web analytics

From around the world

ಪ್ರವೀಣ್ ತಾವ್ರೊ, ಕುಲ್ಶೇಕರ್
             
+971 50 7554105
ತುಮ್ಚ್ಯಾ ಗಮನಾಕ್:
Best be viewed in 1366 X 768 screen resolution and in Google Chrome

'ಮೂಡ್‌ಬಿದ್ರಿಕ್ ಉಜ್ವಾಡ್' ವಿಶ್ವಸಂಸ್ಥ್ಯಾಚಾ ಮಾನಾಕ್ ಪಾತ್ರ್ ಜಾಲ್ಲೊ ಡೆನಿಮ್ ಧೀರಜ್ ಡಿಕೋಸ್ತಾ

Sunday, May 5, 2019  /  By Admin

ಬರಯ್ಣಾರಾ ವಿಶಿಂ ಜಾಣಾ ಜಾ...

80.5
User Rating
ಸೋಲಾರ್ ಹೈಬ್ರಿಡ್ ಸಿಸ್ಟಮ್ ಸಂಸೊದ್ ಕರ್ನ್ ವಿಶ್ವಸಂಸ್ಥ್ಯಾಚಾ ಮಾನಾಕ್ ಆನಿ ಗವ್ರವಾಕ್  ಪಾತ್ರ್ ಜಾಲ್ಲೊ 29 ವರ್ಸಾಂ ಪ್ರಾಯೆಚೊ ಇಂಜಿನಿಯರ್ ಡೆನಿಮ್ ಧೀರಜ್ ಡಿಕೋಸ್ತಾ ಗಾಂವಾಂತ್  ಮೂಡ್‌ಬಿದ್ರಿಚೊ . ಹಾಂಗಾಸರ್ ಆಸಾ  ತಾಚಾ ಅಪೂರ್ವ್ ಆನಿ ಅಪ್ರೂಬ್ ಸಂಸೊದಾಪಾಟ್ಲ್ಯಾ ಸಾಧನಾಚಿ ಆನಿ ಜಯ್ತಾಚಿ ಕಥಾ. 

ಸುರ್‍ಯಾಸಕ್ತೆಚಾ ಉಪ್ಯೋಗಾಂತ್ ಏಕ್ ಮಹತ್ವಾಚೊ ಸಂಸೊದ್ ಚಲೊವ್ನ್, ಮಿತಿಚಾ ಖರ್ಚಾಚಿ ಆನಿ ಪರಿಸರ್ ಸ್ನೇಹಿ ವ್ಯವಸ್ಥಾ ರೂಪಿತ್ ಕೆಲ್ಲೊ ಆಸಾ ಮೂಡ್‌ಬಿದ್ರಿಚೊ 29 ವರ್ಸಾಂ ಪ್ರಾಯೆಚೊ ಯುವ ಇಂಜಿನಿಯರ್ ಡೆನಿಮ್ ಧೀರಜ್ ಡಿಕೋಸ್ತಾ. ಹ್ಯಾ ಸಂಸೊದಾ ಮಾರಿಫತ್ ತಾಣೆ ವಿಶ್ವಸಂಸ್ಥ್ಯಾಚೆಂ ಗುಮಾನ್ ವೊಡ್ಲಾಂ. ತಾಚೊ ಸಂಸೊದ್ ಭಾರತಾ ತಸಲ್ಯಾ ಅಭಿವೃದ್ದಿಶೀಲ್ ರಾಶ್ಟ್ರಾಂನಿ ಫುಡ್‌ಕರ್ಚಾ ವೀಜ್‌ಸಕ್ತೆಚಾ ಸಮಸ್ಯಾಕ್ ಪರಿಹಾರ್ ಜೋಡ್ನ್  ದೀಂವ್ಕ್ ಉಪ್ಕಾರ್ತಾ.

