From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಕಾಜಾರಾ ಭಾಯ್ಲೊ ಸಂಬಂಧ್
Monday, January 29, 2018
ಆತಾಂಚೊ ಆಧುನಿಕ್ ಕಾಲ್. ನವೆಂ ಚಿಂತಪ್, ಬರೆಂ ಕಾಮ್, ಬರೆಂ ಶಿಕಾಪ್ ಆಸ್ಲ್ಯಾರೀ, ಸಬಾರ್ ಕಾಜಾರಿ ದಾದ್ಲೆ ಹೆರ್ ಸ್ತ್ರೀಯಾಂಚೊ ಸಾಂಗಾತ್ ಜೋಡ್ನ್, ಅನೈತಿಕ್ ಸಂಬಂಧಾ ಮುಕಾಂತ್ರ್ ಮಜಾ ಕರ್ಚೆಂ ಆಮ್ಕಾಂ ಆಯ್ಕೊಂಕ್ ಮೆಳ್ತಾ. (ಹೆಂ ಆತಾಂಚ್ಯಾ ಸ್ತ್ರೀಯಾಂಕ್‍ಯೀ ಲಾಗು ಜಾತಾ ಜಾಲ್ಯಾರೀ, ಹೆಂ ಲೇಕನ್ ಹಾಂವ್ ದಾದ್ಲ್ಯಾಂ ಕೇಂದ್ರಿತ್ ಕರ್ನ್ ಬರಯ್ಲ್ಯಾ ಜಾವ್ನಾಸಾ. ಸ್ತ್ರೀಯಾಂ ವಿಶಿಂ ಆನ್ಯೇಕ್ ಪಾವ್ಟಿಂ ಬರಯ್ತಾ). ಆಪ್ಲಿ ಸೊಭಾಯೆಚಿ ಬಾಯ್ಲ್ ಘರಾ ಆಸ್ಲ್ಯಾರೀ, ದಫ್ತರಾಂತ್ ಕಾಮ್ ಕರ್ಚ್ಯಾ ಸಹೊದ್ಯೋಗಿ ಚಲಿಯೆ ಸಂಗಿಂ ಅನೈತಿಕ್ ಸಂಬಂಧ್ ದವರ್ನ್ ಘೆತ್ಲೆಲೆ ದಾದ್ಲೆ ಕಾಂಯ್ ಉಣೆಂ ನಾಂತ್, ಕಾಜಾರ್ ಜಾಲ್ಲೆ ಥೊಡೆ ದಾದ್ಲೆ ಫಟಿ ಮಾರುನ್ ಎಕ್ ದೋನ್ ಪರತ್ ಕಾಜಾರ್ ಜಾಲ್ಲೆ ಧಾಕ್ಲೆಯೀ ಆಸಾತ್. ಪಯ್ಲೆಚ್ಯಾ ಬಾಯ್ಲೆಕ್ ಭುರ್ಗಿಂ ಜಾಂವ್ಕ್ ನಾಂತ್ ಮ್ಹಳ್ಲೆಂ ನೀಬ್ ದೀವ್ನ್ ಆನ್ಯೇಕ್ ಕಾಜಾರ್ ಜಾಲ್ಲೆ ಆಸಾತ್. ಕಾಜಾರಿ ಭೆಸ್ ಜೊಡ್‍ಲ್ಲೆ ಸಬಾರ್ ದಾದ್ಲೆ ನಿರಂತರ್ ಹೋಟೆಲಾಂ ಆನಿ ಕ್ಲಬ್ಬಾಂಕ್ ವಚೊನ್ ವೇಶ್ಯ್'ಲಾಗಿಂ ಸಂಪರ್ಕ್ ಕೆಲ್ಲೆ ಜಾಯ್ತೆ ಆಸಾತ್. ಬಾಂಳ್ತೆರಾಕ್ ಮ್ಹಣ್ ಬಾಯ್ಲ್ ಕುಳಾರಾ ಗೆಲ್ಲ್ಯಾ ತವಳ್ ದುಸ್ರ್ಯಾ ಚೆಡ್ವಾಲಾಗಿಂ ಗಮ್ಮತ್ ಕೆಲ್ಲೆ ದಾದ್ಲೆ ಕಾಂಯ್ ಉಣೆಂ ನಾಂತ್. ವಹ್ವಾಟ್, ಕಾಮಾಂ ಖಾತಿರ್ ಸದಾಂ ಭಂವ್ಡಿ ಮಾರ್ಚೆ ಸಬಾರ್ ದಾದ್ಲೆ ವಿವಿಂಗಡ್ ಗಾಂವಾಂನಿ ಎಕಾ ವರ್ನಿಂ ಚಡಿತ್ ಕುಟಾಮ್ ವ ಸಾಂಸಾರ್ ಬಾಂಧುನ್ ಆಸ್ಚೆ ಖಬರ್ ಆಮ್ಕಾಂ ಆಯ್ಕೊಂಕ್ ಮೆಳ್ತಾ. ವೇಳ್, ಸಂದರ್ಭ್, ವ್ಯವಸ್ತೆಚ್ಯಾ ಸುಳಿಯೆಕ್ ಶಿರ್ಕಾಲ್ಲೆ ಸಬಾರ್ ದಾದ್ಲೆ ಎಕಾ ವರ್ನಿಂ ಚಡಿತ್ ಸ್ತ್ರೀ-ಚಲಿಯಾಂಚೊ ಸಂಬಂಧ್ ದವರ್ನ್ ಘೆತ್‍ಲ್ಲಿಂ ವಯ್ಲಿಂ ಉದಾಹರಣಾಂ ಗಮನಾಕ್ ವ್ಹೆಲಿಂ ತರ್ ಪತಿಣ್ ಜಾವ್ನಾಸ್ಚಿ ಸ್ತ್ರೀ, ಆಪ್ಲ್ಯಾ ಪತಿವಿಶಿಂ ಕಿತ್ಲಿ ಚತ್ರಾಯ್ ಘೇವ್ನ್ ಆಸ್ಲ್ಯಾರೀ ಉಣೆಂಚ್ ಮ್ಹಣ್ಯೆತ್.
ತಶೆಂ ತರ್ ಪತಿ ಜಾವ್ನ್ ಆಸ್‍ಲ್ಲ್ಯಾ ವ್ಯಕ್ತಿನ್ ಹೆರ್ ಸ್ತ್ರೀಯಾಂಚಿ ಇಷ್ಟಾಗತ್ ವ ಸಹವಾಸ್ ಕರಿನಾತ್‍ಲ್ಲ್ಯಾ ಬರಿಂ ಆಸೊಂಕ್ ಪತಿಣೆನ್ ಕಿತೆಂ ಕರುಂಕ್ ಜಾಯ್? ಕಿತ್ಲಿ ಚತ್ರಾಯ್ ಘೇಂವ್ಕ್ ಜಾಯ್? ದಾದ್ಲೊ ವಾಟ್ ಚುಕೊನ್, ಚೂಕ್ ಆಧಾರ್ಚ್ಯಾ ಪಯ್ಲೆಂ ಪತಿಣೆನ್ ಕಿತೆಂ ಕರುಂಕ್ ಜಾಯ್? ದಾದ್ಲೊ ದುಸ್ರ್ಯಾ ಬಾಯ್ಲೆಚ್ಯಾ ಸಹವಾಸಾಂತ್ ಆಸ್ಲ್ಯಾರ್ ತಾಕಾ ಸಾರ್ಕ್ಯಾ ವಾಟೆಕ್ ಕಶೆಂ ಹಾಡುಂಕ್ ಜಾಯ್? ಹೆಂ ಸಾಧ್ಯ್'ಗೀ?
ಆಪ್ಲ್ಯಾ ಪತಿನ್ ಆಪ್ಲ್ಯಾ ಶಿವಾಯ್ ಖಂಚಾಚ್ ಹೆರ್ ಸ್ತ್ರೀಯಾಂಕ್ ಕಾಮುಕಿ ನದ್ರೆನ್ ಪಳೆಂವ್ಕ್ ನಜೊ ಮ್ಹಣ್ ಪತಿಣೆನ್ ಚಿಂತ್ಚೆಂ ಸಹಜ್ ಜಾವ್ನಾಸಾ. ಆಪ್ಲ್ಯಾ ದಾದ್ಲ್ಯಾಂ ಥಂಯ್ ಅಸಲೆಂ ವ್ಯಕ್ತಿತ್ವ್ ಆಸೊಂಕ್ ಜಾಯ್ ಮ್ಹಣ್ ಚಿಂತ್ಚಾ ಸಂದರ್ಭಿಂ ಆಪುಣ್ ಕಿತ್ಲಿ ಭಾಗೆಂತ್ ಮ್ಹಳ್ಳ್ಯಾ ವಿಶಿಂ ಗುಮಾನ್ ದೀಂವ್ಕ್ ಜಾಯ್. ಜಾಯ್ತಾ ಸಂದರ್ಭಾಂನಿ. ದಾದ್ಲ್ಯಾಂನಿ ವಾಂಕ್ಡಿ ವಾಟ್ ಧರ್ಚ್ಯಾಕ್ ಪ್ರಮುಖ್ ಕಾರಣ್ ಸ್ತ್ರೀಚ್ ಮ್ಹಳ್ಳೆಂ ತಾಂಣಿ ಸಮ್ಜೊನ್ ಘೇಂವ್ಕ್ ಜಾಯ್. ಕಾಜಾರ್ ಜಾಂವ್ಚೆಂ ವೆಳಿಂ ಸರ್ವ್ ದಾದ್ಲೆ ಆಪ್ಲ್ಯಾ ಬಾಯ್ಲೆ ವಿಶಿಂ ಸೊಭಿತ್ ಆನಿ ವ್ಹಡ್ಲಿಂ ಸ್ವಪ್ಣಾಂ ದೆಕ್ತಾತ್, ತಶೇಂಚ್ ಬಾಯ್ಲೊಯೀ. ಆಪ್ಣಾಚಿ ಬಾಯ್ಲ್, ಆಪ್ಲ್ಯಾ ಕಷ್ಟಾ ದುಕಾಂತ್, ಆಪ್ಲ್ಯಾ ಘರ್ಚ್ಯಾ ಸಂಗಿಂ, ಇಷ್ಟಾ ಸಂಗಿಂ, ಆಪ್ಲ್ಯಾ ಪರಿಸ್ಥಿತೆಸಂಗಿಂ ಸುಲಭಾಯೆನ್ ಹೊಂದ್ವೊನ್ ವ್ಹರುಂಕ್ ಜಾಯ್ ಮ್ಹಣ್ ಸರ್ವ್ ದಾದ್ಲೆ ಆಶೆವ್ನ್ ಆಸ್ತಾತ್. ತ್ಯೆ ದೆಕುನ್, ಕಿತ್ಲ್ಯಾ ಗ್ರೇಸ್ತ್ ವ ಸುಖಾಚ್ಯಾ ಘರಾಣ್ಯಾ ಥಾವ್ನ್ ಏಕ್ ಸ್ತ್ರೀ ಕಾಜಾರ್ ಜಾವ್ನ್ ಆಯ್ಲ್ಯಾರೀ, ಪಯಿಲ್ಲೆಂ ಜಾವ್ನ್, ಘೊವಾಚ್ಯಾ ಘರ್ಚ್ಯಾ ವಾತಾವರಣಾಕ್ ಸುಲಭಾಯೆನ್ ಹೊದ್ವೊನ್ ಚಲೊಂಕ್ ಜಾಯ್. ಕಾಜಾರ್ ಜಾಲ್ಲ್ಯಾ ಉಪ್ರಾಂತ್ ಬಾಯ್ಲೆ-ಘೊವಾ ಮಧೆಂ ಬೋವ್ ಉಂಚ್ಲ್ಯಾ ರಿತಿನ್ ಆತ್ಮೀಯತಾ ಆಸೊಂಕ್ ಜಾಯ್. ದೊಗಾಂ ಆತಾಂಚ್ಯಾ ಕಾಳಾರ್ ಸಮಾಸಮ್. ಎಕಾಮೆಕಾ Ego ಸಮಸ್ಸೊ ಬಿಲ್ಕುಲ್ ಆಸೊಂಕ್ ನಜೊ. ಕುಟ್ಮಾಚ್ಯಾ ಯಶಸ್ವೆಚ್ಯಾ ಖಾತಿರ್ ಸಲ್ವಾಲ್ಯಾರ್ ವ ಲ್ಹಾನ್ ಜಾಲ್ಯಾರ್ ಕಿತೆಂಚ್ ಚೂಕ್ ನಾ! ಎಕಾಮೆಕಾ ಮೊಗಾ ಸಂವೆಂ ಗೌರವ್ ದೀಂವ್ಕ್ ಜಾಯ್. ಕಸಲೆಯೀ ಕಷ್ಟ್ ಆಯ್ಲೆ ತರ್ ಎಕಾಮೆಕಾ ಸೋಡ್ನ್ ಘಾಲ್ಚೆ ನ್ಹಂಯ್. ಎಕಾಮೆಕಾ ಕಠೀಣ್ ಉತ್ರಾಂನಿ ಹಿಣ್ಸುಂಕ್ ನಜೊ. ಬಾಯ್ಲೆನ್ ಘೊವಾಚ್ಯಾ ಕುಟ್ಮಾ ವಿಶಿಂ ಕೀಳ್ ಉಲಂವ್ಕ್ ನಜೊ ತಶೆಂಚ್ ಘೊವಾನ್ ಬಾಯ್ಲೆಚ್ಯಾ ಸಯ್ರ್ಯಾ ವಿಶಿಂ ಅಕ್ಮಾನೆಚಿಂ ಉತ್ರಾಂ ಉಲಂವ್ಕ್ ನಜೊ. ದೊಗಾಂ ಮಧೆಂ ಕೊಣೆಂಯೀ ಎಕ್ಲ್ಯಾನ್ ಚೂಕ್ ಆಧಾರ್ಲಿ ತರ್, ಎಕ್ಲ್ಯಾನ್ ತರೀ ತಿದ್ವುಂಕ್ ಅವ್ಕಾಸ್ ರಚುನ್ ಘೇಜಾಯ್. ಪರ್ತುನ್ ತಿಚ್ ಚೂಕ್ ಕೆಲಿ ತರ್, ಬಸೊನ್ ಉಗ್ತ್ಯಾನ್ ಹ್ಯೆ ವಿಶಿಂ ಉಲಂವ್ಕ್ ಜಾಯ್. ಹ್ಯಾ ಸಂಸಾರಾಂತ್ ಚುಕಿ ಆಧಾರಿನಾತ್‍ಲ್ಲೆ ಕೊಣೀ ನಾಂತ್. ದೊಗಾಂಯ್ನೀ ಎಕಾಮೆಕಾ ಭೊಗ್ಸುನ್ ಘೆಂವ್ಚೆ ಗೂಣ್ ರೂಪಿತ್ ಕರಿಜಾಯ್. ಬಾಯ್ಲ್ಯಾಂಕ್ ಇಲ್ಲೆಂ ಪುಣೀ ರಾಂದುಂಕ್ ಕಳಿತ್ ಆಸೊಂಕ್ ಜಾಯ್ ಆನಿ ದಾದ್ಲ್ಯಾಚೆಂ ಪಸಂದೆಚೆಂ ಖಾಣ್ ಜೆವಣ್ ರಾಮ್ದುನ್ ವಾಡುಂಕ್ ಜಾಯ್. ಆತಾಂಚ್ಯಾ ಕಾಳಾರ್ ದಾದ್ಲ್ಯಾಂಕ್ ರಾಂದುಂಕ್ ಆಯ್ಲ್ಯಾರ್ ಭಾರಿ ಬೊರೆಂ. ಕಳಿತ್ ನಾ ಜಾಲ್ಯಾರ್, ರಾಂದ್ತಾನಾ ಬಾಯ್ಲೆಕ್ ಇಲ್ಲಿ ಪುಣಿ ಕುಮೊಕ್ ಕರುಂಕ್ ಜಾಯ್.
ದಾದ್ಲೊ ಕಾಮಾ ಥಾವ್ನ್ ಘರಾ ಯೆತಾನಾ ತಾಕಾ ಮೊಗಾನ್ ಸ್ವಾಗತ್ ಕರುಂಕ್ ಜಾಯ್. ಭಿಚಾಣ್ಯಾರ್ ದೊಗಾಂಯ್ನಿ ಎಕಾಮೆಕಾ ಸಹಕರ್ಸುನ್ ಘೇಂವ್ಕ್ ಜಾಯ್. ಲೈಂಗಿಕ್ ತೃಪ್ತಿ ಮೆಳಾನಾತ್‍ಲ್ಲ್ಯಾ ವೆಳಾ, ಕಾಜಾರಾ ಭಾಯ್ಲ್ಯಾ ಸಂಬಂಧಾಂಕ್ ಅವ್ಕಾಸ್ ರೂಪಿತ್ ಜಾತಾ. ಅಶೆಂ ಇಡೆಂ ದೀಂವ್ಕ್ ನಜೊ ಆನಿ ದೊಗಾಂಯ್ನಿ ಎಕಾಮೆಕಾ ತೃಪ್ತಿ ಜೊಡುನ್ ಘೇಂವ್ಕ್ ಜಾಯ್. ತವಳ್ ತವಳ್ ಬಾಯ್ಲ್ ಆನಿ ಘೊವ್ ದೊಗಾಂಚ್ ಭಾಯ್ರ್ ಭಂವೊನ್ ಯೇಂವ್ಕ್ ಜಾಯ್.
