ ಪಯ್ಕಿ ಹೆಂ ಏಕ್ ಮಾತ್ರ್ ರಾಂದ್ವಯೆಚ್ಯಾ ಜೆವ್ಣಾಚೆಂ ಫೆಸ್ತ್. ಭೋವ್ಶಾ ಹೆಂ ಆಮ್ಕಾಂ ಕನ್ವೆಡ್ತರಾಚ್ಯಾ ಆದ್ಲ್ಯಾ ಹಿಂದೂ ಮುಳಾಚೊ ಉಗ್ಡಾಸ್ ಕರ್ತಾ. ಚೌತಿ ಪೆಸ್ತಾಚೆ ಬದ್ಲಾಕ್ ಆಯಿಲ್ಲೆಂ ಪೆಸ್ತ್ ಹೆಂ ಜಾವ್ನಾಸಾ. ಆಯ್ಲೆವಾರ್ ಭುರ್ಗ್ಯಾಂಕ್ ಕೊಬೊ ದಿಂವ್ಚಿ ರಿವಾಜ್ ಸುರು ಜಾಂವ್ಕ್‌ಯೀ, ಚೌತಿ ಫೆಸ್ತಾಕೀ ಸಂಬಂಧ್ ಆಸಾ. ರಾಂದ್ವಾಯೆಚೆಂ ಫೆಸ್ತ್ ತರೀ, ಉಡ್ಪಿ ದಿಯೆಸೆಜಿಚ್ಯಾ ಕಲ್ಯಾಣ್ಪುರ್ ಆನಿ ಇತರ್ ಕರಾವಳ್ ಪ್ರದೇಶಾಂತ್ ಮಾಸ್ಳಿ ಆಸ್ತಾಚ್. ಹೆರಾ ಜಾಗ್ಯಾಂನಿಂ ದುಕ್ರಾ ಮಾಸ್ ಆನಿ ಸೊರೋಯೀ ಸುರು ಜಾಲಾ, ಕಿತ್ಯಾಕ್ ತೊ ಆಮಿ ಪೊರ್ಚುಗೀಸಾಂ ಥಾವ್ನ್ ಕನ್ವೆಡ್ತಾರ್ ಜಾಲ್ಲ್ಯಾಚೊ ಸಂಕೇತ್.
Tags:
ಹರ್‍ಯೇಕಾ ವರ್ಸಾ ಸಪ್ಟೆಂಬರ್ 8 ತಾರಿಕೆರ್ ಬಾಳೊಕ್ ಮರಿಯೆಚೆಂ ಜಲ್ಮಾ ದಿಸಾಚೆಂ ಫೆಸ್ತ್ ಮಂಗ್ಳುರಿ ಕ್ರಿಸ್ತಾಂವ್, ಮೊಂತಿ ಫೆಸ್ತ್ ಮ್ಹಣ್ ಆಚರಣ್ ಕರ್ತಾತ್. ಹೆಂ ಫೆಸ್ತ್ ಮಂಗ್ಳೂರಾಂತ್ ಮಾತ್ರ್ ಆಸಾ ಮ್ಹಳ್ಳೆಂ ಚಿಂತಾಪ್ ಆಸಾ., Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
2/27/2021 ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...
-
12/20/2020 ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...
-
12/6/2020 ಆಸ್ತ್ ........
-
11/25/2020 ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...
-
11/9/2020 ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...
-
10/17/2020 ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...
-
-
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
0 Comment/s.