ಡೆನಿಮ್ ಡಿಕೋಸ್ತಾನ್ ಜರ್ಮನಿಚಾ ಟೆಕ್ನಿಕಲ್ ಯುನಿವರ್ಸಿಟಿ ಆಫ್ ಮ್ಯೂನಿಕ್ (ಟುಮ್ ವಿವಿ) ಹಾಂಗಾಸರ್ ಪವರ್ ಇಂಜಿನಿಯರಿಂಗಾಂತ್ ಪದ್ಯುತ್ತರ್ ಅಧ್ಯಯನ್ ಕೆಲಾಂ. ಆನಿ 40% ಉಣ್ಯಾ ಖರ್ಚಾರ್, 85% ಪ್ರದೂಶಣ್‌ರಹಿತ್ ಜಾವ್ನಾಸ್ಚೆಂ ರಿನ್ಯೂವೇಬಲ್ ಸೋಲಾರ್ ಹೈಬ್ರಿಡ್ ಸಿಸ್ಟಮ್ ತಾಣೆಂ ರೂಪಿತ್ ಕೆಲಾಂ. ಹ್ಯಾ ತಾಚಾ ಸಂಸೊದಾ ಖಾತಿರ್ ಜರ್ಮನಿಚಾ ಬವೇರಿಯನ್ ಸೋಲಾರ್ ಎನರ್ಜಿ ಎಸೋಸಿಯೇಶನಾಚಿ 'ಅತ್ಯುತ್ತಮ್ ಮಾಸ್ಟರ್ ಥೀಸಿಸ್' ಪ್ರಶಸ್ತಿ ತಾಕಾ ಮೆಳ್ಳ್ಯಾ. ತಾಚಾ ಹ್ಯಾ ಸಂಸೊದಾ ವಿಶಿಂ ಜರ್ಮನಿಚಾ  ಪ್ರಸಿದ್ದ್ 'Suddeutsche Zeitung' ನೆಮಾಳ್ಯಾರ್  'Light for Moodbidri' (ಮೂಡ್‌ಬಿದ್ರಿಕ್ ಉಜ್ವಾಡ್) ಮ್ಹಳ್ಳ್ಯಾ ಮಾತಾಳ್ಯಾಪಂದಾ ಏಕ್ ಸವಿಸ್ತಾರ್ ವರ್ದಿ ಪರ್ಗಟ್ ಕೆಲ್ಯಾ.

ವಿಶ್ವಸಂಸ್ಥ್ಯಾಚಿ ಮಾನ್ಯತಾ :



ವಿಶ್ವಸಂಸ್ಥ್ಯಾಚಾ ಯುನಾಯ್ಟೆಡ್ ನೇಶನ್ಸ್  ವರ್ಲ್ಡ್ ಫುಡ್ ಪ್ರೋಗ್ರಾಮ್ (W.F.O.) ಹಾಚಾ ಸಹಕಾರಾನ್  'ದಿ ಚೇರ್ ಆಫ್ ಎನರ್ಜಿ ಎಕೊನೊಮಿ ಆಂಡ್ ಎಪ್ಲಿಕೇಶನ್ ಟೆಕ್ನೊಲೊಜಿ'೦ತ್  ಡೆನಿಮಾನ್ ಆಪ್ಲೊ ಸಂಸೊದ್ ಚಲಯ್ಲಾ. ವಿಶ್ವಸಂಸ್ಥ್ಯಾನ್ ತಾಚಾ ಸಂಸೊದಾಕ್ ಮಾನ್ಯತಾ ದೀವ್ನ್ ತಾಚಾ ಸಂಸೊದಾಚೆಂ ಫಲಿತಾಂಶ್ ಸಂಸಾರಾಂತ್ ವೀಜ್‌ಸಕ್ತೆಚಿ ಸಮಸ್ಯಾ ಆಸ್ಚಾ ದೇಶಾಂನಿ ಕಾರ್ಯಾರುಪಾಕ್ ಹಾಡುಂಕ್ ಯೋಜನ್ ತಯಾರ್ ಕರುನ್ ಆಸಾ. ಪಯ್ಲ್ಯಾನ್ ಪಯ್ಲೆಂ ಅಫ್ಘನಿಸ್ಥಾನಾಚಾ ಜಲಲಾಬಾದಾಂತ್ ತೆಂ ಕಾರ್ಯಗತ್ ಜಾತೆಲೆಂ.

ಪೊರ್ಟೇಬಲ್ ಸೋಲಾರ್ ಸಿಸ್ಟಮ್ :

ವೀಜ್ ಸಕತ್‌ಚ್ ನಾತ್‌ಲ್ಲ್ಯಾ ಗಾಂವಾಂನಿ  ಉಪ್ಯೋಗ್ ಕರ್ಚೆ ಖಾತಿರ್ ಡೆನಿಮಾನ್ ಹೆಣೆಂ ತೆಣೆಂ ವ್ಹರ್ಯೆತ್ ಜಾಲ್ಲೆಂ ಲ್ಹಾನ್ 'ಪೊರ್ಟೇಬಲ್ ಸೋಲಾರ್ ಸಿಸ್ಟಮ್' ತಯಾರ್ ಕೆಲ್ಲೆಂ. ಹ್ಯಾ ತಾಚಾ ಸಂಸೋದಾ ಖಾತಿರ್  ಟುಮ್ ವಿಶ್ವವಿದ್ಯಾಲಯಾಚಿ ಪ್ರಶಸ್ತಿ ಮೆಳ್ಳ್ಯಾ.

ಸಂಸಾರಾಂತ್ 120 ಕೊರೊಡ್ ಲೋಕ್ ಸದಾಂ ವೀಜ್ ಸಕ್ತೆಚಾ ಸಮಸ್ಯಾವರ್ವಿಂ ಕಶ್ಟಾತಾ. ಹ್ಯಾ ಸಮಸ್ಯಾ ವಿಶಿಂ ಅಧ್ಯಯನ್ ಚಲೊವ್ನ್ ತಾಕಾ ಏಕ್ ಪರಿಹಾರ್ ಜಾವ್ನ್  ಡೆನಿಮಾನ್, ಹೆಣೆ ತೆಣೆ ವ್ಹರ್ಯೆತ್ ಜಾಲ್ಲೆಂ ಭೋವ್ ಉಣ್ಯಾ ಖರ್ಚಾಚೆಂ 'ಪೊರ್ಟೇಬಲ್ ಸೋಲಾರ್ ಸಿಸ್ಟಮ್' ತಯಾರ್ ಕೆಲಾಂ. ಸಾಮಾನ್ಯ್ ಸೋಲಾರ್ ಘಟಕಾಂ, ಬಾಂದ್ಪಾಂಚಾ  ಸ್ಲ್ಯಾಬಾವಯ್ರ್ ಆಸ್ತಾತ್. ಪುಣ್ ಡೆನಿಮಾನ್ ತಯಾರ್ ಕೆಲ್ಲ್ಯಾ  ಘಟಕಾಂತ್  ಸಾಮಾನ್ಯ್ ಗಾತ್ರಾಚಾ ಸ್ಲೇಟ್ ಆಕಾರಾಚಾ ಪ್ಯಾನೆಲಾ ಮುಕಾಂತ್ರ್  ವೊಡುನ್ ಘೆತ್‌ಲ್ಲಿ ಸುರ್‍ಯಾಚಿ ಸಕತ್ ಲ್ಹಾನ್ ಲ್ಹಾನ್  ಬೆಟ್ರಿ ಸೆಲ್ಲಾಂನಿ ಸಂಗ್ರಹ್ ಜಾತಾ. ಹಾಚೆಥಾವ್ನ್ ದಿವೆ ಮಾತ್ರ್ ನ್ಹಂಯ್, ಫ್ಯಾನಾಂ, ಟಿವಿ ಆನಿ ಫ್ರಿಜ್ಜ್ ಸಯ್ತ್ ಚಲೊವ್ಯೆತಾ. ಮೊಬಾಯ್ಲ್ ರಿಚಾರ್ಜ್ ಕರುಂಯೆತಾ. ಹ್ಯಾಚ್ ರಿತಿರ್ ಚಡಿತ್ ಸಾಮರ್ಥಿ ಆಸ್ಚಿ ಬೆಟ್ರಿ ವಾಪಾರುನ್ ಸರ್ವ್ ಥರಾಂಚಿಂ ವೀಜ್ ಉಪಕರಣಾಂ ಉಪ್ಯೋಗ್ ಕರುಂಯೆತಾ.