ಆತಾಂ ಸಾಂಗಾ, ಹೆಂ ಸರ್ವ್ ವ ಥೊಡೆಂ ಪುಣೀ ತುಮಿ ಕರ್ತಾತ್‍ಗೀ? ಇತ್ಲೆಂ ಸಗ್ಲೆಂ ಕರುನೀ ತುಜೊ ಪತಿ ದುಸ್ರ್ಯಾ ಸ್ತ್ರೀಯೆಲಾಗಿಂ 'ಚಂಗಾಯ್' ಕರ್ತಾ ಮ್ಹಣ್ ಭೊಗ್ತಾಗೀ? ತುಜೊ ಪತಿ ತುಕಾ ಮೋಗ್ ದಿಂವ್ಚ್ಯಾಂತ್ ಧಖೊ ಕರ್ತಾ ಮ್ಹಣ್ ತುಕಾ ಭಗ್ತಾ ತರ್, ವ ತಶೆಂ ಆಸಾ ತರ್, ತೊ ಏಕ್ ಮಾನಸಿಕ್ ಪಿಡೆಕ್ ಒಳಗ್ ಜಾಲ್ಯಾ ಜಾಂವ್ಕೀ ಫುರೊ. ಆಪ್ಲ್ಯಾ ಘೊವಾಲಾಗಿಂ ಉಗ್ತ್ಯಾನ್ ಪುಣ್ ಮೊಗಾನ್ ಚರ್ಚಾ ಕರ್ನ್, ಯೋಗ್ಯ್ ಮಾನಸಿಕ್ ದಾಕ್ತೆರಾಲಾಗಿಂ ತಾಕಾ ಆಪವ್ನ್ ವ್ಹರ್. ದಾದ್ಲೊ ದಾಕ್ತೆರಾಲಾಗಿಂ ವಚೊಂಕ್ ಆಯ್ಕಾನಾಂತ್ ಜಾಲ್ಯಾರ್, ತಾಚ್ಯಾ ಲಾಗ್ಶಿಲ್ಯಾ ಮನ್ಶಾ ಥಾವ್ನ್ ತಾಕಾ ಸಮ್ಜಂವ್ಕ್ ಪ್ರಯತನ್ ಕರ್. ಥೊಡ್ಯಾ ಪಾವ್ಟಿಂ, ಥೊಡ್ಯಾ ದಿಸಾ ಉಪ್ರಾಂತ್, ಬಾಯ್ಲೆ-ಘೊವಾಚೊ ಸಂಬಂಧ್, ಪರಿಸ್ಥಿತೆಕ್ ಲಾಗೊನ್ ಸಮಾ ಜಾತಾ. ಚಡ್ತಾವ್ ಸಂದರ್ಭಾಂನಿ, ಕಾಜಾರಿ ಜಿಣ್ಯೆಂತ್ ಏಕ್ ಭುರ್ಗೆಂ ಆಸಾ ಜಾಲ್ಯಾರ್, ಆಪಾಪಿಂಚ್ ಸಂಬಂಧ್ ಬರೊ ಜಾತಾ ಆನಿ ಉರ್ತಾ.
ಏಕ್ ಕುಟಾಮ್ ಪಾಡ್ ರರ್ಚೆಂ ವ ಬರೆಂ ಕರ್ಚೆಂ, ಸ್ತ್ರೀಯೆಚ್ಯಾ ಹಾತಿಂ ಆಸ್ತಾ. ತುಜ್ಯಾ ದಾದ್ಲ್ಯಾಕ್ ಜಾತಾ ತಿತ್ಲ್ಯಾ ವರೆಗ್ ಸುಧಾರ್ಸುಂಕ್ ಪ್ರಯತನ್ ಕರ್. ಮರಿಯೆಕ್ ದೇಕ್ ಜಾವ್ನ್ ಕಾಣ್ಘೆವ್ನ್, ಸದಾಂ ತಿಚಿ ಮಜತ್ ಮಾಗ್ಚ್ಯಾ ಸವೆಂ, ಏಕ್ ಬೊರೆಂ ಭಲಾಯ್ಕೆವಂತ್ ಆನಿ ಆದರ್ಶ್ ಕುಟಾಮ್ ಬಾಂಧುನ್ ಹಾಡಾ. ಮಂಗ್ಳುರೀ ಕೀಸ್ತೀ ಕುಟ್ಮಾಂನಿ ಆಯ್ಚ್ಯಾ ದಿಸಾಂನಿ ಪಳೆಂವ್ಕ್ ಮೆಳ್ಚ್ಯಾ 'ಡಿವೋರ್ಸ್' ಸಮಸ್ಯಾ ಥಾವ್ನ್ ತುಮ್ಚಿ ಕುಟ್ಮಾ ಸಾಂಬಾಳಾ.
Tags:
Extra Marital Affairs, Tony Niddodi, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
2/27/2021 ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...
-
12/20/2020 ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...
-
12/6/2020 ಆಸ್ತ್ ........
-
11/25/2020 ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...
-
11/9/2020 ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...
-
10/17/2020 ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...
-
-
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
0 Comment/s.