ಲಾಂಕ್ಡಾಂ ವಾಪರ್ಚಾ, ಸಾಂಪ್ರದಾಯಿಕ್ ರಾಂದ್ಪಾ ಕುಡಾಥಾವ್ನ್  ಭಾಯ್ರ್ ಪಾಸಾರ್ಚಾ ಕಾರ್ಬನ್ ಮೊನಾಕ್ಸಾಯ್ಡ್ ತಸಲ್ಯಾ ಅಪಾಯ್‌ಕಾರಿ ಅನಿಲಾಂ ನಿಮ್ತಿಂ  ಭಲಾಯ್ಕೆಚಿ ಸಮಸ್ಯಾ ಧೊಸ್ಚಾ ಲೊಕಾನ್ ಅಸಲಿಂ ಲ್ಹಾನ್ ಸೋಲಾರ್ ಘಟಕಾಂ ಘಾಲ್ಚೆವಿಶಿಂ ಡೆನಿಮಾನ್ ಚಿಂತನ್ ಚಲಯ್ಲಾಂ.

ಬಿದ್ರ್ಯಾಂಚೊ ಭುರ್ಗೊ :

ಮೂಡ್‌ಬಿದ್ರಿ ಪೆಂಟೆಂತ್ ಲಗ್‌ಬಗ್ 42 ವರ್ಸಾಂ 'ಡಿಕೋಸ್ತಾ ಸ್ಟೋರ್' ಚಲಯಿಲ್ಲೊ  ಮ್ಹಾಲಕ್ ಮಾನೆಸ್ತ್ ಫ್ರ್ಯಾಂಕ್ ಡಿಕೋಸ್ತಾ ಆತಾಂ ನಿವೃತ್ ಜಾಲಾ. ತಾಚಿ ಪತಿಣ್ ಮಾನೆಸ್ತಿಣ್ ಜ್ಯೂಲಿಯೆಟ್ ಡಿಕೋಸ್ತಾ ತಪ್ಪಾಲ್ ಖಾತ್ಯಾಂತ್ 22 ವರ್ಸಾಂ ವಾವುರ್ನ್ ಅಸಿಸ್ಟೆಂಟ್ ಪೋಸ್ಟ್‌ಮಾಸ್ಟರ್ ಜಾವ್ನ್ ಸ್ವಯಂ ನಿವೃತ್ ಜಾಲ್ಲಿ. ಪ್ರಸ್ತುತ್ ತಿ 'ಡಿಕೋಸ್ತಾ ಸೇವಿಂಗ್ಸ್ ಕನ್ಸಲ್ಟೆಂಟ್' ಮ್ಹಳ್ಳೆಂ ಸ್ವಉದ್ಯಮ್ ಚಲಯ್ತಾ ಆನಿ ಸರ್ವ್ ಥರಾಂಚೆಂ ಪೋಸ್ಟಲ್ ಸೇವಿಂಗ್ಸ್ ಆನಿ ಇನ್ಶುರೆನ್ಸ್ ಕರ್ನ್ ಆಸಾ. 

ಹ್ಯಾ ಜೊಡ್ಯಾಕ್ ದೊಗಾಂ ಭುರ್ಗಿಂ. ಮಾಲ್ಗಡಿ ಧುವ್ ಡೆನ್ಸಿಲ್ ದೀಪಿಕಾ. ಡೆನ್ಸಿಲಾನ್ ಜೆ.ಸಿ. ಕೊಲೆಜ್ ಆಫ್ ಇಂಜಿನಿಯರಿಂಗ್ ಮೈಸೂರ್, ಹಾಂಗಾಸರ್ ಬಿ.ಇ. ಕರ್ತಚ್, ಟಿ.ಸಿ.ಎಸ್. ಕಂಪೆನಿಂತ್ ಹೈದರಾಬಾದ್ ಆನಿ ಬೆಂಗ್ಳುರ್ 2 ವರ್ಸಾಂ ಕಾಮ್ ಕೆಲೆಂ. ಉಪ್ರಾಂತ್ ಅಮೇರಿಕಾಂತ್ ಎಮ್.ಎಸ್.(ಎಲೆಕ್ಟ್ರಿಕಲ್ ಆನಿ ಕಂಪ್ಯೂಟರ್ ಇಂಜಿನಿಯರಿಂಗ್) ಶಿಕಪ್ ಜೊಡ್ತಚ್, ಒರೇಕಲ್ ಕಂಪೆನಿಂತ್ ಇಂಜಿನಿಯರ್ ಜಾವ್ನ್ ಕಾಮ್ ಕೆಲೆಂ. ಪ್ರಸ್ತುತ್ ತೆಂ ಸಾನ್ ಫ್ರಾನ್ಸಿಸ್ಕೊಂತ್ ಆಸ್ಚಾ 'ಫೆನಾಟಿಕ್ಸ್' ಮ್ಹಳ್ಳ್ಯಾ ಕಂಪೆನಿಂತ್ ವಾವ್ರ್ ಕರುನ್ ಆಸಾ. ತಾಚೊ ನೊವ್ರೊ ನಿಶ್ಚಿಂತ್, ಫೇಸ್‌ಬುಕ್ ಕಂಪೆನಿಂತ್ ಸೋಫ್ಟ್‌ವೇರ್ ಇಂಜಿನಿಯರ್ ಜಾವ್ನ್  ಕಾಮ್ ಕರ್ತಾ.

ಡಿಕೋಸ್ತಾ ಜೊಡ್ಯಾಚೊ ದುಸ್ರೊ ಪೂತ್  ಡೆನಿಮ್ ಧೀರಜ್. ತಾಚೆಂ ಸುರ್ವಿಲೆಂ ಶಿಕಪ್ ರೋಟರಿ ಇಂಗ್ಲಿಶ್ ಮೀಡಿಯಮ್ ಇಸ್ಕೊಲ್ ಮೂಡ್‌ಬಿದ್ರಿ ಆನಿ ಸೆಂಯ್ಟ್ ಥೊಮಾಸ್ ಇಂಗ್ಲಿಶ್ ಮೀಡಿಯಮ್ ಇಸ್ಕೊಲ್, ಅಲಂಗಾರ್ ಹಾಂಗಾಸರ್ ಜಾಲೆಂ. ಉಪ್ರಾಂತ್ ಆಳ್ವಾಸ್ ಪದವಿ ಪೂರ್ವ್ ಕೊಲೆಜಿಂತ್ ಪಿಯುಸಿ ಕರ್ತಚ್ ನ್ಯಾಶನಲ್ ಇನ್ಸ್‌ಟಿಟ್ಯೂಟ್ ಆಫ್ ಟೆಕ್ನೋಲೊಜಿ, ಮೈಸೂರ್ ಹಾಂಗಾಸರ್  ಮೆಕ್ಯಾನಿಕಲ್ ಇಂಜಿನಿಯರಿಂಗಾಂತ್  ದುಸ್ರೆಂ ರೇಂಕ್ ಆನಿ ಭಾಂಗ್ರಾಳ್ಯಾ ಪದಕಾಸಂಗಿಂ ಬಿ.ಇ. ಪದ್ವಿ ಜೊಡ್ಲಿ.

ಹೈಬ್ರೀಡ್ ಸೋಲಾರ್ ಸಿಸ್ಟಮ್ :

ಥಂಯ್ಸರ್ ತೆಗಾಂ ಸಾಂಗಾತ್ಯಾಂನಿ ಮೆಳೊನ್ ರೂಪಿತ್ ಕೆಲ್ಲ್ಯಾ ಸೋಲಾರ್ ಸಕ್ತೆನ್ ಕುಕ್ಕರಾಚೊ ಉಪ್ಯೋಗ್ ಆನಿ ಉದಕ್, ವಾರೆಂ, ಜೈವಿಕ್ ಅನಿಲಾ ಮುಳಾಚಿ ವೀಜ್ ಸಕತ್ ಉತ್ಪಾದನ್ (ಹೈಬ್ರಿಡ್ ಸೋಲಾರ್ ಸಿಸ್ಟಮ್) - ಹ್ಯಾ ವಿಶಯಾವಯ್ರ್ ಬರಯಿಲ್ಲ್ಯಾ ಸಂಸೊದ್ ಪ್ರಬಂದಾಕ್ ಕೇಂದ್ರ್ ಸರ್ಕಾರಾನ್ 'ಇನ್ನೊವೇಟಿವ್ ಬ್ಯಾಚುಲರ್ ಥೀಸಿಸ್ ಪ್ರೊಜೆಕ್ಟ್ ಎವಾರ್ಡ್' ದೀವ್ನ್ ಮಾನ್ ಕೆಲ್ಲೊ.

ಹ್ಯಾ ತಾಚಾ ವಿಶೇಸ್ ಸಾಧನಾಕ್ ಲಾಗೊನ್ ಮುಂಬಯಿಚಾ 'ಟಾಟಾ ಕನ್ಸಲ್ಟಿಂಗ್ ಇಂಜಿನಿಯರ್ಸ್ ಲಿಮಿಟೆಡ್' ಹಾಂತುಂ ಡೆನಿಮಾಕ್ ಇಂಜಿನಿಯರ್ ತಶೆಂಚ್ ಪ್ರೋಜೆಕ್ಟ್ ಮೆನೆಜರಾಚೊ ಹುದ್ದೊ ಲಾಬ್ಲೊ. ಹ್ಯಾ ಕಂಪೆನಿಚಾ ಪ್ರೋತ್ಸಾವಾನ್ ಡೆನಿಮ್ ಆಫ್ರಿಕಾ, ಇಟೆಲಿ ಆನಿ ಚೀನಾ ದೇಶಾಂಕ್ ವಚೊನ್ ಪುನರ್‌ ನವೀಕೃತ್ ಕರ್ಯೆತ್ ಜಾಲ್ಲ್ಯಾ ಇಂದನ್ ಸಕ್ತೆಚಾ ಆರ್ಥಿಕ್ ಸಾದ್ಯತಾ ವಿಶಿಂ ಸಂಸೊದ್ ಚಲೊಂವ್ಕ್ ಸಾದ್ಯ್ ಜಾಲೆಂ.  ಚಡಿತ್ ಶಿಕ್ಪಾಚೆ ಉರ್ಬೆನ್ ಡೆನಿಮ್ 2014 ಅಕ್ಟೋಬರಾಂತ್ ಜರ್ಮನಿಕ್ ಗೆಲೊ.

ಸಾಧನಾ ಪಾಟ್ಲ್ಯಾನ್ :

ಆಪ್ಲ್ಯಾ ಹ್ಯಾ ಸಾಧನಾ ಪಾಟ್ಲ್ಯಾನ್ ಬಾಪಯ್ ಫ್ರ್ಯಾಂಕ್ ಡಿಕೋಸ್ತಾ, ಆವಯ್ ಜ್ಯೂಲಿಯೆಟ್, ಭಯ್ಣ್, ಡೆನ್ಸಿಲ್ ದೀಪಿಕಾ, ಟುಮ್ ವಿಶ್ವವಿದ್ಯಾಲಯಾಂತ್ ಮೇಲ್ವಿಚಾರಕ್ ಜಾವ್ನಾಸ್‌ಲ್ಲೊ ಪ್ರೊಫೆಸರ್ ಡೊ| ಇಂಗ್ ಯುಲ್‌ರಿಕ್ ವ್ಯಾಗ್‌ನರ್ - ಹಾಣಿಂ ದಿಲ್ಲ್ಯಾ ಸಕಾಳಿಕ್ ಪ್ರೋತ್ಸಾವ್ ಆನಿ ಉತ್ತೇಜನಾಚೊ ಡೆನಿಮ್ ಉಡಾಸ್ ಕಾಡ್ತಾ. ಡೆನಿಮ್, ಡೊ| ಯುಲ್‌ರಿಕಾಚೊ ಮೊಗಾಚೊ ವಿದ್ಯಾರ್ಥಿ ಆನಿ ಆಪ್ತ್ ಮಿತ್ರ್ ಖಂಯ್. ಪ್ರಸ್ತುತ್ ಡೆನಿಮ್ ತ್ಯಾಚ್ ವಿಶ್ವವಿದ್ಯಾಲಯಾಂತ್ ಮ್ಯಾನೆಜ್‌ಮೆಂಟ್ ವಿಶಯಾಂತ್ ಆಪ್ಲೆಂ ದುಸ್ರೆಂ ಪದ್ಯುತ್ತರ್ ಅಧ್ಯಯನ್ ಚಲವ್ನ್ ಆಸಾ. ಮ್ಯೂನಿಕ್ ಆರ್ಚ್ ದಿಯೆಸಿಜಿಥಾವ್ನ್  ಡೆನಿಮಾಕ್ ಮಹಿನ್ಯಾಕ್ 450 ಯುರೊ ಲೆಕಾರ್ ತೀನ್ ವರ್ಸಾಂಕ್ ಸ್ಕೋಲರ್‌ಶಿಪ್ ಮೆಳ್ಳಾಂ. ಮ್ಹಳ್ಯಾರ್ ಇಂಡಿಯಾಚೆ ಚಡುಣೆ 13 ಲಾಕ್ ರುಪಯ್.

ಕಿಡ್ನಿ ದಾನ್ :

ಜರ್ಮನಿಂತ್ ಡೆನಿಮ್ ಆಪ್ಲೊ ಸಂಸೊದ್ ಚಲೊವ್ನ್ ಆಸ್ತಾನಾ ಗಾಂವಾಂತ್ ತಾಚಿ ಆವಯ್ ಜ್ಯೂಲಿಯೆಟ್ ಅಸ್ವಸ್ಥ್ ಜಾಲಿ. ತಿಚಿ ಏಕ್ ಕಿಡ್ನಿ ಪಾಡ್ ಜಾಲ್ಲಿ. ಆವಯ್‌ಚಾ ಭಲಾಯ್ಕೆ ಪಾಸತ್ ಡೆನಿಮಾನ್ ಏಕ್ ವಿಶೇಸ್ ನಿರ್ಧಾರ್ ಘೆತ್ಲೊ ಆನಿ ಆವಯ್ಕ್  ಆಪ್ಣಾಚಿ ಕಿಡ್ನಿ ದಾನ್ ದೀಂವ್ಕ್ ಫುಡೆಂ ಸರ್ಲೊ. ಹೊ ಎಕಾ ರಿತಿಚೊ ತ್ಯಾಗ್ ಮ್ಹಣುಯೆತಾ. ಹ್ಯಾ ಸಂಸಾರಾಂತ್  ಆವಯ್‌ಚೆಂ ರುಣ್ ಫಾರಿಕ್ ಕರ್ಚಾಂತ್ ಮೆಳ್ಚೆ ತಿತ್ಲೊ ಸಂತೊಸ್ ಆನಿ ಧಾದೊಸ್ಕಾಯ್ ಹೆರ್ ಖಂಚಾಂತ್ ಮೆಳ್ತಾ? ಹ್ಯಾ ವರ್ವಿಂ ಡೆನಿಮಾಚೆಂ ಅಧ್ಯಯನ್ ಚಡುಣೆ ಸ ಮಹಿನ್ಯಾಂಕ್ ಪಾಟಿಂ ಪಡ್ಲೆಂ. ತರೀ ಪರತ್ ಜರ್ಮನಿ ವಚುನ್ ಆಪ್ಲೆಂ ಅಧ್ಯಯನ್ ಮುಕಾರ್ಸುನ್ ಆಪ್ಲ್ಯಾ ಅಧ್ಯಯಾನಾಂತ್ ಯಶಸ್ವಿ ಜೊಡ್ಲಿ.

ಅಭಿನಂದನ್ :

ಮೂಡ್‌ಬಿದ್ರಿಚೆಂ ನಾಂವ್ ಜಾಗತಿಕ್ ಮಟ್ಟಾರ್ ಪರ್ಜಳಶೆಂ ಕೆಲ್ಲ್ಯಾ ಡೆನಿಮ್ ಧೀರಜಾಕ್ ಉಲ್ಲಾಸ್ ಆನಿ ಅಭಿನಂದನ್. ಫುಡ್ಲ್ಯಾ ತಾಚಾ ಶಿಕ್ಪಾಂತ್ ತಶೆಂ ಸಂಸೊದಾಂನಿ ಖೂಬ್ ಯಶಸ್ವಿ ಲಾಬೊಂ. ವೀಜ್ ಸಕತ್ ನಾತ್‌ಲ್ಲ್ಯಾ ಪ್ರದೇಶಾಂಕ್ ತಾಣೆಂ ರೂಪಿತ್ ಕೆಲ್ಲಿಂ ಪೊರ್ಟೇಬಲ್ ಸೋಲಾರ್ ಸಿಸ್ಟಮಾಂ ಪಾವೊಂದಿತ್ ಆನಿ ಥಂಯ್ಸರ್ ಉಜ್ವಾಡ್ ಫಾಂಕೊಂದಿತ್.

Tags:  Solar Hybrid System, Portable Solar System, Denim Dheeraj D'Costa , Konkani, Mangalore, Mangalorean, Mother Tongue

0 Comment/s.

Post your comments

Your email address will not be published. Required fields are marked *

Konkani English
Name  : 
Email  : 
Place  : 
Mobile  : 
I Am Human  : 
   Message :


Connect

Maibhaas

Within a short span of time, www.maibhaas.com made a niche in the hearts of Konkani readers with its clean reading, attracting design in Konkani media. www.maibhaas.com, a dream child of Naveen Sequeira Brahmavar, has able to create its impact and wonders from the day of its inception in Konkani world. As each day passing www.maibhaas.com is growing as a strong pillar of Konkani media.

Our Address
Mangalore

Contact Person :
Mr. Praveen Tauro

 Email : praveen@maibhaas.com

 Phone : +91 99 80 184340

 Address :
          Daijiworld.com,
          Airport Road,
          opp. Bondel Church,
          Mangalore - 575 008
          Karnataka - India

Our Address
Udupi

Contact Person :
Mr. Joel D'almeida

 Email : joel@maibhaas.com

 Phone : +91 90 08 855392

 Address :
          Eventz Redefined,
          Next to Vijaya Bank,
          Holy Family Complex
          1st Floor, NH -66
          Brahmavara - 576213

Our Address
Dubai

Contact Person :
Mr. Naveen Sequeira

 Email : editor@maibhaas.com

 Phone : +97 150 755 4105

 Address :
          Master Mind IT Solutions,
          UBL Building,
          #402, 4th Floor
          Bank Street - Bur Dubai
          Dubai - UAE